الفصل السابع والعشرون

بعدما مر المتر شريف على الموظفين لكى يتعرف عليهم سعيد ويعرفون رئيس مجلس الإدارة الجديد ، ذهبوا بعدها إلى إجتماع مجلس الإدارة وهذا الإجتماع كان قد بدأ وحينما دخلوا اوقفوا الأجتماع وتعرف الجميع على سعيد ثم بعدها بدأ الأجتماع مرة أخرى
بدأ الكلام عاصم
_ احنا كده اتفقنا على كل حاجه بس باقى موضوع واحد
رد عليه سعيد
= موضوع ايه يا دكتور عاصم
_ موضوع الارض اللى الدكتور سعيد اشتراها قبل ما يموت علشان يعمل عليها مصنع التعبئه
= مالها الارض دى
_ من يوم ما اشترينا الارض دى معملناش بيها اى حاجه
نظر سعيد للمتر شريف ثم اتبع
= ليه يا متر كده
_ الارض دى اشتراها المرحوم قبل ما يموت علشان يعمل عليها المصنع بس بعد موت الدكتور سعيد كل حاجه وقفت
= و ليه وقفت
_ وقفت علشان السيوله بعد موت الدكتور سعيد وتوزيع التركه اصبح مفيش سيوله نبنى بيها المصنع السيوله اللى عندنا يادوب نمشى بيها شغلنا مفيش قصادنا غير اننا ناخد قرض من البنك ونعمل المصنع
= لا يا متر شوفلنا خل تانى غير موضوع القروض ده
رد عاصم متدخلا بسرعة رهيبة
_ انا عندى حل شركة الفا العالمة كلمونى ومستعدين يدخلوا معانا شركاء فى المصنع احنا بالارض وهما بالمبانى والمعدات قصاد نسبة 50 %
= ايه رائيك يا متر
_ هى فكره كويسه بس محتاجه دراسه خصوصا ان الشركه دى عرضت على الدكتور سعيد قبل كده انهم يشتروا اسهم فى المجموعه وهو رفض
= و رفض ليه يا متر
_ معرفش هو رفض بدون ابداء اسباب
فرد عليهم مهندس متواجد معهم اسمه توفيق
_ تسمحولى اتكلم
فأذن له المتر شريف بالحديث
_ اتكلم يا توفيق
_ انا شايف ان دى فرصه مش هتتعوض ومش هنخسر منها بل العكس تماما احنا هنعمل المصنع على حسابهم بس بشروطنا احنا ده غير ان احنا مسئولين عن الاداره
فأتبع مؤكدا كلامه الدكتور عاصم
_ عندك حق يا توفيق هاه ايه رائيك يا متر
_ ادينى وقت افكر كويس وبعد كده ارد عليكم
رد عليهم سعيد بعدما فهم كل شخصا منهم
= هو المصنع ده هيكلف كام
_ دراسة الجدوى اللى اتعملت بتقول ان التكلفه من 50 مليون دولار ل 60 مليون دولار
= ده هيكلف جامد
قالها سعيد ليعرف ما فى جوف عاصم الذى رد عليه قائلا
_ علشان كده انا بقول ان منضيعش الفرصه اللى فى ايدينا
فصدمه سعيد برده الذى جعل عاصم جالسا يفرك بكرسيه
= انا رافض الفرصه دى نهائى وغير قابله للنقاش مره تانيه
_ ليه بقى رافض انت تعرف ايه عن شغلنا علشان ترفض
= انا جايز معرفش حاجه عن شغلكم بس اللى انا متاكد منه ان عمى عنده حق فى قراره لما رفض يشارك الناس دول وانا هسمع كلام عمى من غير نقاش لان ده شغله وهو ادرى واحد بيه احنا هنعمل المصنع من غير شركاء ولا حتى قروض
_ ازاى ده بقى
= ازاى ده اختصاصى انا وانا المسئول قصادكم على الموضوع ده
رد المتر شريف بعدما فهم ما يدور بداخل سعيد
