البارت 11

:البارت(11)
أنا حرة
حبيبة عبدالله
............................................
"لطفيه"

مكنتش حبه اخطلت ب اي حد بعد الي سمعته من زياد
كنت عايزه ارجع لشخصيتي الاولانيه و اكسر و اخرب كل حاجه تيجي تحت عيني

و ده الي كان بيحصل فعلا كنت كل يوم بتخانق و بضرب تاليا و كل شويه اكسر حاجه عن قصد و ابين اني مش ندمانه علي اي حاجه

سعات تانيه كنت بهرب من كل ده بالنوم

لغاية ما جه يوم الخميس الي المفروض معاد الجلسه و درس الاتيكيت

خبطت تاليا عليه الباب و بلغتني ان الانسه روز مستنياني تحت

اندهشت و استغربة
هو مش المفروض نتقابل في المطعم
طبعا الفضول أكلني و قررت انزل
و اعرف هي لي جت هي البيت

المهم لبست بجامه و نزلت براحه علي السلم

و انا نزله لمحت روز قعده في المكتب و زياد قاعد معاها وبيشربه قهوه وبيضحكه

هو بيزغزغها ولا اي

نزلت علي السلم بسرعه وانا مضايقه من انسجمهم مع بعض وكنت حسه ان بنهم علاقة حب

خبط علي الباب المفتوح خبطه قويه و دخلت بكل كبرياء
فجئه لقتهم سكته وبطله ضحك ف اتغظت اكتر.
ولكن لقيت روز بتقولي ببتسامه لطيفه

:جود مورنينج لوطافيا

رديت عليها ببتسامه صفره

:جوود مننج يا روز

لقيت زياد بيصحح كلمتي وبيقول

:اسمها جود بورننج

بصتله بضيق وقولتله

:ما هي خرشمت اسمي ومتكلمتش ولا انت شاطر عليه انا بس

بصلي بتوعد و تجاهلني و كلم روز بلطف ف ردت عليه
وبقيت انا شبه الاطرش في الزفه

قعدت علي الكرسي بضيق
ف لقيت تاليا دخلت الاوضه وبتقول لزياد. ان الاكل جاهز

ف لقيته قال ل روز كلمه و.خرجه هما الاتنين وتجاهلني تماما
جزيت علي سناني و خرجت وراهم

المهم لقيت. روز قعدت علي. الكرسي وشاورتلي اقعد قدامها

قعدت قدامها علي مضض ف لقتها قربت تبقي الشوربه منها و مسكت المعلقه و بداءت تعلمني ازاي اشرب الشوربه

حاولت اقلدها كام مره لحد ما بقيت اعرف

المهم مسكت طبق الرز وبدات تاكل منه براحه و تفهمني شوية حاجات و زياد يترجم
طبعا هو كان واخد الموضوع ده حجه عشان يتقرب من الست روز بتعته

حقيقي انا مش عارفه هو عجبه فيها اي دي شبه خلة السنان

بصيت لجسمي الي تقريبا ارفع منها وقولت في سري

لا حوش اللحم المرهرت الي نازل مني ما انا كمان. شبه عقب السجاره بلا خيبه

المهم بعد ما خلصنا اكل قامت و شاورتلي علي الصاله

جابتلي جزمه بكعب عالي جداا و شورتلي عشان البسها

بصيت لزياد في الاول مكنتش فهما

بس هو قالي انها حابه تعلمني ازاي امشي ب الكعب العالي و ازاي انظم اللوان لبسي

المهم سمعت كلمها و ابتديت اتجاوب معاها
مش عشان انا بسمع الكلام
لاااااا عشان مكنتش عايزاها تستفرد ب الواد لوحدها

كنت حطه عيني عليها وعلي تصرفتها مع زياد
كنت حسه بغيره مش قدره افهم مصدرها

المهم وحنا بنعمل التمرينات الي استمرت ل 3 ساعات

جالها مكلمه علي التلفون
و بصتلي و قالت وهي بتشاور علي التلفون

اسكيوز مي

ردت علي التلفون علي عجله

كنت مرقباها في صمت لحد ما لقتها راحت عند زياد و قالتله كلمه تقريبا مع السلامه و حضنته و باسته من خده و مشيت

وانا طبعا نار قيده

بصتله بضيق ف لقيته خرج وراها و بعد دقايق رجعلي تاني و قالي

:علي 7 بليل هتبداء الجلسه
ياريت تطلعي تريحي دلوقتي وتنزلي في معادك

رديت عليه

:هي روز مشيت لي

رد عليه وهو مش باصصلي وماسك الفون

:وراها مشوار مهم. وكانت لازم تمشي

رديت عليه بفضول

:هي كده خلاص مش هنشوفها تاني

رد عليه بعدم فهم

:مين الي قال كده الدرس هيفضل مستمر

رديت عليه بتفكير

:انت مش قولت اننا هنروح. ل جزيره

رد عليه بتلقائيا

:ااه ما هي جيه معانه

رديت عليه بضيق

:لي

:عشان هي عندها شغل هناك في منطقه قريبا

:قصدك حجه ونت الصادق

:نعم بتقولي حاجه يا لطفيه

:لا ولا حاجه بقول اني هطلع اقعد فوق شويه
وبعد اذن معاليك يعني لو مفيهاش اسأت ادب متقوليش لطفيه تاني

