الفصلالسادسعشر

أغلق سعيد المكالمة مع يوسف ونظر لمعتز الذى وجده ينظر له بنظرة أنه اخطأ فى فهم صديقه
_ ده مقدرش يستحمل ليله واحده
= انا عارف ان مصطفى طيب وغلبان
_ طب اتصل بيه
= مش دلوقتى
_ امال امتى
= يوم ولا اتنين وبعد كده هكلمه
_ ليه ده كله
= لازم مصطفى يعرف معنى الغلطه اللى غلطها معايا ويعرف كويس ان السماح مش حاجه ساهله
_ ده انت قاسى جدا
= بالعكس ده انا مفيش اطيب منى بس لسه صعبانه عليا نفسى لما سابنى اخرج من بيته بالشكل ده علشان كده لازم يعرف غلطه
_براحتك بس ياريت ماتطولش فى عقابك مصطفى غلبان
= عارف والله ومتأكد من كدا

من ناحية أخرى ذهب الحاج منصور إلى قصرا كبيراً نفس القصر الذى كان جالسا به الرجل الذى كان يود قتل اسامة وتلفيق التهمة لسعيد كان جالسا يتحدث مع منصور حتى انتهى الأمر بأنه ضاق خلقه من منصور الذى قال
_ اسمعنى يا باشا
= الكلام انتهى لحد هنا
_ انا بقول بس نعدى اليومين دول علشان العيون مفتحه عليا اليومين دول
قام الرجل من جلسته وذهب باتجاه البار وقام بصب كأسا من الخمرة الفاخرة ، كان يحدث الحاج منصور بدون أن ينظر إليه
= احنا لما وافقنا انك تترشح لمجلس الشعب وافقنا علشان شغلنا يمشى من غير مشاكل وبسهوله تيجى دلوقتى تقول العيون مفتحه
_ ياباشا
التفت إليه وافترب منه بخطوات بطيئة وهو يتحدث
= مفيش كلام تانى يا اما تخلص الشغل المطلوب منك يا اما تعتزل وانت عارف معنى الاعتزال فى شغلنا
_ خلاص يا باشا انا تحت امرك واول ما هرجع البلد هخلص كل اللى تؤمرنى بيه
سند كفيه على كتفه ووقف خلفه يكلمه فى اذنه
= اسمعنى كويس يا منصور انا يوم ما رشحتك فى المكان اللى انت فيه اللى مكنتش تحلم بربعه علشان تسمع الكلام وتنفذه كويس ومن غير غلطه
_ اوامرك يا باشا
= احنا اللى عملناك وزى ما عملناك نقدر نعمل 1000 غيرك وساعتها انت مش هيبقالك لازمه وانت عارف فى شغلتنا اللى مش بيبقاله لازمه بيحصل فيه ايه
_ عارف باشا
تركه وذهب يجلس على مكتبه
= يلا روح شوف شغلك
_ عن اذنك يا باشا
ذهب الحاج منصور إلى منزله ويفكر كيف سيتعامل مع الأمر ، على الجانب الأخر قد مر اسبوع من طلب المتر شريف من السكرتيرة هبة جمع المعلومات عن سعيد وقد فعلت ذلك كان جالسا بمكتبه بالشركة ودخلت عليه هبة وبعد مراجعة بعض الأوراق والاجتماعات معها سألها
_ عملتى ايه يا هبه فى موضوع سعيد
= كل شئ تمام
_ فهمينى بالظبط كل حاجه
= البطاقه سليمه سعيد فعلا يبقى ابن عم البنات وبالنسبه للى حصل بينه وبين المرحوم كان فعلا صدفه وهو ملهوش اى علاقه بالدكتور الشمال
_ وايه تانى
=بالنسبه للحادثه اللى مات فيها الدكتور عمار كاميرات المنطقه حددت العربيه واتقبض على صاحبها واكتشوا انه كان سايق العربيه سكران وعمل الحادثه وهرب بعدها لانه خاف يتقبض عليه يعنى حادثه عاديه جدا بس الصدفه بس هى اللى بوظت الدنيا
_ سعيد ده باين عليه منحوس كل المشاكل ده جت مع بعضها
= بس واضح انه غلبان جدا وطيب ده انا عرفت عنه حاجات كتير من الاقصر
_ عرفتى ايه
= كل الناس بتحبه هناك بس فى الفتره الاخيره حصلت مشكله هناك
وقصت هبة على المتر شريف كل ما سمعته بالبلد
شريف : ايه ده كله
هبه : مش قولت لحضرتك .... سليم ده حكايته طويله
شريف : كده احنا اتطمنا انه يبقى ابن عم البنات فعلا
هبه : طب هتعمل ايه دلوقتى يا متر
