اللعب مع الكبار البارت 13

رواية
اللعب مع الكبار
البارت ال 13





____________________
ونكمل من حيث توقفنا البارت اللي فات وهم بالإجتماع وبعد المناقشة والاقتراحات والآراء للكل انتهى الإجتماع بالموافقة على الشراكة ودخول المشروع كمجموعة شركات متحدة مع بعضهم وبهذا سوف يكون اول مشروع سيدخلونه ك شركاء مع بعضهم البعض واتفقوا ان يبقى المقر الرئيس للشركة هو نفسه مبنى الشركة المتحد لشركات المنصور وبعد انتهاء الاجتماع قال صلاح على بركة الله واحنا هنبدأ بتجهيز مكتب ل نزار وسكرتارية خاصة بيه عشان يمشي كل شغله من الشركة بكل سهولة
عابد: هيك منيح اكتير ويارب تبقى شراكة خير علينا كلنا
عزت: آمين يارب
عابد: انا راح كون اكتير مبسوط بالعمل معكن تسلم ابني صلاح على هاي الفكرة
صلاح: تسلم ياعمي دا احنا اللي مبسوطين اكتر بالشغل معاكم وربنا يجعلها شراكة خير وبركة علينا يارب
الكل: اللهم آمين يارب
---------------------------------
ونروح عند فارس وشمس وبعد انتهائهم من كل التجهيزات وبيوم الافتتاح الكل مستعد وشمس وفارس جهزوا نفسهم لإستقبال الويزر والمدعون للافتتاح المستشفى
شمس: انا متوترة جدا وخايفة من اليوم ده اوي يا فارس ربنا يعديه على خير
فارس: خايفة ليه ياقلبي ماتخافيش طول ما انا جنبك ومش عايزين توتر لازم نبقى جامدين ياشموسة وبعدين كل حاجة تمام ومية فل واربعتاشر كمان خايفة ليه بقا
شمس: ربنا يخليك ليا ياعمري ومايحرمنيش منك ولا من وقفتك جنبك انتا احن واعظم فارس بالدنيا يا فارسي واميري انتا
فارس: ولا يحرمني منك ياقلبي انتي نور عيوني وروحي بس يالا بينا عشان منتأخرش يا شمسي
شمس: طيب يالا بينا ياحبيبي ثم نزلا تحت وجدا ام فارس جالسة بالصالة
فارس: صباح الخيرات يا ماما
الام: صباح الانوار عليكم ياحبايبي تعالوا يالا افطروا كويس عشان ماتتأخروش يومكم النهاردة هيبقى صعب ولازم تاكلوا كويس عشان تقدروا تقفوا على رجليكم في الافتتاح
فارس وشمس: حاضر يا ماما ربنا يخليكي لينا
الام: ربنا يوفقكم يارب
فارس: بصي بقا ياست الكل انا على الساعة ١٢ كده هابعتلك السواق بالعربية ياخدك على الافتتاح ماشي
الام: معلهش ممكن تعفوني يابني من المشوار ده مش قادرة اروح ولا اجي بعد ابوك ما دخل السجن غصب عني بلاقى نفسي عطيت ونفسيتي بتتعب
فارس: بس يا ماما ماينفعش تحبسي نفسك كده وبعدين انتي مش رايحة فرح ولا احتفال مثلا ده افتتاح مشروع لااولادك وعايزك جنبي فيه مش كفاية بابا واخواتي غايبين هتغيب انتي كمان وتسبينا لوحدنا انا وشمس
رشمس: فارس معاه حق يا ماما عاوزينك معانا وتبقى واقفة جنب الوزير وهو بيقص الشريط هتبقى فرحتنا اكبر بوجودك معانا
فارس: صح فرحتنا هتبقى اكبر وبعدين احنا مش هنحس انه الافتتاح له طعم ولا شكل من غيرك بالله عليكي ماترفضيش عشان خاطري يا ماما
