البارت 5

البارت ( 5 )
انا حرة
حبيبة عبدالله
...................................................................
.........................................................
لوليتا

بعد ما قطعت الورقة
قعدت افكر وافكر ازاي اخرج من المكان ده
طبعا فكرت اني اسمع كلامه عشان اخرج كنت مسحاها من دماغي لان لا يمكن ان اسمع كلامه تحت اي ظروف

ف قررت افضل علي موقفي لحد ما يزهق ويخرجني

وفات ساعة سعتين تلاته اربع لحد ما خلاص بطني كانت بتوجعني من قلت الاكل
ف قومت من مكاني و دورت ف شنطتي علي طرحة و لفتها علي بطني عشان اكتمها بيها
ورجعت تاني مكاني

ومن كتر التعب و الجوع نمت علي نفسي

صحيت تاني يوم تقريبا وانا علي نفس الحالة ولكن لقيت الباب ملزوق عليه ورقة ومكتوب فيها

(قدامك لحد اخر النهار بصي علي الساعة وانتي هتعرفي الوقت،

لو موافقتيش علي الشروط يبقي متلوميش إلا نفسك لان ببساطة انا جهزتلك عذاب تاني خالص ولا عمرك هتشوفي
وعلي فكره من غير ولا نقطت دم)

لفيت وشي النحيا التانيه و انا بستهزاء

:عذاب تاني هتعمل اي يعني هتسلخ جلدي ولا هتقطعني حتت
اعمل الي تعمله مبيهمنيش ولا عشرة زيك يقدره علية

اتعمدت اني ابقي بارده وخصوصاً لمه لمحت بطرف عيني كاميرة مراقبة

حاولت استفزه علي قد ما اقدر ف قومت و فتحت الشنطة بتعتي وطلعت منها علبة السجاير وولعتها وفضلت اشرب في السجارة ب طريقة مستفزه

وبعد ما خلصت السجارة طفتها في ملايت السرير

وضحكت بهستيرية عشان انرفزه اكتر

بس لقيت ان ولا حتى عبرني وخصوصاً ان عدا ربع ساعة
ف فكرت ف فكرة شيطانية وهتجيب من الاخر

استغليت اني معايه الولاعة الي بولع بيها السجاير و روحت مولعه في ملايت السرير كلها و في الهدوم و كل حاجه تطولها ايدي لغاية ما بقت الاوضه في ثانيه قايده حريقة

وقفت عند الباب وانا شايفة الاوضة بتولع
و في لحظة عيني لمعت من منظر الحريق الي عملته

وفات دقايق لحد ما النار كانت خلاص هطولني و تحرقني
و بين ثانيه و التانيه لقيت الباب اتفتح بسرعه و حد بيدور عليه طبعا لان انا كنت ورا الباب ف مكنش شايفني من الدخان
ف استغليت الفرصة و خرجت بره الاوضة وطلعت اجري علي السلم لغاية ما شوفت الحارس التاني في اخر السلم
جيت اطلع تاني لقيت الحارس الي انا سبته في الاوضه واقف اول السلم

مبقتش عارفة اتصرف ازاي لا عارفه اطلع ولا عارفه انزل

ف فضلت ثابته في مكاني
و الي تحت طلع علي السلم و مسكني من دراعي
كمان الي فوق مسكني من دراعي التاني
استسلمت مؤقتاً لحد ما اعرف اخطط ل حاجه تانيه

المهم اخدوني الاتنين لجنينة الفيلة

ف لقيت د. زياد قاعد علي كرسي و حاطت رجل علي رجل وبيبصلي بتفحص نزل رجليه من علي من علي الكرسي و قالي بتمهل

:وبعدين

رديت عليه

:وبعدين اي

:هتفضلي كده تعاندي لحد امتى

:لمه تزهق انت وترجعنى زي ما جبتني او سبني وانا هتصرف

:هتتصرفي ازاي

:زي الناس انت مستقل بيه لي انا افوت في الحديد واقدر اجيب اللقمه من بوء السبع

:انتي فكره نفسك في منطقتكم.

