أمي عاوزه تجوزني بالعافيه ياا صاحبي
نعم يا اخويااا
‏_ أه والله زي ما بقولك كداا
‏انا حقيقي مستغرب ازاي امك هتضغط عليك وتجوزك عافيه هو الحجات دي مش بتاعت البنات
_ ما انت عارف امي كلمتها بتمشي عليا انا واختي
ايواا انا عارف كداا بس انت بتسمع كلامها علشان هي عندها السكر بردو وانت بتخاف تزعلها لتتعب
_ فعلا.دا سبب واحد من اسباب كتير بس انا مش متخيل فكره اني اتجوز غصب دي يعني اي اتجوز واحده علشان ارضي أمي وبس طيب هعيش معاها ازاي وهحبها ازاي وهتبقا معايا في بيت واحد ازااي انا شاب ومن حقي احب بنت واحس ان هي دي الي عاوز اكون معاها ساعتها هتقدملها وهخليها تعشقني وهبقا راضي جداا عن جوازي منها والمفروض أمي تفكر كداا بس هي استغلت ظروفي و اني مش برفضلها طلب وقالتلي هتتجوز دي يعني دي
طيب هي مين الي عاوزاك تتجوزها
_ انا عارف بنت صاحبتها ولا مين ولا شافتها في اني حته عجباها وعماله تزن عليااا بقا
طيب هتعمل اي
_ بإبتسامه مكر هطفشهاا
هااا
_ زي ماسمعت هطفشها مش لما البنات يجيلها عريس مش عاوزاه بتطفشو انا كمان هطفشها وهترفضني وبكدا انا هبقا في السليم وامي متزعلش
لا بجد فكره عظمه تسلم دماغك
_ حبيبي؛ المهم انا رايح اشوفها بكره ادعيلي اخلص من الحوار دا ع خير
تاني يوم
امال يالااااا بقااااا زهقتوووني
رحمه يا ماما ياحبيبتي الصوت العالي غلط عليكي اهدي بس كداا
امال وهو انا صوتي عالي كدا لوحدو ماهو منكو
عمرو عامله دوشه لي يا اموله انا جيت اهو يالا بقاا علشان منتأخرش علي عروستي وابتسم وغمز لاختو رحمه
امال انا مش مرتحاالك يا واد انت
عمرو الله يعني اقولك مش عاوز اتجوز تقولي هتتجوز غصب عنك اقولك طيب يالا علشان نروح تقولي مش مرتحالك والله ادخل اقلع البدله القمر دي
امال انت مابتصدق يالا يا اخوياا
رحمه ابقو صورولي العروسه وابتسمت بخبث
عمرو ورحمه بيضحكو
مش عااااوزه اتجوز انا ماصدقت اتقبلت في الشركه الي بحلم اشتغل فيها تيجي تقوليلي اتجوزي واشيل بيت واولاد واتبهدل
سهام ياابت عمرو شاب كويس انا بنفسي سئلت عليه
يمني ميترفضش لييي هاا ياستي شايفاه مناسب كدا اتجوزيه انتي
سهام ااه يا قليله الادب والله لقول ل ادم وهتتجوزيه يا يمني ورجلك فوق رقبتك
يمني مش متجوزااه يا سهااام وهرفضو وهتشوفي
خالد لي يا يمني قوليلي اسبابك
يمني يابابا انا مش عاوزه اتجوز دلوقتي انا الحمدلله اتخرجت من كليتي واتعينت في شركه محترمه وكبيره وليا مستقبل كويس لي اتجوز بقا واضيع مستقبلي
سهام هو الجواز بيضيع المستقبل
يمني ايوااا ماما الله يرحمها بعد ماخلفتني المسؤليه بقت تقيله عليها بسببي انا واختي ف سابت شغلها وبقت ربه منزل حتي سهام لما اتجوزت ادم سابت شغلها واهتمت ببيتها وبقت ربه منزل واهي حاامل اهي انا مش عااوزه ابقا زيهم
سهام انا سبت الشغل علشان مش محتاجاه ادم حالتو الماديه كويسه ف اشتغل لي
يمني ومين قاال اني عاوزه اشتغل علشان الفلوس انا عاوزه اثبت نفسي ويبقا ليا اسم وشخصيه عاوزه انجح وبدل ما ابقا موظفه ابقا صاحبه شركه خاصه بيا
خالد طيب معلش ياروحي احنا ادينا ميعاد للناس
دي مهما كان كانت زميله مامتك الله يرحمها ف اقعدي معاهم ولو معجبكيش ارفضي