_ خلاص نقفل الموضوع ده مؤقتا لحد ما نشوف ايه اللى ممكن يتعمل
= فى حاجه اخيره
_ خير يا سعيد
= ايه اللى حصل فى موضوع المهندس يونس اللى كان مسئول عن مشروع وزارة الاسكان
رد المتر شريف
= انا حققت معاه ونزلته درجه وعينت مكانه المهندس يوسف
_ يعنى التحقيق اثبت انه مهمل
= هو كان بيمر بظروف صعبه ومكانش فى كامل تركيزه
_ ا نا بسأل سؤال واضح هو مهمل ولا مش مهمل
= مهمل
_ يبقى يتحول للنيابه النهارده
= بس يا سعيد
قاطع سعيد المتر شريف قبل ان يكمل كلامه
_ مفيش بس يا متر الاهمال عندى زيه زر الخيانه بالظبط ومن النهارده مش هسمح بأى تقصير فى الشركه
رد عاصم بعدما سكن الخوف بداخله فربما يعترف عليه يونس بعدما يتحول إلى النيابة
= بس المهندس يونس بيشتغل فى الشركه بقاله كتير وعمره ما غلط غلطه واحده
_ احنا هنا بنشتغل فى ارواح الناس سواء فى شركة المقاولات او المستشفيات او شركة الادويه الغلطه الواحده فيهم بتضيع فيها حياة الناس تقدروا تقولولى لو كان المشروع كمل واتسلم بالكوارث اللى كانت فيه ايه النتيجه انا عاوز اسمع رائيك يا دكتور عاصم
_ العماير كانت هتوقع على السكان
= يعنى كان فى ناس هتموت ما بين اطفال وشباب وستات وعواحيز ده غير اللى هيتشرد واللى ممكن يعيش بعاهه كل دى مصايب علشان واحد مهمل ويا عالم هو مهمل بجد ولا حرامى ونصاب وابن ستين كلب لو سبناه النهارده بكره هيعمل مصيبه تانيه انا مش بتكلم عن المسئوليه القانونيه للشركه ولا حتى سمعتها بالعكس انا بتكلم عن المسئوليه الانسانيه يونس يتحول للنيابه وهى هناك تشوف شغلها والشركه ترفع عليه قضية تعويض بالخساير اللى اتحملتها الشركه بسبب اهماله من النهارده هيبقى فى نظام مختلف خالص اللى هيغلط ولو غلطه بسيطه هيكون عقابه شديد من النهارده مفيش حاجه اسمها لفت نظر تقدروا تتفضلوا دلوقتى الاجتماع انتهى

خرج الجميع من الاجتماع فى حالة توهة والكل يحدث نفسه من هذا الشخص ولا يعرفو ماذا يخبئ فى جرابه ، فهو أشد من الدكتور سليم وحازم برغم ما يملكه من طيبة وإنسانية
جلس بعدها سعيد وهبة والمتر شريف الذى كان منبهرا من سعيد وما فعله بالداخل
_ برافو عليك
= عجبتك يا متر
_ انت مولود علشان تكون رئيس مجلس اداره شديد كده وحازم وعملتلك وضع فى وسط اعضاء مجلس الاداره
= الانطباع الاول هو اللى بيدوم و الناس دى لو حست للحظه واحده انى ضعيف هيدوسوا عليا ومش هيبقالى اى سلطه فى الشركه
_ عارف ايه اكتر حاجه عجبتنى فيك
= ايه يامتر
_ ذهنك حاضر ومركز خصوصا لما اتفتح موضوع المصنع بالرغم ان معندكش اى خلفيه عن الموضوع ده بس انت اتكلمت كانك دارس الموضوع من زمان
= انا اتكلمت فى الموضوع ده بناء على رأى عمى
_ طب هتجيب فلوس المصنع من فين
= هو انا رصيدى فى البنك كام من تركة عمى
_ تقريبا 70 مليون دولار
