البارت 9

البارت. ( 9 )
انا حرة
حبيبة عبدالله
................................................
..................................
ُلُطفيه

دخلت اوضتي وقلعت هدومي و لبست بيجامة قطني خفيفة

انا قولت ل زياد ان انا عايزه انام بس انا في الحقيقة مش جايلي نوم خالص

في الاول حاولت انام علي السرير بس معرفتش

اخر ما زهقت قررت اتسحب و انزل اقعد في الجنينة

بصيت علي الساعة لقتها 10 بليل و اكيد زياد نايم
ما اصل كل الي في البيت ده بينامه زي الفراخ

المهم قعدت اتسحب لحد ما دخلت الجنينة
اتأملت النجوم شوية وقعدت اعدهم شوية وبرده حسه بزهق

ف جت ف بالي فكره

دخلت المطبخ و قررت اعمل صينية كيكة ب الشكولاتة

المهم دخلت المطبخ وقعدت افتكر الكيكة منال اختي كانت بتعملها ازاي بس برده زاكرتي مأسعافتنيش
لان ببساطة انا مبفهمش في الاكل ولا حتى اعرف اسلق بيض

و في وسط ما انا بفكر سمعت صوت جي من الصالة

جريت استخبيت ورا التلاجة و مسكت كسرولة اللبن ف ايدي

المهم اطمنت لمه سمعت صوت زياد بيتكلم في التلفون

:ايوه لا لا انا ممشيها علي العجين مطلخبطوش
اه اه
دي حتى بقت تنام من 8 بليل
عشان تعرف بس ان مفيش حد يقدر عليه ولمه اقولك اني اعمل حاجه يبقي اعملها

لا لا حره علي نفسها مش عليه

ده انت هتنبهر لمه تشوفها وهي طلعه تنام الساعه 8 بليل من بعد ما كانت بتنام 8 الصبح
ايوه يابني في تغيير جزري
امممممم طيب انا هعملي حاجه سخنه اشربها و بعدين هرجع اكلمك عشان مش جييلي نوم ياله تصبح علي خير

في الموقف ده ماكنتش عارفة اضايق ولا اضحك
طب اضايق عشان هو فاكر انه مشى كلامه عليه ولا اضحك عشان هو فاكر اني نايمة وباكل رز ب لبن مع الملايكة

بصيت من جنب باب التلاجه لقيته بيشغل الكتل و بيعمل تقريبا نسكافية.

اتسحبت من وراه و دخلت الصلة

جه في بالي فكره ملعونة
ابتسمت ب خبث و في ثواني طلعت علي اوضتي و شديت ملاية السرير البيضة
و نزلت علي السلم وانا بتسحب
وخصوصاً ان شوفت زياد خرج من المطبخ ومعاه كوباية النسكافية و دخل المكتب

المهم اتسحبت لحد اوضة السفره و شديت كرسي من مكانه

و جريت اخدت فازه و قربتها من الكرسي

و طلعت عليه و قولت في سري ١. ٢ . ٣.

و طااااااخ رزعتها علي الارض عشان تعمل صوت

و بعد ما وقعت الفاظة لبست الملاية علي وشي و انا طبعا وقفه علي كرسي ف كان باين ان انا طايرة و مش باين طبعا الكرسي الي وقفه عليه بسبب الملاية

استنيت شويه لحد ما شوفت زياد دخل الاوضه و هو بيبص بين الكراسي ومش واخد باله مني بصيت علي ايده لقيته ماسك النسكافية

هزيت الملايه شوية وعملت صوت فحيح الافاعي

و فجئه بص علي مصدر الصوت و لقيته راح موقع كوباية النسكافيه من الخضه ونزلت علي ايده

