السادس عشر
_ الحقني يا رامي…
قالتها ليندا وهي بتصرخ فقال بلهفه: في ايه يا ليندا بتصرخي ليه؟
_في ناس بتحاول تدخل الفيلا عليا انا و رقيه، احنا قافلين الابواب و الشبابيك بس معاهم شوم بيكسرو بيها .. الحقنا يا رامي انا بموت م الخوف..
=طيب اهدي ومتخافيش، خدي رقيه وانزلوا البادروم بسرعه وانا هتصرف حالا..
رامي قفل مع ليندا وكان بيكلم داليا وهو بيطلب رقم معتز في التليفون وبيقول لداليا: بسرعه اجهزي هننزل مصر حالاا.
داليا فورا بدات تجهز الشنط بتاعتهم ورامي اتصل علي معتز كذا مره لكن كعادته مردش غير بعد فتره…
رامي اول ما معتز رد عليه قال له بعصبية: يشيخ ربنا ينتقم منك .. قولتلك مليون مره ترد علي الزفت..
_ايه ياعم مالك ما تهدي علينا.. كنت نايم وصاحي علي رنة تليفونك..
=طيب بسرعه مفيش وقت للتفسير، اطلع علي الڤيلا وادخل من المدخل اللي جمب البادروم وخد ليندا ورقيه بسرعه وخرجهم من هناك، في حد بيحاول يدخل عليهم الڤيلا، بسرررعه يا معتز…
معتز اتحرك فورا وراح عالڤيلااا بس ملقاش حد بيحاول يدخل الڤيلا زي ما رامي قله واتفاجأ ان الحرس كلهم متخدرين دخل البادروم ملقاش حد، دخل الڤيلاا اتفاجأ ان رجالة تامر الرفاعي مكتفين رقيه وليندا والبنات كانوا منهارين من البكااا والخوف..
خرج بسرعه قبل ما حد يشوفه وطلب البوليس وكلم رامي وهو قلقان وقال: البنات في خطر يا رامي، رجالة تامر الرفاعي مكتفينهم وانا مش عارف اتصرف لوحدي
.
رامي كلمه وهو في طريقه للمطار وكان بيقول: طيب طلبت البوليس ؟!
_ايوة طلبت البوليس وبكلمك وانا مستخبي، لو لمحوني هيمرجحوني..
=مستخبي وسايب البنات لوحدهم يا جبان.. اقفل انا هركب الطيلره حالا..
معتز يدوب قفل مع رامي وحس بحد بيكتفه وبيسحبه علي جوه فقال: ايه ده انتوا سمعتوني ولا اي؟! انتو هتودوني الملاهي بجد ولا اي؟
كتفوه في الكرسي التالت جمب ليندا ورقيه وبص للبنات وقال: عاملين ايه يا بنات ..اوعوا يكون حد اتعرضلكوا، انا مرضيتش اسيبكو مخطوفين لوحديكو قولت اجيلكوا ونبقا اسره مع بعضينا..
ليندا بصتله بغيظ ورقيه قالت: جيبتك يا عبدالمعين تعينني..
بصتلها ليندا باستغراب وقالت: عبدالمعين مين؟!
معتز ضحك وقال لها: اللي بيقف في الكمين، بس يا ليندا، بس يااماا
وبص لواحد من اللي واقفين وقال: طلباتكو اي يا رجاله، كل اللي تؤمروا بيه مجاب..
_عايزين الراس الكبيره بتاعتكو…
ضحك معتز وقال: ريحكو نفسكو.. مش موجود..
ليندا صرخت وقال: لااااا، متقطعوش راسي بليييز مش عايزة اموت بالطريقه البشعه دي…
معتز بصلها وقال: بقولكو ايه البت دي هتتعبنا خلصوا عليها اول واحده..
معتز بصلها وبص للي كان بيتكلم وساله: بقوللك ايه يا ذوق، اسم الكريم ايه؟
_اسمي ابو هاشم..
=عاشت الاسامي يبو هاشم، ماتسيبوا البنات تمشي والكلام يبقا كلام رجاله..