الام: خلاص ياحبايبي هاجي ابقى ابعتلي العربية
فارس وشمس: قبلوا راسها وقالولها ايوا كده ياست الكل ربنا ما يحرمنا من وجودك جنبنا ابدا
الام: تسلمولي يارب ثم بعد ذالك انهوا فطارهم ثم ذهبا فارس وشمس إلى المستشفى
--------------------------------
وببيت علم الدين ايضا جالس الاب والام وجاسم بيتناولوا الفطار فالاب بيقول لجاسم ايه يابني مش هتروح افتتاح المستشفى بتاعت اختك وتسيبك من العناد ده بقا
جاسم: لا مش هاروح يا بابا ولو سمحت مش عايز كلام بالموضوع ده تاني انا قولت اللي والموضوع اتقفل على كده
الام: ربنا يهديك يابني دي اختك الوحيدة انتوا مالكمش غير بعض ليه الاسوة دي بس
جاسم: دي مش اساوة يا ماما بس هي قللت مني لما رفضت تشاركني وراحت شاركة فارس
الاب: يابني ما احنا اتكلمنا وفهمت عقلية اختك
جاسم: برضه مش هاروح هي مش فضلت جوزها على اخوها ورفضت تشاركني وراحت شاركته الله يهنيهم بقا بس ماحدش يطلب مني اروح الافتتاح ده وبعدين أساسا عندي شغل مش فاضي احضر افتتاحات سلام انا ماشي
الام: وبعدين يا ابو جاسم الواد هيفضل مخاصم اخته كدة كتير اتصرف معاه
علم الدين: هاتصرف ازاي بس انتي مش شايفة دماغه ناشفة ازاي سبيه هو اكيد هيصالحها لما يهدى هو بس لسه واخد على خاطره من الموقف وربنا يهديه
انجي: ربنا يهديه دول مالهمش غير بعض مش عارفة منشف دماغه ليه كده ما عنده مشاريعه ربنا يوفقه فيهم
علم الدين: إن شاء الله هيهدى ما تقلقيش انا هامشي دلوقتي عندي شغلة عالسريع كده هاعملها واجي على الساعة ١٢ اخدك عشان الافتتاح تمام
انجي: ليه هو الافتتاح الساعة كام
علم الدين: على خمسة كده
انجي: طيب هاكون جاهزة قبل ١٢ كمان وهستناك
علم الدين: طيب سلام عليكم دلوقتي
انجي: وعليكم السلام
----------------------------------
ونروح عند ملك وعمر بالييت عمر: حبيبتي انا هاطلع دلوقتي عشان في شغل هنعملوا انا وصلاح وهاني قبل ما اروح الشركة
ملك: طيب ياعمري خلي بالك من نفسك وافطر كويس يا عمر ما تنساش نفسك م
عمر: حاضر ياست ملك هافطر كويس واشرب عصير بعد الاكل مش شاي اي اوامر تانية
ملك: بتتريق تصدق انا غلطانة اللي خايفة عليك انتا حر يبقى خليك جعان ما انا عارفاك بتنسى نفسك وبتتلهي بالشغل
عمر: بهزر معاكي يا ملوكتي وراح بايسها وقالها خلاص بجد هافطر كويس عشان خاطرك
ملك: مش عشان خاطري عشانك انتا ياعمري صحتك اهم من اي حاجة عندي
عمر: ربنا يخليكي يا احن ملوكة بالدنيا
ملك: ويخليك لينا ياقلبي
عمر: راح بايسها مرة تانية وقالها سلام ياحبي
ملك: سلام ياروحي خلي بالك من نفسك
عمر: ربنا يستر ثم خرج عمر وملك راحت غرفة حسام عشان تصحيه للمدرسة
ملك: حسام قوم ياقلب ماما عشان المدرسة
حسام: حاضر يا ماما انا صاحي اهو صباح الخير
ملك: قبلته من خدوده وقالتله صباح الفل ياقلبي يالا قوم غير هدومك على ما اصحي اختك اوكي
