البارت 18 الاخير

البارت. ( 18 ) الاخير
انا حرة
حبيبة عبدالله
............................
...................................
زياد

ب السرعه دي .... انت عارف انا كمان مبحبش اضيع وقت و يوم الجمعه الجايه هتخطب لواحد ابن حلال ابقي خلي خطوبتك معايه في نفس اليوم يااا ياااا دكتور زيااد...

مكنتش قادر استوعب أي الي هي بتقوله ده ...
انا كنت جي افاتحها و اقولها ان انا حبتها.و محبتش حد قدها

قومت من مكاني و وقفت قصادها وقولتلها بهدوء

:اي..... يعني اي هتتخطبي لمين و امتى حصل ده..

ردت عليه بكل ثبات

:واحد من المنطقه كان بيحبني ومستني الوقت المناسب و فاتح بابا و انا وافقت عليه.!

رديت عليها بكل خيبت امل

:انتي عارفه انا كنت جي ليه انهارده

ردت عليه

:لي

اتنهدت بصوت مسموع وقولتلها وانا باصص في عينيها

:انا بحبك يالوليتا

من ملامح الجمود ل ملامح الدهشه النسبيه ردت عليه بدون تصديق

:ااااي

رديت عليها بحسم

:انا بحبك يا لوليتا و عايزك

ردت عليه بجمود مع الصلابه

:وانا بحب خطيبي يا دكتور..

......
لوليتا

بعد ما زياد قالي انه بيحبني و عايزني قلبي رفرف من كتر السعاده و كنت علي اخر لحظه هتكشف و يتشال قناع الجمود من علي وشي
و علي اخر لحظه صدمته و قولتله ان بحب خطيبي
كنت عايزه يدوق من الكاس الي سقاهولي
كنت عايزه اشوف خيبة الامل علي وشه

وفعلا بعد ما قولتله اني بحب خطيبي
لف وشه و اخد علبة السجاير و مفاتيح العربيه بتعته و مشي قدامي خطوتين

بصيت علي التربيزه لقيت شنطه بامبي موجوده عليه
ندهت عليه بصوت مسموع نسبيا

:دكتور زياد

لف وشه و بصلي بعتاب
كملت كلامي ولا كائني ملحظه حاجه

:الشنطه بتعتك نستها

اخدتها من علي التربيزه و مديت ايدي بيها بصلي و بص للشنطه و قالي

:لا ما خلاص مبقاش مهم ...

سبني و مشي من غير ولا كلمه

اينعم انا مكنتش حبه اوصل ل كده بس مكنش ينفع اعمل غير كده كبريائي ميسمحليش

دخلت اوضتي و رميت الشنطه علي السرير ب اهمال
و خرجت اكمال اعمال البيت

طبعا انا كنت بلهي فضولي عن فتح الشنطه ل درجت اني مدخلتش اوضتي طول النهار

وعشان فضولي ما ياكولنيش اكتر من كده

علي اخر النهار جت منال اختي و قالتلي ان زياد كلمها و قعدت تحكيلي و هي مش وخده بالها عن حقايق انا مكنتش اعرفها

كنت بس بسمع بصمت و مبديش اي رد فعل غير الابتسامه الزيفه وبس
ل غاية ما في وصت الكلام لقيت ماما خرجه من الاوضه و في ايديها الشنطه
سألت منال اختي عن الشنطه و ماما قالتلها ان زياد هو الي جبها
ف سالتني عن الي جواها قولتلها بتفكير

:معرفش

ردت عليه بستغراب

:ازاي متعرفيش يا لوليتا مفتحتهاش لي

رديت عليها بتنهيده

: ولله ماعرف لو عايزه تخديها خديها انا كده كده مش فاضيه ورايه حاجات كتيره اوي

ردت عليه بستغراب

:وراكي اي

قولتلها بهدوء

:انا ابتديت ادور علي شغل عشان اقدر اجهز نفسي

ردت عليه و هي بتاخد الشنطه

:بجد هتجهزي نفسك

رديت عليها

:ايوه هجهز نفسي عشان ماكونش حمل علي ابوكي و لسه فيه اخواتك الباقيين

ردت عليه ببتسامه

:ربنا يوفقك يا حببتي و تفضلي كده بعقلك و يخليك لينا يا دكتور زياد

رديت عليها بضيق

:هو احنا هنفضل كده نجيب في سيرته خلينا في حالنا احسن

بعد ما قعدت انا ومنال بنتكلم عن مواضيع كتيره اخدت الشنطه بعد ما استأذنت مني انها تاخدها