بصله ابو هاشم وقعد يتلفت حواليه وهو بيقول: وهي فين الرجاله دي، أنا مش شايف أيوتها رجاله… دنتا كلك انوثه ياااض
رقيه غميت ضحك وقالت: صاروخ عابر للقارات قاصف للجبهات
بصلها معتز وهو بيموت م الغيظ وقال: اقعدي انتي يا ام اربعه واربعين.. اهو عالاقل حد فينا يبقا فيه انوثه…
ليندا ضحكت وبصت لرقيه وقالت: أين الجبهه انا لا أراهاا
معتز: اسكتي انتي كمان اهو كله من تحت راسك منك لله انتي واخوكي
ليندا: انت بتدعي عليا انا ورامي؟! طب ورحمة ماما لما ييجي رامي لاقولله..
_اتنيلي ..مش لو فضلتي عايشه لحد ما ييجي رامي..
وبص معتز لابو هاشم وقال: قوللي يابو هاشم ياخويا، الاقيش معاك ورقه وقلم
بصله ابو هاشم وقال بنفاذ صبر: ليييييه؟!
_ابداا.. هكتب وصيتي بس
=مش عايزين صدااااع.. اخرسوا خاالص لحد ما ييجي الزفت اللي اسمه رامي ده خلونا نخلص..
معتز اتكلم في سره وقال: زفت؟! ده رامي لو سمعك هيململ حالك
وعلي صوته وهو بيقول: طب ممكن تجيبولنا اكل.. اظن مش مروة منكو نكون مخطوفين وننام من غير عشا.. عالاقل عشان البنات دي يعني..
ابوهاشم بص للي معاه وقاللهم :هاتولهم اي حاجه ياكلوها
وبص لرقيه وغمزلها وقال: واتوصوا بالعسل ده.. كل اللي تعوزه يكون عندها في الحال…
مغتز بص لرقيه وقال: اه يبنت المحظوظه.. اول علاقه عاطفيه تجمع بين مجرم ورهينه..
….
في الاثناء دي كان رامي وداليا في الطياره راجعين مصر ورامي كان قلقان جداا علي اخته، داليا حطت ايديها علي ايده وهي بتواسيه وقالت: متقلقش يا رامي ان شاءالله مش هيحصللهم حاجه..
رامي ضغط على ايديها بشده وكانه بيتقوي بيها وقال: يااارب نوصل قبل فوات الاوان، لو ليندا اختي حرالها حاجه انا ممكن اموت فيها..
داليا قالت بلهفه: بعد الشر عنك.. ان شاءالله مش هيحصللها حاجه.. بس هو تامر الرفاعي ده عايز ايه منك؟!
_منافس.. تامر الرفاعي ده الوحيد اللي يقدر ينافسني في السوق ..بس مش عارف اشمعنا دلوقتي.. وليه ليندا يحاربني بيها.. عشان كده كنت بحاول بقدر الإمكان اني ابعدها عن الشركه وعن السوق عشان محدش يهددني بيهاا او يفكر يستغلني عن طريقها.. خليتها كملت تعليمها في كندا وكنت بتحايل عليها تفضل هناك بس هي رفضت.. وادي كلامي اتحقق اهو رتامر الكلب بيمسكني من ايدي اللي بتوجعني…
=طيب مش انت بتقول معتز معاهم.. المفروض تتطمن شويه عن كده..
_اطمن اي بس دنا كده قلقان اكتر.. انتي مش عارفه حاجه..
…..
في الفيلا عند معتز والبنات كانو بياكلوا وهما متحاوطين برجالة تامر الرفاعي اللي كل واحد فيهم ماسك سلاح مصوبه نحية حد منهم.
معتز كان بيكلم رقيه بهمس وبيقول: يبختك جايبنين لك وجبة كومبو و كنز وعصير.. وجايبين لي انا واليتيمه دي كل واحد ورك فرخه .. الظاهر ان المعلم بتاعهم .مبسوط منك اوي..
رقيه بصتله بغيظ وقالت: احنا في ايه وانت في ايه يا مستر معتز ..اتفضل فكرلنا في طريقه نخلص بيها من الورطه اللي احنا فيها دي… مش المفروض ان حضرتك الراجل…
_الراجل؟! يعني ايه الراجل يعني؟!
=يعني انت اللي تتصرف في المواقف اللي زي دي..
_بصي يا رقيه يا بنتي ،انا طول عمري مؤمن بالمساواة بين الراجل والمرأه.. يعني مفيش فرق بيننا نوهائي..
