البارت الثاني

البارت 2
لتالين قلبي
حبيبة عبدالله
.....................................................
................
نظرة تالين حيث اشارة شقيقتها

:هاااااا ادخلي عيب كده قدري شفنا واحنا عمالين نبص عليه كده ميصحش  يابسنت .

: طب ياريت يشوفنا ألحقي بلا خيبه ده متجوز في دبله ف ايده

:طب الحمد لله ياريت تدخلي بقي عشان ماننفضحش

:لا انا عجبني الوقفة هنا ادخلي انتي لو عايزه

:اوف برحتك يارب حمدي جوزك يجي ويشوفك ونتي كده.

:عاجبك كده اهو دخل جوه يكش ترتاحي ياتالين

:حرام الي انتي بتعملية ده يا بسنت أحترمي جوزك ياستي علي الاقل

:طب طب خلاص خلينا ندخل جوه نشوف امك بتعمل اي واهو ب المره افاتحها في موضوع بتاع شغلك ده

:بجد يابوسبوس

:امال بهزار. عشان بس تعرفي اني قلبي علي مصلحتك

..................................................
.............................................

اي رئيك بقي في أكلي

:طعمه حلو اوي تسلم ايدك

.نظرة لشقيقها بحنيه ثمَ اردفت

: هي كارمن ماجتش معاك لي يا سليم

نظر لها بجمود

: مامتها تعبانه شويه ف قعدت عندها

:بجد طنط سهير تعبانه طب ماتيجي نروح نطمن عليها و ب المره اشوفها بقالي كتير ماشوفتهاش

:هبقي اوديكي ف يوم اكون فيه فاضي

صمت قليلا يحاول تغير مجرى الحديث

:امممممم قوليلي بقي اتعلمتي فين الاكل الحلو ده .

:من النت مره تصيب ومره تخيب لحد ما بقيت بعرف اعمل كل الاكل من غير وصفات حتي

:براڤو كان نفسي كارمن تبقي زيك كده

:مالك يا سليم انت مضايق من حاجه

:مفيش حاجه المهم خدي دول قبل ما امشي

ثمَ اخرج من جيب بنطاله ظرف واعطاه ايها

:اي ده يا سليم

: هيكون اي يعني نصيبك من الشركه شهرياً

:بس انا مش عايزه فلوس حاتم مكفيني

:وانا ما بدكيش حاجه من جيبي ده حقك خديه واعملي بيه اي حاجه

:اسفه يا سليم مش هقدر اخده حاتم ممكن يفتكر ان انا الي بطلب منك الفلوس وهيزعل

:اممممم يعني انتي عامله حساب ل سي حاتم ده وخايفه علي زعله  ومش عاملة حساب ل اخوكي الوحيد ولا حساب لزعلي

:لا ولله انت حبيبي والي بقيلي ف الدنيا دي بعد بابا وماما الله يرحمهم

: طب خلاص انا هاخد الفلوس عشان متزعلش او ممكن تفتحلي بيهم حساب ف البنك

: اوكي علي رحتك زي ما تحبي عن اذنك

:اي ده انت رايح فين انت لسه ماشربتش الشاي ولا حتي قعدنا مع بعض

:معلش خليها ف وقت تاني ياله اشوف وشك بخير

:هتبقي تزورني تاني

:اكيد هاجي اطمن عليكي ولو احتاجتي اي حاجه علي طول رني عليه هتلقيني قدامك هنا فاهمه

:حاضر مع السلامه اشوف وشك بخير يارب

...................................................................

