البارت 10

البارت. ( 10 )
انا حرة
حبيبة عبدالله
.....................................................
............................................................................

كنا بنرقص لحد ما سمعنا صوت زياد من ورا بيقولي بغضب

:ده انا الي هشويكي في نار ياااا خرابه انتي
اي يا بت الجبروت ده

رديت عليه بسماجة

:اي الي حصل

:بقيي مش عارفة الي حصل ده انا هطين عشتك و اسود أيامك

اتقدم مني و هو ناوي يمسكني بس انا كنت أسرع و استخبيت ورا مروان ومسكت فيه كويس وقولتله بخوف مصطنع

:الحقني يا مروان جتله الحاله المجنون

رد عليه مروان بعدم فهم

:حالة اي

:هو كده بتجيله حاله و بيتخيلني قتلتله قتيل و عايز يموتني اوعى تخليه يمسكني ده مجنون

كان همي الوحيد اني اقلب التربيزه علي راس زياد

بس علي غير المتوقع

قدر يشدني من دراعي و مروان حاول يفلت ايديه من بين دراعي بس مقدرش عليه

كمان انا حاولت افلت من ايده. بس مقدرتش

ولقيته مره واحده رماني علي الكنبه الانترية و بأيده الاتنين مسك في زمارة رقبتي و بقي يخنق فيه حاول مروان يشدني من بين ايده وبرده مفيش فيده وهو علي كلمه وحده

:انا غلطان واستاهل ضرب الج ..م. اني مسكت في ابوكي يوم مكان هيقتلك
انا بقي الي هقتلك عشان اريح نفسي منك واريح المجتمع كله

للحظه افتكرت ابويه لمه كان عامل نفس الحركه و نفس المشهد بيتكرر قدام عنيه

عينيه دمعت لا اراديا و خلاص كنت هموت لولا مروان قدر في الاخير انه يخليه يسبني

وبعدين اخده في مكان بعيد عني.

حاولت اخد نفسي علي قد ما اقدر و قومت اشوفهم بيتكلمه في ايه

وقفت ورا الباب الي كانه قعدين وراه و سمعت هما بيقوله اي ويارتني مسمعتش

:يااابني عايز تموتها وتدخل السجن

:انا خلاص جبت اخري منها دي لايمكن تكون بنت

ضحك مروان وقاله

:امال هي ااي

:ونبي يا مروان تسبني في حالي

:طب مش هتيجي معايه للمعرض اللوحات روز هتكون هناك

:هاجي ازاي و زفتت البرك دي دلقت علي كل هدومي عسل

رد مروان بدهشه

:اااي عسل? واي الي يخليها تعمل كده

:هي كده من ساعة ما جبتها وانا حاسس اني عايش في سوق. انا غلطان اصلا اني قررت قرار صعب زي ده

:قرار اي

رد عليه بضيق

:كنت فاكر نفسي اقدر اعالجها بس شكل "علي" كسب الرهان

:ااااي تعالج اي هي مش دكتورة

:بقي انا راضي زمتك ده منظر دكتوره
دي ياسيدي مجموعة من قلة الادب و السفالة و البلطجه و الكدب و الجهل و الشيطانه و التسول مضروبين في الخلاط مفيش صفة واحده فيها تقول انها بني ادمه

اهلها اتبره منها ده انا بكلم ابوها امبارح وبقوله انها عايزه تكلمهم قفل السكه في وشي و قفل التلفون خالص

رد مروان بحيره

:للدرجادي و انت عرفتها ازاي

:زي ما بتكون قاعد مبتعملش حاجه وتلاقي بلاوي من السما بتتحدف عليك هي دي بقي بلوه و اتحدفت عليه

كنت بعيط بحرقة و قررت اني اسيب البيت و امشي و اريحهم من مشكلي

حتى مفكرتش في الفلوس او هروح فين كنت همي الاول و الاخير اني امشي و مظهرش تاني

المهم طلعت غيرت هدومي و نزلت و خرجت من الفيلة

و جيت عند البوابه كنت هخروج لولا الحارس الي كان واقف مانع خروجي و كنت هعمل مشكلة و اتخانق معاه لحد ما اتكلم في التلفون و بعد ثواني لقيت زياد و مروان جيين من الجنينه

:في اي انتي ريحه فين

بصتله بحده وقولتله وانا بشاور علي الحارث

:خليه يسبني امشي

رد عليه زياد بحده

:ردي علي سؤالي ريحه فين

:ونت مالك انت فاكر نفسك واصي عليه انا محدش واصي عليه سبني امشي عشان اريحك واوعدك انك مش هتشوفني تاني

:ياااسلام بلبساطه دي فكره نفسك في وكله من غير بواب

رد مروان

:اهدا شويه يا زياد مش كده

:انت مش شايف هي بتعمل اي فكره نفسها "حرة"

رديت عليه بحد

:انا طول عمري "حرة" و انت اكتر واحد عارف بده

رد عليه مروان

:انسة لُطفيه ممكن ندخل نتكلم جوه و بعد كده تقدري تمشي لو معجبكيش الكلام

:هي مين دي الي تمشي هنااا محدش بيخرج غير ب اؤمري انا

مسك ايدي مروان و قالي ببتسامه

:ممكن تتفضلي معايه

بصيت بقرف ل زياد و دخلت معاه الجنينه

قعدت علي الكرسي و هو قعد علي الكرسي المقابل ليه
وقالي بهدوء

:هتروحي فين لو مشيتي

:في اي حته ارض الله واسعه و تسيع الكل

:امممم طب مش خايفه من كم العقبات الي هتشوفيها لمه تخرجي

:انا عمري ما خوفت من حاجه انا بعون الله افوت في الحديد و ميقدر علي القدره غير ربنا