حسام: اوكي يا ماما ثم ذهبت لغرفة رهف كي توقظها هي ايضا فقالت لها رهوفه يالا ياقمر اصحي عشان المدرسة
رهف: حاضر يا مامي هو كل يوم مدرسة
ملك: ههههه قوم يا كسيلة اخوكي حسام صحي قبلك وبيلبس كمان وهيمشى المدرسة ويسيبك
رهف: نطت من السرير لا انا صحيت اهو يالا لبسيني عشان اروح مع حسام المدرسة
ملك: طيب من عيوني ياعيوني انتي تعالي ناخد شاور بالاول وبعدين نسرح الشعر الجميل ده ونلبس ونفطر ونروح المدرسة
رهف: هايييي اناي اخلى ماماي بالدنيا
ملك: واناي احلى رهوفتي بالدنيا وقبلتها جامد من خده وبعد ما خلصت مع رهف راحت لحسام غرفته مش يالا بقا ياحسام هتتأخر على باص المدرسة وانتا لسه مافطرتش انتا واختك
حسام: خلاص اهو يا ماما خلصت
ملك: طيب يالا عشان ننزل نفطر بقا انا عندي شغل بس حطيت حاجات بالشنطة وريني كده
حسام: ايوا يا ماما حطيتهم اهو شوفي
ملك: طيب ياحبيبي ثم نزلت لتحت عشان يفطروا كلهم والاولاد يروح مدرستهم وهي ونيفين يروحوا شغلهم
ام عمر: هو الباص بتاع المدرسة امن يا ياولادولا ايه
ملك: امان يا ماما ما تخافيش
الام: انا خايفة على حسام ورهف من مشاكل الشغل دي لحد يتعرضلهم بسبب عداوهم معاكم بالشغل
ملك: ماتخافيش يا ماما
الباص والمدرسة امان زي ما قولتلك واحنا حاطين معاهم حراسة كمان فماتخفايش عليهم ربنا هو الحافظ
الام: ربنا يستر لاني من وقت مشكلة الواد اللي اسمه ماجد ده وانا خايفة على العيال اوي اصل اللي زي دول جبنه ومابيقدروش غير على الصغيرين ربنا يحميكم ويحفظكم كلكم يارب
ملك ونيفين: يارب ايوا انتي خليكي ادعيلنا كده دايما الام: بادعيلكم دايما انه ربنا يحفظم ويحميكم بس عمر فين ماشوفتوش لما نزل ولا لسه نايم
ملك: لأ خرج من بدري عشان عنده شغل كتير هو وصلاح وهاني رايحين مع نزار موقع المشروع عشان يشوفوا الأرضي بتاعت المشروع عشان كده خرج من بدري الام: ربنا يعينهم ويوفقكهم يارب ويبعد عنهم كل شر
ملك ونيفين: اللهم آمين يارب ثم انتهوا من فطارهم والاولاد ركبوا الباص وراح المدرسة وملك ونيفين ؤاحوا الشركة
---------------------------------
وعند نزار وعزت والكل باشا والكل راحوا يشوفوا ارض المشروع مع باقي رجال الأعمال والمستثمرين اللي هيبدوا المشروع عليها
نزار: ما شاء الله الارض هون كتير رائعة وراح يبقى المشروع ناجح اكتير عليها
عزت: اكيد ارض كويسة جدا بس بالنسبة للزراعة محتاجة شغل كتير
هاني وصلاح: قالوا ازاي ياعمي
عزت: بص ياولاد الارض صحيح كويسة بس دي ارض صحراوية وعشان تبقى صالحة للزراعة لازملها شغل كتير عشان تبقى خصبة وصالحة مية بالمية للزراعة يعني في محاصيل مش هتنقع تتزرع على ارض رملية كده وفي محاصيل بتتزرع عادي لانها بتحتاج للارض الرملية امتر من الخصبة فاحنا هنقسم الارض حسب نوع المحصول اللي هنزرعه فيها
