الفصل التاسع

بعد انتهاء المناقصه خرج ذلك الصقر الغاضب ولحق به صديقه اسلام وبعده خرج ذلك الخبيث عاصم  وبجانبه تلك الحيه منه..  من ثم خرج اياد وزياد ليذهبوا الي الملكه ويحكوا لها ما حدث اليوم من احداث ليركب اياد مكان السائق وبجانبه زياد ليسمع زياد رنين الفون الخاص به ليجدها مليكه ليرد قائلا
زياد:-  اهلا اهلا مليكه هانم بترن عليا ايه في نصيبه حصلت ولا ايه، لترد مليكه عليه

مليكه بمسكنه مصطنعه:-   هو انا بتاعت مصايب يا زياد  انت يا زياد بتقولي كدا   مكنتش اتوقع منك كدا يلا بقا ربنا يسامحك، لينظر  زياد للهاتف  بصدمه من ثم تابع بسخريه

زياد بسخريه:-  تصدقي كنت قربت اصدق انك مسكينه وطيبه يا بت اخلصي عايزة ايه

مليكه:-  ولا حاجه كل خير المهم بقا انت عارف ان الاخت هتلر عامله ليا انا والبت جوري الغلبانه دي عقاب وبعتت لينا شغل مش هيخلص  الا بعد اقل حاجه 10 ساعات واحنا مش اكلنا فانت تعمل ايه يا زيزو يا حبيبي تقوم تجيب لينا اكل وانت جاي

زياد:- وانا اقول ايه جو المسكنه دا وبعدين مين دول الي غلبانين انتوا يا ريا وسكينه.

   لتلتقط جوري الهاتف من مليكه قائله

  جوري:-  ما خلاص يا زياد هات الحاجه واحنا هنحاسبك لما تيجي بس الواد اياد جنبك

   زيا د بضحك وقت فهم مقصدها:-  اه

جوري بمشاكسه:-  اديه ليا عايزة اكلموا

   اعطي زياد الهاتف لاياد ليقول اياد:-  نعم يا مليكه عايزة ايه

  جوري:-  يعني مينفعش جوري يا يويو.

  اياد بغضب:-  تصدقي يا جوري الكلب انتي لو قدمي دلوقتي كنت قتلتك وخلصت البشريه منك

  جوري:-  ليه كدا يا يويو براحه علي نفسك ليجليك شوجر يا حبيبي وانت لسه في عز شبابك.

  اياد بغيظ من ذلك اللقب ( يويو )  التي تطلقه عليه جوري:-  جوري اتقيني كدا وقولي عايزة ايه

   جوري بمرح:-  والله يا يويو ما عايزة غير واحد كريب واتنين شاورما فراخ سوري وبطاطس  وسبايسي وتوميه ومخلل وكنز دايت

   اياد بصدمه:-  الو الو مش سمعك خدي زياد اهوا

   زياد بضحك:-  انتي قولتي له ايه يا مجنونه

  جوري بضحك:-  والله ما قولت غير اني عايزة واحد كريي واتنين شاورما سوري وبطاطس  وسبايسي وتوميه ومخلل وكنز دايت بس

  زياد:-  ليه انتي كنتي صيامه عن اللكل من سنه يا مفجوعه يا، اااااااااااااه

  جوري بفزع:-  زياد في ايه انت كويس رد عليا بسرعه زياد، رد انتو كويسين، الحقي يا مليكه

   مليكه:-  ايه في ايه

   جوري:-  اياد كان بيكلمني ومره واحده سمعت صوته بيصرخ بصوت عالي وبعدين الفون قفل.

  مليكه بخوف:-  ايييه


   في مكتب حور

  كانت حور جالسه تفكر في خطتها ومستقبل اختها زما ستفعله مع ماكس ثم تتنهد تنهيدة طويله تعبر عن ما بداخلها لتجد باب المكتب يفتح بطريقة همجية ويدخل.

