البارت 16

:البارت ( 16 )
أنا حرة
حبيبة عبدالله
...........................
.........................................
و قبل ما ادخل سمعته بيقولي

:اه نسيت اقولك يا لُطفيه انا خطوبتي يوم الجمعة الجايه.......

للحظه حسيت اني مفهمتش الجمله او مدخلتش دماغي كنت تايها لدرجت ان اتسمرت مكاني لمه لقيته بيعيد علي مسامعي الجمله تاني بتوضيح

:يوم الجمعه الجايه هعمل خطوبتي هناا

رديت عليه بضعف وقلت حيله

:نعم انت بتتكلم بجد مين دي وعرفتها امته

رد عليه وهو بيقلع الجاكت و بيقعد علي الكرسي

:حيلك حيلك اي كل ده انا كنت قاراء فتحه من حوالي 3 شهور يعني قبل ما اشوفك و قررنا نلبس دبل في خلال الاسبوع ده

:ازااي انا عمري ما سمعتك بتتكلم عن قراية فتحه او حتى ارتباط

بصلي ببتسامه هاديه

:لان العلاقه بنا كانت متوتره كمان هي مش من هنا و ا

قطعت كلامه وقولتله بضيق

:روز صح

رد عليه بستغراب

:رووز اي الي جاب روز ليه

رديت عليه بضيق و ابتدا صوتي يعله تدريجيا

:عشان هي الحربايه كانت حطه عنيها عليك و كانت بتتسهوك عليك

رد عليه وهو بيقرب مني

:وطي صوتك شويه .... ثمَ ان مفيش اي علاقه بيني وبين روز دي مجرد صديقه ايطاليه اتعرفت عليها انما خطيبتي فرنسيا

:اوام خلتها خطيبتك

رد عليه ببتسامه بسيطه

:مالك قرشه ملحتها من قبل ما تشوفيها حتى دي لزيزه جداا و كمان دمها خفيف و رقيقه وهو الواحد عايز اي من الست غير انها تبقي ست رقيقه و لبقه في التعامل

حسيت انه بيتك علي اخر جمله كانه بيعايرني لان مفيش فيه اي صفه من الي قلهم لا انا رقيقه ولا انا جميله و مثقفه غمضت عينيه ب اسى و قولتله بملامح باهته

:انا معرفهاش اصلا عشان اقرش ملحتها ... وعلي العموم ربنا يتمملك علي خير....... انا هنام فين

رد عليه وهو بيشاور علي اوضه منفصله تقريبا عن الفيلة او منزويا

:هتنامي في الاوضه دي مع حنان و اميرة

هزيت راسي لي ب علامة الموافقه و سبته و مشيت نحيت الاوضه

خبط علي الباب كذا خبطه محدش رد ف اضطريت افتح الباب بصيت ملقتش حد رجعت بصيت تاني علي زياد الي كان لسه واقف و قولتله

:مفيش حد موجود جوه

رد عليه قبل ما يطلع علي السلم

:عارف .. انهارده اجازه ليهم و بيسفره بلدهم

اومت براسي و دخلت الاوضه و قفلت الباب

........................................................
....................................................
وقفت قدام السريرين الموجودين في الاوضه الصغيره البسيطه واحد علي اليمين وواحد علي الشمال

بصيت علي الحيطه الجانبيه لقيت فيها مرايا صغيره و كومود صغير علي كل من الجانبين كمان لقيت فيها باب تاني جوه الغرفه ف اتوقعت علي طول هو باب اي

روحت عنده و فتحته لقيته حمام صغير مش فخم بس نضيف و بسيط

اول حاجه عملتها دورت علي هدوم البسها و اغسل هدومي و انشورها في الحمام

فتحت الكومود لان مفيش دولاب
لقيت فيه بنطلون و تيشرتين علي ملابس داخليه و
شنطه فيها بنطلون قماش و قميص من نفس اللون تقريبا يونيفورم
المهم لقيت وسط الابس قميص بناتي قصير و خفيف و شكله مريح في النوم

اخدته و اخدت فوطه صغيره و دخلت الحمام اخدت دش و نشفت نفسي كويس و لبست القميص
و لميت شعري لورا كعكه

نمت علي السرير من السراير
و غطيط في نوم عميق.....

