الرابع عشر

- يعني اي يماما لازم اوافق هو بالغصب يعني
~يابنتي حرام عليكِ انا نفسي اطمن عليكِ قبل ما اموت
- حرام عليكِ يماما بعيد الشر عنك يقلبِ متقوليش كدا
~خلاص يياسمين تقعدي معاه الشاب محترم وابن ناس وشاريكِ
ياسمين: واللي قبله ما كان ابن ناس وشاريني يماما
flash back
*انت فين دلوقتِ يحبيبي
•انا ف المستشفي عندي مريض تعبان جدا
*ربنا معاك يارب اما تخلص كلمني
•حاضر يقلبِ، سلام
*سلام
(كنت راجعه م الكليه بتاعتي وانا بكلمه( دا خطيبي مؤنس هو اه خطوبه صالونات وكدا لكن انا اتعلقت بيه جامد و بقا بالنسبالي كل دنيتي م بعد بابا الله يرحمه) المهم*كنت راجعه م الكليه وقعدت عالبحر شةيه وقولت اروح الكافيه اشرب اي حاجه روحت قعدت كدا شوفت حد م ضهره حسيت اني عارفاه وكان قاعد مع بنت وماسك ايدها وبيضحكو ف قومت اتمشيت ف المكان عشان اشوفه لقيته ويريتني ما شوفته هو مؤنس خطيبي مقدرتش امسك دموعي وقلعت الدبله وروحت عندهم حطيتها عالترابيزه وجريت م عايزه اشوفه تاني يعني بعد كل دا والحب وبعد ما امنتيله يطلع كدا جريت وهو حتي مجاش ورايا لقيت تاكسي ركبت وروحت خبطت عالباب مامتي فتحتلي دخلت علطول ع اوضتي ومكلمتش اي حد قعدت علي سريري افتكر ذكرياتنا مع بعض ودموعي ع خدي مبتجفش نمت ع هذا الوضع
قومت ع صوت ماما
٠قومي يحبيبتي قوليلي مالك
•وانا بمسح دموعي، مفيش حاجه يماما بس اتخنقت شويه
٠يعني كدا يا ياسمينتي تخبي ع مامتك قلبك
•وهنا سمحت لدموعي تنزل وحضنتها جامد، بيخوني يماما بيقولي انه عنده حاله طارئه ف المستشفي وهو بيخوني
٠شددت ع حضني وقالتلي، متزعليش يبنتي حياتك م هتقف علي حد هو اينعم اعتبرته اكتر م ابني بس يلا زي ما دخلنا بالمعروف هنخرج بالمعروف
وتاني يوم ماما رنت عليه واجه اخد حاجته وم يومها معرفش عنه حاجه)
flash back
~ما احنا قولنا يياسمين صفحه واتقفلت، وانت عارفه يبنتِ اننا ملناش اي حد وانا صاحبه مرض ومعرفش هعيش لبكرا ولا لا واقعدي معاه بس
-مرضتش ازعلها وقولتلها، حاضر يماما هو جاي امتا
~بكرا بعد العشا
-حاضر يماما هدخل انام لاني تعبانه
~تصبحي ع جنه يحبيبتي ربنا يريح قلبك يا بنتِ

دخلت نمت ومسمحتش لاي تفكير انه يسهرني زي كل يوم

الصبح
~يلا يا سو عشان ننضف البيت الناس جايين النهارده
-اي يماما سيبيني انام
~قومي يبت يلا
-حااااضر قوومت، قومت اتوضيت وصليت فرضي

-ايوا يماما نبدا بإيه يورد يست الكل
~بصي انا عليا المطبخ انت عليكِ الشقه
-حاضر يمامتي وان عوزتي حاجه نادي

بعد ساعاات
-يوووهه اما نشوف عريس الغفله اللي خلاني اتشل ف الشقه دا
~قومي يا سو يلا البسي عشان الضيوف هتيجي، وانا نديت لعمك محمد جارنا يجي هو وام مصطفي مراته
-حاضر يمامتي

-قومت اخدت شاور ولبست دريس لونه موڤ وعليه خِمار لونه اوڤ وايت ولبست الكوتش الاوڤ وايت الجديد

~يلا يا سو الناس وصلم يبنتِ تعالي دخلي العصير
-حاضر يماما، اخدت العصير ودخلت حطيته وبصيت ع مامته لقيتها بتضحكلي حسيت براحه ليها اويي
°تعالي يبنتِ بسم الله ماشاء الله اللهم بارك، وسلمت عليا وسلمت ع والده ومامته اخدتني جنبها وطول القعده ساكته ببص ع سجادتنا القمر دِ مفوقتش غيؤ ع صوت عم محمد لوالده
=نسيب الاولاد لوحدهم يجماعه
وكلهم قامو

