الفصل السادس والعشرون

وصل أسامة إلى مكان لا يعرفه فهو كان مغمى بغطاء الرأس ، كان أسامة جالسا على كرسي يبدو من جلسته أنه فى مكتب ما ، فجأة وهو جالس جاء أحدا ما ورفع من على وجهه الغمامة ، كان يقف امامه شخصا يبدو من هيئته أنه من كبار البلد ولكن أسامة لا يعرفه ، نظر اسامة للمكان حوله فوجد نفسه بغرفة لا يوجد بها ابواب غرفة بها كل شئ وحتى مكيدة الأفلام أن يكون الباب هو المكتبة غير موجودة فالغرفة ليس بها مكتبة ، تحدث أسامة مع الشخص
_ انت مين وعاوز منى ايه
رد عليه الرجل بأسلوب لم تسمعه اذناى اسامة من قبل
= مش انا اللى عاوز الباشا هو اللى عاوز
_ يطلع مين الباشا ده كمان
= دلوقتى هتعرف كل حاجه بس خليك هادى ونصيحه منى اسمع كل كلمه هيقولها الباشا وفكر فيها كويس قبل ما ترد والا ماتلومش غير نفسك
_ ده تهديد بقى ولا ايه
ضحك الرجل ضحكة صغيرة ثم أتبع قائلا
= لا مش تهديد بس اعتبرها نصيحه وانا عارف انك ذكى وهتقدر النصيحه
_ طب فين الباشا بتاعك ده خلينا نخلص
= هيجي دلوقتى بس اصبر
البسه الرجل الغمامة مرة اخرى ، ثم رفعها مرة ثانية ليقول له
= نصيحة منى أسمع الكلام احسنلك دا لو حابب تخرج من هنا
ثم البسه الغمامة مرة أخرى وبعدها انتظر اسامة ما يقرب الربع ساعة ، وبعدها رفع نفس الرجل الغمامة من عليه وجد نفسه جالسا وهناك رجلاً جالسا على المكتب وهو يجلس امامه رجل فى عمر الستينات ويبدو مثل الوزراء وكبار الدولة رجلا ملامحه لا تهتز ويبدو من وجهه عدم اللامبالاة ، نظر إليه الرجل ثم قال
_ اذيك يا اسامه
رد عليه أسامة فى محاولة منه أن يحبس خوفه
= انت الباشا
_ ايوه
= وعاوز منى ايه وليه جايبنى بالطريقه دى
_ اول حاجه لازم تعرفها كوييس انى بكره الأسئله انا بس اللى اسأل مفهوم
= اتفضل اسأل
_ انا مش محتاج اسأل لانى عارف كل حاجه
= هايل
_ عشان متتعبش كتير انا هفهمك كل حاجه بتدور فى دماغك ، انت عاوز تعرف انا عاوز منك ايه وليه جبتك عندى بالطريقه دى بس قبل ما اجاوبك على السؤال ده عاوزك تتفرج على الفيديوهات دى
= فيديوهات ايه ده
_ اتفرج وانت تعرف

أمسك الباشا بريموت امامه على المكتب ثم اشعل التلفاز ، ظهر أمام اسامة فيديو له وهو يتحدث مع سمر ، نظر أسامة إلى الفيديو مزهولا ولا يعرف كيف تم تصويره ، بعدها ابدل الباشا الفيديو فكان لأسامة وهو فى منزل صالح ، ثم بعدها ابدل الفيديو بفيديو اخر لأسامة وهو يتفق مع الرجل على الحريق وبعدها فيديو له وهو بمنزل منصور ويسرق الخزنة ، ثم بعدها اطفى الباشا الجهاز ونظر له كان أسامة تائها ولا يعرف كيف تم تصوير هذه الفيديوهات ..
_شكلك مصدوم
رد عليه اسامة وهو فى حالة زهول
= انت صورت الحاجات دى ازاى
_ انا قولتلك من شويه انى بكره الاسئله
= انا اسف
_ انا هريحك

داس الباشا على زرار امامه فألتفت الحائط ثم وجت أمامه سمر الخادمة فى منزل الحاج منصور لم يعرف اسامة ماذا أتى بسمر إلى تلك المكان المجهول
_سمر .. طب ازاى
= سمر دى عينى اللى بشوف بيها كل حاجه فى بيت منصور انا بعتها هناك تشتغل عند منصور وتنقلى كل كبيره وصغيره بتحصل هناك
نظرت إليه سمر وقالت
= وانا تحت امرك يا باشا
_ تقدرى تمشى يا سمر وترجعى الفيلا دلوقتى
= امرك يا باشا
عادت سمر إلى حثما أتت وبعدها اتبع الباشا قائلا