=صحيح علي رأي المثل ،وقت الجد متلاقيش حد.. الرجوله انمحت فعلا..
_بصي مهما تحاولي تستفزيني مش هتعرفي، انا مليش منافس في الثبات الانفعالي، فاهدي كده واتبطي وخلي ليلتنا تعدي على خير.. وبعدين هو مين اللي مفروض يتصرف ؟! انا ولا انتي.! مش ابو هاشم ده معجب بسيادتك ،يبقا المفروض تتصرفي وتنقذينا من الموقف الهباب ده..
=ماشاء الله عالرجوله.. صحيح علي راي المثل، الراجل راجل من يومه ولو لسه قايم من نومه…
_اييييه الهبد اللي انتي بنقوليه ده، انتي بتجيبي الحكم والامثال بتاعتك دي منين نفسي اعرف؟؟ اتفضلي كملي اكلك من سكات لو سمحتي ومتشتتيش تفكيري…
…..
عند تامر الرفاعي في الشركه.. كان بيتكلم مع ابو هاشم في التليفون وبيقول: هااا وصلتوا لحاجه؟!
_للاسف يا بوص اللي جايين عشانه مش موجود اصلا، بيقولوا مسافر بره مصر.. معانا اخته والسكرتيره بتاعته وصاحبه الواد اللتات ده اللي شغال معاه في الشركه..
=وامتا هييجي رامي؟! حاولو توصلو له.. اكيد لما يعرف ان اخته في خطر هيهتم ويرجع في اقرب فرصه..
_الخبر وصله، صاحبه الهتيه ده اللي اسمه معتز بلغه، وتقريبا هو في الطياره دلوقتي راجع مصر.. السؤال بقا سعادتك لما يوصل رامي بيه كراويه ده هنتصرف ازاي معاه؟!
=اول حاجه تروقوه الترويقه التمام وبعدين تبلغوني عشان لازم اتكلم معاه كلام كتييييير جدااا من زمان وانا محوشه وجه وقته خلاص..
_علم و ينفذ يباشا، اول ما يجد جديد هنبلغ حضرتك..
مر حوالي اربع ساعات وكان لسه رامي موصلش وابوهاشم قال لمعتز: نص ساعه كمان وقت بدل ضايع ولو مجاش البشمهندس هنبدا بأول ضحيه فيكو….
معتز مات من الرعب وقال: ضحية اي بس صلي عالنبي في قلبك كده، انا عن نفسي لو موتتني مش فارق مع رامي بيه ببصله، يبقاا الحل انكو تسيبوني وتاخدو البنات، واول ما يوصل انا هبلغكو عشان تساوموه عالبنات ولو اني اشك انه يدفع اصلاا
_بلاش كتر كلام ياض بدل ما اعمل معاك الجلاشه، فات عشر دقايق..لسه تلت ساعه..
وبص لواحد من اللي معاه وقال: حضر الفلكه والخازوق يا سويلم..
معتز بصله بصدمه وقال وهو بيترعش من الخوف: ايه يا رجاله ادوات التعذيب البدائيه دي، انتو مسمعتوش عن الرصاص ولا اي، ده حتي اوفر واسهل يعني.. انا بدور علي راحتكو..
ابوهاشم: اخرص ياض.. يلا يا سويلم فكه خلينا ننجز ونمشي، الظاهر ان البشمهندس مش جاي..
_ لااا، لسه ياقي من الزمن ربع ساعة وانا ارفض رفض تام اني اموت قبل ما وقتي يخلص، انت مبتسمعش عن الاجوان اللي بتيجي في الدقيقه الاخيره من المانش ولا اي..
ابو هاشم كان لسه هيتكلم قطع كلامه دخول رامي الڤيلا ومعاه اربعه بودي جاردات ومعاهم رشاشات وبداوا يضربوا علي بعض نار ومعتز اول ما شاف اتنين من رجالة تامر الرفاعي وقعوا في الارض ميتين طلع يجري علي بره الڤيلا وبعدين وقف قدام البوابه وهو بيقول: البنات!! ده انا نسيتهم..
