الثاني والثلاثون

مراد صرخ بغضب لما شاف ريما ماسكه ايد عز وقال:ريمااااا

ريما اول ما سمعته اتنفضت وراحت فورا لعنده وهي خايفه كانها عملت عمله فقال: ايه اللي موقفك مع الحيوان ده

ريما: تعالي نمشي من هنا وانا هفهمك كل حاجه..

_تفهميني ايه، قوليلي حالا كان عايز منك ايه وكنتو بتتكلموا في اي

عز راح لعندهم وهو مبتسم باستفزاز وقال: اقولك اناةكنا بنتكلم في اي، اصل حرمك المصون كانت جايه وبتعرض عليا نعيد امجاد زمان.. بس انا طبعا رفضت وقولتلها عيب دنتي يعتبر مرات اخويا..

ريما بصت لمراد عنيها كلها دموع ،كانت حاسه انه هيصدق كلام عز وخصوصا لما فضل يبص في عنيها بتركيز لكن اتفاجئت لما مراد ضرب عز بالقلم وقعه في الارض وقال: اخررس يا حيوان، ريما دي اشرف منك يا زباله يا دون..

في اللحظه دي ريما انهارت وبدات تبكي وخدها مراد وركبو عربيتهم فحضنها وهو بيفول: متزعليش نفسك يا ريماا، انا عرفته مقامه الكلب ده..

ريما لاول مره تكون مستسلمه لحضنه كده، حضنته اكتر وهي لسه بتبكي وقالت: كنت خايفه تصدق كلامه اوي..

بصلها مراد وهو غضبان وقال: انتي مجنونه يا ريما؟! معقول انا اصدق كلام واحد زي عز؟! استحاله طبعاا انا بثق فيكي وعارف انتي اي.. بس قوليلي كان بيتكلم معاكي في اي؟

_كان بيهددني!!

=يهددك؟! بيهددك بايه؟!..

_اني لو مدتلوش فلوس كل شهر هيحكي للناس كلها ان يعنييييييي…

مراد سأل باستغراب: يعني اي مش فاهم، وضحي كلامك..

ريما حطت وشها في الارض بحزن وقالت: هيقول للناس كلها احنا اتجوزنا ازاي يعني..

في اللحظه دي مراد حس بحقارة اللي عمله وقد اي هو ظلم ريما معاه فقال بندم: متقلقيش يا ريما، عز هفواته و نزواته وتاريخه الاسود كله معايا يعني مش هيقدر يعمل لنا حاجه..

قالت ريما بقلق: اومال اي معني كلامه ده!! ده تهديد صريح ومباشر منه انه لو منفذتلوش اللي هو عايزة هيفضحني..

مراد بصلها بغيظ وقال: ايه يفضحك دي؟! طيب خليه هو يفتح بؤه بحرف وانا كنت انسفه من علي وش الدنياا، قولتلك عز ده تاريخه كله معايا ميقدرش يعمل حاجه، ده حنكه فاضي زي ما بيقولو، هو بس كان بيضغط عليكي عشان تخافي وتديلو فلوس

ريما مردتش وكانت بتفكر في كلامه وبدات تقتنع وتهدا فقاطع تفكيرها وهو بيقول: بقولك اي سيبك من عز وزفت وتعالي يلا انا عازمك علي أكله سمك من اللي بتحبيها انما ايه . روقااااان..

ريما ابتسمت بهدوء وراحو مع بعض يتغدوا..

كانو قاعدين وبياكلو فقالها: انا مسافر تركيا الاسبوع الجاي ،ي رايك تيجي معايا ؟

بصت له ريما بفرحه هو مصدقهاش وقالت: الله، تركيا بجد،اجي طبعاااا ده انا من زمان جدا نفسي اروح تركيا..

ابتسم مراد بفرحه لفرحتها وقال؛ خلاص يبقا الاسبوع الجاي ان شاءالله نسافر مع بعض واخلص شغل خلال يومين تلاته ونقعد هناك شهر طويل عريض نلف فيه تركيا كلها .

سألت ريما: شهر بحاله، طب وشغلك؟

_يستي ولا يهمك، عمري كله فداكي، وبعدين اعتبريه شهر العسل بتاعنا..