رد عليه بثبات

:لي

:مبحبش الاسم ده بتشائم منه

:وانا لمه احب انادي الورده اناديها ب اي

اتوترت جداا وحسيت ان ورا كلامه مغزا و برده حسيت انه ممكن يكون بيتريق عليه
ف رديت بجمود

:اسمي لوليتا

:انتي خلي الناس يقولولك يا لوليتا انما متقوليليش انا اناديكي ب اي انا حر

:وانا كمان حره و مبحبش اسم لطفيه ده

:طيب خلي البساط احمدي انا مش هقبل يتقالك يا لوليتا لان الاسم ده مش عاجبني انما ممكن نقولك ياا.

قطعت كلامه بنرفزه

:ونت مالك هو اسمي ولا اسمك

قرب مني خطوتين و شد دراعي وقربني منه وقالي بهمس

:حسك عينك تغلطي تاني عشان انا فوتلك كتير
وعلي فكره طول ما انتي هنا محدش هيقدر يندهلك غير بلي اامر بيه فاااهمه

:انت مجنون ......وانا مش عاااابده عندك انا حرة

:قولتلك مليون مره الكلمه دي بتنرفزني مفيش حاجه اسمها انتي حره مفيش اصلا حد حر ده خيالك المريض هو الي فهمك كده و كمان التسيب الي كنتي عايشه فيه بس خلاص انتي هنا في مكاني بعني تمشي علي نظامي

رديت عليه بغضب

:نجوم السما اقربلك و ابقي تف علي وشي لو عرفت تغير حاجه فيه

سبته و مشيت كنت مضايقه منه جداا وعايزه انتقم منه ب اي طريقه

حبست نفسي في الاوضه لحد ما الساعه جت سبعه ب الدقيقه لقيت تاليا بتقولي من ورا الباب ب عربي مكسر

:مستر زيااد منتظر سيادتكي اسفل ...الان وقت الجلسه سيده لوطفيا

رديت عليه بضيق

:ماشي اسرحي انتي يا تاليا وانا هنزله دلوقتي

بعد ثواني من التفكير قررت انزل فعلا بس عشان احرق دمه و اعكر مزاجه لو كان رايق

المهم نزلت و دخلت اوضة المكتب ف ملقتهوش المهم قعدت بهدوء علي الكرسي المقابل للمكتب

و قعدت العب في الورق الموجود قدامي لحد ما لمحت لبسبور بتاعي وكمان الفيزا الي كان عملهالي

ابتسم بسعاده و اخدتهم قبل ما حد يشوفني وخبتهم في هدومي وعدلت قعدتي لمه لقيته دخل المكتب ومعاه صينيه موجود عليها كوبايه مياه و فنجان قهوه و مشروب البابونج

قعد قدامي وحط الصينيه و شاورلي علي المشروب وقالي

:اتفضلي.

سحب القهوه وشرب منها شويه وقالي بهدوء

:كملي يالطف

سكت شويه ف قولتله

:لي لي

رد عليه بعدم فهم

:اي لي لي دي

:انا سميت نفسي لي لي عشان نخلي البساط احمدي

قالي وهو بيشاور علي البابونج

:طب اشربيه و انتي بتحكيلي من بعد حكاية المدرسه اي الي حصلك تاني يا ياا لي لي

اخدت البابونج و شربت وانا بحكيله مواقف وحكايات و روايات

كنت بحكي و بعيط داخليا
و مع انه قالي بهدوء اكتر من مره لو حابه تعيطي ف ده من حقك انتي كده بتخرجي الهموم جسمك

المهم بعد ماخلصت الجلسه سبته و كنت هطلع انام بس لقيته واقف علي السلم وبيقولي

:جهزي حاجاتك بكره عشان هنسافر

هزيت راسي و طلعت انام وقولت بكره هظبط حاجتي

ومع طلوع الشمس و لاني نايمه بدري قدرت اتفوق علي الجرس و صحيت قبله

اخدت نفس عميق وبعدين ابتديت ألم حاجاتي براحه
واخدت شاور و انا بسرح شعري

سمعت صوت الزماره الصادح ابتسمت بضيق و قولت

مفيش مره وتنسه تشغلها

المهم نزلت فترت و قعدت شويه لحد ما زياد خلص شوية مكلمات و مجموعه من الحراث اخده شنط السفر علي العربيه