_انا عارف ان فى اسئله كتير بتدور فى دماغك وعاوز تعرفها وانا هريحك واجاوبك عليها اول سؤال فى دماغك هو ليه انا شغلت سمر عند منصور ، منصور بيشتغل عندى وانا لازم اعرف كل حاجه عن الناس اللى بتشتغل عندى
= طب .
_ متقاطعنيش السؤال التانى اللى انت عاوز تعرفه هو منصور بيشتغل عندى ايه ، منصور بيشتغل عندى فى السلاح
رد عليه اسامة فى صدمة مما سمع
= ايه ؟!
لم يبالى الرجل بصدمة اسامة فأكمل حديثه
_ السؤال اللى بعد كده انا عاوز منك ايه وهو ده المهم انت هتشتغل عندى انا هكبرك اكتر واكتر وفى خلال سنتين بالكتير هتمسك مكان منصور
= اشمعنى انا اللى تعمل معايا كده
_ مع انى قولت مبحلش الأسئلة بس هجاولك لأنك ماشى صح لأكتر من سبب اولهم ان منصور مبقاش زى الاول منصور زمان كان بيعمل شغل كتير لكن دلوقتى متعرفش حصله ايه بقى قلبه ضعيف ولا ايه بالظبط محدش عارف علشان كده لازم يكون فيه بديل ، السبب التانى والاهم اللى انا اخترتك علشانه هو انك انسان اهم حاجه عندك مصلحتك وممكن تدوس على اى حد فى سبيل انك توصل للى انت عاوزه زى ما عملت مع سعيد وسالم وصالح ولسه غيرهم كتير انت حاططهم فى دماغك
فهم أسامة اللعبة وقرر معرفة ما تبقى منها
= وايه المطلوب منى دلوقتى
_ الورق اللى انت سرقته من مكتب منصور
= ياباشا الورق ده فيه عمرى وانا مش هضحى ولو بكنوز الدنيا لانى مجرد ما افرط فى الورق ده انا كده ميت لو عاوز تقتلنى انا قصادك اهو اقتلنى بس متحلمش انى اديلك الورق
نظر إليه الباشا قليلا ثم اردف قائلا
_ برافو عليك
لم يفهم أسامة الرد فالتزم الصمت وبعدها اتبع الباشا ثائلا
_ متستغربش انا كنت عارف رد فعلك ده كويس على الفكره الورق اللى معاك ده ميهمنيش لانى لو كنت عاوز امنعك من الاول انك تاخده كنت هعمل كده خصوصا انى عارف انك هتاخده انا بس كنت بشوفك هتعمل ايه
= وبعدين
_ كل المطلوب منك انك تنفذ الاوامر ومن النهارده هتبقى تحت مسئولية شخص هيدربك ويعلمك الشغل كويس
= وانا موافق
_ انت معندكش رفاهية الاعتراض انا ببلغك اللى هيحصل وانت شوفت بنفسك لما حسيت ان منصور ابتدى يقصر جبنا البديل وياريت ماتضطرناش ان احنا ندور على بديل غيرك لان وقتها اقل حاجه ممكن تخسرها هى عمرك
= حاضر
_ ايوه كده انا اتبسط منك صدقنى فى اللى هقولهولك ده انت مصلحتك معايا انا معايا هفتحلك كل الابواب المقفوله
= وانا تحت امرك
_ فى حاجه كمان محدش يعرف حاجه عن المقابله دى وخصوصا منصور
= حاضر
_ دلوقتى تقدر تمشى

أردتى اسامة مرة أخرى أخرى الغمامة وخرج مع الرجال وبعدها اوصلوه إلى المكان الذى اخذوه منه

