الرابع وعشرين

تاني يوم جاسر كلم خطيبته في التليفون وهو متوتر ومش عارف يجيبهالها ازاي..

_ايوة يا ياسمين.. كنت رايد نتحدتو في موضوع..
=ملشي يا چلسر اتفضل عندينا البيت..

اتكلم جلسر بحرج: لاه بلاها البيت،خلينا نطلعو اي كافتيريا احسن..

قالت ياسمين بفرحه: ومالو،حتي انا كان نفسي اغير جو..هافوت عليا ميتا؟!

_لا مش هعرف افوتت عليكي، هكون طالع اصلا وهستناكي في الكافتيريا بتاع مراسي هكون چمبهاا..

استغربت ياسمين وقالت: خلاص ماشي كيف ما بدك.. ساعه واطون هناك..

قفلت ياسمين معاه واستأذنت من والدها انها تروح تقابل چاسر وبعد محاولات كتير وافق انها تخرج فراحت الكافتيريا اللي اتفقوا يتقابلوا فيها ولقت جاسر مستنيها فراحت لعنده….

ياسمين: اتاخرت عليك؟!
جاسر: لااه ابدا.. اتفضلي اجعدي..
بتقعد سريا: هاا يا سيدي اي هو الموضوع المهم الملح اللي چايبني اهنه بعيد عن البيت لچل ما نتحدتو فيه؟

جاسر كان متوتر جداا ومش راضي يبص في عنيها لدرجة انه فكر ميقزلهاش حاجه ،لكن صورة حبيبته سريا ظهرت قدامه وخلته يصمم علي قراره فقال..

_بصي يا ياسمين انتي عارفه ان خطوبتنا چت عالسريع، ويمكن چت في وجت انا كنت فيه متشتت ومخابرش انا رايد ايه.. وحاليا يعني انا كنت…

اتنهد جاسر بتعب فقالت ياسمين : حاليا انت اي يا چاسر؟! كمل كلامك ليه سكتت؟

_حاليا انا مش حاسس اني مرتاح يا ياسمين، حاسس اني بحاول ومش عارف ارتاح، مش عارف اضغط نقسي اكتر من كده؟

قالت ياسمين والدموع ماليين عينيها: تضغط نفسك؟! من مينا وانت بتضغط نفسك يا چاسر؟! ولما هو اكده مكمل معايا ليه؟!

_كنت فاكر اني هجدر اكمل او…..

قاطعته ياسمين وهي بتقول: تجصد تجول كنت فاكر اني هجدر انساها يا چاسر، متضحكش علي روحك ولا عليا لاني عارفه وفاهمه كل حاجه، من يوم خطوبتنا ولما شفت نظراتكو لبعض وجتها حسيت انها مش نظرات طبيعيه، لاا، دي نظرات مچروحه وشايله وراها تعب وهموم واتنين بيحاولو ينكروا حبهك لبعض لكن عنيهم فضحاهم، شفت دموع ماليه عنيكو وبتحاولو تداروها ومش عارفين.. انا لا عبيطه ولا هبله با چاسر، الواحده احساسها عمره ما يخيب..

_ياسمين غشان خاطر ربنا افهميني، صدجيني انا يوم ما خطبتك كنت ناوي انساها واثبت لنفسي اني معحبهاش لكن معرفتش…

=كفايه كدب يا جاسر، انت محاولتش اصلا تبطل تحبها، بس يوم ما شوفتها مع غيرك الغيره كوت جلبك ومتحملتش تكون لحد غير ليك.. بس ليه تظلمني معاك ، ليه بعد ما حبيتك واتعلجت بيك يكون ده مصيري، ليه مصارحتنيش نن الاول و ادتني حرية الاختيار اني اوافج او ارفض، ليه يا چاسر عملتني لعبه ليك وليها..

_متجوليش أكده يا ياسمين، انتي مش اكده ابدا.. انا اسف بس انا مكنتش ناوي علي اكده خااالص، صدجيني انا من يوم خطوبتنا وانا بحاول اني اجرب لك بس غصب عني جلبي غلبني، انا اسف يا ياسمين بالله عليكي تسامحيني، انتي تستاهلي حد افضل مني بكتير

وقامت وقفت بغضب وقالت: دبلتك اهي يا چاسر، ولو انت مكنتش نهيت الموضوع انا اللي كنت هجوللك نفضها، انا مش بديل لحد ولا لعبه تتلهي فيها عشان تنسي حاجه شغلاك، روح لها واشبعو ببعض.. يسهل ربنا..