  جوري بصراخ ودموع :-  الحقي يا حور زياد واياد

  حور بفزع:-  مالهم في ايه

  جوري بدموع وخوف:-  انا كنت بكلمه ومره واحده، وحكت لها ما حدث

   حور بهدوء لكي تهدئهم:-  اهدوا بس وانا هشوف ايه الي حصل، قامت حور بالاتصال علي الحرس المكلف بحمايه اياد وزياد دون علمهم فهي تفعل حراسه مخفيه للجميع للاطمئنان عليهم

  حور بهدوء:-  ايه الي حصل مع اياد وزياد

  الحارس:-  مفيش يا فندم كل الي حصل ان ـ
حور:-  تمام عايزة ملفين للبنتين دول فيه كل حاجه عنهم عايزة ادق التفاصيل وكمان صورهم تمام
 
الحارس:-  تمام يا هانم

    لتبتسم حور بهدوء وهي تقول بهمس:-  اخيرا اخواتي وقعوا ومحدش سما عليهم.. 

      جوري باستغراب:-  انتي بتبسمي ليه وفي ايه اياد وزياد فين

  حور ببرود:-  تلات دقايق بالظبط وهيكونوا هنا

   مليكه:-  طب ايه الي حصل طيب

  حور بهدوء وبرود:-  لما يجوا هيقولوا الي حصل اهدوا وبلاش فضول كتيير

  لترد  كل من جوري ومليكه بصوت واحد:- يا برودك يا شيخه

   لتنظر لهم حور بهدوء وكانهم لم يقولوا شئ

   ليدخل زياد وهو يضحك وجبينه مجروح وخلفه اياد بوجه محمر من الغضب وكأنه سيقتل احدهم الان.... 

   لتجري مليكه وجوري علي زياد وهم يقولوا:-  ايه الي حصل يا زياد، انت مجروح من ايه

    ليقعد زياد علي الاريكه قائلا:-  ولا حاجه الواد اياد فرمل فانا اتخبطت، بس ايه يا بت يا  جوري  حصل حته خناقه زي العسل مع اياد وبنت ايه لو كنت معانا كان زمانك موتي من الضحك ههه

  لينظر له اياد بغضب، لتقول مليكه

مليكه بفضول :-  قول قول ايه الي حصل

  زياد:-  حاضر حاضر،ثم تابع بسخريه، وانتي يا اخت حور مش هتطمني عليا ولا عايزة تعرفي ايه الي حصل

ليرد اياد بسخريه عليه:-  وهي تسأل ليه يعني زمانها عارفه كل الي حصل بالتفصيل من العصافير الي بيرقبونا

  لتنظر لهم حور ببرود:-  امممم انت صح يا اياد، بس عندي سؤال كان فين ثابتك الانفعالي لما حصل الكلام دا من شويه وليه طولت الكلام وانت كان ممكن تخلص الموضوع بسرعة، ولا الثعلب وقع ولا ايه

   زياد بذهول:-  تصدقي انك مش ساهله يا بت يا حور..  

   جوري ومليكه بصوت واحد:-  انا اصدق.،
لتتابع مليكه قائله:-  بس احكي ليا يا اسطي ايه الي حصل بس

   ليقف اياد وهو يتجه الي الخارج قائلا:-  انا ماشي رايح مكتبي

  لترد عليه حور:-  كمان نص ساعه هيكون قدامك علي  مكتبك ملف  فيه كل المعلومات الي هتطلبها عنها...  واه ياريت  تفكر كويس قبل اي خطوه  ثم تابعت بنظره فهمها اياد جيدا، وعلي  فكره البنت حلوة مبرووك.