اي بتقولي اي يختي منك ليه هو انته ملكمش كبير ولا اي يشكمكم مين دي الي عايزه تروح تشتغل بقي علي اخر الزمن بنتي انا تشتغل ده انا كنت كسرت عضمك

: اردفت بسنت

: واي المشكله ياما ماهي هتسعدك ف مصاريف البيت انتي نسيتي ايجار البيت والكهربه والغاز والمياه كل دول محتاجين فلوس ومعاش ابويه الله يرحمه مابقاش يكفي

:ولو ان شالله اروح اشحت ف الشوارع بس منزلهاش تشتغل عايزه الناس هنا تقول عليه اي معرفتش اربي بخرج بنتي ومعرفش هي رايحه فين وهتتعامل مع مين

وهنا ردت تالين

:يا ماما محدش هيقول علينا حاجه ده شغل وانا ولله هادور علي شغلانه مواعيدها كويسه عشان متقلقيش عليه

:هي كلمه وحده مفيش شغل يعني مفيش شغل وخلي ف علمك ام ممدوح جت امبارح وكلمتني عليكي لبنها ممدوح وانا وافقت وهي جيه يوم الجمعه الجيه يربطه كلام وحسك عينك تقولي حاجه غير الي هقولك عليه فاهمه

:لا ولله كده كتير اوي انا مش هتجوز ممدوح ده انا مبحبهوش انتي عايزه ترميني زي بسنت اي جوازه واسلام وفي الاخر احمل ف طفل ما بحبش ابوه

نظرت لها ولدتها نظره ناريه ومن ثمَ سفحتها قلم علي خديها طااااااخ

:اخرسي يا قليله الربايه انا هوريكي واعرفك تتكلمي معايه كده ازاي

ومن ثمَ شدت شعرها بحركه مفاجئه جعلت تالين تصرخ ب انين النجده وفي هذه اللحظه تدخلت بسنت في فض الاشتباك

:خلاص ياما ونبي سبيها هي شالت فكرت الشغل من رسها مش كده ياتالين و وكمان هتقابل ممدوح يمكن يكون حظها احسن مني..

اما عن تالين كانت غارقه في بكائها المرير ماذنبها هي لم تخطء في شيئ كانت تريد مساعدتها ليس إلا دلفت بسنت وهي تساند تالين الي داخل غرفة تالين وهي تواسيها

: خلاص بقي ياتالين هتفضلي تعيطي كده كتير مكنش حتة قلم ما انا ياماا انضربت من امك واخدت منها عولق ولا كان بيأثر فيه واذا كان ياستي عشان الواد ممدوح ده ف انتي اقعدي معاه وبعدبن قوليلها مش عايزه طلعي فيه عيب

:ياسلام يختي كنتي انتي نفعتي نفسك مش انتي عاملتي كده زمان واديكي متجوزه امك صعبه اوي ومش هاترضه تخليني اسيبه. لو اتخطبتله

: امممممم خلاص اهدي وانا هتكلم معاها لمه تروق

:  بسنت انا لو اتجوزت ممدوح ده هموت نفسي انا مابحبهوش ده شخص سمج جداا

:ما خلاص بقي قولتلك متشليش هم انا هقف ف الموضوع زي اللقمه ف الزور

..........................................................

في صباح اليوم التالي وتحديدا في قصر سليم ابو حسين .

.دلف الي غرفةالنوم ف وجد زوجته كارمن تجلس علي المقعد المرابط للباب لم ينبث ب كلمه واحده ..خلع سترته

: كنت فين من امبارح

نظر لها بضيق واكمل ارتداء ملابسه وكائنها لم تقول شئ

: رد عليه ياسليم انا بتكلم علي فكره كنت فين ليلة امبارح برن عليك مبتردش عليه وبكلمك دلوقتي بردو مش بترد عليه

:  كنت عند كرم

:طب مكلمتنيش لي وقولتلي انك هتبات بره او حتي كنت ردتيت عليه

:مسمعتش التلفون

:مالك يا سليم بتكلمني كده لي كل ده عشان بسالك كنت فين ولا عشان ماردتش اروح معاك عند ملك

:انتي شايفه اي

: يعني اي

:عارفه يا كارمن وانا رايح ل ملك تخيلت حاجه كده هي دي الي مضيقاني مش عشان انتي مروحتيش عند ملك ولا حاجه.....

