الحلقةالسادسة

حوريه بغيظ:اقوله مين إن شاء الله.
المتحدث:لارا.
حوريه بغضب منها:ثانيه واحده.
لتطرق حوريه على الباب ويسمح لها ادهم بالدخول و وجها لا يبشر بالخير.
أدهم في نفسه باستغراب: يا ساتر يارب اي البوتجاز ال داخل ده. احم في حاجه يا حوريه.
حوريه بغيظ: في واحده اسمها لارا بره عايزه تقابلك انت تعرفها.
ادهم بابتسامة خبث: اه طبعا دي من اهم عملاء الشركه دخليها دخليها.
حوريه وهي تكاد تنفجر من الغضب:تحت امرك.
أدهم بضحك بعد خروج حوريه :شكلك وقعتي يا حوريه ليتابع بابتسامة بس مش لوحدك انا كمان وقعت على بوزي.
لتخرج حوريه وتبلغ لارا بالدخول لتدخل لارا وهي تمشي باغراء خلفها حوريه تكاد تنفجر من الغضب.
لارا بدله مقزز:هالو يا ادهم وحشتيني اووووى.
ادهم وهو يحاول منع ضحكاته:احم اهلا يا انسه لارا اتفضلي خير.
لارا باهتمام :كنت عايزاك لتوجه كلامها إلى حوريه وتكمل بغرور:هو انتي واقفه ليه اتفضلي هاتيلي حاجه اشربها.
حوريه بغيظ:لا يا ماما انا سكرتاريه مستر ادهم يعني باخد اوامري منه ده اولا ثانيا بقا انا بحضر معاه اي ميتنج يا يا انسه.
لارا بدلع :قولها تخرج يا ادهم بليز وتجبلي حاجه اشربها.
ادهم بجديه :اسف يا لارا بس حوريه سكرتاريه الشخصية و بتحضر معايا اي ميتنج و بالنسبه للمشروب هنادي على الساعي يجبلك ال تطلبيه. لتنظر إليها حوريه بابتسامة نصر.
لارا بغيظ:لا خلاص مش عايزه انا كنت جايه اعرفك أن الوفد الألماني هيوصل بكره بس انا جيت قبلهم النهاردة عشان نتغذي سوا ونقضي اليوم مع بعض.
ادهم وهو يحاول كبح ضحكاته على حوريه التى تكاد تنفجر من الغيظ و الغضب :احم لا طبعا مش هينفع اخرج معاكي الشغل كتير.
لارا بغيظ: ماشي ولا يهمك عن اذنك.
لتخرج وهي تكاد تنفجر من الغضب بسبب أدهم وحوريه.
في الداخل بعد خروج لارا
حوريه بغضب:وليه بجحه صحيح.
أدهم بخبث:اممم مالك يا حوريه شكلك مضايق.
حوريه بغيظ:يعني هي العقربه ال كانت هنا دي متحرقش الدم.
ادهم بتفكير:اعتقد إنك مر عليكي أشكال كده كتير يعني مش أول مره.
حوريه باحراج من نفسها فهي لا تعلم سبب لغضبها و أن ادهم معه حق فكانت تري في مكتب فتحي مثل هذه وأكثر :احم لا ابدا بس اصل يعني.
ادهم بخبث وجديه:غيرانه؟؟؟؟!!!!..
لتنصدم حوريه بشده من سؤاله و ترتبك ويحمر وجها خجلا.
حوريه بخجل :احم لا طبعا مش قصدي بس يعني هو احم عن إذن حضرتك.
لتخرج حوريه سريعا وتتجه إلى المرحاض وأدهم يضحك عليها بشده.
ادهم بضحك:وقعت وانت من قبلها يا نمر اخلص بس من قضيه فتحي و بعدين هفضي لك يا حوريه.
في الحمام.
حوريه بخجل:يلهوي عليا اي ال انا عملته ده انا لي كنت متعصبه كده لتضع يداها على قلبها الذي يكاد يخرج من مكانه من كثرة الدق وتكمل: مالك بتدق بسرعه لي يكون لالالالالا مستحيل يا حوريه فوقي لنفسك مينفعش ال بتفكري في اي اصلا فوقي يا حوريه.
لتغسل وجها وتخرج وتعود إلى مكتبها وكأن شيئا لم يحدث.
في الجهاز.
اللواء مجدي و اللواء محمد مجتمعين مع بعض ليناقشوا بعض الأمور ليقطع كلامهم الطرق على الباب ليسمح اللواء مجدي للطارق بالدخول.
الساعي بابتسامة:في واحد بره عايز يقابلك يا مجدي باشا.
مجدي باستغراب:مين يا عطا.
المتحدث: انا يا مجدي.
لينصدم مجدي ومحمد بشده سرعان ما تحولت الصدمة إلى فرحه.