ياسمين رمت الدبله في وشه قدام نظرات اللي موجودين في المكان وجاسر علي ما قد كان زعلان انه السبب في جرحه علي قد ما حس انه حمل وانزاح من علي كتافه… طلب قهوة وشربها وبعدين قام مشي..

اما عند سريا كانت قاعده مع كريم في البيت عندهم فبص لها كريم بابتسامه وقال: عمي چمال طلب اني اچي لچل ما نتحدتو في موضوع مهم، جولي يست البنات انا كلي آذان صاغية..

كلام كريم ضغط علي سريا زياده فبصتله بتركيز وقالت: كريم احنا لازم نسيب بعض.

كريم اتصدم من كلامها وبصلها بابتسامه وهو مش مصدق وقال: بنجولي ايه يا سريا؟! مش فاهم معني كلامك؟

_بتصعبها عليا ليه يا كريم ، وبعدين ايه في كلامي مش مفهوم، بجوللك لازم نسيب بعض..

=نسيب بعض؟! ليه بتجولي اكده؟

_اكده.. عشان هي بتتجال أكده.. انا حفظاها اكده.. بالله عليك يا كريم متضغطش عليا زياده، هي كلمة ورد غطااها عاد..

=كيف هو.. طيب علي الاجل افهم السبب، اعرف ليه، عملت لك اي انا عشان تحولي نسيب بعض، زعلتك في اي؟

سريا بكت بلوعه فقأل: لااه يا سريا، متبكيش يا خيتي، انتي عارفه ان دموعك غاليه، غاليه جوي يا ست البنات..

_كفاياك يا كريم، كفاياك تضغط عليا بحنيتك وتحسيني كد اي انا طماعه و انانيه معفكرشي غير في مصلحتي انا بس .

=لااه يا سريا انتي مش اكده ابداا، انا عارف ان جلبنا مش بايدينا ولا نعرفو نتحكمو في مشاعرناا، انا خابر كيف انتي بتحاولي بس مجادراش، صدجيني انا حاسس بالحرب اللي چواتك.

كلام كريم خلي سريا تنهار زياده ومكانتش عارفه تقولله اي، هو قال كل اللي هي حاسه بيها ، ناولها منديل فمسحت دموعها وقالت: كريم انت اكتر انسان محترم انا عرفته في حياتي، اني مجدراش ارفع عيني في عينك..

كريم طبطب عليها وقال: بعد الشر عنك يا سريا، لااه يا خيتي ارفعي عينيكي وراسك لفوج انتي مغلطتيش، انتي انسانه محترمه ومن حجك تكملي حياتك مع اللي يهواه جلبك.. احسن ما تكملي معايا وانتي بتفكري في غيري..

سريا بصتله بصهوطويييله جداا وهو فهم هي عايزة تقول اي فقال لها: خابر زين البصه دي عتجول اي؟! عايزة تعرفي انا عرفت منين ؟

هزت راسها بمعني ايوة فقال: اني مش غشيم يا سريا، من يوم خطوبتنا وانا خابر انك مش مرتاحه ولا مبسوطه وبتداري، عنيكي فضحاكي واللي في جلبك باين علي ملامحك الدبلانه، وكنت عارف و متوكد ان اللحظه دي چايه چايه.. ولا اخفيكي سرا يعني كنت چاي النهارده وحاسس ان ان الاوان خلاص…

_كريم انا مخابراش اجوللك اي، بس انت تستاهل احسن حد في الدنيا..

قال بابتسامه: وانتي كمان تستاهلي تعيشي مبسوطة ومرتاحه مع اللي جلبك يختاره ، وربنا يهنيكي يا سريا انتي تستاهلي كل خير..

مشي كريم من بيت سريا وهي انفجرت من البكا، كريم كان ذوق معاها للدرجه اللي خلتها تندم انها جرحته بالشكل ده، لكن حبها لجاسر كان اقوي من كل حاجه..

….