•ممكن تبصيلي طااب انا برده واد حليوه وقمر
-بصيتله برافعه حاجب. لا اي دا اي القمر دا دا شكلنا هنقع ولا ايي استغفر الله واتوب اليه احمم بطلي هبل اي اللي بقوله لنفسي دا
نعمم
•نعم الله عليكِ يقمر م عايزه تعرفيني ولا اي
-امم طيب اسمك بتشتغل اي بتصلي بتحفظ قران
•حيلك حيلك
بصي يستي(انا ادهم عندي 25 سنه مهندس بترول وعندي شركه صغيره كدا خاصه بيا وعن الصلاه احمد الله مبفوتش فرد وان عالقرآن فأنا خاتم القران م سنتين)
-قومت ومبصتلوش وقولت
انا هصلي استخاره وماما هتكلمكم

عدا اسبوع

~اي يبنتِ الولد بقاله اسبوع ع نار وانتِ لسا مقررتيش
-اعمل اي يماما كل اما اصلي استخاره بحس براحه لكن خايفه امر بنفس التجربه
~هو اللي هنعيده هنزيده يا ياسمينه
-خلاص يماما قوليلهم اني موافقه
~ماما حضنتني وهي بتقولي، حبيبتِ ربنا يديمك ليا
- ويديمك ليا يقلبِ

بعد اسبوع
(النهارده خطوبتي انا وادهم هتكون بين الاهل اهله اللي هما مامته ووالده فقط هما زينا مقطوعين م شجره)

صحيت م النوم لقيت ماسدج مبعوته منه
*اي يقمرِ كل دا نوم دنا منمتش م امبارح م الفرحه*
شوفت الرساله ومردتش قومت اتوضيت وصليت فرضي وروحت لماما ندهت لكن مفيش صوت
-ماما انتِ فين
دخلت اوضتها لقيتها مرميه عالارض اتخضيت معرفتش اعنل اي قعدت اعيط واقومها لكن مفيش نفس جريت جبت الموبايل ورنيت ع ادهم
- بدموع، الحقني يا ادهم ماما اغمي عليها ومفيش نفس وانا م عارفه اعمل اي
•اهدي انتِ بس ومسافه الطريق هكون عندك

بعد دقايق وصل ادهم قومت فتحت دخل واخدنا ماما المستشفي و هو طول الطريق بيهدي فيا

اول ما وصلنا المستشفي
•ترولي بسرعههههههه
٠لو سمحت ممكن تهدي واحنا هنعمل اللي علينا
-دخلت ماما العنايه المركزه وكل دا وانا قاعده جنب الباب بعيط وبقرالها قران وادهم واقف يقرا هو كمان قران ومامته ووالده اجم اول ما مامته شافتني جريت عليا حضنتني وعيطت قالتلي
"هتكون كويسه يحبيبتي متخافيش

خرج الدكتور وعلي وشه علامات الحزن
•ف اي يا دكتور اخبارها اي
*للاسف عملنا اللي علينا لكن البقاء لله
-هنا مقدرتش امسك نفسي واغمي عليا محستش بنفسي غير و انا عالسرير ف اوضه ف المستشفي وطنط ام ادهم جنبي
قولتلها ماما فين قالتلي
"البقاء لله يبنتِ ادهم ووالده راحو يجهزو المدافن
-هنا سمحت لدموعي ولطاقتي بالنفاذ وصرخت: لااا ماما مسابتنيش هي قالتلي انها هتفضل معايا
شددت ع حضنها ليا وهي بتبكي وقالتلي: هي دلوقتي ف مكان احسن م هنا يبنتِ متعنليش ف نفسك كدا
-انا عايزه اشوفها
"هي اتدفنت يبنتِ انت بقالك تلت ساعات مغمي عليك
-هديت شويه لما افتكرت كلام مامتي ليا" يوم اما اموت متبكيش عليا يا ياسمنتي خليكِ متاكده اني هفضل جنبك حتي لما اموت"
بعد ساعه
روحت بيتنا مع طنط وادهم ووالده
اتكلم ادهم
•مينفعش تقعدي لوحدك هنا تحنا بكرا هنكتب الكتاب
-استسلمت للامر هعمل اي منا معدش ليا ضهر او سند
وهنا اتكلمت طنط"روح انت يا ادهم انت ووالدك وانا هفضل مع ياسمين النهارده
•حاضر يماما وهاجي اخدكم الصبح جهزي شنطك يا ياسمين

دخلت نمت ع سرير ماما وانا ببكي ع حالي م بعد بابا وم بعدها حضنتي طنط واستسلمت للامر ونمت

