في صباح يوم غريب بدأ بحب ورقة ..وأمل وفرحة .ومر كمان بخوف وقلق وسعادة بدنيا جديدة.وختام اليوم كان صدمة. وآلم ..وقلق وحيرة ..وغيرة..



داخل شقة شهاب وتمار .


شهاب.جهز نفسه. لبس هدومه في هدوء خوفا من قلق تمارا ..خرج لفترة قصيرة ورجع دخل اوضته هو وتمارا ومعاه فطار جهزه بحرفية وزوق عالي .وهو بيقرب منها الفطار بخفة .تمارا حست بيه وفتحت عنيونها وابتسمت..


تمارا بهمس: انت مصمم تتعب نفسك!


شهاب ابتسم وقرب منها وباسها برقة .

شهاب: صباح الجمال علي اجمل عيون شافتها عنيا ...اسف قلقتك .بس انا كنت ماشي بهدوء علشان ماتصحيش..انتي طول الليل مش عارفة تنامي من تعبك يا روحي!



تمارا استقامت بتعب وسندت ظهرها وابتسمت.

تمارا :اعمل ايه بس بنتك شكلها هتبقي متعبة زيك ..البت تقول بتلعب ماتش ملامكة جوا..مش عارفة هلاقيها منها جوا ...ولا منك برا !



شهاب ببراءة مصطنعة : انا! وانا عملت ايه بس ..؟؟ ده انا حتي غلبان ..

وغمزها بإستفزازشديد :هو في راجل في هدوئي وحنيتي يا تمارتي !؟


تمارا ضحكت بقوة : ههههههههههه.كدااااب قال هادي قال...ده انت مفتري اللي يشوفك دلوقتي وانت بتحضري الفطار وماشي علي طراطيف صوابعك كدة ومستكين ماشوفكش طول الليل وانت مطلع عنيا معاك...مابتتهدش!! .



شهاب حك شعره بأسف:اممممم.احممم.عندك حق ..بصي هو انا كل يوم اقول ياواد سيبها حرام دي تعبانة كفاية الحمل وأرفه..وابقي راجع البيت كدة وانا كلي عزيمة واصرار اني انام مؤدب.


لكن قرب منها اكتر وهو بيحرك شعرها الملخبط بخفة وهمس بحب..

شهاب:.بس للأسف بشوفك بنسي اي وعود واي حدود...طول اليوم بيكون واحشني حضنك واحشاني ملامحك..بقرب واقول هو حضن واشتاق زيادة.اقرب واقول هي بوسة .اتجنن اكتر..اقرب واقول..!

..وسكت غمزها بوقاحة في صمت بيحكي كل شئ !


تمارا بهمس واعجاب: هاه تقول ايه!!


شهاب قربها اكترلحضنه بخفة وحنان ..


شهاب :اقول اهو دوب وحنين وبس..اهو شوق لدفي حضنها وبس.بس انتي عارفة من يوم ما عرفتك وانتي الوحيدة اللي بضعف قصادها..الوحيدة اللي بتثير كل مشاعري وجنوني.وبضعف واقرب ومابقدرش ارجع...واللوم بقي عليكي انتي اعملك ايه .بحبك ..انتي اللي خلتيني احبك كدة ..اتحملي بقي.وماتشتكيش.!



تمارا قربته اكتر وهمست قصاد شفايفه بعشق لكل تفاصيله المجنونة ..


تمارا :الومك!!مجنونة انا الومك علي حبك وعشقك ليا!!! تؤتؤ..حبني بطريقك..وعشقني علي هواك..اتجنن وجنني معاك...تعرف اني كنت هزعل اوي لو نزلت من غير ما اشوفك.


شهاب ابتسم بخبث وباسها من خدها : بجد ! وكنتي هتزعلي ليه بقي!

تمارا شدته من قميصة وبدات تفك ازراره بمكر وهي بتتصنع التفكير: كنت هزعل ليه.كنت هزعل ليه.امممم..هقولك حالا..



شهاب مبتسم وهو بيتابع حركتها بهدوء وفي النهاية كمل هو وقلع قميصة وقرب منها واخدها في حضنه: اهاه...قولي بقي انا سامعك اهو ...


تمارا دفنت انفاسها في حضنه وبحب: تؤ.انت مش هتسمعني بودنك .انت هتحس بيا بقلبك وكل حاجة فيك.بحبك اوي يا شيبو اوي..