يمني يعني مش هتضغطو عليا
سهام متدلعيش يا يمني
خالد شششش انا مضغطش عليكي يا سهام في جوازك وبردو مش هضغط علي يمني انتهي الكلام
يمني اتنفست براحه ودخلت تجهز
عمرو ومامتو وصلو وخالد وسهام استقبلوهم
يمني خرجت من الاوضه لقت سهام بتديها صنيه عصير وبتقولها تدخل بيها
يمني اي العادات الغريبه دي مش هشيلها هاتيها انتي وسابتها ودخلت الاوضه الي قاعدين فيها
يمني كنت داخله بثبات ولا كأني العروسه الي جايين يشوفوها بس اول ماشوفتو اتوترت تلقائيا وحسيت بخجل رغم اني مش خجوله اوي انا طول عمري عصبيه وشديده ومش بيهمني اي حاجه...احم
خالد تعالي يا يمني
يمني بصوت هادي السلام عليكم
ردو السلام وامال قامت سلمت عليها وقعدتها جمبها من اتجاه عمرو
عمرو كان قاعد ومركز جدااا هيطفشها ازاي ومتكلمش خاالص طول ماهما قاعدين
يمني كانت بتفرك في ايديها وبتبص بجمب عينيها علي عمرو بس مش عارفه تشوفو كويس هي شايفه انو قاعد بثقه وليه كاريزماا كدا لكن مش شايفه ملامحو بوضوح
سابوهم لوحدهم وخرجو
بعد صمت طويل
عمرو بلهجه غريبه ماهش هتعرفيني ع نفسك ولا ايييه
يمني بإستغراب من طريقه كلامو افندم
عمرو بتأليف وه هي المحروسه قليله الفهم كمان
يمني بتعصب قليله الفهم انت اتجننت ولا اااي
عمرو ششش وطي صوتك ياوليه بتجعري لي
يمني مذهوله وليه و بجعر
عمرو شوفو تنحت كيف چاموس البحر
يمني نعممممم
عمرو وطي صوتك بجولك
يمني دا انت اتهبلت خالص بقااا
امال وسهام دخلو علي صوت يمني وخالد في البلكونه بيتكلم في التليفون
عمرو دي هتعلي صوتها علي ياماا ماهتجوزهاش واصل
امال هتتجنن من طريقه عمرو
سهام وااصل دماغي عملت ايرور
يمني وانت فاكرني هموت عليك ولا ايه اتوكس كتك القرف
امال اسكت خاالص انت بتقول اي يمني حبيبتي دا بيهزر معاكي
عمرو بإستفزاز انتي جليله الربايه
يمني بجنان اهو انت يا حيوان
عمرو شوفو كيف بتچعر
يمني اطلع براااا واياك اشوف وشك هنا تااني
عمرو هتطردينا كمان يالا يا اماا يالا
امال بتضربو في كتفو ااه ياا ابن ال صبرك عليا لما نروح
عمرو خرج وهيموت من الضحك
سهام اهدي بس يا يمني
يمني هو داا الي ميترفضش هو دااا
دا بيهزقني في بيتي
امال دا بيهزر ياحبيبتي متاخديش ع كلامو
يمني انا اسفه يا طنط عن اذنك سابتها ودخلت اوضتها
سهام انا اسفه بس حضرتك شوفتي الي حصل و
امال انا الي اسفه علي المهزله دي عن اذنك ياحبيبتي
في العربيه
امال سااكته نهائي
عمرو كل شويه يبصلها وندم انو عمل كداا خايف مامتو يحصلها حاجه
وصلو تحت البيت وامال نزلت ودخلت علطول
عمرو استعنا بالله واول مادخل لقي الشبشب نازل عليه
عمرو اااه
امال هموتك ياااعمرو
رحمه هتموت من الضحك فجأه لقت الشبشب اتحدف عليها
رحمه طب انا مااالي
امال سنتكو سودا انتو الاتنين اي الي حصل هناك دااا بتقول للبت بتجعري بتجعرييييي
عمرو يا ماما دي لغه الصعيد لغه الام
امال لغه اي يا عنياا وصعيد اي دي اللي بتتكلم كدا
عمرو اي دا هما مش بيتكلمو كدا
امال لا يا اخويااا مش بيتكلمو كداا الي انت عملتو دا اسمووو هبل اسمو قله ادب
عمرو بيجري من قدامها وهي وراه وكل ماتلحقو بتضربو بالشبشب
