نهاية خائن
الفصل الثانى والعشرون ....
مر الوقت والجميع ينتظر خروج ورد و رياض من غرفة العمليات إلى أن خرج أحد الأطباء ليتجه إليه الجميع بما فيهم منذر وزوجته وأخته بعدما علموا ما حدث لابنه وابنة أخيه .
_ها يا دكتور، رياض وورد عاملين إيه؟
_ والله يا منذر باشا الأخبار مش تمام، رياض حالياً أتنقل العناية المركزة بسبب الرصاصة فى مكان حساس جداً من الرئة وغير الكسور اللى من أثر الحادثة، أما ورد ف الحمد لله قدرنا نخرج الرصاصة الموجودة فى كتفها لكن فى كسور مضاعفة كتير فى جسمها غير الكدمات.
ردت سارة متسائلة:
_ طيب هى فين دلوقت؟
_هى موجودة فى غرفة الإفاقة .
_طيب نقدر نشوفها ؟
_لأ مع الأسف يا فندم، زى ما حضرتك شايفة الأمن فى كل مكان وفى حراسة مشددة عليهم، كمان وضعهم لا يسمح بدخول حد، بعد إذنكم .
عاد الجميع أماكنهم بعيون دامعة وقلوب حزينة منهم من يحزن على رياض ومنهم من يدعوا بقلب صادق ل ورد .
أقترب أحد الضباط من ياسين ليتحرك معه نحو قائدهم تحت نظرات الجميع .
_نعم يا فندم ؟
_ياسين أنت عارف أن المنظمة السبب فى كل اللى حصل ده وسهل أنهم يوصلولك .
_بس يافندم واضح أن هدفهم رياض وكده يبقي أنكشف قصادهم .
_فعلاً، كده عملية تصفية وبنسبة كبيرة جداً لو عاش رياض مش هيسيبوه، وكمان هيصفوا كل اللى تبعه، وأكيد عندهم علم بمصدر معلومات رياض اللى هو أنت .
_اللى أعرفه يا فندم إنى كنت كارت محدش يعرفه خالص غير رياض ومنصور وكام راجل من رجالته القريبين، ومنصور خلاص، ورجالته فى إيديكم بعد خناقة الحارة اللى فلت منها رياض وحصله منصور، يعنى أحتمال المنظمة تعرفنى ضعيف .
_عموماً، لازم تاخد حذرك كويس وأحنا مش هنسيبك أن شاء الله.
_ودلوقت يا فندم إيه اللى هيحصل ؟
_المفروض بنستنى رياض يفوق للأستجواب بعدها هيتعرض للمسائلة القانونية، وانت عارف أن أقل تهمة متوجه له عقوبتها الأعدام .
_ وورد؟
_ورد بأنتهاء رياض يبقي كل مشاكلها أنتهت إلا إذا وقف لها حد تانى من أهلها، ودى مشكلتك أنت وهى، أنت المسئول عنها حالياً تقريباً، مش كده ؟
_أنا هدخل أطمن عليها .
_تمام .
تحرك ياسين اتجاه غرفة ورد ليدخل بسهولة أثارت دهشة الموجودين، فقد رفض الأمن دخولهم للأطمئنان عليها أو على رياض ومع ذلك دخل ياسين دون أى منع .
وقف أمامها حزيناً على وضعها الحالى، يرق قلبه إليها.
ف كانت ملامحها الرقيقة مليئة بالكدمات والخدوش، مسح على جبينها برفق ثم أنخفض ليقبلها فيه، داعياً أن تصبخ بخير، كم يرغب فى مشاكستها حالاً ليطمئن عليها .
ثم خرج بهدوء مثلما دخل ليجلس بجوار يزيد سانداً رأسه على الحائط ليتحدث يزيد بصوت منخفض .
_عايزك بره .
أشار ياسين برأسه موافقاً ثم خرج الأثنان تاركين سارة وريحان وباقى الموجودين .
نظر يزيد إلى ياسين ثم سأله بحرص.