:الدنيا مش عايزه الطري ولامؤخذه

: اممم واضح ان التعامل معاكي هيبقي صعب اوي

:عشان كده بقولك وفر تعبك ده وسبني

قام وقف و قالي بهدوء

:بصي يا لُطفيه انتي مش هتخرجي من المكان ده غير لمه تبقي زي الوردة الي هناك دي

لفيت وشي لقيته بيشاور علي وردة بينك مميزة عنهم كلهم لان البقيين كلهم ورد لونه اصفر و هي الوحيدة الي لونها بينك

رجعت تاني ليه لمه لقيته بيقول

:ولحد ما هيحصل ده انتي هتتعملي معامله تانية لازم في الاول تبقي رافضه الموضوع لان انا غيرت روتين حياتك
لكن بعد كده هتتعودي واحده واحده. وصدقيني هتعرفي بعدين انك كنتي عايشه في الوحل

للحظه افتكرت الحلم الي حلمته قبل ما اسافر معقوله الحلم بيتحقق بنفس النمط

:مالك سرحانه في اي

بصتله بضيق وقولتله

:انا بحب حياة الوحل ومش عايزه ابقي وردة
ثم ان مين الي مخليك متأكد اوي اني هتغير في خلال شهرين

رد عليه بثقه

:انا متأكد اني هخليكي واحده تانية في خلال شهرين

غمضت عنيه وانا بفكر في طريقة للهروب و فجئه خطرت علي بالي فكره

:انا موافقة اني اسمع كلامك و ده هيبقى رهان بيني وبينك لو عدى شهرين و انا زي ما انا تكتبلي الفيلة دي ب اسمي و عربية احدث موديل و رصيد في البنك

رد عليه وهو بيبتسم بخبث

:وانا موافق هديكي كل ده

:طيب بس عشان كل حي يعرف حقه لازم تمضيلي علي الفيلة و العربية انك هتدهملي اصل انا بحب الحق

رد عليه بتنهيده

:تمام

.....................................................

لوليتا

بعد ما عملنا اتفاق صلح
طلعني زياد لغرفة تانية غير الي حرقتها
وكمان بعتلي اكل مع الخدامة و أكلت لمه مليت بطني علي اخرها وقررت انزل اتمشى شوية في الڤيلة و منه اعرف مخارجها ومداخلها

لان كنت محتاره اني اقعد واستحمل الشهرين عشان الفلوس ولا اهرب

قررت اكمل الشهرين لاني عارفة ومتأكدة ان عمر ما حد هيعرف يغيرني ولو درجة واحده

المهم قعدت علي المرجيحة الي في الجنينة

وفضلت اهز رجلي لحد ما لقيت البنت الخدامة الي اسمها تاليا جيه عليه ومعاها صينيه وعليها كوبايتين

حططهم قدامي و مشيت من غير ولا كلمه

بصيت علي الكباية لقيت واحده فيها مياة و التانية فيها مشروب شكله غريب

و لكن لفت انتباهي ورقه تحت الكبايه
سحبت الورقة وفتحتها. لقيت مكتوب فيها.

(" بابونج" ده هيبقي مشروبك اليلي كل يوم ياريت تتعودي عليه لان كل يوم هتشربي كوباية تمام الساعه 8 ب الدقيقة)

بصيت فيه وانا مبتسمه.بستهزاء وقولت في سري

:يااا سلام فاكرني مش عارفه يعني اي."البابونج "
فاكر نفسك ناصح وهتخليني اشرب اعشاب مهدءة

البابونج ده عشب بيعالج العصابية المفرطة و السلوك العام
ماما كانت بتدهوني وانا صغيرة عشان يخفف كل الي انا كنت بعمله طبعا ماكنش بيأثر فيه

المهم اخدت الكباية وكنت لسه هرميها في الارض بس لمحت زياد بيبص عليه من بلاكونة الفيلة

ابتسمت في غيظ و اخدت الكباية وشربت شويه ورجعت الكوباية تاني مكنها

...............................
علي نفس الصوت المزعج الي يصحي اجدع فيل
وهي الزمارة بتاعت الساعة 6 صباحاً