قومت ع صوتها وهي بتقومني الفجر
•قومي يا ياسمينه اتوضي عشان نصلي الفجر
-قومت اتوضيت وصلينا ونمت تاني
-صحيت ع صوتها وهي بتقولي قومي يلا البسي عشان ادهم هياخدنا
روحت غسلت وشي ولست وجهزت شنطتي وادهم اجه اخدنا
روحنا بيتهم دا م بيت دا فله كانت هاديه ومفيش ناس متير المهم
دخلت طنط اتكلمت
"سعديه اعملي الفطار وطلعيه ع اوضه ادهم
~حاضر يهانم
-طلعت عالاوضه اللي قالولي عليها
كانت اوضه لونها اسود وكل ما فيها باللون الاسود

قعدت علسرير لقيت الباي خبط فتحت واحده دخلت حطت الفطار وخرجت اكلت لقمه مقدرتش اكملها وغلبني النعاس ونمت

التاني
صحيت ع صوت الباب وهو بيخبط قولت
-ادخل
•كانت طنط، قومي يياسمينه المأذون تحت
-حاضر يطنط هغسل وشي والبس خماري ونازله
•طنط اي بقا يياسمينه انا ف مقام مامتك الله يرحمها بؤده ولا اي
-اكيد ياا
•يا ايه
-اكيد يماماا، وهنا دموعي نزلت وانا بفتكر زكرياتي مع مامتي
•حضنتني عشان تخفف عليا وقالتلي، يلا يا ياسمينه قومي البسي عشان كله تحت
-حاضر، وقومت غسلت وشي ولبست الخمار
ونزلت كانت ملامحي باهته عيوني وارمه م كتر العياط مكنتش قادره امسك نفسي وانا نازله
وقفت جنب مامه ادهم، مفوقتش غير ع الجمله الشهيره"بارك الله لكما وبارك عليكما وجمع بينكما في خير"
لقيت ادهم بيقرب عليا(اي دا هو الواد دا جاي هنا لي)
حضني وانا استسلمت لحضنه مخلااص بقا جوزي
٠اتكلم وهو مبتسملي خلاص بقيت زوجه ادهم ومبقاش لحد كلمه عليكِ غير
-ضحكت م وسط حزني وقولت، هي م اولها شروط ولا اي يا سي ادهم
٠بصلي برفعه حاجب وقال لمامته، ماما انا طالع لان اليوم كان مرهق وعايز انام
•ماشي يحبيبِ تصبحو ع خير يا ولاد، وحضنتني وقالتلي انتِ بنتِ م النهارده وان الواد دا زعلك قوليلي وهنا اتكلم والده
*سيبيهم يطلعو ينامو وقالي، احنا اهلك يبنتِ م النهارده وادهم هيشيلك ف نن عينيه دا ابني وانا عارفه لما بيحب حد مبيعرفش يجرحه
-قولتلهم، ربنا يديمكم ليا ف حياتي
ادهم مسك ايدي وطلعنا ع اوضتنا

٠انا هدخل اخد شاور
-حاضر
خلعت خمارِي وطلعت بجامه وجهزت هدومي واخدت شاور ف الحمام التاني
بعد دقايق خرجت وانا بنشف شعري لقيته قاعد عالسرير
اول ما شافني حسيت بنظراته الغريبه ليا وهو بيقولي
٠لا دنا قمري مفيش منه اتنين بجد بقا
-اتكسفت وقولت، ممكن لو سمحت تسكت
٠بصلي بنظره كإنه طفل وقال، ع فكره انا بزعل وبعدين هتروحي مني فين يعني
-بصيتله وانا بضيق عيوني وسرحت شعري
وقولت، هنام فين؟!
٠هو اي اللي هتنامي فين اكيد فحضني
-برقت، حضنك حضن مين يا ابو حضن
٠يسلام لا وكمان القطه طلعت بتخربش
-هنام فين بقا
لقيته بيقرب مني
-اي دا انت رايح فين يجدع انتَ
٠انتِ هتيجي تنامي ولا اي لتكوني عايزاني اتهور
-لا خلاص خلاص
وروحت نمت عالسرير قولتليه بتحذير، اياك تيجي جنبي
٠نينيني خوفتيني يقطه واجه نام جنبي واخدني فحضنه منكرش اني بحس بالامان ف حضنه بس يلا نامي نامي

