الفصل الرابع

استيقظت كنزي من نومها وبحثت عن والدتها ولكنها لم تجد لها اي اثر بالفيلا وحقيبه ثيابها غير موجوده لمعت الدموع في عينيها وهي تحاول رفض ما يخطر بعقلها

الجميع جالس علي المائده يتناول الافطار ويتابعها بصمت ولا احد منهما يفهم كيف استطاعت هناء ترك ابنتها وخذلها بهذا الشكل جلست كنزي علي الدرج واخفت وجهها بين يديها وظلت تبكي رحلت والدتها مره اخري وتركتها!!!!

حركت سعاد براسها بحزن ثم اقتربت من كنزي وهتفت
اكيد هترجع تاني متخافيش

بكت كنزي وهي تجيبها وسط شهقاته
ليه مشيت وسابتني تاني انا معملتهاش حاجه تزعلها مني

هتف طارق ساخرآ
ماهي سرقت الدهب بتاعك خلاص هتقعد تعمل ايه بقي

وقفت كنزي وقالت وهي تتجه الي طارق
لا ماما مسرقتش حاجه

ليجيبها طارق باصرار
لا يا حبيبتي سرقت الدهب وانتي نايمه من غير ما تحسي امك مش بتحبك لا انتي ولا اخواتك جات هنا بس علشان مصلحتها واهي مشيت تاني

صرخت الصغيره به وهي تحاول نفي كلماته تلك ليقول جلال بجدية
طارق الكلام ده ميتقالش لعيله صغيره

نهض طارق وهو يزيح المقعد بيديه بغضب ويقول
خلاص خليها تزن علي امها وتاكل دماغنا
رحل طارق اما سعاد هتفت وهي تجذب الصغيره من يديها برفق
تعالي يا كنزي معايا

___________________

وفي الساعه الثالثه عصرآ فتح عينيه ونظر حوله باستغراب الغرفه غريبه عليه لاول مره يراها اعتدل من الفراش وظل ينظر حوله باستغراب نهض من الفراش ثم خرج من الغرفه وهو يتفحص المكان بعينيه وجد فتاه تغفو علي الاريكه اقترب منها ودقق النظر اليها انها الفتاه الراقصه التي راها في الملهي والرجل يصفعها!! والكثير من الاسئله تدور في راسه لما هو في هذا المكان وبرفقه تلك الفتاه؟!!
قام بهزها من ذراعيها فتحت ماهي عينيها ثم ضيقت بين حاجبيها واعتدلت في جلستها ليقول ايهاب بغضب مكتوم
انا ايه الي جابني هنا وانتي مين اصلا؟!! واحده تبع عمي جلال مش كده!! وطبعا استغليتوا اني سكران ومش في وعي ولعبتوا عليا لعبه و*** تانيه صح

حركت راسها بتساؤل وقالت بعدم فهم
جلال مين ولعبه ايه يا عم انت كنت سكران طينه ومش قادر تستند طولك والنهار طلع عليك هناك وانت في حالتك دي صعبت عليا اسيبك في شارع كده روحت جبتك شقتي بس دي كل الحكايه

ده انتي علي كده بتتعبي جامد بقي كل ما تلاقي حد سكران تروحي تجبيه شقتك
قال كلماته ساخرآ لتجيبه ماهي وهي تنهض من مكانها
هي دي شكرا بتاعتك يعني؟ طيب يا سيدي كتر خيرك اتفضل براه شقتي كده يلا

همشي يا اختي من غير ما تقولي بس هاخد الجذمه بتاعتي
هتف بها ايهاب بجمود وهو يتجه ناحيه غرفه النوم ثم تناول الحذاء وجلس علي الفراش وقام بارتدائه وعندما انتهي نهض وخرج من الغرفه ليجد ماهي تقف وتعقد يديها امام صدرها وضع ايهاب يديه في سترته يبحث عن شئ ما ثم قال ضاحكا
ايوه كده انا فهمت اطلعي يا حلوه بالفلوس الي خدتيها مني

فلوس ايه؟! انا مخدتش منك حاجه انت هتلبسني مصيبه؟
قالتها ماهي بعصبيه ليجيبها هو
لا بقي ماهو انا مش اهبل كان معايا في جيبي مبلغ وقدره اختفي بقي راح فين؟ اكيد انتي سرقتيه

تنهدت ماهي ثم هزت قدميها بانفعال وقالت
بص يا استاذ سيادتك كنت سكران طينه ومش حاسس بنفسك روحت وطلعت كل الي في جيبك واديته لواحد اسمه شوقي شغال في الكباريه لما طلب منك الحساب وقولته خد حسابك والباقي علشانك مش مصدقني روح اساله او ممكن تشوف الكاميرات الي هناك وهتلاقي كلامي صح جدا ودلوقتي ياريت حضرتك تتفضل براه شقتي