_ياسين، هو إيه الحكاية بالتحديد؟ اللى بيحصل ده أكبر من أن ابن عمها عايز يتجوزها غصب علشان ثروتها، ثم أنت رجعت الخدمة ولا إيه ؟
نظر له ياسين بتفكير ثم قرر أن يخبره بكل شىء .
_ من يوم ما خرجت من الخدمة بسبب أصابتى أشتغلت عند مصطفى داوود والد ورد كحارس شخصى، كنت شايف أحلامى كلها أتدمرت بسبب خروجى من الخدمة لكن مصطفى باشا شاف فيا حاجة أكبر من الحارس الشخصى صاحب القوى الجسمانية، شاف فيا سند له وأمان لبنته وده بعد أختبارات ومواقف كتير بينى وبينه، بدأ يستأمنى على أدق أسراره، رياض كان عارف كده وحاسس بثقة عمه فيا، وكان متورط مع منظمة عالمية زى المافيا كده كان هدفه يوصل لورق معين مع عمه ومش عارف الطريق له، فطلب منى مقابلته بعدها طلب منى الأوراق دى .
_أوراق إيه دى؟
سأله يزيد مستفسراً ليرد ياسين بإجابه مبهمة .
_مينفعش أقولك علشان مايكونش فى خطر عليك، المهم .. بعد طلبه مكونتش عارف هعمل إيه، أول حاجة فكرت فيها هى القائد مهاب العشرى، كلمته بموبايلي القديم علشان مفيش عليه مراقبة ومحدش يعرف بوجوده منهم، لما قابلته قالى كمل معاه وشوفه عايز إيه بس مكنتش عارف الورق ده إيه ومحدش عارف غير مصطفى ورياض، حتى مهاب باشا مكانش عارف غير لما قدرت أوصل لأول الخيط، ساعتها فهمنا ايه الورق ده، لما جينا نسافر قبلها بيوم طلبنى رياض علشان يقولى أن السواق اللى هينتظرنا بره المطار هناك تبعه وكل اللى عليا أنى أسهله مهمته وأديه اول الاوراق المطلوبة وبعدها هو هيخلص من مصطفى بمعرفته وهيبين اللى حصل حادثه، عملت نفسي موافق بعلم مهاب باشا سافرت وبعد ما ركبنا العربية السواق خرج مسدس بهدوء علشان يكمل مهمته وقبل ما يلف يضرب فيه كنت أنا منعته لكن الطلقة خرجت فى مكان فى العربية ف فقدنا التوازن وانقلبت بينا أحنا التلاتة، كان المطلوب منى أحمى مصطفى باشا وأخلص من السواق وتبان أنها حادثة لكن مقدرتش أسيطر على كل ده .... وراح مصطفى باشا لكن قدرت أحمى الورق، بعد ماجالى مهاب باشا وعرف محتوى الورق اللى معايا ساعتها قالى هتكمل فى المهمة وبعدها عرفت ايه هيحصل لورد ف طلبت منك ومن يامن وعاصم تخطفوها من الفرح بعد تسهيلات مع أمن الڤيلا تحت عين مهاب باشا برضو، ولما رجعت عرفت أن ... أن ... سمر كانت على علاقة برياض .
نظر إليه يزيد ب لوم وعتاب فأكمل ياسين .
_بالله عليك مش ناقص، أنا فيا اللى مكفينى ومكانش ينفع أخد أى رد فعل لأى حاجة لأن كل خطوة كانت بحساب، المهم، بدأ التهديد يزيد من ناحية رياض بأهلى وعيلتى ساعتها الحمد لله مهاب باشا قدر يحميهم تماماً لكن قدر رياض يوصل ل ورد، الله أعلم إزاى لكن انت عارف باقى اللى حصل .
نظر إليه يزيد بحزن على حاله وحال رفيقه ثم أردف .
_سمر اللى بلغته بمكان ورد .
نظر إليه ياسين بصدمة ليكمل يزيد .