الصبح
قومت ملقيتهوش جنبي
قومت اتوضيت وصليت فرضي ونزلت بالاسدال
لقيت مامته قاعده ف الجنينه خرجتلها وحضنتها
•اي اخبارك كويسه دلوقتِ
-نحمد الله بخير
•تعالي يلا نفطر
-اومال ادهم فين
•نزل هو ووالده م بدري عالشركه
-اه اه طيب يلا نفطر
وفطرنا وقولتلها اني عايزه اتفرج عالمكان
•يلا نبدا بالدور الارضي
بصي يستي دَ المكتب لادهم هو كان لوالده لكن ادهم كل حاجه ف الشركه ليه دلوقتِ لان والده مبقاش بيقدر ينزل الشركه غير فين وفين
كان مكتب مرتب وكل شئ ف مكان خاص بيه
•دِ بقا مكتبه ادهم هو اللي مصممها ع زوقه لانه بيحب القراءه جدا
-قولت بإنبهار، الله دِ جميله جدا هو عادي ابقي انزل اقرا واقعد فيها
•انتِ تؤمري بس يبنتِ
واريتني بقيت الفله

كنا قاعدين ف اوضتها بتفرج ع صور ادهم وهو صغير
لقيت صوت جاي م ورايا
٠ايي قمر وانا صغير صح، بيقولي اني اجمل بكتير وانا كبير
-قولتيله برافعه حاجب، هما مين دول اللي بيقولو
٠وبنغير كمان
-اي اي وهغير لي
٠امم ماشي عالعموم انا طالع انام يماما
•حاضر يابني كنت استنا اما قاول لسعديه تعملك الاكل
٠لا انا م جعان انا جعان نوم واليوم كان متعب جدا

•ادهم بيحبك جدا، يوم اما جالي وقالي انه عايز يتجوز قولت مين اللي وقعته دِ دايما كان يقولي انا اتجوز د انا والجواز منتفقش ابدا
-لكن هو شافني فين
•كان بيقولي انه كان راجع ف يوم وشافك وانتِ بتجري وبتبكي وركبتِ تاكسي وهو م يومها عمال يسال ويدور عليكِ لغايه ملقاكي ومترددش وقالي لازم اروح اتقدملها انا بحبها يماما يومها قولت لنفسي البنت اللي تغير قلب ابني م قلب قاس مبيحبش لانسان بيحب د هتكوني عندي اكتر م بنتِ و يوم اما شوفتك اتاكدت ان ابني اختار كويس
-حضنتها وقولتلها، انا بحبك جداا وشكلي هقع ف حب الولد اللي فوق دا
•ضحكت وقالتلي، م هتلاقي احن منه المهم اطلعي ناميلك شويه عشان بالليل نروح نعمل شوبينج ونشتري كام حاجه كدا
-حاضر يماما

طلعت لقيته نايم كان لابس بنطلون بس ونايم وكإنه ما صدق ينام كان شبه الطفل كدا ف نومته
-غيرت ولبست بجامه وروحت نمت جنبه وانا ببصيله حركت ايدي ع وشه وطبعت قبله ع جبينه و نمت

قومت لقيته بيلبس بدلته وواقف عن المرايه
-بنوم، رايح فين
٠عندِ كام مشوار كدا
عايزه حاجه اجبهالك وانا جاي
-لا شكرا، اه بالحق انا هنزل مع ماما نشتري كام حاجه كدا
قرب مني وطبع قبله ع جبيني وقال
٠خلي بالك م تفسك يقلبِ وكل اللي نفسك فيه هاتيه، سلام
-سلام
وقومت لبست دريس وعليه خمار ونزلت
-يلاا يقمر عشان منتأخرش
•ربنا يحميكِ يبنتي، يلا

روحنا محل
•يلا يا ياسمين
-اي دا يماما م احنا هنشتري هدوم وكدا
•غمزتلي وقالت، تعالي بس
-دخلنا وكانت عماله تشتري وانا والله مستحيه م هذا الامر
•يلا نروح نشتري كام دريس ليكِ
-ماما اللي انتِ جايباه دا لمين دِ كلها حجات قصيره اوي
•اسكتِ انتِ تعرفي حاجه، تعالي بس
اشترينا وخلصنا وجينا

•خدي يياسمين دول و خليكِ فاكره اللي قولتليك عليه
-اخدته وجريت ع فوق
دخلت اخدت شاور وخرجت لبست قميص م اللي هي جايباه كان لونه اسود وقصير وحطيت ميك اب خفيف وسيبت شعري وقعدت
-يوهه عالكسفه اعمل اي اعمل اي انا انام ولا لا لا
سمعت صوت فتح الباب اتنفضت م مكاني لكن مثلت الجمود وبحاول اداري احراجي فوقت ع تصفيره منه
٠اوبا اي القمر دَ ينااس يلهوي البنت دِ هتجنني بكسوفها
قرب عليا وطبع قبله ع شفايفي وهو بيقول دِ هتبقي ولا اجملها ليله ونسيبهم بقا يعيشو ف بحوور عشقهم..