نزار: اكيد يا عزت باشا وكمان في البناء محتاجة شغل كتير برضه بس بعدين هتبقى منطقة عمرانية كتير رائعة لانه موقعها اكتير ممتاز
عمر: المشروع ده هيبقى اكبر مشروع اتعمل من زمن طويل لانه فعلا مشروع كبير وضخم جدا وشامل ونتركهم يتفقدوا الارض ونوح عند جاسم

بالناحية التانية بالمشروع جاسر واقف مع رجالته وشريكه جاك لانه داخل معاه شريك بالمشروع
جاك: بيسأل جاسم كلمت نزار الفهد واتفقت معاه ولا لسه يا صديقي
جاسم: اخدت ميعاد النهاردة وهاروح اقابله الساعة اربعة
جاك بس انا شايفه واقف مع صلاح وعمر بالناحية التانية للمشروع
جاسم: ازاي ده يعنى ايه واقف معاهم
جاك: مش عارف بس شوفته واحنا جاين على هنا وفكرتك شوفته عشان كده بسألك
جاسم: لأ ماشوفوتش على العموم هنصبر لما نشوف ايه اللي هيتم بالمقابلة النهاردة بعدها نتكلم يمكن يكون معاهم بحكم صداقته مع صلاح وبس
جاك: طيب خلينا نشوف ارض المشروع عشان نعرف هنعمل ايه بالظبط
جاسم: اوكي نشوف وبذلك الوقت جاسم كلف احد رجاله من اللس كانوا مجودين معاهم بموقع المشروع يعرف هو ليه كان مع صلاح وعمر والكل بارض المشروع قبل مايروح يقابله
بعد تقريبا ساعتين اتصل بيه الشخص
جاسم: ها قولي عرفت الاخبار
الشخص: للأسف يا جاسم باشا نزار عابد الفهد دخل شريك مع مجموعة الزيان والمنصوري في المشروع وفي مجال الاستثمار بشكل عام
جاسم: بغضب وصوت جهور قاله ازاي ده وامتا دا لسه واصال مصر من كام يوم بس لحقوا يعملوا كل ده امتا الشخص: اللي عرفته يا باشا انه صلاح هو اللي اقترح عليه الشراكة لما قالبه بعد اجتماع رجال الاعمال وكمان لانه نزار صديقه وعابد الفهد كان صديق منصور باشا من زمان فقبل علطول اول مانزار قاله على موضوع الشراكة ده لانهم بالأساس كانوا بيدورا على شركاء ليهم هنا مصر
جاسم: خلاص فهمت اقفل انتا دلوقتي ولو في اي جديد بلغني وبعد ماقفل مع الشخص متصل على جاك صديقه وشريكه
جاك: ايه ياصديقي هتروح المقابلة امتا
جاسم: مافيش مقابلة انا هاتصل اعتذر منه وخلاص لانه الموضوع فشل من قبل ما يبتدي اصلا ومش هستنى لما هو يعتذر مني
جاك: ليه حصل ايه
جاسم: لانه السيد نزار دخل شراكة مع مجموعة الزيان والمنصوري
جاك: ازاي ده ولحق يعمل الشراكة امتا
جاسم: الموضوع طويل شوية لما اقبلك هاحكيلك سلام دلوقتي عشان اتصل بالراجل اعتذر منه مايصحش اني الغي المقابلة كده من غير ما اعتذر ده مش اسلوبي
جاك: طيب سلام
وقفل جاسم مع جاك واتصل على نزار
جاسم: الو مساء الخير سيد نزار
نزار: مساء النور جاسم بيك
جاسم: انا اتصلت عشان اعتذر عن الميعاد النهاردة لانه طلعتلي شغلة مهمة جدا ما ينفعش تتأجل فبعتذر منك جدا سيد نزار
نزار: لايهمك جاسم بيك الله يكون بالعون وشكرا على تقديرك
جاسم: العفو على ايه طيب استئذن حضرتك سلام
نزار: الله معك جاسم بيك اتفضل