= تمام كده انا هشوف بنات عمى لو عاوزين يساهموا فى تمويل المصنع ولا ايه دنيتهم
_ طب لو رفضوا
= يبقى همول المصنع من رصيدى فى البنك
فرد هبة عليه
_ وساعتها نشوف خبير علشان يحدد نسبة بنات عمك فى المصنع
= ليه خبير
_ انت ناسى ان بنات عمك ليهم نصيب فى الارض اللى هيتعمل عليها المصنع
= لا طبعا انسى ازاى حاجه زى دى بس مفيش داعى للخبير انا عارف نسبتهم كام
_ نسبتهم كام
= انا التلت وهما التلتين زى باقى التركه
_ بس ده ظلم ليك بالطريقه دى ازاى انت تتحمل تكلفة المصنع وفى الاخر تاخد التلت بس
= الفلوس دى كلها فلوس عمى وانا شايف مليش حق فيها انا كل اللى عاوزه انى احافظ على وصية عمى واحافظ على حقوق بنات عمى وبعدين انا هعمل ايه بكل الفلوس والشركات دى انا كل اللى عاوزه اعيش عيشه مرتاحه ومستوره واعيش وسط بنات عمى
_ انت طيب اووووى يا سعيد
رد عليه المتر شريف بعدما كان يستمع لحديثه مع هبة
_ عمك كان عنده حق يوم ما وصاك على بناته طلعت قد الامانه بصحيح
= النهارده عاوزكم انتوا الاتنين تيجوا الفيلا علشان نتكلم مع بنات عمى فى موضوع المصنع انا مش هقدر اكلمهم لوحدى
_ خلاص تمام كده بس فى موضوع عاوز اتكلم معاك فيه
= خير موضوع ايه ده
_ موضوع المهندس يونس
= الموضوع غير قابل للنقاش يا متر لاكتر من سبب
_ ايه اسبابك
= اولا لو سبنا يونس هيغلط تانى ويسرق تانى ده غير الموظفين هيتطمنوا ويغلطوا لأنهم هيبقوا عارفين ان الحكايه اخرتها لفت نظر او جزاء بالكتير وثانيا لو رجعت فى كلامى الموظفين مش هيحترموا كلمتى ثالثا ان لو يونس كان عامل المصيبه دى بالقصد يبقى اكيد هيعترف على شريكه علشان ميشيلش القضيه لوحده رابعا احنا زى ما قولت فى الاجتماع احنا مسئولين عن حياة الناس واقل غلطه هتاخد فى طريقها ناس كتير وانا حياة الناس عندى اهم مليون مره من اى فلوس
نظر إليه المتر فى حالة زهول فلم يتوقع أن يكون سعيد بكل هذا القدر من المسؤلية
_ عمك كان عنده حق لما اختارك ، انت مش محتاج تتعلم اى حاجه بالعكس كل قراراتك النهارده كانت مدروسه بعنايه
فأتبعت هبة قائلة
_ انا حاسه انى شايفه قصادى الدكتور سعيد الله يرحمه فى قراراته واسلوبه
رد عليهم سعيد بعدما ابتسم من مجاملاتهم
= متبالغوش اووووى كده انا لسه ببدأ طريقى

بعدها عاد كلا منهم إلى عمله حتى انتهوا من اليوم وذهب كلا منهم إلى منزله وفى المساء كان المتر شريف بالفيلا جالسا مع الفتيات لكى يتحدثون
_ انا جاى النهارده علشان فى موضوع مهم لازم نتكلم فيه والدكم قبل ما يموت اشترى ارض وكان عاوز يعمل عليها مصنع تعبئه زجاجيه المشكله فى السيوله مفيش فلوس نعمل بيها المصنع
فردت عليه شيرين قائلة
= ازاى يعنى مفيش فلوس فى الشركه بابا معاه ملايين فى البنوك
_ عارف بس الفلوس دى ما بقتش فلوس الشركه الفلوس دى اتقسمت عليكم بصفتكم الورثى والسيوله اللى فى الشركه يا دوب ممشياها