رجع جري ينقذهم اتفاجأ برامي اللي خارج من الفيلا ومعاه البنات وبيبصله بغضب فمعتز قالله: كنت خارج أأمن المكان واتاكد انه كله تمام، انتو تمام؟
رامي بصله بغيظ وهو بيجز علي سنانه وقال : بتأمن المكان؟
البوليس وصل وقدر يقبض عليهم وبداو يحققوا معاهم وبشهادتهم عرفو ان تامر الرفاعي اللي وراهم
…
تاني يوم راح رامي لتامر الرفاعي شركته وطلب يقابله وفعلا سمحوله يقابله في مكتبه…
تامر:اهلاا اهلاا بالحوت ..مكنتش متوقع انك هتيجي بنفسك لحد عندي، استنيت منك ترد بطريقه غير مباشره.. بس انت دائما كده تخلف توقعاتي..
رامي: هات م الاخر يا ابن الرفاعي، عايز ايه؟!
تامر: تمام اوي الكلام ده، انت جيتلي دوغري وانا هجيلك دوغري ، تنسحب من الإنتخابات..
رامي ضحك بكل صوته وقال: بقاا كل ده ومكلف نفسك وجايب رجاله وسلاح وليله كبيره عشان تخليني انسحب من الانتخابات؟! ده انت مطلعتش نبيه كفايه يا تامر باشا..
_متهيألك.. انا عارف مصلحتي فين كويس اوي، هتنسحب من الانتخابات هرجعلك ألامانه بتاعتك اللي عندي، مش هتنسحب ملكش حاجه عندي وهتخسر المناقصه وكده كده خسران الانتخابات، يبقا لا طولت اابيض ولا لسه.. يعني زي ما بيقولوا بالبلدي كده خسرت الجلد والسقط…
=امممم.. يعني ورق الصفقه طلع عندك انت.. وانا كل ده بدور في أماكن تانيه خاالص.. عالعموم الورق ده تبله وتشرب ميته… خلاص ميلزمنيش.. والصفقه كده كده هتتم بالورق اللي معاك او من غيره.. مش رامي كراويه اللي يتلوي دراعه…
_يعتي ايه الكلام ده؟!
=يعني انسحاب من الانتخابات مش هنسحب، وأعلي ما في خيلك اركبه.. بس قبل ما امشي خليك فاكر انك فتحت علي نفسك جهنم الحمره ونار منتاش قدهاا..
…
في القيلا.. كانت داليا وليندا قاعدين مع بعض فقالت داليا: ادي يستي تانر زفت اللي حضرتك بتحبيه، سيبتي رجالة العالم كله وقولتي من ده وخلقت !
ليندا: بليز يا داليا كفايه . انا اصلا من غير حاجة ضميري بيأدبني .
_بيأدبك !! والله انتي عايزة كورس تصحيح لغه، اسمها ضميري بيأنبني يا أعجوبة الدنيا التامنه انتي، وبعدين حتي تأنيب الضمير في حالتك دي مش كفاية، انتي المفروض تاخدي عهد علي نفسك انك مش هتعرفي البني ادم ده تاني..
_يعني يا داليا اللي يسمعك كده يقول انه كان بيموت في دباديبي، ده مكانش يعرفني اصلا، يعني حب من طرف واحد..
=الحمدلله انه زفت من طرف واحد، واياكي بعد كده تبصي لصنف الرجاله دول اصلا، ده البعد عنهم غنيمه..
_ومين سمعك.. قومي بينا ننام قبل ما رامي ييجي، لاحسن ده شغال يتوعد لي انا وانتي..
=انتي بتقولي فيها يعني، ده سبكا وهنلتقيه داخل علينا ببندقيه ودقت ساعة الزحف، وهينتقم مننا اشد انتقام..
قبل ما واحده منهم تتحرك لمكان كان رامي في قلب الاوضه وبيبصلهم نظرات كلها وعيد وانتقام
_علي فين يا رجال المهام الصعبه، بقاا انا تضحكوا عليا وتعملوالي حوار وتلبسوني العمه،
وبص لداليا وقال: انا تتفقي مع الدكتور من ورايا وتوهميني انك يا حرام فقدتي الذاكره بسببي، وتخليني عايش ندمان..
داليا: زعلان اوي؟! دي حاجه بسيطه متجيش نقطه في بحر من المرمطه اللي شفتها معاك.. وكل ده عشان حاجه مليش دعوه بيهاا..
رامي هز راسه باستسلام وفال: عالعموم اللعبه كلها انتهت لحد كده، انا هلاص عرفت الورق فين، يعني مبقالكيش لزمه هنا، تقدري تروحي!!
