الفصل الثالث

استقل ايهاب سيارته ثم تحرك بها وتوقف امام الملهي الليلي هبط منها ودلف الي داخل الملهي اصوات الاغاني تغطي المكان والاضواء الملونه تتحرك في كل ناحيه مرر عينيه علي جميع الحاضرين وعندما وجد الاشخاص الذي يبحث عنهما اقترب منهما

جلس علي الطاوله امام رجل وقال باعتذار
اسف جدا علي التاخير

هتف الرجل وهو ينظر الي ساعه يديه
جلال مكنش بيتاخر دقيقه واحده عن معاده وانت اهو تاني مره تيجي تقابلني ومتاخر عن ميعادك

معلش يا رافت باشا الطريق كان علي بعضه وانا جاي
قالها ايهاب بهدوء تام ليقول رافت
هسامحك المره دي علشان جلال بيشكر فيك ومعتبرك ايده اليمين ومسلمك كل حاجه

ابتسم ايهاب برسميه ثم قال
عمي قالي ان الصفقه دي علي 20 كيلو هيروين صح كده؟

اجابه الرجل بنعم وهو ينفث سيجارته التي من اللون البني وضخمه ليقول ايهاب
تمام انا عايز فوق العشرين دول خمسين كيلو بس لحسابي انا ملهمش اي علاقه بالعشرين الي عمي متفق معاك عليهم

نعم؟!!! قالها رافت بدهشه كبيره ثم تابع بجديه
مستحيل طبعا صعب جداا نقدر ندخل كميه زي ده ممكن الحكومه تشم خبر ونروح كلنا في ستين داهيه

اجابه ايهاب بجمود
يا باشا الي هيدخل البلد عشرين كيلو يدخل معاهم خمسين مش حكايه يعني اما بنسبه للحكومه متقلقش مش هتشم خبر

بس البضاعه دي محتاجه حد شاطر يعرف ينزلها السوق وانت الي اعرفه انك لسه جديد في الشغلانه واكيد مش هتعرف تنزل الكميه دي في السوق

خرجت منه ضحكه وحرك راسه بتساؤل وقال
مين قال اني هنزلها في السوق؟

قطب رافت بين حاجبيه ياستغراب
امال ناوي تعمل ايه

عاد ايهاب بظهره الي الخلف ثم عقد يديه امام صدره قائلا
هعمل زي الي بتعملوا في كل بضاعه بتدخلوها هبيعها لمشتري واقبض تمنها

المشتري مش هياخد بضاعه بخمسين فوق العشرين الي بتكلم فيه ده مستحيل يحصل

تنهد ايهاب بنفاذ صبر وهو يقول
مين قال اني هيبعها للمشتري بتاعكم؟! انا عندي مشتري ومتفق معاه علي كل حاجه

بسرعه دي لحقت توصل لمشتري؟!
قالها رافت بانبهار ليجيبه ايهاب
ها يا باشا قولت ايه؟

جلال يعرف حاجه عن الخمسين دول؟

رفع كتفيه لاعلي وقال
هو لحد دلوقتي ميعرفش بس بكره هبلغه لان فلوس الخمسين كيلو هاخدهم منه انا لسه جديد في السوق ومش معايا المبلغ ده

انا معنديش مانع جهز فلوسك وهاتهم وادخلك البضاعه بس خلي بالك لـ مشتري يغدر بيك وتلبس انت في البضاعه
قال رافت عبارته الاخيره ثم ضحك ليجيبه ايهاب وهو يضحك ساخرآ
لا يا رافت باشا متقلقش
انهي ايهاب عبارته ثم اشار الي النادل وطلب منه زجاجه خمر اما رافت نهض من مكانه وقال
هعمل مكالمه واجيلك صوت الاغاني هنا عالي اوي
رحل رافت من امامه تناول ايهاب المكسرات من الاناء الخاص بـ رافت ثم ضخم صوته وقلد رافت وقال
ايهاب عايز يدخل خمسين كليو هيروين لحسابه يا جلال
قال جملته الاخيره ثم ظل يضحك انتبه الي فتاه ترتدي بدله الرقص وتتحدث مع رجل من الواضح انه في الخمسين من عمره الفتاه تصرخ ولكن صوتها غير واضح بسبب صوت الاغاني والرجل ملامحه ممتلئه بالغضب والانفعال سقطت الفتاه علي الارضيه عندما صفعها الرجل بقوه ثم ركلها بقدميه وكل هذا وايهاب يراقب من علي بعد ويتناول المكسرات من اناء التسالي
بكت الفتاه وهي تنهض من الارضيه وتمحو دموعها بقوه ثم ركضت ليقول ايهاب ساخرآ
تستاهلي كلكم ستات عايزين الحرق بجاز و***
__________________

