فى بعض الأحيان تكون أن السبب فى إذاعة خبر موتك لكى ، وتختفى بعدها لكى تخطط لشئ ما ، هذا ما فعله جابر بالأتفاق مع أحمد الحارونى ، قرر أن يختفى لكى يعرفون من هم الأشخاص الذين يحاولون اختراق جميع الشركات ، أختفى جابر ما يقرب من العام ولكن حدث ما كان يتوقع وكان يخططله ، وهو أن يتم خطف ريهام الحارونى لمساومة أحمد بها وقد حدث هذا بالفعل ولكن ليست ريهام فقط فقد كان معها مريم الصفوانى واحدة من الورثة فى مجموعة شركات والدها الدكتور سعيد الصفوانى ، ولكن بسبب ما كان يخطط له جابر تم ايجاد الفتيات فى خلال ساعات قليلة وهذا ما افسد خطة هؤلاء الأشخاص المجهولين ...
بعدها عرف سعيد كل شئ حينما جلس مع جابر وعلم بأنه هو نفسه مستر آدم شريكه فى الشركات الأجنبية ، أما عن أحمد الحارونى فقد علمت أخته باللعبة اىتى كانوا يرسموها عليها طوال تلك الفترة ولكنهم اتفقوا ان يظل هذا الأمر سرا حتى يظهر جابر مرة أخرى ولكن لابد وأن يكون لظهوره ضجة كبيرة ...
على الجانب الأخر كان هناك خلاف كبير بين مصطفى وأخته بسبب أنه رآها فى الكافيتريا بصحبة معتز وبعدها طلب منه معتز الزواج منها وبعد تفكير كبير من مصطفى وضغط من والده عليه فقد صالح أخته وعرض عليها أمر الزواج من معتز ووافقت عليه ..
بيما سعيد فقد رجع إلى فيلا بنات عمه مرة أخرى وجلس مع المتر شريف وابلغه أنه يعرف مستر آدم ولكن لا ينبغى عليه أن يبوح بكلمة واحدة الآن وإذا أراد معرفة شئ فعليه بمحادثة مستر آدم نفسه ...
كان هناك ضابط بالمديرية لا يريد اغلاق قضية أسامة ضد مجهول فكان يطلع على كل شئ حتى وجد كاميرات مراقبة وأخذ نسخ منها وها هى المفاجأة فقد ظهرت سيارة سعيد بنفس المكان الذى قتل فيه الدكتور سعيد بالاسكندرية ، وظهر سعيد نفسه فى فيلا أسامة فى نفس الوقت الذى قتل فيه فقام سريعاً الضابط بأتهام سعيد بمقتل عمه واسامة النميرى ، ولكن حينما تحركت الشرطة كان سعيد قد أختفى تماما ولا يعرف عنه أحدا شئ ، فأين ذهب ومن الذى اخبره بكل هذا ، وأين هو الأن ....
كان الباشا جالساً مع كمال المساعد الخاص به يتحدثون حول كل ما تم التخطيط له وحول الفشل الذى حل بهم فى كل خططهم التى افسدها لهم آدم ولكنهم حتى الآن لايعرفون من هو الذى افسد تلك الخطط ولكنهم اتفقوا على أن يهدأو قليلا ويشاهدون الأمر من بعيد
بينما بنات الدكتور سعيد كانوا يجاسون بالفيلا يتحدثون عن كل شئ وفى لحظة ما كانوا يبحثون عن صورهم مع بعض ففتحوا الدولاب الخاص بوالدهم فوجدو صندوق قاموا بفتحه وجدو به اوراق بيع كل ممتلكات الدكتور سعيد لبناته ، وهذا يعنى أن سعيد لم يكن له ميؤاث من الأساس ولكن تلك العقود مانت غير موقعة فهى لم تسجل بالشهر العقارى ، ولكن حدث نبأ إتهام سعيد بقتل عمه مما جعل لمياء تتحدث مع مصطفى واخبرها بأن تخبئ تلك الامر الأن فأذا خرجت ورقة واحدة منهم سوف يحكمون بأنفسهم على سعيد بالأعدام فهذا يجعل كل الأدلة ضده ، وقررو يخفون الأوراق ويفهمو كل شئ من المتر شريف .. بالأخص ان لمياء كانت تعلم ببراءة سعيد ولا تشك في ذلك
على الجانب الأخر كان يجلس أحمد الحارونى مع جابر لكى يطلعه على كل ما هو جديد وحول أمر إتهام سعيد واختفاءه ....