جاسم طبعا قفل مع نزار لكن الغضب والغيظ ماليه لانه الفرصة راحت من ايده وكان هياكل بالشراكة دي سوق المقاولات والبناء لكن مجموعة المنصوري والزيان اخدوها منه طبعا فاكيد جاسم هيحاول يعمل حاجة لكن هي ايه هنعرف مع الاحداث
-----------------------------------
ونروح من تاني عند نزار بالشركة وبمكتبه دخل صلاح عشان يرحب بيه في الشركة فقاله صباح الخير يا نزار باشا نورت مكتبك
نزار: صباح الخير يا صلاح بيك هاد نورك
صلاح: ايه رأيك بديكور المكتب عجبك
نزار: مين ياللي عامله بالاول منشان قول رأيي
صلاح: وهتفرق بايه يا خويا المهم عجبك ولا لأ
نزار: اكتير حلو بس زوق مين هاد
صلاح: بصراحة ده زوق ملك ونيفين هم اللي اختاروا كل حاجة وقالوا أكيد هتعجبك
نزار: اي عجبتني اكتير جدا زوقهم كتير رائع يسلم ايدهن يارب لازم اتشكرهن على هالتعب وهالاختيار الرائع صلاح: طيب ياسيد نزار ابقى اتشكرهن بعدين خلينا دلوقتي في الإجتماع النهائي لرجال الأعمال عشان المشروع
نزار: اي تمام قولي شو مقترحاتك بما انك المسؤول الاول بالمجموعة
صلاح: بص ياسيدي طبعا انتا عارف انه عندنا شركة مقاولات صح
نزار: اي صح بس اشرح بالتفصيل منشان افهم شو بدك
صلاح: طيب تمام بما انه عندنا شركة مقاولات فاحنا هنوفر كل احتياجات البناء والذي منه واللي ينقص بنستورده من بره وبكده هنوفر في السيولة كتير من حيث التعامل مع شركات المقاولات لانه عندنا الشركة اللي هتغنينا عنهم
نزار: اكتير امنيح وبحصوص التصميمات الهندسية فانتا عمر وهاني وانا ومجموعة المهندسين اللي بالشركتين هنعمل مخططات المشروع بكل دقة وحرفية اكيد صلاح: وماتنساش عمي عزت وجوده هيساعدنا كتير من حيث معرفة نوع التربة والاراضي اللي تنفع للبناء واللي تنفع للاستصلاح الزراعي عشان مانعملش زي ناس راحوا بنوا في اراضي ماتصلحش للبناء ولا للاستصلاح الزراعي كمان ايه رأيك
نزار: اكيد طبعا وكمان لازم هنناقش هاد الكلام كله بالاجتماعات الجاية لبين مانوصل للشكل النهائي للمشروع بس الاهم هلا انه نستلم الاراضي الخاصة بالمشروع
صلاح: اكيد طبعا هنستلمها بإذن الله سلام انا دلوقتي عشان اجهز للاجتماع مع عمر وهاني
رد نزار قاله عليكم السلام ثم
خرج صلاح من عند نزار ذهب لمكتب عمر مباشرة وكان متصل على هاني قبل مايروح لنزار مكتبه فلاقاه مستنيه بمكتب عمر
فدخل صلاح قالهم صباح الخير يا شباب كويس انك جيت بسرعة يا هاني
عمر وهاني: صباح النور يا ابو الشباب ايه ياعم النشاط ده كله ثم اكمل هاني انا قفلت معاك وجيت علطول
صلاح: اومال ايه يا هندسة لازم النشاط والسرعة دا مشروع العمر يسطا اللي هيخلينا فى القمة بإذن الله ويعوضنا كل خسايرنا
عمر: يارب يسمع منك المهم قولي انتا عملت ايه بصفقة الحديد والأسمنت خلصتها ولا لسه
صلاح: ما خلاص ياعم عمر خلصنا كل الإجراءات وهنمضي الأوراق بكرة والإستلام خلال ٢٠ يوم
عمر: طيب تمام بس ازاي دا احنا لسه باعتين الفاكس من اربع ايام بس
