الفصل الثاني

چواد في اوضتة متعصب ومتوتر.وشهاب دخله وبإستعجال.


شهاب:ياللا بينا بقي اتاخرنا..


چواد بغيظ: يعني حضرتك داخل تحط لماما الفطار بقالك اكتر من ساعتين ولابس اصلا وجاهز...يعني كل ده حضرتك بتعمل ايه ممكن افهم!؟


شهاب حط ايده في جيبه وبجدية: لا مش ممكن تفهم...هو انت هتحاسبني مثلا.ثم ياريت تتكلم بإسلوب احسن من كدة.فاهم

چواد بضيق: اسف.. وبعدين لا طبعاااا مش هحاسبك بس انا استنيتك كتييير..واتصلت بالسواق اللي مرزوع تحت ده يوديني هو قالي اسف ما اخدتش اوامر من الباشا ...المفروض بقي ابقي هادي يعني..


شهاب اتنهد: معلش حبيبي ...ماما بس كانت تعبانة شوية وانا كنت قاعد معاها.انت عارف انها قربت تولد...وماتزعلش اتعصبت عليك..بس ياريتك تقدر اني برغم شغلي اللي مابيرحمش..الا اني من يوم ما اخدت سيادتك الاجازة وانا بركب معاك كل يوم خيل وبتأخر علي شغلي علشانك...علشان ابقي معاك دايما...


چواد اتنهد: عارف يا بابا وانا مقدر ده والله...ومتشكر ليك ...بس انت قلقتني علي ماما مالها ...هي بقت كويسة !!؟


شهاب اتنهد وابتسم: اه حبيبي بقت احسن وسبتها تنام تاني ...ياللا بينا بقي .ومؤمن وريان هيحصلونا علي الساحة.


چواد: تمام ياللا بينا علشان اغلبك..


شهاب شده بغيظ وخنقه:ياد انت نفسي مرة تقولي اسابقك...ايه الثقة والكبر اللي انت فيه ده.


چواد بيضحك ويخلص نفسه من شهاب: هههههههههه.انا بقول اللي انا عايزة ومصمم عليه لازم اخليه اكيد علشان يتحقق..جدو رعد قالي كدة .وانا بقي بصراحة بقتنع بكلامه.




شهاب ابتسم بإعجاب: طيب يا لمض انت ياللا بينا علشان انا اللي اكسبك.


چواد بغرور:احلم يا شهاب باشا ...انا اللي هغلب.
*************************************************************


في ساحة خيل شهاب وچواد مع بعض في سبق كل واحد اعلي فرسه.


چواد مش مجرد طفل !! لا هو وارث القوة والتصميم ابا عن جد مثلما يقال!!

برغم صغر سنه الا انه مش بيسلم بسهولة ولا بيرضي بالهزيمة ...طفل ١١سنين بس فعلا كأنه رجل بالغ قي عقله وتصرفاته حتي ردود افعاله..


شهاب بيجري بفرسه وبيبص لچواد بثقة وابتسم بنصر..

شهاب : اقبل هزيمتك بقي واعترف انك خسران..


چواد بملامح غاضبة وحادة عاقد حاجبه بقوة ورافض يسلم..


چوادز : العبرة بالنهاية سيادتك مش نص الطريق...ووعد شهاب الحديدي اللي ماحدش عمره هزمه وسبقه...چواد الحديدي هيسبقه ويهزمه...وهتشوف...


وجري چواد بفرسه بقوة. والغريب ان الفرس ده كان بركان ابن ليل.....ليل اللي مستحيل اي حد يروضه غير شهاب ويقدر يتحكم فيه ..وبركان ابنه كان زيه تمام ويمكن اعنف واشرس..وشهاب تعب معاه كتير علشان يروضه ..بس چواد قدر وبركان حبه جدااا.واستجاب ليه ..

ووقت التحدي جري بكل قوته وسرعته كأنه بيساعد چواد ويأيده انه يكسب تحدي شهاب...گانه بيقوله الزمن بيعيد نفسه ابوك روض ابويا زمان وانت قدرت تروضني والاخلاص والولاء بيكون لشخص واحد بس وده طبع الخيل ..


جري چواد ببركان وبعد مسافة كبيرة من التحدي والجري كسب چواد وبركان ...وشهاب حصله بفرسه ليل ابو بركان...شهاب نزل من الفرس وهو بيبتسم وبياخد نفسه وقرب من ليل وعاتبه بمزاح.


شهاب : كدة ياليل !!! تتفق معاهم عليا...ابنك يستعده وانت تساعد ابنك وتتأخر علشان يهزمني..ماشي حسابنا بعدين.


چواد ضحك ونزل من فرسه وقرب من بركان وطلع سكر من جيبه واكله..ومعروف حب الخيول عموما للسكر والحلويات عموما ودايما اكلها بيكون فيها نسبة السكر عالية .


