اللعب مع الكبار البارت 5

رواية
اللعب مع الكبار
البارت ال 5




*************************
نكمل من حيث انتهينا البارت اللي فات
ملك بص يا عمر انا جاي اخد رأيك في خطة هتوقع ماجد في شر اعماله
نظر عمر اليها باستفهام وسألها:خطة ايه دي ياقلبي وازاي اوعي يا ملك تعرضي نفسك للخطر بسبب شخص حقير ذي ماجد ده
ملك : لا طبعا ياقلبي متخافش عليا انا هبقى بره الصورة انتا عارف ماجد هو واحد لعبي ونسونجي وعينه زاغية فانا فكرة ادخله من النحية دي
عمر: ازاي يعنى وهعملتي ايه
ملك :بص بقى انا هاحكيلك الخطة كلها من الألف الى الياء
ثم بدأت ملك بشرح خطتها بالتفصيل لعمر وما ستفعله مع ماجد حتى تسترد منه حقوقهم التي استولى عليها هو وجاسم
عمر بابتسامة اثنا عليها واردف قائلا : ياذكائه ياذكائه الله عليكي يا ملوكتي ياقمر ايوا كده اهي دي الدماغ ولا بلاش بس المهم تفضلي بره الصورة انا خايف عليكي منه برضه لانه اكيد لو حس او عرف ممكن يلعب عليكي لعبة قذرة او يؤذيكي وانا ماتحملش تتأذي منك شعر واحدة تمام ياقلب عمر
ملك وقد ابتسمت من اطراء زوجها وخوفه عليها قالت :تسلملي ياروح وقلب ملوكتك متخافش ياعمري ربنا يستر المهم ناخد حقنا منه ونعلمه درس ما ينسهوش طول عمره
ثم سألته عن المشروع قائلة : لكن قولي بقا عملت ايه بمشروع القرية طمني
وبتأثر وحزن واضح رد عمر قائلا : مانتي عارفة السيولة ضعيفة اوي ومش هتكفي المشروع خالص
ملك بتأثر وحزن هي ايضا على خسارة زوجها لمشروعه قالت :ما فيش فايدة يعني
عمر وهو يهز رأسه بأسى: للأسف ما فيش اي امل حاليا
ملك وقد قامت من على كرسيها ووقفت خلف عمر وهو جالس على كرسيه واحتضنته ووضعت رأسها على كتفيه من الخلف وقالت له بحب وصوت حنون : ما تزعلش نفسك يا عمري ثم اردفت قائلة : اوكي اقولك حاجة خلينا نفكر ونلاقي حل للمشكلة ونحاول نجمع سيولة كافية نكمل بيها المشروع واكيد ربنا هيحلها
عمر وضع يديه على يديها وهي لازلت خلفة ثم قال لها :لا يا حبي انا واخد قروض بضمانات كتير ولازم نسدد عشان البنك ما يحجزش على كل حاجة دي اقساط البنك كبيرة ولازم تتسدد بميعادها بدون اي تأخير
ملك وقد التفت من وراء عمر وجلست امامه على المكتب وامسكت يديه واكملت حديثها قائلة: يعنى هتعمل ايه هتوقف المشروع تماما
عمر وهو يربت على يدي ملك ويبتسم بحب لها اه يا قلبي هوقفه ونكتفي بالمشروع السكني وخلاص والسيولة اللي تتجمع معانا نسدد منها اقساط القروض ونكمل مشروع الاسكان
ملك :اوكي بما انه هتوقف المشروع فلازم نشتغل اكتر ونخلص موضوع صفقة المواد التموينية وصفقة المواد الخاصة بالبناء دول الاهم دلوقتي لانهم كبار وهيعوضوا خسايرنا إن شاء الله
عمر :ما احنا خلصناها انا وصلاح واتفقنا انه هو اللي هيستلمها عشان شركة المقاولات باسمكم انتي و صلاح
ملك وبزعل مصتنع تحاول به اخراج عمر من حالة الحزن والتأثر بخسارة مشروعه تحدثت بزعل وعقدت حاجبيها واردفت قائله :وما قولتليش ليه يا عمر انكم خلصتوا الاجراءات ولا خلاص ملك مش هتعرف تساعدك يعني
اقترب منها عمر ووضع يديه حول خصرها وهي لازلت تجلس على مكتبه ثم بصوت حنون قال لها :معقول يا قلبي لا طبعا انا عارف انك ادها وتقدري بس انتي كنتي تعبانة يا قلبي بعد وفاة عمي وما كانش ينفع نأجلها خالص فاتفقنا انا وصلاح نعملها عشان نكسب وقت حقك عليا يا عمري
ملك ولا يهمك يا قلبي انا بس حابة اكون جنبك واساندك بكل حاجة بس المهم تكون صفقة خير يارب وتعوضنا شوية عن الخساير اللي خسرنها بسبب الزفت ده
قام عمر واوقف ملك واحتضنها وقبل جبينها ثم قال لها: ربنا يخليكي ليا يارب وتفضلي دايما جنبي بس
اطمني يا روحي احنا عملنا الصفقة باسمائنا يعنى خاصة بينا احنا التلاتة بس بعيد عن الشركة عملنها باسم شركة المقاولات ما رضيناش نعملها باسم الشركة المتحدة عشان الزفت ده ما يشاركناش فيها وياخد تعبنا وشقانا على الجاهز كده
ملك بجد فكرة روعة ثم جلست على الاريكة الموجودة بمكتب عمر وسألته والاستلام امتا
فجلس عمر بجوارها وقالها خلال اربع ايام بس
ملك ربنا يوفقك يارب ويعوضنا ثم نهضت وقالت

