اللعب مع الكبار البارت9

رواية
اللعب مع الكبار
البارت ال 9




___________________
ونكمل من حيث توقفنا في البارت اللي فات عند فارس إتصل باحد المهندسين الذين يعملون لصالحه والذي اتفق معهم ان يلعبوا باساسات المشروع وسأله ها يا باشمهندس طمني الشغل اللي اتفقنا عليه ماشي مظبوط ولا في اي مشكلة واجهتكم
المهندس: المخطط ماشي مظبوط مية بالمية ومافيش اي مشكلة واجهتنا لحد دلوقتي ما تقلقش يا فارس بيه
فارس: طيب خلوا بالكم انا مش عايز اي لخبطة والمهم انكم ما تتعرضوش للخطر بسببي المشروع هيتسلم خلال السنة وانا كل اللي يهمني اشوف وش جاسم لما المشروع يترفض ويخسر كل اللي دفعه فيه عايزه يبقى ضربة ليه تحت الحزام تخليه مش عارف الضربة دي جاتله منين عشان يتعلم ويفهم انه اللي يؤذي ويدمر اي حد مهما كان هيجي اللي يدمره بنفس سلاحه
المهندس: اطمن يا باشمهندس اعتبر المشروع اترفض من دلوقتي احنا لخبطنا في النسب اللي بنعملها في خلطات البناء وخلينها غير مطابقة بنسبة اربعين بالمية من الخلطات الاساسية للبناء يعني ماتنفعش تتعمل لاي بيت بيتبني ما بالك بمشروع كبير زي كدة واكيد هيترفض وهايخسر المشروع كله بسبب مخالفة المواصفات
فارس: طيب عايز منكم طلب كمان
المهندس: اؤمر يا فارس بيه
فارس: بالنسبة للتصميم الهندسي عايزكم تلخبطوا فيه شوية كمان
المهندس: ازاي يعني
فارس: يعنى يبقى فيه تغييير في شكل المصاعد والتصميم الداخلي للوحدات السكنية من الداخل
المهندس: اشرح اكتر يا فارس يعنى حضرتك عايز تقلل المساحة مثلا او نغير شكل المصعد
فارس: ايوا زي كدة تمام المهندس: ودا هنعملها ازاي يا باشمهندس مافيش معانا مخطط غير المخطط اللي بالاتفاقية ودا محتاج وقت عشان نعمله مخطط جديد فارس: لا من النحية دي مافيش مشكلة انا عامل مخطط تاني للمصاعد واماكن الحماية مغير فيه شوية عن اللي متفقين عليه بالعقود وطبعا نسبة الامان والحماية فيهم اقل ٤٠ بالمية من اللي بالاتفاقية فطبعا هيترفض دا غير الشكل اللي هيبقى مختلف انتا بس قول للمهندسين اللي معاك انه في اجتماع صغير في نفس المكان اللي بنجتمع فيه تمام
المهندس: تمام يا فارس باشا بس الإجتماع هيكون امتا
فارس: بكرة الساعة ٩ بالليل بالظبط ان شاء الله بس خدوا بالكم وانتوا جايين لايكون في حد بيراقبطم او حاجة
المهندس: ما تقلقش يا باشا ربنا يستر واكيد هناخد بالنا
فارس: طيب سلام عليكم الله يوفقكم
المهندس: وعليكم السلام يا باشمهندس ثم اغلق فارس معهم وجلس يحدث نفسه ويقول ولسه يا جاسم علم الدين مش هتلحق تفوق من كتر الضربات اللي هتاخدها على دماغك وانا وانتا والزمن طويل لما نشوف مين اللي نفسه اطول وهيصمد قدام الضربات الكتير دي


------------------------