شهاب ضمها بحب اكتر: وانا بعشقك يا تمارة قلبي .بحبك ..بحبك بكل حلاتك وخصوصا وانتي مجنونة ومتهورة كدة !!


تمارا زيها زي اي ست .يمكن تكون مجهدة من حملها ...يمكن تكون اوقات نفسيتها تعبانة ومش متقبلة وجود اي انسان قريب منها حتي زوجها..لكن حبها ليه المجنون واللي من النوع الخاص جدا كان بيغير حاجات كتير ويقلب الموازين ..


شهاب كمان زي اي زوج ..مشغول ويمكن كمان شغله صعب ومرهق ومتعب وخطر..يمكن دايما باله مشغول وعقله فيه اسرار والغاز.

بس حقيقي لو وقت ما نحتاج بعض ونحس بضعف بعض ...نفضل جنب بعض ..هي يمكن في وضعها ده وحملها وتعبها وشكلها اللي اتغير مش اكتر ست ممكن تغريه او تثير شغفه ..بس هو حبها هي قبل اي تغير واي انوثها جدت عليها حبها من البداية وهي يادوب بتخطي اولي خطواتها لعالم الانوثة والرقة .يعني شوقه ليها ولهفته عليها مش لمجرد الشكل ولا الجاذبية وبس..لا ده حب ..حب روح وقلب..والاهم كمان هو عارف حالها وقلقها وخوفها ..من الولادة اللي قربت وقلقها الشديد لانها كمان تعبت في حملها ده اكتر من حملها في چواد.


اجمل ما اي علاقة الاحتواء.ان الاتنين يحتوا بعض دايما كل واحد.يطمن التاني علي اللي خايف منه وبيفكر فيه من غير ما يتكلم...نفهم بعض من نظرة عين ..من لفته ..من لمسة ايد.


شهاب عارف وفاهم كل ده بحكمة وحب .علشان كدة ..دايما بيحسسها انه جنبها ومعاها ومهتم بيها....دايما بيأكدلها انها في كل حالتها هي اول واخر ست في حياته.هي كمان عارفة انه بيطمنها ...وانه بيتعمد يدلعها ويتغزل فيها علشان ما تفكرش انه ممكن ينشغل عنها ويبعد.


اللي بقوله ده مش خيال ولا احلام ..ده واقع بيعشوا ناس كتيرة.لانه ببساطة خارج من قلوب بتحب..قلوب حنينة .قلوب لينه..بس والله مش صعبة الحكاية.


بعد وقت دافئ وحنين ..شهاب اخدها في حضنه برفق وابتسم..


شهاب : حبيبتي هي اللي جرت رجلي انا كنت لابس ونازل في آمان الله ومافيش حاجة في ضميري...انتي اللي اغرتيني ..


تمارا رفعت عنيها وبصتله بحيرة وقلق وخوف وغيرة كبيرة ..


تمارت : حقيقي يا شهاب لسة بأثر فيك !!! سواء بعد جوازنا اللي بقاله اكتر من ١١سنة او حتي حملي وشكلي اللي اتغير ده وطباعي المجنونة دي !؟ بجد لسة بتحبني زي الاول!؟



شهاب مرر ايده علي ملامحها بخفة وابتسم من سرالها الغبي !


شهاب: انا يوم ما حبيتك حبيت فيكي كل حاجة روحك وعقلك وبرائتك وجنانك ..حبيت دول الاول وعلقوا قلبي بيكي .بعد كدة شوفت جمالك ..شوفت انوثتك .عرفت اثارتك واغرائك.يعني انا حبيت اللي جوا الاول واللي برا كمل الحب ده..مش العكس.بس بعد السنين دي وحملك وكل اللي بتحكي فيه ده اكدلي انك فعلا ماتتحبيش



تمارا ملامحها حزنت وعيونها دمعت في اقل من ثانية ونطقت بعتاب.

تمارا: انا ما اتحبش برغم كل ده ! ليه طيب !؟



شهاب ابتسم علي الكائن الغريب ده..برغم قوتها وسنها .برغم شغلها اللي بيقوي قلبها! برغم السنين اللي مرت عليها بس لسة قصاده في منتهي الضعف والاستسلام!. لكن لسة طفلة بريئة بتتأثر بكل كلمة ...قربها منه وخطف شفايفها برقة ونعومة اكتر من اي وقت فات وبعد عنها وكلماته كانت بتتنطق علي شفايفها مش بعيد..