بصيت علي الساعة لقتها 6 ب الدقيقة

افأفت في ضيق و قومت لبست الشبشب الي جنب السرير
و كنت لسه هنزل بس افتكرت اني مستحمتش زي ما قال سي السيد
جزيت علي اسناني و رجعت تاني للحمام استحما

وبعد ما خلصت لبست بنطلون برموده و عليه تشرت بنص كم و لفيت شعري كحكه

جيت احط مكياج ملقتش خالص مفيش اي مكياج

جيت ادور في الشنطه

اااخ انا نسيت اني حرقت الاوضه وتلاقي كل حاجه اتحرقت

اخدت نفس عميق و بعدين نزلت عادي علي السلم

وزي المعتاد لقيت زياد قاعد علي السفره في المقدمه وبيفطر وفي نفس الوقت ماسك كتاب ف ايده وبيقراء فيه
شديت الكرسي و قعدت و مسكت نفس صباع الفينه

:البني ادمين لمه بيصحه من النوم اول حاجه بيقولوها
صباح الخير
good morning

Bonjour

:ولا يكون عندك فكره جوود مورننج عليك

رد عليه بشمئزاز

:اي جود مورننج دي اسمها جود مورنينج واضام مش عرفه تنطقيها يبقي قولي صباح الخير

جزيت علي سناني وقولت ببتسامه سمجه

:انشاااله

:وعلي فكره الفطار بيبتدي 7 ونتي جيه 7 و 20 عملتي اي في الساعه و تلت اكيد مكنتيش مبتسحمي في كل ده

:انت حاسبها علي الوحده وبعدين مفيش حد في الكون بيفطر 7 الصبح

رد عليه

:الصحيان بدري ليه سبع فوايد كمان العادات و التقاليد ليها فوايد

:نينينينينييي

:افندم بتقولي حاجه

:لا بقول اني خلاص شبعت

:مش هتشربي شاي او قهوه

:لا مبحبهمشي

:اسمها مبحبهمش بلاش تزودي حروف وتنقصي حروف

وقبل ما ارد عليه لقيته قام و قالي

:ياله عشان في مشوار هنعمله

:مشوار اي ده

:لمه نروح هتعرفي

خرجت معاه و ركبنا العربيه

وصلنا لمكان شبه مول
ركن العربيه و نزل ونزلني معاه

دخلنا المول و.طلعنا الدور التاني

والي كان باين انه جيم. وصاله العاب

فضلت قعده علي الكرسي خمس دقايق لحد ما زياد رجع من اوضه من الاوض وهو معاه بنت طويله ونحيفه جداا

ابتسمتلي وقالتلي

:هااى

ابتسمتلها بسماجه

لقيت زياد بيقولي وهو بيشاور عليها

:لينا هتبقي المدربه بتعتك

رديت عليه ب عدم فهم

:مدربت اي

:زومبا رقص الزومبا و فنون اليوجا

مكنتش فهمه ولا اي حاجه بس قررت استنا للاخر

المهم سبني زياد مع الي اسمها لينا

و شاورتلي علي اوضه من الاوض

ف دخلت وراها لقيت 5 بنات وقفين قدام مرايه و بيتحركه. بصوره وحده

قالتلي شوية كلام مش مفهوم بس الي فهمته لمه قالت في الاخر
زومبا

المهم دخلت معاها وحاولت اقلده بس معرفتش و شويه واتخانق معاها لحد ما جت بنت من البنات و قعدت تضحك عليه

ف اتغظت منها و طلعت اجري وراها عشان اضربها و هي تجري

المهم خرجت بره الجيم وانا جريت وراها

و نزلنا المول وهي كانت خيفه جداا مني لدرجت انها كانت بتصرخ بهستيريه

لحد ما وقفت قدام راجل وقعدت تعيط و تقوله كلام ب لغتهم وهو يرد عليها ولمه جه سئلني معرفتش ارد

ف بصلي بضيق و زقني من كتفي

وهنا خرجه لوليتاااا بنت الحواري

و قلبت الدنيا ومقعدتهاش ...........

حبيبه عبدلله(مفيده)