_وأنا طلقتها .
كاد ياسين أن يتحدث ولكنه سمع صريخ من أحد الموجودين ف تحرك مسرعاً نحو مصدر الصوت .
_إيه اللى حصل؟
سأل ياسين الطبيب ليجيبه بعملية.
_مع الأسف رياض بيه البقاء لله .
كانت نيرمين تبكى بحرقة أم أنفطر قلبها على صغيرها، فلا يهم هل هو خائن، قاتل، أم شيطان .
ف تظل الأم أم فى كل الأحوال .
أقترب منذر من غرفة ورد صارخاً.
_هى السبب، ورد هى السبب، والله لأجيب حق ابنى منها، أنا بتهمها أنها قتلت ابنى .
أقترب ياسين من منذر بهدوء متحدثاً .
_أولاً أنا مقدر الظرف اللى أنت فيه، بس أنت عارف كويس ابنك عمل ايه وكان ناوى على إيه، أدعيله بالرحمة علشان اللى كان هيحصل له بعد ما يخرج من هنا أكبر كتير من الموت.
_أنت أتجننت، أنت بتكلمنى كده ليه؟
_أنا بس بفهمك، ثم اللى جوا دى مسئوليتى دلوقت وأبوها اللى هو أخوك كاتب وصيته اللى أنت عارفها كويس وكاتب فيها أنى المسئول عنها فى حالة حدوث أى شيء له، يعنى لو كان واثق فيك أو فى ابنك كنا عرفنا .
تحرك منذر من أمامه نحو زوجته يساعدها على النهوض ليتحركوا نحو ابنهم بقلوب باكية لفراق حبيبهم.
أما رجاء ف ظلت واقفة قليلاً تنظر لريحان الباكية بصمت ثم نظرت ل ياسين بتحدى ثم خرجت خلف أخيها .
ليقترب يزيد من ياسين رابتاً على كتفه .
_لسه مشوارك طويل أوى معاهم .
_ربنا المعين .
علم المعلم شاهين بما حدث مع ابنته على يد زوجها ف عاد إليهم بعد يوم طويل فى قسم الشرطة .
_فضحتينا، فضحتينا و اسمنا بقي على كل لسان .
قالها صارخاً مقترباً من ابنته يجذبها من شعرها لتنال منه ضربات قوية عنيفة ستترك أثراً سيدوم لفترات طويلة .
أقتربت منها مهجة تحول بينهم دون جدوى.
_خلاص كده يا بنت أمك، المستخبى بان وسيرتك على لسان كل الحارة، أتطلقتى وقعدتى بعارك وعار بناتك طول العمر.
_أهدا يا حاج البنت هتموت فى إيدك والبنات أتفزعوا .
_لسه خايفه عليها، ما هى تربيتك اللى خلتها عملت فينا كده .
خرجت دليلة مسرعة نحو والد زوجها تسأله ببكاء.
_سعيد حصله إيه؟
_سعيد، سعيد خلاص أتسجن و يا عالم هيخرج أمتى دا غير الفضيحة اللى هتقابله أول ما يخرج، ومسيرة يجيب رقبتك بإيده يا ف اجره ويخلصنا من عارك .
ألقاها فى الأرض بعدما أمر بمنعها من الخروج من الغرفة ومن البيت بأكمله، فقد هدمت إمبراطورية شاهين ونكثت رأسه فى التراب بعدما كان سيد المنطقة ويهابه كل قاصٍ ودانى .
خرج شاعراً بالخزى والعار الذى حاول مداراته أعوام عديدة ف ساعدته عبير للصعود إلى شقتها تحاول تهدئته .
جالساً فى سيارته بعيداً عن المشفى قليلاً متحدثاً فى الهاتف.
_لقد تم الأمر سيدى .
_حسناً، حان موعد عودتك إلى أن تتلقي إشعاراً أخر.
_حسناً.
أغلق الهاتف ثم اتجه إلى أحد الفنادق ليستعد لترك البلاد .