على اللجانب الأخر بعدما اخذت الرجالة اسامة وذهبت دخل كمال على الباشا لكى يتحدث معه فسأله قائلا
_ تفتكر يا باشا اسامه هيبقى مفيد لينا
= انا عارف ان اسامه ندل وواطى وزباله وملهوش امان وولائه الوحيد لمصلحته ولو شاف مصلحته مع حد غيرنا هيبيعنا فورا من غير تردد
_ وبالرغم من كده كشفتله نفسك وكشفت منصور وسمر
= انا كشفت الورق المحروق مش اكتر انت ناسى انه سرق الورق اللى فى خزنة منصور وعرف اسرار كتير
_ طب حضرتك ليه سبته يسرق الورق بالرغم من انك عارف من الاول انه هيسرق الورق
= علشان سببين مهمين السبب الاول ان منصور ابتدى يتعوج ويلعب بديله وقرار موت منصور اتاخد خلاص الحكايه كلها مسألة وقت لحد ما نجهز البديل وده فعلا اللى بيتم دلوقتى مع اسامه
_ طب ما احنا عندنا رجاله كتير يتمنوا يحلوا محل منصور
= هنا بقى يجى السبب التانى ذكاء اسامه وحسن استغلاله للفرص ، اسامه ذكى ذكاء خارق ولو قدرنا نستغل الذكاء ده هنعمل حاجات كتير محدش يتوقعها وللأسف الذكاء ده مش موجود عند اى حد من رجالتك اللى انت فرحان بيهم
_ انا كده فهمت
= خلينا فى المهم دلوقتى ايه اخبار عيلة الصفوانى
_ لمياء طلعت براءه من القضيه ومصطفى خطبها وسعيد هينزل شغل فى الشركه من بكره
= هو ده اللى انا خايف منه على حسب كلامك سعيد قدر يصلح علاقته ببنت عمه ومع الوقت هيصلح علاقته بالبنتين التانيين ولو ده حصل يبقى احنا خسرنا كتير لما كان فى مشاكل بين سعيد وبنات عمه كان هيبقى سهل تفريقهم وساعتها هيقرروا يبيعوا الشركه او على الاقل فى حد فيهم هيبيع نصيبه علشان يبعد وساعتها احنا هندخل نشترى
_ يعنى على رأى المثل فرق تسد
= هو ده بالظبط اللى انا اقصده
_ طب ايه هنعمل دلوقتى
= الصبر اصبر شويه
_ على فكره سيف هيخرج بكره من المستشفى انا عارف ان سيادتك زعلان علشان العمليه اللى سيف بوظها
= مين قالك ان العمليه باظت
_ علشان الرجاله مقدروش يسيطروا على الكمين ده غير ان معظم افراد الكمين طلعوا كويسين ويادوب اصابات خفيفه محدش مات غير ظابط واحد لكن احنا مات من عندنا كتير ده غير الواد اللى اتقبض عليه
= مش مشكله كل الكلام اللى انت بتقوله ده انت عارف ان العمليه دى مجرد تمويه للعمليه الكبيره اللى هتتم
_ لحد دلوقتى حضرتك مقولتلناش اى حاجه عن العمليه الكبيره ولا معاد ولا تفاصيل ولا اى حاجه خالص
= معادها انا اللى هحدده مش حد غيرى وتفاصيلها انا عارفها كويس وبرتبلها بقالى كتير عمليه مفيش مخلوق هيتوقعها عمليه هتاخد فى طريقها ناس كتير بس اهم حاجه رجالتك يبقوا جاهزين
_ متقلقش يا باشا كله جاهز
= خلينا فى اهم حاجه دلوقتى ايه اخبار الملف بتاع القصر
_ انا متابع بنفسى كل حاجه بتحصل فى الداخليه والفريق اللى ماسك القضيه دلوقتى انا حاطه تحط عينى وبعد عليهم انفاسهم بس فى حاجه انا مش فاهمها
= هتقولى ليه بعد ما قتلنا الجاسوس سبنالهم الفلاشه اللى عليا تفاصيل شغلنا
_ بصراحه الموضوع ده محيرنى ومش لاقى مبرر ان احنا نكشف نفسنا بالطريقه دى
= انا عامل زى الساحر بخلى الناس تبص على ايدى اليمين وبعمل الخدعه بايدى الشمال انا عاوزهم يتشغلوا فى القصر والحوادث الارهابيه وتجارة السلاح والمخدرات اللى بيدخلوا البلد من كل حته مش عاوز حد يعرف يركز علشان لما تيجى ساعة الصفر بتاعة العمليه الكبيره ساعتها بجد هتبقى القاضيه هدمر البلد كلها
_ مع انى مش فاهم قصد سيادتك بس مفيش قصادى غير انى انفذ تعليماتك
= طب سيبنى دلوقتى فى شوية حاجات لازم تترتب
_ حاضر يا باشا عن اذنك