طيب اروح اخلص شغلى انا بقا واشوف البنت عملت ايه وقدرت تدخل في دماغ ماجد ولا لأ يالا سلام مؤقت يا حبي
عمر :سلام يا حبي خلي بالك من نفسك وانتبهي كويس
ملك بابتسامة : تسلملي ياعمري حاضر ربنا يستر
_________
نذهب إلى حازم لكي نعلم إلى اين وصلت التحقيقات معه
وفي النيابة
وبتعالي وكبر فارغين قال حازم للنائب وهو لايعلم بان وكيل النيابة جاءته توصيه بان يتعامل مع حازم الشريف كاي مجرم ولا يكترث لنفوذه ابدا وانه في حال اثبات التهم عليه سيعرض على المحكمة واذا ثبتت كل الادلة عليه سيسجن بالفعل ( يعني سلموه تسليم اهالي )


- حازم ممكن اعرف انا هافضل هنا لحد امتا كل شوية تمدولي ١٥ يوم انتوا مش عارفين نفسكم علقتوا مع مين انا لازم اخرج من هنا انا محدش يقدر يحبسني كدة بدون دليل

- النائب جالس على كرسيه ينظر إليه وهو مبتسم على تعاليه وغروره الكاذب ثم نظر الى حازم بكل حدة وحزم واردف قائلا ها خلصت الخطاب بتاعك يابوص ولا لسه في خطاب تاني هتقوله

- حازم بكبر وعجرفة فارغتين قال انتا ازاي بتتكلم معايا كده انا حازم الشريف اكبر رجل اعمال بالشرق الاوسط كله

- النائب عارفين حضرتك مين بالظبط ممكن بقا تقعد وتهدى ياحازم بيه عشان نخلص من ام التحقيق ده وعلى فكرة انا بالي طويييييل اوي فوق ماتتخيل يعنى باااااااارد اوي مع اللي زيك فاستهدى كدة وقول هديت والا هتشوف مني الوش التاني للنيابة

ثم قام من مكانه ووضع احدى قدميه على الطاولة امام حازم وقال له بصوت جهور ها احكي بقا قتلت حافظ وعادل ليه وكمان صلاح حاولت تقتله وغيرهم ليه وازاي

- حازم انا ماقتلتش حد ومافيش دليل يثبت اني قتلت حد والتسجيلات متفبركة ده مش صوتي

- النائب ضربا كفيه على الطاولة ضربة خفيفة وقال له

طيب سيبك من حافظ وعادل ومحاولت قتل صلاح قولي بقا تجارة البودرة والحبوب المخدرة وكل انواع المخدرات وعلى فكرة كل حاجة ثابته عليك بالاوراق وباعتراف رجالتك

- حازم كل ده مالوش اثبات ومعنديش رجالة يعترفوا عليا وانا مش بوص انا حازم باشا الشريف

- النائب بتأفف وضيق الله ماطولك ياروح

طيب هنشوف دلوقتي عندك رجالة ولا لأ ونشوف اعترافاتهم
ثم اشارة للعسكري لكي يفتح له النافذة التي بين مكتبه وغرفة التحقيق ثم ادخلهم واحد تلوى الاخر وبدأ باول راجل من رجاله وذراعه اليمين ومنفذ كل اوامره لقد تم القبض عليه وهو يحاول الهرب خارج مصر بهوية وجواز سفر مزورين

