الثامن عشر

بعد رجوع حازم لساميه بدات التحضيرات لفرحهم وجه اليوم اللي ساميه هتخرج تختار العفش مع حازم فقاللهم ابوها: اتصبري يا ساميه لما سريا ترچع من بره وخديها معاكي، انتي عارفه انها ذوجها ذواتي وهتساعدك في اختيار الالوان..

_لااه يبوي منتا خابر سريا جطها جمل واي حاجه فارغه هتعمل عليها حكيوة و غنيوه..

=بخاطره يا خيتي، بدال ما تزعل انك خرجتي من غيرها..

قطع كلامهم دخول سريا فقالتلها ساميه: مستنيينك يا خيتي لچل ما توصلي معانا للمعرض نشترو العفش ..

قالت سريا بتعب: لاااه يا خيتي مجدرااشي اطلع، اليوم كان كله كله محاضرات ونفسي اتجطع اطلعو انتو ربنا يهنيكم..

حازم: بجا بعد كل العطله دي والتاخير عنستناكي مطلعاشي معانا؟! طب يلا يا ساميه چاسر عيستنانا علي اول الشارع..

سريا: متطلعوش من غيري، دجيجه واكون جاهزه

ساميه فهمت انها غيرت رايها عشان عرفت ان جاسر رايح معاهم ومن جواها كانت حزينه علي اختها اللي العشق متمكن منها وبتداري..

سريا لبست احلي هدوم عندها وطلعت معاهم وراحوا يركبوا العربيه بتاعت جاسر اللي اتفاجا بوجود سريا وكانت الفرحه مش سيعاه..

جاسر كان كل شويه يبص لسريا في المرايه وهي بتبص من الشباك وسرحانه وشغل اغنيه

وهي عامله ايه دلوقت ومين هون عليها الوقت
قولولي لو تصالحها
اروحلها واصالحها
ظالمها وقلبي جارحها
اجي لها ولا مش دلوقت

سريا دموعها نزلت غصب عنها لانها حست ان جاسر موجه لها الكلام وبصتله واتفاجئت بالحزن والاشتياق اللي في عنيه..

جاسر كان بيبص لسريا في المرايه ومركز معاها وناسي كل حاجه حواليه وهي كمان فضلت تبص له وسرحت في عنيه مع كلام الاغنيه اللي كان متفصل عليهم بالمللي لحد ما انتبهوا علي صوت حازم وساميه بيصرخوا وبيقولوا: حاااااااسب يا حاااااازم..

جاسر اصطدم بشجره قدامه ووش العربيه اتخبط وطبعا العربيه بطلت، نزلوا كلهم منها وحازم بصله بغيظ وقال: انت ايه يا اخي اعمي مشايفش.. شغال تغني وتتلفت يمين وشمال ولا اكنك جاعد علي السرير في البيت وناسي ان الطريج ليه احترامه…

جاسر بص لسريا لقاها حطه وشها ف الارض بحرج من كلام حازم فقال: اتمهل ياخوي ايه فيها، قضا ربنا والحمد لله چت سليمه.. هكلم الميكانيكي ياچي يجطرها ويصلحها وناخد تاكسي لحد المعرض ويفضل معانا لحد ما نرچعو.. بسسطه اهي و ممستهلاشي..

دخلوا الاربعه للمعرض وبدا حازم مع ساميه يختاروا العفش وكان باين علي سريا الارهاق فقالت: اعذروني يا چماعه مجدرااشي الفلف معاكو، هجعد استناكو في الكافتيريا اهنه ولو احتاچتيني يا خيتي ناديني بتليفون..

جاسر قال بلهفه وكأنه ما صدق: واني عستني وياها عبال ما اتحدت مع الميكانيكي واشوف عيتصرف كيف..

مشي حازم مع ساميه وجاسر قعد مع سريا وهي ماسكه تليفونها وبتقلب فيه ومتجاهلاه تماما فقال: تشربي حاجه؟

_لا شكراا مريداش..

=لا بالله تجولي، اچيبلك شاي، اني عشرب شاي اچيبلك ويايا؟

_لااه معشربوش، لو ضروري يوبجا تچيبلي ميه..