مر الوقت والجميع ينتظر خروج ورد و رياض من غرفة العمليات إلى أن خرج أحد الأطباء ليتجه إليه الجميع بما فيهم منذر وزوجته وأخته بعدما علموا ما حدث لابنه وابنة أخيه .
_ها يا دكتور، رياض وورد عاملين إيه؟
_ والله يا منذر باشا الأخبار مش تمام، رياض حالياً أتنقل العناية المركزة بسبب الرصاصة فى مكان حساس جداً من الرئة وغير الكسور اللى من أثر الحادثة، أما ورد ف الحمد لله قدرنا نخرج الرصاصة الموجودة فى كتفها لكن فى كسور مضاعفة كتير فى جسمها غير الكدمات.
ردت سارة متسائلة:
_ طيب هى فين دلوقت؟
_هى موجودة فى غرفة الإفاقة .
_طيب نقدر نشوفها ؟
_لأ مع الأسف يا فندم، زى ما حضرتك شايفة الأمن فى كل مكان وفى حراسة مشددة عليهم، كمان وضعهم لا يسمح بدخول حد، بعد إذنكم .
عاد الجميع أماكنهم بعيون دامعة وقلوب حزينة منهم من يحزن على رياض ومنهم من يدعوا بقلب صادق ل ورد .
أقترب أحد الضباط من ياسين ليتحرك معه نحو قائدهم تحت نظرات الجميع .
_نعم يا فندم ؟
_ياسين أنت عارف أن المنظمة السبب فى كل اللى حصل ده وسهل أنهم يوصلولك .
_بس يافندم واضح أن هدفهم رياض وكده يبقي أنكشف قصادهم .
_فعلاً، كده عملية تصفية وبنسبة كبيرة جداً لو عاش رياض مش هيسيبوه، وكمان هيصفوا كل اللى تبعه، وأكيد عندهم علم بمصدر معلومات رياض اللى هو أنت .
_اللى أعرفه يا فندم إنى كنت كارت محدش يعرفه خالص غير رياض ومنصور وكام راجل من رجالته القريبين، ومنصور خلاص، ورجالته فى إيديكم بعد خناقة الحارة اللى فلت منها رياض وحصله منصور، يعنى أحتمال المنظمة تعرفنى ضعيف .
_عموماً، لازم تاخد حذرك كويس وأحنا مش هنسيبك أن شاء الله.
_ودلوقت يا فندم إيه اللى هيحصل ؟
_المفروض بنستنى رياض يفوق للأستجواب بعدها هيتعرض للمسائلة القانونية، وانت عارف أن أقل تهمة متوجه له عقوبتها الأعدام .
_ وورد؟
_ورد بأنتهاء رياض يبقي كل مشاكلها أنتهت إلا إذا وقف لها حد تانى من أهلها، ودى مشكلتك أنت وهى، أنت المسئول عنها حالياً تقريباً، مش كده ؟
_أنا هدخل أطمن عليها .
_تمام .
تحرك ياسين اتجاه غرفة ورد ليدخل بسهولة أثارت دهشة الموجودين، فقد رفض الأمن دخولهم للأطمئنان عليها أو على رياض ومع ذلك دخل ياسين دون أى منع .
وقف أمامها حزيناً على وضعها الحالى، يرق قلبه إليها.
ف كانت ملامحها الرقيقة مليئة بالكدمات والخدوش، مسح على جبينها برفق ثم أنخفض ليقبلها فيه، داعياً أن تصبخ بخير، كم يرغب فى مشاكستها حالاً ليطمئن عليها .
ثم خرج بهدوء مثلما دخل ليجلس بجوار يزيد سانداً رأسه على الحائط ليتحدث يزيد بصوت منخفض .
_عايزك بره .
أشار ياسين برأسه موافقاً ثم خرج الأثنان تاركين سارة وريحان وباقى الموجودين .
نظر يزيد إلى ياسين ثم سأله بحرص.