مجدي بفرحه :مش معقول سليم باشا بنفسه هنا في الجهاز اهلا وسهلا.
محمد بفرحه:انا مش مصدق نفسي والله زمان يا سليم باشا اتفضل.
سليم بابتسامة: الجهاز منور بيكوا عاملين ايه و اخباركم وحشتني لمة زمان.
مجدي بحب: والله انت ال وحشتني يا سليم انا مش فاهم بس انت لي قدمت معاش بدري.
سليم بحزن:مكنش ينفع اقعد يا مجدي بعد ال حصل فراق ادم صعب اووووى.
محمد بحزن: الله يرحمه يا صاحبي ربنا يصبرك.
مجدي بابتسامة لتغير الموضوع:قولي بقا اي سبب الزيارة الحلوه دي.
سليم بهدوء:عايز أقابل الوحش.
مجدي بذهول : معقول يا سليم اقتنعت بالوحش و عايز تقابله كمان لا كده في سر.
سليم بهدوء:لا سر ولا حاجه يا مجدي وبعدين تاريخ الوحش يشرف اي حد انا بس يمكن استغربت شويه لانه صغير في السن.
مجدي بفخر:العبره مش بالسن العبره بالفعل وده تربيه ايدي يا سليم صدقني هو قدها.
سليم بحزن: إن شاء الله انا حاطط امل كبير نخلص الحكايه دي بقا انا تعبت عشرين سنه يا مجدي كفايه كده على ما أظن.
مجدي بهدوء:الحكايه مش حكايتك انت وبس متنساش أنه طار بين فتحي والوحش و الوحش مش هيهدا الا لما ينتقم منه.
سليم بجدية:على العموم انا محتاج أقابله قبل ما يبدا اي حاجه في القضيه بلغه و انا فاضي في اي وقت يقول عليه.
مجدي بذهول:انت بتتكلم في ايه يا سليم انت تتحدد المعاد وهو يجيلك انت المثل الاعلي لينا كلنا.
سليم بابتسامة: الله يكرمك بس برضو هو لي مكانه دلوقتي خلي يحدد المعاد وبلغني استأذن انا بقا.
محمد بحب:لسه بدري يا صاحبي خليك معانا شويه.
سليم بابتسامة:معلش يا محمد وقت تاني عندي شغل كتير سلام عليكم.
ليخرج سليم من الجهاز و يتجه إلى الشركة.
في الداخل بعد خروج سليم.
محمد باهتمام:هتعمل ايه يا مجدي.
مجدي بهدوء:هعمل ايه يعني هكلم الوحش النهاردة و اعرفه لازم يعمل حسابه.
محمد بجدية:تمام ربنا يعديها على خير.
مجدي بشرود:يارب.
في مكان آخر بالتحديد في منزل عدي.
عدي بحنان:يلا يا تغريد انا حضرت الفطار.
تغريد بذهول:مش معقول بقا سيادة العقيد عدي الاسيوطي أتنازل وحضر الفطار لينا النهاردة لا مش معقول ده خبر الموسم هكلم البت فاطمة عشان تنزله.
عدي بابتسامة:يلا يا هبله وبعدين انا بحضره لاي حد ده انا بحضره للغالية.
تغريد بهيام: يلهوي على الكلام الحلو ال على الصبح يا عدي ده انت ال هتاخدك مني هقتلها.
عدي بجدية:محدش يقدر ياخدني منك يلا بقي كلي خلينا ننزل.
لتأكل تغريد وعدي سريعا ثم تنظف تغريد المطبخ و ترتدي ملابسها و تنزل.
عدي وهو يركب سيارته :تعالي هنا يا تغريد هوصلك في طريقي. لتركب تغريد معه وينطلق عدي إلى الجامعة و بعد عشر دقائق وصل إلى مكان الجامعة.
تغريد بابتسامةوهي تفتح الباب:متشكرين على التوصيله يا رجوله اعملها كل يوم.
عدي بقلب مقبوض:خلي بالك من نفسك يا تغريد.
تغريد بذهول:اي يا عدي هي أول مره وبعدين انت فاكر اختك سوسن بلبانه لا يا بابا ده انا تغريد الاسيوطي.
عدي بابتسامة:طب خلي بالك من نفسك يا لمضه ويلا اتفضلي ورايا شغل.
لتنزل تغريد وتدخل الجامعة و ينطلق عدي إلى شركة المنياوي.
في مكان آخر بالتحديد في كلية الاعلام.
فاطمة بابتسامة:صبح صبح يا عم الحاج.
فاتن بهدوء:صبح صبح احب،عامله ايه النهارده.
فاطمة بجدية:زي الفل قوليلي بقا كنتي سرحانه في ايه كنتي بتخونيني مع مين انطقي اعترفي.