چواد بإمتنان: متشكر يا بركان...برغم ان بابا اللي سماك الا انه كان عنده حق في الساحة بتكون بركان ثائر وبتصميمك معايا كسبناه .

شهاب قرب من چواد وحط ايده في جيبه بثقة وسعادة.


شهاب: اوعي تفتكر اني زعلان تؤ ..انت الوحيد اللي قلبي بيرقص لما يغلبني او يسبقني في اي شئ.

عارف انا بشوف فيك ابويا في صباه مش نفسي.لما ببصلك واشوف طباعك وتصرفاتك ..اكني شايف ابويا في صوره في صغره وطباعه اللي حفظناها كلنا.


چواد قرب من شهاب وبهدوء: وليه مش بتشوف نفسك انت.!!!؟ انا ابنك انت مش ابن رعد الحديدي...


شهاب ضحك : هههههه..لا يا لمض...بشوف نفسي فيك اكيد...بس لو شوفت فيك حاجة واحدة مني....فا قصادها بشوف الف حاجة منه...واظن هو بنفسه قالك كدة...

چواد ابتسم : فعلا هو دايما يقولي كدة...بيقولي اني اكتر احفاده مشابه ليه في كل شئ...

وبسخرية..وكمان ناناه همس بتحبني اوي وانا عارف علشان انا شبه جدو...

شهاب شده وخنقه بمزاح: انت ياللا انت مش هتبطل لامضتك دي .دي امي ياللا انت فاهم.



چواد بيضحك وبيخلص نفسه من شهاب..


چواد: هههههههه.طيب وانا قولت ايه بس...هي فعلا دي الحقيقة هي بتحب شبهي لجدو اكتر ما بتحبني انا....ما انا عارف هي بتحبه ازاي...


مؤمن قرب منهم ومعاه ريان ابنه...ريان برغم انه ابن مؤمن الا انه بطباع مختلفة تماما مش زي مؤمن ابدااا بهزاره ومزاحه وخفة دمه.... لا لا...ريان يمكن بيشبه شهاب اكتر في حدته وشدته...كمان طباعه قريبه من چواد وتقريبا هما زي التؤام...لان ريان فرق السن بينه وبين چواد سنة واحدة وشهور قليلة...


مؤمن بمزاح: يا صباح المسابقات علي عيلة الحديد...ايه يا جدعان مش كدة...هي العيلة دي سلالتها كلها كدة ان مافيكم حد دماغه لينه.كل الدماغ حديد في حديد....


شهاب لفله بغرور: ما انت لسة قايل اهو عيلة الحديدي....عايزنا نبقي ايه دماغ ملبن...خالي الملبن لصحابه ...وغمزه فاهمني انت يا صاحبي ولا ايه..


مؤمن زفر بضيق : اوفففف منك انت ...انا ياعم دماغي بتحب الملبن يخصك في ايه...ثم مش كفاية خلفتي طلعت شبهك عيل تنح بدماغ حجر حسبي الله فيك...تقولش شيري كانت بتتوحم عليك انت ده مرار طافح.


چواد ضحك وريان غصب من كلام مؤمن ابوه هنه وقرب من جواد بعصبية...


ريان : ايه عجبتك اوي وضحكت...ماشاء الله علي دماغك انت اللي سهلة !!



چواد بثقة: ومين قال كدة....انا عجباني دماغي النشفة...ثم انت ايه اللي مزعلك...ده انت بتتشبه بأبويا شهاب الحديدي...ده انت حتي تفرح..


ريان بعزة وكبرياء غاضب..

ريان : : وانا مش بحب اتشبه بحد.لا ابويا ولا ابوك
..انا بحب نفسي كدة...بدماغي انا....انا ريان وبس ياريت بقي كلكم تفهموا كدة...وبابا بقي يبطل تريقة انا بتعصب وخلقي بيضيق...


مؤمن مسح وشه بعيظ وقلة حيلة..

مؤمن : ربي لا اسألك رد القضاء ولكني اسألك اللطف فيه....يا بني ارحم اهلي انا هعلن اسلامي من اول وجديد بسببك...ما تتعدل شوية وينوبك فيا وفي الناس ثواب فك. وشك ده شوية...افرد ال١١١.دي..وربنا خايف عليك وشك يعقد علي كدة وملامحك تثبت تبقي كارثة..

ريان بعصبية :اوووفففف انا ماشي هخد الفرس بتاعي وماشي عن اذنكم...


شهاب وقفه وقرب منه ومسكه من كتفه بقوة وابتسم بإعجاب ..

شهاب اتنهد بهدوء : استني يا ريان ....لعلمك انا مش زعلان من كلامك...بالعكس كلامك صح وانا فخور بيك...انت صح...انت لازم تكون انت ...وفخور بنفسك وشخصيتك..ماتخليش حد مهما كان يتحكم فيك ولا في طباعك وشخصيتك...وصدقني انت افضل مني كتيير....وعندي احساس انك هتكون شخص مهم وكبير ...اوعدك...