   لينظر لها اياد بغيظ وسط ضحك زياد وعدم فهم جوري ومليكه، وخرج  لتقول مليكه:-  يلا بقا احكي يا زياد
لتقول جوري بفضول:-  اه قول ايه الي معصب الواد اياد كدا وبتتكلموا علي مين

  ليقول زياد وسط ضحكه:-  فضولكم دا هيموتكم، حاضر هقول ليكم الي  حصل
 
     عودة إلى الماضي

زياد:-  اااااااااااااه، انت غبي يا عم  وقفت كدا ليه.....  لينظر للامام ليجد فتاتين  احدهم تضع يديها علي اذنها من الخضه والثانيه تنظر امامها بصدمه لينزل اياد بعصبيه من السيارة وخلفه زياد 

  ليقول اياد بغضب:-  انتي يا حيوانه انتي ازاي تعدي الطريق كدا

لتفيق الفتاه من صدمتها علي صوته وانها لم تمت وهي تقفز وتقول:-  هيه هيه انا ممتش ههههه الحقي يا بت يا هبه انا ممتش،
ثم تابعت بعد ان تذكرت كللم ذلك الواقف امامها:-  انا الي حيوانه يا حيوان يا انسان براس كلب يا ابره من غير خرم يا شبشب من غير صابع يا احمد يا عمررررر.

  لينظرلها زياد بصدمه وضحك وهو يقول:-  دي ردحت ليك يا اياد هه انت انسان براس كلب وابره من غير خرم هه

  لتتابع الفتاه الاخري ( هبه) التي بجانبهم  بضحك ايضا:-  وقالت شبشب من غير صابع، واحمد يا عمر، ههه

  زياد بضحك وهو يلتفت لها:-  اه صح، ثم تابع بصدمه، ايه القمر دا

  لتنظر  له  هبه باحراج وخجل شديد  وقد تحول وجهها بالكامل الي الاحمر، لينظر لها زياد بهيام فهي قد اصبحت فتنه بذلك الاحمرار الذي غزا وجنتيها،ليفيق علي صوت شجار  اياد وتلك الفتاه

  اياد بغضب حارق:-  انتي واحده مش متربيه وقليله الادب

  الفتاه بغضب لانه طعن في تربيتها:-  انا متربيه احسن منك انت الي واحد مش محترم علشان تقول عليا كدا

   اياد بغضب:- انا يا غبيه انتي، مش عارفه انتي بتكلمي مين

  الفتاه بغضب:-  هكون بكلم مين يعني رئيس الجمهورية بلا نيله ناس  تقرف

  لتدخل هبه قائله:-  خلاص يا نور بقا حصل خير ملوش لازمه دا كلوا

  اياد بسخريه:-  دي اسمها  نور دي المفروض يكون اسمها ضلمه، خرابه، زعابيب، لكن نور الصراحه متلقش عليها

لتقول نور:-  شايفه طريقته يا هبة شايفه

ليتدخل زياد مهدءا لاياد قائلا:-  خلاص بقا يا اياد يلا  وانا بتأسف لحضرتك يا استاذه نور

لتقول نور:-  شوف الناس الحلوه وكلامها الي زي العسل  مش. زي ناس طلعتوا تونيز واحد محترم والتاني لسانه طويل اد كدا، ثم تابعت قائله::-  مش تتاسفيا استاذ، مش حضرتك الي غلطت

ليقول زياد:-  اسمي زياد يا انسه نور

نور:-  اتشرفت بمعرفتك وبلاش انسه نور دي يا استاذ زياد اسمي نور بس

  ليقول اياد بغيظ وغيره  لانها تتكلم مع زياد بطريقه جيده علي عكسه:-  هو انتي اي حد عايزة تلفي عليه ولا ايه ما تلمي نفسك وشوفيلك واحد تاني

  لتقول نور بحزن وغصه بكاء:-  انا مش هرد علي حضرتك والكلام دا  لاني محترمه ومش زي ما بتقول وغلطتي اني وقفت فعلا مع واحد زباله زيك واتمني مش اشوف وشك تاني، وهنا نزلت دمعه منها وذهبت هي وهبه صديقتها  وتركت اياد غاضب بشدة من كلامه الذي خرج منه دون وعي وانه راي في عينيها الحزن والدموع بسببه لينظر بغضب لزياد ويلكمه بشده وهو يقول:-  وانت مصدقت يلا تاعرف وبلاش انسه وانت تقول اسمي زياد بس فيه ايه يلا ما تظبط، ليضحك زياد بشدة علي غيره اخوه الذي لازال لا يعلم انه وقع في مصيدة الحب وما هذا الا غيرة الحب.

