رواية
اللعب مع الكبار
البارت ال ١



____________________
تبدأ قصتنا عند أحد أبطالها من حيتان السوق ألا وهو فارس الشريف ابن حاتم الشريف حوت البيزنس والمقاولات المعروف وبعدما أنهى عمله بالشركة بعد يوما طويل خرج متوجها للمشفى الخاص بزوجته الدكتورة شمس عماد الدين بنت أكبر رجال الاعمال والتي تختلف عن والدها تماما فهي فتاة جميلة شقراء تتميز بالوقار مزينة بالأخلاق تتصف بروح الدعابة والمرح محبة لعملها كثيرا وتعشق مساعدة الناس ولا تتأخر عن نجدة مريض أيا كان بخلاف اخيها جاسم واباها علم الدين اللذان يتصفان بالانانية وقسوة القلب في العمل ولو على حساب الآخرين
وخرج فارس ذاك الشاب الوسيم ذو الملامح الحادة من شركته وقاد سيارته متوجها لرؤية زوجته الدكتورة شمس واثناء سيره عالطريق وضع هاتفه على أذنه محاولا الاتصال بها وابلاغها بمجيئه لكنه لم يجد ردا حاول مرات كثيرة ولم يجد ردا فتأكد انها نست هاتفها فوق مكتبها وانشغلت بمرضاها فضغط على زر القيادة وأسرع نحو المستشفى
وبعد ما يقارب النصف الساعة وصل إلى المستشفى وصعد إلى مكتبها ولكنها لم يجدها كما توقع فخرج مرة اخرى إلى الممر الواصل لمكتبها فسأل احد الاطباء الذين كانوا يسيرون بالممر فسأله قائلا:. لوسمحت الدكتورة شمس الاقيها فين من فضلك فأجابه ذاك الدكتور قائلا له: عندها عمليه حاليا دقايق وهخلي حد من الممريضين يقولها ان حضرتك منتظرها بالمكتب
فارس : طيب شكرا جزيلا
الدكتور : العفو حضرتك
ودخل فارس مرة اخرى لمكتبها يتنظرها الي ان تنتهي من اجراء العملية
وبعد حوالي ساعة تقريبا انهت شمس العمليه فدخل عليها احد الممرضين وناداها قائلا: الباشمهندس فارس زوج حضرتك منتظرك بمكتبك بقاله اكتر من ساعة يا دكتورة شمس
شمس : اوكي تمام جاية حالا وركضت بسرعة نحو المكتب واول ما رأته حضنته وقالتله :مساء الفل يا عمري ما قولتليش انك هتجيني المستشفى النهاردة يعني؟!
فارس: حبيت اعملهالك مفاجأة واتصلت بيكي كتير فلاقيتك ما بترديش يا قلبي
شمس: اه فعلا كنت ناسية تليفوني بمكتبي انتا عارف ما ينفعش ادخل بيه العمليات
فرد عليها فارس قائلا لها : ولا يهمك يا قلبي بس بصي بقا أنا جيت اخدك نتعشى بره النهاردة في مكان رومانسي وشاعري كده على ذؤقك
ردت عليه شمس بفرحة: ايه ده بجد يسلملي الرومانسي الحنون يا نااااس
فارس: تسلميلي انتي كلك يا قلب الحنون
فاستئذنته شمس قائلة : اوكي يا حبي استناني هغير لبس المستشفى ده ونخرج على مكان هيعجبك لاني على فكرة تعبانة من الجوع أصلا
فأجابها فارس قائلا : ماشي يا قلبي منتظرك بس بسرعة ما تتأخريش لان المغرب قرب وخرج يشغل سيارته لحين خروجها
------------------
ونسيبهم بقا في جوهم الرومانسي ده ونروح عند نيفين حافظ اخت عمر حافظ رجل الأعمال الشاب فتفاجئت بمجيئ الدكتور ماجد زيارة ليها في الشركة ودخل عليها مكتبها وهو بيقولها صباح الورد والياسمين عل احلى نيفين
فردت عليه نيفين بضحكة قائلة : ايه يا سي ماجد حكاية الشعر الجميل ده بقا
