الفصل التاسع عشر

على الجانب الأخر كان حسام جالسا مع شيرين بفيلا الدكتور سعيد يحاول أن يتملك من كل شئ بها ، وايضا يجعلها تكره ابن عمها ..
_ الزفت قريبك ده لسه مظهرش
= كلنا مستغربين من يوم ما ساب الفيلا مارجعش
_ حد يسيب الورث ده كله ويختفى ، ده اكيد بيرتب لحاجه وفجأه هيظهر
= حاجة ايه
_ اكيد بيرتب لحاجه يسرق بيها باقى الميراث يعنى
= متخافش انا مفتحاله كويس
_ ايوه كده يا حبيبتى عاوزك تركزى كويس وتفتحى عينك علشان الحرامى ده مايسرقش فلوسك انتى واخواتك
= حاضر ، كفايه بقى الكلام الرزل ده انا عاوزه افك شويه هات سجاره
_ احلى سجاره ليكى يا قمر
أخرج حسام من علبته سيجارة حشيش أعطاها لشيرين وأشعل هو ايضا واحدة جلسوا يدخنون السجائر وحينما انته ا من الشرب ذهب حسام إلى منزله بينما شيرين دخلت الى الفيلا وفى طريقها وجدت الدادة خيرية امامها
_ ايه يادادا انتى لسة منمتيش
= وانا من امتى بنام قبل ما انتوا كلكم تناموا
_ هما اخواتى لسه بره
= لمياء رجعت من بدرى وطلعت نامت بس مريم لسه مارجعتش لحد دلوقتى
_ اطلعى نامى انتى وهى شويه وهترجع
نظرت الدادة خيرية إلى عيون شيرين التى كان الأحمرار يملأوها اثر شرب الحشيش فسألتها عن السبب
= مال عينك حمراء كده ليه
تفاجأت شيرين بالسؤال ولكنها سريعا تداركت الموقف
_ عينى !! لا ده تلاقيه من السهر بس
= قولتلك 100 مره نامى كويس
_ حاضر يا داده انا هطلع انام دلوقتى . تصبحى على خير
= وانتى من اهل الخير

فى صباح اليوم التانى كان العم مصيلحى ينضف جنينة الفيلا وبالأخص منطقة الجلوس فكان بها اكياس كثيرة فبسبب الشرب الذى كان يشربه حسام وشيرين نسوا ان ينظفوا مكانهم أو حتى يقومو بأخفاء اقار سجائر الحشيش التى وجدها مصيلحى فذهب سريعا لينادى على الدادة خيرية ليخبرها

_خير يا مصيلحى فى ايه
= فى مصيبه يا خيريه
_ مصيبة ايه يا راجل انت
= امبارح بالليل الانسه شرين هى وصحابها كانوا قاعدين فى الجنينه بيشربوا سجاير
_ وفيها ايه دى ما هما على طول بيشربوا سجاير
= حتى لو كانت السجاير دى حشيش
كان الرد صادما للدادة خيرية فهى تعلم ان اصدقاء شيرين يشربون السجائر ولكنها لا تعلم ان هذه السجائر ممتلئة بالحشيش
_ انت بتقول ايه يا راجل انت
= انا وبنضف الجنينه لقيت اعقاب السجاير دى ولما شميتها عرفت انها حشيش
خبطت الدادة خيرية بيديها على صدرها مثلما تفعل السيدات المصرية
_ يادى المصيبه البنات هتضيع
= لازم نلاقى حل للموضوع ده
بعد وقت قليل من التفكير اجابت
_ مفيش غير حل واحد
مصيلحى : ايه هو الحل ده
_ انا هروح للمتر شريف وهو يتصرف فى الموضوع ده
= عندك حق
_ طب روح انت شوف شغلك وانا هروح الشركه واقابل شريف بيه
= حاضر

فى غضون ساعتين كانت الدادة خيرية امام مكتب المتر شريف وبعدما سمحت لها السكرتيرة بالدخول تفاجئ المتر شريف بحضورها
_ خيريه !! ايه اللى جابك البنات حصلهم حاجه
= البنات بتضيع يا متر
قالت خيرية تلك الجملة وهى تبكى
_ ازاى يعنى
= مريم كل يوم سهر للفجر بره البيت ولمياء فى عالم تانى حتى بطلت تروح الشغل وشرين كل يوم سهر مع اصحابها الصيع ومش بس كده دول كمان بيحششوا بيت الدكتور سعيد بقى غرزه على اخر الزمن
_ ايه الكلام اللى بتقوليه ده
= زى ما بقولك كده
_ طب مقولتيش ليه من بدرى
= موضوع الحشيش ده عرفته النهارده
_ عاوزك ترجعى الفيلا دلوقتى وتفتحى الاوضه بتاعة الجنينه وتنضفيها
= اوضة الجنينه
_ ايوه لازم الاوضاع ترجع لطبيعتها
= مش فاهمه
_ مش مهم تفهمى اعملى اللى قولتلك عليه ولما تخلصى اتصلى بيا
= حاضر يا متر