  ليقول زياد بضحك:-   ليه بتحبها يا يويو، دي البت بقت مش طايقه تشوف وشك تاني بسبب الي انت هببته، واكمل هو يضحك بشده، ولا ووقعت يا تونيز،ههههه

ليغضب ايادبشدة من كلامه ويذهب للسيارة وخلفه زياد  ومازال يضحك.

رجوعا إلى الحاضر


    زياد:- وبس يا ستي هو دا الي حصل

  جوري:-  وه   اخوي وصديقي يويو هيحب هي القيامه هتقوم ولا ايه

  مليكه بضحك:-  وقالت له انسان براس كلب لا دي لازم تنضم للشله بتاعتنا هههه

  
حور بهدوء وبرود:-  ها عرفتوا الي حصل كل واحد علي مكتبه، يلا بسرعه، لتذهب مليكه وجوري بركض الي مكتبهم ويقوم زياد

  لتقول حور بغموض:- في هديه مستنياك علي مكتبك يا زيزو

  ليبلع ريقه بخوف وهو يقول:-  انا مش متفاؤل، ويذهب

لتتنهد جوري وتجلس تخطط للقدام فالقادم ليس بهين

      

عند نور في المطعم

كانت تاكل الطعام  بغيظ من ذلك المتعجرف، لتقول هبه:- يا بنتي بطلي اكل الشغل وانطردنا والحمد لله بسبب التأخير بهدله واتبهدلنا

  لتقول نور بفم ملئ بالطعام:-  اسكتي انا مش هممني الشغل قد ما انا متغاظة بسبب الزفت الفورتيكه دا الي قبلانه النهاردة بقا انا اتهزء من واحد مز وومغرور وواخد مقلب في نفسه

    هبه بصدمه:-  انتي بتقولي ايه يا نورر هي الصدمه اثرت عليكي ولا ايه، بجد ربنا يعين طنط صفاء علي ما ابتلاها

  نور:-  اسكتي بقا يا بت يا هبه شكل امي دعت عليا النهاردة بسبب الي عملته الصبح

هبه بضحك :-   كفايه كدا هموت من الضحك بسبب الي حصل هم يضحك وهم يبكي، بس شوفتي الي عملتيه النهاردة في طنط صفاء هههه
    لتتذكر نور ماحدث

عودة إلى ما حدث صباحا

في مكان لاول مرة نذهب اليه

تستيقظ فتاه علي أصوات مرتفعة جدا مهلا ما  تلك الأصوات  ،
شخص:- انابييييب انابييييييب
                  شخص اخر:-  معسله يا بطاطا
                 شخص اخر:-  اوزن ليا اتنين كليو طماطم والنبي يا حج  وغيرها من اصوات المرتفعة للنساء والاطفال،  اجل تلك الاصوات التي يستيقظ عليها معظم اهل الحارات والمناطق الشعبية كما نقول، فندخل الي ذلك المنزل الذي يتبين نوعا ما انه قديم ولكن ليس سيئا بالمره وفي الدور الثاني ندخل  تلك الغرفه  لنجد بطلتنا مهلا ما هذا  الغرفه مليئه بالاكياس والدولاب لايوجود به الا قليل من الملابس والبقيه في كل مكان في الغرفه  وهناك فتاه جمليه نائمه علي السرير ويبدوا انها كانت تتعارك مع احدا ما خلال نومها حيث تنام بعكس السرير وتضع رجل في اوله واخره في اخر السرير  وكل يد في ناحية وتتململ في فراشها بانزعاج علي  صوت خبط رجل الانابيب بالاسفل لتقوم بانزعاج وهي تقول:- ياصباح يا عليم يا رزاق يا كريم صبرك يا رب، لتدخل لها والداتها قائله بزهق من ابنتها التي تعشق النوم:-  قومي يا قلب امك قومي تلفونك رن النهاردة بتاع100 مره وانتي ولا هنا وحولت اصحيكي  مش بتصحي وصحبتك واقفه مستنياكي علشان الشغل شكلكوا والله كدا يعني هتنطردوا سوا بسبب تاخيرك دا