المهم دخلت اوضتي ومكنش ليه نفس للنوم

خرجت للبلكونه و قعدت فيها و انا بدندن مع نفسي اغنيه للست ام كلثوم

(عاايزنا نرجع زي زماان قول للزمان ارجع يا زمان)

(وهتلي قلب لا داب ولا حب ولا انجرح و لا شاف حرمان.  تعتب عليه لي وانا ب ايديه اي ااييي فاات المعاااد فات فات المعاااد)

كنت حسه ب تشتت افكار شويه ابقي عايزه ارجع فكلامي و اروح اقول ل زياد انا كمان بحبك
وشويه ابقي مش طايقه اسمع اسمه

قطع تفكيري صوت ماما وهي بتقولي

:يااالوليتا ياله ناامي عشان بكره الجماعه جيين وعايزين ننفض الشقه كويس

بصيت ب استياء للشارع و قولت بصوت واطي

:وجه اليوم الي انضف في الشقه عشانك يا حسين يا هلفوت ..

فلتت مني ضحكه و فورا ضبط نفسي و دخلت الاوضه عشان انام....

.............................
.................  ...............
لوليتا

صحيت علي صوت امي وهي بتنده بتريقه مزعجه

:ياااأااااااالوليتااا يااا لوليتا

فتحت عنيه بتساقل وقولت في سري

:اهرب من الزماره الي هناك عشان تطلعلي زماره هنا

قومت من علي السرير و دخلت الحمام

بعد ما خلصت فطرت مع اخواتي الصغيرين

و ابتديت اروق الشقه انا و امي بشكل مجهد ف قولتلها وانا بخلع الستاير

:هي ام حسين بتعرف تطير يا امي

ردت عليه بستغراب

:نعم كتك اي هو في حد بيطير يا لوليتا

رديت عليها وانا فوق السلم الخشبي

:ما انا حسه ان الست ب تطير
هي هتشوف ال ستاير من فوق نضيفه ولا لا

ردت عليه ب الكلمه المعتاده

:يختي احنا بنعمل لنفسنا مش لحده

:طب ما اضام بنعمل لنفسنا ما نخليها يوم تاني

ردت عليه بستنكار

:بقي اول يوم خطيبك ييجي فيه يالاقي الشقه مش نضيفه

:متقلقيش ده عيل جربوع و الشقه الي مش عجباكي دي بلنسباله منتجع سياحي
دول بيروقوه في العيد بس يااما

ردت عليه و هي بتشدني من رجلي

:برده لسانك فالت و عايز قصه

نزلت من علي السلم و رجعت انضف الاماكن التانيه

المهم ان بعد ما خلصنا دخلت اخدت دش

و نمت شويه علي السرير

صحيت بعديها ب ساعه علي صوت بابا وهو بيقولي

:ياله يا لوليتا عشان الناس وصله لو هتلبسي حاجه

هزيت راسي و قومت من علي السرير و اتوجهت للدولاب

لبت عبايهه و لفيت طرحه كمان مكنش ليه مزاج امكيج نفسي

خرجت زي ما انا يادوب مغيره بس ولبسه طرحه ملونه و عبايه خليجي سوده

خبط علي الباب و دخلت قعدت بين الموجودين بعد ما سلمت
لقيت حسين قاعد مش علي بعضه و بيبصلي بعبط
كنت بضحك من جوايه وانا شايفاه

لقيت امه بتبصلي من فوق ل تحت و ابوه قاعد بيتكلم مع بابا

اما عادل جوز منال التبت كان قاعد علي الكرسي و بياكل جتوه من الي هما جابوه

ابو حسين اتعدل في قعدته و قال ببتسامه

:انا يشرفني ان اناسبك يا حج سعيد

رد عليه ابويه مجمله

:وانا مش هلاقي لبنتي عريس احسن ولا ارجل من حسين

ضحكت بصوت مسموع و بعدين لمه لقيتهم كلهم بصولي عملت نفسي مشغوله ب كم العبايه

لسه ابوه هيقول كلمه كمان قطه كلامه صوت طخبيط علي الباب

امي استأذنت و فتحت الباب بصيت في اتجاه الباب لقيت اختي منال وقفه و بتشاورلي

استأذنت منهم و خرجت اكلمها

:في اي يا منال

ردت عليه منال بحيره

:انتي متأكده انك ما فتحتيش الشنطه دي

شاورتلي علي الشنطه الي زياد جبها

قولتلها بستغراب

:لا لي هي فيها اي

قالتلي بهدوء

:يستحسن انك تفتحيها بنفسك

:دخلت اوضتي و قعدت علي السرير و ابتديت افتحها
لحد ما اتفاجئت ب الورده

اي ده ازاي مش دي الورده الي كانت في الفيلة

جه في بالي مقتطفات عن ايام الفيله اول ما روحت و ابتدا يعالجني

كان حاطط الورده في غطاء زوجاجي فيه فتحات للتهويه من فوق عشان يحافظ علي الورده كمان فيه مكان للسقي