صلاح: لا مالبركة في ملوكة وهندوتي خلصوا كل حاجة مع الأتراك ومندوب الشركة جاي بكرة عشان نمضي الأوراق
عمر: طيب الكمية يا صلاح لازم تكون كبيرة اكتر من الصفقات اللي قبلها انتا عارف داخلين على مشروع تقيل وكبير
صلاح: ما تقلقش كل حاجة تمام والصفقة كبيرة جدا وبعدين اتفقنا معاهم على التوريد لينا كل مانحتاج وباسرع وقت ومن انضف الحديد والأسمنت وبأسعار مناسبة جدا جدا وهم وافقوا ورحبوا جدا وإن شاء الله نمضي العقود بكرة من غير مشاكل يارب
عمر: يااااااارب ربنا يوفقك يا صلاح بجد اثبت انك رجل اعمال شاطر جدا وعرفت تطلعنا من الازمة بسرعة صلاح: الله اكبر عليك قول ما شاء الله يا راجل وبعدين انا ما اشتغلتش لوحدي كلكم كنتوا معايا وبتشتغلوا اكتر مني كمان
عمر: ههههه ما شاء الله عليك يا سي صلاح بس بجد انتا تستاهل كل خير
صلاح: ربنا يوفقنا كلنا بس في حاجة البنات عايزين يحضروا معانا الإجتماعات بما انهم شركاء في الشغل ويبدوا اقترحاتهم
عمر: ازاي دا طيب نيفين وملك ممكن انما هند وسمر ازاي وهم حوامل مش هيقدروا على التعب ده
مش عارف دي الواحدة بطنها قدامها مترين ومش قادرة تمشي ازاي هيروحوا ويجوا وهم كده
عمر: سيبك منهم بالوقت هم كده كده هيقعدوا غصب عنهم بالبيت دول على اخرهم خالص
صلاح: طيب ماشي ربنا يسهل
وبعد يوم طويل من الشغل خلصوا وكل واحد روح بيته وهو تعبان
صلاح وهند وامه قاعدين على السفرة بيتعشوا
فالام بتقول لهند مش ناوية تقعدي بقا يابنتي انتي خلاص فى الشهر التامن وماينفعش الروحة والجية كدة غلط عليكي وعلى اللي ببطنك وكمان التعب بقى يزيد عليكي انتي بتجي هلكانة ومش قادرة تمشي حتى
هند: بس انا كويسة يا ماما وقادرة اشتغل وحابة اساعد صلاح مش عايزة اسيبه لوحده
صلاح: بس ماما معاها حق انتي بتتعبي كتير وده غلط عليكي انتي لازم تقعدي بالبيت الايام دي عشان صحتك وصحت البيبي ياقلبي وما تخافيش عليا الكل موجود معايا ولو فيه اي حاجة بخصوص الترجمة هابقى اجيبها تترجميها هنا وانتي مرتاحة ممكن
هند: ممكن ياقلبي طيب خلاص هاقعد لاني بصراحة فعلا حاسة اني تعبانة اليومين دول واهو كمان اهتم باسندس شوية بس انتا بتتعب اوي
الام: ربنا يكملك بعقلك يارب
صلاح: ولا تعب ولا حاجة طالما كلكم جنبي ربنا مايحرمني منكم يااارب ونتركهم ونروح عند ملك وعمنا العاشق عمر افندي
وبعد ماخلصوا عشا وقاعدين بيشربوا العصير
عمر: ايه رأيكم في فسحة حلوة كده نغير جو الشغل ده قبل مانبدأ بالمشروع
ملك: فسحة ايه بس يا عمر والشغل الاسبوع ده مضغوط بسبب الاجتماعات وكمان الصفقة اللي جاية دي عايزة شغل كتير
عمر: ماهو الاسبوع الجاي فيه يومين فاضيين مافهمش شغل وانا بصراحة زهقت من جو الشغل وعايز اغير شوية ونتفسح سوا ونفسح الولاد كمان وافقي بقا عشان خاطري يا ملوكة