شهاب: ايوة انتي ما تتحبيش..انتي تتعشقي ...تمارا اوعي تتخيلي ان الرويتين والسنين هتخليني ابطل احبك...تؤ...دي خلتني اعشقك وادوب فيكي اكتر واكتر...



تمارا ابتسمت وهي بتمحي دموعها براحة ..


تمارا: دايما كدة توقع قلبي ربنا يسامحك يا مقلق!



شهاب غمزها بوقاحة كالعادته ..

شهاب : تؤتؤ ما تنسيش كمان بوقعلك هدومك ..مهمة دي اوي من فضلك !!



تمارا ضحكت بقوة: ههههههههههه..لا دي مش محتاجة كلام يا بوب ..ده تخصص سيادتك...



شهاب ضحك بقوة :هههههه.احلي تخصص في الدنيا ...المهم قوليلي معادك مع الدكتورة امتي علشان تدينا بقي كدة تقريب..نستني الهانم دي تشرف امتي..


تمارا ضمت بطنها بحنان وحنين وابتسمت: هروحلها بالليل وهشوف هتقولي ايه...بس عموما احنا خلاص دخلنا التاسع فعادي بقي الهانم هتشرفنا في اي وقت..بس تعرف يا شهاب انا بجد ندمانة اوي !!



شهاب عقد حاجبه بدهشة !!


شهاب : نعم يا ختي ! ندمانة علي ايه بقي ان شاء الله..!!؟هو اي حاجة مش مهم الا انك تندمي انك اتجوزتيني...عليا النعمة اشقلك بطنك دي واولدك وقتي...



تمارا ضحكت:هههههههههه.ربنا يهدك يا مفتري ...لا لا مش ده قصدي ...قصدي اني ندمانة علي عنادي معاك سنين واني اخرت خطوة الحمل دي...وحرمت چواد يكون ليه اخ او اخت السنين دي كلها....ندمت اني فضلت شغلي ومستقبلي علي الاهم ..انت وابني...انا بجد اسفة ..



شهاب ابتسم وضم كفوفها وباسها بحب..


شهاب: بصي حبيبتي مش هنكر اني كنت بمووت السنين دي كلها علشان ابقي اب من تاني ويكون ليا منك بدل العيل ١٠.بس صدقيني ماكنش هو ده المهم.ولا ده السبب الحقيقي في زني والحاحي عليكي علشان تخلفي.لا الحقيقة اني كنت دايما في خوف ورعب وانتي معايا في اي عملية ...والانيل والاصعب بقي لما كنتي تطلعي عملية من غيري ...اظن عارفة كنت بعمل ايه..


تمارا بتكتم ضحكتها: ههههه.ايوة كنت بتاخد اجازة وتطلع معايا العملية بصفة شخصية وتساعدني ...علشان ابقي قصاد عنيك..


شهاب غمض عنيه بغيظ: اااااه .كنت ببقي مخي هيطير كل ما تبقي في خطر.بس برغم كل ده لما كنت بطلب منك تاخدي اجازة وتحملي .كان الهدف الحقيقي مش انك تخلفي وبس ..تؤ.ده كان مجرد حجة تشغلك فترة وتخليني اتطمن عليكي في البيت هنا بعيد عن الخطر.


وضمها لحضنه بحنان: تمارا لو كان نصيبنا بس من الخلفة هو چواد صدقيني كنت هبقي راضي..بس المهم انتي .انتي يا روحي تبقي في آمان.فهمتي يا تمارتي.يعني لا تلومي نفسك ولا تأنبيها.ده قدر وربنا مقدرلنا رزقنا من الخلفة بمعاد ووقت .


تمارا باسته من خده وابتسمت: ياربي عليك وانت رايق كدة تتاكل أكل.


شهاب غمزها : لا الاكل هيبدأ بعد شهر من دلوقتي تولدي كدة وتفوقيلي واكلك بمزاج.ونرجع ايام الاحتفالات والمهرجانات..ده انا كاتم في قلبي وساكت بس علشان تعب الحمل والكورة اللي قدام منك دي....اصتبري بس وانا هوريكي اللي ماشوفتهوش عمرك كله.بس انتي تنزليلي الساحة لوحدك ياقلبي من غير حد جوا ولا حد برا.


تمارا: ههههههههههه.ده انت شايل. حمل يا حبيبي ربنا يستر..واتنهدت بضيق.بس عارف اكتر حاجة معصباني اني لابعرف اجري ولا العب رياضة حتي الرياضة المسموحة للحوامل ..للأسف الدكتورة منعتني منها .علشان وضع الجنين من الشهور الاولي وهو خطر..هتعب اوي بعد الولادة علشان ارجع للياقتي من تاني.