- النائب التاني ادخل المتهم واجلسه أمام ناظري حازم دون ان يعلم ان حازم يراه ويسمعه ثم جلس النائب وقال لحازم

يلا بقا احكيلنا ايه نوع الشغل اللي بينك وبين حازم الشريف

- الشخص بص يا باشا انا اعتبر الدراع اليمين لحازم باشا و.... فقاطعه النائب

من غير مقدمات كتير احنا عارفين انك الدراع اليمين لحازم ها انجز ايه نوع الشغل اللي كان بيطلبه منك حازم الشريف

- الشخص كل حاجة تخص المافيا

- النائب ازاي كل حاجة تخص المافيا اشرح بالتفصيل

- الشخص يعنى تجارة سلاح ومخدرات بجميع انواعها وقتل يعنى زي كدا

النائب ومين بقا الاشخاص اللي أمرك حازم تخلص منهم وتقتلهم لحسابه

- الشخص اول واحد كان حافظ المنصوري

- النائب وقتلته ليه وازاي

- الشخص ليه دي انا ما اعرفهاش اوي انما القتل كانت حادثة زي حادثة عادل عزت

بالظبط بس الفرق انه عربية حافظ اتقلبت في النيل بعد ماخبطتها اللوري من ورا

- النائب وصلاح مين اللي ضرب عليه نار

- الشخص دول اتنين من رجلتنا برضه وباوامر من حازم باشا

- النائب الأول ها ياحازم باشا عاوز ادلة تانية على فكرة كلهم اعترفوا نفس الاعترافات قبل كدة ومكتوبة انا بس حبيت اسمعك واحد منهم عشان تعرف انتا وصلت لفين ومالوش داعي اسمعك الباقيين

- حازم دول كلهم كذابين وعاوزين يوقعوني وانا عارف مين اللي وراهم وهاعرف احاسبه ازاي لما اطلع من هنا

- النائب خلصنا بقا انا صبري بدا ينفذ اعترف ليه قتلت حافظ وعادل وحاولت تقتل صلاح

حازم مش هاعترف بحاجة دول كلهم كذابين وعاوزين يوقعوني

- النائب بص بقا ومن الاخر كده كل الجرائم ثابته عليك وهتتحول للمحكمة الجنائية وهناك ابقى قول اللي عاوز تقوله

ثم قال للعسكري خدو يابني وديه الحبس لحد مايترحل بكرة ونخلص من القضية الزقت دي اللي مش عاوزة تخلص



--------------------------------------------------

اما عند فارس فقد ذهب للمحامي لكي يعرف منه سير التحقيقات مع والده فدخل مكتب المحامي والقى عليه التحية ثم سأله عن سير التحقيق قائلا

ايه يامتر اخبار التحقيق وصل مع بابا لفين

- المحامي رد التحية على فارس ثم قال له اتفضل يا فارس بيه استريح الاول


- فارس متشكر يامتر ها ايه الاخبار طمني


- المحامي بعتذر يافارس بيه كان نفسي اطمن حضرتك لكن للأسف الأدلة كلها بتثبت كل الجرايم على حازم باشا وكمان رجالته اعترفوا بكل حاجة وزي ماقولتلك في تسجيلات وفيديوهات بتثبت اعترفاتهم كلها


- فارس بحزن شديد واضعا يده على رأسه ثم اردف قائلا

يعنى ايه ومين اللي ورا ده كله مين اللي وقع بابا كده مستحيل بابا يكون مجرم ابدا


- المحامي بصراحة حازم باشا كان شاكك بل متأكد انه في حد ورا كل حاجة وهو اللي خلى رجالته تبيعه بالشكل ده وطلب مني اعرف مين اللي وراهم


- فارس طيب وعرفت مين اللي وراهم


- المحامي ايوا بس للأسف كانت الصدمة انه طلع جاسم علم الدين

- فارس بصدمة مما سمعه رد قائلا باستفاهم يعقبه الدهشة جاسم وانتا عرفت ازاي يامتر


- المحامي واحد من رجالة حازم باشا اللي مقبوض عليهم حاليا حكالي كل حاجة وقال انه جاسم وعده يسفره بره مصر باسرع وقت بهوية مزورة لكن اتقبض عليه وهو بيحاول يهرب هو وواحد تاني معاه واعترفوا بكل حاجة