:لُطفيه مش كل حاجه تتاخد قفش كده

:انا حرة اخدها قفش اخدها بهداوه دي حياتي انا
مش حياة صحبك

:صحبي عايز يسعدك

:مطلبتش منه مسعده خليه في نفسه

:يعني مفيش فيده

:لا مفيش و سبني بقي عشان امشي وقوله ميوقفش في طريقي عشان مزعلوش

بصلي بدهشه. وقالي

:طيب هسيبك. بس في طلب هطلبه منك

:خييير

:بلاش تمشي دلوقتي علي الاقل استني شويه

:استنا لي

:في رحله ل جزيره صغيره اظن انتي واخده خلفية عنها هتروحيها انتي و زياد مجرد اسبوع و بعد ما تخلص الرحله تقدري تقرري انتي عايزه اي

:انت عرفت منين

:انا روحت الجزيره دي قبل كده و انا الي قولت لزياد عليها هناك هتحسي انك حرة لان كل حاجه هناك بتعتمد علي الشخص زات نفسه هاا قولتي اي

فكرت شويه و قولت في الاخير انا مش هخسر حاجه

:طيب ماشي هروح بس بعد ما نرجع محدش يقولي انتي ريحه فين

:اكيد و انا متأكد انك هتلاقي نفسك فيها

بصيت ل ورا لقيت زياد جي من بعيد و قف ورا مروان و قاله

:مروان

رد مروان ببتسامة

:انا اتكلمت انا و الانسة لُطفيه و اتفقنا ان بعد رحلة جزيرة الورد هتسبها علي راحتها وحريتها

:نعم

بصله مروان وقاله

:ايوه ايوه وانا ابقي افهمك

سبتهم وطلعت فوق علي اوضتي

حاولت اني منزلش خالص مهما حصل و افضل حبسه نفسي لحد ما يخلص الموضوع

...................................................
زياد

:بس انا مش هسبها بعد الرحله دي ممكن تعمل مصايب

رد عليه مروان

:ونت عايز منها اي تاني يا زياد وبعدين مش انت قولت ان الرحله دي هتفدها وتحسن من سلوكها

رديت عليه بعدم اقطناع

:مش عارف هي وصلتني لدرجت اني بقيت اشك فقراري

:لا متقلكش انا شايف انها هتتحسن صدقني هي بس عامله زي القطه مبتحبش حد يكتم حريتها و عند حريتها بتخربش الي قدامها بضوافرها

:يابني هو انا بلحق اعمل حاجه

فضلت اتكلم مع مروان لحد ما.تاليا.غسلت الهدوم وكوتها لبست بنطلون.جينس و تيشرت عادي

و خرجت مع مروان الاول كانت خروجه عاديه
لحد ما جت روز و روحنا علي المعرض اللوحات

كنت مش مركذ معاهم. و بفكر في لُطفيه
حاولت اخلص كل الي ورايا عشان ارجع اشوف هي هببت اي تاني

المهم خلصت ورجعت البيت بعد ما وعدت روز اننا نتقابل تاني ومعايه لُطفيه

المهم دخلت الفيلة و دورت عليها بعيني في كل مكان ملقتهاش سألت عليها تاليا قالتلي انها منزلتش من اوضتها من ساعة ما طلعت

في الاول دخلت اوضتي و ابتديت اشتغل علي الاب توب بس كنت حاسس بقلق من جوايه وخايف ل احسن تكون عملت في نفسها حاجه

المهم سبت كل حاجه و اتسحب لحد اوضتها حاولت اتصنت عليها من ورا الباب بس ماكنتش سامع صوت

ف خبط عليها براحه جداا و مردتش

ف فتحت الباب براحه و دخلت

لفيت راسي دورت عليها في الاوضه ملقتهاش

قلبي اتقبض و بسرعه نزلت تحت و ندهت علي تاليا بصوت عالي

ردت عليه بستغراب ف قولتلها

:فين لُطفيه هي مش في اوضتها

ردت عليه بدهشه

:لا كانت موجوده ومخرجتش

قلقة اكتر و دورت عليها في كل الفيله وبرده ملقتهاش

ف طلعت الاوضه تاني و كنت هدور عليها في الحمام

بس وقفت مكاني متسمر لمه سمعت صوت شخير

لفيت وشي ملقتش حد علي السرير

الله امال مين الي بيعمل الصوت ده و فين مصدره

المهم مشيت براحه و قربت من السرير و سمعت الصوت اوضح

ف خمنت مكان الشخير و علي الفور نزلت بركبي و بصيت تحت السرير ف لقيت

لُطفيه ناايمه علي الارض اتخضيت من منظرها

وبعد استعاب حاولت افوقها بس كان نومها تقيل جداا

ف خرجتها من تحت السرير و شلتها بسهوله

و نايمتها علي السرير بحذر

غطتها ب البطانيه و قعدت جنبها اتأملها وهي نايمة
كانت دبلانه جدا و تحت عينيها كله سواد

لا اراديا قومت من جنبها ودخلت البلكونه ابص علي الوردة

الي فعلا قربت تدبل هي كمان بصيت علي الوردة و رجعت ابص علي لُطفيه و افتكرتها وهي بتقولي

"طب ابقي خلي بالك من الوردة بدل ما تدبل عشان اتنين يدبله كده كتير عليك"

" الوردة هتدبل "

ابتسمت ب خيبت امل وقولت

:المشوار لسه طويل. اوي اوي يا وردة ..

يتبع....

حبيبة عبدالله(مفيدة)