ونروح عند دلوعتنا سمر وفارسها هاني بالشركة ذهبت إلى مكتب ابوها مباشرة خبطت على الباب ثم دخلت قالت لابوها صباح الخير يا بابا ازيك عامل ايه
الاب: صباح النور ياحبيبتي ايه اللي جابك الشغل النهاردة انتي حامل وتعبانة يابنتي لازم تحافظي على نفسك احنا ماصدقنا ربنا كرمك بعد سنين
سمر: ما تخافش عليا يا بابا انا الحمد لله كويسة وزي الفل اهو والحمل تمام الحمد لله مافيش خطر عليا من الحركة خالص وبعدين الحركة حلوة برضه أحسن من القعدة
الاب: الحمد لله دايما بس برضه لازم تحافظي انا ماليش غيرك انت وهاني والبيبي دلوقتي
سمر: نسيت ست الكل ماما ياسي يا بابا ولا ايه
الاب: بضحكة ههههه وانا اقدر انسها برضه دي هي الكل بالكل والخير والبركة والنور اللي منورلي حياتي كلها
سمر: بضحكة كبيرة قالتله ياسلام ياسلام على الرومانسي الحنين ايه يا ابو عادل الرومانسية دي كلها ربنا يخليكم لبعض ياسيدي ويديم عليكم السعادة والحب يارب
الاب: يارب يخليها ويحفظها ليا يارب وانتوا كمان ربنا يخليكم ليا ومانحرمش منكم ابدا انتي ماتعرفيش هي عملت ايه معايا امك دي سمر ست اصيلة مافيش منها اتنين في الزمن ده تعبت معايا وكافحت لحد مابيقت عزت باشا صاحب الشركات دي شالينتي واستحملت معايا كل حاجة لحد ما ربنا كرمنا وبقينا في العز ده انا لو لفيت الدنيا مش هلاقي زيها ابدا أمك ست ما تتعوضش ابدا ابدا ومهما عملت مش هجازيها عن مساندها ليا في اصعب اوقاتي
سمر: ربنا يخليكم لبعض ولينا يارب وانتا كمان اعظم واطيب واحن وااصل راجل واب بالدنيا انتا كمان شريف واصيل وعملة أصيلة ونادرة في زمن كتر فيه المزيفين وقليلين الأصل واللي ماعندهم شرف ولا مبدأ انتا شرف لاي حد يا بابا انا فخورة إننا بنتك وبتمنى من ربنا انه ابني الي جاي يبقى زيك فى كل حاجة
الاب: ربنا يجملها بالستر يارب احنا هناخد ايه من الدنيا غير العمل الصالح والسيرة الطيبة ربنا يخرجنا منها مجبورين ومستورين والاهم مانكنش ظالمين حد ولا واكلين حق حد الإنسان مابيبقاش منه بعد موته غير السيرة الطيبة والعمل الصالح يابنتي اللي بينفعه في قبره وربنا يكرمك ويكملك حملك على خير يارب
سمر: يارب يطول بعمرك ويديلك الصحة والعافية وتشيل احفادك وتفرح بيهم يا احلى واحن اب بالدنيا
الاب: ويخليكي ليا يارب ياسمسومة
سمر: انا كنت جاية اسأل حضرتك عملت ايه بموضوع صفقة المواشي الجديدة لاني بصراحة خايفة من الزفت جاسم ده يشم خبر ويلعب من ورانا زي المرة اللي فاتت
الاب: الصفقة ماشية تمام وإن شاء الله ماحدش هيقدر ياخدها مننا تاني المرادي لانه الناس اللي بنتعامل معاهم غير النصابين اللي قبلهم مابيخالفوش الإتفاق ابدا عندهم إلاتفاق مضمون صحيح هي مش كبيرة زي الصفقة اللي فاتت بس هتعوض شوية وهتمشي شغل المصنع بنسبة كبيرة مع المواشي اللي بالمزرعة بتاعتنا ما تخافيش واطمني كل حاجة تحت السيطرة