شريف : هتصل بيه واشوف هنعمل ايه فى الفتره اللى جايه

اخرج المتر شريف هاتفه وقام بالاتصال بسعيد ولكنه وجد هاتفه مغلق ظل يعاود الإتصال به عدة مرات ولكن دون جدوى فأبلغ هبة بأن هاتفه مغلق
_ انا خايفه يكون حصله حاجه
= ممكن يكون مصطفى عارف عنه حاجه
_ طب اتصل بيه وشوف كده
= مش معايا رقمه
_ تحب اروحله القسم واحاول اقابله
= فكره حلوه روحى انتى القسم واى حاجه تحصل بلغينى بيها فورا
_ حاضر يا متر ، عن اذنك
اخذت هبة شنطتها وذهبت إلى قسم الشرطة وسألت عن مكتب الضابط مصطفى وبع
ما سمح لها العسكرى بالدخول تقدمت للداخل فقام بسؤالها مصطفى
_ خير يا استاذه هبه صاحبتك عاوزه تتهمنى بايه تانى
ردت عليه بعدما جلست امامه
= انا مش جايه بخصوص لمياء
_ امال جايه ليه
= انا جايه بخصوص سعيد
_ عاوزين ايه تانى من سعيد مش كفايه اللى عملتوه ولا عاوزين تلبسوه تهمه جديده كمان
= احنا اتاكدنا ان سعيد يبقى ابن عم البنات وكل اللى حصل ده كان مجرد صدفه بس صدفه بايخه شويه
_ اتاكدتوا ازاى
= انا هحكيلك كل حاجه
وقصت هبة كل ما حدث وعرفته على مصطفى
_ يعنى مكانش ينفع تتاكدوا بطريقه متجرحش سعيد
= معلش اللى حصل انا اقسملك مليش ذنب فى كل اللى حصل انا اتفاجأت زيك كده
_ طب عاوزه منى ايه دلوقتى
= احنا بنحاول نوصله من الصبح ومش عارفين
_ سعيد خلاص اتبخر ومحدش هيعرف يوصله
= ازاى ده ، مش هو المفروض قاعد معاك
_ كان قاعد معايا بس بسبب اللى حصل بسبب صاحبتك غلطت غلطة عمرى وضيعت سعيد
= ازاى
_ لما جالى بعد اللى حصل فى الفيلا نزلت قابلت لمياء
وحكى مصطفى ما حدث بينه وبين لمياء وبينه وبين سعيد
= طب والحل دلوقتى
_ سعيد عملها قبل كده واختفى اكتر من 3 شهور ومحدش عرف يوصله غير بالصدفه وما اظنش ان الصدفه هتتكرر تانى انا قلبت عليه الدنيا وملهوش اثر هناك
= دى كارثه طب اقول للمتر شريف ايه دلوقتى
_ قوليله سعيد سابلكم كل حاجه
= طب عن اذنك انا هحاول الاقيه وياريت انت كمان تحاول ده مهما كان صاحب عمرك
_ حاضر واللى يعرف حاجه يبلغ التانى
هبه : تمام ، عن اذنك
ذهبت هبة إلى الشركة مرة أخرى واكمل مصطفى عمله وفى حوالى الساعة الرابعة عصراً ذهب الى إلى منزله أبدل مصطفى ملابسه فوجد جرس الباب يصدر رنينه معلنا عن أن هناك احدا بالخلف ذهب مصطفى لكى يرى من بالخارج فوجد أخته وابيه
_ ايه المفاجأه الحلوه دى ازيك يا حاج ازيك يا ريهام
رد عليه والده
= هتسيبنا على الباب كده كتير
_ ده كلام برضه يا حاج اتفضل
= ازيك يا مصطفى واحشنى
رد عليها مصطفى
_ انتى وحشتينى اكتر يا حبيبتى
=اخبارك ايه واخبار شغلك
_ كله تمام يا حاج بس ايه الزياره المفاجأه دى
= ابدا انا كنت جاى اقابل شوية تجار علشان اتفق على بضاعه للمحلات واختك شبطت تيجى معايا قال ايه انت وحشتها
_ هى كمان وحشتنى اووووى
قال الاب مازحا
= اشبعوا ببعض يا اخويا
_. طيب ادخلوا خدوا دوش كده وغيروا هدومكم على ما اطلب غدا زمانكم واقعين من الجوع
ردت عليه ريهام كأنها وجدت ملازها
= انا هموت من الجوع
_ على ما تاخدى دوش وتغيرى هدومك يكون الاكل وصل
فرد عليها لوالد
= طب يلا يا ريهام
بعد ساعة قد استحم فيها ريهام والحاج على والدها وابدلوا ملابسهم وكان مصطفى قد اعد الطاولة بالطعام وجلسوا ليأكلوا زفى زسط الطعام سأله والده عن سعيد
_ الا قولى يا مصطفى ايه اخبار سعيد ايه
= هاه ......!!