المهم
كنت قعده في العربيه بسمع اغاني من مشغل الموسيقا
لحد ما زهقت و جيت افتح مع زياد كلام لقيته مش مركذ معايه اصلا و بيكتب كلام علي التلفون و لمه دققت النظر في الشاشه عرفت هو بيكلم مين

هي البت دي ورايا ورايا طب ولله لاطين عشتها بس لمه اروحلها

وعشان اضايقه واخرجه من حالة المرهقه المتأخره

قولتله

:هي روز مجتش معانه في العربيه دي لي

رد عليه وهو برده مش باصصلي ومركذ مع الفون

:هي معاها فريق العمل بتعها ولازم تركب نفس العربيه الي هيركبوها

:لا ولله وباين انها مع فرق عملها

:نعم قصدك اي

:ولا قصد ولا غيره

سكت وشويه و قولته

:ما تشغل اغاني تانيه بدل الاغاني الي تضايق دي
انا زهقت

رد عليه وهو بيطلع من الشنطه بتعته لاب توب

:خدي في جيم هنا ألعبي و سلي وقتك و اسكتي بقي

اخدت الاب وانا مضيقه للدرجادي وكله عقلك

وبعد سفر طويل ب الطياره. لجزيرة الورد زي ما بيقوله

و بصراحه انا مشوفتش جمال كده طول عمري بتفرج علي شواطء و ابحار و حاجات ياااما في التلفزيون بس عمري ما شوفت حاجه ب الجمال ده

و كمان مليانه ورد و فاضيه تقريبا الناس الي موجودين عليها يتعده علي صوابع الايد

لان جزيره صغيره جدااا

كمان كل حاجه هناك مفيهاش انتر نت كل حاجه ب الشموع و جو ما قبل الميلاد مفيش حاجه حديثه

المهم اني غيرت هدومي ف بيت الكهف الي موجود في كل زويا بيت من الهكف صغير يقدي فرد او فردين

المهم كنت متشوقه جداا انزل البحر و اعوم و فعلا لبست ماايو قطعه وحده

و لفيت علي وسطي ايشارب لحد ما وصلت للبحر و نزلت فيه

و في وسط ما انا بلعب في الميااه اخدت بااالي من ضوء في البحر.و حاجه شبه اناره تحت المياه

حاولت اشوف اي الضوء ده او اي مصدره

بس معرفتش حاولت مشغلش نفسي بيه واحاول استمتع

بس انتبهت لمه لقيت روز وقفه علي الشط و بتتكلم مع ناس شكلهم غريب و لبسين لبس غريب

وبسرعه طلعت بره المياه و اخدت الايشارب و قربت منهم

ووقفت وراهم و حاولت اتصنت و لسوء الحظ انهم كانه بيتكلمه ب الاجنبي.

وفجئه اخده بالهم اني وقفه وراهم و ارتبكه كلهم

ف لقيت روز قالتلهم كلمه.ف كلهم بان عليهم الراحه

..........................
روز

فكرين المنظمه انا ضلع منها وصحبت مون و روبرت جنيرال المجموعه
بعد ما المنظمه امرها اتكشف و كل العالم عرفه ان فيه حاجه اسمها منظمه كان لازم نغير مقرنا

وعشان منبقاش محط انظار قررنا ننقل مقر المنظمه ل جزيرة الورد

طبعا كنت بتكلم انا ومون و روبرت عن كائنات جديده بيتم الابحاث عنها وفجئه لقيت البنت غريبة الاطوار الي اسمها لطفيه قريبة زياد صديقي

اتخضيت و كمان مون و روبرت اتخضه منها ولكن رجعت افتكرت انها مبتفهمش انجليزي ولا حتي تقدر تتكلم

ف ارتحت وقولت لمون ببتسامه

:دي وحده غبيه مون و مش هتفهم احنا بنقول اي الانها مبتتكلمش انجلش اطمنه

بصتلنا لطفيه وقالتلي كلمتين مش فهماهم ف لقيت مون بترد عليها

:هااي انا مون انا اتحدث العربيه انا ايضا

ردت عليها لطفيه

:بجد شكلك مش غريب عليه

ردت مون بغرابه

:انا مون و هذه هي عائلتي و نحن هنا للاستجمام و انا مسروره جداا اني وجدت فتاه هنا تتحدث نفس لغة بلدي

وقبل ما ترد عليها لطفيه لقيت زياد جي من بعيد

و لقيت كمان لطفيه جريت عليه و كائنها هتقوله حاجه
كنت متوتره لحسن تكون كشفت كل حاجه او بتسطعبت ومفهماني انها مبتفهمش انجلش........

يتبع........

حبيبه عبدلله( مفيده)