ضغط علي شفتيه ثم قال
هسال يا حلوه وهشوف الكاميرات وهتاكد ولو طلعتي انتي الي سرقتيهم مش هرحمك

غادر ايهاب الشقه وصفع الباب بقوه قلدت هي كلماته الاخيره وطريقته بسخرية

_______________

ضمتها سعاد الي احضانها وظلت تربت عليها حتي تتوقف عن البكاء قائله
بطلي عياط بقي اكيد ماما هترجع مره تانيه

حركت كنزي راسها بالنفي وقالت وسط بكاءها بتاكيد
مش هترجع انا عايزه اكلم ايهاب
قالت كلماتها الاخيره ثم ابتعدت عن احضان سعاد وتناول الهاتف وقامت بالاتصال باخيها وما ان وصل اليها رده صاحت باكيه
ماما سابتني تاني يا ايهاب عمو طارق قالي انها سرقت الدهب بتاعي ومشيت
انهي عبارتها تلك ثم ظلت تبكي بقوه ولم تتوقف دقيقه واحده

وعلي الناحيه الاخري اغمض ايهاب عينيه وهو يستمع الي صوت بكاءها ثم قال بخنق
لانها مش بتحبك انسيها بقي يا كنزي وخليكي مع سعاد هي بتحبك بجد ولا يمكن تسيبك زي هناء

محت الصغيره دموعها بكفه يديها وقالت
تعال يا ايهاب الفيلا انت ورامي بلاش تسيبوني زي بابا وماما

تنهد ايهاب وقال بهدوء
حاضر يا كنزي بس بطلي عياط ويلا روحي العبي مع ايتن وسالي

نهضت سعاد من جانبها ثم ذهبت الي غرفه المكتب الموجود بها جلال وقالت
مكنش مفروض تطردها كنزي فوق مموته نفسها من العياط

اما انتي يا سعاد امرك غريب هو مش انتي كنتي عايزه البنت ترجع لحضنك تاني؟
قالها جلال بنفاذ صبر لتجيبه وهي تجلس علي المقعد امامه
بس حالتها صعبه اوي وشايفه ان هناء سابتها واتخلت عنها وخلي بالك دي ممكن تيجي الفيلا في اي وقت وتقولك انك طردها

ابتسم جلال وقال بهدوء
متخافيش مش هيحصل ابدا هناء سرقت الدهب بتاع البنت وكانت كده كده هتهرب اصلا بس كانت هتيجي متاخر شويه انا بقي سهلتها وخليتها تيجي بدري متشغليش بالك بالموضوع ده وقربي من كنزي وخليها تتعلق بيكي اكتر وتنسي هناء دي خالص

___________________

دلف ايهاب الي الفندق ليجد رامي ممد علي الفراش ويشاهد التلفاز ولم يعطي اي اهتمام لـ ايهاب وكانه لم ياتي من الاساس

نزع ايهاب قيمصه وهو يقول
قوم لم هدومك ويلا علشان هنرجع الفيلا الست هناء سابت الفيلا ومشيت من نفسها شكلها شافت شوفه تانيه ولا حاجه

نهض رامي من مكانه ثم تناول ثيابه من الخزينه ودلف الي غرفه ما قام بتبديل ثيابه ثم خرج جهز حقيبته ثيابه ثم جذبها وتحرك بها اوقفه صوت ايهاب وهو يقول
اصبر اخد شور واجهز شنطتي انا كمان رايح فين لوحدك

تفحصه رامي ساخرآ تركه بالآمس الليل باكمله بمفرده ولم يفكر به والان يخبره ان يذهبوا سويآ الي الفيلا
لا ملهوش لازمه انا بعرف اروح لوحدي

انهي كلماته ورحل نفخ ايهاب بضيق انتبه الي صوت رنين الهاتف والشاشه تضئ باسم جلال هذه المره العشرون الذي يرن عليه جلال بعدما ارسل اليه رساله يخبره بها ان هناء تركت المكان في الصباح
القي قميصه الابيض علي الفراش ثم دلف الي المرحاض ولم يجيب جلال

_________________

تلهو الصغيره بصمت مع ايتن وسالي بحزن واضح علي ملامحها بالاضافه الي شرودها
يا كنزي يلا ده دورك
هتفت بها سالي ابنه عادل الصغري نهضت الصغيره وقالت
انا مش عايزه العب
انهت عبارتها ثم ركضت الي الجنينه لتقول رضوي وهي تحمل ابنتها الرضيعه علي ذراعيها
مش عارفه هناء دي قلبها حجر بشكل ده ازاي

اجابتها سعاد وعينيها معلقه علي كنزي التي تركض الي الخارج
بجد الدنيا دي غريبه اوي بتدي للي زي سعاد وبتحرم ناس تانيه تتمني بس ضفر عيل ان شالله يارب يكون مشوهه او في اي حاجه انا راضيه مش مشكله

تنهدت رضوي بحزن وهتفت
اكيد ربنا له حكمه في كده قولي الحمدالله وارضي بنصيبك يا سعاد

______________

جلست في الجنينة امام المسبح وهي تضع يديها علي خديها وتنظر امامها بصمت والدموع تلمع في عينيها والدتها تركتها ورحلت ببساطه!!