فاتن بهيام: هو انتي عمرك حد خطف قلبك.
فاطمة بصدمه:يخطف قلبي احيه دول بتوع سرقه اعضاء ال بيعملوا كده يا ماما.
فاتن بغيظ: يخربيت الفصلان سرقه اعضاء اي انا بقول خطف قلبك يعني حبيتي يا متخلفه.
فاطمة بصدمه:انا متخلفه انتي عايزاه تضربي يا بت وبعدين تعالي هنا من امتي كلامك عن الحب.
فاتن بشرود:من اول ما قلبي دق لحظه ما شافه.
فاطمة بسخرية: تيرارارا انتي قلبك دق يا بيضه ازاي احكيلي.
فاتن بغيظ: والله انتي عيله فصيله مش هحكيلك حاجه ويلا عشان المحاضره هتبدا.
فاطمة بابتسامة:طب ماشي اهربي اهربي بس بعد المحاضره مش هسيبك.
لتذهب الفتاتان إلى المحاضره،بعد دخولهم قاعة المحاضرات.
فاطمة بذهول:اي ده معقول الدكتور لسه مجاش اول مره في حياتي ادخل محاضره بدري.
فاتن باستغراب:فعلا غريبه تعالي نقعد اكيد زمانه جاي. بعد ربع ساعة انتظار.
أحد الطلاب : يا جماعه دكتور هشام اعتذر مش هيقدر يجي النهاردة يلا نروح.
فاطمة بسعادة:ده انا ربنا بيحبني عشان نقعد اكتر مع بعض وتحكيلي يلا بينا.
فاتن بقلق:تفتكري مجاش لي.
فاطمة بسخرية:وانا هعرف منين كان من بقية اهلي يلا يا بنتي الله يكرمك يلا.
فاتن بشرود:ها
فاطمة بهدوء:يلا واقفه متنحه كده لي.
فاتن بانتباه:لا مفيش يلا.
في مكان آخر بالتحديد في شركة المنياوي. وصل اسر وعدي إلى الشركة في نفس التوقيت.
اسر بابتسامة:صباح الخير يا استاذ تكشيره مالك على الصبح.
عدي بخنقة:بالله يا اسر ابعد عني دلوقتي انا مش طايق نفسي.
اسر بجديه: يا ابني مالك في اي فهمني.
عدي بقلق:مش عارف قلقان على تغريد اووووى.
اسر باستغراب:وتقلق لي بس الكلب ال اسمه معتز خد فصل اسبوع والكل في الجامعة عرف انها تبع النمر مالك بقا.
عدي بخوف مجهول:مش عارف يا اسر ربنا يستر يلا نطلع لادهم،ليصعد الاثنان إلى أدهم.
عدي بجدية:انسه حوريه ادهم جوه.
حوريه باهتمام:اه موجود اتفضلوا هو في انتظاركم.
ليدخل عدي واسر.
اسربابتسامة:صبح تاته اتنين في تلاته.
ادهم بسخىرية:صباح الاستظراف عملت ال قولتلك عليه.
اسر بجدية:كله تمام الثعلب هيوصل بكره الساعه ٧.
ادهم باهتمام:تمام كده مالك يا عدي.
عدي بهدوء:مفيش يا نمر قلقان شويه.
ادهم بابتسامة: قلقان من اي بس يا ابني اختك بخير والحمدلله.
عدي بقلق:مش عارف يا نمر ربنا يستر.
في مكان آخر بالتحديد في كلية التجارة.
تغريد بغضب:اوووف ياربي على الصداع الدكتور ده عليه رغي مش على حد.
تقي بضحك: والله انتي مش عاجبك العجب وكل دكتور تطلعي في القطط الفطسانه.
تغريد بملل:يووو متوجعيش دماغي بقا يلا انا هروح.
تقي بجدية:استني طيب هوصلك.
تغريد بابتسامة:لا انا عايزه اتمشي شويه وبعدين ده هو عشر دقائق من هنا البيت يلا سلام.
تقي بابتسامة:سلام.
لتذهب تغريد وتخرج من الجامعة و تمشي على جانب من الطريق وهي تتذكر معتز و طريقتها معه و شكله بعد الضرب.
تغريد وهي توبخ نفسها:اوووف اي ال انا بفكر في ده اطلع الموبايل اسمع حاجه احسن لتقف في نصف الطريق و تبحث عن سماعتها لتسمع صوت يأتي من بعيد.
المتحدث:تغريد حاسبي.
لتنظر تغريد إلى صاحب الصوت لتنصدم مما رأته ثم تنظر خلفها لتنظر بصدمه ولكن لم تستطع الاستيعاب بسرعه لتاتي تلك السيارة و
المتحدث بصدمة:تتتتتغغغغغغارررررريييييدددددد
ليجتمع المارة على هذا الحادث ويأتي هذا الذي يصرخ باسمها ولكن من حسن الحظ أوقف السائق الفرامل في الوقت المناسب ولكن تغريد لا تستجيب لأي محاولة إفاقه لياخذها هذا الشاب في سيارته وينطلق إلى أقرب مستشفى.