_ياسين، هو إيه الحكاية بالتحديد؟ اللى بيحصل ده أكبر من أن ابن عمها عايز يتجوزها غصب علشان ثروتها، ثم أنت رجعت الخدمة ولا إيه ؟
نظر له ياسين بتفكير ثم قرر أن يخبره بكل شىء .
_ من يوم ما خرجت من الخدمة بسبب أصابتى أشتغلت عند مصطفى داوود والد ورد كحارس شخصى، كنت شايف أحلامى كلها أتدمرت بسبب خروجى من الخدمة لكن مصطفى باشا شاف فيا حاجة أكبر من الحارس الشخصى صاحب القوى الجسمانية، شاف فيا سند له وأمان لبنته وده بعد أختبارات ومواقف كتير بينى وبينه، بدأ يستأمنى على أدق أسراره، رياض كان عارف كده وحاسس بثقة عمه فيا، وكان متورط مع منظمة عالمية زى المافيا كده كان هدفه يوصل لورق معين مع عمه ومش عارف الطريق له، فطلب منى مقابلته بعدها طلب منى الأوراق دى .
_أوراق إيه دى؟
سأله يزيد مستفسراً ليرد ياسين بإجابه مبهمة .
_مينفعش أقولك علشان مايكونش فى خطر عليك، المهم .. بعد طلبه مكونتش عارف هعمل إيه، أول حاجة فكرت فيها هى القائد مهاب العشرى، كلمته بموبايلي القديم علشان مفيش عليه مراقبة ومحدش يعرف بوجوده منهم، لما قابلته قالى كمل معاه وشوفه عايز إيه بس مكنتش عارف الورق ده إيه ومحدش عارف غير مصطفى ورياض، حتى مهاب باشا مكانش عارف غير لما قدرت أوصل لأول الخيط، ساعتها فهمنا ايه الورق ده، لما جينا نسافر قبلها بيوم طلبنى رياض علشان يقولى أن السواق اللى هينتظرنا بره المطار هناك تبعه وكل اللى عليا أنى أسهله مهمته وأديه اول الاوراق المطلوبة وبعدها هو هيخلص من مصطفى بمعرفته وهيبين اللى حصل حادثه، عملت نفسي موافق بعلم مهاب باشا سافرت وبعد ما ركبنا العربية السواق خرج مسدس بهدوء علشان يكمل مهمته وقبل ما يلف يضرب فيه كنت أنا منعته لكن الطلقة خرجت فى مكان فى العربية ف فقدنا التوازن وانقلبت بينا أحنا التلاتة، كان المطلوب منى أحمى مصطفى باشا وأخلص من السواق وتبان أنها حادثة لكن مقدرتش أسيطر على كل ده .... وراح مصطفى باشا لكن قدرت أحمى الورق، بعد ماجالى مهاب باشا وعرف محتوى الورق اللى معايا ساعتها قالى هتكمل فى المهمة وبعدها عرفت ايه هيحصل لورد ف طلبت منك ومن يامن وعاصم تخطفوها من الفرح بعد تسهيلات مع أمن الڤيلا تحت عين مهاب باشا برضو، ولما رجعت عرفت أن ... أن ... سمر كانت على علاقة برياض .
نظر إليه يزيد ب لوم وعتاب فأكمل ياسين .
_بالله عليك مش ناقص، أنا فيا اللى مكفينى ومكانش ينفع أخد أى رد فعل لأى حاجة لأن كل خطوة كانت بحساب، المهم، بدأ التهديد يزيد من ناحية رياض بأهلى وعيلتى ساعتها الحمد لله مهاب باشا قدر يحميهم تماماً لكن قدر رياض يوصل ل ورد، الله أعلم إزاى لكن انت عارف باقى اللى حصل .
نظر إليه يزيد بحزن على حاله وحال رفيقه ثم أردف .
_سمر اللى بلغته بمكان ورد .
نظر إليه ياسين بصدمة ليكمل يزيد .