يا جلال الواد ده مجنون ومتخيل انك هتدفعله تمن بضاعه خمسين كيلو لا ويقولك ايه متفق مع مشتري!!
مشتري ايه الي هيعرفه عيل لسه داخل الشغلانه دي امبارح
قالها رافت بانفعال وهو يتحدث بالهاتف مع جلال

وعلي الناحيه الاخري يستمع جلال الي كلمات رافت ولا يعلم ما الذي يفكر به ايهاب؟!
هتف جلال بهدوء عكس ما بداخله
انا بكره هقعد معاع واشوف ايه الي في دماغه ومتعملش اي حاجه قبل ما تبلغني،

__________________

وفي الساعه الثانيه صباحآ
نهضت هناء من جانب الصغيره بهدوء ثم بدلت ثيابها وتناولت الحقيبه وغادرت الغرفه وهي تحرص ان لا تصدر اي صوت

يقف جلال في الجنينه ينظر الي ساعه يديه يثق تمامآ انها سوف تاتي لا يمكن ان تفرط في فرصه مثل هذه
وعندما لمحها بعينيه وهي تتحرك في الجنينه ابتسم بانتصار كل ما يخطط له يمشي كما يريد الحظ دائما يقف في صفه ولم يخذله ولا مره..

وعندما اقتربت خطوات هناء منه تمسك بيديها وهتف
كنت خايف اوي متجيش

مش عايزه اندم علي اختياري قبل كده اطلقت من جوزي وسيبت عيالي علشان واحد وخذلني ارجوك انت كمان يا جلال متخذلنيش
قالتها بحزن ورجاء وهي تنظر الي الارضيه ضغطت جلال علي يديها برفق ثم تناول الحقيبه منها وتحرك كلاهما الي الخارج ليقول جلال
عمرك ما هتندمي معايا علي اختيارك هعوضك علي كل حاجه شوفتيها في حياتك

استقل كلاهما السياره وبدا جلال في القياده وقال وهو ينظر الي الطريق
دلوقتي هنروح شقه في المهندسين هتقعدي فيها كام يوم لحد ما اتفق مع دكتور ينزل الجنين وهنستني تلات شهور كده وبعدين نتجوز يا حبيبتي

لم تهتم بـ اي من الكلمات التي قالها جلال فقط هي كلمه واحده ركزت عليها " شقه في المهندسين!!"

نظرت اليه بغضب وقالت بانفعال
يعني كنت بتكدب عليا قولتلي فيلا وخدم وفي الاخر هترميني في شقه!! لف ورجعني حالا يا جلال انا غلطانه اني مشيت ورا كلامك وصدقتك

اوقف سيارته والتفت لها هاتفآ وهو يحاول السيطره علي غضبها هذا
يا هناء بلاش تفهمي غلط بقولك لمده كام يوم بس اكون لقيت فيلا متخافيش والله ما بخدعك يومين بالظبط وهاخدك من ايدك ونروح لفيلا وعلشان تطمني اكتر هتكوني معايا وانا بشتريها وبكتبها باسمك، ممكن تثقي فيا يا حبيبتي شويه؟
انهي عبارته ثم تمسك بيديها وطبع قبله رقيقه علي يديها لتقول هناء
ماشي يا جلال بس انا مش هستني اكتر من يومين

ابتسم اليها جلال وقال
وانا مش هتاخر عن يومين وكل حاجه انتي عايزاها هتحصل
______________

انتهت المقابله بين ايهاب ورافت رحل رافت اما ايهاب ظل جالس في مكانه ويرتشف الخمر بلا توقف وعندما اخبروه النادل ان المكان اصبح فارغ وان الجميع رحل ويجب عليه الذهاب الان لانهم سيقوموا باغلاق المكان وتنظيفه،
وقف ايهاب بصعوبه وقال بصوت متعب وسكير
وهي من امته الكباريهات بتقفل؟

يا بيه دلوقتي الساعه سته الصبح يعني يدوب نقفل المكان ننضفه وبعدين كل واحد يروح بيته يشوف عياله ومراته ويرتاح شويه
هتف بها النادل

اخرج ايهاب النقود من سترته وظل يبعث بها وقال وجسده يهتز ولا يستطيع الوقوف علي قدمه
انت ياعيني شكلك غلبان اوي بص انت تاخد الفلوس دي كلها تطلع منها حساب الي شربته والباقي ليك