انتهى المتر شريف من عمله ومراجعة كل شئ وعاد ليلا إلى منزله ، كان سعيد جالسا يتحدث مع رجب حتى دخل عليهم المتر شريف فقال سعيد

_ حمد لله على السلامه يا متر
= الله يسلمك
_ مالك يا متر شكلك متضايق
لم يرد عليه المتر شريف ونظر إلى رجب ثم اتبع
= يا رجب لم كل هدوم سعيد فى الشنط
قام رجب فى عدم فهم ليفعل ذلك
_ حاضر يا متر

بعدما ذهب رجب نظر سعيد وهو لم يفهم شيئا ثم قال

_ ليه كده يا متر

= انت لازم تسيب الشقه دلوقتى

ظن سعيد أنه أصبح حملا ثقيلا على المتر شريف

_ انت بتطردنى يا متر
= عارف يا سعبد انا زيى زى اى واحد فى الدنيا كان نفسى اخلف بس للاسف مخلفتش الفتره اللى انت عشت معايا فيها عوضتنى عن الاحساس ده واعتبرتك ابنى بالظبط
_ وفى اب يطرد ابنه الا اذا كان الابن عاصى والاب قاسى
= لا انا قاسى ولا انت عاصى
_ امال ايه الحكايه
= انت عندك شك فى ان مصلحتك انت وبنات عمك اهم حاجه عندى
_ لا طبعا
= علشان كده تنت لازم تروح تعيش فى الفيلا
_ اعيش فى الفيلا ازاى وبنات عمى مش طايقنى
= بنات عمك محتاجينك جمبهم هما دلوقتى مش عارفين قيمتك بس مسيرهم هيعرفوك بجد

احس سعيد أن هناك شيئا ما يحدث ولايريد المتر شريف البوح به فقرر ان يعرفه بنفسه بعدما يسمع كلام المتر شريف
_ حاضر يا متر
كان رجب. اعد الشنط وأتى يها ثم قال
_ الشنط جاهزه يا متر
احس سعيد بأن رجب تضايق مما حدث فأراد أن يخبره انه لا شئ يحدث مما يدور بخاطره
= لحقت تجهزها يا رجب انت ماصدقت تخلص منى
_ ربنا العالم انك هتقطع بيا يا سعيد

رد المتر شريف عليه
_ خد يا رجب مفاتيح العربيه ووصل سعيد
= حاضر يا متر
فرد عليه سعيد
_ وكمان مش هتوصلنى يا متر
= معلش لازم تروح لوحدك
_ ماشى يا متر يلا قدامى يا رجب
ألتفت رجب وحمل شنطة وايضا سعيد يحمل الأخر متجهيين صوب الباب فنادى عليه المتر شريف
= سعيد
وقف سعيد ونظر إليه فوجده فاتحا ذراعيه ليحتضنه فقام سعيد ايضا باحتضانه واتبع المتر شريف قائلا
_ خلى بالك من نفسك ، وفكر قبل أى رد فعل
= حاضر يا متر
ذهب سعيد مع رجب الذى أوصله للڤيلا وكان فى انتظاره على البوابة مصيلحى عامل الجنينة وخيرية الدادة ومرتضى الحارس الذين قابلوه بتحية حارة جدا وكأنهم ينتظرونه منذ فترة طويلة أخبرهم سعيد بأمتنناه لتلك الأستقبال ، ودع سعيد رجب وبعدها دخل إلى غرفة الاستوديو .. جلس قليلا وبعدها نام على سريره كان يحلم احلاما كثيرة أبتدت بأنه رأى أبيه وأمه وهم يسألونه عن سبب تواجده وانهم يريدون منه أن يحافظ على ما تبقى من العائلة كان يمر من أمامه فى الحلم عمه وكلما يراه يمعه يقول له " وصيتى ليك بناتى ودا عهد قدام ربنا " ظل سعيد يحلم بتلك الأشياء حتى افاق من نومه فى الصباح علم سعيد بأنه واجب عليه أن يراعى بنات عمه وأن يتحمل هذه الفترة ويصلح كل شئ ارتدى سعيد ملابسه من ثم خرج ليجلس فى الجنينة ، كانت تقف مريم بالشرفة ورأت سعيد جالسا بالجنينة فدخلت سريعا توقظ اخوتها ....وبعدما ايقظتهم خرجو جميعهم لها فى الشرفة
فقالت لمياء
_ فى ايه يا مريم
= فى مصيبه سوده
ردت عليها شيرين
_ مصيبة ايه على الصبح
= الزفت ابن عمكم قاعد تحت فى الجنينه وشكله بايت هنا من امبارح
تفاجأت شيرين بما تقول اختها
_ انتى بتقولى ايه
= زى ما سمعتى كده
_ ده انا هطين عيشته ، تعالوا معايا