- فارس طيب قالك مين هو الراجل ده واسمه

المحامي: ايو قال ثم قال له المحامي عن اسم ذالك الشخص وانه هو الذراع اليمنى لحازم باشا بالتعبير الدارج

- فارس طيب عاوزاك تجبلي إذن زيارة بكرة لبابا انا لازم اتكلم معاه وافهم منه كل حاجة وليه جاسم عمل معاه كده


- المحامي حاضر هاجباك اذن بكرة ونروح سوا لانه لازم اديله الاخبار اللي عرفتها ونشوف هنعمل ايه في القضية


- فارس تمام يامتر استئذن انا سلام عليكم

ثم بعد ان خرج من مكتب المحامي حدث نفسه قائلا بس اصبر عليا ياجاسم انا هاعرف اخد حق بابا منك ازاي


- المحامي وعليكم السلام


---------------------------------------------------

وباليوم التالي يذهب فارس لزيارة والده بالحبس ومعه المحامي ثم دلفا فارس الى الداخل وجلس ينتظر مجيء والده من محبسه

وبعد بضعت دقائق جاء حازم فهرع اليه فارس واحتضنه بشده وقال له بصوت حزين عامل ايه يا بابا وحشتنى


- حازم ضم ابنه وظل يربت على كتفيه واردف قائلا له

انا كويس ياحبيبي انتا عامل ايه وحشتوني كلكم ماجبتش ماما وشمس معاك ليه دول وحشيني اوي


- فارس معلش يا بابا هاجيبهم معايا المرة الجاية


- حازم جلس على الكرسي باسى وحزن وهو يقول هو لسه في مرة تانية انا زهقت من المكان ده هاموت هنا يابني



- جلس فارس امام ابيه وقال له
بعيد الشر عنك يا بابا معلش انا اسف مش عارف اعملك حاجة حاسس اني عاجز


- حازم ولا يهمك يابني اكيد هاخرج قريب من هنا انا ماعملتش حاجة ودي كلها مأمرة عليا


- فارس إن شاء الله هتخرج قريب يا بابا وترجع بيتك وشغلك وتنوره زي الاول واللي عمل كده هيتحاسب


- حازم نظر للمحامي وسأله
ايه يامتر عرفت مين اللي ورا ده كله


- المحامي عرفت يا باشا للاسف طلع جاسم علم الدين هو اللي خلاهم يعترفوا عليك


- حازم بعينين كلها شر ووعيد اردف قائلا جاسم طيب تمام


- فارس بنظرت استفهام وتعجب قال لابيه

يعني حضرتك ماتسغبرتش يا بابا لما سمعت انه جاسم عمل كده


- حازم يابني انا بقالي سنين بالسوق ده وعارف انه جاسم واحد يبيع ابوه عشان يطلع علي كتافه انا بس اللي متسغربله انه رجالتي اللي لحم كتافهم من خيري باعوني عشان عيل زي ده ديته رصاصتين ويخلص من الدنيا


- فارس لا يا بابا قتل لا انا هاعرف اخد حقك منه بطريقتي بس المهم ماحدش يعرف غيرنا انه هو اللي عمل كده تمام


- حازم هاتعمل ايه يا فارس خلي بالك يابني ماتعرضش نفسك للخطر عشاني


- فارس ماتقلقش يا بابا هو مايقدرش يعملى حاجة انا هاعرف اخد حقك منه ازاي


- حازم ربنا يخليك ليا يابني
ثم نظر للمحامي بنظرة حادة وقال له ايه يامتر فين شاطرتك سايبني لحد دلوقتي هنا ازاي


- المحامي باعمل كل اللي اقدر عليه يا حازم باشا بس حضرتك عارف في تسجيلات صوت وصورة وهي دي اللي ضاعفة موقفنا تجاه التحقيقات


- حازم بغضب وعصبية اتصرف يامتر دي شغلتك اومال انا بادفعلك الالوف دي ليه عشان تسبني مرمي هنا كده ثم رمقه بنظرة تحذير مانتا عارف انها متفبركة

- المحامي وقد فهم ما يقصده حازم بهذه النظرة رد قائلا بحاول يا حازم باشا بس الاجراءات هتاخد وقت هاحاول اطلعك بكفالة وضمان الاقامة