بعد سبع سنين
*مامي انتِ بتحبي بابي
-هو اي اللي بحبه دِ كلمه قليله عن حبي ليه
دخل علينا وهو شايل زين ابننا اه منا خلفت وبقيت ام لولدين(فهد وزين)
٠انت يولد م قولتيلك متقعدش جنب ماما ومتبوسهاش
-اي يا ادهومي انت هتغير م ابنك
٠اوماال عايزاني اسكتله دا كل اما يشوفني جاي عليكم يقوم حاضنك وبايسك شوفتي شوفتي
*بابي بابي انا عايز اروح الملاهي
٠قومي البسي يا ياسمين ولبسي الاولاد وتعالي نخرج

خرجنا واتفسحنا واحنا راجعين
كنت راكبه جنبه ف العربيه وهو مشغل اغنيه لأم كلثوم
"الليل وسماه ونجومه وقمره"
باس ايدي وقال
٠انتِ اجمل حاجه حصلتلي فحياتي
بحبك
-وانا كمان بحبكْ

تليفونِ رن برقم صاحبتي

-نعم يا سو
~بعياط، شوفتي اللي حصل
-ف اي يقلبِ
~اخويا امبارح سمعني وانا بكلم احمد واخد مني الموبايل وهزقني وضربني وقالي انتِ متعرفيش نوايا الشباب اي احنا كشباب البنت اللي بتوافق تكلمنا دِ بتكون عباره عن شهوه او نزوه
-اخوكي؟!(اخوها مين اخوها اللي بيكلمني طول الليل بعد ما اهلي ينامو اخوها اللي كل شويه يقولي تعالي نخرج محدش هيشوفنا تعالي تعالي)

قفلت الموبايل بسرعه والدنيا بتدور بيا خايفه او م عارفه اي حالي
ببص حواليا ف كل مكان ف الاوضه كل مكان اتصورت فيه بوضع مخل م كويس

اي دا فيه نور لقيت عالتسريحه نور
-سجاده الصلاه والمصحف بينورو السجاده بتناديني
السجاده٠تعالي تعالي كنت عارفه انك هترجعي
المصحف•كنت عارف انك هترجعي تفتحيني وتقرأي وترتلي في آياتي

افتكرت ايام ما كنت بحفظ قرآن ايام ما كنت مواظبه ع صلاتي ايام ما كان لبسي كله واسع فين كل دا فين خماري فين لبسي الواسع

جريت عالحمام اتوضيت، فرشت سجادتي وانا لسا بقول الله اكبر طاقتي كلها نفذت فضلت ابكي م عارفه انا ازاي بقيت كدا ازاي بعدت عن ربنا انا لو كنت مت عاللي كنت فيه اي كان هيحصل اكيد مصيري النار منا عارفه مصيري ليه بعدت ليه مشيت ف الطريق الوحش ليه

صليت وانا ببكي وم قادره قومت مسكت المصحف قعدت استرجع ايام ما كنت بروح الكتَّاب احفظ قرآن وكانت معلمتي بتحبني جدا بكيت وانا بقرأ ووقفت عند آيه
بسم الله الرحمن الرحيم
«يَسْتَخْفُونَ مِنَ النَاسِ ولاَ يَسْتَخْفُونَ مِنَ اللَّه وَ هُوَ مَعَهُمْ إِذْ يُبَيَّتُونَ مَا لاَ يَرْضَي مِنَ القَوْلِ وَ كَانَ اللَّه بِمَا يَعْمَلُونَ مُحِيطًا»
النساء-الآيه 108

وهنا سمحت لدموعي وشهقاتي علت جامد وانا بقرا وببكي ع حالي، نمت ع هذا الحال

قومت ع صوت اذان الفجر
قومت هرولت اتوضيت وصليت وقرات شويه ومسحت رقمه وكل الصور اللِ م كويسه وقومت عشان اجهز لبسي للكليه

بفتح الدولاب لقيت فيه نور ايوا الخمار والدريس بيتكلمو

الخمار٠كنت عارف انك هترجعي تلبسيني يلا يستي القاعده ف الدولاب وحشه طلعيني كدا واكويني يلا
الدريس•انا برده كنت متاكده انك هترجعي

كويت الخمار ولبست الدريس ومحطتش ميك اب خالص وخرجت اول ما مامتي شافتني
~بدموع، اخيرا رجعتي منه بنتِ وحضنتني ودعيتلي