سمر: يارب يعديها على خير ويبعد عننا جاسم وحقده ومايضيعش تعبنا ومجهودنا طيب الصفقة هاتم امتا بالتحديد عشان نخلص بقا
الاب: ياااارب إن شاء الله الصفقة هاتم بعد اسبوع انا خلصت كل الاجراءات ومضينا العقود وبعد اسبوع تتم الصفقة على خير يارب
سمر: يارب يتممها بخير يارب طيب انا هاروح اشوف هاني عشان رايحين المزرعة اشوف الخيول وحشتني اوي وكمان نشوف الشغل ماشي ازاي بالمزرعة والمصنع
الاب: يابنتي خففي من الحركة الكتير عشان ربنا يكملك بخير واوعي تركبي الخيل مفهوم لانه ده خطر عليكي
سمر: سلمها لله يا بابا ربنا يسترها وما تخافش مش هاركب خيل خليك مطمن
الاب: ياااارب خلي بالك من نفسك ياحبيبتي عشان خاطري تمام
سمر: تسلملي يا بابا حاضر هاخلي بالي كويس وخرجت راحت لهاني وقالتله خلصت الشغل اللي بايدك ولا لسه
هاني: خلصت خلاص يالا عارفك مشتاقة للخيول
سمر: اوي اوي بس مش هاعرف اركب خيل عشان الحمل
هاني: ولا يهمك هاركبك بس انا اللي هامسكه بيكي عشان ما يجريش تمام
سمر: بجد يا هاني وراح قبلته وقالتله تسلملي يا احلى هاني بالدنيا يالا نمشي طيب
هاني: على مهلك طيب ده كله عشان هتركبي خيل
سمر: ايوا طبعا يعني انتا مش عارف انا بحب الخيل اد ايه
هاني: عارف ياقلبي يالا بينا
وذهب للمزرعة سويا لكي يتفقد العمل فيها يعدما خسروا صفقة المواشي التي اخذها منهم جاسم علم الدين


--------------------------
ونروح لعند فارس مرة اخرى بالشركة انهى عمله مبكرا لكي يذهب إلى شمس بالمستشفى من اجل استلام شحتة الاجهزة الطبية فقال للسكرتيرة انا خارج مشوار ومش هارجع على الشركة تاني لو فيه اي جديد اتصلي بيا علطول
السكرتيرة: حاضر يافارس باشا
وخرج فارس وركب سيارته وذهب لشمس المستشفى وصل الى هناك وذهب مباشرة الى مكتب فوجدها جلسة على الكرسي الذي بالمكتب ممسكة برأسها لانها تشعر بالصداع من تعب العمل فقال لها مساء الخير ياحبي مالك تعبانة ولا ايه
شمس: مساء الورد ياحبيبي لا ياقلبي دي شوية صداع خفيفة اخدت مسكن وهيروح دلوقتي انتا اتأخرت ليه
فارس: سلامتك ياقلبي لو تعبانة اروح استلم انا الاجهزة لوحدي
شمس: لا مش هينفع لازم اكون موجودة عشان الصفقة باسمى
فارس: طيب خلصتي شغل ولا لسه
شمس: خلصت ياحبيبي هي كانت عملية واحدة وخلصتها
فارس: طيب يالا بينا مش عايزين نتأخر اكتر من كدة لازم نجيب الأجهزة النهاردة عشان نخلص التجهيزات النهائية للمستشفى ونفتتحها بقا كفاية تأخير عايزين نخلص من الافتتاح عشان ارتاح بقا
شمس: طيب ياقلبي اصلا انا خلصت من بدري ومستنياك عشان نروح سوا نستلمها مش هايزة اروح من غيرك فارس: طيب يالا بينا ياعمري كفاية اتأخرتي بسببي