- حازم ماتحاولش يامتر انتا تنفذ علطول فاهم


- المحامي حاضر يا باشا ربنا يسهل ونقدر نخلي الزفت ده يغير اقواله قدام المحكمة


- فارس وده ينفع يعنى يامتر


- المحامي اكيد ينفع بس المهم نقدر نخليه يغير اقوله قدام القاضي وقتها نشوف شغلنا احنا بقا

المهم انه يقول انه اعترف تحت التعذيب او الارهاب النفسي


- فارس طيب اول جلسة امتا بالظبط

- المحامي بعد ثلاثين يوم بالظبط


- فارس طيب كده تمام ع شان نعرف نشتغل صح


- حازم هتعمل ايه يافارس اوعى تعرض نفسك للخطر بسببي


- فارس ماتخافش يا بابا ابنك سبع وهيعرف يجيبلك حقك
من الكل*ب ده


-------------------------------------------------


ونذهب الى سمر وهاني وبعد ان جاء ميعاد استلام الصفقة بعد توقيعها مع الموردين


هاني يلا ياسمسمة هنتأخر عاوزين نوصل بدري علشان نخلص قبل الليل ونستلم الشحنة


سمر طيب انا جاهزة اهو يلا بينا
وقبل ان يخرجا جاء إتصال لهاني من احد المسؤولين عن صفقة المواشي


الشخص احنا آسفين يا هاني باشا الصفقة تمت لصالح شركة تانية بسعر اعلى من اللي حضرتك مقدمه بكتير وده بيزنس زي ماحضرتك عارف


هاني وقد تغير وجهه جدا وظهر عليه الحزن والغضب


سمر سألته لما رأت وجهه تغير في ايه ياحبيبي مالك وشك اتغير ليه كده الاتصال ده من مين وقالك ايه


هاني بحزن للآسف الصفقة اتلغت وراحت لحد تاني ثم القى بنفسه على الكرسي ووضع يده على وجهه بأسى


سمر ااااايه ازاي ده ومين اللي اخدها


هاني مش عارف مش عارف انا كل همي دلوقتي هنقول ايه لعميي عزت ده كان حاطت امله كله بالصفقة دي ازاي هنقوله انها راحت


سمر جلست لجوار زوجها ووضع بدها على كتفه ثم قالت له مش عارفة خايف يحصله حاجة لما يعرف


هاني انا خايف اكتر منك
ثم وضع كل واحد منهما يده على راسه ولا يعلم ماذا يفعل في هذه المصيبة وكيف سيخبرا عزت باشا بهذا الامر وهما بهذه الحالة نتركهم ونذهب لعزت باشا

وقبل ما يخرج من المنزل ليذهب إلى الشركة جاءه إتصال من شخص ما

فرد عليه عزت قائلا صباح الخير يا باشمهندس ايه الأخبار الاولاد جايين النهاردة يمضوا اوراق الصفقة عشان يستلموا الشحنة


الشخص مافيش داعي ياباشا لانه الصفقة راحت لشركة تانية


عزت وهو مصدوم منا سمعه قال اييه انتا بتقول ايه هو إحنا مش مضينا مبدأيا على الصفقة وقولنا كل الاجراءات هتخلص عند الاستلام وندفع ونستلم


الشخص عارف يا باشا بس ده شغل اكبر مني انا وكيل لااكثر ولا اقل وجت شركة تانية دفعت اكتر بكتير من شركتكم ومضت الاوراق واستلموا جزء من المواشي كمان


معزت ومين الشركة دي


الشخص هو المفروض اني ما اقولش لانه دا مش من اختصاصي بس هاقولك لانك عزيز عليا بعيدا عن الشغل وانتا عارف يا باشا

هي الشركة اسمها الجاسم بتاعت علم الدين وابنه جاسم


عزت اااه كده فهمت طيب شكرا

الشخص انا اسف يا باشا بس حضرتك فاهم البيزنس ماشي ازاي


عزت فاهم وعارف مافيش داعي للاسف

سلام عليكم
واغلق مع الشخص واتصل بهاني كي يخبره عنما حدث كي لايذهبا


هاني لما رأ الاتصال نظر لسمر وقال دا عمي هاقوله ايه دلوقتي


سمر ماتقولش حاجة رد عادي وافتح الاسبيكر وربنا يحلها بقا من عنده بس ماتقولوش حاجة الا لما نروحله على الاقل نبقى جنبه ماشي