عمرو منا قولتلك مش عاوز اتجوز بالطريقه دي
امال تقوم تهبب الي هببتو داا تعالي انتي كمان
رحمه اي اي انا مالي يا ماماا انا مالي
عمرو علفكرا بقاا هي الي قالتلي اتكلم كدا
امال وقفت وبصت لرحمه وبتبرق
رحمه يالهووي والله ماقولتلو حاجه
عمرو لقي رحمه واقفه مرعوبه وامال بتبرقلها ف جري علي اختو شالها من وسطها وخرجو برا الشقه جري
امال طب والله ما انتو داخلين البيت النهارده واهو تربست الباب
رحمه اطردنا
عمرو وهي دي اول مره يعني كويس معايا مفتاح العربيه
رحمه بفرحه ستومااك
عمرو بتاع بطنك والله يالا
رحمه يالا
راحو المطعم واكلو ومشيو في الشوارع بالعربيه
رحمه هنروح فين دلوقتي عند خالو محمد ولا تيتا
عمرو عند تيتا
رحمه مانروح عند خالو
عمرو ما انتي عارفه عشان زيزي بنت خالو
رحمه طب يالا بينا ع تيتا
في بيت جدتهم
عمرو يا سوسووو بنتك طردتنا من البيت
زيزي عمرو
عمرو ياختااي
رحمه ههههههه مروحناش بيتهم لقيناها هناا
سميره انت ياواد بتعمل اي علشان كل شويه تطردكو كدا من البيت جننتو الربع الي كان باقي عندها
عمرو بضحك والله بنتك دي تجنن بلد
قعدو يهزرو مع جدتهم شويه وكل واحد دخل اوضتو ينام فيها
رحمه مش هتنامي ولا اي يازيزي
زيزي احم لا انا هخرج اشم هواا برا
رحمه بنعاس طيب انا هنام علشان عندي شغل بكرا
زيزي خرجت لقت عمرو قاعد علي كرسي في جنينه صغيره قدام البيت
زيزي مش جايلك نوم زيي
عمرو لاا دا انا همووت وانام بجد يالا عن اذنك
زيزي مسكتو من ايدو بسرعه وقالت انت لي بتعاملني كدا
عمرو شد ايدو منها وبلهجه صارمه قال اياكي مره تانيه تحاولي تلمسيني بالشكل داا
زيزي بصوت مكتوم انا انا انا
عمرو ايااكي يازيزي سابها ودخل اوضتو ونام
الساعه 7 الصبح
عمرو رحمههههههه
رحمه بتقوم مفزوعه في اااي
عمرو الشغل يامااا قومي يالا
رحمه حاضر حاضر ماتنادي مره واحده وخلاص
عمرو انا بقالي ربع ساعه بصحيكي يشيخه دا ستك الي سمعها ضعيف صحيت علي صوتي وانتي لا
رحمه بجد اسفه اسفه يالا قومت اهو
عمرو مستنيكي ع الفطار
رحمه هي زيزي فين
عمرو مع ستك برا
في العربيه
عمرو بيبص في المرايا وبيلبس نضارتو وبيقول لنفسو والله قمر
بيشغل العربيه
رحمه ركبت بسرعه وانطلقو سواا
في الشركه
عمرو داخل وحاطت ايدو علي كتف رحمه وبينكش فيها
رحمه اوع بقاا انت محسسني اني بنت اختك كداا
عمرو يالاا ع مكتبك
رحمه حااضر
عمرو كان واقف مع زميلو بص وراه لقي ميرهان جايه بإتجاهو ف بص لزميلو بسرعه وقال قوولي انها مش جايه عليا
رامي بضحك ورااك
ميرهان عمرو
عمرو ايواا
ميرهان رنيت عليك امبارح مردتش
عمرو ااه كنت عند خطيبتي
ميرهان اي داا انت خطبت
عمرو بمكر قرينا فاتحه عقباالك
ميرهان ابتسمت بتكلف ومشيت
رامي اي داا الف مبروك
عمرو ياشيخ اتنيل انا كنت بقول لمين امبارح اني هطفشها
رامي طفشتهاا
عمرو بضحك هبقا احكيلك يالا شوف شغلك
اليوم عدي بسرعه جداا ورجعو البيت
وقفو قدام البيت بيفكرو هيدخلو ازاي من غير ما امال تشوفهم
عمرو فتح الباب بهدوء ودخل راسو يلتفت يمين وشمال لقي امال واقفه وحاطه ايدها في وسطها
عمرو ابتسم ببلاهه اموول حبيبتي
امال بصتلو بضيق ودخلت المطبخ