ف الكليه
كل اصحابي اما شافوني فرحو جدا وباركولي برجوع منه القديمه وبعدت عن كل اصحاب السوء اللي كنت صاحبتهم ورجعت لصحوبيتي اللي هتاخد بإيدي للجنه
ورجعت كملت حفظ القرآن وكملت حياتي ورجعتتاني _أنا مش عايزة أخلف
بصدمة _مش عايزة تخلفى منى
_لا مش كده
بهدوء عكس اللى جواه_ أمال إزاى... يعنى أنا نفسى يكون عندى أبن منك فى أسرع وقت وانتى مش عايزة تخلفى منى أمال أنا مفروض أفهم أيه... ياسمين أنتى بطلتى تحبنى
_لا والله مش كده أنا بحبك أسمعنى بس...
بعصبية _لا أسمعك ولا تسمعنى من النهاردة لسانك مش هيخاطب لسانى وخرج
وانا فضلت فى الأوضة مش مستوعبة اللى حصل، معقول ده مصعب اللى عمرنا ما أتخانقنا لدرجة أننا نتخاصم ولسانه مش يخاطب لسانى
طب أعمل أيه دلوقتى أروح أكلمه وأصالحه لاء أنا مش غلطانة عشان أصالحه
طب أستنى لما هو يصالحنى ولا أعمل أيه؟
فضل يومها مش يكلمنى فعلا خالص ونام فى الأوضة التانية وتانى يوم مشى من غير ما يصحني ومن غير ما يفطر لاء كله كوم وأنه يمشى من غير ما يفطر ده كوم تانى.
أحنا كستات بالنسبالنا الإهتمام الكلام الحلو"زى أنتى أحلويتى أوى" الكلمة دى ممكن تخلى الست تعيشك فى نعيم من غير نكد لمدة أسبوع مثلا جربها كده وأنت هتلاقى مفعول السحر مهما كانت هى متضايقة منك
الاهتمام ممكن فى هدية حتى لو مش غالية بس مجرد أنك أفتكرتها وأنها شاغلة جزء من تفكيرك وإهتمامك والله بقا لو كانت من غير مناسبة مفاجأة يعنى.
الاهتمام بالنسبة للراجل فى وجهة نظري التقدير والإمتنان أنك تقدرى كل حاجة صغيرة هو بيعملها وتكونى ممتنة له أوقات كتير الراحل مثلا بيقول أنا بتعب وبتشغل بره وطالع عينى بيكون مستنى من الست تقوله "والله ى حبيبى أنا مقدرة وعارفه أنك بتتعب جدا علشان تأمن لينا حياة أحسن حقيقى شكرا ليك ولتعبك" ساعتها بيكون مستعد بتعب بزيادة عشان يسمع الكلام ده
مش مستنى خالص تقوله "وانا كمان بتعب فى البيت من كنس لطبخ لمسح وبعدين ما ده الطبيعى ما كل الرجالة بتتعب،ثم أنه ده واجبك" شوفتوا الفرق كبير أزاى وهى كلمة بسيطة جدا ومش هتكلفنا أى تعب بس بتفرق فى الحياة.
"أنا عايزة أروح لماما"بعتله رسالة هو بيضايق جدا لما أخرج من غير إذنه حتى لو لماما مع أنها قريبة جدا من البيت بس برضوه لازم يكون عارف والحقيقة أنه ده حقه ومن واجباتى كزوجة فى الدين أنى مش أخرج غير بإذنه ولا أستقبل حد فى بيتى هو ممكن يكون مش عايزه يكون فى البيت أو مش بيحبه
وبعدها بعت" ده بعد إذنك يعنى"وأستنيت أنه يرد أيه ده قرأ الرسالة ومش رد هو عارف كويس أنى بكره الحركة دى أتعصبت أوى
أنا فى العادة لو حد قالى أى حاجة فى الشات ضايقتني بمسحها عشان مش كل ما أقرأ الشات مش أتضايق أو أكره الشخص ده.
جيت أحذف الرسالة من عندى عملت الحذف لدى الجميع
فضلت كل اليوم متضايقة منه حقيقى، فكرت أروح لماما بعد الكلية عشان أضايقه مهو كده كده قرأ الرسالة بس قولت لاء زعله ميهونش عليا برضوه
ياربى أنا واحدة هبلة على الحوارات دى!!
روحت البيت يدوبك ولعت على الأكل ودخلت غيرت هدومى هو وصل أنا متعودة أنه لما بيدخل بينادى عليا وبيدور على فى المطبخ فعلا أول ما دخل نادى عليا مرة وبعديها تقريبا أفتكر فسكت وأنا لما خلصت وحطيت الأكل فأكلنا وبعديها قام وأنا قررت أنى مش هتكلم معاه؛لأنى زعلانة منه بجد