تناول منه النادل النقود وقام بعدهم وهو يقول
بس دول كتير اوي يا بيه

هات بيهم حاجات لعيالك
اكمل وهو يرفع سبابته امام وجه النادل
هات لعيالك ومراتك علشان عينها تتملي ومتطلقش منك وتروح لواحد غيرك وترمي عيالها

تحرك ايهاب من امامه وهو يتمايل يمين ويسار ولا يستطيع الوقوف علي قدميه وعند اول طاوله اصطدم بها جلس عليها ثم وضع راسه علي الطاوله وهتف
فاهمني يا اسمك ايه

اقترب منه النادل وهو يقول بضيق
يا بيه مينفعش كده عايزين نقفل المكان وننضفه اتفضل امشي ده ايه البلاوي دي ياربي

في ايه يا شوقي؟!
قالتها فتاه ترتدي فستان من الخامه الستان زهري اللون ومكشوف الذراعين ويصل الي اسفل ركبتها وتضع فوق ذراعيها المكشوفين شال اسود، وترفع شعرها البني الي اعلي باهمال اما عينيها السوداء تضع بها الكحل الاسود ولكن يسيل جزء منه اسفل عينيها، وعلي الجفن يوجد ظل العين من اللون الازرق وتضع ايضآ احمر شفاه لونه فاتح وعلي وحنتيها تضع ظلال من اللون الاحمر وتعلق علي كتفيها حقيبه "خلف خلاف" وفي قدميها ترتدي حذاء اسود كعب مرتفع..

الزبون ده يا ستي سكران طينه ومش قادر يسند طوله ولا يمشي من هنا وشكلنا مش هنخلص ونروح
قالها شوقي بغضب وهو يشير الي ايهاب الذي يضع راسه علي الطاوله وغارق في النوم

نظرت اليه الفتاه وقالت
خدت الحساب منه ولا لسه؟!

خدته وبزياده يا ماهي ده شكله زبون متريش اوي تخيلي طلعلي كل الي في جيبه وقالي خد حسابك والباقي علشانك

تفحصته ماهي ثم اشارت الي شوقي بيديها
طيب روح انت وانا هتصرف معاه واوعي تقول لعزت علي البقشيش يا روحي علشان مياخدهوش منك

لا طبعا هو انا عبيط؟ بس ابوس ايدك اتصرفي وخرجي الزبون خلينا نقفل المخروب ده ونروح بيتنا

اومات راسها بالايجاب، رحل شوقي اما هي جلست بجانب ايهاب ثم حركته برفق فتح عينيه بصعوبه وهو يقول بتعب
حاضر حاضر هقوم امشي هقــوم اهو
قال كلمته الاخيري وهو يستتد علي الطاوله وينهض وجسده غير متوازن اطلاقآ كاد ان يسقط علي الارضيه ولكن ماهي لحقته وهي تقول
حاسب هتوقع علي وشك يخربيتك انت تقيل اوي ياابني فوق وروح بيتك خلينا نشوف الي ورانا

ضيق بين حاجبيه وهو ينظر الي ماهي التي تسنده ويتحرك معها بصعوبه
هو مش انتي الي كنتي من شويه لابسه بدله الرقص والراجل لسعك علي وشك بالقلم
قال كلمته الاخيره وهو يلوح بيديه تحولت ملامح ماهي للضيق لانه شاهدها وعزت يصفعها وقالت
متخلنيش ارميك في الشارع دلوقتي وانت متنيل كده قولي ساكن فين علشان اوصلك

ضحك وهو يجيبها
مش عارف، قوليلي هو انا صح ساكن فين؟

ضربت علي وجهها بنفاذ صبر وهتفت بانفعال مكتوم
ياادي الخيبه

انحني ايهاب براسه ناحيه خديها ثم طبع علي وحنتيها قبله وقال
متعصبيش نفسك يا قمر

ازاحته ماهي بغضب وهي تصيح به
ايه الي عملته ده يا حيوان

سقط علي الارضيه نظر حوله بحزن وهتف
بتوقعيني علشان لقيتك متعصبه قولت اهديكي؟ انتو كلكم كده يا ستات شويه جبارين ومعندكمش ريحه الدم

مطت شفتيها وهي تنظر الي حالته هو غير واعي لـ اي شي من الواضح انه تناول الكثير من الخمر اقتربت منه وساعدته علي النهوض وقالت
انت طلعتلي منين بس قوم معايا قوم هو يوم باين من بدايته اصلا

تحركت به خارج الملهي ضيقت ببن حاجبيها عندما شعرت بانزعاج من اشعه الشمس التي لمست عينيها نظرت الي ايهاب وقالت
لسه بردو مش عارف انت ساكن فين؟

