وقد كانت اخر كلمه تسمعها منال 
انتي طالق  لتسقط في الارض فاقدة الوعي

في منزل قديم جدا متهالك الاثاث تعيش فتاه بسيطه  في احياء القاهره البسيطه مع والدتها واخوها الكبير والدها متوفي بعد صراع طويل مع المرض قضي علي معظم اموال عائله منال لم يتبقي الا القليل لتعيش الاسرة مع معاش والد منال البسيط

والدة منال
  عائشه  تعمل في كوافير للسيدات ووفرت فرصه للعمل لمنال معاها بعد ارغامها لمنال لتترك دراستها  للمساعدة في مصاريف المنزل

واخو منال الكبير معتز يعمل في قهوة صغيرة   ليعيل اسرته بما يستطيع لمقاومه صعوبات الحياة

ليرتفع صوت عائشه وهي تقول بزهق
يلا يامنال شدي حيلك شويه عندنا عروسه النهاردة ويومنا طويل

لترد عليها منال بلهفه وهي تتحرك بسرعه في المطبخ
لتقول
حاضر ياماما كنت بحضر بس الفطار لمعتز عشان رجع متاخر من الشغل ومتغداش 

ذهبت منال ووالدتها للكوافير بدءوا في تحضير المكان وتنظيفه في استقبال يوم شاق لاستقبال العروسه وتحضيرها في ابهي طله ليومها المهم

منال بابتسامه كبيرة وهي تتأمل جمال فستان العروسه لتقول لوالدتها بفرحه وعيون لامعه
  فستانها حلو اووي

لترد عائشه عليها بمكر وتقول
عقبال لما تلبسي احلي منه علي عريس غني

منال بابتسامه استهزاء تجاوبها
انتي ياامي المسلسلات الهندي ولا التركي دي بوظت الدنيا عندك خالص
واحدة زيي حيتجوزها واحد غني ليه ان شاء الله غاوي فقر

عائشه تقول لها باستهزاء
والنبي انتي خايبه حيتجوزك لجمالك ولا جسمك ال مفهوش غلطه دة
كل مرة نتكلم في الموضوع دة واقولك انا بس يبقي عندي جمالك وجسمك وابقي ست الستات

منال بابتسامه تقول لوالدتها باستهزاء لاحلامها الورديه 
طيب يلا ياست الستات نشوف ورانا ايه احسن بوز الاخص لو شافنا واحنا عمالين نرغي كدة حيعملنا خصم حلو ينكد علينا يومنا

أشرفوا علي انتهاء من تجهيز العروسه وخرجت بأجمل طله
وبعد إنتهاء اليوم طلب مدير الكوافير منال الذهاب الى مكتبه
لتدق منال الباب بعدوء وتقف في انتظار الرد
المدير يقول
ادخلي يامنال
منال بمهنيه تقول له بابتسامه هادئه
حضرتك بعتلي خير

المدير وهو ينظر بتفحص وشهوة  لتفاصيل جسم منال ليقول
في ايه حضرتك ليه الدخله الغامقه دي من اولها ياقمر 
مش حتحني بقي عليا ونسهر النهاردة سوا دي ليله الخميس

منال بارتباك وتوتر ترد عليه
مش حينفع النهاردة اخويا بايت النهاردة في البيت

المدير بزهق يجاوبها
يوووووة دة انا عاملي حسابي النهاردة عليكي

منال بدلال مصتنع ترد عليه
متعوضه بقي حنروح من بعض فين بس انت كمان متنسنيش احسن انا زعلانه منك اووي الايام دي

المدير يقول لها
ليه كدة وانا اقدر علي زعل القمر

منال تتحدث بمياعه لتقول 
لا بتقدر فين ال ٧٠٠ ج ال طلبتهم منك

ليخرج المبلغ من المكتب ويضعه في يد منال وهو ينظر لها بشهوة  لتبتسم منال بميوعه وتخرج من المكتب
تبثق في الارض من شدة غثيانه من قربه لها الشديد لتصادفها والدته

عائشه بلهفه تقول لها
عملتي  ايه مالك لونك مخطوف ليه كدة

لترد منال بتقزز وعيون غارقه بالدموع
الفلوس اهي ال طلبتيها وانا مش حطاوعك تاني واعمل القرف دة عايزة فلوس ادخلي اطلبيها انتي

عائشه بمكر تقول لها
بس هوة مش حاطط عينه عليا انا عينه حتتخلع عليكي انتي وانتي وش فقر

لترد منال بعصبيه
ماتكملي حتتخلع عليا في الحرام انتي ترضي بكدة

لترد عائشه بلا مبالاه
انتي لو بنت امك فعلا وتسمعي كلامها ماحيعرف يلمس شعره منك الا بعد الجواز وتاخدي كل ال انتي عوزاه منه

