الفصل الرابع
انثي بمذاق القهوة ٤
اسرع الطبيب حمزه خطواته الي حديقة المشفي بعد ان جابها بعينيه ذهابا وايابا ،
ولم يجد سوى امرأة في العقد الثالث تقريبا من عمرها تجلس بجوار رجل عجوز وهو نزيل بالمشفي يعرفه حق المعرفه،
فهو المشرف على حالته، وسيدة حوالي في الخمسين من عمرها، متشحه بالسواد يظهر عليها الوقار، تجلس على كرسي خشبي، رافعة رأسها للأعلي تتأمل في بنيان المشفي بشرود،، فذهب اليها على الفور وقلبه يحدثه بأنها هي الشخص المنشود..
وتأكد من صحة احساسه حين اقترب منها فأنتبهت له ووقفت وهي تطالعه وابتسامة حنونه شقت محياها واتسعت حين تحدث اليها سائلا :
حضرتك ام ود؟
فأجابته بصوت حنون : تقدر تقول كده يابني.
ضم حمزه حاجبيه متعجبا وقام بعدل نظارته ولم يخفي عليها استغرابه فاردفت مكمله :
متستغربش يابني انا اللي كلمتك فالتليفون وقولتلك اني ام ود، بس الحقيقه اني مش امها، ود معندهاش ام ولا اب ود يتيمه، لكن لو باعتبار ان الام هي اللي بتربي وبتحب وتصون وتكبر مش الام اللي بتولد فأنا امها..
انا الداده بتاعتها واللي ربيتها من وهي حتتة لحمه حمره واعتبرتها بنتي وحته من روحي،،
ويشاء السميع العليم اني اكون عاقر ومخلفش زي مايكون رصدني ليها هي وبس وعوضني بيها، وعوضها هي كمان بيا عن امها اللي اتحرمت منها قبل الاوان.
تبسم الطبيب حمزه قائلا : ربنا عوضه كبير وله في شئونه حكم..
طيب اتفضلي اقعدي يام ود احنا هنفضل واقفين ولا ايه، احنا ورانا كلام كتير اووي وقعدتنا هتطول.. وسامحيني اسألتي هتبقي كتيره ومرهقه.
ردت عليه وهي تجلس : انا تحت امرك فاللي عايز تسأله ومعاك الوقت اللي تعوزه.. انا جايه النهارده عشان افيدك بكل حاجه تساعد في شفا بنتي، وتخليها ترجعلي من تاني..
حمزه : عظيم.. طيب مبدأيا كده احكيلي عن طفولة ود كانت عامله ازاي..
اخذت السيده نفسا عميقا وزفرته قبل ان تردف :
كانت طفولتها مميزه اوي وجميله، كانت طفله مرحه، بتحب الحياة، كانت زي الفراشه بتتنقل بخفه من مكان لمكان طول اليوم وتلعب، لكن محدش كان بيسمعلها صوت،
كانت هاديه جدا ، ذكيه، لماحه، دمها خفيف، لمضه لما تتجادل مع حد ميقدرش يغلبها بالكلام رغم صغر سنها، باباها كان مدلعها لاقصي درجه وخصوصا بعد ماماتت مامتها بقالها هو الام والاب والاخ والصاحب، يخلص شغله في الشركه اللي شغال فيها ويجي جري عليها، مكنش بيستحمل غيابها عنه ساعات،،
كانت اسعد بنت فالدنيا... لغاية ما.. وصمتت لتأخذ نفساً عميقا وتزفره بحسرة ولم يتحمل دكتور حمزه ان تقف عند هذه النقطه الفارقه فاردف يحثها ان تواصل حديثها :
هاه يام ود وبعدين كملي لغا ية ماأيه؟!
كريمه : لغاية ماعم ود مات فحادثة عربيه ... عمها دا كان طيب جدا ميتخيرش عن باباها، وكان هو وابو ود روحهم فبعض ومبيستحملوش علي بعض الهوا الطاير، فالوقت دا ود كان عندها ٧ سنين،
عمها دا ساب وراه مراته اللي كانت وقتها عندها ٣٠ سنه وابن عنده ١٠ سنين..
