جلس بجانب كنزي وتسائل هدوء
احكيلي بقي عملتي ايه في الملاهي مع بنات عمك

معملتش حاجه
اجابته الصغيره باقتضاب

انا عارف انكم زعلانين مني واني اتغيرت عليكم في الفتره الاخيره بس غصب عني عمامي محمليني الشغل وكله فوق دماغي ومقدرش اقولهم كلمه لا

وشرب الخمره والسهر والسجاير من ضمن الشغل بردو
نطق تلك العباره رامي بذات مغزي
دي حاجه تخصني ملكش دعوه بيها يا رامي

نظر اخيه الي هاتفه بصمت وهو يضغط علي شفيته بضيق اما ايهاب مسح علي شعر كنزي برفق وقال بود
متزعليش مني يا حبيبتي

اعتدلت في جلسته وقالت
لو انت مش عايز نقعد هنا خلاص نمشي كلنا ونرجع بيتنا القديم مش عايزه الجنينه ولا حمام السباحه

ابتسم بحزن ثم نهض من مكانه وطبع قبله علي فروه راسها ثم اتجه ناحيه اخيه رامي الذي ينظر الي هاتفه وقام بتقبيله هو الاخر علي راسه ثم ربت علي كتفيه رفع رامي عينيه ونظر اليه باستغراب كبير اما ايهاب رحل من الغرفه واغلق الباب خلفه بهدوء

تبادل رامي وكنزي النظرات الي بعضهما البعض بحيره كبيره اخيهما الاكبر تصرفاته غريبه للغايه ولا يمكنهم تفسيرها مطلقآ!!

______________

وبعد مرور ايام

استيقظت من نومها علي صوت رنين الباب نهضت وقامت بفتحه لتجد مالك العماره يخبرها ان عليها مغادره الشقه بسبب انتهاء العقد

عقد ايه الي انتهي هي مش الشقه دي تمليك؟
هتفت بها هناء بدهشه كبيره

لا يا استاذه دي شقه ايجار جوز حضرتك آجرها مني تلات شهور والتلاته خلصوا ياريت تلمي حاجتك وتمشي علشان في ناس تانيه جايه تستلم

وجميع المصائب تسقط فوق راسها بلا توقف اختفي من امامها مالك البنايه امام هي اغلقت الباب خلفها بحسره هبط الرجل الدرج وهو يخرج هاتفه من سترته ويقوم الاتصال برقم ما وعندما وصل اليه الرد قال
حصل يا باشا باقي الفلوس هتوصلي امته؟

وصل اليه الرد
ربع ساعه ويكونوا عندك

وعلي الناحيه الاخري انهي ايهاب المكالمه ووضع الهاتف بجانبه قام بالاتفاق مع صاحب البنايه التي تمكث بها هناء ان يخبرها ان العقد انتهي ولا يمكن تجديده مره اخري برغم ان العقد كانت مدته سنه ولكن هو قام بتغير كل هذا عن طريق شراء ضمير صاحب البنايه
لا يريد لوالدته حياه هادئه

______________

ارجعي لبيتك وولادك يا هناء وكفايه جنان لحد كده
هتف بها سلطان

اجابته هناء بحسره وحزن
يعني ايه بعد ده كله في الاخر هرجع للشقه الحقيره دي تاني واخدم في العيال

مش احسن ما تفضلي في الشارع ومتلاقيش الي يصرف عليكي انتي والي في بطنك علي اقل لو قعدتي مع ولادك في معاش جوزك هتصرفي منه

واخيها محق في كلماته تلك سقطت الدموع من عينيها عادت الي حياتها التي هربت منها مره اخري ولكن بدون زوجها كامل

وبالفعل استمعت الي كلام اخيها وذهبت الي شقتها ولكن تفاجئت بوجود اشخاص غريبه ويخبروها انهم قاموا بايجار تلك الشقه

ذهبت الي مالك العماره واخبرها ان عم اولادها قام بتسليم الشقه وان اولادها ذهبوا مع اعمامهم

الامر كان صدمه بنسبه لها منذ ان تزوجت كامل وهي طلبت منه ان يقترب من اشقائه الاثرياء ولكنه دومآ كان يرفض

لمعت عينيها بالسعاده
اطفالها موجودين عند عمهم ويجب ان تكون هي معهم فهما يحتاجون الي رعايه والدتهم هكذا اخبرت نفسها

سوف تذهب اليهما هي تعلم مكانهم هبطت الدرج وقلبها يتراقص من الفرح ثم استقلت سياره الاجره وطلبت منه ان يذهب بها الي مكان محدد

_________________

شغلك هايل يا ايهاب برافو عليك متوقعتش انك هتتعلم بسرعه وتمشي الشغل كاننا معاك
هتف بها جلال بانبهار