دخلو وراها بيحاولو يصالحوهاا وبعد مده مش قليله اتصالحت معاهم
بعد اسبوع
في بيت يمني
يمني واقفه قدام المرايا فرحانه ف دا اول يوم شغل ليهاا في شركه المحمدي ودي شركه معروفه جداا في بلدهم
عمرو خرج من اوضتو باس راس مامتو: صبااح الخير ياقمر
امال صباح النور ياحبيبي
عمرو رحمه فيين
رحمه انا جاهزه اهوو
قعدو فطرو سواا
عمرو متعمليش حاجه في البيت الا لما نيجي
امال انتو بتيجو تعبانين انا هعمل حاجه حاجه براحتي لحد ما اخلص
عمرو طب والله يا اموول لو روقتي البيت لوحدك مش هكلمك تاني
رحمه اه وانا كمان مش هكلمك
امال بإستسلام خلاص مااشي
خرجو سواا يروحو الشغل
يمني نزلت من بيتها وركبت عربيه مامتها ودي عربيه موديل قديم شويه بس كويسه
عمرو ورحمه وصلو الشركه دخلو كالعاده ماسكين ايد بعض وبيهزرو
رامي اي ياكبير عامل اي
عمرو تمام ياحبيبي اي المدير جه ولا لسا
رامي جواا مستنيك
عمرو بياخد ملف من علي مكتبو وبيدخل لمدير الشركه
عمرو صباح الخير يا سامح بيه
سامح صباح النور يا عمرو اتفضل
عمرو دي حسابات الشهر داا زي ماطلبت
سامح تمام شكراا جدا ياعمرو وبلاش بيه دي انا اكبر منك بسنتين بس
عمرو اوكااي عن اذنك يباشا
سامح ياابني انا ابن عمتك بلاش رسميه
عمرو تمام يا شبح
سامح بضحك ابو الفاظك
عمرو الله
سامح بقولك في موظفين جداد جايين النهارده عاوزك تعمل اجتماع وتفهمهم نظام شركتنا لان عندي اجتماع برا الشركه ومش فاضي
عمرو عنيا ياكبير
خرج عمرو من مكتب سامح وراح علي مكتبو وكلم مدير الفرع يتابع الشغل معاه
رحمه فتحت الباب ودخلت: عموور شوف الملف دا ياحبيبي
عمرو بصلها بصرامه فوقفت مكانها مخضوضه
خلص المكالمة وقالها بحده احنا في الشغل يارحمه والشغل مفهوش لعب انا هنا مدير الحسابات وانتي محاسبه هناا مش اخوات واي عمور دي احنا مش في البيت
رحمه بزعل حاضر
عمرو كنتي عاوزه اي
رحمه بصوت مهزوز ومكتوم شوف الملف دا
عمرو لاحظ زعلها بس تجاهلو لانو اضايق من مكالمه مدير الفرع وهي كملت عليه
بعد ربع ساعه تليفون مكتب عمرو رن
عمرو ايوا
الاستقبال الموظفين الجداد وصلو يافندم
عمرو وديهم غرفه الاجتماعات انا جاي اهو
دخلت يمني غرفه الاجتماعات مع باقي زمايلها وكانت مبهوره بكل حاجه حواليها كانت مبسوطه جداا انها هتشتغل في الشركه دي وكمان صاحبتها اتقبلت معاها
ساره الشركه قمر بجد
يمني اووي انا حقيقي مبسوطه وحاسه اني هلاقي نفسي هناا
الباب اتفتح ودخل عمرو
يمني اي داا ازاي المجنون دا اتقبل في شركه محترمه زي دي
ساره انتي تعرفيه
يمني دا المجنون الي اتقدملي من اسبوع
ساره بتبص عليه من فوق لتحت معقوول دا الي انتي وصفتيه يا يمني لما سمعت كلامك حسيتو انو بيئه اووي لكن داا چنتل واسمراني كداا وقمر
يمني هو شيك فعلا وقمور بس بيئه جدااا وطريقتو زباله انا مش عارفه اتقبل هناا ازااي اديكي هتسمعي طريقه كلامو
عمرو اهلا بيكم في شركه المحمدي بنرحب بيكم جداا ومبسوطين انكم معانا انا عمرو السوري مدير الحسابات للشركه وهوضحلكم كام نقطه مهمين جداا
يمني وساره فاتحين بوقهم
ساره بقا داا بيئه ياشيخه حرام عليكي
يمني داا ازااي دا
عمرو يارب تكونو استفدتم وحابب اشوف افضل ماعندكم بالتوفيق يا شباب