نزلت البنات الى سعيد بالجنينة تمتلئ عينهم بالشرار فبادرهم سعيد بالسلام

_ صباح الخير يا بنات عمى
= ايه اللى جابك هنا
_ انا قاعد هنا فى ورثى وحقى
= انت ايه يا بن ادم انت جبله مابتحسش
_ الله يسامحك يا بنت عمى
فردت مريم
= يعنى اتهببت وورثت معانا وقولنا ماشى لكن تدخل تتسحب فى الفيلا زى الحراميه من غير استأذان
_ اولا انا لما جيت امبارح مكانش فيه ولا واحده منكم موجوده تقدروا تقولولى كنتوا فين لبعد نص الليل
ردت عليه شيرين بعصبية
= وانت مال اهلك تدخل فى حياتنا ليه
_ بتدخل فى حياتكم علشان انتوا بنات عمى ، عمى اللى وصانى عليكم قبل ما يموت
فردت عليه لمياء
= واحنا مش عاوزين وصى علينا خد نصيبك وفارقنا
_ انا مش هقدر اكسر وصية عمى

ظل النقاش والمشادات لأمثر من ساعة ولم تجد البنات فائدة من كلامهم فردود سعيد كلها واحدة وانه فقط جاء لينفذ وصية عمه ، قرر البنات تركه وذهبت كلا منهم إلى غرفتها
على الجانب الأخر كان طايع جالسا يتحدث إلى اسامة
_ قعدت تقولى انا هخلص موضوع الارض وحاطط الناس فى جيبك كل ده طلع كلام على الفاضى
= ليه كده يا عمى
_ انت بقالك فتره بتحاول مع الناس من غير اى فايده
= الصبر يا عمى انا ماشى معاهم بسياسة النفس الطويل
_ وايه اخرتها اسمع يا أسامه انا قاعد فى القاهره اسبوعين عاوز ارجع الاقى فى حاجه اتنفذت فاهمنى
= حاضر يا عمى
_ سلام دلوقتى
قام الحاج منصور وترك اسامة جالسا وحده قام اسامة بأخراج هاتفه واتصل بشخصا ما وطلب منه النحئ فى اسرع وقت وفى غضون نصف ساعة كان امامه
_ خير يا بيه
= عاوزك تبتدى تنفيذ اللى اتفقنا عليه النهارده
_ ابدى مع الكل
= لا متبقاش غشيم
_ طب اعمل ايه
= ابدأ بالارض بتاعة صالح
_ امرك يا بيه
= روح شوف شغلك
_ عن اذنك يا بيه
ذهب الرجل من أمام اسامة وبعدها اسامة توجه إلى فيلا الحاج منصور ودخل كانت امامه الدادة عرف منها أن زوجة الحاج منصور بالأعلى فأمرها بأن لا يصعد أحدا إليهم وصعدت للأعلى فتح باب الغرفة مباشرةً ، تفاجأت زوجة منصور من وجدوده ونظرت إليه بخوف ..ثم اتبعت
_ أنت عايز ايه
= متخافيش أوى كدا مش عايز منك حاجة دلوقتى انا جاى بس اعرفك أن فى فيديو ليكى معايا انتى وجوز اختك الله يرحمها ، والفيديو دا فيه منه نسختين نسخة معايا ونسخة مع حد تانى يعنى لو شكيت فى أن فى أى غدر هيحصل منك مش هسيبك
نظرت إليه بخوف ، ولكنها تريد معرفة سبب التهديد
_ طب وانت عايز ايه
ضحك أسامة عاليا ثم اتبع
= دلوقتى مش عايز بس خلى بالك كل اللى هعوزه بعد كدا هيتعمل تمام
تركها اسامة قبل أن يسمع ردها ، جلسا نعمة تبكى على ما أحل بها ومن الخوف من تهديدات اسامة ولا تعرف ماذا ستفعل