فرد ماجد: ايه بصبح على قمري فلازم الكلام يطلع زي الشعر يا قمري
فاجابته نيفين بخجل قائلة له تسلملي يا قمري انتا وسألته خير يعنى جاي الشركة مبكرا كمان يا ترى في ايه
فرد عليها ماجد: لا ما فيش بس قولت اجي اشوف حبيبة قلبي وهي قاعدة بمكتبها كسيدات الاعمال ولاقيتها قمررر يا عالم
فردت عليه نيفين بابتسامة : اه يا بكاش بس قولي ايه رايك بمكتبي بقا ؟
فأجابها ماجد على سؤالها ببعض الخبث قائلا : اكيد جميل جدا والاجمل انك قاعدة فيه يا قلبي لأنك انتي اللي محلياه
فسألته نيفين: تشرب ايه يا حبيبي
فقالها ماجد: لا ما فيش داعي انا جاي اخدك عشان نخرج شوية لأني من وقت ما جيت مصر ما طلعناش مع بعض ولا مرة الشغل واخدك مني اوي
فردت عليه نيفين ببعض الحرج قائلة: آسفة يا حبيبي مانتا عارف المشاكل اللي بالشركة
ماجد: عارف يا حبي بس نفسي نخرج مع بعض زي اي اتنين مرتبطين
نيفين: طيب خلاص هخلص كام حاجة عالسريع كده ونخرج مش هتأخر عليك يا حبيبي
فرد عليها ماجد: ماشي يا حبيبتي واديني مستنى اهو بس ما تطوليش اوكي
____________________
ونذهب لمزرعة جميلة يزورها شخص اسمه هاني و معه حبيبته الجميلة سمر وذهبا الي أرض المزرعة لكي يشرفا بنفسهما على الشغل كيف يسير و يعرفا أيضا المكان الذي سيكون به المصنع الخاص بإنتاج الألبان واللحوم الذي سيكون الواردات المبدئية ليه من قلب هذه المزرعة المملوكة ل عزت الفيومي وابنته سمر واقترب هاني من العمال قائلا لهم : الله يقويكم يا شباب
فردالشباب المنهكين من العمل: تسلم يا باشمهندس
هاني: الهمة معانا يا شباب عايزين الشغل يخلص بسرعة وبدقة عشان نفتتح المصنع قريب واي حاجة ناقصاكم قولولي علطول
فرد عليه احد الشباب: كله تمام يا باشمهندس الشغل ماشي بدقة عالية وكل حاجة زي ما حضرتك امرت بالظبط
فهاني قال للمهندس المسؤول عن الماكينات الخاصة بالالبان
الهمة يا باشمهندش انتا عارف ان الآلات دي من احدث الآلات مش عايز اي غلطة
المهندس: ما تقلقش يا هاني باشا ده تخصصنا وشغلنا وربنا يسهل وكل حاجة هتبقى تمام ان شاءالله
وتركهم هاني و راح للمهندس المسؤول عن ماكينات اللحوم فسأله : ها يا هندسة الشغل عامل ايه معاكم
فرد عليه المهندس قائلا: كويس جدا والشغل بصراحة ماشي تمام ربنا ييسر الحال ونركب المكن خلال الفترة المطلوبة
هاني: ربنا يسهل وييسر الحال يارب مش هوصيكم المصنع ده عايزينه يبقى افضل واكبر مصنع لانتاج الالبان واللحوم في مصر و يكون الافضل بالشرق الاوسط كله كمان إحنا طمعانين في الاكبر و الأفضل وده كله بفضل مجهوداتكم
المهندس: بإذن الله كل حاجة هتم على أكمل وجه معاليك
هاني: ربنا يقويكم يالا اسيبكم دلوقتي وهنبقى على إتصال بقا يا باشمهندس

أما سمر بذلك الوقت قد ذهبت عند اسطبل الخيول بينما هاني بنفس الوقت وبعدما ترك القائمين على العمل ذهب يبحث عنها هنا وهناك واقترب من احد عمال المزرعة وسأله قائلا :سمر هانم فين يابني
فأجابه العامل قائلا : في الاسطبل عند الخيول يا باشا
هاني : تمام مشكر وراح عند سمر وقالها ايه بتعملي ايه هنا يا قلبي