قالتها ليندا وهي بتصرخ فقال بلهفه: في ايه يا ليندا بتصرخي ليه؟
_في ناس بتحاول تدخل الفيلا عليا انا و رقيه، احنا قافلين الابواب و الشبابيك بس معاهم شوم بيكسرو بيها .. الحقنا يا رامي انا بموت م الخوف..
=طيب اهدي ومتخافيش، خدي رقيه وانزلوا البادروم بسرعه وانا هتصرف حالا..
رامي قفل مع ليندا وكان بيكلم داليا وهو بيطلب رقم معتز في التليفون وبيقول لداليا: بسرعه اجهزي هننزل مصر حالاا.
داليا فورا بدات تجهز الشنط بتاعتهم ورامي اتصل علي معتز كذا مره لكن كعادته مردش غير بعد فتره…
رامي اول ما معتز رد عليه قال له بعصبية: يشيخ ربنا ينتقم منك .. قولتلك مليون مره ترد علي الزفت..
_ايه ياعم مالك ما تهدي علينا.. كنت نايم وصاحي علي رنة تليفونك..
=طيب بسرعه مفيش وقت للتفسير، اطلع علي الڤيلا وادخل من المدخل اللي جمب البادروم وخد ليندا ورقيه بسرعه وخرجهم من هناك، في حد بيحاول يدخل عليهم الڤيلا، بسرررعه يا معتز…
معتز اتحرك فورا وراح عالڤيلااا بس ملقاش حد بيحاول يدخل الڤيلا زي ما رامي قله واتفاجأ ان الحرس كلهم متخدرين دخل البادروم ملقاش حد، دخل الڤيلاا اتفاجأ ان رجالة تامر الرفاعي مكتفين رقيه وليندا والبنات كانوا منهارين من البكااا والخوف..
خرج بسرعه قبل ما حد يشوفه وطلب البوليس وكلم رامي وهو قلقان وقال: البنات في خطر يا رامي، رجالة تامر الرفاعي مكتفينهم وانا مش عارف اتصرف لوحدي
.
رامي كلمه وهو في طريقه للمطار وكان بيقول: طيب طلبت البوليس ؟!
_ايوة طلبت البوليس وبكلمك وانا مستخبي، لو لمحوني هيمرجحوني..
=مستخبي وسايب البنات لوحدهم يا جبان.. اقفل انا هركب الطيلره حالا..
معتز يدوب قفل مع رامي وحس بحد بيكتفه وبيسحبه علي جوه فقال: ايه ده انتوا سمعتوني ولا اي؟! انتو هتودوني الملاهي بجد ولا اي؟
كتفوه في الكرسي التالت جمب ليندا ورقيه وبص للبنات وقال: عاملين ايه يا بنات ..اوعوا يكون حد اتعرضلكوا، انا مرضيتش اسيبكو مخطوفين لوحديكو قولت اجيلكوا ونبقا اسره مع بعضينا..
ليندا بصتله بغيظ ورقيه قالت: جيبتك يا عبدالمعين تعينني..
بصتلها ليندا باستغراب وقالت: عبدالمعين مين؟!
معتز ضحك وقال لها: اللي بيقف في الكمين، بس يا ليندا، بس يااماا
وبص لواحد من اللي واقفين وقال: طلباتكو اي يا رجاله، كل اللي تؤمروا بيه مجاب..
_عايزين الراس الكبيره بتاعتكو…
ضحك معتز وقال: ريحكو نفسكو.. مش موجود..
ليندا صرخت وقال: لااااا، متقطعوش راسي بليييز مش عايزة اموت بالطريقه البشعه دي…
معتز بصلها وقال: بقولكو ايه البت دي هتتعبنا خلصوا عليها اول واحده..
معتز بصلها وبص للي كان بيتكلم وساله: بقوللك ايه يا ذوق، اسم الكريم ايه؟
_اسمي ابو هاشم..
=عاشت الاسامي يبو هاشم، ماتسيبوا البنات تمشي والكلام يبقا كلام رجاله..