_ ايه اللى حصل يا جابر
= انا لسه قافل مع المتر شريف وحكالى كل اللى حصل
_ وانت ايه رائيك فى الكلام ده
= الموضوع من الأول للأخر تلفيق
_ انا عاوز دليل براءة سعيظ
= وهنجيب الدليل ده من فين
_ انا متاكد ان انت معاك دليل براءته
= ومين قالك الكلام ده
_ يا جابر احنا مش هنلف وندور على بعض كتير
= اهدى يا احمد وخلى الدليل ده اخر كارت نلعب بيه
_ يعنى انت معاك دليل براءة سعيد
= ايوه طبعا معايا الدليل
_ طب مستنى ايه
= لازم نوصل للورق اللى كان مع اسامه الأول وبعد كده انا هخرج سعيد
_ وانت ايه اللى مخليك متاكد ان الورق مع سعيد
= سعيد لسه موصلش للورق بس هو الوحيد اللى عنده طرف الخيط اللى هيوصلنا للورق
_ ممكن اسألك سؤال وتجاوبنى بصراحه
= اتفضل اسأل يا أحمد
_ ايه طبيعة الشغل اللى كانت بينك وبين الدكتور سعيد والمتر شريف
= معلش يا احمد مش هقدر اجاوبك على السؤال ده
_ بعد كل اللى عملته معاك لسه مش واثق فيا
= الحكايه مش حكاية ثقه ، ده عهد وقسم
_ طب هسألك سؤال تانى سعيد ليه علاقه بشغلك ولا لأ
= المفروض سعيد يحل محل عمه بس لسه فى الوقت المناسب لكن لحد دلوقتى ميعرفش اى حاجه عن الشغل بتاعنا
_ طب هنعمل ايه دلوقتى فى موضوع سعيظ
= متخافش الموضوع كله فى ايدى وفى الوقت المناسب انا هتصرف
_ طب انت عارف مين اللى قتل اسامه
= مش كلهم
_ ازاى يعنى
= اللى قتل اسامه 3 اشخاص اتنين بالسم وانا عارف واحد منهم والتالت ضربه بالنار بس برضه مش عارف مين اللى بعت الشخص اللى نفذ
_ وانت عرفتهم ازاى
= متسألش كتير يا أحمد لأنى مش هقدر اجاوبك
_ ماشى يا دياب وانا هكتفى بالكلام اللى قولته
= ايه اخبار الدنيا فى البلد عندك
_ عادى مفيش جديد
= ايه اخبار سليم ابنك
_ هو ده اكبر مشكله فى حياتى
= معلش يا احمد استحمل شويه
_ المشكله انى شايف فى عيونه نظره كلها كره ليا
= قريب لما اظهر وكل الناس تعرف انك مظلوم كل ده هيتغير وكل الناس هتعرف الحقيقه
_ فى حاجه اخيره عاوز اطلبها منك
= حاجة ايه يا احمد
_ عاوزك تسامح امى على اللى حصل زمان
= صعب اوووووى الطلب ده يا احمد
_ خلينا ننسى كل الماضى ونبص للمستقبل
= الماضى اللى انت بتتكلم عنه ده كأنه حاجه بسيطه ممكن تتنسى بالساهل ده انا شوفت فيه كل المرار ومش انا لوحدى لا ده كمان امى وابويا شافوا الويل بسببه ، امى اللى ماتت بسبب كلام امك ليها ولا يوم ما روحت انا وابويا للكلب عاصى علشان نصفى الامور وطردنا انا وابويا يومها شوفت الكسره فى عيون ابويا بس كان بيقاوم ومش بيبين قصادى ولا يوم ما مات ابويا وروحت لعاصى علشان يدفن ابويا وبرضه طردنى