ريما اتكسفت وحطت وشها في طبقها وهو لاحظ ضيقها فقال: انا اسف لو زعلتك يا ريما انا كان قصدييييي..

وقاطعته وقالت: لا ابدا مفيش مشكله، يا تري جدو عامل اي دلوقتي، كان باين انه تعبان لما كان عندنا..

_فعلا، بكره خلينا نروح نطمن عليه ونبلغه اننا هنسافر علي اخر الاسبوع.. يلا كملي اكلك عشان عاملك مفاجأه..

=مفاجأة اي؟

_وهي تبقا مفاجأة لو قولتلك، كلي ونشوف…

ريما خلصت اكلها بحماس زي الاطفال وركبوا العربيه ووقف بيها مراد قدام مكان وقاللها: غمضي عنيكي وانزلي..

نزلت ريما وهي مغمضه ومراد سحبها لجوه واول ما فتحت عنيها انبهرت من المفاجأة، مراد كان واخدها المسرح لانه عارف انها بتعشق المسرح وبدات المسرحيه تتعرض ورينا كانت طايره من الفرحه، خلص العرض وخرجوا من المسرح ومراد سال ريما: اتبسطتي يا ريما؟

رينا بصتله شويه وفجأة وبدون اي مقدمات حضنته ومراد جسمه اتصلب من الصدمه والفرحه في نفس الوقت وحضنها بكل قوته وهو حاسس ان النهارده اتولد من جديد.. وقرر انه اليوم ده لازم يكون مميز في كل شئ، مش لازم يعدي عادي ابدا..

خدها وراحو ملاهي وبعدين راحوا علي البحر وسهروا للصبح وبعدين فطروا ورجعوا علي البيت…

ريما: خلاااص هلكانه من السهر واللف مش قادره، هدخل انام بقاااا..

مراد: وانا كمان زيك هدخل انام مش رايح الشركه النهارده..

دخل مراد ينام ويدوب غمض عنيه سمع صريخ ريما ،اتفزع وراح اوضتها لقاها واقفه فوق السرير وبتبكي فسالها: في لي يا ريما مالك..

ريما قالت وهي بتشاورعلي تحت السرير: تعبان ، تعبان تحت السرير..

مراد: تعبان؟! تعبان اي استحاله طبعا..

مراد وطي يشوف تحت السرير ملقاش حاجه بصلها باستغراب وقال: مفيش حاجه اكيد كان بيتهيألك..

_لا دور تاني، انا متاكده اني شوفت حاجه طويله بتتحرك..

مراد فضل يدور كتير وقال: يبنتي مفيش حاجه ، اكيد بتتخيلي، انزلي يلا ونامي..

_لااا انا خايفه تعالي نام انت مكاني وانا انام في اوضتك..

=للاسف انا مش بعرف انام غير في مكاني..

وبصلها وقال بنظره خبيثه : كده بقا مفيش قدامك غير انك تيجي تنامي معايا في اوضتي..

ريما: نعم؟!ده استحاله طبعاا..

_خلاص خليكي هنا لحد ما التعبان يرجع بقا..

=هو ممكن يرجع تاني، مش كده؟

_ممكن جداا، ومش بعيد يكون راح ينادي عشيرته ويعملوا عليكي حفله النهارده..

مفيش ثواني وكانت ريما سبته علي اوضته.. مراد دخل السرير وهو مبتسم وقال: الاوضه بتاعتي نورت والله..

ريما وهي بتحاول تكون عنيفه: بقوللك اي، انا هنام هنا الليله دي بس ك حل مؤقت يعني متعتبروش وضع دايم..

_هو انا اتكلمت ولا فتحت بؤي؟؟

=حبيت اقولك يعني زيادة تأكيد..

ريما بدات تروح في النوم وهي مطمنه لوجود مراد جمبها وفجاه حست بحاجه بتتحرك تحت رجليها فصرخت بخوف وكلبشت في حضن مراد اللي ما صدق وكان عمال يخوفها زياده..

مراد-حسيتي باللي انا حسيت بيه

ريما خافت اكتر: ايه ده هو انت كمان حسيت، يا ماامي..