صمت قليلا وبعد زالك تابع

: عارفه تخيلت اي اني مكان حاتم هل كنتي هتحبيني زي دلوقتي بلاش طب لو انا اعلنت افلاسي اي موقفك ساعتها هل هتفضلي تحبيني ولا هتقوليلي "كنت" زي ماقولتي علي ملك لمجرد ان هي حبت راجل بسيط انتي عارفه انا كنت مضايق زيك وانا رايح عند ملك قولت اكيد بتعاني بس مش عايزه تقول بس لقتها حاجه تانيه خالص هي الي بتعمل الاكل بنفسها وكمان بتنضف الشقه ومهتميه بكل شبر وكل تفصيله صغيره دي حتي مرديتش تاخد مني الفلوس الي كنت رايح ادهلها وقالتلي حاتم مكفيني ومش مخليني عايزه حاجه

نظرت له والدموع ف عينيها

: قصدك اي

:قصدي ان انا ونتي محتاجين هدنا

:هدنا.......

:ايوه هدنا كائننا منعرفش بعض عشان انا مش قادر اكمل وانا مش عارف اتعامل معاكي بحُب زي الاول والهدنا الحل لكل واحد فينا ونعيد حسابتنا

:قصدك ننفصل ده لا يمكن يحصل ..

سليم انا مقدرش اعيش من غيرك انا ممكن اموت نفسي

:وانا مبقتش قادر اتعامل معاكي زي الاول

:لو انت مضايق عشان ماروحتش ل ملك خلاص خلينا نروح بس متقولش كده انا ونت لبعض

: كارمن افهميني انا محتاج فتره نقاء عشان لو كملنا مع بعض اكتر من كده هكرهك

:للدرجادي مابقتش قادر تعيش معايه اوكي انا هروح اقعد عند مامي شويه لحد ما ترتاح لو ده هيريحك

ومن ثمَ تركته وغادرت الغرفه باكملها جلس علي المقعد يزفر بضيق

.........................................................

خرجت تالين لتبتاع الخضراوات الطازجه من الطرق المجاوره لمنزلها وكانت منهمكه في انتقاء الافضل ومن ثمَ عاودت ادراجها الي المنزل وهي في طريقها قابلت ذو الوجه السمج عوني صاحب محل البقاله القابع أسفل منزلها

:صباح الخير يا ست البنات

:صباح النور ........

عنك يا ست البنات الشنط تقيله علي اديكي الحلوين دول

:عيب عليك كده يا استاذ عوني

:ياااه استاذ عوني طلعه من شفيفك زي العسل

اتاه صوت من خلفه جعله يرتعد

:بتقول اي يا عوني سمعني كده ......

نظر له برعب شديد وقال

: مفيش يا سيد المعلمين

: امال مالك واقف ليه للرايحه و الجيه ادخل محلك ومتطلعش منه خالص ولو حصل وشوفتك واقف للمزمازيل ادخلي بيتك ومتقلقيش مفيش حد يقدر ييجي جنبك طول ما انا موجود

لم تنبث بكلمه واحده دلفت الي مدخل البنايه وهي تلعن كل زالك

:من عوني للمعلم دياب ياقلبي لاتحزن ال وفاكرني مش وخده بالي انه بيراقبني هو كمان زي عوني

صعدت المنزل ووضعت الاطعمه في البراد ثمَ دلفت الي غرفة والدتها

: ماما انا جبت الحاجه جوه وهدخل اعملهم

نظرت لها والدتها شزرا ولم تنبث بكلمه واحده تنحنحت تالين

: ماما انتي لسه زعلانه حقك عليه انا اسفه مكنش ينفع أعلي صوتي عليكي

تنهدت تالين واردفت

:ولله ماكنتش قصدي ازعلك انا بس كنت عايزه اساعد

:محدش طلب منك مسعده لمه اموت ابقي دوري علي حل شعرك انما طول ما انا عايشه مش هتخرجي من البيت ده غير وانتي متجوزه او علي نقاله فاهمه اول واخر مره تتكلمي معايه ب الاسلوب ده مفهوم

:حاضر ياماما مش هقولك كده تاني سمحيني

:خلاص سامحتك ياله روحي اعملي الاكل ...وصحي اختك الي قربت تعفن دي من كتر النوم

ابتسمت لها تالين ابتسامه صافيه واردفت

:حاضر يا ماما بعد اذنك
......................................................