_ طب انت ناوى على ايه
= متخافش على امك انا مش هقدر اعملها حاجه علشان خاطرك انت وريهام بس برضه لو انطبقت السماء على الأرض مش هصفى من ناحيتها
_ طب هتتجوز ريهام ازاى وانت مش صافى لأمى
= جوازتى من ريهام حاجه وعلاقتى بأمك حاجه وعمرى ما هغصب ريهام على اى حاجه ولو مش عاوزه تتجوزنى براحتها لكن امك تبعد عنى
_ تفتكر ريهام هتبقى مرتاحه بالوضع ده
= ده قرارها الشخصى وبعدين الكلام ده سابق لوقته احنا لسه معانا حرب ومش عارفين هنخرج منها ولا هنموت فيها
_ متخافش هنرجع
= هو انت فاكر انى بخاف من الموت على رأى صلاح جاهين : ده اللى يخاف من الوعد يبقى عبيط
_ عندك حق
= انا مش خايف من الموت بالعكس كلنا مسيرنا هنموت بس المهم ان احنا نموت بشرف نموت واحنا راضيين عن الحياه اللى احنا عايشنها ابويا زمان قالى بيت شعر لأحمد شوقى ومن وقتها كل شويه افكر نفسى بيه
_ بيت ايه ده
= قف دون رائيك فى الحياة مجاهدا .... ان الحياة عقيدة وجهاد
_ عندك حق
= لازم يكون عندك عقيده تدافع عنها وتحميها بدمك على الأقل يوم ما تموت ضميرك يبقى مستريح

فى وسط حديثهم رن هاتف جابر فنظر للمتصل كان مصطفى العصار رد عليه
_ ازيك يا مصطفى
= عرفت اللى حصل لسعيد
_ ايوه عرفت احمد الحارونى عندى وحكالى كل اللى حصل
= طب والحل ايه دلوقتى
_ لازم نوصل لسعيد ونفهم منه الأول وبعدين نشوف ايه اللى ممكن يتعمل
= يعنى انت مش عارف مكان سعيد
_ انا لسه كنت هطلبك علشان اشوفك عارف هو فين ولا ايه بالظبط
= ماشى يا جابر على العموم الحاجه اللى انت بعتهالى وصلت
_ تمام يا مصطفى ، معلش هقفل دلوقتى علشان معايا شغل مهم
= مع السلامه
بعدما أغلق جابر المكالمة نظر إليه أحمد وقال ..
_ مصطفى كان عاوز ايه
= كان فاكر ان انا مخبى سعيد
_ يعنى مصطفى كمان ميعرفش مكان سعيد
= من الواضح كده لا ميعرفش
_ هيكون راح فين ده كمان
= متقلقش سعيد حبايبه كتير وهيعرف يتصرف
_ طب هسيبك انا عشان معايا شوية مشاوير لازم اخلصهم
= انت هترجع البلد امتى
_ لا مش هينفع اسيب القاهره دلوقتى
= طب لو عرفت اى حاجه بلغنى
_ تمام
ذهب أحمد الحارونى لكى يتابع اعماله بينما جلس جابر يعيد حسباته ويراجع الأمور كيف ستسير دخلت عليه ليندا وهو جالس فسألته ..