ملك: ضحكت على اسلوب عمر وقالتله المفروض الستات اللي تقول الكلام ده لانهم بيحبوا الفسح والخروجات اكتر من الرجالة بكتير لكن انتا الموضوع جاي معاك بالعكس احنا مش عايزين نخرج وانتا عايز تتفسح ههههههههه
عمر: بتتريقي يا ملك تصدقي انا غلطان اني عايز اخليكم تغيروا جو الشغل والبيت ده خلاص خليكي ياست سيدت الأعمال والتجارة في الشغل بس لما تيجي في يوم وتقولي عايزة اتفسح مش هاخرجك وابقى شوف هتخرجي ازاي بقا
ملك ونيفين: لا ما تقلقش مش هنقول وكملت نيفين لما نحب نتفسح هنروح لوحدنا احنا التلاتة ومعانا حسام ورهف كمان
عمر: لاااا طبعا خروج لوحدكم ممنوع انتوا ناسيين الزفت ماجد وجاسم انا ما أمنش عليكم تخرجوا لوحدكم ابدا وبلاها فسح وخروجات خلونا بالشغل والبيت أأمن
الام: ايوا كده صح بلاش الخروجات عشان امانكم ياحبايبي ما تقلقونيش عليكم انا طول اليوم بادعيلكم من وقت ماتخرجوا لحد ماترجعوا انا مش حمل وجع قلب
الكل: ربنا يخليكي لينا يا ماما وما يحرمنا من دعواتك ياارب
الام: ويخليكم ليا ولا يحرمني مكنم يارب


--------------------------------
وبعد إسبوع وعند هاني وسمر وكانت الساعة حوالي واحدة بالليل سمر حست بالم شديد صحاها من النوم وبدأت تصرخ من الألم وقالت هاني اصحى انا شكلي هاولد ااااااااااه
هاني: صحى مفزوع من النوم ايه في ايه مالك يا سمر
سمر: باولد يا هاني الحقني هاني: بتوتر طيب اعملك ايه او اجيبلك ايه
سمر: مش عارفة اتصرف الوجع بيزيد مش قادرة استحمل اااااااااه
هاني : من التوتر بيلف حوالين نفسه مش عارف يعمل ايه طيب اروح فين ولا اعمل ايه
سمر: انده ماما بسرعة هاموت اااااااااه
هاني: اه اه طيب هاروح اندها علطول ونزل جري صحى امه ماما ماما الحقيني بولد يووه قصدي سمر بتولد
الام: وهي بتضحك على منظر ابنها وتوتره حتى متلخبط بالكلام ههههه اهدى ياحبيبي واتصل بالإسعاف حالا وادعيلها ربنا يقومها بالسلامة وانا هاطلعلها
هاني: يااارب يااارب انا هاتصل بالاسعاف حالا وبالفعل اتصل على الاسعاف والدكتورة اللي متابعة سمر وطلعوا عند سمر اخدها ونزل بسرعة وبهذا الوقت جاء الإسعاف واخد سمر الى المستشفى وهاني وامه ركبوا عربيتهم وراحوا وراها بسرعة واتصلوا على حماه وحماته قالهم انه سمر بتولد واحنا رايحين بيها على المستشفى دلوقتي
الام والاب: طيب احنا جايين حالا
ام سمر: ربنا يستر دي لسه ما كملتش التاسع استر يارب
ابو سمر: خير يا ام سمر خير خلينا نروح ليهم وبعد نصف ساعة وصلوا المستشفى وسمر دخلت غرفة الولادة
خرج الدكتور بعد ما دخل كشف على سمر وقال لهاني هي سمر هانم كانت ماشية بانتظام على الادوية والفيتامينات اللي كنت كتبهالها ولا كانت بتنسى هاني: بصراحة كانت احيانا بتنسى ليه هي سمر مالها في حاجة خطر عليها يعنى