هاني حاضر ورد على عمه عزت وقال له ايوا ياعمي صباح الخير


عزت صباح النور تعالالي انتا وسمر مافيش داعي تروحوا مشواركم انا رايح الشركة دلوقتي هاستناكم


هاني نظر لسمر وقال لها شكله عرف ثم قال لعمه
حاضر ياعمي جايين اهو مسافة الطريق هنكون عندك


--------------------------------------------------

نيفين وبعد ما شفيت تماما وخرجت من حالة الاكتئاب التي كانت بها بسبب ذالك المدعو ماجد وعادت لحياتها من جديد وهم جالسون على السفرة يتناولون طعام العشاء وطلبت منه ان ترجع الى العمل من جديد


عمر بس انتي لسه تعبانة وخايف عليكي


نيفين:لا انا كويسة وحابة ارجع الشغل تاني
عمر: بس اااا


نيفين مابسش عارفة حضرتك تقصد ايه وخايف من ايه بس متخافش يا ابيه الموجهة افضل من الهروب مليون مرة وانا حابة اواجهه


عمر طيب ياحبيبتي ارجعي شغلك من بكرة لو حابة


نيفين اكيد حابة يا ابيه شكرا لحضرتك


عمر ولا يهمك ياحبيبتي المهم عندي تكوني بخير ياقلب ابيه


نيفين انا دايما بخير الحمد لله طول مانتوا جنبي ومعايا ربنا مايحرمني منكم ابدا ياحلى عيلة بالدنيا


الام بس يانيفو لو حسيت انك مش قادرة تكملي الشغل ارجعي البيت فورا وبلاش تضغطي على نفسك احنا ما صدقنا انك بقيتي كويسة


نيفين حاضر يا ماما ادعيلي بس انتي


الام بادعيلك ياحبيبتي دايما


--------------------------------------------------

نرجع مرة اخرى لهاني وسمر وبعد ان وصولا للشركة وذهبا إلى مكتب عزت باشا ثم طرقا الباب ودخلا


سمر قبلت يد ابيها وقالت له صباح الخير يا بابا


عزت صباح النور يا اولاد


هاني خير ياعمي


عزت انا عرفت كل حاجة ياولاد مافيش داعي تخبوا


هاني وسمر متزعلش نفسك المهم صحتك وكل حاجة بتتعوض



عزت بحزن شديد إن شاء الله بس كنت معلق امل كبير على الصفقة دي وللاسف اخدها جاسم علم الدين


هاني جاسم يعنى شركة علم الدين وجاسم هم اللي اخدوا مننا الصفقة طيب ليه بيعملوا كل ده ماكانوا اتفقوا في صفقة تانية غيرها ليه ياخدوا الصفقة بتاعتنا احنا بالذات


عزت دول يابني طول عمرهم كده دايما منافستهم غير شريفة واسالبيهم قذرة وشغلهم مشبوه وعاوزين يكوشوا على كل حاجة بسوق البزنس حتى لو مش مجالهم المهم ماحدش يعلى غيرهم في السوق


سمر طيب ليه كل الحقد ده من نحيتنا يعنى نخلص من حازم يطلعلنا جاسم وابوه


عزت دول ناس اتربوا على كده انتي ماشفتيش عملوا ايه مع عمك منصور لما مات بحصرته دول عاوزين ياخده كل حاجة في السوق لحسابهم

بس ربنا هيوقعهم ومنهم فيهم بعيد عننا وبكرة تشوفوا بنفسكم ربنا هيوقعهم في بعض وهياكلوا بعض ببعض



هاني معاك حق ياعمي ربنا هو المنتقم بس لازم نعوض الصفقة دي ونحاول نعمل صفقة تانية مع ناس غير دول


عزت اكيد هيحصل بإذن الله


-------------------------------------------------

وفي صباح اليوم التالي بالشركة بعد ان استيقظت

نيفين وبنشاط تجهزت ثم خرجت مع اخيها وذهبت الى الشركة وبدأت تمارس عملها ولكن الكل بالشركة كان ينظر اليها نظرات شفقة على حالها بعد الذي حدث معها من ماجد ذاك الكل كان يشفق عليها ولكن لم يجعلوها تلاحظ ذالك واثناء اليوم علم

ماجد انها عادت الى الشركة مرة اخرى من سكرتيرته التي على علاقة بها وحينا كانت

نيفين تسير بالممر ذاهبة إلى مكتب اخيها عمر قابلت ماجد وحاولت تتجاهله وكأنها لم تراه وتتخطاه دون إهتمام لكنه اوقفها واعترض طريقها ومنعها من المرور