شهاب ابتسم: بس الحق يتقال انتي في حملك ده غير حمل چواد خالص..المرة دي اكلك قليل واصلا شكلك مش زايد الاوڤر يعني هي بطنك بس .فعادي ماتحطيش الموضوع في دماغك .الكام كيلو دول سهل ينزلوا بعد الولادة..وانا معاكي يا كابتن تيمو هعملك معسكر تدريب قاصي بعد الولادة وهرجعك بطل زي ماكنتي ولا تحملي هم.


تمارا ابتسمت وهي عيونها عليه بإعجاب شديد .وهو عقد حاجبه وابتسم!!



شهاب بتساؤل : بتبصيلي كدة ليه!


تمارا اتنهدت بهدوء : اوقات فيه كلام ماينفعش يترد عليه .لانه ببساطة مش هنلاقي كلام يناسب جماله وحلاوتة.وكلامك ده مش هلاقي رد ولا شكر عليه...انت حبيب وزوج وصاحب وصديق وعشيق ..وكل حاجة ممكن احتاجها في دنيتي مش سايب مكان لغيرك ولا فراغ...علشان كدة انا مكتفية بيك عن العالم كله وخلاص مش عايزة حاجة من الدنيا.لا شغل ولا اصحاب ولا مستقبل يحلي ولا ينجح الا معاك انت..
.

شهاب ضغط علي شفايفه بشوق وضرب مقدمة راسه بقوة ..

شهاب: اااااااخ يا قلبي انا.تقوليش الكلام ده دخل علي قلبي يزغزغه يخربيتك ...


تمارا غمزته : ههههههههههه.عد الجمايل يا بوب.

شهاب:هههههههههه.مافيش فايدة قلبت علي كابتن تيمو بردا كنتي اثبتي شوية هقولك كلام عيب...قصدي كلام حب.


في اللحظة دي فون شهاب رنينه نبههم وخرجهمومن اللحظات السعيدة اللي بيمروا بيها !وكان چواد ابنهم هو المتصل علي فون شهاب .



شهاب ضحك: هههههه.الواد ابنك ده بجد مش معقول !


تمارا بدهشة : ليه!


شهاب اتنهد بحيرة : عارفة بحسه اتولد كبير كدة مش مهلك وغبي زي اي عيل في سنة بس انا مبسوط بده فرحان انه راجل برغم صغر سنة.انتي طبعااا عارفة ان انا وهو رايحين نركب خيل كالعادة من وقت ما البية اخد اجازته..بس بعد ما صحيت وخرجت احضرلك الفطار لقيته صاحي ...قولتله هدخل الفطار لماما وخارج بس حاول ما تعملش اي صوت لحد ما اجيلك علشان هي ما تقلقش....تقريبا لما اتأخرت عليه مارديش يخبط علي الباب ورن علي الفون ...هو الواد ده مين اللي رباه كدة!!؟


تمارا ضحكت: هههههههه.ابوك وامك.


شهاب بإستفزاز:هههههههه.عندك حق...الحمد لله الواد اتأثر بأبويا انا مش ابوكي انتي كان زمانه انحرف وبيعرف نسوان...



تمارا ضربته في كتفه بغيظ وعنف..


تمارا: كتك ضربة في قلبك.ما لكش دعوة بأبويا انت فاهم..الا مهاب ده بعيلتكم كلها انت بجد مستفز.ثم ايه نسوان دي!!!؟ هاه ظابط انت في المخابرات ولا ظابط في الاداب .كتك الارف في الفاظك...


شهاب ضحك بقوة: هههههههههه.اولا.انا ماغلطتش هو اللواء مهاب معروف بجبروته .ده صائد النساء يا عنيا.ثانيا بقي هي نسوان وربنا مش اكتشاف .ماهو انتي نسوان بردوا.مش دايما يقولك أنتن يا معشر النسوة..اهو نسوان...نون النسوة....


تمارا استقامت وقربت منه بغيظ وكتمت انفاسه بغضب.

تمارا: اكتم بقي علشان لو قولتها تاني هعضك من لسانك والله.


شهاب ضحك اكتر وحضنها وقعدها في حضنه وبهمس: يا سلاااااااااام.وماله ...هو في احلي من كدة...ياللا عضيني..لساني تحت امرك


تمارا ضحكت: ههههههههه.اوعي كدة انت سافل وتموت في قلة الادب .اوعي .
.