تاني يوم حازم وابوه راحوا مع جاسر عشان يقروا فاتحة سريا وسريا كانت في اوضتها بتستعد عسان تخرج تسلم عليهم.. وساميه وامها كانو معاها في الاوضه…

ساميه: خلاص يا ست چينيفر لوبيز ده تاسع فستان تغيريه، محسساني ان چاسر مشافش طلتك البهيه جبل اكده..

رمت سريا الفساتين من ايديها على السرير بزهق وقالت: اعمل ايه و اسوي كيف بس ياااابووووي، الفساتين كلاتها كيف ما تكون خابره انه النهارده اهم يوم قي حياتي ولا واحد فيهم طالع مظبوط علياا..

امها كريمه قالت بملل: ماله ياامايا الاخضر اللي في يدك؟!

سريا: ماله ايه ياما مشايفاش عاملني كيف المقطف ابو ودنين كيف..

ساميه' بلاها الاخضر البسي الاسود ده تحفه عليكي..

سريا: تحفه بذمتك.. كفايه كذب بجا ده الكذابين بيتشوو في النار ، وبعدين هلبس اسود دلوك اومال في عزا عمي حكيم البس كيف..

ساميه تنحت وامها قالت: اجفلي خشمك يا مخبله انتي ،الناس بره وممكن يسمعوكي..

سريا: اوففف.. اجوللكو اني قررت خلاص هلبس اي.. اتفرچو عااد واني خاربه الدنيا بچمالي

لبست سريا فستان وردي وحطت ميكب رقيق وكانت فعلا خاربه الدنيا بجمالها لدرجة ان جاسر اول ما شافها قال: يبوووووووي..

حكيم بص لابنه وقال مالك يا واكل ناسك عتبحلج في البت تبحليج اكده ليه؟! بص في الارض يا چلف..

جمال: تعالي يا حبيبتي اجعدي چاري.. تعالي..

قعدت سريا وبصت لجاسر وهو لسه علي وضعه متنح معاها وحكيم نغزه بايديه وقالله: كفاياك عاد هتاكل البت بعينيك يا واكل ناسك، ابوها واخد باله منك يا مغفل

وبص لجمال وقال بابتسامه: طبعا يا حج جمال اللي يعرفك ويعرف نسبك واصلك يتمني لو عنده عشر ولاد وانت حداك عشر بنته ونچوزوهم لبعض.. عشان أكده انا چاي وطمعان في كرمك توافج اننا نخطبو سريا لجاسر ولدي..

جمال: ربنا يكرم اصلك الطيب يا حج حكيم ..انتو الاحسن والله، وانا عن نفسي معنديش مانع، اهم حاجه رأي العروسه..

سريا وقفت وزغرطت وبعدين قعدت بهدوء وحطت وشها في الارض وقالت: اللي تشوفه يبوي

جمال والموجودين كلهم بصو لها وابوها قال: اللي اشوفه؟! ده انتي حسك راح من الزغاريط

وبص لحكيم وهو بيضحك وقال: علي خيرة الله يا حج حكيم، نقروا الفاتحه..

بعد انتهاء قراءة الفاتحه بص حكيم لسريا وقال: الف مبروك يا بتي..

سريا بكسوف: مبروك عليكو انا يا عمي

الكل ضحكوا وجمال قال: خلاص يوبجا فرحهم مع ساميه وحازم كمان اسبوع ان شاءالله وبكره ينزلوا يشتروا العفش..

بصت سريا لجاسر وغمزتله وحطت وشها ف الارض تاني وحازم كان ميت ضحك عليها وعلي جاسر اللي لسه علي وضع الاسبهلال..

مشيوا كلهم وسريا دخلت اوضتها وشغلت اغنية عبدالحليم وفضلت تغمي معاها…

اول مره تحبي يا سوسو واول يوم اتهناا
ياما علي نار الحب جالولي ولجيتها من الجنه
افرحي واملي الدنيا اغاني
ما خلاص جاسر جه علشاني
افرحي واملي الدنيا تهاني
ده الواد چسوره جه و ناداني
اول مره.. اول مرررررراااااه

ساميه دخلت الاوضه وهي بتغني وقالت: الله الله، يعني مش كفايه اللحن اللي خسفتي بيه الارض، كمان مغيره الكلمات، ده العندليب لو كان سمعك كان نط من فوق كوبري قصر النيل..