بصله ابو هاشم وقعد يتلفت حواليه وهو بيقول: وهي فين الرجاله دي، أنا مش شايف أيوتها رجاله… دنتا كلك انوثه ياااض
رقيه غميت ضحك وقالت: صاروخ عابر للقارات قاصف للجبهات
بصلها معتز وهو بيموت م الغيظ وقال: اقعدي انتي يا ام اربعه واربعين.. اهو عالاقل حد فينا يبقا فيه انوثه…
ليندا ضحكت وبصت لرقيه وقالت: أين الجبهه انا لا أراهاا
معتز: اسكتي انتي كمان اهو كله من تحت راسك منك لله انتي واخوكي
ليندا: انت بتدعي عليا انا ورامي؟! طب ورحمة ماما لما ييجي رامي لاقولله..
_اتنيلي ..مش لو فضلتي عايشه لحد ما ييجي رامي..
وبص معتز لابو هاشم وقال: قوللي يابو هاشم ياخويا، الاقيش معاك ورقه وقلم
بصله ابو هاشم وقال بنفاذ صبر: ليييييه؟!
_ابداا.. هكتب وصيتي بس
=مش عايزين صدااااع.. اخرسوا خاالص لحد ما ييجي الزفت اللي اسمه رامي ده خلونا نخلص..
معتز اتكلم في سره وقال: زفت؟! ده رامي لو سمعك هيململ حالك
وعلي صوته وهو بيقول: طب ممكن تجيبولنا اكل.. اظن مش مروة منكو نكون مخطوفين وننام من غير عشا.. عالاقل عشان البنات دي يعني..
ابوهاشم بص للي معاه وقاللهم :هاتولهم اي حاجه ياكلوها
وبص لرقيه وغمزلها وقال: واتوصوا بالعسل ده.. كل اللي تعوزه يكون عندها في الحال…
مغتز بص لرقيه وقال: اه يبنت المحظوظه.. اول علاقه عاطفيه تجمع بين مجرم ورهينه..
….
في الاثناء دي كان رامي وداليا في الطياره راجعين مصر ورامي كان قلقان جداا علي اخته، داليا حطت ايديها علي ايده وهي بتواسيه وقالت: متقلقش يا رامي ان شاءالله مش هيحصللهم حاجه..
رامي ضغط على ايديها بشده وكانه بيتقوي بيها وقال: يااارب نوصل قبل فوات الاوان، لو ليندا اختي حرالها حاجه انا ممكن اموت فيها..
داليا قالت بلهفه: بعد الشر عنك.. ان شاءالله مش هيحصللها حاجه.. بس هو تامر الرفاعي ده عايز ايه منك؟!
_منافس.. تامر الرفاعي ده الوحيد اللي يقدر ينافسني في السوق ..بس مش عارف اشمعنا دلوقتي.. وليه ليندا يحاربني بيها.. عشان كده كنت بحاول بقدر الإمكان اني ابعدها عن الشركه وعن السوق عشان محدش يهددني بيهاا او يفكر يستغلني عن طريقها.. خليتها كملت تعليمها في كندا وكنت بتحايل عليها تفضل هناك بس هي رفضت.. وادي كلامي اتحقق اهو رتامر الكلب بيمسكني من ايدي اللي بتوجعني…
=طيب مش انت بتقول معتز معاهم.. المفروض تتطمن شويه عن كده..
_اطمن اي بس دنا كده قلقان اكتر.. انتي مش عارفه حاجه..
…..
في الفيلا عند معتز والبنات كانو بياكلوا وهما متحاوطين برجالة تامر الرفاعي اللي كل واحد فيهم ماسك سلاح مصوبه نحية حد منهم.
معتز كان بيكلم رقيه بهمس وبيقول: يبختك جايبنين لك وجبة كومبو و كنز وعصير.. وجايبين لي انا واليتيمه دي كل واحد ورك فرخه .. الظاهر ان المعلم بتاعهم .مبسوط منك اوي..
رقيه بصتله بغيظ وقالت: احنا في ايه وانت في ايه يا مستر معتز ..اتفضل فكرلنا في طريقه نخلص بيها من الورطه اللي احنا فيها دي… مش المفروض ان حضرتك الراجل…
_الراجل؟! يعني ايه الراجل يعني؟!
=يعني انت اللي تتصرف في المواقف اللي زي دي..
_بصي يا رقيه يا بنتي ،انا طول عمري مؤمن بالمساواة بين الراجل والمرأه.. يعني مفيش فرق بيننا نوهائي..
=صحيح علي رأي المثل ،وقت الجد متلاقيش حد.. الرجوله انمحت فعلا..