ابو ود بعد موت اخوه هو اللي اتكفل بيهم مصاريف ورعايه وكل يوم كان يخصص من وقته ساعه ياخد ود ويروح يقضيها معاهم يطمن عليهم ويشوف طلباتهم ويهون عن ابن اخوه موت باباه..
الكلام دا استمر سنه كامله.. لغاية بعد سانوية المرحوم عم ود.. السنه دي الولد اتعلق فيها بعمه جدا، وعمه كمان اتعلق بيه وكان يشوف فيه اخوه اللي مات..
بعد السانويه بقي ام الولد دا فجأت الاستاذ قاسم بأنها جايلها عريس وهتتجوز،
واترجته لو دا حصل مياخدش حسام من حضانتها ويسيبه معاها وهي وعدته بانها هتاخد بالها منه وعمرها ماتقصر معاه فأي حاجه،
وان الولد الافضل ليه يفضل مع امه مش هيبقي حرمان من الام والاب..
ابو ود صعب عليه الولد ووافق انها يسيبه معاها لكن بشرط انه يتطمن عليه باستمرار ويعرف اخباره وتبعتهوله يوم فالاسبوع يقضيه معاه، وهي وافقت.. وبعدها معداش شهر وتم الجواز..
وعلي الاتفاق الولد كانت تبعته لعمه كل يوم جمعه يقضي اليوم كله مع ود ومع عمه وكان يبقي مبسوط اوي باليوم دا،
وصمتت دقائق كاد الطبيب حمزه ان يحترق فيهم فضولا لكنه صمت اشفاقاً عليها لكي يعطيها قسطاً من الراحه، فقد تحدثت كثيراً لدرجة انها بدأت تأخذ انفاسها بصعوبه،، واستمر يراقبها عندما
قامت بفتح حقيبة يدها، واخرجت من انبوبا اسطوانيا وقامت بفتح فمها وبخ الرزاز داخله من الانبوب مما جعل الطبيب حمزه يشفق عليها اكتر،، وصمت نهائيا تاركاً لها الوقت الكافي لتستريح...
وبالفعل مرت دقائق الي ان انتظمت انفاسها وعاودت الحديث من تلقاء نفسها...
عدوا حوالي ٥ شهور علي الجوازه وكلنا لاحظنا ان حالة الولد فتأخر صحيا ونفسيا وبدنيا ودا كان هيجنن عمه وكل مايسأل الولد عن ايه اللي تاعبه وموصله لكده الولد يقوله مفيش،، وكلمة مافيش تطلع منه بتنهيدة تعب زي مايكون راجل كبير شايل هم الدنيا والعيشه..
عمه مااستحملش وراح علي العنوان اللي ساكنين فيه علي غفله، واخدنا معاه انا وود زي مايكون رايح زياره لابن اخوه واخدنا معانا اللي فيه النصيب .
وصمتت لاخذ نفس عميق وزفرته ثم اكملت ،،
وصلنا وكانت منطقه شعبيه الي حد ما يعني مش فنفس مستوى المنطقه اللي احنا ساكنين فيها واللي كانت هي كمان ساكنه فيها لكنها مش الاسوء يعني.
ركن الاستاذ قاسم عربيته ونزلنا من العربيه، ودخلنا العماره ووصلنا للدور اللي ساكنين فيه ووصلنا قدام الشقه اللي هما فيها، واللي كان الاستاذ قاسم عارف رقمها من حسام ابن اخوه..
ولسه الاستاذ قاسم بيرفع ايده عشان يضرب الجرس سمعنا صوت صراخ جاي من جوه الشقه.. وكان واضح انه صوت ام حسام،، بصينا لبعض وبدال مالاستاذ قاسم كان هيرن الجرس بقي يخبط علي الباب بأديه الاتنين ويرزع عليه بخوف،، وخصوصا لما صوت حسام تداخل مع صوت الصراخ، وقتها ابو ود مفضلش فيه ذرة عقل وكان هيكسر الباب من كتر الخبط،
لكن من غير فايده ولا فيه حد بيفتح، واللي زاد استغرابنا راجل كان نازل من فوق وبصلنا وبص للشقه وقال بديق :
تاااااني!!
