البارت 15

البارت. ( 15 )
أنا حرة
حبيبة عبدالله
...............................
..............................................
لُطفية

خبط العسكري علي الباب و استنى الرد و بعدين قالي

:ادخلي

دخلت ورا العسكري

عشان اتصدم ب اخر حد ممكن اتخيل انه يبقي موجود............

:زياد!!!

ماكنتش قدره افهم هو عرف مكاني ازاي و لا رجع امتى ومين قاله ان انا هنا

هو وفر عليه عناء الاسأله دي كلها بجملتين

:انا كنت كده كده هنزل مصر بس انتي مصبرتيش
وبنسبه ل عرفت مكانك ازاي
ف منال اختك اتصلت بيه وقالتلي

لف وشه للظابط و رجع يتكلم معاه
خرجت من القسم بعد ما زياد ضمني و دفع للسواق.فلوس عشان يتنازل عن المحضر

وقفت قدام القسم و انا ربطه ايديه في بعض و بصه للجهه التانيه ماكنتش حبه زياد يشوفني كده

وقف ب العربيه قدامي و قالي بهدوء

:اركبي

بصيت في عينيه بحزن و فتحت باب العربيه وركبت

طول الطريق ما فتحتش بؤي ولا قولت ولا كلمه وحده
وهو كمان كان منشغل في السواقه

لحد ما قطعت الصمت لمه لقيته ماشي في طريق غلط

:اي ده انت رايح فين

رد عليه ببساطه

:بيتي

:انت مش هترجعني البيت ولا اي مش كده خلاص كل حاجه خلصت انا عايزه ارجع البيت

رد عليه و هو بيوقف العربيه مره وحده

:انا كنت فعلا هرجعك البيت بس لمه عرفت ..
قررت اوديكي الفيله مؤقتا انهارده وبكره وبعدين ارجعك من مطرح ما جبتك

بصتله بحيره وقولتله

:عرفت اي ...مش فاهمه

رد عليه بيأس

:انهارده فرح اختك منال و ابوكي مش عايزك تكوني فيه عشان متحصلش مشاكل
انا اتصلت بيه قبل ما اجي اخدك وقولتله كل حاجه
ف رد عليه وقالي انه مش عايزك ترجعي البيت

كنت بسمع كل كلمه كائنها سكاكين بتقطع في قلبي

لفيت وشي النحيه التانيه و. انخرط في دوامه من البكاء و العياط بحرقه
يمكن دي اول مره اعيط او ابين ضعفي قدام حد

في لحظه و التانيه فتحت الباب
و خرجت جري علي الرصيف

نزل ورايه زياد و حاول يسبقني

و بعد ما قدر يلحقني شدني من دراعي وقالي

:رايحه فين دلوقتي

رديت عليه وانا مش شيفاه من كتر العياط

:سبني ملكش دعوه بيه متوسخش ايدك بمعرفتي يا دكتور

و فضلت اجهش في العياط

اما زياد ف مسك ايدي وقالي

:طب اهدي

شديت ايدي من بين ايديه وقولتله بضيق

:سبني امشي وولله ما متشوف وشي تاني ولا هتسمع عني حاجه انا عايزه ابقي لوحدي

رد عليه بلطف

:هتروحي فين طيب

رديت عليه وانا بمسح دموعي

:علي الكورنيش

:و ده هتروحيله ازاي يا لطفية

رديت عليه بعفوية

:هاخد توكتوك من علي اي ناصيه و هو يوديني

رد عليه بستغراب

:توكتوك

.:ايوه توكتوك .... وعن اذنك بقي

سبته ومشيت و مع اول توكتوك قابلني شاورتله وقولتله

:فاضي يسطاا

رد عليه

:ايوه اركبي

ركبت ورا و لسه هقوله علي الوجهه المعينه الي هروحها
لقيت زياد ركب جنبي و قاله بهدوء

:اطلع يسطاا

برنقت عينيه في اندهاش و قولتله

:انت بتعمل اي

رد عليه ببتسامه صافيه

:هروح معاكي

:طب وعربيتك

:ركنتها علي جنب... الواحد برده لازم يغير الروتين الممل

:لا ولله

:اه ولله كده احسن

لفيت وشي بعيد عنه و غمضت عينيه بضيق
وفجئه لقيته بيضحك ببطئ و فجئه لقيته ابتدا الضحك يتطور للهستيريه الضحك