سريا: اااااه يا خيتي اجولك ايه ولا احكيلك ايه، فرحانه جوي جوي ، اكتر من ما تتخيلي، حاسه اني طاااايره وليا چناحين وعماله اهفهف فوج غصون الشجر وارفرف فوج البساتين والچناين .

ساميه: تهفهفي و ترفرفي؟! لااه انا اكده اطمنت وابوكي حداه علم بالكلام ده يا خيتي؟!

سريا: وه.. وايه چاب السيره دي دلوك بس، الا جوليلي يا خيتي، هو يوم فرحنا مين اللي هيحيي الفرح،اني بفكر نچيبو حماده هلال ولا حماده الليثي..

ساميه: الله يهديكي يا خيتي، ايه جاب حماده هلال لحماده الليثي بس؟! وبعدين انا نفسي اللي يحيي فرحي تامر حسني

سريا: وهو حكيموڤيتش عيوافج يدفع كد اكده لتامر حسني، ده اخره يجيبلنا عادل الفار يجول نكت ، بجولك اي يلا نامي صدعتيني نازله رغي رغي اعوذ بالله منك..

ساميه: انا اللي برغي يااك؟! انشالله ياچيكي شخار يغفلج عيشتك جولي آمين..

_امين يااارب متحرمش منك ي حبيبتي..

وراجت سريا في النوم وبسرعه وصل صوت شخيرها لاخر البيت بصتلها ساميه وقالت: اعوذ بالله كيف ما يكون چاري مكنة ري، يلا نامي نوم الظالم عباده

…

تاني يوم راحت سريا مع جاسر يشتروا العفش من نفس المعرض اللي اشتروا منه حازم وساميه…

دخلت قسم الموبيليا وكانت بتختار اوضة النوم فقالت لجاسر: اي رايك يا جاسر؟! لونها حلو وكمان الرسمه هاديه..

_ااه حلوة بس مش احلي حاجه ،خلينا نشوف غيرها..

جه العامل المسؤول عن القسم وعلي وشه الابتسامه بص لسريا وقال: يا اهلا يا اهلا بعروستنا الحلوة، بتدوري علي حاچه معينه..

جاسر انكلم وقال: اه يريت لو موديل احدث وابسط من اكده..

العامل بص لسريا وقال: حضرتك الاوضه دي عصريه جدا وسعرها كمان علي اد الايد

جاسر وقف اقدامه بغضب وقال: حضرتك يريت تظبط زوايا اكده وتبصلي اهنه، اني اللي عتكلم معاك..

العامل بصله وابتسم وقال: لا مؤاخذه يا ابو عمو، بس احنا دايما بناخد برأي العروسه.. الشقه من حق الزوجه بقاا..

جاسر اتغاظ وقال : طيب يا سي قاسم يا امين يا زعيم الحركه النسائية تسمح تتكرم وتدلنا علي طلبنا ومتتدخلش اللي في ملكش صالح بيه عاااد؟

العامل اتكسف وقال: انا اسف يا استاذ لو انا بتدخل في شئ ميخصنيش، اتفضلوا معاايا اوريكو الغرف الجديدة.. نازلنا تشكيلة غرف نوم لسه حصريه لينا يا فندم..

ووقفوا قدام اوضه عجبت سريا جدا قسأل جاسر عليها قالله: الاوضه دي ارخص سعر عندنا ٤٠ الف جنيه..

جاسر اربعين عفريت يحنچلوك يا بعيد، ليه اربعين الف ان شاءالله هينام عليها ديفيد بيكهام؟! لا متمشيش معايا شوف غيرها .

سريا: لااه يا جاسر مريداش غيرهاا ، هي دي يا بلاش..

جاسر قال بعصبيه: لا يا سريا وانا مش هچيبها باربعين الف، ده حتي يوبجا سفه و عته..

_وانا بجولك دي يا بلاش يا بلاها الجوازة خالص يا جاسر..

=بلاها يا سريا، اني مبتهددش وانتي خابره زين..

_كده يا جاسر، طييييب، ادي دبلتك اهي

رمت سريا الدبله في وش جاسر ومشت وهي متغاظه…