_بصي مهما تحاولي تستفزيني مش هتعرفي، انا مليش منافس في الثبات الانفعالي، فاهدي كده واتبطي وخلي ليلتنا تعدي على خير.. وبعدين هو مين اللي مفروض يتصرف ؟! انا ولا انتي.! مش ابو هاشم ده معجب بسيادتك ،يبقا المفروض تتصرفي وتنقذينا من الموقف الهباب ده..
=ماشاء الله عالرجوله.. صحيح علي راي المثل، الراجل راجل من يومه ولو لسه قايم من نومه…
_اييييه الهبد اللي انتي بنقوليه ده، انتي بتجيبي الحكم والامثال بتاعتك دي منين نفسي اعرف؟؟ اتفضلي كملي اكلك من سكات لو سمحتي ومتشتتيش تفكيري…
…..
عند تامر الرفاعي في الشركه.. كان بيتكلم مع ابو هاشم في التليفون وبيقول: هااا وصلتوا لحاجه؟!
_للاسف يا بوص اللي جايين عشانه مش موجود اصلا، بيقولوا مسافر بره مصر.. معانا اخته والسكرتيره بتاعته وصاحبه الواد اللتات ده اللي شغال معاه في الشركه..
=وامتا هييجي رامي؟! حاولو توصلو له.. اكيد لما يعرف ان اخته في خطر هيهتم ويرجع في اقرب فرصه..
_الخبر وصله، صاحبه الهتيه ده اللي اسمه معتز بلغه، وتقريبا هو في الطياره دلوقتي راجع مصر.. السؤال بقا سعادتك لما يوصل رامي بيه كراويه ده هنتصرف ازاي معاه؟!
=اول حاجه تروقوه الترويقه التمام وبعدين تبلغوني عشان لازم اتكلم معاه كلام كتييييير جدااا من زمان وانا محوشه وجه وقته خلاص..
_علم و ينفذ يباشا، اول ما يجد جديد هنبلغ حضرتك..
مر حوالي اربع ساعات وكان لسه رامي موصلش وابوهاشم قال لمعتز: نص ساعه كمان وقت بدل ضايع ولو مجاش البشمهندس هنبدا بأول ضحيه فيكو….
معتز مات من الرعب وقال: ضحية اي بس صلي عالنبي في قلبك كده، انا عن نفسي لو موتتني مش فارق مع رامي بيه ببصله، يبقاا الحل انكو تسيبوني وتاخدو البنات، واول ما يوصل انا هبلغكو عشان تساوموه عالبنات ولو اني اشك انه يدفع اصلاا
_بلاش كتر كلام ياض بدل ما اعمل معاك الجلاشه، فات عشر دقايق..لسه تلت ساعه..
وبص لواحد من اللي معاه وقال: حضر الفلكه والخازوق يا سويلم..
معتز بصله بصدمه وقال وهو بيترعش من الخوف: ايه يا رجاله ادوات التعذيب البدائيه دي، انتو مسمعتوش عن الرصاص ولا اي، ده حتي اوفر واسهل يعني.. انا بدور علي راحتكو..
ابوهاشم: اخرص ياض.. يلا يا سويلم فكه خلينا ننجز ونمشي، الظاهر ان البشمهندس مش جاي..
_ لااا، لسه ياقي من الزمن ربع ساعة وانا ارفض رفض تام اني اموت قبل ما وقتي يخلص، انت مبتسمعش عن الاجوان اللي بتيجي في الدقيقه الاخيره من المانش ولا اي..
ابو هاشم كان لسه هيتكلم قطع كلامه دخول رامي الڤيلا ومعاه اربعه بودي جاردات ومعاهم رشاشات وبداوا يضربوا علي بعض نار ومعتز اول ما شاف اتنين من رجالة تامر الرفاعي وقعوا في الارض ميتين طلع يجري علي بره الڤيلا وبعدين وقف قدام البوابه وهو بيقول: البنات!! ده انا نسيتهم..