كان منهمكاً في العمل لكي يفرغ طاقةُ السلبيه كلما تذكر شقيقته وتعاملها مع زوجها كلما تحسر علي سوء اختياره كم كان يشتاق لامراه تعيره الانتباه مثل ملك كم ود ان يعود الي المنزل ويجد زوجته تعد له الطعام بيدها خصيصا له اشياء صغيره جعلت الامور تنعقد وتصل الي الانفصال تنهد بتعب وضع سماعة الهاتف علي اذنه واردف

:نهى ابعتيلي كرم

اتاه صوت انوثي من الجهه المقابله

:اوكي يا فندم

رن هاتفه المحمول باسم شقيقة زوجته نفخ بضيق

:ونتي عايزه اي كمان مكانتش نقصاكي

:الوووو

اتاه صوتها من الهاتف

: هاي ..ازيك يا سليم عامل اي وحشتني اقصد وحشتنا.

رد

تمام الحمدلله خيير .

:كل خير هو انت فاضي اصل الموضوع مينفعش ف الفون

:لا مش فاضي ولو الامر يتعلق ب اختك ف مفيش مبنا كلام قوليلها مشكلتك حليها بنفسك

:مشاكل اي بس انا مش بتكلم علي اختي انا عايزك ف موضوع تاني خالص وعلي فكره كارمن متعرفش اني بكلمك

:  اممممم امال انتي عايزه اي

:انت فين دلوقتي

: في الشركه

:يبقي كمان10 دقايق هتلقيني عندك ياله جود باي

اغلق الخط ونظر الي شاشه الحاسوب طُرق الباب 3 طرقات ومن ثمَ
دلف شاب ف مقتبل العمر يرتدي حله زرقاء ونظاره

:نهى قالتلي انك عايزني ف حاجه

:ايوه في اقعد

جلس الي المقعد المقابل ل سليم و

:وادي قعده

:عرفت موضوع المؤتمر الي هيتعمل ف اسكندريه ده

: ايوه عرفت

:المفروض حد فينا يبقي هناك

: خلاص روح انت انا ورايه شغل كتير هنا

:شغل ولا بنات

:احممم بنات اي بس ما خلاص الحمد لله انا توبت لربنا وبقيت من الشركه للبيت ومن البيت للشركه

:  امممممم لا صعبت عليه بصراحه. 

:عيب ده انا اعجبك

:خلاص يبقي انت الي تروح وعلي فكره المؤتمر ده في منتجع ف الاسكندريه يعني هتروح تنبسط ببلاش

:خلاص تحت امرك يا سيمو

:ياله جر عجلك من هنا عشان ورايه شغل كتير

:اوكي انا ماشي .

.ومن ثمَ تاركه وذهب الي الخارج

رن هاتف مره اخره ف وضع السماعه علي اذنه و .

ايوه يا نهي في حاجه

:ايوه يا فندم انسه رنا عايزه تقابل حضرتك

:دخليها

:تمام يافندم

اغلق الخط طرقت الباب ومن ثمَ دلفت

:ازيك يا سليم عامل اي .

:خشي ف الموضوع علي طول عايزه اي يا رنا

. حمحمت و

:عايزه اقولك علي الي بيحصل من ورا ضهرك

نظر اليها شزرا

:قومي اطلعي بره بدل ما اطلعك ب طرقتي

:بقي كده ياسليم وانا الي قولت اني مبرداش ب الظلم واني مردتش انك تبقي نايم علي ودانك واعرفك الي بيدور من ورا ضهرك ده جزاتي يعني

:انجزي عايزه تقولي اي وإلا وربي لأعرفك تتكلمي معايه ازاي

:بقي كده طب انا جايه اقولك ان مراتك الي هي كارمن اختي المصونه كانت حامل ونزلت البيبي من يومين

نظر لها بصدمه وعلامات الغضب تعتري كل جزء في وجهه

:نعممممم انتي بتقوي اي

كانت تالين تجلس في شرفة المنزل بصحبة شقيقتها بسنت يتحدثان عن المولود القادم .......