ريان اخيرا ابتسم بهدوء من كلام شهاب وتفهمه ليه ..

ريان : متشكر اوي...ومتأسف لو كنت ضايقتك...بس بجد...انا بحب نفسي كدة...ومش عايز اكون تابع لحد..


شهاب: وانا قولتلك...انت والفارس ده...

وهنا يقصد چواد وشاور عليه!!

شهاب: هتكونوا من اشجع الفرسان..فرسان بحق ويمكن احسن مننا احنا.

چواد بص لريان وابتسم وريان كمان وچواد قرب منه وحط ايده كتفه .

چواد.: تعالي بقي ونتسابق انا وانت ووريني بقي مين اللي هيغلب..


ريان بثقة: مش مهم مين اللي يكسب...المهم اني مش هخاف وهعمل اللي عليا...مش كل اللي بيكسب يستاهل يكسب..!!



مؤمن بسخرية : سبحان الله ...تقول الواد ده امه كانت برضعه حكم....عجبي..!؟


ريان بضيق: بابا انا هروح لوحدي مع السواق...روح انت بقي شوف شغلك...ماشي. عن اذنك...

مشي ريان وچواد .وشهاب متابعهم بعيونه وضحك وقرب من مؤمن بعتاب وغيظ..

شهاب.: هو انت مش هتتغير ابداااا.يا جدع انت عندك عيل يحلم بيه الف غيرك...اقبل بقي حقيقة انه ليه شخصية مختلفة عنك...كل واحد ودماغه يا اخي انت ..خف شوية صاحب ابنك خاليك صاحبه وابوه واخوه...مش طول الوقت تريأة وسخرية هيكرهك ويكره كلامه معاك...!!



مؤمن اتنهد بضيق: عارف بس صدقني انا بعمل كدة.علشانه...عايزه يعيش سنه...خايف عليه يكبر قبل اوانه...شهاب انا عشت طفولة صعبة ماكنتش طفل زي كل الاطفال...ويمكن ده اللي اتعمدت اغيره لما كبرت وطول الوقت احسس نفسي اني ما كبرتش...مش عايزه هو كمان طفولته تضيع....ريان يا شهاب عمره ما لعب زي الاطفال في سنه...عمري ما شوفته بيضحك ويتصرف بطلقائية زي العيال..لا دايما بيحسبها....دايما بحسه راجل كبير مش ابني...صدقني انا خايف عليه يكبر ويندم انه ما عاش سنه..


شهاب اتنهد : لا ما تقلقش...انا مش شايف كدة..ثم ما هو چواد ابني..هو كمان زي ريان.ابنك...نفس الطباع والعقل ..وده يمكن لان تربيتنا ليهم مختلفة دايما من صغرهم شايفنا قصادهم بنعاملهم علي انهم رجالة...كمان اياك تصدق انهم مش شايفنا قدوة ولا بيقلدونا...تؤتؤ...ده كلام منهم بس ...لكن هما دايما بيقلدونا وعايزين يتفوقوا علينا....احنا لازم نفرح بده وندعمه مش نقلل منه ونهونه...ولادنا رجالة فاهم..


مؤمن اتنهد بأمل : فاهم...ياريت هو كمان يفهم انه بحبه هو واخته اكتر من نفسي...وبتمني يكونوا احسن مني ...

شهاب ابتسم : هيعرف ويفهم ده منك انت....لما يلاقيك بتدعمه وتقويه وواقف في ظهره...لما يللقيم بتشجعه ...اياك تقلل من ابنك او تحبطه...هتخسره وهو هيخسر نفسه...

فون شهاب رن كانت تمارا...شهاب ابتسم ورد عليها بسرعة ..

شهاب بمزاح: روح قلبي صباح الحب يا تمارتي...

تمارا بتتألم وتصرخ : اااااه ...الحقني يا شهاب..اااااه..انا شكلي بولد.هموووت..الحقني .


شهاب بيلف حاولين نفسه.بحيرة : ط..ططيب..طيب..اثبتي.. اثبتي اااانا هجيلك بسرعة.


تمارا بتتألم: وهو انا لسة هستناك...علشان اولد هنا مش كدة...ااااااااااه...هموووت. ..الحقني يا شهاب ..



شهاب جري علي عربيته ومؤمن وراه ..

شهاب: طب اعمل ايه بس حاولي تعملي التدريبات اللي قالتلك عليها الدكتورة اهدي ونظمي نفسك...علشان ما تتعبيش وانا والله هطير واجيلك..خاليكي معايا اوعي تقفلي.

شهاب التفت لمؤمن: مؤمن انا رايح لتمارا بتولد...وانت بلغ الولاد

مؤمن : ياعم هما هيجري ليهم ايه.انا جاي معاك ...ونده عليهم في الساحة يخلوا بالهم من چواد وريان لحد مايجعوا...وركب هو مع شهاب..

***********************************