_دنا حسيت جامد اوي، الظاهر ان الشقه دي مسكونه..

=يا مااامي الحقيني.. انا عايزة اروح شقتي..

-هشش وطي صوتك، تروحي شقتك اي دلوقتي انتي لو اتحركتي مش ضامنين ايه اللي يحصل.. بصي مفيش حل غير اننا نحضن بعض جامد اوي ونغمض عنينا وننام..

ريما عملت زي ما قال مراد، حضنته وغنضت عنيها وراحت في النوم وهو قلبه كان بيدق بشده من قربها وطاير من السعاده انها اخيرا بقت في حضنه..

….

مر كم يوم وكانت علاقة مراد وريما اتحسنت جداا وريما بدأت تتعلق بيه جداا وهو كان ملاحظ ده وبيحاول في كل ثانيه يعوضها عن الالم النفسي اللي سببهولها..

سافروا تركيا وهناك كانوا بيتغدوا في مطعم علي البحر، جت بنت جميله وفي طريقها مرت من جمب مراد وضحكتله ومراد ضحك لها..

رينا شافته وهو بيضحكلها ولاول مره تحس بالغيره عليه، قلبت وشعا وضربت بوز وبطلت تاكل..

مراد لاحظ تغييرها فقالها: مالك يا حبيبتي بطلتي اكل ليه؟

_نفسي اتسدت..

=من اي يروحي هو انا زعلتك؟

_لاا ابداا شغال توزع ابتسامات علي البنات بس.. ولا كان مراتك قاعده جمبك، فازه انا..

مراد لمح الغيره في كلامها فقرر انه هيضغط عليها لحد ما تعترف له بحبها..

_بنات مين؟ ااه.. تقصدي الحته البلوندايه اللي عدت من جمبي دلوقتي؟

ريما اتغاظت اكتر وقالت: الحته البلوندايه؟ انا عايزة امشي..

_اوكي، ثواني احاسب ونمشي..

ريما اتصدمت من بروده لكن مبينتش، رجعوا عالبيت وكانت مازالت مدايقه ،مراد عمل اكل وقعد جمبها لفت وشها النحيه التانيه

مراد: مالك يا حبيبتي في اي مدايقك
ريما خلفت توقعات مراد وقعدت تبكي وهو اول ما شافها بتعيط قلبه وجعه وحضنها بقوة وهي كمان حضنته وعيطت فقال

_مالك بس يا ريما حصل اي لده كله

ريما: مفيش يا مراد انا بس مخنوقه شويه..

_من اي طيب، كل ده عشان ضحكت للبنت في المطعم.. معقول ده السبب..

= خلاص يا مراد فكك بقا قولتلك مفيش حاجه..

مراد باس دماغها وقال: طيب انا اسف حقك عليا مش هتتكرر تاني، غيره دي ولا اي..

ريما عنيها لمعت بحب وقالت:, ومتبقاش غيره ليه ان شاءالله؟! مش انا مراتك وحقي اني اغير عليك..

ومراد ابتسم بحب وفرحه: طبعا حقك، بس اطمني يا ريما، مفيش غيرك انتي وبس في قلبي، انتي حبيبتي الاولي والاخيره..

……..

بعد مرور عشر سنين
.
ريما: سلييييم.. يلا يا حبيبي هات اخواتك وتعالو عشان نتغدا..

جه سليم ومعاه بنتين توأم وقال سليم بغضب: بقولك اي يا والدي، بناتك دول لو ملبسوش كويس بعد كده انا مش مسؤؤل عن اللي هعمله

بصلهم مراد وقال باستغراب: ليه بس كده يبني مالهم اخواتك عملو اي ما هم بسم الله ماشاء الله هاديين اهم..

_معملوش حاجه، بس لبسهم زفت والواد كريم بيقعد يبص عليهم وهما في البول..

ريما ضحكت وقالت: ماله بس لبس اخواتك يا حبيبي.. دول عندهم سبع سنين لسه عايزهم يلبسوا اي

_يلبسوا طويل وواسع وبلاش مايوهات تاني وهما نازلين البول..