على الجانب الأخر كانت شيرين تجلس مع اصدقائها الجنينة ويتحدثون حول ما حدث بالصياح فقال حسام

_ انا قولت من الاول ان الواد ده مش ساهل واكيد كان بيجهز نفسه علشان يعرف يسيطر كويس
= اهو رجع وباين ان كل كلامك طلع صح
_ الواد ده لازم نلاقيله حل ونخلص منه
= ايدى على كتفك
_ الصبر ده محتاج ترتيب
= رتب زى ما تحب بس خلصنى منه

كان سعيد جالساً بغرفة الأستوديو فأراد أن يخرج يجلس قليلا بالجنينة وبعدما خرج أشم رائحة مخدر الحشيش اتية من الداخل فأتجه ناحية الرائحة وجدها اتية من شلة شيرين أسرع فى الذهاب إليهم وقال

_ انتوا بتتنيلوا تهببوا ايه
فردت عليه شيرين بنفس العصبية
= وانت مالك أنت
على صوت سعيد أكثر
_ أنتى متتكلميش خالص حسابك معايا بعدين
_ انت بتزعقلى انا ياحيوان يا تربية الشوارع
لم يتمالك سعيد اعصابه فوجد نفسه يرفع يده ويفعها على وجهها بكل قوة ، مما اثار الخوف بداخل شيرين فهى لم تسمع أو ترى تلك النبرة والنظرات من سعيد منذ أن رأته فأتبع سعيد قائلا
_ ادخلى جوة دلوقتى وحسابك بعدين
فردت شيرين بكل خوف
= حساب ايه اللى بعدين
_ مش عايز اسمع صوتك وخشى جوة دلوقتى
ازداد الخوف بداخل شيرين وبعدها ذهبت مسرعة إلى داخل الفيلا
نظر سعيد لأصدقائها واكمل كلامه قائلا

_ انتوا بقى مش عايز اشوف وش واحد فيكم هنا تانى عندكم أهل يربوكم انا مش هربى حد ولكن لو سمعت ان واحد فيكم بيتعامل مع شيرين حسابه معايا هيبقى عسير
ثم أتبع مناديا على فتحى حارس الفيلا
_ يا فتحى الباب دا ميدخلوش حد غير بعلمى انا أيا كان مين هو اللى داخل حتى المتر شريف تمام
رد عليه فتحى وكأنه كان يتمنى حدوث ذلك فكان مبتسما وهو يرد
= تمام يابيه

على الجانب الأخر بعدما دخلت شيرين إلى الفيلا كانت تبكى كثيرا فسمع صوتها اخوتها الذبن اتوا مسرعين ليعرفو ما بها سألتها لمياء عن ما حل بها
_ فى ايه يا شيرين يا حبيبتى بتعيطى ليه
= الحيوان ابن عمكم ضربنى بالقلم وطرد صحابى
_ ازاى يتجرأ ويعمل حاجه زى دى
= مش عارفه بقى وزعقلى جامد وقالى حسابك بعدين
ردت عليها الدادة خيرية وهى تعرف السبب كل المعرفة ومتيقنة منه
_ يعنى هيضربك كده من غير سبب
فاتبعو شيرين
= لا ده عاوز يفرض سيطرته علينا
فردت مريم بدون فهم
_ ليلة اهله سوده تعالوا معايا
ردت الدادة خيرية
= رايحه فين يا مريم
_ هوقف البنى ادم ده عند حده
= اهدى يا بنتى مش عاوزين مشاكل
_ هو اللى بدأ المشاكل يلا بينا