   لترد عليها الفتاه وهي تفتح عين وتغلق الاخره بنعاس:-   ليه يعني يا صفصف الساعه كام يعني

  لترد عليها امها بانزعاج منها:-  هتكون كام يا بنت الهبلة وبقولك صاحبتك بقالها شويه واقفة مستنياكي الساعة 12.5 الظهر يا حيوانه.

   لتقوم الفتاه مره واحد بصدمة وهي تصرخ:-  يلهوي يلهوي بتقولي كام يا صفصف حرام عليكي مش قولت تصيحيني لتحاول الجريان للخروج الي الحمام كي تغسل وجهها لتلتف حول احدي قداميها قطعة من الملابس تجعلها تقع علي وجهه لتقوم مرة اخري وهي تقول:-  والله كدا حرام ميت مره اقول صحوني بدري بس نادو عليا كدا وانا  اااااااه، صرخت نتيجة انها تزحلقت بسبب ذلك الكيس الذي تحت قدمها

  لتنظر لها امها بقرف وهي تقول بصريخ:-  دا منظر اوضه دا منظر بنوته يا حيوانه وياريت بتعملي حاجة حررااااااام عليكي يا شيخة انتي عايزة مقلب زباله تقعدي فيه وقال بيقولوا ليا ماشاء الله بنتك عرووسه يجوا يشوفوا وكستي منك لله يا شيخة جبتلي الضغط  .....

   لتنظر خلفها لتجد صديقة ابنتها  هبه تضحك بشدة وقد ادمعت عينها من كثرة الضحك.

لتقول لها  الام بتعب :- عجبك كدا يعني يا هبه  الي صحبتك بتعمله.

لتقول لها هبه بضحك:-  والله يا طنط ما اعرف المفروض بتكبر ولا بتصغر

لترد عليها الام بضحك ايضا قائله:-  اهي المجنونة دي الي مليه عليا البيت انا وابوها بجنانها دا رغم اني اشك انها هتبقا عاقله في يوم

لتضحك  هبه بشدة وتقول:-  هي نور كدا يا طنط بس مفيش بطييه قلبها

لتخرج في ذلك الوقت تلك الفتاه من الحمام (نور)   قائله :-  بتجيبوا في سيرتي ليه سامعكوا سامعكوا

   لتشتعل امها غيظا منها لتقول برميها بخفها ( ابو وردة بتاع كل ام مصرية اصيله)  وهوب في منتصف الوجه، لتضحك عليها هبه بشدة، لتقول نور لامها:-  كدا يا صفصف تشمتي البت هبه فيا يعني وبعدين انا هقول لابو حميد انك ست ظالمه وبتضربيني وتعذيبني  ووحشه وهخليه يطلقك ويجيب واحدة حلوة تدلعوه وتت،  طولم تكمل كلامها وتجد فردة الخف الاخر في وجهه وامها قادمه عليها لتقوم بالجري بسرعه وتدخل الغرفه وتغلق علي نفسها وهي تقول:-  جرا ايه يا صفصف كلام عيال اني بتاخدي بكلام واحد نسوان..  ما توحدي الله كدا يا شيخه، وانتي يا بت يا هبه بطلي ضحك يا ختي انتي مش قاعدة في مسرح مصر  يا ختي علشان تتضحكي كدا