لقيت كمان ورقه ملزوقه علي الازاز مكتوبه فيها

(بحبك يا عشوائيه) و معاها خاتم رقيق جدااا

ابتسمت بفرحه كبيره و اخدت الورده و خرجت بره و كنت ناويه اخرج بره الشقه بس طبعا الصاله فيها الضيوف ف شافوني

طبعا انا ولا همني و فضلت مكمله لحد ما بابا قالي و هو قاعد في وسطهم

:ريحه فين يا لوليتا

:عندي مشوار يا بابا حيااه او موت

رد عليه بابا بصدمه

:مشوار اي ده

قولتله و انا مبسوطه

:زياد يا بابا طلبني للجواز و انا رايحه اقوله اني موافقه

:ااااي

كمان عادل جوز منال قام و عليه وشه الزهول وقالي بغضب

:نعممم امال حسين مين الي هيتجوزه

رديت عليه وانا بفتح الباب بسرعه

:جوزه ل امك

طبعا كل كده وسط اهل العريس

ودي حاجه مهمتنيش

ده انا جريت طول الشارع و انا حاضنه الورده و الخاتم

كنت بجري وسط العربيات لحد ما ركبت تكسي و قفته ب العفيه.

:لو سمحت عايوه اروح ليلة القدر الي في سته اكتوبر

دعيت من ربنا اني الاقيه هناك

وبعد ما وصلت

نزلت جري و طلعت سلم المول جري

لحد ما وقفت قدام الاسنسير

وطلعت فيه و لسه هدوس علي رقم لقيت حد دخل من الباب و بص عليه بندهاش

:اي ده هو انتي

رديت عليه ب دهشه

:ايوه انا زياد الاقيه فوق دلوقتي

رد عليه و هو بيسند علي الحيطه

:زياد كده حااف

رديت عليه بقرف

:المره الجايه احنهولك ب جبنه

فتح باب الاسنسير و خرجت ب سرعه

و دخلت علي اوضة الاستقبال

مستنتش الممرض يسمح ليه ب الدخول ولا لا و فورا اتوجهت للمكتب

خبط خبططين و فتحت الباب

لقيت زياد قاعد علي المكتب و باصص في ورق
و بيقول ب ضيق

:لحقت تعمل القهوه

تقريبا افتكرني الساعي

اتقدمت منه و هو باصص للورق و قولتله و انا بحط الورده علي المكتب

:الاقي عندك شغل انشالله تكسب و متوقع فضيقه

رفع راسه و قالي بندهاش

:لوليتا....

ميلت عليه و قولتله بهمس

:عندك شغل ولا لا خلينا ناكل عيش

ضحك ب هدوء و قالي

:عايزه تشتغلي

:قولتله و انا بقعد علي المكتب

:اهاا

رد عليه وقالي

:بس الشغل هناا ابدي

رديت عليه ببتسامه

:اكتب العقد و حبش فيه زي ما انت عايز انا معاك في الجنه و في النار

رد عليه بضحكه

:انا بصحه الساعه سته الصبح

:وانا بحب حسين الجاسمي اوي لمه غنه لسته الصبح

رد عليه ب تسليه

:انا ليه قواعد و نظام

:متقلقش كله شاكب راكب

رد عليه بضحكه اكتر اشراق

:اذن اطلع العقد بقي و اهو دققنا في زتنا

رديت عليه و انا بضحك

:اسمها زتنا في دقاقنا يبتاع المدارس يا متعلم....