على الجانب الأخر بعدما وصل أسامة إلى سيارته واستقلها متوجها الى منزله دخل المنزل فوجد ابيه جالسا مع عمه كامل
_ ايه ده غريبه متجمعين كده
رد عليه والده
= انت ايه اللى جايبك البيت ده
_ ايه يا حاج ده بيتى وانت ابويا يعنى عاوزنى اروح فين
= ده مش بيتك ولا انا ابوك
_ ازاى يعنى
= تقدر تقولى ايه اللى عملته مع عمك ده
_ هو لحق يشتكيلك انا معملتش حاجه غلط انا طلبت منه انى اشترى قيراطين ارض بس من ارضه اللى فى شرق البلد
= عاوز تشتريهم من عمك ليه بقى ولا عاوزهم للزفت اللى انت خاطب بنته ما انت شغال سمسار عنده بتشتريله فى اراضى مش بس سمسار لا ده انت سمسار وسخ كمان
_ ايه اللى بتقوله ده يا حاج
= ايه زعلتك كلمة سمسار وسخ مش هى دى الحقيقه بتستغل حاجة وتشترى منهم الارض بلوى الدراع والسكك الرخيصه وكل ده ليه علشان خاطر البنت اللى بعت صاحب عمرك علشانها ايه سحرتلك ولا عملالك عمل
_ بنت مين اللى تعملى عمل ولا تسحرلى
= امال ايه اللى خلاك تبيع سعيد صاحبك علشانها
_ ياسمين دى ماتسواش انا اخدتها سلمه ادوس عليها علشان اوصل مجرد كبرى هعدى عليه ومجرد ما اوصل للى انا عاوزه هرميها فى اقرب صندوق زباله وايه سعيد اللى كلكم محموقين عليه ده انا اللى ابنكم مش سعيد كل شويه تقولولى بيعت صاحب عمرك ياسيدى فى داهيه انا مليش اصحاب ولا عاوز يبقالى اصحاب انا احسن من الكل واقوى من اى حد
= انت مش ممكن تكون ابنى انت شيطان
ثار اسامة واخرج ثورته على والده وكأنه قد جائت اللحظة التى يعلن فيها شيطانه انتصاره عليه بالشكل الكامل
_ ايوه انا شيطان ومش هرحم اى حد يوقف فى طريقى ، هدوس على الكل ومش هرحم حد ، واى حد هيوقف فى طريقى هفرمه
قام والده من مكانه وخبطه فى كتفه كى يخرجه من البيت
= اطلع بره البيت ده أطلع
_ انت بتطردنى من بيتى
= ده مش بيتك ولا عمره هيكون بيتك ومن النهارده انا اللى هوقفلك
ضحك أسامة على ما قاله والده
_ انت هتوقفلى طب انا عاوزك تستحمل بقى
= اطلع بره بدل ما اضربك بالرصاص
_ انا خارج




على الجانب الأخر فى قسم اكتوبر كان مصطفى جالسا فى مكتبه وفجأة سمع طرقات على الباب ثم دخل عليه معتز ، فقد جاء له معتز كى يصصح له المفاهيم فيما حدث بالأمس ويثبت له أنه لم يفعل شيئا ووجوده مع هايدى وريهام بمحض الصدفة فقط ليس بالأتفاق ولا أى شيئا آخر ولكن تفاجئ معتز بطريقة استقباله
_ انت ايه اللى جايبك هنا
= انا بتصل بيك من امبارح مش بترد عليا
_ عاوزنى ارد عليك ليه علشان تبرر الخيانه لينا
= يا مصطفى افهمنى....
قطعه مصطفى قبل ان يكمل حديثه
_ انا مش عاوز اسمع حاجه ولو ما خرجتش دلوقتى هرميك فى الحجز
علم معتز أنه ليس هناك جدوى من الحديث فى تلك الوقت لابد ان يهدئ مصطفى وبعدها يتحدث معه فرد قائلا
= طب انا هسيبك دلوقتى وبعد ما تهدا هيبقى لينا كلام تانى مع بعض
_ ولا تانى ولا تالت واتفضل اطلع بره دلوقتى

على الجانب الأخر فى تمام الساعة التاسعة صباحا بالشركة كان سعيد ذاهبا لكى يستلم عمله ليومه الأول دخل إلى المتر شريف فكان جالسا مع هبة السكرتيرة وحينما رأى سعيد نظر الى ساعته وبعدها نظر اليه واتبع قائلا
_ مواعيدك مظبوطه
= لا متقلقش من ناحية المواعيد
_ انا متفائل جدا
= مقولتليش هشتغل ايه فى الشركه هنا
_ تفتكر انت ممكن تشتغل ايه
= اى حاجه فى الحسابات او العلاقات العامه او اى حاجه
_ انت ليه يابنى طموحك على قدك كده
= طب انت ناوى تشغلنى ايه
_ رئيس مجلس ادارة المجموعه
نظر إليه سعيد مبحلقا واتبع كلامه
= يا سنه سوده ومهببه
_ مالك يا سعيد فى ايه
= اللى انتو بتقولوه ده مصيبه
_ ليه يابنى فى ايه
= بعيدا عن انا معنديش خبره فى الشغل بتاعكم وممكن اعك الدنيا واخربها لكن تفتكروا مريم وشرين لما يعرفوا الموضوع ده هيسكتوا
_ متخافش سيب الموضوع ده عليا وانا هتصرف مع بنات عمك
= طب والشغل اللى انا اكيد مش فاهمه هتعمل فيه ايه
_ متخافش انا معاك خطوه بخطوه
قال سعيد فى قلق
= ربنا يستر
_ هيستر متخافش يلا بينا علشان اعرفك على الموظفين وبعدها فى اجتماع لمجلس الاداره
= كده من الدار للنار
_ اجمد كدا دى لسة اول حاجة