رجع جري ينقذهم اتفاجأ برامي اللي خارج من الفيلا ومعاه البنات وبيبصله بغضب فمعتز قالله: كنت خارج أأمن المكان واتاكد انه كله تمام، انتو تمام؟
رامي بصله بغيظ وهو بيجز علي سنانه وقال : بتأمن المكان؟
البوليس وصل وقدر يقبض عليهم وبداو يحققوا معاهم وبشهادتهم عرفو ان تامر الرفاعي اللي وراهم
…
تاني يوم راح رامي لتامر الرفاعي شركته وطلب يقابله وفعلا سمحوله يقابله في مكتبه…
تامر:اهلاا اهلاا بالحوت ..مكنتش متوقع انك هتيجي بنفسك لحد عندي، استنيت منك ترد بطريقه غير مباشره.. بس انت دائما كده تخلف توقعاتي..
رامي: هات م الاخر يا ابن الرفاعي، عايز ايه؟!
تامر: تمام اوي الكلام ده، انت جيتلي دوغري وانا هجيلك دوغري ، تنسحب من الإنتخابات..
رامي ضحك بكل صوته وقال: بقاا كل ده ومكلف نفسك وجايب رجاله وسلاح وليله كبيره عشان تخليني انسحب من الانتخابات؟! ده انت مطلعتش نبيه كفايه يا تامر باشا..
_متهيألك.. انا عارف مصلحتي فين كويس اوي، هتنسحب من الانتخابات هرجعلك ألامانه بتاعتك اللي عندي، مش هتنسحب ملكش حاجه عندي وهتخسر المناقصه وكده كده خسران الانتخابات، يبقا لا طولت اابيض ولا لسه.. يعني زي ما بيقولوا بالبلدي كده خسرت الجلد والسقط…
=امممم.. يعني ورق الصفقه طلع عندك انت.. وانا كل ده بدور في أماكن تانيه خاالص.. عالعموم الورق ده تبله وتشرب ميته… خلاص ميلزمنيش.. والصفقه كده كده هتتم بالورق اللي معاك او من غيره.. مش رامي كراويه اللي يتلوي دراعه…
_يعتي ايه الكلام ده؟!
=يعني انسحاب من الانتخابات مش هنسحب، وأعلي ما في خيلك اركبه.. بس قبل ما امشي خليك فاكر انك فتحت علي نفسك جهنم الحمره ونار منتاش قدهاا..
…
في القيلا.. كانت داليا وليندا قاعدين مع بعض فقالت داليا: ادي يستي تانر زفت اللي حضرتك بتحبيه، سيبتي رجالة العالم كله وقولتي من ده وخلقت !
ليندا: بليز يا داليا كفايه . انا اصلا من غير حاجة ضميري بيأدبني .
_بيأدبك !! والله انتي عايزة كورس تصحيح لغه، اسمها ضميري بيأنبني يا أعجوبة الدنيا التامنه انتي، وبعدين حتي تأنيب الضمير في حالتك دي مش كفاية، انتي المفروض تاخدي عهد علي نفسك انك مش هتعرفي البني ادم ده تاني..
_يعني يا داليا اللي يسمعك كده يقول انه كان بيموت في دباديبي، ده مكانش يعرفني اصلا، يعني حب من طرف واحد..
=الحمدلله انه زفت من طرف واحد، واياكي بعد كده تبصي لصنف الرجاله دول اصلا، ده البعد عنهم غنيمه..
_ومين سمعك.. قومي بينا ننام قبل ما رامي ييجي، لاحسن ده شغال يتوعد لي انا وانتي..
=انتي بتقولي فيها يعني، ده سبكا وهنلتقيه داخل علينا ببندقيه ودقت ساعة الزحف، وهينتقم مننا اشد انتقام..
قبل ما واحده منهم تتحرك لمكان كان رامي في قلب الاوضه وبيبصلهم نظرات كلها وعيد وانتقام
_علي فين يا رجال المهام الصعبه، بقاا انا تضحكوا عليا وتعملوالي حوار وتلبسوني العمه،
وبص لداليا وقال: انا تتفقي مع الدكتور من ورايا وتوهميني انك يا حرام فقدتي الذاكره بسببي، وتخليني عايش ندمان..
داليا: زعلان اوي؟! دي حاجه بسيطه متجيش نقطه في بحر من المرمطه اللي شفتها معاك.. وكل ده عشان حاجه مليش دعوه بيهاا..
رامي هز راسه باستسلام وفال: عالعموم اللعبه كلها انتهت لحد كده، انا هلاص عرفت الورق فين، يعني مبقالكيش لزمه هنا، تقدري تروحي!!