دلف رامي من البوابه وهو يحمل الحقيبه لمح كنزي اقترب منها وهو يقول
عرفتي بقي ان ماما مش بتحبك ولا عايزاكي اهي مشيت وسابتك تاني عادي

وبمجرد ان استمعت الي كلمات رامي وظلت تبكي بقوه ولم تتوقف لحظه واحده خرج صوتها بصعوبه وسط بكاءها
انا مش بحب ماما ولو جات مره تانيه مش هكلمها زيك انت وايهاب وهمشي معاكم

جلس رامي بجانبها ثم ضمها الي احضانه اكتشف ان حياتهم بعد وفاه والديهما اصبحت صعبه ومعقده كان يظن ان وجوده مع عمه سوف يحل كل شئ ولكن الامر لاسف ازدا سوء وخصوصآ تغير ايهاب اصبح شخص مخيف بنسبه له حتي نظراته
_______________

توقف بسيارته امام شركه G.A.T لاستيراد والتصدير هبط وهو يضع علي عيناه نظاره الشمس السوداء دلف الي داخل الشركه متجهآ الي مكتب جلال تحديدآ ...

وبداخل مكتب جلال

هتف طارق وهو يستمع الي كلمات اخيه الاكبر
الواد ده ناوي يعمل مبلغ محترم ويدفع الشيكات الي مضي عليه

اجابه جلال وهو يشعل سيجارته
ايهاب مش بالغباء ده لان حتي لو خلص من الشيكات لسه في الفيديو بتاعه مع تمارا والفيديو التاني وهو بيقتل

قال عادل وهو يفكر ويحاول الوصول الي ما يفكر به ايهاب
طب ما يمكن عايز يعمل فلوس وتبقي خاصه بيه

هي شغلانه ماهو عمل وخد كام عمليه لحسابه كل ده مش مكفيه؟
هتف بها طارق بانفعال مكتوم

يا ايهاب بيه مينفعش كده لازم ابلغ جلال بيه الاول
قالتها السكرتيره عندما دلف ايهاب غرفه المكتب دون ان تسمح له

نزع نضارته الشمسيه عن عينيه وقال
بلغ السكرتيره اني مش محتاجه اذن علشان ادخل مكتب عمي

اشار جلال براسه الي السكرتيره ان تغادر وعندما رحلت قال طارق وهو ينظر الي ايهاب من اسفل الي اعلي
عامل قلق ومشاكل ليه؟ مش هتخرب الدنيا لو كنت استنيت دقيقه لحد ما ساندرا تبلغ جلال

ابتسم ايهاب ببردو وقال
لما اكون واحد غريب هبقي استني لكن انا داخل شركتي ومكتب عمي يعني مش محتاج اذن

شركتك؟!!
قالها طارق باستغراب كبير

اه هو انا مش شغال معاكم تبقي دي شركتي
هتف بها ايهاب ببساطه وهو يجلس يضع قدم فوق الاخري ثم قال الي جلال
ولا حضرتك يا عمي ليك راي تاني؟

حرك راسه بالنفي وقال بهدوء
لا انت معاك حق دي شركتك زي ما هي شركتنا وساندرا انا هخصملها اسبوع علشان اتعاملت معاك علي انك واحد غريب وكانت عايزاك تستني لحد ما تديني خبر

عقد حاجبيه وهو يقول
اسبوع قليل شهر كويس لان اسلوبها معايا معجبنش

نفخ طارق بضيق لا يستطيع تحمل ما يحدث امامه وعادل يتابع ما يحدث وبداخله غير راضي

حاضر ممكن تفهمني بقي مش بترد علي مــ
قال تلك العباره جلال ولكن ايهاب لم يمهله الفرصه حيث قاطع حديثه هاتفآ
اطلب السكرتيره وبلغها انه اتخصم منها مرتب شهر كامل علشان الي عملته معايا

نهض طارق وهو يقول بانفعال
لا بقي كده كتير في ايه يالا مالك شايف نفسك ومنفوخ علي ايه؟ نسيت الحاره الي كنت عايش فيها

قام عادل بتهدئه طارق اما جلال يتابع رد فعل ايهاب الذي قال بتفكير وهو يقوم بتعديل رقبه قميصه
انا نسيت ايه النهارده؟ حاسس نفسي نسيت حاجه ااه افتكرت نسيت اقرا الفاتحه علي روح ريم اصل قصتها مؤثره اوي يا طارق من يوم ما حكتلي الي حصلها وانا بقرالها الفاتحه كل يوم