فقالتله سمر: تعالى يا حبيبي شوف الخيول ايه رأيك نركب خيل
فهاني قالها يالا بينا وسألها بس انتي بتعرفي تركبي خيل
اجابته سمر بابتسامة : يعنى شوية كده على ادي
فهاني قالها بخوف : لا خلاص بلاش لتقعي من عليه بلاش احسن
فابتسمت سمر وقالتله : تعالى بس ما تخافش
هاني: انا خايف عليكي يا قلبي
سمر: لا ما تخافش يا قلبي يالا بينا نجرب
فقالها هاني بحذر : اوكي بس اركبي حصان هادي وحاولي ما تجريش بسرعة ماشي
سمر: حاضر يا عمري يسلملي اللي بيخاف على حبيبته دا
هاني: طبعا لازم اخاف عليكي انتي حببيبتي وروحي كمان
سمر: تسلملي يا روح روحي انتا

وبالفعل ركبا الخيل سويا ولكن سمر طلعت ولا أمهر فارس في ركوب الخيل بينما هاني كان مزهول من الموقف بحب وانبهار شديد وقالها اه اومال بتقولى شوية و على ادي ازاي وانتي ما شاء الله ولا فارس زمانك اهو
سمر بابتسامة: انا بحب ركوب الخيل من وانا صغيرة لأن بابا كان عنده مزرعة خيل اكبر من دي كمان بس باعها بسبب اخويا عادل الله يرحمه
فسألها هاني: ليه عمل ايه يعني ؟
سمر: مانتا عارف يا هاني طيش اخويا عادل من لعب وسهر وخمرة يعنى باختصار بابا باعها عشان يسدد ديون عادل واستغنى عن المزرعة الكبيرة الحلوة دي عشانه وياريته حاله اتعدل وعشان ايامها كانت السيولة المالية قليلة جدا ما تكفيش سداد الدين بتاع عادل وبعدها بابا طرده من الشركة لانه ما رضيش يعقل وفضل بطيشه وانا بقيت المسؤولة عن كل حاجة بالشركة مع بابا وبعدها اشترينا المزرعة دي بس عارف ياريته عايش ويفضل بطيشه عادى ولا كناش انحرمنا منه كده . انتا عارف بالرغم من انه كان طايش وازعر بس كان حنين اوي وكان بيخاف عليا وعلى بابا وماما اوي كنت حساه سند وحامي ليا بعد ربنا سبحانه وتعالى . وبكت وقعدت تقول ياريته فضل معانا وما حصلش اللي حصل وبكت بحرقة لما افتكرت اخوها وحكت عنه . فراح هاني اقترب منها واخدها بحضنه وقالها اكيد طبعا يا قلبي الاخ بيبقى كل حاجة لاخته وخاصة لو كان حنين زي عادل الله يرحمه ربنا يقدرني واعوضك عنه يارب
فسمر قالتله : مانتا عوضي من ربنا يا قلبي وربنا عوضني بيك عن كل حاجة يارب ما انحرمش منك يا عمري
هاني بحنية قائلا : عارفة انا كل يوم باعرف عنك حاجات تخليني فخور بيكي اكتر وباموت فيكي اكتر واكتر
سمر: وانا بحبك اوي وفخورة بيك وبوقفتك جنبي يا هاني
-------------------
و نسيبهم في جو الرومانسية ده ونروح بمكان اخر عند شاب وسيم يتميز بروح الدعابة والفكاهة محب لعمله يتصف بمزيج ما بين الحدة والجدية من جانب والفكاهة والمرح من جانب اخر و بدأ عمنا صلاح يشتغل بكثرة ويضغط على نفسه لكي يشتغل المشروع من تاني ويحاول يكمل باقى الوحدات السكنية المطلوبة ولكن باعتماده هذه المرة على مهندسين ثقة فهو تعرض للخيانة الغير متوقعة من مهندس صديقه من قبل وكانت بجانبه اخته ملك
ملك: في فكرة حلوة يا صلاح خطرتلي بخصوص استكمال مشروع عمر
فسألها صلاح: فكرة ايه دي قوليها بسرعة يا ملك