ليقول عادل بابتسامه
وكمان خلص صفقه اللحوم الفاسده في اقل من يومين

وضع ايهاب ساق فوق الاخري بغرور واضح دون ان ينطق بحرف هتف طارق بغيظ
امال كنت عامل فيها شريف ليه ده انت يا جدع ما صدقت

هعمل احترامك انك عمي ومش هقوم اكسرلك صف سنانك

لا قوم يا واد ووريني شطارتك ما هو ده الي ناقص كمان
قالها طارق بانفعال

كاد ان ينهض ايهاب ولكن منعه جلال وهو يجذبه من يديه ويقول بامر
اقعد يا ايهاب وانت يا طارق لم نفسك شويه

قاطعهم دخول الخادمه الي غرفه المكتب وهي تخبرهم ان الغداء جاهز تحرك كلاهما الي الخارج

جلست العائله باكملها علي المائده وايهاب جلس بجانب الصغيره كنزي اختار هو المكان هذا تحديدآ
ظل يقوم باطعامها بيديه ووضع الطعام لها في الاناء
ابتسمت كنزي وهي تري تغير ايهاب معه واهتمامه بها

رن صوت الجرس في المكان باكمله هتفت سعاد باستغراب
مين الي هيجي دلوقتي؟

حضرت الخادمه وهي تقول
في واحده اسمها هناء عايزه حضرتك يا جلال بيه

مــــــــــامـــــــــا
قالتها كنزي بصرخه ثم نهضت من مكانها سريعآ وركضت ضغط ايهاب علي المعلقه التي في يديه بقوه والغضب يملا عينيه ورامي لم يتحرك من مكانه ليقول جلال وهو ينظر الي ايهاب
يا تري ايه الي جابها هنا وعايزاني في ايه؟ يلا نشوفها

تحرك الجميع للخارج ما عدا ايهاب ورامي الذي قال بتوتر
مش هتروح تشوفها عايزه ايه؟

نهض ايهاب وهو يلقي الملعقه علي المائده
هروح ويلا انت كمان تعال معايا اكيد هي واحشاك وعايز تشوفها

مش بالظبط بـس يــ
قالها رامي بتوتر ليقول ايهاب بضيق
يلا يا رامي يلا

وفي الخارج
تجلس كنزي علي فخدي والدتها ولا تصدق انها تراها امامها تقبلها بحب وتعقد يديها علي عنقها مر وقت طويل وهي لم تراها وسعاد تراقبها وتشعر بالغيره من هناء ماذا تريد تلك؟ سوف تاخد كنزي منها التي رتبت هي حياتها انها سوف تصبح ابنتها

لقيت نفسي في الشارع انا والي في بطني بعد موت جوزي يا استاذ جلال
هتفت بها هناء باكيه وهي تحكي ما حدث لها الي جلال والحاضرين

ومطلوب عايزه ايه؟
قالها ايهاب الذي ظهر صوته نهضت هي ووضعت كنزي علي الاريكه واقتربت منه قائله
ابني حبيبي وحشتني اوي يا ضنايا

كادت ان تضمه اليها ولكن هو ابتعد عنها بشكل ملحوظ التفت الي رامي وقالت بحزن
وانت يا رامي هتبعد عني زي اخوك بردو

ووجد رامي نفسه انه لا يريدها ان تضمه ابتعد هو الاخر ليقول ايهاب بجمود وصوت جمهوري
جايه دلوقتي ليه؟ افتكرتينا بعد ما جوزك مات

محت دموعها وهي تقول
انا غلطت يـ

زعق هو بها
بـس مش عايز اسمع اي كلمه منك احنا مش عايزينك واعتبرناكي موتي زي بابا بظبط امشي وملكيش دعوه بينا

لا يا ماما خليكي بلاش تمشي
قالتها كنزي وهي تتشبت في يد والدتها ليقول ايهاب وهو ينظر الي عمه جلال
وانت يا عمي رايك ايه؟ هتقعدها في بيتك!!

يا ابني دي مهما كانت والدتك مينفعش الي بتعمله ده

عايز اجابه هتخلي الست هانم في بيتك ولالا!!