فقالت له نيفين بغضب وهي تنظر الى اتجاه اخر ابعد من طريق سيبني اعدي احسنلك


ماجد بصوت ساخر اردف قائلا ولو ماسبيكيش تعدي هتعملي ايه هتصرخي يامامي يامامي ثم ضحك بسخرية

مما جعل نيفين ترفع عينيها وتنظر اليه بكره واحتقار كبير جدا ثم قالت له قولتلك ابعد عن طريقي


ماجد بنظرة سخرية قال لها ولو مابعدش ياقطة هتخربشيني


نيفين لم تتمالك غضبها وبصقت بوجهه وحاولت ان تمر لكن ماجد امسكها ورفع يده وكاد ان يصفعها على وجهها فباغتته ملك وامسكت بيده وبغضب رفعت صوتها وقالت له
انتا ازاي ترفع ايدك عليها انتا اتجننت انتا فاكر نفسك مين هنا انتا اكيد واحد مجنون نسيت نفسك ولا ايه فوق انتا ولا حاجة فاهم


ماجد نظر اليها بسخرية ايضا ثم نترا يده من يدها وقال لها لا مانسيتش يا ملك هانم انا الدكتور ماجد الحسيني وشريك كبير في الشركة هنا شكلك انتي اللي نسيت


ملك ههههه دكتور وترفع ايدك على واحدة فين الدكتوراة دي يا ماجد بيه فين اللي اتعملته بره فعلا التعليم مابينضفش الوسخين مهما اتعلمت هتفضل واحد قذر وجاهل

والشراكة اللي انتا فرحان بيها صدقني مش هاهنيك بيها فاهم

يلا يانيفين ثم اخذت نيفين وذهبت إلى مكتبها ولكن نيفين لم تكف عن البكاء فلما وجدتها ملك تبكي بشده احتضنتها وربت على كتفيها ثم طلبت لها عصير وقالت لها

ماتزعليش نفسك بسبب واحد حقير زي ده احمدي ربنا انك عرفتيه قبل الزواج وربنا هيعوضك باللي احسن منه يقدرك ويحترمك


نيفي ليه يعمل معايا كده ده كله عشان الفلوس والشركات هي البشر بقت مسعورة على الفلوس ليه كل حاجة فلوس فلوس وزادت في البكاء


ملك حاولت تهدأتها فقالت لها وهي تمرر يدها على شعرها اشش اهدى وخليكي قوية ماتبينيش ضعفك لازم يشوفك قوية ومتماسكة ويعرف انه مالوش قيمة عندك وانه كل*ب وراح


نيفين مسحت دموعها ولعتدلت في جلستها وقالت معاكي حق لازم اكون قوية واعرفه مين هي نيفين حافظ من خلال نجاحي بشغلي


ملك ايوا كد ه لازم نبقى اقوى منه عشان نعرف ناخد حقنا منه يلا اشربي العصير وروقي


نيفين شكرا ياابله ملك على وقفتك جنبي


ملك وهي تدور لتجلس على كرسيها قالت لها مافيش داعي للشكر انتي زي اختي بس ماتقوليش ل عمر حاجة عشان مايعملش مشاكل احنا في غنى عنها انتي عارفة دماغه


نيفين اكيد مش هاقول لابيه عمر حاجة اصلا هو مايستاهلش واقل من انه ابيه عمر يكلمه اساسا


ملك عليكي نور يالا بقى اشربي العصير وانسى الشخص ده تماما كأنه مش موجود ولا كان موجود اصلا


نيفين اوكيه


--------------------------------------------------

اما ببيت فارس وشمس بعد ان استيقظا من نومهما فشمس تلاحظ ان وجهه عابس وكأنه غضب منها في شيء فقالت له متسأله
هو فيه حاجة مزعلاك مني انا صدر مني حاجة ضايقتك من غير ماعرف



فارس لا طبعا ليه السؤال ده


شمس لانك متغير معايا اليومين دول وبطلت تحكي معايا زي الأول حتى مشروع المستشفى مااتكلمناش عنه بعد ما المباني جهزت واتفقنا على الأجهزة الطبية كمان وانتا حتى ما فكرتش تسأل عنه


فارس معلش يا شمس مانتي شايفة اللي انا فيه وموضوع حبس بابا وانا مش عارفة اعمل ايه عشان اقدر اخرجه من حبسته دي والشغل كله اتكركب عليا