في مستشفى المنياوي.
ورد بحنان: يلا يا ست الكل كلي لقمه.
فتحيه بقلق:انتي مخبيه عني اي يا ورد من ساعه ما جيت وانا بسالك عن نتيجه التحاليل وكل شويه فحوصات هو في اي.
ورد بهدوء:هيكون في ايه يا ست الكل بس بنطمن عليكي.
فتحيه بصرامة:انا عندي اي يا ورد.
ورد بقوه:بصي يا خالتو انتي قويه وعارفه أن ده اختبار من ربنا انتي عندك ورم خبيث في المخ بس الحمدلله أننا اكتشفنا بدري يعني بالعلاج و المتابعة هتنتصري عليه.
فتحيه بدموع:يعني اي يا ورد انا مش فاهمه حاجه انا هموت ولا ايه.
ورد بحنان:بعد الشر عليكي يا ست الكل انا قولتلك الورم في بدايته يعني هنقدر نسيطر عليه باذن الله بس انا عايزاكي قويه عشان اهم حاجه النفسية وان شاء الله مش هنحتاج تدخل جراحي.
فتحيه بثبات: تمام يا ورد شوفي اي المفروض يحصل وانا معاكي.
ورد بحب:مفيش حاجه هتحصل تاني النهاردة انتي هتروحي معايا و نوضب شنطه صغيره كده عشان هتقعدي معانا شويه في المستشفى وإن شاء الله هتبقي كويسه بس انا عايزه فتحيه القويه ولا اي رايك يا توحه يا قمر.
فتحيه بابتسامة:حاضر يا ورد انا معاكي في كل ال انتي عايزاه وهكون قدها إن شاء الله.
أحد الممرضات:الحقينا يا دكتوره ورد حاله مستعجله جايه في حادثه محتاجينك في الطوارئ.
ورد وهي تقوم باستعجال :حاضر انا جايه اهووو كلي يا خالتو بقا الاكل ده كله اهم حاجه الصحة.
فتحيه بقلق: حاضر يا حبيبتي ربنا يوفقك طمنيني على الحاله دي لما تيجي.
ورد بابتسامة:حاضر يا خالتو عن اذنك.
لتذهب ورد إلى الطوارئ و تنظر إلى هذه الموجوده على الترولي وجهها لا يكاد يرى من الدماء.
ورد بجدية:دخلوها على العمليات بسرعه و اطلبوا حد من أهلها يلا بسرعه.
ليأخذ الممرضين الترولي إلى غرفة العمليات و تذهب أحد الممرضات إلى هذا الشاب الذي اتي بها.
الممرضه بدلع:حضرتك تعرفها.
المتحدث:لا دي عملت الحادثه قدامي هي كويسه.
الممرضه بجدية:دخلوها اوضه العمليات بس مش عارفه اوصل ازاي لحد من أهلها.
الشاب وهو يعطيها حقيبة ظهر.
المتحدث:الشنطه دي كانت معاها خوديها اكيد فيها فونها. لتأخذ الممرضه الحقيبة منه و هي تفتش فيها لتجد بالفعل الهاتف الخاص بالمريضه لتفتحه وتري آخر مكالمه وترن على هذا الرقم.
في شركة المنياوي.
يجلس مثلث برمودا يتناقشوا في قضيه المافيا لتدخل عليهم حوريه.
حوريه بعمليه:انا خلصت شغلي يا فندم اقدر امشي.
ادهم بابتسامة:تمام يا حوريه متتاخريش بكره بالسلامه. لتخرج حوريه من عنده وتجمع اشيائها ثم تذهب وتأخذ سيارتها وتنطلق إلى المستشفي.
في الداخل.
اسر بنعاس:يلا بينا احنا كمان يا نمر يومنا طويل بكره.
عدي بقلق:اه يلا زمان تغريد في البيت لوحدها.
ادهم بهدوء: تمام يلا بينا.
ليرن هاتف عدي.
عدي بابتسامة:دي تغريد انا اتاخرت عليها اووووى ليرد عليها ايو يا حبيبتي حقك عليا.
المتحدث:حضرتك تعرف صاحبه الفون ده.
عدي بقلق:ايو اختي انتي لاقيتي الفون ولا اي.
المتحدث:لا حضرتك صاحبه الفون ده عملت حادثه وهي حاليا في مستشفى المنياوي تقدر تيجي لأنها محتاجك.
عدي بصدمه:انتي بتقولي اي.
يتبع، عشق في مهمة رسمية.