حرك راسه بالنفي وهو يقول
اسالي جلال هو الي يعرف او عادل ولا اقولك اسالي طارق احسن

زفرت بملل فهو يتفهوهه بكلمات حمقاء مثله اشارت بيديها لسياره الاجره وعندما توقفت قامت باداخل ايهاب بها ثم صعدت واخبرت السائق عن المكان التي تريد الذهاب اليه
__________________

عاد جلال الي الفيلا بعدما اوصل هناء الي الشقه ثم بدل ثبابه بهدوء حتي لا تستيقظ سعاد، تمدد بجانبها علي الفراش وقلبه يرقص من الفرح كل شئ تم كما يريد
اغمض عينيه بارتياح ليت كامل مات منذ وقت طويل بسبب موته كل شئ يحلم به جلال يتحقق الان..

___________________

توقفت سياره الاجره امام البنايه التي تمكث بها ماهي اخرجت النقود من الحقيبه ثم نظرت الي ايهاب الغارق في النوم وتنهدت بضيق وهتفت الي السائق
معلش يا اسطا ممكن تساعدني وتطلع جوزي معايا الراجل شرب بيره كتير ورايح في سابع نومه زي ما انت شايف وانا مش هقدر لوحدي

حاضر يا ست هانم قالها السائق وهو يطفئ محرك السياره ثم تناول المفاتيح وضعها في سترته ثم اتجه الي ايهاب واسنده هو وماهي وايهاب غارق في النوم ولا يشعر بشئ
وصلوا به الي الشقه قاموا بوضعه علي الفراش بغرفه نوم ماهي
شكرت ماهي السائق ثم اخرجت النقود من حقيبتها واعطتها له رحل السائق واغلقت هي خلفه الباب ثم ذهبت الي غرفه النوم نزعت الحقيبه والشال من علي ذراعيها التفت الي ايهاب عندما سمعت منه همسات وانين
هبقي احسن منكم كلكم

اقتربت منه ثم نزعت الحذاء من قدميه ثم قامت بوضع الغطاء علي جسده تناولت الثياب من خزينتها ثم اغلقت اضاءه الغرفه ثم رحلت وتركته يغفو في النوم ولا يشعر بـ اي حوله...
_________________

استيقظت كنزي من نومها وبحثت عن والدتها ولكنها لم تجد لها اي اثر بالفيلا وحقيبه ثيابها غير موجوده لمعت الدموع في عينيها وهي تحاول رفض ما يخطر بعقلها

الجميع جالس علي المائده يتناول الافطار ويتابعها بصمت ولا احد منهما يفهم كيف استطاعت هناء ترك ابنتها وخذلها بهذا الشكل جلست كنزي علي الدرج واخفت وجهها بين يديها وظلت تبكي رحلت والدتها مره اخري وتركتها!!!!

حركت سعاد براسها بحزن ثم اقتربت من كنزي وهتفت
اكيد هترجع تاني متخافيش

بكت كنزي وهي تجيبها وسط شهقاته
ليه مشيت وسابتني تاني انا معملتهاش حاجه تزعلها مني

هتف طارق ساخرآ
ماهي سرقت الدهب بتاعك خلاص هتقعد تعمل ايه بقي

وقفت كنزي وقالت وهي تتجه الي طارق
لا ماما مسرقتش حاجه

ليجيبها طارق باصرار
لا يا حبيبتي سرقت الدهب وانتي نايمه من غير ما تحسي امك مش بتحبك لا انتي ولا اخواتك جات هنا بس علشان مصلحتها واهي مشيت تاني

صرخت الصغيره به وهي تحاول نفي كلماته تلك ليقول جلال بجدية
طارق الكلام ده ميتقالش لعيله صغيره

نهض طارق وهو يزيح المقعد بيديه بغضب ويقول
خلاص خليها تزن علي امها وتاكل دماغنا
رحل طارق اما سعاد هتفت وهي تجذب الصغيره من يديها برفق
تعالي يا كنزي معايا
___________________

وفي الساعه الثالثه عصرآ فتح عينيه ونظر حوله باستغراب الغرفه غريبه عليه لاول مره يراها اعتدل من الفراش وظل ينظر حوله باستغراب نهض من الفراش ثم خرج من الغرفه وهو يتفحص المكان بعينيه وجد فتاه تغفو علي الاريكه اقترب منها ودقق النظر اليها انها الفتاه الراقصه التي راها في الملهي والرجل يصفعها!! والكثير من الاسئله تدور في راسه لما هو في هذا المكان وبرفقه تلك الفتاه؟!!