طب بس اقعد وخلينا نتفاهم مع بعض ونوصل لحل مينفعش العصبيه دي

ضغط ايهاب علي شفتيه من الداخل ثم هتف بعصبيه كبيره
تمام انا كده فهمت كتر خيرك يا عمي بس انا مش هقعد في بيت واحد مع هناء وانتي يا ست كنزي عايزه امك الي قتلت بابا؟ وسابتك واقفه علي الباب حتي مرضتش تفتحلك خليكي يا حبيبتي معاها وانسي بقي سعاد الي عملتلك كل حاجه حلوه وجابتلك ايفون ولعب وهدوم وخليكي مع هناء علي فكره هي اول ما تجيب النونو الي في بطنها هترميكي تاني

هتفت هناء بضيق عندما وجدت ابتعاد كنزي عنها
ايــــهــــاب متنساش انك بتكلم علي امك

انا معرفكيش ومحدش فينا عايزك وياريت تخرجي براه وملكيش دعوه بينا

اخفت وجهها هناء وظلت تصيح باكيه تدخلت رضوي زوجه عادل وهي تقول
اهدا يا ايهاب مينفعش طريقتك دي وانتي تعالي اقعدي ارتاحي

كنت فاكر انك اعتبرتني ابنك فعلا وسندك بس لاسف طلعت غلطان، انا هلم هدومي وهمشي ومتخافش شغلنا مع بعض زي ما هو

ثم تابع بتساؤل وهو ينظر الي اشقائه
وانتو جاين معايا ولالا

انا وكنزي هنيجي معاك يا ايهاب

لا انا مش هاجي معاكم وهقعد مع ماما
قالتها كنزي وهي تلتصق بوالدتها حرك ايهاب راسه باسف ثم قال
اطلع حضر شنطتي وشنطنك وانا هستناك في العربيه براه

وقبل ان يرحل القي علي عمه نظره اخيره حزينه ثم قال
خساره يا عمي كنت فاكر هكون ليا قيمه عندك اكتر من كده

ورحل ايهاب حتي لم يستمع الي نداء جلال له وكلآ من عادل وطارق ينظرون ياستغراب كيف تخلي جلال بسهوله عن ايهاب بسبب هناء!!!!

روح يا طارق اتكلم معاه واقنعه
قالتها رضوي بلطف

هتف جلال بهدوء تام
محدش يكلمه انا هعرف اتصرف معاه

ليقول طارق بعدم اهتمام
اصلا انا مكنتش هعبره ولا ليا علاقه بالحوار ده مش ناقص وجع دماغ

نظرت هناء الي الارضيه وقالت باعتذار
انا اسفه بس مليش مكان اروحه حتي اخويا اتخلي عني

هتقعدي معايا علي طول يا ماما صح
قالتها كنزي بتساؤل لتجيبها والدتها وهي تحرك راسها بنعم
ايوه يا حبيبتي

وسعاد تراقب ما يحدث يغيظ نهضت من مكانها ثم تحركت وبداخلها غضب كبير

_____________________

استقل رامي السياره بجانب ايهاب بعدما قام بوضع الحقائب بالخلف
هنروح شقتنا القديمه ولا هنعمل ايه

خرجت ضحكه من ايهاب وهو يستمع الي كلمات اخيه تلك وهتف
لا طبعا احنا هنروح نقعد في فندق خمس نجوم نقضي كام يوم حلوين لحد ما عمك يتصل بيا ويقولي انا طردت هناء ارجع انت ورامي البيت

ومالك واثق اوي كده انه هيطردها؟ لو كان ناوي يطردها كان طردها من الاول

ليجيبه ايهاب بثبات وهو ينظر الي الطريق
لو طردها وكنزي ماسكه فيها كده هيخسر كنزي وهتشوفه طبعا واحد شرير طرد امها وهتبعد عن سعاد

يا سلام ولو اللعبه كده فعلا ايه الكلام الي قولتله لعمك خساره وكنت فاكرك اعتبرتني ابنك ومش عارف ايه واحنا مشينا من الفيلا ليه اصلا!!

تنهد ايهاب وهو يجيبه بابتسامه
فيلم عملته قدامهم عادي مش لازم افهم جلال اني عارف اللعبه ماشيه ازاي الغبي هو الي يكشف ورقه بسهوله وانا مش غبي

انت بقيت تخوف يا ايهاب وغريب حاسس اني بتعامل مع واحد مختلف عن اخويا الي اتربيت معاه
هتف بها رامي وهو يتفحص اخيه الاكبر بحيره كبيره

البركه في هناء هي الي عملت فيا كده

___________________

دفنت وجهها بالوساده وصاحت باكيه الصغيره التي تعلقت بها واعتادت علي سماع كلمه ماما فقدتها بسبب هناء بالطبع لم تترك الصغيره ووالدتها الحقيقه وتصبح مع سعاد هتفت باكيه بصوت مكتوم
ليه يارب حرمتني من الخلفه انا مكنتش عايزه غير طفل واحد يقولي يا ماما اشمعني انا الي يحصلي كده ما اهي رضوي خلفت تلات بنات ليه مطلعتش هي الي مش بتخلف ليه طلعت انا ليه

_______________

يجلس جلال في غرفه المكتب وينظر امامه بشرود ظهور هناء شوش عقله باكمله والعديد من الافكار تدور به