........................................
.............................................
لَطفيه

قومت من النوم بخمول .. دخلت الحمام و غسلت وشي و جيت اشوف هدومي نشفت لقتها لسه مبلوله..
قررت البس لبس من الكومود لحد ما الهدوم تنشف

حاولت البس البنطلون الجينس الي كان موجود لقيته واسع عليه جداا كنت شبه العبيطه فيهم تقريبا البنات الي بيشتغله هنا تخان

قررت البس اليونيفورم الموجود في الشنطه

خرجت بره الاوضه و حاولت اعرف الساعه كام

بس كان البيت تقريبا معدم الحس و الصوت

تجولت في الطابق الاول لحد ما دخلت علي المطبخ

دورت في التلاجه علي اكل ف سمعت صوت من ورايه بيقولي

:انتي رجعتي يا حنان

برنقت عيني لان انا عرفه حق معرفه صوت مين الي بيتكلم
دي داليا اخت زياااد ... لا اراديا افتكرت اول مره شوفتها فيها قبل ما اتعرف علي زياد و اخر مره اشوفها فيها وقت ما ضربتها ب الشبشب
خففت توتري و لفيت وشي و قولت بهدوء

:لا يا مدام داليا انا لُطفيه

وقبل ما اقول اي كلمه تانيه لقتها مسكه التلفون و مش وخده بالها مني اساسا و بتقولي علي عجله

:اااه انتي هتشتغلي مكانهم لحد ما يرجعه اكيد زياد هو الي جيبك صح

من الواضح انها مش فكراني وده طبعا احسن المهم ابتسمت وقولتلها بهدوء

:ايوه يا هانم حضرتك محتاجه حاجه اقدر اقدمهالك

ردت عليه و هي بتعدل الجيبه بتاعتها

:مج نسكافيه لو سمحتي ..سكر بره يا لطفيه

رديت عليها ب ايمئه

:حاضر

خرجت من المطبخ و فضلت شويه وقفه متسمره مكاني .حمدت ربنا انها مفتكرتنيش

كفايه المشاكل الي عملتها

لفيت وشي و دورت علي النسكافيه عشان اعملهولها

..حاولت اتأقلم مع الجو و فعلا ابتديت انضف البيت و احاول اهرب من الاماكن الي موجوده فيها داليا
كمان لاحظت ان داليا مبتقعدش في البيت كتير و طول الوقت مشغوله علي التلفون

اما زياد ف طول اليوم كان مختفي يا اما في الجنينه
حاولت اتكلم معاه اكتر من مره اني محتاجه تلفون اطمن بيه علي منال بس كان جوابه غريب جداا هو ان منال رفضه تكلمني و مش عايزاني اخرب حياتها

معقوله اختي منال تقول كده معقول كانت مستنيه اليوم الي اخرج فيه من حياتها زي ابويه و امي الي مسألتش عليه
كنت حسه ب يأس و اني منبوزه من كل الي حواليا

احساس وحش جدا ان الواحد ميلاقيش حد متمسك بيه ولو حتى من بعيد

انا عمري ما فرق معايه حد و ديما كنت مخيره نفسي بين الانتحار او الهرب

لي دلوقتي واجعني ان محدش بيحبني

انا زمان قولت مفيش حاجه اسمها قلب و ان الي موجود بيضخ الدم و بس

دلوقتي لي حسه بخساره

قطع تفكيري صوت زياد الي فهمني في الفتره البسيطه الي قدتها معاه ان الحياه فتره ولازم نعشها صح

:لُطفيه يااا لُطفيه

:نعم

رد عليه بمتعاض

:بقالي ساعه بنده عليكي

:معلش مخدتش بالي

:امممم طيب تعالي معايه هنقعد نتكلم في المكتب

رديت عليه و انا بطقطق صوبعي بتوتر

:داليا اختك مش هتستغرب

رد عليه بغرابه

:اولا داليا مش موجوده خرجت و مش هترجع دلوقتي ولا بكره ولا اي وقت جوزها رجع من السفر و هي رجعت بيتها ثانيا انا مش وخدك اوضة النوم انا وخدك المكتب هنتكلم فيه و الباب مفتوح عشاان انا عرفك دماغك بتحدف شمال علي طول

رديت عليه بضيق

:انت لي بتقولي كده ده انت لو قاصد تضايقني مش هتقولي كده

:قولتلك اي

:كل شويه تسم بدني بكلمتين وانا سكته ... بس انا عندي استعداد اطلع الشرشوحه الي جوايه و ابهدلك ونت عارف كويس

رد عليه بحده

:لُطفيه احنا هنعيده تاني

:وتالت و رابع كمان انا مش مكسورت الجناح و معاش ولا كان الي يدوسلي علي طرف ده انا اقطع خبره

رميت في وشه الفوطه بتاعت المطبخ و قلعت البندانه الي كنت لمه بيها شعري في الارض

و خرجت بره الفيلة خالص.