لتتركها منال وهي في حاله صدمه من وضع امها الشاذ فهي تشعر دائما ان والدتها تستغل جمالها وجسدها للحصول علي ما تريدة لامانع امامها بتسليمها شرف منال مقابل المال  لكن منال نضجت واختلف تفكيرها كثيرا عن الماضي
ف والدة منال تمنعها من ان تحب او تكوين صداقات  كأي فتاه طبيعية في سنها
فسن منال ١٩ سنه لازالت صغيرة علي كم الضغوطات المحاطه بها

لتتذكر منال وهي في طريقها للعودة
اول جواب غرامي وصل لها بداخل كتب الدرس من زميلها في الدرس بدون علمها
ليقع الجواب في يد عائشه لتنال منال ضرب مميت وتمنع من الدراسه نهائي ليبدأ من وقتها استغلال عائشه لانوثه بنتها اسوء استغلال

تسمع منال صوت دقات علي باب اوضتها ويفتح الباب ليدخل معتز بابتسامته المعهودة
يقول
القمر صاحي لسه ليه

لتبتسم منال وتقول له
لسه كنت داخله انام ياحبيبي اكلت قبل ما تمشي

هز معتز راسه بالموافقه
وقال  تسلم ايدك يا قمر

خرج معتز لعمله الليلي ككل يوم  لتغفي منال في سريرها
لتستيقظ علي صوت المنبه لتذهب لعملها في الكوافير بنشاط وجد وحذر من تطاول يد المدير عليها وتحرشه بيها احيانا

لتدخل خديجه النعيمي بغرور للبيوتي سنتر فهي تعتبر  اقوي عميله في الكوافير يتهاتف البنات عليها لخدمتها للحصول علي بقشيش جيد
لتنظر خديجه بتعالي للبنات

ويظهر صوت المدير من خلفهم ليقول بتذلل
البيوتي سنتر نور ياهانم تحبي نخدمك ازاي

لتقول خديجه هانم بتعالي وغرور
عايزة حد يعملي ضوافري وشعري عندي حفله مهمة ومش عايزة أتأخر

ليقول المدير بخضوع
حالا ياهانم
لينادي المدير فورا لاشطر مصفف شعر في المكان لعمل شعر خديجه هانم باتقان وينادي علي منال  لعمل أظافرها
ويشدد عليها بالقول
عاوز الهانم تطلع مبسوطه يامنال

لتقترب منال بابتسامه هادئه منها  وتبدأ باتمام عملها بنشاط وتركيز تحت عيون وتركيز شديد من خديجه النعيمي
لترفع منال عيونها بكسوف
وتسال بهدوء
تحبي احط لحضرتك لون مناكير ايه

لتقول خديجه بمكر
ابهريني انتي بذوقك

لتضع منال لون احمر ملكي بلمسات من اللون الذهبي اللامع ليضيف رونق وجمال وفخامه ليد خديجه هانم

لتبتسم منال وتقول في هدوء
اي اوامر تانيه

لتنظر خديجه هانم لها وتمد يدها بالمال وتقول 
شكرا يااااا

لتبتسم منال بهدوء وتقول
منال حضرتك

وتبعدت منال عنها لتتابع عملها بعميله اخري

لتشاور خديجه هانم بطرف أصابعها للمدير ليهرول لها بخضوع ويقول
اوامرك ياهانم

لتنظر خديجه لمنال وتقول
ظروفها ايه البنت دي 

لينظر لمنال ويقول بلهفه
ضايقتك في حاجه ياهانم

لتنظر له خديجه وتقول بنبرة قرف وتعالي
جاوب علي قد السؤال

ليهز رأسه بالموافقه ويقول
ظروفها معدمه خالص تحت الصفر امها بتشتغل عندي هنا من زمان وابوها ميت بعد فترة مرض كبيره سببت ليهم ديون كبيرة بيسدوا فيها لحد دلوقتي ومش عارفين وليها اخ واحد شغال في قهوة علي قد حالها

لتتفحصها خديجه بتركيز وتشاور للمدير بايديها انه يمشي بعيد عنها

لتخرج خديجه هانم من البيوتي سنتر
ليفتح السائق باب العربيه لها باحترام لتجلس وهي غارقه في دوامه افكارها

ف خديجه النعيمي والدة اكبر رجال الأعمال في السوق صاحب مشروعات كبري يملك اكبر شركات الاستيراد والتصدير ليخفي من خلالها  امبراطوريه كبيرة في السلاح تعيش في قصر فخم مع ابنها الوحيد وزوجته الروسيه
كل حلمها حفيد من ابنها ليملئ وحدتها ويدخل الفرح والسرور على قلبها من جديد بعد وفاه زوجها