فأجابته ملك قائلة له: نعمل شركة مقاولات خاصة بينا واحنا عندنا المهندسين الشاطرين في المجال ده وانتا و عمر تمسكوا الاشراف على الشغل وتتابعوه لحظة بلحظة مع مهندسين شاطرين وثقة وانتوا مهندسين وما حدش هيقدر يلعب في الشغل طالما انتم موجودين ايه رايك ؟
فقالها اخوها : بصراحة يا ملك فكرة ممتازة وانا كنت بفكر فيها فعلا من إمبارح وكنت ناوي اخد رأيكم النهاردة بس انتي سبقتيني يا ملوكة يا عبقرية زمانك انتي
ملك بابتسامة : تسلملي يا صلوحة يا حبيبي
صلاح: خلاص احنا نعمل اجتماع ونشرح فيه الفكرة على مجلس الادارة
ملك: وانا هاروح اشوف عمر واقوله على الافكار دي

وبالفعل عملوا الاجتماع زي ما قال وعرض فكرته والكل وافق عليها بعدما تشاوروا وشعروا بجديتها وقرروا انشاء شركة مقاولات تابعة ليهم عبارة عن مكتب إداري ملحق بالشركة يتابع اعمال الشركة في مجال الانشاءات اول باول دون الحاجة لشركات خارجية
-----------------------------
وتمر الايام والمشروع بدأ الشغل فيه من جديد بعد ما المهندسين العاملين بالمشروع اتقبض عليهم واتحاسبوا و عمر و صلاح كانوا كل يوم واحد منهم بيروح يقف على راس العمال والمهندسين عشان برضو خايفين حد يلعب فى الشغل مرة تانية
فكانوا حريصين على مباشرة الشغل بأنفسهم
أما عند نيفين هي وماجد وده كان دكتورها اللي بيدرسلها بالجامعة واحبوا بعض بعد عدة لقاءات لكن هناك شيء مجهول خلف ماجد ذاك سنكتشفه سويا
وخرج كل من نيفين وماجد يتغدوا برا بعد ما استأذنت من اخوها عمر و مامتها
وبينما هم جالسين طلب منها ماجد انها تاخد ميعاد من اهلها علشان يجي يطلب ايدها ويحدد ميعاد الخطوبة والفرح وقالها: بقا اظن كده الامور استقرت ولازم نحدد ميعاد زواجنا يا قلبي انا ما بقيتش قادر اصبر اكتر من كده بصراحة
نيفين: حاضر يا حبي هكلمهم وانا كمان عايزة الامور تتم بسرعة

وبعد ما خلصوا عشا واتكلموا شوية قالها ماجد يا حبيبتي خلينا نرجع البيت بقا عشان انتي اتاخرتي كده
نيفين: اوكي انا تعبانة اوي النهاردة وكان فيه شغل كتير النهاردة عشان المشروع بتاع عمر
ماجد: ربنا يعينك يا عمري

وبعدما أنهوا عشائهم ووصل نيفين لبيتهم و اول ما دخلت البيت وشافت اخوها عمر قالتله ابيه :ماجد عايز يجي يحدد ميعاد الخطوبة والفرح
فرد عليها عمر وقالها : اوكي يا قلب ابيه خليه يجي فى الوقت اللي يناسبه عادي
نيفين: ربنا يخليك ليا يارب تصبحوا على خير
عمر ومامته : وانتي من اهل الخير يا حبيبتي
---------------------
ونرجع عند هاني و سمر فهاني طلب منها وقالها :خلينا نحدد الفرح بقا طولنا اوي
سمر: اوكي يا حبيبي كلم بابا ونحدد الوقت والميعاد المناسب باسرع وقت واهو مشروع المصنع يعتبر انتهى
هاني: خلاص انا هروح اكلم عمي عزت دلوقتي
فسمر قالتله بدهشة : دلوقتي ايه يا هاني ده احنا في الشركة
هاني: مانا عارف اننا بالشركة انا مش قادر اصبر اكتر من كده بصراحة عايز نجتمع سوا تحت سقف واحد يا عمري
سمر: وانا كمان يا قلبي نفسي نتزوج باسرع وقت ويتقفل علينا باب واحد
هاني: طيب تعالي نكلم عمي يلا