_ فى جديد
= لا مفيش جديد احمد كان جاى يفهم ايه اللى بيحصل
_ تمام ، المتر شريف طالب مقابله
= جيه فى وقته كلميه خليه يكون عندى حالا
_ فى خطر كبير كده لو كان فى حد مراقبه
= ابعتيله الرجاله وخلى حد تانى يراقب الطريق ويلف بيه لفه فى شوارع المقطم علشان لو فى مراقبه تتكشف
_ حاضر يا جابر
= ايه اخبار الضيف بتاعنا
_ كله تمام متخافش موجود دلوقتى فى مكان آمن جدا بس هو قلقان شويه من اللى بيحصل
= معلش هانت
_ وبابا كلمنى من شويه
= فى حاجه حصلت هناك
_ لا مفيش غير ان البيرت واستر بيفتشوا وراك وعاوزين يعرفوا انت مين
_ خليهم يتشغلوا فى الموضوع ده لحد ما نفاجئهم بالضربه القاضيه
= بس استر يعقوب حاجه مش ساهله
_ بس متنسيش ان احنا سابقينها بخطوات كتير ده غير ان احنا عارفين عنها حاجات كتير جدا فى نفس الوقت اللى هى متعرفش فيه عننا اى حاجه
= برضه مش متطمنه
_ خايفه
= اخاف ازاى وانا جمبك
_ امال مالك
= خايفه عليك من اللى انت ناوى تعمله ياجابر انا مليش غيرك فى الدنيا دى ومش هستحمل اى حاجه تحصلك ، انا سيبت الدنيا كلها ورضيت اعيش فى سجن كل حاجه فيه بحساب ومستعده اعيش عمرى كله فيه بس ابقى جمبك
_ خلاص هانت كلها شويه ونخرج كلنا بره السجن ده
= وتفتكر احمد الحارونى هيوافق على اللى انت ناوى عليه
_ زمن الإختيار عدى وفات احمد مفيش قصاده غير الموافقه على كل اللى هيحصل
= متنساش انك بتدمر كل اللى كان بيخططله طول السنين اللى فاتت
_ عارف كل اللى بتفكرى فيه وعامل حسابه كويس وعلشان اريحك من كل الأسئله اللى بتدور فى دماغك ومش عارفه اجابتها كل اللى انا بعمله ده علشان احمى احمد من الورطه اللى ورط نفسه فيها ومش عارف عواقبها
= ازاى بقى وانت بتدمر كل الشغل اللى احمد عمله طول السنين اللى فاتت
_ احمد الحارونى فاكر نفسه بقى مسيطر على العالم لكن الحقيقه عكس كده
= ازاى يعنى
_ المنظمه اللى احمد الحارونى فاكر انه الملك بتاعها دى ستاره لناس تانيه خالص ومجرد ما احمد يخلص دوره هيتقتل ويظهر الملك الحقيقى للمنظمه
= ومين الملك الحقيقى ده
_ بعدين هتعرفى
= طب انت عرفت من فين الكلام ده كله
_ لو ركزتى شويه فى الأحداث اللى بتحصل الأيام دى هتعرفى ان فى ناس كل همها تدمر احمد الحارونى ويدمرونى انا كمان واكبر دليل على كده خطف ريهام ومريم والمشاكل اللى بتحصل فى اى شركه انا عضو فيها
= كلامك منطقى بالنسبه لأحمد الحارونى لكن ليه يدمروك انت كمان
_ علشان انا مانع الناس دى من دخولهم فى اى شركه من شركاتنا وواقفلهم زى اللقمه فى الزور بس الفرق بينى وبين احمد ان احمد هما عارفينه وعارفين نقط ضعفه وازاى يسيطروا عليه لكن انا محدش يعرف عنى اى حاجه انا بالنسبالهم شبح محدش شافه ولا عارف هو مين كل اللى يعرفوه الشركات اللى انا عضو فيها وبيحاولوا يدمروها
= انا كده فهمت بس كده خوفى عليك زاد اووووى
_ متخافيش عليا يا حبيبتى
= بقالك كتير مقولتليش يا حبيبتى
_ ليه انتى مش عارفه انا بحبك قد ايه
= بس انت بتحب ريهام اكتر منى
_ انا بحبكم انتوا الاتنين زى بعض
= تفتكر ريهام هتوافق على موضوع جوازنا
_ انا مش هستغنى عنك مهما حصل ولو ريهام مش هتوافق براحتها