  لتصيح هبه بصوت عالي لكي تسمعها نور:-  يلا بسرعه يا نور مش موال كل يوم دا

  لتقول امها ايضا:-  وانا مش هروق الاوضه بتاعتك تاني انا تعبت منك حراام عليكي لو طفل هيبقا منظم عنك يا شيخه منك للله، ثم تابعت قائله لـ هبه تعالي يا بنتي نحط الفطار علي السفرة  ونستناها لتقول هبه برفض:-  انا فطرت والله يا طنط ومش هقدر
 
لتقول لها صفاء ( الام)  بامر   :-  من غير كلام يلا، وبعدين ايه طنط الي شاغله عبال تقوليها من الصبح دي يا ختي اسمي صفصف فاهمه، انا لسه صغيرة محدش يقولي طنط.

  شوفتي علشان تعرفي يا هبه انها مش امي مش بتخليني اقولها يا ماما  وتقولي صغيرة ومش عارفه ايه  يعيني عليكي يا نور يا مظلومه ياني، قالتها نور وهي تجلس معهم علي السفرة لتأكل

  لتقول صفاء بصريخ:-  انتي مش بتحرمي يا شيخه ناويه تموتيني بالضغط يعني اشوف فيكي يوم

   لترد عليها نور بمرح وهي تاكل:-  بس يا صفصف ليجي ليكي شوجر يا حبيبتي وانتي لسه صغيرة وبعدين لو تعيبتي مين هيروق الاوضه ويعمل الاكل ويغسلي هدومي انا وابو حميد.

لتقوم لها صفاء لكي تضربها لتجدها اخدت يد صديقتها وهي تخرج من باب المنزل وتقول:-  اجرررري يا مجددددي  الوليه اتجننت اجري يا بت يا هبه.

   لينزلوا الي الاسفل ليجدوا صفاء في البلكونه تشير لهم  ليشروا لها ويذهبوا الي عملهم
   
   ( فهل ستبقي حياتهم جمليه هكذا ام للقدر راي اخر.  )

عودة إلى الحاضر

نور بضحك:-  بس امي طلعت مبروكه قالت هنطرد واطردنا هههه.

  هبه بضحك:-  طيب يلا ندفع الحساب علشان نلحق نروح ننام ونصحا بكرا  ندور علي شغل جديد.

نور:-  يلا يا ختي، وذهبوا


   في مكتب ادم كان يجلس علي كرسيه والمكتب محطم بالكامل وكأن اعصار مر هنا، وهنا يدخل عليه اسلام

اسلام:-  ايه يا عم الي عملته دا هو المكتب زعلك في حاجه

   لينظر له ادم بحدة  .

ليقول اسلام:- طب الواد ادهم مختفي من الصبح ليه، ليقاطعه دخول  ادهم وهو يقول

   ادهم:-  عرفت مين الي لعب في الملف بتاع الصفقه

  ليقول له اسلام :-   مين دا

ليعطي ادهم cd  لادم ليقوم ادم بادخاله في الاب توب الخاص به ليظهر امامه تلك الخبيثه سرين سكرتيرة ادم وهي تتجه الي احمد حارس اسلام وتعطيه احد الملفات ليطبعه وبعد ذهابه تدخل مكتب اسلام وتقوم باللعب في بعض التفاصيل الدقيقه في الملف
.  من ثم اخرجت هاتفها ورنت علي شخص ما وهي تقول بدلع مقزز:-  كله تم يا كبييير، لا انا بحب حقي ناشف كاش يا حبيبي، اوكي هستناك يا عصومي في الشقه بالليل  هيهيهيه، باي باي يا حبيبي، وتغلق الهاتف وتخرج من المكتب ولا تعلم ان مكتب اسلام به كاميرات مخفيه غير تلك التي عطلتها  وترجع الي مكتبها
     وهنا ينتهي الفديو ليقول اسلام

  اسلام:-  يا بنت الـ، بقا بتلعبي معانا احنا، ثم تابع بغيظ، انا اصلا مكنتش طايقها اول مره جت بس ادم الي عينها وقال لأ دي عندها خبره.