خرجوا البنات ومعهم الدادة خيرية كان سعيد بعدما فعل هذا قد عاد مرة أخرى إلى غرفته ليفكر فيما سوف يفعل ولكنه تفاجئ بحضور البنات والدادة خيرية فقال
_عاوزين ايه
ردت عليه مريم بكل عصبية
= انت ازاى تتجرأ وتمد ايدك على اختى
_ وانتى جايه محاميه عنها
= كلمنى زى ما بكلمك
_ انا ضربتها علشان خايف عليها ولا ايه يا شرين
نظرت إليه شيرين ولم ترد عليه
= وبصفتك ايه تخاف علبها ولا على اى حد فينا
_ بصفتى ابن عمكم وخايف عليكم وعمى قبل ما يموت وصانى عليكم
= يادى ام الوصيه اللى هتفلقنا بيها
_ تقدوا تقولولى انا ليه بتعب نفسى معاكم اى واحد مكانى كان قادر ياخد نصيبه ويخلع ويشوف حياته
= ابوس ايدك اعمل كده
_مقدرش اعمل كده مقدرش اخون عمى ولا اكسر وصيته انا اتربيت على انى احافظ على العهد وبمزاجكم ولا غصب عنكم انا ابن عمكم ووصية عمى انا مسؤل انى انفذها .دلوقتى امشوا كلكم من قدامى
خرجت البنات من الغرفة بينما ظلت الدادة خيرية قليلا وحينما تأكدت من خروجهم اتبعت قائلة
_ يسلم لسانك على كل كلمه قولتها
رد سعيد بعدما هدأ قليلا
_ انا والله خايف عليهم مش اكتر
= انا عارفه يابنى علشان كده بقولك كمل بنفس الاسلوب
_ انتى متاكده ياست خيريه انى ماشى صح
= طبعا يابنى انت ماشوفتش بنات عمك خافوا ازاى لما انت زعقت فيهم بنات عمك انا اللى مربياهم وعارفه بقولك ايه
_ طب روحى ياست خيريه وخليكى معاهم لانى حاسس انى زودتها وخصوصا مع شرين
= ايه ابتديت تحن
_ لا مش القصد بس مينفعش الشده تبقى على طول لازم نشد ونرخى علشان الحبل مايتقطعش
= عندك حق طب اسيبك انا واروح اشوف البنات
_ اتفضلى ياست خيريه

فى اليوم التالى استيقظ سعيد على هاتفه يرن كان المتر شريف فرد عليه واخبره المتر شريف أن يحضر إلى الشركة فى اسرع وقت واخبره ايضا ان هناك سيارة بالخارج فى انتظاره قام سعيد وجهز نفسه ومن ثم خرج من الغرفة وركب السيارة وبعدما وصل مكتب المتر شريف سأله المتر
_ انت ايه اللى عملته يابنى ادم انت
= عملت ايه يامتر
_ ايه اللى خلاك تضرب شرين
= مين اللى قالك
_ شرين اتصلت بيا وقالتلى
= طب مقالتلكش انت ضربتها ليه
_ لا مقالتش
= ضربتها علشان قاعده بتحشش هى وصحابها فى الفيلا
_ انا مش مفهمك انك تتعامل بهدوء معاها
= اهو اللى حصل
نظر إليه المتر شريف وابتسم ثم قال
_ دمك حامى زى عمك
= انا عارف انى زودتها امبارح بس اهو اللى حصل
_ بالعكس انت اتصرفت صح بس كفايه انك تزعق مش لازم الضرب
رد عليه سعيد بكل صراحة وهو لا يعلم سبب فعلته بالأمس
= وانا ازعق ولا اضرب بصفتى ايه اصلا
_ من النهارده هيبقالك صفه وتقدر تزعق براحتك
رد سعيد فى عدم فهم
= ازاى يعنى
_ المحكمه وافقت على طلب الوصايه بتاعك على شرين
خبط سعيد على رأسه ثم قال
= يادى المصيبه السوده
_ مصيبة ايه يا سعيد
= الكلام اللى بتقولوه ده معناه ان فى حرب هتقوم فى الفيلا ومش بعيد بنات يضربونى بالرصاص
ضحك المتر شريف عليا وظل يضحك حتى رد سعيد
= بتضحك يا متر
_ جمد قلبك انت وهتعدى
= با خوفى تعدى على رقبتى تقطعها
_ بعد الشر عليك انت مش عاوز حال بنات عمك يتصلح
= طبعا يا متر
_ خلاص اسمع الكلام
= حاضر
بعدها اخبره المتر شريف بانه يجب عليه أن يتعلم القيادة وأنه سيرسل معه السائق الخاص به ليعلمه وايضا انه يجب ان يذهب مع هبة السكرتيرة لكى يشترى سيارة جديدة له
بعدها فتحت هبة السكرتيرة الباب مسرعة وقالت
_ المهندس يوسف موجود برا وقولتله أنك فى اجتماع مهم جدا وهو مصمم يدخل وبيقول فى مشكلة كبيرة أوى ولاظم تتحل
رد عليها المتر شريف
= طب دخليه بسرعة