لم يعرف مصطفى ماذا يقول لوالده بأنه ترك صديقه الثانى يضيع منه مثل الأول أو ماذا
_ هاه ايه انطق هو سعيد جراله ايه
= هقولك يا حاج يمكن نلاقى حل
وحكى مصطفى إلى والده كل شئ
_ يعنى سعيد اختفى تانى
= انا بقالى اسبوع قالب عليه الدنيا ومش عارف اوصله
_ ازاى يابنى تعمل فى صاحبك كده
= اللى حصل بقى يا حاج انا وقتها كان فى دماغى 100 حاجه ومكنتش عارف انا بقول ايه
_ مهما كان تشك فى صاحب عمرك اللى متربى معاه
= ما أسامه كان صاحبى ومتربى معايا
_ انت هتساوى سعيد بالزفت التانى
= اهو اللى حصل بقى
فردت عليهم ريهام بعدما استمعت لتلك الحوار
= طب والحل ايه دلوقتى انتوا عارفين سعيد طالما اختفى محدش هيعرف يوصله
= المحامى بتاع الشركه اتاكد خلاص من صلة القرابه واتاكد ان سعيد هيورث مع البنات وواضح ان المحامى ده شخصيه تقيله واكيد هيعرف يلاقى سعيد
= ياريت يعرف يتصرف
ثم اتبع الوالد
_ طب هتعمل ايه مع خطيبتك
= خلاص انا قفلت الموضوع ده
_ انت غبى ياض البت مكسوره وخايفه علشان كده قالت الكلام دا ، ده غير ان موت ابوها مأثر عليها تقوم انت تسيبها بسهوله
رد مصطفى محاولا تبرير موقفه
= وكرامتى يا حاج
_ محدش هوب ناحية كرامتك
= بعدين نتكلم فى الموضوع ده ، المهم طمنى على البلد والناس هناك
_ فى حاجه غريبه بتحصل انا مش فاهمها
= حاجة ايه دى
_ الزفت اللى اسمه أسامه هو ومنصور بقالهم فتره كده بيحاولوا يقنعوا فى الناس علشان يشتروا منهم الارض بتاعتهم
= وفيها ايه دى لما يشتروا ارض من الناس طالما بالرضا
_ مفيهاش حاجه ، بس انا من جوايا مش مرتاح
= انت اللى بقيت موسوس على الفاضى يا حاج
_ ربنا يخلف ظنى انا داخل اريح شويه فى الاوضه علشان الحق مشوارى
= خد راحتك يا حاج
ردت عليهم ريهام
= طب الحاج وهيريح وبعدين ينزل مشواره انا هعمل ايه
_ بعد ما الحاج يخرج هاخدك ونروح سينما
ردت عليه وهى تحتضنه
= ايوه كده يا اخويا يا مدلعنى
_ وانا ليا مين غيرك علشان ادلعه .... عارفه يا ريهام احنا اه الفرق بينا 4 سنين بس دايما بحس انك بنتى مش اختى
= ربنا يخليك ليا يا اجدع اخ فى الدنيا
_ مش عارف ليه حاسس انك متغيره فى حاجه حصلت انا معرفهاش
= لا العادى
_ بس انا فهمت يبقى اكيد فى عريس جديد
= ارجوك يا مصطفى مش عاوزه اتكلم فى الموضوع ده
_ لحد امتى ، انتى دلوقتى صغيره وبتتشرطى لكن خايف يجى اليوم اللى تندمى فيه وميبقاش فيه اختيارات قدامك
= عارفه كل الكلام اللى انت هتقوله ، ارجوك ارحمنى ومتبقاش انت كمان عليا
_ حاضر يا ريهام
= انا هدخل ارتاح شويه علشان الخروجه بتاعة بالليل
_ تمام

من ناحية أخرى مر أسبوع على ما جلوس سعيد مع معتز ، كان سعيد جالسا مع نفسه يفكر فى كيف يفعل ولماذا تتوقف حياته على تلك المشكلة فأقرر أن يفتح هاتفه لربما يكون المتر شريف قد دبر له عملا ويستقل بحياته مرة أخرى بالأخص انه ليس لديه فرصة أن يعود مرة أخرى للشركة التى كان يعمل بها ، بعدما انهكه التفكير قرر أن ينزل يتمشى بالشارع قليلا فهو منذ اسبوع لا ينزل من البيت جالساً طوال اليوم بالمنزل ، نزل سعيد إلى الشارع وتمشى بالمنطقة وهو يترجل سمع صوت انين يصدر من مكان قريب منه ، أتبع سعيد الصوت حتى وجد شابين ممسكين بفتاة ويحاولون سرقتها ، أحث بفوران فى الدم بداخله ثم اندفع قائلا
_ انتوا بتعملوا ايه ياولاد الكلب انتوا
التفت إليه الشابين وهجموا عليه حاول ضربهم تلقى منهم ضربات وضربهم ، كان يحاول أن لا يقع تحت يد واحد منهم نظرا لوجود سلاح ابيض فى يديهم ، امسك سعيد بواحد منهم وظل ماسكا بيده التى بها السكين ، حتى ضربه الاخر بالسكين فى دراعه ، التفت سعيد للأخر حاول ضربه بقدمه ولكنه قد ابتعد خطوتين عنه ، فجأة سمعوا صوت سيارة الشرطة فجرى الشابين سريعا فارين من الشرطة ، نظر سعيد اى يده فوجدها تنزف دماً بحث عن البنت فكانت واقفة بجوار عمود مختبئة خلفه وحينما رأته ورأت الدم ينزف من زراعه وقعت فى الأرض مغشيا عليها ..