  ادم بهدوء:-  لاني كنت شاكك فيها من الاول بس كنت عايز اعرف تبع مين.

  اسلام:-  مش سهل انت والله، ثم تابع بمرح لادهم قائلا:-  اسكت يا ادهم شركه الملكه دي عملت حتة مخطط ايه، متقلوش صوره حقيقه مش رسم ولا افكاره تموت واعرف جمعت 20 عمل في مكان واحد وكل عمل له امكانيته ومكانه ومقسمه المخطط علي المسطره

لينظر له ادهم وهو يشاور بعينه خلف اسلام
  
   ليضرب اسلام جبينه وهو يقول :-  بس ادم احلي طبعا، ثم تابع بهمس   استغفرالله العظيم علي الكذب ده
ليقول ادم بصوت عالي:- بقولكم براااا

  ليجري اسلام الي الباب وهو يقول:-  يلا بسرعه نمشي يا ادهم قبل ابو لهب دا ما ياكلونا  يلا
ليذهب خلفه ادهم وهو يضحك

  ويبقا ادم ليقول بوعيد:-  انا تفوز عليا واحده ست طب استلمي وعدك مني يا ملكه الغموض انتي.

في الجزيرة عند شهد وزين
 
استيقظت شهد من ثابتها الطويل فهي بعدما جاءوا ذهبت للنوم لتريح جسمها من اثر السفر  ، لتنهض ببطئ وتذهب الي الحمام وتتحمم وتذهب الي الخزانه وتنقي ملابس منزليجة حيث تيشرت بكم عليه رسومات اميرات ديزيني وبنطلون قطني طويل، وتمشط شعرها الطويل وتذهب الي الاسفل لتهبط الدرج المؤدي الي الاسفل لتجد زين يجلس علي كرسي امام المدفئه ويلبس نظاره القرأه ويقرأ احد الكتب فكان في تلك الحاله وسيم جدا مما جعل تلك الصغيره تشرد به، ليشعر زين ان هناك احد خلفه لينظر ويجد صغيرته شاردة به ليبتسم بداخله وهو يقول في نفسه:- ولسه يا شهدي هخليكي تعشقيني زي ما انا بعشقك وبتنفسك
ليقول بصوت عالي نسبيا:- شهد واقفه عندك ليه.

  لتخرج شهد من تلك الحاله وتذهب الي اليه وهي تقول :-   لا بس مستغربه المكان شويه.

  لينظر لها زين وهو يعلم بانها كاذبه من ذلك التوتر والاحمرار الذي غزا وجنتيها، جوهو يقول:-  تمام جعانه اخليهم يحضروا ليكي اكل

  شهد:- اه يا ريت.

  زين بهدوء  :- تمام خدي اقرأي الكتاب دا علي ما اروح اقول لهم يجهزوا اكل وازود خشب في المدفئه

       لتومئ له شهد بهدوء

    ( فهل ستعشق شهد زين كم هو متيم بها، ام للقدر رأيا اخر   )

    

  عند مايكل
  كان جالس يفكر في كلام حور ويجد انها علي صواب وهو يتفق حقا معها وخطتها رائعه مثلها حقا انها امرأه قويه لا يستهان بها ليسمع خبط علي الباب
ليقول:-   who's there   (من الطارق)  

ليجئه الرد:-  Room service, sir
( خدمه الغرف سيدي)

ليذهب ليفتح الباب ليصتدم بالطارق وهو ـ

     ( من الطارق ولماذا صدم مايكل انتظروا البارات القادم)

يتبع....