وكمل طريقه فالنزول كان اللي بيحصل دا شيئ عادي وبيحصل دايما..
وقتها ابو ود الدم غلى فعروقه وطلب مني اني ابعد انا وود وابتدا يكسر فالباب بقوة جسمه كلها،، ومره بعد مره نجح انه يكسر الباب ودخل الشقه مندفع مع فتحة الباب واللي شافه وشفناه لجمنا كلنا..
ام حسام كانت علي الارض حاضنه ابنها حسام بخوف، والراجل اللي كانت متجوزاه ماسك حزام ونازل فيها ضرب وعنيه بتطق شرار زي مايكون غول،،
وصمتت مجددا لتأخذ نفسا عميقا وتزفره مجدداً ليتحرك الطبيب حمزه في مكانه متململً بقلة صبر،
فكل هذا ولم تصل لود فى الحديث ولكن يبدوا ان ماتسرده له علاقة بحياة ود القادمه، ويجب ان يستمع اليه.. عدل نظارته وتنحنح جاليا حنجرته كما لو كان سيتحدث لكن هذا لم يحدث،
وكان مجرد تمويه لحثها علي اكمال حديثها.. فأكملت علي الفور:
جري ابو ود علي الراجل ومسكه من وسطه ورماه بعيد عنهم، والاتنين اول ماشافوه كأنهم شافو طوق نجاه وحسام صرخ بأسمه باستنجاد وامه كمان الفرحه بانت علي وشها الهزيل وهي شايفه ابو ود ماسك جوزها ومكتف حركته،
وسأله بغيظ الدنيا كلها : بتضربهم ليه، عملولك ايه عشان تضربهم.. الطفل الصغير دا عملك ايه عشان تعمل فيه كده رد عليا ؟
رد عليه الراجل بكل صلافه وبرود ونبرة بلطجيه : وانت مين انت وايه اللي دخلك شقتي بالطريقه دي؟ وليك ايه عندي بضرب ليه وماضربش ليه امشي اطلع بره بيتي بدال مااوديك فستين داهيه..
ابو ود بغضب : انا عم حسام ياحيوان وبقولك بتضربه هو ومامته ليه.. قالها ولكمه علي وشه بقبضة ايده خلي الدم سال من شفته وود شافت المنظر دا وخبت وشها فيا بخوف..
الراجل بعد ماضربه ابو ود اتجنن ورفع ايده عايز يردله الضربه لكن ابو ود كان اسرع واقوي وابتدا يضرب فيه بكل عنف وفكل مكان لغاية ماخلاه وقع على الارض سايح فدمه،،
ووقتها بس قدرت ام حسام تتكلم بصوت يادوبك طالع : الحقنا ياقاسم، الحق ابن اخوك علي الاقل وخده عندك انا غلطانه اني قولت اخده عندي،، انا خليت ابني يتعذب معايا من غير ذنب.
قاسم وهو بينهج وبيمسح حبات العرق اللي علي جبينه سألها : هو بيعمل فيكم كدا ليه الحيوان ده؟
ام حسام : عايز ياخد الشقه اللي حيلتنا واللي وارثينها انا وحسام من المرحوم،
او نبيعها ونديه تمنها ياكده يأما يموتنا من الضرب كل يوم زي مانت شايف كده.. وانا شقة ابني لايمكن افرط فيها لو موتي كان علي اديه..
مش كفايه اخد كل دهبي وباعه وصرفه علي القهاوي والصيع بتوعه، وحتي القرشين اللي كنت عايناهم فالبنك للزمن جبرني اني اديهمله وضاعوا مع اللي ضاع... دلوقتي عايز ياخد آخر اللي حيلتنا انا والغلبان دا وياريته يستاهل ولا بتطمر فيه حاجه!!