في خلال محاولات مستمرة لعرض زوجه ابنها علي اكبر دكاترة وأخصائيين بداخل مصر وخارجها ليجمعوا علي استحاله حدوث حمل بسبب مشاكل وراثيه لدي الزوجه

لينهي تركيزها صوت السائق يقول
وصلنا ياهانم

لتهز راسها بالموافقه بارهاق وتدخل في هدوء لسريرها تستلقي عليه لتغرق من جديد داخل دوامه افكارها

ساعه ويدخل ابنها بقلق عليها و يجلس بجانبها ويقول
انتي رجعتي تقفلي علي نفسك الاوضه من تاني
انتي كويسه ياماما

لتهز راسها بالرفض
وتقول بدموعها بانهيار
لا لا مش كويسه ولا عمري حبقي كويسه الا لو نفذت ال انا عايزاه

لينظر رامي النعيمي في الارض بقله صبر وحيله ويقول بخنقه
طيب انا ذنبي ايه ياماما ماانا حاولت كتير وقدامك وودتها تتعالج في كذا بلد ومفيش حل 

لتقاطعه خديجه بحدة وهي تقول
في حل اكيد في حلول كتيرة كمان اتجوز وهاتلي حفيد

ليقاطعها رامي بحدة وهوة يقول
جواز لا انا بحب مراتي و استحاله المس واحدة تانيه غيرها 

لتجاوبه خديجه هانم بحسرة
اتجوز واحدة خلف منها وابقي طلقها بعدها

ليقول رامي بنفاذ صبر
يعني دة ال حيريحك
ماشي ياماما انا حشوف حد واقولك

لتقاطعه خديجه بحسم لامرها وتقول
انا خلاص شفت واحدة

ليتنفس رامي بزهق ويقول
ماشي ياماما حعملك كل ال عايزاه ممكن تنزلي بقي الحفله بدل ما شكلي انا وانتي يبقي وحش

لتتنفس خديجه براحه اخيرا لتنفيذ رغبتها وتقول بارتياح
عشر دقايق وحبقي تحت

ليخرج رامي وهوة في دهشه من امر والدته واصرارها يوميا على حفيد لتدخل في نوبات اكتئاب شديد لتمتنع عن الاكل والشرب  بالإضافة انها اصبحت مدمنه علي ادويه الاكتئاب

لتقابله زوجته بابتسامه وتقول بلهجه عربيه ضعيفه  حبيبي كنت فين
ليقبلها من خدها ويقول
عند امي
ليندمجوا وسط ضيوفهم من طبقات المجتمع الراقي

انهت منال عملها ليصبح الدور عليها اليوم في الانصرف لوقت متأخر لتنظيف البيوتي سنتر 
لتشرف علي الانتهاء من تنظيف المكان لتغلق المكان بعد ذهاب الجميع 
لتستأذن والدتها بالانصراف لشراء الطعام من المطعم المجاور للبيوتي سنتر والعودة لها مرة اخري للانصراف سويا   ل تتركها وحيدة تنظف المكان باتقان

لتجد منال يد تمتد علي خصرهاا لتنتفض منال برعب لتجد المدير ينظر لها بشهوة ويقول
ايه الحلاوة دي كلها انتي حلوه اوي النهاردة

لتنظر له منال بخوف بسبب وجودها لوحدها في المكان لتقول له
انت جيت امتي

ليقترب زيادة لمنال وينظر لها بشهوة
ويقول
جيت لما عرفت ان الدور عليكي النهاردة 

ليمسك يديها بشده ويقربها له لتبعدة منال وهي تقاومه و تعترض وتقول له
ابعد ايدك لو سمحت

ليقول لها بنبرة مقززة
حديكي كل ال انتي عايزاه

لتشتد مقاومه منال في دفعه بعيد عنها وتقول بخوف وتوتر
ابعد عني لو سمحت
ليمزق المدير بلوزتها ويقربها ليه بقسوة لتدفعه منال بشدة بدون فائدة لضأله جسمها وضعفها امام جسدة الممتلئ

لتجد منال بجانبها فازة الورد لتأخدها وتضربه علي رأسه ليفقد الوعي ويسقط ارضا

لتركض منال خارج البيوتي سنتر وهي خائفه وتبكي بحرقه

لتصل منزلها بصعوبه لتجد والدتها في البيت لتنظر لها منال بدهشه وتقول 
انتي هنا

لتتفأجا عائشه بوجود منال في البيت في وقت مبكر لتسألها
انتي لحقتي تنضفي المكان

لتجلس منال بضعف وتقول لوالدتها بانهيار
انتي جيتي هنا ازاي مش قولتي انك حتشتري اكل وترجعيلي 
الحيوان دة اتهجم عليا

لتتوقف منال ثواني عن الحديث وتنظر لوالدتها بدهشة وتقول بتسأول
انتي ال قولتيله اني في المكان لوحدي صح