فردت مريم
= اه انا كده فهمت قصد حضرتك ان الفلوس اتقسمت ومفيش فلوس نعمل المصنع
_ ايوه المطلوب منكم كل واحد يساهم فى المصنع من فلوسه يعنى سعيد هيدفع التلت وانتوا هتدفعوا الباقى
ردت عليه شيرين فى تعكر
= احنا لسه هنتربط بسعيد اكتر من كده
_ كده ولا كده سعيد شريك فى الارض يعنى شريك فى المصنع
ردت لمياء محاولة لأنهاء الحديث فهى تفهم جيدا أن سعيد شخصا طيب وليس به أى شئ مما كانوا يتهمونه به
= من الاخر يا اونكل حضرتك عاوز اننا نتشارك فى المصنع ده
_ ايوه
= انا موافقه شوف حضرتك عاوز منى ايه وانا تحت امرك
فأتبعت مريم ايضا
= انا اللى شايفه حضرتك انا موافقه عليه
فنظر المتر شريف إلى شيرين سألها
_ وانتى يا شرين رائيك ايه
= يعنى هى جات عليا انا موافقه
_ كده تمام انا هبدأ فى الاجراءات من بكره

من ناحية أخرى كان عاصم جالسا بمكتبه وجائت إليه مروة ثم قص عليها كل ما حدث وما سيحدث مع يونس فذهب من امامه مروة لتحل تلك المشكلة خرجت من الشركة ثم قامت بالأتصال باحدا ما وطلبت منه ميعاد بعدها استقلت الشيارة وابلغت السائق بوجهتها
_ اطلع على قصر المنصورية

تحرك السواق بعدما امرته وفى منتصف الطريق وقف السائق ونزلت مروة وركبت سيارة أخرى كان بها رجل الذى كان بيده نفس الغمامة التى ألبسها إلى اسامة ، وصلت مروة إلى القصر ةكان بأنتظارها كمال الذى كانت تتحدث معه بعدما رفع الغمامة
_ وبعدين يا كمال لازم كل مرة موضوع الماسك دا
= دى اولمر الباشا
_ طب انا هدخله أمتى
= شوية كدا
_ عنده حد يعنى
= حاجة متخصكيش ، شوية وهتدخلى
ثم البسها الماسك مرة اخرى ، وبعد ربع ساعة كانت بمكتب الباشا جالسة وخلع عنها كمال الغمامة مرة اخرى لكى تتحدث مع الباشا
_ خير يا مروة عاوزه ايه
= فى مصيبه ومفيش غير حضرتك اللى هتخلصها
_ انتى على طول بمصايبك كده
= دى غلطتى انى اعتمدت فى شغلى على شوية اغبياء
_ فهمينى بسرعه ايه الل حصل علشان الحق اتصرف
= حاضر يا باشا الموضوع بخصوص شركة الصفوانى ...
ثم قصت عليه مروة كل ما قاله لها عاصم وما حدث بالشركة بالأمس تعصب الباشا وثار عليها
_ انتو اغبياء ومش بتفهموا يعنى لما تضربوا اساسات المشروع فكركم هتقدروا تشتروا الشركه بالطريقه دى الشركه هتوقع مش هيبقالها قيمه
= ده كان اقتراح البيرت واستر مش انا
_ الاتنين ميفرقوش عنكم فى الغباء انتو كده هتدمروا الشركه قبل ما تشتروها وساعتها مش هيبقالها سعر ولا وضع
= طب ايه الحل يا باشا
_ نخلص المشكله اللى انتو عملتوها دى وبعدين نشوف ايه اللى ممكن يتعمل
نظر الباشا إلى كمال وبعدها قال
_ كمال خلصلى موضوع اللى أسمه يونس دا انهاردة فى أسرع ما يمكن
= اوامرك يا باشا
_ طب يلا روح انت وانت عارف هتعمل ايه

بعدها عاد مرة اخرى الى مروة لكى يكمل حديثه معها