رد عليه ببتسامه

:مش مهم المهم اني بحبك يا عشوائيه

رديت عليه

:وانا كمان يا دكتور

:وانتي كمان اي

:بحبك اوي اوي اوي يا دكتور.♥️♥️♥️♥️♥️

......................
...................................
لوليتا

طبعا بعد حرب دامت شهرين انا بحاول مع ابويه و امي و زياد بيحاول مع اخته
اخيرا اقطنعه اننا لبعض و لازم نتجوز

اتجوزت انا و زياد بعد كل المشادات دي قديت اجمل ايام عمري معااه صحيح هو كان حاكمها عليه شويه بس دي حاجه كانت بتبسطني جداا

لفيت معها بلاد كتيره جداا و اتعلمت مهارات تانيه زي الخياطه و التريكو و ابتديت اصمم ديكورات ل اماكن التريكو في الغرف

لحد ما عرض لعيه زياد اني ارجع للمدرسه تاني و ابدي اتعلم من الاول و جديد

و فعلا ابتديت من سنه اوله اعدادي و دخلت علي الامتحانات علي طول
و قبل ما ادخل كان واقف معايه زياد بره المدرسه اسر انه يجي معايه يوصلني و يستناني لمه اخلص

قعدت معاه في العربيه لحد ما ابتدا الامتحان ف خرجت من العربيه. و قولتله وانا ببص من الشباك

:مش هتروح علي شغلك

رد عليه ببتسامه

:لا انا خدت اجازه عشان ابقي معاكي

رديت عليه ب حب

:طب انا هدخل المدرسه مع السلامه

قبل ما اتحرك سمعت صوت زياد بينده عليه

:لولي لولي.  يااالولي استني

لفيت وشي و قولتله بستغراب

:في اي يا حبيبي

ناولني كيس بلستك بصيت فيه و قولتله بستغراب

:اي ده

رد عليه بضحكه متسليه

:سندوتشاتك ف ايدك مطوتك في جيبك الي يقولك غششيني قطعيه ...... غشي انتي

بصتله ب ضيق و خبطه في دراعه و قولتله

:ماااشي اتريق اتريق بكره تشوف انا هعمل اي

بعد ما خلصت

دخلت الامتحان و قعدت مكاني بعد ما اخدت رقم الجلوس

دخلت علينا المراقبه و ابتدت توزع ورق

و اول ما وصلت ليه لسه هتديني ورقه قالتلي بندهاش

:اااي ده هو انتي!!!

بصتلها بندهااش اكبر

:يااااه دي مصر قوده و انتريه فعلا

ردت عليه بضيق

:ايوه اناي انا اعرف الوش العكر ده من وسط مليون يا شورعجيه

قولتلها وانا بقوم من مكاني

:شورعجيت مين يا عرة النسوان

ومسكت فيها ونزلت فيها ضرب

دي بقي تبقي الابله الي ضربتها و ضربت الناظر و اترفدت من ساعتها و اهو الموضوع بيعيد بعضه

طبعا بعد ما شلوحتها المدرسه كلها اتلمت

........
زياد

قولت اغفل شويه في العربيه لحد ما لوليتا تخلص الامتحان

بس وانا نايم سمعت صوت زعيق وناس بتجري
بصيت علي المدرسه لقيت زي ما يكون خناقه

قلبي اتقبض و نزلت جري من العربيه

و الي كنت شاكك في حصل

لوليتا معوره وحده من المراقبات
دخلت اوضت الناظر و قعدت معاه و كنت محرج جداا
ولقتها هدومها كلها متبهدله وشكلها مش مظبوط

قولت للناظر بديق

:انت شايف يا حضرت الناظر مراتي مضروبه و معتدي عليها و ليك حق كمان تحبسها هنا

رد عليه بضيق

:مضروبت اي يا استاذ دي ضربت سبع مراقبات لوحدها

رديت عليه بعدم تصديق

:نعممممم لوليتا متعملش كده

بصيت علي لوليتا و قولتلها

:مش صح يا لولي

ردت

:ايوه انا ضربتهم

قولتله بثقه وانا مسمعتش الجمله الاخيره

:شوفت يااا اي عملتي اي

ردت عليه بهدوء

:ايوه انا ضربتهم

كنت حاسس في الاحظه دي ب هوا صاقع مش عارف جه منين

قومت من المكتب و شديت ايديها و خرجتها بره

في العربيه

ولله يا زيااد انا كنت قعده مليش دعوه بيها

بصلي ب جنب عينيه و فضل سايق مبيتكلمش

وعشان اروقه فتحت التلفون بتاعي و شغلت عليه اغنيه

(في الاول جرجرتك)

وقعدت اغني معااها

:في الاول جرجرتك من خبتك خدرتك فيييي الاولل جرجرتك من خبتك
جوجوجوجوجوجوحو جو

ابتسم وقالي بصوت مسموع

:مجنونه ولله العظيم مجنونه ......❤️❤️❤️❤️

تمت بحمد لله...