چاسر راح جاب الشاي والميه ورجع لقاها بتتكلم في التليفون مع كريم خطيبها وبتقول: لا خلاص انا طلعت يا كريم، خليها نوبه تانيه اكون في البيت…. يعني ايه مجولتلكش ليه ماالك يا كريم ايه فيها… خلاص يا كريم بلاه الحديت الماسخ ده واجفل احسن.. سلام.

سريا قفلت السكه في وش كريم واتنهدت وهي متوتره من وجود جاسر اللي كان عينه عليها وبيراقب كل حركاتها وقال:

_مالك؟! متخانجه انتي وخطيبك عااد؟

=خطيب الندامه اه، جال مجولتيش انك طالعه، مفكر حاله وصي عليا البيه، اقسم بيمين الله لو كان زودها معايا اكتر كنت اروح لحد عنده وارمي الدبله دي في وشه، ليكون مفكر حاله بحتة دبله هيبجالو الحج يتحكم فيا…. حاچه تشل يبوي.

سريا كإنها طلعت كل الكبت اللي كان جواها قي كلامها مع جاسر ومنتبهتش انها اتكلمت مع جاسر غير لما خلصت كلام ولقيته بيبص لها وهو مبتسم وعنيه بتلمع بفرحه فقالت: مالك بتبص لي اكده ليه؟

_اصلك اول مره تتحدتي معايا اكده بدون تكليف او حدود.. زي ما نكونو عارفين بعضينا من زمان..

حاولت تدراي كسفتها وقالت: هاا؟!.. لااه ده اكمني كنت هتطرشج بس جولت اخف من علي جلبي…

_ااه.. ومالو، اي وجت تحبي تخفي من علي جلبك انا موجود واتمني اسمعك..

سريا اتحولت تاني وقالت: لاااه متشكرين.. فضيناها عاد..

مرمن جمبهم شابين وواحد منهم بص لسريا وقال لصاحبه: شايف ياض الحته الاچنبيه اللي جاعده دي.. ملهاش مثيل عليا الطلاج..


جاسر اول ما سمعهم مقدرش يتحكم في غيرته وقام من مكانه بسرعه وضرب الولدين بوحشيه وهو بيقول:طب شايف انت الحركه دي

الولد فضل يترجا جاسر انه يبعد عنه وبيقول: اني اسف يا اخوي مخدتش بالي انك جاعد وياها..

_ليه .. شفاف انا وانا مخابرش يااااك..

الناس بدات تتلم حواليهم وتتفرج وكانت سريا واقفه في نص هدومها بصت لجاسر وقالت: خلااص عااد العالم كلاتها عتتفرچ علينا

جاسر بصلها وبعصبيه قال: بعدي انتي من اهنه وروحي اجعدي مطرحك..

فضل جاسر يطحن فيهم والناس تتفرج لولا سريا اللي بعدته عنهم..

جاسر قعد عالكرسي وهو بينهج وجمبه سريا اللي بتبص عليه بغضب وقالت: انت مچنون يااك.. طحنت الواد وعدمته العافيه ،كلات ده عشان كلمة خايبه جالها!!

بص لها جاسر بعصبيه وقال: وليه يبص عليكي من اصله.. انتي اللي يبص عليكي بطرف عينه بس اكله بسناني اكل…

سريا فضلت متنحه من تأثير الكلمه عليها وبصت لجاسر وهي متلخبطه وقالت: انتااا.. انتا جصدك اي يعني.. معناته اي كلامك ده!

جاسر قال بنفاذ صبر وتهور: معناته اني بحبك .. سمعتي ولا اعيد تاني.

_بتحبني؟؟!!

قالتها سريا واغمي عليها وبدا جاسر يفوقها وهو مرعوب عليها وجاب ميه ورشها علي وشها فاتنفضت وهي بتقول: ياابوي دجيجه

_دجيجة ايه يا مخبله انتي فوجي..

فاقت سريا وفضلت تتلفت حواليها وبعدين بصت لجاسر وقالت: يبووي منها التهيؤات دي.. بتخلي الواحد عيتخيل مصايب..

ابتسم جاسر وقال: كيف ايه مثلا؟!

بصت له بكسوف وقالت: لااه متشغلش بالك.. كلام فاضي اكده..

_كيف اني جولتلك بحبك مثلا؟!

= ايييه.. هو انت جولت اكده فعلا ولا انا متهيألي..