تانى يوم ضبطت أنا المنبه عشان أصحى وأعمله الأكل هو لما يخرج من غير ما يأكل كأنه بيعاقبنى
عملته له الفطار وهو بيأكل
_أنا عايزة أروح لماما بعد الشغل
_...
_ أنت سامعنى، عايزة أروح لماما
وهو باصص للاكل _براحتك
أتعصبت_يعنى أيه براحتى
ببرود_يعنى براحتك
قمت من على الأكل_ماشى ى مصعب
وروحت لماما وقولت لها أنى مش عايزة أخلف دلوقتى
_ نعم ى ياسمين وده ليه إن شاء الله،ده أسمه انك بتبطرى على نعمة ربنا
_ ى ماما أيه إللى أنتى بتقوليه ده أنا شايفة أنه ده أحسن ليا وله دلوقتى
_ لاء ى حبيتى الاولاد رزق وخير طب يمكن عشان الحالة المادية بس أنتى جوزك ما شاء الله ربنا مبارك له عشان بيتقيه طب يمكن مش بتحبيه لاء أنتو بتحبوا بعض طب فيه أيه ى بنتى فاهمنى
_ ى ماما أديلى فرصة أتكلم..
_أستنى أستنى جوزك بيرن عليا... أيوه ى مصعب أزيك ى حببى...ياسمين أيوه ى حببى كلمتنى الصبح قبل ما تيجى أنها هتيجى فاتها جاية .. أنتو عاملين أيه مع بعض ى حببى.. طب أنت روحت البيت لو كده تعالى أتعدى معانا ...تمام ى حببى زى ما تحب
وانا قاعدة مش فاهمة أى حاجة خالص
_ أيه ى ماما ده أيه اللى فاتها جاية ما أنا قدامك أهو
_ هههه أمال أنا فضلت مع أبوكى كل السنتين دى ليه؟ بالتجاهل ى حبيتى والتنطيش عدى ى روح أمك عدى ما تفضليش تركزى مع كل حاجة كده هتعبى
_ ى ماما بقا أنا والله مش قادرة أنا تعبت.. أنا متضايقة منه بجد
_ متضايقة منه ليه ده واحد تانى لما يسمع أنك مش عايزة تخلفى منه ممكن يطلقك مش تقوللى زعلانة شوية وإحمدى ربنا أنه أكل من أكلك ده فيه رجالة أعرفهم مش بيرضوا يأكلوا من الأكل اللى هى عاملة،طب أقولك أنا أعرف واحد لما يكون زعلان مع مراته بياكل بره فى مطاعم ولما تيجى تطلب منه مصروف البيت يقولها وهو أنا بأكل فى البيت أصلا!!!
_ أيه ده.. متقوليش رجالة بس اللى يعمل كده مش راجل أحنا مش لازم طول الوقت نقارن بالأقل الحمد لله أنا جوزى راجل محترم ويعرف ربنا وأنا متأكدة من ده بس برضوه زعلانة منه شوية وأخده على خاطرى ي ماما أنه مش سمعنى لما أكمل كلامى بس ده اللى مضايقنى
_ طب أنا هسمعك أهو ى روح امك مش عايزة تخلفى ليه؟
_ أول حاجة نتجاوز مرحلة الصدام الأولى (اللي لازم هتحصل) لحد ما نتعود على بعض ونقارب الطباع ونوصل لمساحة وسطى مريحة بينا
تانى حاجة نتطمن أحنا الاتنين إن البيت مهيأ واقعيا والعلاقة مهيأة نفسيا لإستقبال طفل
تالت حاجة نعيش يومين نستمتع فيهم بكل التفاصيل من غير تحكم في مواعيد النوم والأكل والخروج.
آخر حاجة بقا الكلية أنتى عارفه ى ماما أنك يتعب جدا فى الكلية ومش هكون قادرة على الأقل السنة دى لحد ما أخلص أنى أحمل وأخلف أنت محساسنى أنى هأجلها علطول ى ماما دى سنة واحدة لحد ما أخلص إن شاء الله
_ بصى أنا مفهمش الكلام ده
_ طب هسهلها ليكى.. أحنا حوالينا ناس كتير أوى متطلقين بدون أولاد وحياتهم ممكن تكون أفضل ياللى متطلقين مع اولاد ومعظمهم أول سنة واتنين من الجواز صح ولا أيه
بخضة_ طلاق أيه بعد الشر،متجيبش سيرة الموضوع ده تانى