:ياااااه يا تالين انا نفسي اوي ف بنت وهسميها مكه بحب اوي الاسم ده .....

نظرت لها تالين بدهشه

:كل الي يجيبه ربنا كويس يا بسنت المهم انك تقوملنا ب السلامه

:يارب حاكم انا خايفه اوي من موضوع الولاده ده حماتي الله يحرقها قعدت تخوفني وتقولي هشوف الويل ...

:لا ويل اي ربنا يقومك ب السلامه متخافيش وديما قولي اذكار هتخفف توترك علي فكره ...........

..دلفت والدة تالين الي الشرفه حيث تجلس الفتاتان ومن ثمَ بداءت في توبيخهم ............

:انتو قعدين كده لي

.اردفت بسنت

: امال نقعد ازاي ياما

:هو مش جوزك قال انو هيجي يخدك انهارده متصلتيش بيه لي وانتي مش وراكي شغل البيت قعدالي زي البيت الوقف كده الي مش تقومي تفزي تعملي الي وراكي

.اردفت بسنت

: رنيت عليه علي المحمول ومردش اي اروح ابوس ايده عشان يجي ياخدني وبعدين هو انتي يامه مش عجبك اني قعده معكم ولا اي

:لا يختي اقعدي برحتك بس متسوقيش فيها الحكايه مش نقصه

ومن ثمَ نظرت لتالين و

:ونتي كمان قومي شوفي وراكي اي عقبال ما انزل للست جملات جارتنا الي تحت اخد منها الجمعيه .

هزت تالين راسها ف علامه ل اجابه ب نعم ومن ثمَ تركتهم وغادرت المنزل

:انا قيمه

:ريحه فين ?

:هشوف اعمل اي ف الشقه عشان متجيش تزعقلي ونتي عارفه لمه بتزعقلي بتعمل اي

:اه افتكرت لمه قطعتلك الكتب الي بتقرئ فيهم

:متفكرنيش ياله قومي ساعديني شويه

:طيب هسعدك بس بشرط تعمليلي كوباية شاي ب النعناع زي تملي

نظرت لها تالين ب لطف

: من عينيه.

دلفت تالين الي داخل المطبخ لكي تعد الشاي الساخن وضعت الماء داخل البراد ومن ثمَ اشعلت الغاز وكانت علي وشك ان تشعله ب الكبريت ولاكن صدمها صوت شقيقتها المرتفع من الخارج وهي تجلجل بصوتها

:الحقي ياتالين امك بتتخانق تحت خناقه كبيره

:تركت تالين مابيدها وهي غافله عن الغاز المتسرب وخرجت مسرعه الي الخارج ل تستطلع ما يحدث ب الخارج

:امك بتتخانق مع الست جملات ف الشارع

:ياستار يارب

هرولت الي خارج المنزل وكان المنظر الاشنع وهو اشتباك والدتها ب السيده جملات ب الايدي وهناك عدد كبير من نساء المجاورون يفضون الاشتباك وبعد ان نجحه اهل الحي في فض ذالك الاشتباك ابعده السيده جملات عن مرما السيده ام تالين ف اردفت جملات توبخ ام تالين بوضع مهين

:روحي يا مره يا مأيحه هو انتي اصلا حيلتك اللضه انا بجمعياتي الي موقفاكي علي حيلك اشهده يا ناس اشهده ياهو يااما الوليه النقصه دي جت وشحتت مني فلوس واكل وكنت بديها بقي دي اخرتها تعضي الايد الي اتمدتلك

:انا برده يا عدمانه اشحت منك اي دي فلوسي حقي سرقتيه مني وانا لو مخدتش منك حقي يبقي اخد روحك

تخدي روح مين يا ام البنات يالي مفيش راجل ليكم يشكمكم ده انتو خرج بيوت انتي و بناتك

وقبل ان تندلع الحرب مره اخره كانت الكلمه الفاصله لهذه الهرج والمرج من المعلم دياب

:جرى اي يا ست منك ليها هتفضله كده ف قولنا وقاله كل وحده تدخل بتها ومسمعلهاش حس ولا خلاص هنقعد نتفرج علي قلة الحيا دي ادخلي يا جملات بيتك

:بس كده يمعلم دياب حرام هي الي ابتدت الاول وان ....