_ اعتبرى الموضوع خلصان ، بس عاوزك تاخدى بالك كويس بعد كده انا مش كل مره هساعدك
= حاضر يا باشا طب ممكن حضرتك تقولى ايه اللى ممكن اعمله
_ فكرة انكم تضربوا سمعة الشركه ده اكبر غلط وبعدين متنسيش ان الشركه فيها شريك مش ساهل خالص ومش هيسيبكم تضربوا الشركه وهو بيتفرج
= قصدك مستر ادم
_ طبعا ادم ده شخصيه مش ساهله
= هو حضرتك تعرفه
_ لا معرفهوش ومتعاملتش معاه قبل كده بس سمعت عنه كتير ده غير انه عضو فى شركات كتير وشركات مش قليله ده غير ان مافيا الادويه بتعمله الف حساب ولولا وجوده فى شركة سعيد الصفوانى كان زمان الشركه دى شركه صغيره مش مصنع ادويه ومستشفيات خاصه وشركة مقاولات وحاجات تانيه كتير المعلومه اللى عندى ان ادم بيمتلك 25% بس من اسهم الشركه بس يعتبر هو اللى عامل قيمه للشركه
= يعنى لو ادم انسحب من الشركه هتوقع
_ دى تبقى ضربه قاضيه للشركه بس مين يقدر يبعد ادم عن الشركه
= طب لو مات
ضحك الباشا عاليا ثم اتبع مكملا
_ انتى فاكراها حاجه ساهله كده
= كل حاجه ليها طريقه
_ الا ادم ، ادم ده محدش يعرفله طريق قاعد فى قلعه مش قصر فى جيش كامل بيحرسه طب انتى عارفه عمر الالفى
= طبعا هو فى حد ميعرفش عمر الالفى بس اخر حاجه اعرفها عنه انه باع نص اسهم شركاته لبنته الوحيده ليندا وجوزها
_ اهو جوز ليندا ده تربطه علاقه قويه ب أدم ولولا علاقته بيه وانه عمل شراكه مع ادم كان زمان شركات الالفى كلها وقعت ايام الازمه الاقتصاديه اللى حصلت من اكتر من سنتين وجوز ليندا برضه كان هو الوسيط بين ادم وسعيد الصفوانى
= الواضح من كلام حضرتك ان جوز ليندا ليه تأثير كبير على ادم
_ بالظبط كده
= طب ما احنا ممكن نوصله ونتوصل لحل معاه
_ انتى شوفتى ادم قبل كده
= لا بصراحه حاولت كتير اوصله بس معرفتش
_ طب تعرفى جوز ليندا
= لا معرفهوش
_ انتى ممكن تلاقى طريقه توصلى بيها لأدم لكن من رابع المستحيلات انك تعرفى توصلى لجوز ليندا احنا حتى منعرفش اسمه ولا جنسيته ولا نعرف اى حاجه عنه
= ايوه افتكرت احنا فجأه سمعنا ان بنت عمر الالفى اتجوزت وفجأه سمعنا ان عمر الالفى باع نص اسهم شركته لبنته وجوزها بس برضه محدش شاف جوزها واللى ماسك ادارة الشركات والمصانع عمر الالفى لكن جوز بنته ده عمره ما ظهر حتى ليندا نفسها اختفت ومش بتظهر غير فى اضيق الحدود احنا بالطريقه دى بنتعامل مع اشباح محدش فينا يعرف عنهم اى حاجه
_ بالظبط كدة فسيبك من الاشباح اللى احنا مش عارفين عنهم حاجه خلينا فى اللى تحت ايدينا وشايفنهم
= قصد حضرتك سعيد وبنات عمه
_ بالظبط كده لازم ندمر سعيد ونحطه فى مشاكل وخصوصا بينه وبين بنات عمه لازم نفرقهم ونخليهم يكرهوا بعض
= طب هنعمل ايه دلوقتى
_ الصبر فى كارت فى ايدى بجهزه اليومين دول هيفدنا فى موضوع سعيد
= يعنى اوقف لعب ولا اعمل ايه