خرج عمرو من الغرفه ومأخدش بالو من يمني او بمعني اصح مش متذكرها لانو مش بيحفظ الاشكال بسرعه
يمني خارجه ومصدومه من الي حصل ازاي اتكلم معاها كدا والنهارده كلامو وطريقتو كويسين جدا واسلوبو كويس وباين انو محترم ومثقف طيب ليه عمل كداا معاها اسئله كتير محيراها وعاوزه تعرف اجابتها
شافتو واقف علي مكتب شاب وبيضحك معاه قررت تروح وتسئلو ليه عمل كداا مشيت خطويتين وسمعت صوت واحد بيقولها تتفضل معاه علشان تستلم شغلها مشيت وراه لحد مالقت نفسها في الدور الي تحت
يمني حضرتك هو احنا مش هنشتغل مع الي فوق احنا محاسبين بردو
الموظف حضراتكم هتدربو هنا وبعد شهرين الي شغلو كويس هيترقي ويشتغل في الدور الي فوق وهيجي مكانكم موظفين جداد
يمني علي كدا الشركه دي كبيره للدرجه دي وفيها اماكن كتير
الموظف لا في شركه تانيه بتتعمل وكل شهرين افضل الموظفين بيتنقلو عليها وبيترقي مكانهم علشان يكبرو الشركه التانيه
يمني ااه شكراا
في الاستراحه
يمني وساره قعدو علي ترابيزه في الكافيتريا ورحمه كانت قاعده علي ترابيزه قصادهم
عمرو دخل الكافيه وبيدور بعينو
يمني شاافتو وفضلت بصالو
عمرو لقي رحمه ماسكه مج نسكافيه وسرحانه ف قرب منها وباسها من راسها
يمني برقت وبصت لساره
ساره قليل الادب طب مش قدام الكل كداا
رحمه بصتلو بضيق وبصت قدامها
عمرو رحووم
رحمه بتقلدو احناا في الشغل انا محاسبه وانت مدير الحسابات احنا مش في البيت علفكرا
عمرو بضحك يارحمه مانتي دخلتي في وقت غلط وكنت متعصب من كذا مشكله
رحمه وانا اشيل عصبيتك ليه
عمرو الله مش توأمي
رحمه وهو انا نازله بكتالوج انك تتعصب عليا وقت زعلك
عمرو خلاص انا اسف بقاا قلبك كبير
رحمه زعلانه
عمرو بيبوس ايدهاا خلاص بقا والله يومي رخم وانتي زعلانه مني
رحمه بتضحك خلاص مسمحاك
يمني هتتجنن من طريقتهم وازاي مش مكسوفين بالي بيعملوه قدام الناس قاعدين قريبين من بعض وماسكين ايد بعض دا اي دا
ساره انا كدا فهمت حاجه
يمني اي
ساره ان امو غصبتو يتجوزك وهو بيحب البت دي ف جالك وعمل الي عملو علشان ترفضيه ويرجع للمفعوصه دي وهي اكيد دلوقتي عرفت انو كان بيتقدملك ف زعلانه ف هو بيصالحها
يمني منطقي بردوو طيب تفتكري هو شاافني
ساره مش عارفه طب هنعرف ازاي
يمني اروح اعدي من قدامهم كدا
ساره روحي خليه يشوفك ويعرف انك فقستي خطتو ويتكسف بقاا
عمرو اخد النسكافيه من رحمه وشرب منو شويه
ساره الحقيي داا شرب من مكاانهااا
يمني اتغاظت وحست ان عمرو ضحك عليها وحاسه انو قلل منها جداا ولازم ترد كرامتها
يمني قامت فعلا وقربت من ترابيزتهم
رحمه كانت باصه لعمرو وبتكلمو وعمرو كان بيشرب نسكافيه بص نظره سريعه ليمني وهي معديه من قدامو ولكن متذكرهاش وبص لرحمه وكمل كلامو وتجاهلها
يمني اضايقت جداا انو مش مديها اهتمام خاالص دي من ساعه مادخلت الشركه وفي كذا شاب مركزين معاها
قعدت مكانها بضيق ومن جواها بتفكر ازااي هتنتقم من عمرو علي الي عملو معاها ف هي اكبر بكتير من ان واحد يهينها بالشكل داا قالت لنفسها
اناا يمني المهدي واحد زي دا يعمل معايا كداا ورحمه ماما لهندمك ياعمرو واوريك مين يمني الي لعبت معاها اللعبه البايخه دي.