وبالفعل راحوا سويا وكلم باباها عزت الفيومي وحددوا ميعاد الفرح بعد اسبوعين
وماجد كمان حدد ميعاد خطوبته على نيفين
---------------------
ويمر اسبوعين وهاني وسمر اتزوجوا وراحوا قضوا شهر العسل بشرم
هاني بداخل غرفة بالفندق : انا مش مصدق اننا بقينا مع بعض تحت سقف واحد وانك بقيتي ملكي بجد وقرب منها وحضنها اوي وقالها كان نفسي في اليوم ده من زمان انك تبقي مراتي ويتقفل علينا باب واحد واعمل اللي انا عايزاه براحتي و غمزلها
سمر بخجل : بس بقا يا هاني
هاني: يا روح هاني
سمر بكسوف : خلاص بقا يا هاني
هاني: لا قولي يا مورا وقرب منها اكتر وقالها وحياتي تقولي انتي كمان ايه
سمر بخجل وكسوف اكتر: يالهوي منك خلاص بقا ما تكسفنيش
_________
ونسيبهم باول ليلة ليهم بعد حب طويل وانتظار اطول
ونروح عند جاسم علم الدين
جاسم: لجاك مساء الخير يا صديقي
جاك: مساء النور يا صديقي كيف حالك يا جاسم
جاسم: بخير الحمد لله انتا فاكر الموضوع اللي قولتلك عليه من فترة
جاك: اي واحد
جاسم: موضوع ،،،،،،،،
جاك: اه فاكره ايه نوية تنفذ
جاسم: ايوا نفذ بسرعة عاوزه يقع وينتهي عالاخر تمام
جاك: تمام يا صديقي
ياترى ايه اللي عاوزه جاسم من جاك ومين اللي عايز ينهيه بسرعة كده ده هنعرفه مع الاحداث
--------------------------
ونروح عند ملك واخوها وسالته :عملت ايه بموضوع اول قسط من القرض
صلاح: فلوسه جاهزة يا ملوكة ما تقلقيش والقسط التاني لسه عليه شوية وبعدين الحمد لله الوحدات اللي اتسلمت اهي عوضت شوية الخسارة وبقي معانا سيولة نمشي بيها قسط القرض ونكمل بمشروع القرية السياحية لانه ما ينفعش يقف على كده لو وقف هتبقى خسارة كبيرة جدا مش هنقدر نتحملها
ملك: ربنا يخليك ليا يااحن اخ بالدنيا مش عارفة من غيرك كنا هنحل كل ده ازاي
صلاخ: ياملوكة انتي اختي وعمر صديقي واخويا وعشرة عمري من واحنا لسه أطفال
ملك: ربنا يخليك يا صلوحتي
-----------------
والايام تمر والمشروع اللي عمله صلاح ينجح ويعوض منه ارباح كبيرة وملك دخلت المستشفى تولد وجابت بنوته جميلة ووسط فرحة الكل بنجاح المشروع وخطوبة نيفين وماجد وحمل سمر والامور بقت تمام التمام
----------------
ونرجع سوى عند فارس وشموستنا الحلوة
فارس: شمسي في موضوع عايزز اكلمك فيه بس خايف ترفضي
شمس: ارفضه ليه
فارس: لانه اتعرض عليكي من جاسم وانتي رفضتي او بالاحرى طنشتي
شمس: قصدك موضوع شراكة جاسم ليا بالمستشفى
فارس: ايوا هو
شمس: يا حبيبي انتا عارف كويس ان جاسم اهم حاجة عنده الفلوس وما بيفكرش في الناس الغلابة الشقيانة يعنى كل همه الربح من ورا مرض الناس وهو صاحبك واكيد عارفه من زمان صح
فارس: صح طيب لو عرضت عليكي نبقى شركا هتوافقي
شمس: انا وانتا نبقى شركا بالمستشفى
فارس: ايوا يا قلبي وكل حاجة تحتاجيها هاعملها وكل الأجهزة اللازمة للمستشفى هجيبهالك من بره وكمان نعمل توسعات فيها بالذات في قطعة الارض المحيطة بالمستشفى واسعة جدا ونقدر نكبرها زي ما احنا عايزين يعنى نعمل قسم الكبد مبني لوحده وقسم القلب برضو مبني لوحده يعنى نشوف الامراض اللي محتاجة رعايةاكتر واهتمام اكبر ونوفرلها كل حاجة من مباني واجهزة ايه رأيك