_ لا كملى شغلك عادى بس من غير مشاكل ومصايب ولو احتجتى اى حاجه كلمينى
= حاضر يا باشا
_ تقدرى تمشى دلوقتى
= عن اذنك

من ناحية اخرى بالبلد كان اسامة جالسا بالمنزل الخاص به يدبر اموره ودخل عليه كارم زراعه الايمن
_ فى ايه يا كارم
= فى مشكله ولازم نتصرف فيها بسرعه
_ اخلص قول وانجز
= حضرتك عارف ان ليا معارف فى القسم والمدريه بيجبولى اى اخبار من هناك وخصوصا لما بيكون فى شغل
_ وبعدين انجز وهات من الاخر
= الحاج على العصار العمده
_ ماله العمده هو كمان
= امبارح كان فى القسم وقاعد مع المأمور واتكلموا عليك والحاج على بيأكد للمأمور ان انت السبب فى كل المشاكل اللى حصلت فى البلد ولازم يوقفوك عند حدك
ضحك شيطان اسامة على ما سمعه ثم اتبع
_ غلابه
= ايه الحل دلوقتى يا كبير
_ الباب اللى يجيلك منه الريح سده واستريح
= مش فاهم
_ نخلص من على العصار
= نقتله
_ متبقاش غبى
= طب نعمل ايه
_ نسجنه
= ازاى
_ ازاى بقى دى سيبها عليا يوم ولا اتنين وهقولك نعمل ايه
= حاضر يا كبير

على الجانب الأخر كان سعيد ذاهبا إلى الشركة ويعدما دخل مكتبه وحلس ليراجع بعض الاوراق التى على مكتبه فتح باب المكتب سريعل فوجد امامه المتر شريف ومعه هبة السكرتيرة
_ مالكم كده شكلكم مش مظبوط
فرد عليه المتر شريف وهو يجلس
= المهندس يونس مات
تفاجئ سعيد بما يسمع فمن المؤكد ان هناك خدعى فى الأمر
_ مات ازاى يعنى
= النهارده كان المفروض تحقيق النيابه دخلوا عليه فى الحجز لقيوه ميت
_ يعنى مات مقتول ولا انتحر
_ لسه الطب الشرعى هو اللى هيحدد
ضحك سعيد بعدما فهم ما يحدث
= طب شرعى ايه اللى انت مستنيه يامتر يعنى ينقبض عليه امبارح يموت النهارده ده اتقتل وطالما اتقتل يبقى انا كان عندى حق والمصيبه اللى عملها فى الشركه بفعل فاعل واكيد ليه شريك هنا فى الشركه وهو اللى من مصلحته يعمل كده
= قصدك مين شريكه
_ دى حاجه انا معرفهاش بس هو ده التفسير المنطقى الوحيد اللى انا شايفه
= هنشوف تحقيقات النيابه هتوصل لايه وبعد كده نقرر
_ براحتك بس تحقيقات النيابه مش هتوصلك لحاجه

عدى يومان كان المتر شريف يسعى فيهم للوصول لشئ فى قضية قتل يونس ولكنه لم يصل لشئ ، كان سعيد غير مهتم بهذا الامر ويراجع ملفات المصنع الجديد بالفيلا فرن هاتفه كان المصتل هو مصطفى صديقه رد على الهاتف
_ ازيك يا مصطفى
فرد عليه مصطفى فى ريبة
= الحقنى يا سعيد فى مصيبه
_ مصيبة ايه
= ابويا اتقبض عليه
هم سعيد واقفا فالحاج على هو من رباه وحافظ عليه وكان يعامله مثل مصطفى تماما فأمره مهم عنده مثل مصطفى تماما
_ اتقبض علبه ازاى وليه
= الكلام اللى قدرت اوصله انهم لقيوا صناديق سلاح فى المخزن بتاعه
_ انت فين دلوقتى
= فى الطريق راجع الشقه علشان اخد ريهام وانزل البلد
_ طب استنانى عند بيتك وانا مسافة السكه واكون عندك
= طب بسرعه ماتتاخرش
_ مسافة السكه