وقبل ان تكمل ثرثرتها قاطعها دياب قالاً

:ما قولنا خلاص يا جملات هي شغلانه

:تحت امرك يا معلم عشان خاطرك انت بس

ثمَ وجه كلامه ل والدة تالين وانتي ياست ام بسنت اتفضلي ياله علي بيتك وحقق محفوظ

نظرت له تالين وسط كل هذا كان يدقق بتفاصيلها وهذا ما ازعجها ..دلفت الي داخل المنزل ومن خلفها والدتها وشقيقتها بسنت دلفت الي غرفتها واغلقت الباب خلفها و والدتها جلست ف غرفة المعيشه تسب وتلعن المدعوه جملات علي انها لم تعطيها نقودها من الجمعيه المشتركه بينهم وكذبة عليها اما بسنت ف دلفت الي المطبخ ولم تلاحظ رائحه الغاز المتسرب و

: اي ده تالين معملتش الشاي اممممممم ماشي يا تالين هعمله انا وامري الي لله

اشعلت الكبريت وانفجر المكان وخرجت تهرول وهي مشتعلها ك جمره من النار وتصرخ فزعت والدة تالين من المنظر المهيب واطلقت صرخه مدويه ولكن كان حدث ما حدث ف بسنت كانت تهرول بطريقه هستيريه وحرقت الاساس ب المنزل وحرقت ولدتها هي الاخره وكان المنظر شنيع علي الاطلاق اما تالين كانت تبدل ثيابها لترتدي تيشرتا زي حمالات وبنطال بيتي قصير للغايه ولكن لم تكمل ارتداء باقي ملابسها من ذاك الصوت بلخارج ف هرولت لتفتح الباب وكانت الصدمه النيران اتيه من كل مكان ف الغرفه حرقت جزء من عنقها ب نصف وجهها ويديها الاثنتان كلاهما اصيب بحروق شديده وكانت تصرخ ب هستيريه حين لمحت بين النيران شقيقتها ووالدتها وهم يهرولون من النيران المحاطه بهم وفي هذه الاحظه كسر الشقه ودخل منه عدد كبير من رجال الحي وهم يحملون اوعيه شراشف يطفاؤن بها الحريق وكان من ضمن هذا الحشد من الرجال المعلم دياب وكانت عيناه تبحث عن معشوقته ووجد ضالته تجلس علي ارضيت الغرفه تبكي والحروق تغطي وجهها خلع جلبابه والبسه ايها وحملها بين زراعيه واخرجها من الشقه ....

....اتت سيارة الاسعاف نقلت ثلاثتهم الي المشفى دخلت والدت تالين العنايه الفائقه وتالين دخلت غرفه عاديه اما بسنت فكان نصيبها من ذاك الحريق المهيب نصيب الوحش ف انتقلت الي رحمة لله بعد دقائق من وصولها المشفه .......

..................................................................
...................................................

.جلست ملك ف الشرفه تنتظر زوجها وهي تبكي بحرقه ف نظرت الي الاسفل لتتفقد الطريق مره اخره لعله قادم ف وجدته يسير بتمهل الي ان وصل الي اعتاب الباب وصعد الي منزلهما دلف الي الداخل لكي يجد زوجته الرقيقه تبكي وبحرقه هرول اليهاا ليسالها عن سبب بكائها

:مالك يا حببتي اي الي حصل بتعيطي لي ?

زادت في حدت البكاء وقالت

: انت عارف ام تالين الي سكنه قدمنا

:مالها

:شقتهم ولعت بيهم الصبح وهما كلهم ف المستشفى وبيقولو بنتها الي سكنه بعيد ماتت من الحريق

واخطلط حديثها ب البكاء

:لا حول ولا قوة إلا بالله وهما في انهي مستشفى وانا اروح اطمن عليهم

:خدني معاك تالين كانت صحبتي عايزه اروح اطمن عليها ب نفسي

:طيب خلاص ألبسي وتعالي معايه

........................................................................
.........................................