الدكتور: طيب ليه ماجتليش قبل النهاردة بأسبوعين هو انا مش قولتكم لازم تجيلي قبل الولادة باسبوعين على الاقل عشان نعملها التحاليل والفحوصات اللازمة المدام سمر عندها انيميا عالية جدا وده بيسبب خطر عليها وعلى الجنين وكمان عندها زولال حمل وكل ده ومانتبهتوش
ردت ام شادي قالتله انا فكرت انه وزنها زاد بسبب الحمل بس مافكرتش انه زولال
الدكتور: لا يا مدام الوزن الزياد حاجة والزلال حاجة ده بيبقى ورم يعني لو حطيت ايدك وضغطتي على اي مكان بجسمها هتلاقى ايدك بتسيب اثر باين يعنى حفرة مكان الصباع
هاني:طيب المطلوب ايه يادكتور واحنا نعمله المهم انه سمر تقوم بالسلامة
الدكتور: اولا هانعملها تحاليل بالأول هي قدامها ساعتين بالكتير اوي عشان تولد لازم نوفرها دم لانه المدام فصيلة دمها نادرا جدا
ام سمر: قالت بتهيألي انه فصيلة دمها زيي ماينفعش تاخدوا مني
الدكتور: حتى لو مطابقة بس للأسف ماينفعش بحكم السن يا هانم
هاني والاب: اعمل اللازم يا دكتور واطلب الدم اللازم ليها الدكتور: اكيد طبعا هنعمل اللازم بس انا حبيت احطكم بالصورة لانه فعلا سمر هانم حالتها صعبة جدا
ردوا الكل اعمل اللازم عشان سمر يادكتور وربنا موجود
ام سمر: وهي بتبكي ياحبيبتي يابنتي ربنا ينجيكي يارب
ابو سمر: بحزن على حالت بنته والدموع ماليا عينيه ربنا يحفظك وينجيكي يابنتي يااااارب
الدكتور قالهم انا هاحضر الهانم عشان هتولد قيصرية ولازم يتعلقلها دم لانه ماينفعش تولد طبيعي وهي عندها انيميا شديدة زي كده
ردوا الكل تمام يادكتور اعمل اللازم بسرعة المهم سمر تقوم بالسلامة وبالفعل دخل الدكتور غرفة الولاده وقال للممرضين حضروا غرفة العمليات وحضروا ٣ اكياس دم فصيلة -B بسرعة
الممرضة حاضر يادكتور
ودخلت سمر غرفت العمليات والكل كان واقف على اعصابه وعمالين بيدعوا
ام سمر وحماتها قاعدين جنب بعض ومش مبطلين بكا وبيدعوا لسمر وهاني وقاف والدموع مالية عيونه وبيدعي وبيفرك بايديه من الخوف عليها وابو سمر راح يصلي ويدعيلها وهو بيبكى وخايف على بنته الوحيدة اللي مالوش غيرها بعد وفاة ابنه عادل وبعد ساعة من دخول نجلاء غرفة العمليات الدكتور خرج وقالهم حمدلله على السلامة الحمدلله الام بخير والبيبي كمان
هاني: بجد يا دكتور سمر كويسة
الدكتور: اكيد الحمد لله سمر هانم بخير هي والبيبي كمان
هاني: طيب فين صوت البيبي ماسمعناش صوت عياطه لي وبنفس الوقت اللي بيسأل فيه هاني ده سمعوا صوت البيبي وهو بيبكي فالاب فرح جدا وحضن هاني وقاله الف مبروك يا هاني سامع صوت حفيدي
هاني: الله يبارك فيك ياعمي الحمدلله انه سمر وابني بخير انا فرحان اوي
الاب: ربنا يخليهولك يابني وتفرح بيه
هاني: ويخليك لينا ياجدو وضحكوا الاتنين والاب راح واخد ام سمر تحت دراعه وقالها الف مبروك ياتيته
الام: الله يبارك فيك ياجدو الحمد لله يا عزت بقى عندنا حفيد الحمدلله يارب على فضلك وكرمك ربنا عوضنا بعادل الصغير ....

يتبع .
_______________________

# بقلمي

عمر يحيى