_ ى ماما أنا بحاول أفهمك.. احنا لسه متجوزين من شهرين وبس لسه مش أتعودنا على طباع بعض وعلى العيشة مع بعض محتاجين شوية وقت لحد ما نتعود شوية وبعد كده نبقى نخلف إن شاء الله
_ تانى مرة بقولك أنا مفهمش الكلام ده،بس طالما أننى مقتنعة بيه قولليها لجوزك يمكن يقتنع
_ هقولك إن شاء الله وهيقتنع
_ طب قومى نجهز الأكل عشان أبقى اكلم جوزك يجى يأكل معانا
بهزار_ أجهز أكل أيه ى ماما أنا جاية أرتاح شوية من المطعم هتدخلنى المطبخ برضوه
_ ترتاحى أيه ى بنتى ده أننى لسه متجوزة من شهرين لحقتى تتزهقى من المطبخ أمال أنا أعمل أيه،وبعدين أنا هعمل الأكل لوحدى
_ بهزر ى ماما بهزر،قوللى بقا عندك أيه تعمليه
وعملنا الأكل وبعت لمصعب رسالة مش شافها وبعدين كلمته أنه يجى عشان ماما عزمته على الغدا وهو وافق وجهوفضلنا قاعدين بنهزر كلنا ولا كأن فيه حاجة
وانا ماشية _ شوفتى الراجل المحترم،لا أشتكى منك ولا بين حتى أنكم زعلانين
بفرحة_ خلاص ى ماما عرفت والله أنه محترم،والحمد لله ربنا وفقنى أنى أختار صح عرفت والله
_ طب يلا عشان مش تتاخرى،عندك عيش
_ أيوه صح فكرتنى، لاء مش عندى
وكالعادة ماما كان ناقص تجيبلى البيت كله وأنا مروحة،ربنا يبارك فى كل أمهاتنا ويرحم المتوفيين منهم ويجمعنا بيهم على خير فى الجنة إن شاء الله.
وأحنا داخليين من باب البيت_ أنا مبسوطة أنك مش حسيست حد بأنه فيه حاجة ما بينا،شكرا
ومشيت بسرعة على إعتبار أنى مقموصة لسه وكده،بس حتى وأنا مقموصة المفروض أشكره طالما أتصرف صح
تانى يوم مشى عادى بس أنا مقدرتش أستحمل أكتر من كده الصراحة فروحت له أوضة الأطفال
_ أحنا هتفضل متخاصمين كده كتير
هو أتخض _ على فكرة أنتى اللى مزعلانى
_ وأنت كمان مزعلنى على فكرة،من أمته وأنت مش بتسمعنى لحد ما أكمل كلامى حتى لو تافه
_ عشان كلامك يزعل ى ياسمين
_ طب ما تسمعنى للآخر وأنا أفهمك
وفعلا شرحت له وجهة نظري كاملة وحسيت أنه إلى حد ما أقتنع شوية
‏_ يعنى الموضوع كله موضوع السنة دى إن شاء الله مش أكتر
‏_ طيب أديلى فرصة أفكر،القرار مش سهل برضوه
‏_ ثم تعالى هنا بقا أبعتلك رسالة على الواتس يوم ما أتخنقنا تقومى تقرأها ومش تردى عليا
‏_ أمته ده؟وفتح الشات ما بينا مفيش حاجة أهو
‏_ ما أنا مستحتها عشان مش أتضايق منك
‏_ والله ما شوفتها يمكن اكون فتحتها بالغلط ولا حاجة إنما مش أخدت بالى
‏_ مصدقاك ى حبيبى والله مصدقاك.. أيه ده أنت شيلت القلب الاحمر من جمب أسمى
‏ضحك_شوفتى أنا زعلى وحش إزاى
‏وأنا كمان ضحكت_ شوفت،هان عليك تشيل القلب الاحمر من جمب"روح قلبى"
‏_ بس حتى لو شيلت القلب من جمب الاسم فتفضلى فى قلبى متربعة عليه
‏فرحت جدا _ أنا بحبك والله وبحمد ربنا عليك كل يوم
‏هو ده التصرف الصح كل شخص يشرح وجهه نظره بالراحة وبهدوء
‏والأهم لما تحصل مشكلة أوعى تسيبى بيتك وتغضبى؛ لأنه كده المشكلة هتزيد أكتر بكتير لو تعرفوا تحلوها ما بينكم يكون أفضل بس لو الموضوع كبير طبعا تدخلى حكم من أهلك وحكم من أهله زى ما قال الدين
‏وبلاش تحسسوا حد بأنكم زعلانين من بعض.
‏ولو حسيتى أنك محتاجة نصيحة من حد أحكى لحد كبير ،وواعى،وتفكيره بيعجبك وتحسى أنه هيتمنالك الخير بلاش جروبات الفيس بالله عليكم اللى كل المشاكل فيها حلها أطلقى