شمس: موافقة طبعا ونعمل في كل قسم علاج مجاني لغير القادرين نهائيا واجر رومزي اوي للموظفين اللي معاشهم او مرتباتهم قليلة
فارس: بصراحة كل ما اشوف طيبتك وحبك للناس كده بابقى مستغرب انك بنت علم الدين واخت جاسم
شمس: ليه مالهم هم طيبين جدا وبيشتغلوا بشرف بس عندهم الفلوس مهمة يعنى بيحسبيوها بالربح والخسارة زي معظم رجال الاعمال
فارس: طيب خلينا نعمل دراسة جدوى لفكرتنا ونبتدي نشتغل عليها بسرعة ماشي يا شمسي
شمس: ماشي يا قلب شمسك
____________
ونكمل بعد ما عمر رجع يقف على رجليه تاني بعد مشروع الإسكان وابتدى يسدد القروض بمساعد صلاح صاحبه ومراته ملك وبدأوا يرجعوا الشركة والمشروعات زي الاول والأرباح زادت كتير من بعد الخسارة اللي خسروها بسبب بيع الأسهم بالبروصة ومشروع عمر وسمعة الشركة رجعت زي الاول واحسن كمان بسبب نجاح الكل في شغله سواء ملك او صلاح او نيفين او عمر وعلى رأسهم السيد منصور ابو صلاح وملك بينما في مكان اخر بدأ الحقد والغل والشر يسيطر على حوت السوق حازم الشريف ابو فارس و صديق علم الدين وابنه جاسم وقرر من داخله انه يخلص على منصور وابنه لانهم هم اللي وقفوا جنب عمر وخصوصا صلاح فقرر يخلص عليهم
حازم لاحد رجالته: تجيلي المكتب حالا
وبالفعل جاله بسرعة واول ما دخل قاله خير يا باشا تحت امرك
حازم: اقعد بس بص عايزك تخلصلي على صلاح ابن منصور عامر
الشخص: اعتبره اندفن يا باشا بس قتل مباشر ولا حادث زي كل مرة
حازم: لا قتل مباشر زمن الحوادث خلص عايز اشوف حسرة منصور على ابنه علشان ما يقدرش يقف على رجليه مرة تانية يلا نفذ النهاردة
الشخص: اوامرك يا باشا هيوصلك خبره الليلة .....
----------------
ونروح عند صلاح وزوجته هند فقالها هند عايزين نخرج نتعشى بره بقالنا مدة طويلة ما خرجناش يا قلبي
هند: بس الشغل والبيت وماما وسندس هنخرج ازاي
صلاح: الشغل ما بيخلصش والبيت فيه خدامين وماما مشغولة مع بابا وسندس معاها المربية .يبقى ايه المانع بقا عايز اسهر معاكي سهرة رومانسية يا هنود
هند: طيب هجهز نفسي بسرعة ونخرج
صلاح: بحبك يا هند ما تتأخريش
هند : طيب يا حبي مش هتأخر
-----------------
ونرجع عند جاسم علم الدين قاعد مع أحدهم فقال لذاك
الشخص اللي اشتري الأسهم انتا هتروح الشركة في الوقت اللي هقولك عليه وتخلي الكل يعرف انك انتا اللي اشتريت الأسهم بطلب مني تمام
الشخص: ليه عايزني اظهر دلوقتي وكل حاجة تتعرف وليه بعد كام يوم مش النهاردة مثلا
جاسم: اولا لانه بعد كده الشغل هيبقى على المكشوف والمنافسة هتبقى علني .ثانيا لانه في الكام يوم دول في واحد هيقع وهيتسجن وهينتهى بلا رجعة تاني
الشخص: مين ده هو كمان وليه هيتسجن
جاسم: هتعرف بعدين المهم انتا خليك مستعد لحد لما اتصل واقولك ويالا دلوقتي تروح تاخد المحامي وتروح عالشركة ماشي يا صاحبي
الشخص: أوكي يا صاحبي ......
يتبع .
----------------------------
# بقلمي

عمر يحيى