= انا بحبك اووووى يا جابر
_ وانا بعشقك يا روح قلب جابر ، انا هسيبك دلوقتى واطلع أخد دش وانزل على ما المتر شريف يوصل
تركها جابر وذهب يستحم وبعدها اعد اوراقه وهئ كل شئ وفى غضون ساعة نصف كان قد وصل المتر شريف وجلس لكى يتحدث مع جابر أو كما يعرف المتر شريف أن أسمه آدم فالمتر شريف لايعرف شخصية آدم الحقيقية ولا يعرف شيئاً عن جابر كل ما يعرفه فقط أن ادم هو من أشترى أسهم جابر بشركات الدكتور سعيد وبعدها حينما تعامل معه كان جابر قد غير فى شكله فلم يتعرف عليه المتر شريف .. جلس المتر شريف ليتحدث معه
_ ازيك يا مستر ادم
= ازيك يا متر ايه الاخبار فى الشركه
_ الدنيا فى الشركه مقلوبه بسبب موضوع سعيد
= متقلقش كلها شوية وقت والناس هتنسى
_ اموت واعرف مين اللى لحق يبلغه بموضوع النيابة اللى جاية تقبض عليه ، فى الوقت ده وهو اختفى راح فين ، الطريقه اللى هرب بيها سعيد بتخلينى اشك فيه
= انت عندك شك فى ان سعيد قتل عمه
_ فى الأول كنت واثق فى سعيد لكن دلوقتى الشك دخل فى قلبى
= وانا بأكدلك يامتر أن سعيد برئ
_ وحضرتك جايب الثقه دى كلها من فين
= ده شغلى انا يا متر انا اعرف كل حاجه عن الناس اللى بتشتغل معايا وسعيد ده انا عارفه من اكتر من 15 سنه
_ دى حاجه انا كمان مستغربها حضرتك بتقول انك عارف سعيد من زمان وبرضه حضرتك كنت بتشتغل مع الدكتور سعيد الله يرحمه بقالك أكتر من سنتين بعد ما اشتريت الأسهم من جابر الشريك القديم اللى كان مشارك المرحوم وطول السنتين اللى فاتوا مقولتش اى حاجه للمرحوم عن سعيد ولا ان عنده ابن اخ فى البلد
= لانى ببساطه مكنتش اعرف كل القصه اللى حصلت زمان وعلاقتى كانت بسعيد علاقه سطحيه بس كان كل الناس بتحبه
_ يعنى حضرتك متأكد ان سعيد برئ
= زى ما انا متأكد انك قاعد معايا
_ طب هنعمل ايه دلوقتى
= اتصرف طبيعى جدا وشوف شغلك بس عاوزك تركز مع عاصم الشناوى لانه اكيد فى الفتره اللى جايه هيعمل حاجات كتير
_ حاضر
= عملت ايه فى الورق اللى اتسرب من مكتبك ووصل لسعيد
_ لحد دلوقتى مفيش جديد
= لازم تكشف الثغره اللى عندك
_ متخافش انا مركز دلوقتى مع كل الناس اللى بتشتعل عندى وكمان حطيت كاميرات فى مكتبى
= اتمنى ان اللى حصل ميتكررش تانى
_ حاضر
=بسبب اللى حصل ده هنضطر نكشف كل الورق لسعيد قبل المعاد
_ مسيره كان هيعرف
= يعرف لما انا اقرر انى اعرفه واتأكد انه هيقدر يشيل المسئوليه اللى كان شايلها المرحوم
_ معلش غلطه مش مقصوده
= ياريت متتكررش تانى
_ ممكن اسأل حضرتك سؤال
= اتفضل
_ انت اللى مخبى سعيد
= ليه بتقول كده
_مش عارف بس عندى شك فى كده
= لا مش انا اللى مخبيه
_ يبقى اكيد عارف عنه حاجه
= لا معرفش عنه اى حاجه ولا اعرف مين اللى بلغه ولا هو مستخبى فين بس كل اللى انا متأكد منه ان سعيد حبايبه كتير وفى مليون واحد يتمنى يخدمه
_ تمام ، عاوز حاجه تانى حضرتك
= عاوزك تفتح عنيك فى الشركه وتاخد بالك من دبة النمله
_ حاضر عن اذنك
= اتفضل يا متر

مرت أربع ايام على تلك الخادثة كانت الصحف كلها تتحدث عن تلك الامر واختفاء قاتل الدكتور سعيد ورجل الأعمال أسامة النميرى وكل الأقصر والقاعرة يتحدثون فالأمر ....