مراد اومال يلبسوا اي يبني، عبايات؟؟ يبني انت فاهم الرجوله غلط مش كده، دول عندهم سبع سنين لسه يعني اطفال، أطفال يا حمار، الكلام اللي انت بتقوله ده لما يكبروا ويبقو انسات مش دلوقتي لسه..

سليم: انا قولت كلمه وتتسمع، لو شوفتهم لابسين اللبس ده تاني هتصرف تصرف غير لائق اتا حذرتكم اهو..

ريما تصرف غير لائق.. الواد ده بيجيب الكلام ده منين.

مراد: ابنك سابق سنه ماشاءالله عامللي فيها حامي الحمى من دلوقتي، يلا انجزي انتي وبناتك خلينا نلحق اليوم من بدري..

لبسو كلهم وراحوا علي بيت الجد رشوان المسيري.. مراد وريما دخلو سلمو علي جدهم وكمان اولادهم..

الجد رشوان: بسم الله ماشاء الله.. عيالك شبهك يا مراد..بس يارب يطلعو شبهك في كل حاجه مش الشكل وببس..

دخل عز وفي ايديه ااسيجاره: والله لو طلعو شبهو يبقا علي الدنيا السلامه، كفايه علينا مراد واحد بس، بعصبيتو و نرجسيته وغروره..

مراد بص لعز وابتسم بهدوء وقال: ياااه يا عز شوف مهما تمر الايام والسنين هتفضل زي منتا .. حقود ومبتحبش الخير لحد..

عز: يا عم لا حد ولا سبت الله يسهلك ، بسمع انك هتشارك اياد القاسم.. لا عبه معاك ياعم..

مراد: ده انت متابع اخباري اول باول اهووو

الجد رشوان: بس بقا يابني منك ليه انتو هتعيشوا العمر كله ناقر ونقير ولا اي..

وبص لعز وساله: اومال فين چيلان يا عز؟

قال عز بضيق: اهي متلقحه فوق بتعيط، لسه راجعين من عند الدكتور وللمره المليون. اكد لها ان مش هتخلف، وكالعاده تفش غليلها فيا انا، قال يعني العيب مني..

الجد : اتكلم كويس عن مراتك يا عز وبعدين قالت لك اتحوز لو الخلفه فارقه معاك اوي كده بدال ما كل شويه تسمم بدنها بالكلام الزفت بتاعك..

مراد بص لعز ولجده وقال: وهو عز فين يلاقي واحده صبوره و تتحمل قرفه زي چيلان، اهي بنت عمه ومن دمه وتستحمله..

عز : بقولك اي يا مراد خليك في حالك، مش لازم كل مره تيجي هنا فيها نتخانق، احنا مبقيناش عيال صغيره للكلام ده..

ضحك مراد وقال: ربنا يهديك يبن عمي

وبص للجد وقال: انا همشي يا جدي، الولاد طالبين يروحو سينما وانا وعدتهم هنروح في الويك اند..

الجد ابتسم وقال: روخو يبني واتبسطو ربنا يبارك فيهم ..

….

في السينما كانو بيتفرجوا علي فيلم كوميدي وجه مشهد رومانسي قعدت ريما تبكي..

مراد؛ بتعيطي ليه يا روحي، هو انتي من زمان معيطتيش قولتي فرصه النهارده ولا اي .

ريما: المشهد مؤثر اوي يا مراد.. مش قادره معيطش..

_لا يروحي امسكي دموعك الناس هتبص علينا كده.. وبعدين مال هرموناتك متقلبه عليكي النهارده.. اوعي تكوني حامل..

ريما زعقت بعلو صوتها =حاااامل؟؟!! ليه ان شاءالله حد قاللك اني انهبلت..

الموجودين كلهم بصوا علي ريما وضحكوا وسليم قال : في ايه يست ماما ااناس بتتفرج علينا مش كده..

ريما: معلش يا سولي يبني المشهد مؤثر فعلا والله..

سليم: طيب عيطي في صمت لو سمحتي..

مراد مسك ايدين ريما وقال : يؤبر قلبي مرهف الحس ده

ضحكت ريما وقالت: و ازاي اكون متجوزة شعلة احساس زيك و متعداش نتكلم جد شويه.. بتحبني يا مراد؟

_بعشقك يروح.مراد…