انا طبعا مديت ايدي وعملت نفسي عفريته بس لسوء الحظ الملايه وقعت من عليه و بان وشي

برنق عينه بدهشه ليه ف طلعت اجري قبل ما يجري ورايه

وفعلا زي ما توقعت سمعت صوته من ورايه وهو بيشتم فيه وبيزعق

:قسماً عظماً ما انا سيبك

مبقتش عارفه استخبه فين

لحد ما دخلت المطبخ و مسكت علبت الصابون و دلقتها علي الارض قبل ما اجري
لفيت وشي لقيته بيجري ورايه ومخدش باله من الصابون ف اتزحلق علي ضهره

كنت ميته علي نفسي من الضحك وانا شايفة

لغايت ما خرجت للجنينة الخلفية

بصيت ورايه لقيته ماسك ضهره و برده مش عايز يسبني

وقفت مكاني وقولتله وانا بحذره

:لو جيت عندي هنا انت مش عارف انا ممكن اعمل اي

جز علي سنانه

:هتعملي اي اكتر من الي عملتيه يا زفتة البرك ولله لاخلص عليكي القديم و الجديد ياجلابت المصايب انتي

بصتله ببتسامه وقولتله

:الورده متنساش هتدبل

:ياااشيخة تولع الوردة و اليوم الاسود الي شبهتك بلوردة  انا كنت غلطان عشان مصدقتش ابوكي لمه قالي انك جلابت مصايب

ضحكت اكتر وقولتله

:عيب يا دكتور مفيش دكتور بيعامل مريضته كده

:عارفه لو مجتيش هنا هعمل فيكي اي

حطيت ايدب في وسطي و انا بحاول اغيظة اكتر

:هتعمل اي يعني

اتقدم خطوتين و قالي بغيظ

:انا هعرفك

مكنتش عارفه اعمل اي غير اني ارجع ل ورا لحد ما لقيت نفسي رجلي فلتت و وقعت في البسين

قعدت ازعق واقوله

:انت بتتفرج عليه مد ايدك طلعني المياة ساقعة

جز علي سنانه و مد ايده وقالي

:ماشي اطلعي مع انك تستهلي بس حسابي معاكي علي البر

مسكت ايده و طلعت من المياه و مدتوش فرصه يتكلم و رحت زقاه في البسين و قولتله وهو مش مصدق نفسه

:الحساب يوم الحساب يا ديب باااشا ...

سبته في زهوله و مشيت خطوتين و قولتله وانا مشيه

:البحر بيضحك لي وانا ماشية ادلع امله القلل
البحر بيضحك لي وانا ماشية. ادلع امله القلل امله القلل....

قعدت اضحك لحد ما طلعت الاوضه و قفلت الباب كويس وعشان الامان حطيت كرسي ورا الباب
...........................................................
لُطفيه

و علي العادة صحيت علي صوت المزمار المزعج

حاولت اعمل نفسي مش سمعاه و حطيت المخده فوق راسي
بس كان مزعج ب درجه متتوصفش

المهم قومت من علي السرير و لبست الشبشب

ودخلت الحمام. اخدت شاور
ولبست شورت و تيشرت بنص كم

نزلت علي التربيزة ف ملقتش زياد موجود سألت تاليا. ف قالتلي انه لسه نايم في اوضته

اضايقت جداا لانه بينام براحته وبيحكمها عليه انا بس

ومن هنا جت في دماغي فكره جهنمية

بسرعه خرجت في الجنينة و دورت علي الخرطوم الي بيسقى بيه الزرع

بس ملقتش قعدت افتش بين الاغصان بس ملقتش

وكنت خلاص فقدت الامل و هدخل تاني الفيلة بس لمحت خرطوم كبير جداا قريب من البسين
لمعت عنيه و علي طول جبته و طلعت علي السلم تاني و اتسحبت ل اوضة زياد بس قبل ما اتسحب واطلع كنت واخده من المطبخ بطرمان عسل ابيض