ثم تابع وهو يصدر تنهيده واغمض عينيه ويرفع يديه الي اعلي ويقول كلمات بصوت هامس غضب طارق وعينيه لمعت بالشر واقترب من ايهاب ثم قام بلكمه بقوه فتح ايهاب عينيه ثم ضغط علي اثر اللكمه بعدم رضا اطلاقآ ليجد في انامله اثر للدماء ضغط علي شفتيه وابتسم ساخرآ وعادل يحاول ان يبعد اخيه طارق عن ايهاب اما جلال يتابع ما يحدث باعجاب ويبتسم

نهض ايهاب وبادله الضربه وحدث بينهما شجار وكلاهما يضرب الاخر بل توقف وعادل يحاول ان ينهي هذا الشجار ويصرخ بجلال
انت هتفضل تتفرج كده؟ الاتنين هيموتوا بعض

واخيرآ تكرم جلال ونهض من مكانه ثم اخرج من سترته المسدس وقال بزعيق
الهبل الي بيحصل ده لو مخلصش هخلص عليكم انتو الاتنين احنا مش قاعدين في حضانه

ابتعد طارق عن ايهاب وهتف بعصبيه
ايهاب يا حبيبي هو الي هيخلص علينا كلنا واحد واحد والامبراطوريه الفظيعه بتاعتك الي خايف عليها هياخدها هو لحسابه بكره وبعده هتفهم انك قد ايه كنت غبي يوم ما دخلت ايهاب وسطنا

انهي عبارته ثم رحل اما ايهاب هادي تمامآ يمحو الدماء من وجهه ويعدل ثيابه ليقول عادل
استفادت ايه يا ايهاب؟ مالك انت بموضوع ريم بتجيب سيرته ليه

ايهاب بهدوء تام
امال عايزني اسمعه بيغلط فيا واسكت

روح دلوقتي يا عادل شوف طارق وسيبني انا وايهاب لوحدنا
قالها جلال وهو يضع المسدس في سترته

جلس ايهاب علي المقعد وقال
قبل ما نتكلم تطلب السكرتيره وتجيبها هنا وتبلغها ان مخصوم ليها شهر بسبب الي عملته معايا

لالا بجد انت مش طبيعي. قالها عادل وهو ينظر الي ايهاب بدهشه كبيره ثم رحل

جلس جلال علي المقعد امام ايهاب وقال
سيبك من موضوع السكرتيره وخلينا نتكلم كلمتين مع بعض اولا مينفعش انت وعمك تمسكوا في بعض كده

اخوك الي بدا واكيد انا مش هضرب واسكت يعني وبعد اذنك آجل اي كلام لحد ما تطلب السكرتيره وتبلغها قدامي

زفر جلال بغضب مكتوم ثم نهض من مكانه ثم قام بالضغط علي الهاتف الموجود علي المكتب وقال
ساندرا هاتي ورق مصانع الالبان وتعالي فورآ
_________________

وفي المكتب الخاص بطارق
يقوم عادل بتمرير القطنه المبلله علي وجهه اخيه قائلا
انت بردو غلطان يا طارق ازاي تحكيله عن موضوع ريم

صرخ طارق بانفعال
كنت مغفل ال ايه كان صعبان عليا

ايهاب مش سهل وخطر علينا كلنا واول واحد جلال الي عاجباه عمايله

ضحك طارق وهو يقول
اخوك هو الي عمل ايهاب وحوله لكوبي منه بس بكره الكوبي ده اول واحد هيدوس عليه هو جلال وهتشوف ايهاب هو الي هيخلص القديم كله

______________

اكتست ملامحها بالحزن وهي تستمع الي كلمات جلال وهو يخبرها ان راتب شهر تم خصمه بسبب انها رفضت دخول ايهاب

بررت هي موقفها
والله يا جلال بيه مكنش قصدي انا متعوده اي حد بيكون عايز يدخل لحضرتك ابلغك قبلها حتي عادل بيه وطارق بيه ببلغك قبلها

حصل خير بلا روحي كملي شغلك
قالها جلال بجمود لتقول هي بحزن وحسره
خير ايه بس وانا ضايع عليا شهر مرتب

ثم تابعت وهي تنظر الي ايهاب الذي يجلس بشموخ يضع ساق فوق الاخري ويتابع ما يحدث باستمتاع كبير
قول حاجه يمكن جلال بيه يسمع لحضرتك ويتراجع في قرار الخصم

ابتسم ببرود واضح ثم قال
انا الي طلبت انه يتخصملك شهر ولو فضلتي واقفه قدامي كده كتير هيبقوا شهرين