شمس عليه طيب يالا بينا ثم خرجا وركب سيارت فارس وذهبا لاستلام الاجهزة الطبية ووصلا المينا وانهسا الاجراءات ثم حملوا الاجهزة بالشاحنات واتجهوا بها فورا الى المستشفى وكان الفنيين موجودين مع الاجهزة وعلى رأسهم المهندسين المتخصصين بالاجهزة الطبية وتركبيها وكيفية تشغيلها وصلوا المستشفى وانزلوا الاجهزة وبدأوا بتركيبها وتجهيز المستشفى ففارس يسأل احد المتخصصين بتركيب الاجهزة قائلا له هي الاجهزة بتاخد وقت اد ايه في التركيب يا باشمهندس
الهمندس المختص: يعني من اسبوعين بالتمام
فارس:طيب ماينفعش قبل كدة
المختص: ازاي يا يا باشمهندس حضرتك سيد العارفين دي اجهزة طبية ولازم تاخد وقت ولسه هنجربها دا اسبوعين قليل جدا كمان بس عشان الدكتورة شمس طلب نستعجل فجبت معايا فنيين وعمال كتير عشان نقدر نخلص بسرعة
فارس: طيب شدوا حيلكم معانا عايزين نعمل الافتتاح بعد ما كل حاجة تتم بيوم واحد بس بالكتير مش عايزين نأخر شغل المستشفى اكتر من الاسبوعين دول في ناس كتير متربصة
المهندس: ازاي يعني متربصين
فارس: لا اقصد انه في مرضى هتكون المستشفى طوق نجاة بالنسبالهم من مستشفيات الجزارة الخاصة اللي بتخرب جيوبهم ومش بيراعوا ظروف الناس
المهندس: يعنى حضراتكم هتعملوا فيها قسم خيري
شمس: لا مس قسم واحد كل الاقسام قيبقى فيها قسم خيري وبأجر رمزي للناس الغلابة
المهندس: ربنا يكرمكم يارب وانا والفنيين والمختصين اللي معايا هنشارك بالجزء الخيري دا من أجرنا
فارس وشمس: ربنا يحفظكم ويبارك فيكم ثم اكملت شمس قائلة بجد انتوا ناس محترمة بس مافيش داعي الحمد لله ربنا فضله كبير علينا
المهندس: لو سمحتي يا دكتورة شمس ما تحرمنيناش من الصواب ده دي حاجة بسيطة بالنسبة للخير اللي حضراتكم هتعملوه كل يوم مع الناس الغلابة
فارس: خلاص ياشمس ما تكسفيشهم
شمس: طيب بس كلكم مدعوين على الافتتاح وكمان لو اي حد تعب منكم لا قدر الله او اي حد من قرايبكم المستشفى فيه كل التخصصات
الهندس: ربنا يزيدكم من فضله يارب ياريت كل الدكاترة ورجال الأعمال بيفكروا زيكم كدة انتوا فعلا ميثال للشباب المحترم والخلوق ربنا يجعله في ميزان حسناتكم يارب فرد كل العاملين آمين يارب
فارس وشمس: ربنا يحفظكم يارب نسيبكم تكملوا شغلكم بقا سلام عليكم
المهندس وكل العاملين: عليكم السلام وبعد ان تركوهما وذهبا إلى مكتب شمس
فشمس بتقول لفارس عايزين نبدأ بقا في الاعلان عن المستشفى عشان الناس تعرف انا مارضيتش اعمل اعلان الا لما الاجهزة توصل ونبتدي بتركبيها
فارس: عين العقل انا هاتصل بكام صحفي واعلامي كدة علشان ينزلوا اعلان بالصحف عندهم وهانزل اعلان على صفحت الشركة وصفحتي عشان الكل يبتدي يعرف
شمس: وانا هاعمل اتصالتي بشركة دعاية واعلان عشان تعملنا الاعلان بتاع المستشفى هنعمل اعلان تجريبي كدة لحد الاجهزة ماتتركب كلها وبعدين نبقي نصور المستشفى بالكامل وننزل اعلان بالتليفزيون والفصائيات والسوشيل ميديا وعلى صفحت المستشفى كمان وصفحتي