وليه لا؟ كل حاجه جات لحد عندي ومترتبه لوحدها اضيع من ايدي فرصه زي دي ليه؟ فرصه عمرها ما هتجيلي تاني لا يا جلال فكر في سعاد، ومين قال ان سعاد هتعرف حاجه؟ محدش هيعرف غيري انا وهناء بس

استدار بالمقعد المتحرك واكمل حديثه بداخله
ابقي مغفل لو ضيعت الفرصه دي

________________

وفي منتصف الليل

دلف جلال الي غرفه النوم ليجد سعاد تدفن وجهها بالوساده وتبكي اقترب منها وربت علي ظهرها بخفه وهو يقول باستغراب
مالك يا سعاد في ايه؟!!

اعتدلت وهي تمحو دموعها ليتفاجئي من هيئتها عينيها منتفخه من البكاء وتتنفس بصعوبه ضمها جلال الي احضانه وظل يمحو علي راسها بحنو قائلا
بس يا حبيبتي اهدي وفهميني حصل ايه بس يا سعاد انا مقدرش اشوفك قدامي كده

شهقت باكيه وخرج صوتها وهي تقول بصعوبه
ليه خليت هناء تقعد اهي خدت كنزي مش انت قولتلي ان كنزي هتبقي بنتي وانا الي هربيها ليه ضيعت كل ده يا جلال ليه
انهت عبارتها واخفت راسها بداخل احضان جلال وظلت تبكي بقوه تنهد جلال وهو يمحو علي راسها وقال
انا عملت كده علشانك، لو طردت هناء قدام كنزي كانت هي هتكرهنا وطول الوقت هتفضل شايفنا طردنا امها وهتبعد عنك اهدي يا سعاد واصبري يومين بس وكل حاجه هترجع زي ما كانت والبنت هتبقي في حضنك تاني

رفعت راسها لاعلي وهتفت برجاء
بجد يا جلال ولا بتقول كده علشان تهديني بس

لا يا حبيبتي بجد هما يومين بالظبط وهناء مش هيكون ليها وجود في الفيلا

قالت سعاد سريعآ وبلهفه
طب ليه يومين انت ممكن تقوم تطردها النهارده اخر الليل وكنزي نايمه

مرر جلال انامله علي وجه سعاد بلطف ثم قام بمحو دموعها وهو يقول
لو طردتها ممكن تيجي مره تانيه ووقتها مش هنعرف نخلص منها وعلشان خاطرك هحاول بكره اخلص كل حاجه

اغمضت عينيها بداخل احضان زوجها وتتمني من داخلها ان تكون كلماته تلك صادقه

____________________

وفي الفندق

تمدد رامي علي الفراش وهتف بحماس
الفندق هنا حكايه بجد

ما لازم يبقي حكايه ده الليله فيه بمبلغ وقدره
قالها ايهاب وهو يرفع الحقيبه من الارضيه ويضعها علي الفراش ليقول اخيه وهو يعقد يديه اسفل راسه
هو انا ليه حاسس ان الفلوس غيرتك؟

خرجت ضحكه من ايهاب وهو يخرج الثياب من الحقيبه وهتف
انت اخر واحد تتكلم علي النقطه دي وياريت تفتكر عملت ايه لما جلال جه وطلب اننا نعيش معاه عينك راحت علي الفيلا وحمام السباحه

برر رامي موقفه
ماهو بردو بعد موت بابا كل حاجه اتلغبطت وانت يا ايهاب مكنتش هتعرف تمشي البيت زي بابا وعمامي مش وحشين يعني والحياه عندهم حلوه بدرب كراتيه في النادي وليا مدرب مخصوص ليا وسواق ياخذني ويجيبني وانت اهو روحت اشتغلت معاهم وبقيت تصرف من فلوسهم وتجيب لبس غالي يا عم ده انت اشتريت برفان بـ 300دولار ومبسوط معاهم اهو

وضع ايهاب الثياب في الخزينه وقال بهدوء
مش عايز اضيع عمري زي بابا اتجوز واحده زي هناء تسرق شبابي ولما اتعب ترميني وتدور علي عيل صغير تجدد معاه حياتها وفي الاخر انا اموت من القهره ومشوفش اي حاجه في الدنيا لا يا رامي مش هكرر غلطه بابا انا هعمل كل حاجه هلبس اغلي هدوم وارش اغلي برفان واركب عربيات احداث موديل وهلف العالم كله

ورامي يراقب كلمات اخيه بحيره كبيره يشعر ان الذي امامه شخص مختلف عن ايهاب الذي تربي معه في منزل واحد
حتي عيناه مختلفه لم تكن عينيه التي اعتاد عليها بل عين مخيفه ممتلئه بالقسوه والطمع