_ايوة جولت.. و بجولها لتاني مره وهجولها مليون مره وطول منا عايش هجولها.. بحبك يا سريا ومكتشفتش اني بحبك الا لما حسيت انك هتضيعي من ايديا..

سريا مسكت المنيو اللي قدامها وفضلت تهوي بيه وهي مش مصدقه كلام جاسر وقالت: يبوووي، كفاياك حديت ممنوش فايده عااد.

_وليه ممنوش فايده يا سريا، انا بحبك وانتي كمان متوكد انك بتحبيني، يوبجا ايه المانع عااد؟؟

فضلت سريا تبص له بتركيز وبعدين مسكت ايده وقالت وهي بتشاورعلي الدبله في صباعه: في موانع كتيره مش مانع واحد يا چاسر.. اولهم الدبله اللي في يدك دي و الدبله اللي في يدي.. زنبهم ايه خطيبتك ولا خطيبي يتظلموا معانا؟!

_الظلم الحجيجي يا سريا اننا نكمل وياهم بالغش، نكون معاهم واحنا بالنا مع غيرهم، ده الغش صوح.. وبعدين انا عمري ما حبيت خطيبتي وهي كان عندها احساس بده.. يغني مش هتنصدم ولا هتتفاجأ .

=مكنتش بتحب خطيبتك؟! ولما انت مكنتش بتحبها ليه خطبتها؟! ليه تعلقها بيك وبعدين تسيبها؟!

_كنت في فتره متشوش، تايه ومخابرش اني رايد ايه بالتحديد، سواعي احس اني رايدك و سواعي تانيه احس انك مفارجاشي معايا ،جولت اخطب واشوف حالي واكيد هكون مبسوط ومرتاح، لكن من يوم الخطوبه ولما شوفت كريم بيسام عليكي وهو عيضحك وبعديها سالني عنك حسيت ان الدم غلي في عروجي، حسيت اني غيران وهموت من الغيره كمان، والغيره زادت وبجت تنهش في صدري لما خدت خبر انك انخطبتي له.. حسيت كد ايه اني مغفل و مخبل كمان اني ضيعتك من ايديا…

سريا كانت بتسمعه والدموع بتنزل من عينيها، بصتله وهي بتبكي فقالت: مش مصدجه وداني يا چاسر ،للدرچه دي عتحبني؟
.
_مش حب وبس يا سريا.. ده عشج يا ست البنات، تجبلي تتجوزيني يا سريا..

سريا بصت قدامها بتوهان ومنطقتش فقال جاسر بخوف: ماالك مبترديش عليا ليه..

_خايفه يا چاسر، خايفه من الناس ومن كلامهم الواعر، منتا خابر زين بلادنا و تجاليدها، خايفه من ابوي، خايفه من كريم ، و عليه، خايفه اظلمه او اجي عليه، كريم زين وولد حلال وعمره ما شوفت منه حاجه عفشه، خايفه اكسر جلبه..

جاسر مسك ايديها بحب وقال: واحنا ذنبنا ايه ننكوي بنار الحب يا سريا، لا ذنبي ولا ذنبك، ولا هو ذنب كريم ولا ذنب خطيبتي كمان، الصراحه هي الحل الوحيد اللي عيخليهم يتقبلوا الامر ويفهمونا..

_جصدك ايه؟! جصدك انك هتصارح خطيبتك انك هتسيبها لچل ما تتچوز غيرها.؟؟ وهو في واحده تجبل علي كرامتها حديت زي ديه؟

= لازمن نصارحهم يا سريا، الدنيا ما كانت بتجف علي حد،هما كمان بكره هيلاجوا اللي يعوضهم ويحبهم الحب اللي يستاهلوه..

اتنهدت سريا بحيرة وقالت: مخابراشي يا چاسر، قرار واعر جوي ومخابراش اتصرف كيف..

_اسمعي كلامي وانتي تتريحي، لازمن نتعبو لچل ما الكل يرتاح في الاخر سواء احنا او هما.. الغش والخداع عمرهم ما كانو حل لأي مشكله.. جدي جلبك وخدي قرار واتكلمي مع كريم الليله واني زيك فورا عتكلم معاها وننهي كل حاجه..

_وه .. ومالك مستعجل اكده..