_وأنا طلقتها .
كاد ياسين أن يتحدث ولكنه سمع صريخ من أحد الموجودين ف تحرك مسرعاً نحو مصدر الصوت .
_إيه اللى حصل؟
سأل ياسين الطبيب ليجيبه بعملية.
_مع الأسف رياض بيه البقاء لله .
كانت نيرمين تبكى بحرقة أم أنفطر قلبها على صغيرها، فلا يهم هل هو خائن، قاتل، أم شيطان .
ف تظل الأم أم فى كل الأحوال .
أقترب منذر من غرفة ورد صارخاً.
_هى السبب، ورد هى السبب، والله لأجيب حق ابنى منها، أنا بتهمها أنها قتلت ابنى .
أقترب ياسين من منذر بهدوء متحدثاً .
_أولاً أنا مقدر الظرف اللى أنت فيه، بس أنت عارف كويس ابنك عمل ايه وكان ناوى على إيه، أدعيله بالرحمة علشان اللى كان هيحصل له بعد ما يخرج من هنا أكبر كتير من الموت.
_أنت أتجننت، أنت بتكلمنى كده ليه؟
_أنا بس بفهمك، ثم اللى جوا دى مسئوليتى دلوقت وأبوها اللى هو أخوك كاتب وصيته اللى أنت عارفها كويس وكاتب فيها أنى المسئول عنها فى حالة حدوث أى شيء له، يعنى لو كان واثق فيك أو فى ابنك كنا عرفنا .
تحرك منذر من أمامه نحو زوجته يساعدها على النهوض ليتحركوا نحو ابنهم بقلوب باكية لفراق حبيبهم.
أما رجاء ف ظلت واقفة قليلاً تنظر لريحان الباكية بصمت ثم نظرت ل ياسين بتحدى ثم خرجت خلف أخيها .
ليقترب يزيد من ياسين رابتاً على كتفه .
_لسه مشوارك طويل أوى معاهم .
_ربنا المعين .
علم المعلم شاهين بما حدث مع ابنته على يد زوجها ف عاد إليهم بعد يوم طويل فى قسم الشرطة .
_فضحتينا، فضحتينا و اسمنا بقي على كل لسان .
قالها صارخاً مقترباً من ابنته يجذبها من شعرها لتنال منه ضربات قوية عنيفة ستترك أثراً سيدوم لفترات طويلة .
أقتربت منها مهجة تحول بينهم دون جدوى.
_خلاص كده يا بنت أمك، المستخبى بان وسيرتك على لسان كل الحارة، أتطلقتى وقعدتى بعارك وعار بناتك طول العمر.
_أهدا يا حاج البنت هتموت فى إيدك والبنات أتفزعوا .
_لسه خايفه عليها، ما هى تربيتك اللى خلتها عملت فينا كده .
خرجت دليلة مسرعة نحو والد زوجها تسأله ببكاء.
_سعيد حصله إيه؟
_سعيد، سعيد خلاص أتسجن و يا عالم هيخرج أمتى دا غير الفضيحة اللى هتقابله أول ما يخرج، ومسيرة يجيب رقبتك بإيده يا ف اجره ويخلصنا من عارك .
ألقاها فى الأرض بعدما أمر بمنعها من الخروج من الغرفة ومن البيت بأكمله، فقد هدمت إمبراطورية شاهين ونكثت رأسه فى التراب بعدما كان سيد المنطقة ويهابه كل قاصٍ ودانى .
خرج شاعراً بالخزى والعار الذى حاول مداراته أعوام عديدة ف ساعدته عبير للصعود إلى شقتها تحاول تهدئته .
جالساً فى سيارته بعيداً عن المشفى قليلاً متحدثاً فى الهاتف.
_لقد تم الأمر سيدى .
_حسناً، حان موعد عودتك إلى أن تتلقي إشعاراً أخر.
_حسناً.
أغلق الهاتف ثم اتجه إلى أحد الفنادق ليستعد لترك البلاد .