في حديقة ڤيله سهير شوقي كانت تجلس علي المقعد المقابل لمقعد ابنتها توبخها قائله

:اول مره اشوف وحده غبيه زيك مش قدره تتعايش مع جوزها وبتخلق لنفسها حُفر تقع فيها

:بقي انا جيالك يامامي عشان تساعدين مش عشان تقولي كده غصب عني ولله ونتي عرفه كويس ان لايمكن ادخل المنطقه البيئه دي برجلي ده انا كارمن الزيان ادخل مكان بيئه زي ده

:غبيه وبرده بتفكري بشكل سطحي هو انا بتكلم علي انك مروحتيش لملك مش دي المشكله المشكله والكرثه انك نزلتي البيبي من غير حتي متقوليلي ولا تقولي لجوزك الي لو عرف الله اعلم هيعمل فيكي اي

:ابوس ايدك يامامي تساعديني

:انا زهقت من كتر ما انا اصلح وانتي تخربي اي مافكيش عقل هموت واعرف الي جوه ف دماغك ده اي اكيد مش مخ

ولكن قطع حديثهما الخادمه وهي تتنحنح لتقول

:سليم باشا بره يا مدام كارمن .............قافظت بلهفه معتقده انه اتً لكي يصلح ما حدث بينهم في الصباح وهرولت أليه بشوق جارف

ولكن توقفت عند رؤيته كان وجهه غير مبشر ب المره ب النوايه الصلح كمان اعتقدت. بل كان وجهه مغلف ب الغضب الجارف ونظرات اعينه التي اكلتها حيا

:سليم حبيبي نورت ا ا م مامي جوه في الجاردن تعاله سلم عليها

تحرك بهدوء قاتل اليها وهو نظراته مثبته اليها ثمَ قطع ذالك الصمت الرهيب

:انتي كنتي حامل

نظرت له برعب ولم تنطق علي الاطلاق

..اما هو فكان قد وصل اليها ولا يفصل بينهما غير سنتيمترات ومن ثمَ وبحركه مفاجئه جزب اكبر عدد من خصلات شعرها في يده وجزبها منه بحده

:لمه اكلمك تردي عليه

تأوهت من حدت الالم واردفت وهي ترتجف

:اه شعري سيب شعري يا سليم بتوجعني

:يبقي تردي عليه كنتي حامل

:ا ا ايوه كنت حامل و و ن نزل البيبي من كتر الزعل عشان انت سبتني

جذبها اكثر وبقوى وهو يهدر بها

:ولسه بتكدبي عليه يا زباله ياحقيره بتنزلي ابني لي عملك اي عشان تنزليه يا لمامه ده انا هطلع ميتين اهلك

هرولت سهير عندما اتها صوت ابنتها وهي تستنجد بها

:اي ده انت اتجننت يا سليم سيب بنتي

نظر لها سليم بكل حقد واردف

:بنتك المحترمه بنت الناس المتربيه كانت حامل ونزلت ابني واتلقيكي انتي كمان مطبخه معاها

:عيب كده يا سليم انا هاخد اي من كل ده الله وحده بس عارف انا قد اي زعقتلها هي غلطط ومكنتش عامله حسبها

:غلطت تنزل ابني انتي بتسمي انها تموت ابني غلط لي هي عيله صغيره مش فاهمه هي بتعمل اي

:خلاص بقي يا سليم اهو الي حصل بكره ان شالله تجيبه غيره انا فاهمتها غلطها وهي مش هتعمل كده تاني

:اي ده هو انا لي صحيح مضايق ده حتة جنين كنت مستنيه من ساعة ما اتجوزتها محقيش ازعل خالص بس عارفه حاجه مفيش بكره نجيب غيره عشان بنتك طالق. ......

يتبع.......

حبيبه عبدلله(مفيده)