فارس: ربنا يوفقنا يارب ويسترها من اللي جاي
شمس: اااه ربنا يسترها من الجاي فعلا انا كل اللي خايفة منه ردت فعل جاسم لما يعرف خايفة يعمله لعبة مجنونة من الاعيبه
فارس: ما تخافيش مش هيقدر يعمل حاجة انتي مهما كان اخته يعنى مستحيل يعمل تصرف يؤذيكي او يؤذي شغلك
شمس: عارفة ده بس برضه خايفة ممكن غضبه يعميه ويعمل حاجة بالمستشفى او الأجهزة جاسم غضبه صعب اوي
فارس: ربنا يستر بقا المهم ما تقلقيش وتقلقيني معاكي ياقلبي اكيد جاسم مش هيتجنن ويعمل حاجة انتي في لاول والاخر أخته ومستحيل يعمل حاجة تضرك حتى عشان خاطر عمي عزت وطنط اكيد هيعملهم حساب وربنا يسترها من عنده بقا
شمس: يااااارب المستشفى دا حلم حياتي لو حصل حاجة انا ممكن اموت فيها
فارس: ياقلبي بعيد الشر عنك ماتقوليش كدة قولي يارب يهديه ويعديها على خير
شمس: يااارب يااارب يااارب كملها على خير يارب واهدي اخويا جاسم لما يعرف


---------------------
اما عند عند صلاح بالشركة
بعد ما جاء طقم السكرتارية الجديد للشركة وبعد ما خبص صلاح وزعلت منه هند وجري وراها عشان يصالحها
فصلاح بيسأل عمر وزعت طقم السكرتارية على الماكتب ولا لسه
عمر: وزعتهم كلهم إمبارح بعد ماروحت ورا هند تصالحها هههههه
صلاح: بتضحك على ايه يا عمر باشا
عمر: ههههه على شكلك وانتا بتجري ورا هند كان شكلك زي الطفل اللي بيجري ورا امه وخايف منها ههههههه
صلاح: بضحكت كدة زي الاستهزاء ههههه لما نشوف حضرتك هتعمل ايه يا عموري طيب بزمتك كدة مش حبة مزززز تخبل برضه ولا انتا ايه رأيك
عمر: يابني اهمد بقا بدل هند ماتسمعك تاني وتبقى مشكلة بجد والمرادي مش هتسامحك وهتزعل منك بجد بكل الهزار ده بقا واحترم غياب مراتك افضل من العك بتاعك ده
صلاح: ياعم كبر دماغك ادينا بنضحك وبنفرفش عن نفسنا شوية وبعدين ده ماله ومال الاحترام انا ما قللتش من احترام هند ابدا ولا عمري هاقلل من احترمها طول عمري بس انا بحب الهزار والضحك
عمر: الهزار والضحك مش على حساب كرامة مراتك انا صاحبك واخوك وبقولك كدة لمصلحتك هزارك ده هيزعل هند منك الست مهما كان ما بتحبش جوزها يجيب سيرة واحدة ويمدح في جملها قدامها او من وراها حتى لو بهزار افهم بقا
صلاح: طيب خلاص ياعم المصلح الاجتماعي مش هنزر تاني بالكلام ده
عمر: ربنا يكملك بعقلك ياحبيبي يالا بقا خلينا نشوف شغلنا وقولي انتا راجعت أوراق شحنة مواد البناء ولا لسه
صلاح: راجعتها وكل الامور ماشية تمام ما تقلقش والشحنة هتوصل بعد عشرين يوم بس خايف جاسم ينطلنا فيها وياخدها مننا زي ما عمل قبل كدة معنا ومع عمي عزت في صفقة المواشي