شهاب ضمها وثبتها علشان تفضل في حضنه وبعناد: تؤ مش هتقومي من حضني ..وهتعضيني يعني هتعضيني مش هتنازل..


تمارا بخجل: الله ماكنتش كلمة دي اللي انت مسكت فيها..خلاص مش هعضك سامحتك...


شهاب قربها اكتر وبوعيد: ما دومتي انتي طلعتي جبانة كدة ومش قد تهديدك ..انا هنفذهولك وانا اللي هاكل لسانك ده مش هعضه ...


وقبل ما تعترض كان شهاب بينفذ تهديده وهي ما كنش قصادها غير انها تستسلم.


شهاب بعد عنها وبهمس: بعد كدة خاليكي قد تهديدك.علشان انتي عارفة انتي متجوزة شهاب الحديدي .يعني مش اي راجل..ومستحيل تعدي من تحت ايده كدة بالساهل.


تمارا ابتسمت: هو انا اصلا كنت بهددك ليه .انا نسيت..!؟


شهاب ضحك بقوة : ههههههههه.نسيتي من بوسة...اومال بقي لو طولت شوية هتعملي ايه...هنتنسي اسمك!؟


تمارا مررت ايديها علي خصلات شعره بنعومة: هتصدقني لو قولتلك وانا معاك وفي حضنك فعلا بنسي نفسي واسمي .مش بفتكر ولا بشوف غيرك.انت يا بوب تنسي اي ست العالم كله.


شهاب ضغط علي شفايفه بجنون: طب وبعدين في التعب ده انا اعمل فيكي ايه بس.انتي هنا مجنناني ..وابنك مش بيبطل زن ورن علي الفون.اعمل ايه.وغمزها بشقوة وابتسم بس انا لو عليا افضل هنا انسيكي اسمك ..وارجع افكرك...وارجع انسيكي ..وارجع افكرك...وحياتك ما اخرج من الاوضة دي اسبوع يادوب بس ننسي ونفتكر.


تمارا : ههههههه.لا لا خلاص بقي انتم اتأخرتوا اصلا وچواد زمانه بيطلع نار ومتعصب...ياللا اخرجله. بقي ..


شهاب ابتسم : طيب حبيبتي هتنام ولا هتفطر ؟


تمارا بعدت عنه. ونامت بتعب: لا هنام ماليش نفس دلوقتي لما اصحي هأكل ماتقلقش عليا انت..



شهاب غمزها بوقاحة : طب وحياتي عندك بلاش تتدلعي كدة.وانتي بتغريني في وسط السرير كدة انا ممكن افرقع ابنك وانام جنبك انا اصلا عايز انااام وربنا ..



تمارا بتغيظه اكتر بإغراء وهي بتتنعم في السرير براحة..


تمارت :امممممم.عارف انا هنااااام مش عايزة حد يصحيني ..ياللا امشي روح لإبنك..



شهاب قرب منها وابتسم وغطاها بحنان وباسها من خدها بخوف عليها ..


شهاب: وماله يا ام العيال نامي وارتاحي يا قلبي .المهم اول ما تصحي تفطري والاهم تكلميني تطمنيني عنك اتفقنا...

تمارا بتغمض عيونها بتعب وارهاق وهزت رأسها بتأكيد..


تمارا بنعاس : حاضر هكلمك حبيبي ..



شهاب شافها فعلا بتنام بسرعة ابتسم اكتر وفضل جنبها وهو بيملس علي شعرها بحنان وعلي خدها برقة لحد ما نامت فعلا ونفسها انتظم ومابقتش حاسة بيه نهائي ولا بوجوده !!



شهاب اتنهد بخوف وحيرة من احساسه اليوم ده الغريب اللي مخوفه عليها بشكل مش طبيعي !!


شهاب بقلق: مش عارف ليه قلبي مقبوض وقلقان ...اوعي يا تمارا يجرالك حاجة وانتي بتولدي....اوعي تبعدي عني....ااااااه يا ربي بلاش تمارا...انا مش هقدر اتحمل يجرالها حاجة ....ورجع باسها من خدها....دي روحي وحتة مني...حبيبتي كدبي ظني وخاليكي قوية ...خاليكي جنبي ومعايا...وضمها اكتر بخوف وبعد شوية بعد عنها وقام واخد حمام ولبس وخرج لچواد...

************************************