فى ظل لحظات كانوا قد انتقلوا إلى مستشفى قريبة منهم وبعد مرور ساعتين ، افات الفتاة من الاغماء فوجدت نفسها بالمستشفى وبجوارها ضابط ومعه ممرضة علمت بأنها فى مستشفى فحدثها الضابط
_ انتى كويسة
= انا كويسة
_ انتى ايه اللى ممشيكى فى الشارع دا بليل كدا
= انا ساكنه هنا وبدرس فى كلية صيدله وكنت نازله اجيب علاج لزميلتى فى السكن علشان مش معايا رقم الصيدليه فجأه ظهر اتنين بلطجيه وحاولوا يسرقونى لولا الاستاذ اللى ظهر ولحقنى بس هما ضربوه بالمطوه واول ما شوفت الدم محستش بنفسى غير هنا .... صح هو فين .... حصله حاجه
_ لا هو كويس بس الجرح محتاج غرز والدكتور معاه دلوقتى
= طب الحمد لله
_ مقولتليش انتى اسمك ايه
= انا سارة العاصى ...... ابويا يبقى المستشار طارق العاصى
_ طب حضرتك تعرفى شكل البلطجيه دول
= لا الشارع كان ضلمه وانا كنت خايفه ومش مركزه
_ على العموم احنا هنعمل محضر وتقولى فيه كل اقوالك انتى والاستاذ اللى انقذك وبعد كده نشوف ممكن نعمل ايه
= المهم عندى دلوقتى اتطمن على الاستاذ اللى انقذنى
_ دلوقتى يخرج من عند الدكتور ونتطمن عليه .... متخافيش حضرتك ده جرح بسيط
= لا انا مش هقدر اصبر انا قايمه اتطمن عليه بنفسى
قامت سارة من سريرها وخرجت مع الممرضة التى دلتها على غرفة سعيد أتجهت صوب الغرفة طرقت الباب ودخلت عليه كان سعيد ياحدث مع الدكتور وحينما رأها نظرا الاثنين باتجهاها
_ حضرتك كويس يا استاذ
أبتسم فى وجهها وقال
= اه تمام مفيش حاجه ده جرح بسيط مش مستاهل
_ انا مش عارفه اشكر حضرتك ازاى لولا انك ظهرت فى الوقت المناسب كان زمانهم قتلونى
= مفيش شكر ولا حاجه انا معملتش غير الواجب
_ لا ازاى ده واحد غيرك كان قال وانا مالى
= عيب عندنا الكلام دا مفيش صعيدى يقول وانا مالى
_ هو حضرتك من الصعيد
= ايوه انا من الاقصر
_ وانا كمان من الاقصر ، انا سارة العاصى بنت المستشار طارق العاصى
مدت يدها لكى تسلم عليه وتفاجئ سعيد بكونها أخت لصديقه
= انتى اخت النقيب سيف
_ انت تعرف اخويا
= اخوكى يعتبر صاحبى ده غير انى اعرف ابوكى وعمك كويس
_ بجد
= ايوه ، اسالى والدك على سعيد الصفوانى

انتبه الضابط للحديث حينما سمع اسمه وقطع حديثهما وهو يتقدم نحوه
_ هو حضرتك سعيد الصفوانى
= ايوه يا فندم ، هو فى حاجه
_ ده الدنيا مقلوبه عليك
شعر قلب سعيد بالخوف ماذا ينتظره من مصائب أكثر مما
حدث