كنت مخنوقه من تصرفاته معايه و قررت ما اورهوش وشي خالص

لسه هخرج من البوابه لقيته مسك ايدي جامد و شدني لي ل درجت اني خبط في صدره العريض و قالي

:رايحه فين

رديت عليه وانا ببعده عني بضيق

:في دهيه

مسك ايدي تاني و قالي وهو بيشدني لجوه

:مفيش مرواح في حتى

رديت عليه و انا بشد دراعي و بصوت بكل ما فيه من ألم

:ابعد عنييي بقي وسبني في حاالي انت لا بترحم ولا بتسيب رحمة ربنا تنزل

عايز مني اي هتستفاد اي من كل ده انا عايزه اعرف ابطل الشرشحه ولا مبطلهاش هيعود عليك ب اي
هتتعين سفير النوايه المسقعه مثلا

رد عليه بزعيق

:هخليكي بني ادمه افهمي بقي

:انا عجباني حالي كده كفايه انت من سولالت البني ادمين

سكت شويه وقولتله بتهديد صريح

:لو ماسبتنيش امشي هخربلك حياتك و ابوظ كل حاجه انت بنتها لان دي شغلنتي اني ابوظ و اكسر و انت ادرا الناس ف كل واحد يروح لحاله احسن

وشكراااا

عارف انا بقولك شكرا لي عشان عرفتني حقيقه عمري في حياتي ما كنت اتخيل
و هو ان انا ولا حاجه

سبته و مشيت كنت حبه ابعد و ابعد بعيد عن اي حد يفكرني ب حققتي

....................................
....................................
قعدت امشي في الشوارع بدون وجهه محدد لحد ما وصلت ل كُشك صغير علي الرصيف و طلبت منه اعمل مكلمه صغيره

كلمت هاجر صحبتي و شرحتلها العنوان
في خلال ساعه جت هي و اخوها علي الموستكل و ركبت معاهم و رجعنا لبتها

هاجر ملهاش اخوات كتير هي واخوها بس  و ابوها و امها منفصلين

هي عايشه هي و اخوها عند امها وده كان خيار حلو جداا ب نسبالي لحد ما الاقي مكان كويس اعيش فيه

استغربت جداا لمه لقتها بتكلم منال اختي في التلفون و بيهزره مع بعض

انا كنت في الاول مقرره مع نفسي ان مش هحاول اكلمها تاني بس هي وحشتني جداا و غصب عني قولت لهاجر ب همس

:هاجر اديني التلفون عايزه اكلمها

ردت عليه ببتسامه و قالتلي بهدوء

:طبعاا خدي

اخدت التلفون منها و حطيطه علي ودني و قولت بهدوء

:الوو

ردت عليه ب لهفه غريبه مقدرتش افهمها

:اي ده لوليتا انتي جيتي هناا ازاي

رديت عليها بغرابه

:اي جيت ازاي يعني. مش فاهمه

ردت عليه

:دكتور زياد قال انه هيرجع بيكي ل ايطاليا تاني
وزعلت جداا عشان مردتيش تيجي الفرح

رديت عليها بندهاش

:انا مردتش اجي فرحك

:دكتور زياد قالي انك مش حبه تحضري الفرح عشان مضيقنيش بس انا ولله ماكنت هضايق يا عبيطه ده انتي اختي الي بحبك و وحشتيني جداا ونفسي اشوفك

مكنتش قدره افهم ولا كلمه و الي قدرت اقوله

:طب انا هاجيلك دلوقتي

ردت عليه بسعاده

:مااشي بس متجيش علي بيت جوزي عشان انا عند بتنا بتاع ابوكي

المهم قفلت معاها و روحت علي بتنا

و اتفاجئت ان امي بتحضن فيه و قعدت تعيط كتير لمه شافتني و. ابويه و لاول مره حضني و قالي الجمله الي جهلتها من علي لسانه "وحشتيني يا لوليتا"

فضلت فتره مش فاهمه اي الي بيحصل لغاية ما قالولي من غير ما يحسه و فهموني

معنا كده ان زياد كا طول الفتره دي بيكدب عليه
زياد ما كلمش بابا ولا حتي قاله اني دخلت القسم ولا بابا قاله انه مش عايز يشوفني ولا منال رفضت تكلمني

يبقي انا كده اتلعب بيه الكوره الشراب .......

يتبع............
حبيبه عبدلله (مفيده)