=لچل ما نعملوا فرحنا مع حازم وساميه.. و ليه نستنو؟

حازم وساميه خلصوا شرا العفش ورجعو لهم و جاسر و سريا بلغوهم بقرارهم وكانوا مصدومين لكن في نفس الوقت فرحانين ليهم..

سريا كانت قاعده مع باباها ومش عارفه تبلغه بقرارها ازاي وعماله تلخبط في الكلام لكن هو حس بيها وقال: ماالك يبوي عماله تهلفطي بالكلام اكده كيف ما تكوني في كلمتين محبوسين في خشمك مخبراشي تطلعيهم كيف…

_طول عمرك فاهمني يابوي وحاسس باللي في جلبي من غير ما اتحدت.. ابوي كان في موضوع رايده اتحدت معاك فيه.. تسمحلي؟

=جولي يابايا اني سامعك..

اتنهدت سريا وقالت :.انا قررت اني اسيب كريم..ومن جبل ما حضرتك تكلم، انا حاولت كتير اني اجرب منه او افتحله جليدبي في كل مره مكنتش بجدر يبوي، سدجني يبوي والله حاولت كتير..

_لا حل ولا قوه الا بالله.. والله يا بتي مخابرش ايه اجوللك، مع اني يعز عليا اني اچرح شاب محترم كيف كريم لكن هنجول اي، لله الامر من قبل ومن بعد.. بكره اتحدت معاه وابلغه بقرارك.. بس جوليلي الاول، قرارك ده وراه اي ضغط او اسباب غير اللي بلغتيني بيها دلوك؟

ارتبكت سريا وقالت: هاا.. لاه يبوي هو اللي بلغت حضرتك بيه بس.

جمال فهم انها بتداري عنه الحقيقه لكن محبش يضغط عليها وسابهة وقام وهي دخلت اوضتها وفضلت تفكر في جاسر و تفتكر الكلام اللي قالهولها وهي مبتسمه وسرحانه لحد ما فاقت علي صوت ساميه وهي بتقول لها: ايوة يسيدي رچعنا نتأملو و نسرحو من چديد.. هنيالك يستي..

سريا بصتلها وهي مهمومه وقالت بجديه: مخابراشي ايه اللي هيچرا يا خيتي، كريم صعبان عليا جوي وحاسه اني ظالماه..

ساميه ابتسمت وطبطبت علي سريا وقالت: لااه يا خيتي مظلماهوشي، اللي وصلتي له عين العقل.. احسن ما تتچوزيه وانتي بالك مع غيره.. اكده هيكون الظلم بعينه، انما دلوك انتو لساتو علي البر، يعني كلها شهر ولا اتنين وكريم هينسي ان في حياته كان في واحده اسمها سريا اساسا.. الايام ياما بتداوي يا خيتي، وبكره هو كمان هيلاجي بنت الحلال اللي تحبه ويحبها وتسعده وتبلدله نفس المشاعر..

_طمنتيني يا خيتي ربنا يريح جلبك، اني بلغت ابوي بقراري .وهو جاللي انه هيبلغ كريم بكره بإذن الله، ربنا يسترها عاد .

=ان شاء الله ي حبيبتي.. يلا تصبحي علي خير، ان شاء الله احلام سعيده يا خيتي…

_ان شاءالله احلام لا تنام يا حبيبتي وانتي من اهله

=والله يا خيتي انتي تروجي الدم المعكر، ده چاسر ديه امه دعياله في ليلة القدر..

_أخچلتم تواضعنا يا خيتي وبعدين مدعيالوش في ليلة القدر، دعيالو ليلة خميس حتي انا كنت شاهده

=والله؟! وجالتلو اي بجا يا خيتي؟!

_جالتلو روح ربنا يرزجك بواحده حلوة و مسمسمه ودمها شربات و حداها ٢٣ سنه واول حرف من اسمها سرياا

= ده اكده كانت بتجدم له علي وظيفه مش بتدعيله يا خيتي، نامي يا حبيبتي نامي ربنا يصبره چاسر علي ما بلاه..

وراحت سريا في النوم وهي عماله تحلم وتتخيل يوم فرحها علي جاسر اليوم اللي كانت مستنياه من زماان، وفي نفس الوقت خايفه من مواجهة كريم بقرارها ومش عارفه هيتصرف ازاي