حطيت الخرطوم علي دراعي عشان ميعملش صوت و برااحه فتحت الباب من غير ما اخبط و دخلت راسي لقيته نايم في سابع نومه ابتسمت بخبث و دخلت بباقي جسمي و اتسحبت لحد الدولاب و فتحت الدولاب براحه و دلقت بطرمان العسل علي كل الهدوم الموجوده قدامي وبعد كده دخلت الحمام الموجود في اوضته

و وصلت الخرطوم ب حنفية الحمام

و خرجت بره اطمن لقيته لسه نايم

المهم خرجت بره الخرطوم في نص الاوضه و فتحت المياه و بقيت اغرق اي حاجه تيجي عليها عيني

(كنت شبه كريم عبد العزيز في فيلم باشا تلميز)

المهم كل ده و هو نايم زي القتيل ده انا غرقت الاوضة وهو ولا حس تقريبا ملعوب امبارح لسه مأثر فيه

المهم اني مخدتش وقت في التفكير

ورحت طلعه فوق السرير وانا مسكه الخرطوم و غرقت كل السرير و جبت المياه في وشه طبعا قام اتنفض من السرير و اتخض لمه شاف الحيطة و الانترية و التربيزة وكل حاجه موجوده مبلوله. وعايمة تقريباً

و الارض كلها مياة

بصلي بغل وانا لسه وقفه علي السرير

ماستنتش ياخد فُرصة و ضربت الخرطوم في وشه تاني

وطلعت اجري

و انا بجري لمحت مروان واقف في الريسابشن
ف انتهزت الفُرصه و استخبيت وراه

هو في الاول ماكنش فاهم بس لمه شاف زياد نازل علي السلم مبلول وبيشتم فيه فهم انا عملت اي بس كان على وشه علامات تعجب

حاول يفض الخناق لان زياد كان حالف يحبسني في الاوضه البامبي

طبعا مروان كان بيسال بفضول عن الاوضه البامبي و ليه يحبسني اصلا

وطبعا عشان زياد ماكنش عايز يتكلم
المهم بعد ما زياد بقي اهدا شوية و سمع كلام مروان و طلع يلبس هدوم من فوق الي انا اصلا مغرقاها عسل
كنت بضحك من جوايه وفي نفس الوقت مرعوبة
وحسيت في لحظة اني زودتها شوية

المهم عملت نفسي من بنهى وقعدت جنب مروان

وهو ماسك تلفونه حاولت اتفرج علي الي بيتفرج عليه في التلفون ف بص عليه وقالي

:فين تلفونك

:ممعييش

:ازاي

:ولله ما معايه هو ضاع مني ولسه مجبتش واحد

وباين شكلي صعبت عليه و فضل يفرجني علي مقاطع ل كرتون علي التلفون و مقاطع ل افلام اكشن

و لقيته بيطلع من جيبه سماعات من الحديثه

:اي ده

:دي سماعه زي مكبر اول ما بتوصلي السلك ده ب التلفون بيشتغل الحاجه بصوت اعلي

قولتله
:بجد طب شغلنا اي اغنيه نسمعها ونرقص

هز راسه و فتح البحث وقالي

:تحبي تسمعي اي

:اي حاجه .... لا وله اقولك. بص في اغنيه كده ل حكيم تعرفه

:ايوه اعرفه

:في اغنيه بتقول نار ناار نا و حبيبي قايد نااار

رد عليه بضحكه

:طيب ثواني

شغل الاسبيكر و جاب الاغنيه و

و اشتغلت

قعدت ارقص انا وهو وقولتله بصوت عالي نسبياً

:علي الصوت شويه

عالي الصوت علي اخره و اندمج في الرقص معايه

(ناااااار الناااار الناااار و انا قلبي قاديد ناااار و حبيبي سايبني ف ناااار)

كنا بنرقص لحد ما سمعنا صوت زياد من ورا بيقولي بغضب

:ده انا الي هشويكي في نار ياااا خرابه انتي......

يتبع..

حبيبه عبدلله(مفيده)