شمس حاسة بيك ياقلبي بس انت بطلت تشاركني حزنك وهمك بقيت تيجي وتخرج من غير ماتحكيلي عن اي حاجة تعباك او مضايقاك


فارس اخذها بحضنه وربت على ظهرها وقال لها حقك عليا بس الضغط اللي عليا كبير وانتي شايفة بنفسك


شمس ياحبيبي انا عاوزة اكون الكتف اللي ترتاح عليه وترمي همومك وتعبك وضغط الحياة عليه مش تبعد كده


فارس عارف ياقلبي ربنا يخليكي ليا متخافيش كل حاجة هتتدبر إن شاء الله


شمس طيب احكيلي عملت ايه في موضوع عمي حازم وعرفتوا مين السبب ورا اللي حصله ولا لأ


فارس معلش ياقلبي سامحني هابقى احكيلك كل حاجة بالتفصيل بعدين ادينا لسه بندور وبنبحث عن الفاعل الحقيقي

فبالطبع فارس لم يريد ان يقول لشمس شيء عن اخيها لانه بالطبع يخشى ان يقول لها فلا تصدقه وتغضب منه او تبعد عنه بسبب اتهامه لاخيها

فحدث نفسه قائلا هتعمل ايه يافارس وهتقولها ازاي انه اخوكي هو اللي ورا ده كله وانك قررت تنتقم لابوك دا مهما كان اخوها ومش هتتحمل عليه حاجة


------------------------------------------------

صلاح بالشركة

ذهب لعمر في مكتبه ومر على ملك بمكتبها وقال لها

تعالي على مكتب عمر دلوقتي الحقيني علطول تمام


ملك جاية بس خير


صلاح خير تعالي بس وهتعرفي

ثم اجتمع صلاح وعمر وملك بالمكتب فقال صلاح دي أوراق صفقتين الأدوية ومواد البناء انا خلصتهم بسرية تامة عشان انتوا عارفين العينين اللي علينا


عمر طيب انتا متأكد انهم مش هيسربوا معلومات لجاسم ولا لغيره


صلاح متأكد يا عمر ماتقلقش اصلا المسؤولين عن الصفقتين بير اسرار واصدقاء قدام وبابا غالي عندهم جدا وخلصوا كل حاجة ومضوا الموردين على الأوراق وبعتولنا النسخة بتاعتنا علشان نمضيها وهنبعتهالهم بسرية كمان والتسليم بعد بكرة


ملك طيب مين هيستلم الشحنتين انتوا عارفين لو حد منهم عرف ممكن يعملوا اي حاجة ويدمروا الشحنتين زي ماعملوا مع عمي منصور وعادل الله يرحمهم


عمر ايوا صح كلام ملك مظبوط انت ضامن الناس دي كويس


صلاح الضامن هو الله بس انا واثق فيهم ماتقلقوش

ملك طيب جهزت المخازن الخاصة بالشحنتين


صلاح اكيد طبعا المخازن جاهزة وعليها حراصة وكاميرات ومؤمنة بأعلى وسائل الحماية والأمان متخافيش ياملوكة احنا المرادي عملنا حساب كل حاجة وربنا هو الحافظ بقا


ملك طيب الحمد لله يارب نقدر من خلال الصفقتين دول نعوض لو جزء كبيرة من الخساير


عمر وصلاح
إن شاء الله هنعوض كل حاجة بالتدريج


ملك تمام انا هاروح اشوف البت دي عشان في حاجات هاخليها تمضي ماجد عليها الليلة لازم يمضي على الأوراق دي الليلة باي شكل


عمر تمام خلي بالك ياقلبي اوعي الزفت دا يكشفها وتتأذي بسببنا


ملك ربنا يستر يلا سلام


-------------------------------------------------

اما عند جاسم

إتصل باجاك صديقه فقال له كيف حالك ياصديقي

جاك تمام ياصديقي


جاسم انا بعتلك نصيبك من الصفقة الاخيرة ياصديقي وصلتك


جاك وصلت ياصديقي


جاسم مرضي ولا النسبة قليلة


جاك لا كله تمام


جاسم شاكر افضالك ياجاك انتا فعلا صديق
مخلص


جاك مافيش داعي للشكر احنا شركاء ياصديقي والمصلحة واحدة زي ما بتقولوا بمصر

جاسم اكيد طبعا

يتبع .

___________________
# بقلمي

عمر يحيى