بصتله بستغراب و قولتله بريبه

:في اي بتضحك علي اي

رد عليه بلعفيه من كتر الضحك

:اصل افتكرت اول مره روحت فيها عندكم البيت
فكره

في الاول ماكنتش قدره افتكر ولا قدره احدد اي المضحك لحد ما افتكرت لمه كنت بتخانق مع الواد الي سرق مني التوكتوك بتاع جمال

غصب عني لقيت نفسي بضحك

:فكره كنتي فوق توكتوك و الناس ملمومه حوليكي زي النمل ونتي عمله فيها عبده موته لا وبتعوري اي حد يقرب منك

ضحكت اكتر لمه افتكرت مشاهد من نفس اليوم

بصتله وانا من كتر الضحك عيني دمعت

:ايوه ايوه ساعتها جيت انت تنزلني زقيتك

بصلي وهو ميت علي نفسه من الضحك

:انا عرفت دلوقتي ابوكي قالي خلي بالك من نفسك

رديت عليه بحيره

:هو ابويه كان عارف اني مش رايحه اشتغل

رد عليه وهو بيطلع منديل من جيبه و بيمسح بيه دموعه من كتر الضحك

:ايوه كنت قايله كل حاجه و في اخر الكلام لقيته بيقولي خلي بالك من نفسك

رديت عليه بخوف

:قد كده مبيحبنيش

:مين قالك كده

طبطب علي كتفي و مسك ايدي مبين كف ايدي وقالي بهدوء

:ابوكي بيحبك بس مستاء منك مش اكتر

عارفه الي عشان ولا ف مره حبيبتي تسبتيله العكس ديما بتعملي الي في دماغك من غير حتة متفكري في نتايجها و ديما بتعلقي كل حاجه بتعمليها علي جملة انا حرة

الحرية مش انك تعملي الغلط الحرية انك تبقي صاده نفسك عنه مع انك تقدري

وقف التوكتوك ونزلت منه

قعدت اتمشى انا وزياد علي الكورنيش
شويه وبعدين قررنا نقعد نريح

بصيت علي المراكب الصغيره و الكبيره وهي بتفسح الناس.
بصيت لزياد وقولتله

:انا جعانه اوي مكلتش حاجه من الصبح

رد عليه وهو بيخرج تلفونه من جيبه

:ثواني هطلب اكل

قولتله بضيق

:الاكل هيعوق انا جعانه ومش هستنى

قالي بحيره

:طب تعالي ناكل في اي مطعم قريب من هنا

رديت عليه وانا بشاور علي راجل واقف وراه

:لا مش هروح في حتة رجلي وجعتني ... بص الراجل ده بيبيع "قُرص" (فطاير) انا عايزه منها

رد عليه بستغراب

:قرص.?