عمر: ما تخافش الشحنة كبيرة عشان كدة اتفقنا مع الموردين اللي بنتعامل معاهم هم اللي مسؤولين عن توصيل الشحنة للمخازن بتاعتنا يعنى اي حاجة هتحصل هم اللي مسؤولين وهيتحملوا كل حاجة واحنا مش هنخسر حاجة حتى لو جاسم فكر يلعب معانا
صلاح: مانا عارف كل ده يا عمر بس برضه خايف وربنا يستر والشحنة توصل بالسلامة من غير مشاكل احنا مش حمل خساير تانية دا احنا ماصدقنا وقفنا على رجلينا من تاني
عمر: ربنا يستر بقا ويعديها على خير يااارب بس انا اللي مخوفني موضوع ملك خايف عليها من ماجد لما يعرف اللي عملته ممكن يتجنن ويؤذيها
صلاح: لييه هي ملك عملت ايه مع ماجد عشان يتجنن ويؤذيها يعني
عمر: لعبة عليه لعبة وخلته يمضي على اوراق تنازل عن كل حقوقه بالشركة وعن كل اسهمه
صلاح: ازاي عملت كدة وامتا عمر: هاحكيلك كل حاجة بالتفصيل عشان نشوف ازاي نحمي منه ومن جاسم وكمان البنت الغلبانة اللي ملك حطتها طعم لماجد وحكى لصلاح كل الموضوع بالتفصيل وبعد ان انتهى قال له هي دي كل حاجة ومن وقتها وانا خايف على ملك اوي
صلاح: اوووبس والله وطلعتي خطر ياملوكة وبتعرفي تلعبي من ورانا واحنا ما نعرفش هي قالتلي انها هتعمل معاه لعبة تخليه يخسر بيها كل حاجة بس ماخطرش ببالي تعمل كدة اطلاقا ياسلام نفسي اشوف شكل جاسم وهو بيسمع الخبر ولا شكل ماجد لما يلاقي نفسه خسران كل حاجة ده هيبقى شكلهم يشفى الغليل اوي
عمر: تصدق انا غلطان إني حكيتلك بقا انا حكيتلك عشان نلاقي حل ازاي نحمي ملك والبنت الغلبانة دي من ردت فعل جاسم وماجد وانتا كل اللي هامك تشوف وش جاسم وماجد الزفت دول
صلاح: ما تخافش إحنا نخلي معاها حراسة أمنية علطول عشان تحميهم منهم ما تقلقش انتا بس
عمر: هي فكرة كويسة بس برضه خايف عليها اوي جاسم ده مجرم وممكن يعمل اي حاجة عشان يرد الضربة علينا
صلاح: يابني م اتخافش وتخوفني معاك ملك بمية راجل محدش يقدر يعملها حاجة حط ببطنك بطيخة صيفي وبعدين مش هنخليها تخرج لوحدها من غير حراس بعد النهاردة
عمر: ربنا يستر بس فكرة الحراسة دي هتطمني شوية انا من بكرة هاجبلها حراسة خاصة تفضل معاها علطول ومش هاخليها تطلع لوحدها تاني خالص

_________________

وعند جاسم بعد ما عرف انه شمس وفارس بقوا شركاء بالمستشفى وبعد ما راح لها الفيلا واتخانق معاها وقالها انها تنسى انه ليها اخ اسمه جاسم وشمس زعلت من كلام اخوها ليها وفضلت تبكي وجاء فارس بعد ما جاسم مشي ولاقى شمس بالصالون بتبكي وحماتها بتهدي فيها وبتقولها طولي بالك يابنتي هو بس زعلان شوية وبكرة هيهدى ويصالحك ففارس سألها ايه ياشمس فيه ايه
شمس:جاسم عرف بموضوع المستشفى وجه هنا وهو غضبان مني اوي وقالي كلام وجعني اوي يا فارس
فارس: طيب اهدى ياقلبي وبعدين ما احنا عارفين ومتوقعين كل ده من الأول
شمس: ايوا بس الواقع صعب اوي ده قالي انسى انه ليكي اخ اسمه جاسم