رديت عليه وانا بتحرك في اتجاه الراجل

:ايوه طعمها بيبقي حلو...... ياريس انت يا عم

رد عليه الراجل

:اؤمري يا ست العرايس

:الامر لله ... عاايزه اربع قرص سخنين

رد عليه و هو بيفتح الشنطه

:من عينيه انتي تؤمري

:تسلم عينيك

ناولني القرص ف قولت لزياد

:هات عشره جنيه

بصلي بستغراب و طلع من جيبه عشرين جنيه
اخدتها منه و ادتها للراجل

رجعت و قعدت مكاني حطيط القرص علي رجلي وطلعت وحده و قصمتها اتنين

مديت ايدي ل زياد و قولتله

:اتفضل

اخدها مني و قالي

:جايبه اربعه و بتقصمي معايه وحده

رديت عليه ببتسامه

:خد كل حاجه يا خويه انا مش نقصه مغص بطن

رد عليه بضحكه

:لا ونتي بيحوق فيكي مغص

رديت عليه وانا بعدل خصلت شعري

:لعلمك انا مفيش مني اتنين

:هو ده الناقص كانت البلد خربت

:لا ولله

بص علي البحر وقالي

:بتحبي تركبي في السفن ولا المراكب

رديت عليه وانا بقطم القرصه

: الفلوكه احلي

:اشمعنا الفلوكه

:عشان بقدر المس المياه اكتر و اقدر اشوفها بصوره اوضح

:امممم نظريه برده

بصتله ب جنب عيني و قطمت قطمه تانيه ف لقيته قالي

:انتي كالتي كل القرص

رديت عليه وانا بفتش في الكيس البلاستك

:باين كده

:طب تعالي

رديت عليه بندهاش

:علي فين

:هنجيب اي حاجه ناكلها انا جوعت اانا كمان

المهم
اتمشينا شويه واحنا بنتكلم و بفضفض للمره الاوله عن مخوفي

لحد ما وصلنا ل محل كشري

كنا هنعدي من جنبه عادي بس انا الي وقفت زياد وقولته

:زياااد تعاله ناكل كشري

رد عليه وهو بيبص للمحل

:انا ممعاييش فلوس اخر عشرين جنيه جبتي بيهم القرص

:امال هتجيب فلوس ناكل ازاي

:معايه كريدت كارت و مظنش ان محل الكشري ده هياخد فلوسه مناها

رديت عليه وانا بشد ايده اتجاه المحل

:متقلقش انا هتصرف

:ريحيني وقوليلي هتتصرفي ازاي

رديت عليه وانا بطلع العشره جنيه

:ما العشره جنيه دي باقي فلوس القرص خدتها من الراجل

ايديت للكاشير العشره جنيه و قولتله

:بكاام طبق الكشري يا كابتن

رد عليه وهو بيبص للعشره جنيه

:فيه ب سبعه و في بتسعه و فيه بعشره و اتناشر

بصيت ل زياد و رجعت ابص للراجل وقولتله

:انا عايزه طبقين علي خمسه جنيه

رد الراجل وقالي

:اظن انا قولتلك الاسعار

شدني زياد من ايدي وقالي

:ياله بلاش احراج اكتر من كده خليني اروح لمكان احلي

شديت ايدي وقولتله

:اصتبر بس وانا هتصرف

اديت للكاشير العشره جنيه وقولتله

:طب هات كيسين كشري علي خمسه جنيه

بص الكاشير علي العشره جنيه و اخدها مني و قال. بصوت عالي

:كيسين كشري علي خمسه جنيه يا محروس

فضلنا واقفين خمس دقايق و بعدين جه الراجل و اداني اكياس الكشري

خرجنا بره المحل و فضلنا نتمشي علي الرصيف واحنا بناكل كشري من الكيس
في الاول زياد كان معارض بس لمه اكلت قدامه اتشجع و فتح الكيس و قعدنا ماشيين في الشوارع بدون وجهه معينا

لحد ما تعبنا وقررنا نرجع البيت

وصلنا لحد العربيه مشيي. و ركبناها و روحنا فيلة زياد

قبل ما انزل من العربيه قولتله بهدوء

:هو مفيش حد هنا في الفيلة غيرنا

رد عليه بفضول

:بتسالي لي

:بسأل عشان اعرف مين هيبقي قاعد معانا

:مفيش حد

رديت عليه بسرعه

:نعم ازاي

:هو اي الي ازاي

:اقصد يعني ان مينفعش اقعد معاك في فيلة وحده ونت راجل اعزب و لوحدك

رد عليه بثبات

:ما انتي كنتي معايه في الفيلة الي في ايطاليه لوحدك

رديت

:عشان كانت تاليا معانا الله يمسيها بلخير

بصلي بدهشه و ابتسامه صغيره وقالي

:مش معقول انتي ولله

سكت شويه وقالي بهدوء

:علي العموم متخافيش عمري ما اقعدك معايه في بيت لوحدك
اختي داليا قعده معانا ده غير البنتين الي بينضفه

بصتله ب قلق وقولتله

:هي اختك عندها علم اني هقعد معاها

رد عليه بثبات

:لا ما انا هقولك تعملي اي عشان نخلص منها

اولا انتي قدامها بتسعدي البنتين الي بينضفه
و هي اصلا مبتقعدش في البيت غير ساعتين تلاته بلكتير
و باقي اليوم اتعملي عادي

بصتله و حسيت بنغزه في قلبي. مش عارفه مصدرها اي
بس هزيت راسي في علامه ب الموافقه

نزلت من العربيه و طلعت علي سلالم الفيلة

و قبل ما ادخل سمعته بيقولي

:اه نسيت اقولك يا لطفيه انا خطوبتي يوم الجمعه الجايه.........

يتبع....