فارس: استهدي بالله وبطلي بكى جاسم اخوكي وهيفضل اخوكي وكلامه من عضبه وعصبيته بس ولما يهدى هينسى الكلام ده كله وبعد يومين راحوا زيارة لاهل شمس فجاسم جاء من الخارج وجدهما جالسين مع الام والاب وشمس بتحكي ليهم عن كلام جاسم وزعله منها والكلام اللي قاله ليها فالاب قالها معلش هو جاي دلوقتي وهتتصالحوا
فجاسم قال لا مش هنتصالح يا بابا هي اختارت وخلاص ورفضت تشارك اخوها وراحت تشارك الغريب وانا مش هاسامحها ولا هصالها ابدا وبعدين كمان عامله المستشفى خيري اومال هتلمي كل اللي صرفتيه ازاي يا خيرية هانم
شمس: عرفت ليه رفضت اشاركك دلوقتي ياجاسم
جاسم: عرفت يابنت امي وابويا بس زي ماقولتلك انسى انه ليكي اخ ياشمس واشبعي بشاركتك مع الباشمهندس فارس باشا
فارس: قاعد كل ده بيراقب ومبسوط من منظر جاسم وحاسس بالنصر انه قدر يوصله للحالة دي وبيقول في نفسه ولسه التقيل جاي ورا يا جاسم علم الدين وهبقى موجود برضه وهاشوف وشك لما مشروعك يخرب ويترفض وبعدين رد على جاسم وقاله اهدى يا جاسم الأمور مابتتحلش كدة وانا مش غريب يا جاسم احنا برضوا شركاء مع بعض وشمس مراتي وامي اولادي إن شاء الله ومشاريعنا وفلوسنا واحدة وبعدين برضه زي ماهي قالتلك انا دعمتها بس لكن ده شغلها اللي بتحبه وتقدر تديره لوحدها بجدارة واحنا قبل ما نبقى شركاء اتفقنا اني مش هادخل في امور الادارة خالص وهي تعمل اللي تشوفه صح في شغلها شمس ذكية وشاطرة وبتحب الخير للناس وده اكتر شيء خلاني احبها واتجوزها
الاب: فارس قاله ربنا يخليكم لبعض يابني وانتا يا جاسم اهدى يابني انتا عندك شغلك اللي بتفهم فيه وامور المستشفيات شمس ادرى بيه وفارس فاهم عقلية شمس وعارف هي بتحب شغلها اد ايه والموضوع بالنسباله دعم ليها وبس مش مكسب وخسارة
جاسم: يعنى كدة طلعت انا الشيطان وفارس هو الملاك مبروك عليك يا فارس باشا على العموم انا قولت اللي عندي اشبعوا ببعض وسابهم ومشي طلع اوضته

وبعد لما جاسم ما مشي ردت الام قالت لفارس وشمس ماتزعلوش من جاسم هو عصبي وغضبه وحش بس هو بيحب شمس وبيخاف عليها هو بس اخد على خاطره من رفض شمس للشراكه بينهم قبل كدة وانتا يا فارس متزعلش من كلام جاسم هو لما يهدى هيرجع لطبيعته تاني
فارس: عارف يا حماتي ولا يهمك انا مش زعلان منه هو بيتكلم كدة من عشمه هو كان نفسه يشارك اخته بس شمس ليها تفكيرها المختلف عن جاسم وخصوصا في عالم البزنس جاسم بيحسبها بالمكسب والخسارة لكن شمس بتحبسها بالمنفعة اللي هتعود على الناس الغلابة وبنفس الوقت ما يضرش بمكسبها برضه هو لو كان فهم عقل شمس وتفكيرها ما كانش زعل منها لما رفضت
الاب والام: فعلا يابني معاك حقك
شمس: عرفتوا بقا انا وفارس بنفكر ازاي ياريت جاسم بيفكر كدة ما كنتش رفضت مشاركته ابدا ....

يتبع .

___________________
# بقلمي

عمر يحيى