اتقدم قاسم منهم ومسك ايد حسام وقومه من حضنها وميل عليه باسه ومسد علي شعره بأسف وسأله بعتب :
ليه ياحسام كل ماكنت اسألك مالك فيك ايه تقولي مفيش،، ليه يابني تخبي عليا وتتحمل كل دا وعمك عايش على وش الدنيا،، ايه ذنبك انت فكل دا؟
حسام بكسره : مكنتش برضي اقولك عشان متاخدنيش من ماما وتبعدني عنها وانا مش هقدر اسيبها لوحدها مع الراجل الشرير دا.. قالها وبص للارض ودمعه نزلت منه وجعت قلب عمه وقلبي عليه وحتي ود راحت عليه وحضنته لما صعب عليها..
قاسم بعدها بص لام حسام وقالها بحزم : قومي هاتيلي كل هدوم وحاجة حسام ابن اخويا مش هيقعد هنا ثانيه وحده بعد النهارده ولو عايزه تشوفيه تيجي تشوفيه عندي .
حسام باهتراض طفولي : لأ ياعموا انا هفضل مع ماما مش هسيبها.. وجري عليها وقعد جمبها وحضنها
ام حسام : هتاخد حسام وتبعده عن العذاب، طب وانا ياقاسم؟
قاسم : انتي ايه ياسعاد،، انتي دا جوزك يعني مضطره انك تتحمليه لكن ابن اخويا مش مضطر لدا ابدا
سعاد : انا فعرضك ياقاسم خلصني منه انا مليش حد وانت عارف، انا خلاص هعيش لابني وبس مش عايزه جواز ولا هفكر فجواز تاني ابدا.. انا اصلا ازاي فكرت اتجوز بعد المرحوم، دي غلطة عمري اللي دفعت تمنها غالي اوي..
قاسم بصلها واخد نفس وزفره ومسد علي وشه وقالها : دقايق تلمي فيها حاجتك الضروريه انتي وحسام يلا..
قالها وشاورلي عشان ادخل اساعدها وهو فضل واقف فوق جوزها اللي كان لسه عالارض واقع ومتكوم،،
صمتت قليلا لتلتقط انفاسها وهاهي تعيد الكرة مرة اخري وترفع البخاخ وتبخ منه داخل فمها وتغمض عيناها وهي تتنفس بقوة وماهي الا ثواني وبدأت انفاسها تهدأ قليلا وواصلت الحديث..
دخلنا انا وام حسام لمينا كل اللي قدرنا عليه واللي طالته ايدنا من هدومها وهدوم حسام ومتعلقاتهم الشخصيه وكتبه وحاجة مدرسته وبقيت آخد منها وانزل للعربيه وكل دا وقاسم واقف لجوزها زي الاسد اللي واقف فوق فريسته، لغاية ماخلصنا واخدناها هي وحسام ونزلنا ورجعنا على شقتنا،،
قاطعها الطبيب حمزه قائلا : معلش آسف لو هقاطعك بس هو انتي كنتي ساكنه مع ابو ود فى شقته.. أااا قصدي كنتي مقيمه معاهم يعني؟!
تبسمت كريمه وقد فهمت مابدأ يجول في خاطر الطبيب من فضول واجابته ارضاء لفضوله :
انا يادكتور كنت مقيمه فبيت ابو ود من قبل ماود تتولد بسنه،، ودا بسبب ان ام ود الله يرحمها كانت مريضة قلب وكنت برعاها واخد بالي منها،،
انا فالاصل مش من هنا يبني انا من بلد الاستاذ قاسم الله يرحمه وقريبته من بعيد،، كنت وحدانيه وابويا وامي علي اد حالهم،
واتجوزت واتطلقت بعدها ب٣ سنين عشان طلع عندي عيب ومبخلفش.. ولما سمعت ان الاستاذ قاسم عايز وحده تراعي مراته فمرضها قولت انا اللي هروح معاه،، واهو القرشين اللي هيجوني من الشغل اساعد بيهم ابويا وامي اللي المرض اكل عضمهم ومبقاش فيهم حيل لشغل،،
وعشان الله يرحمه كان راجل تنضرب باخلاقه الامثال محدش اعترض.. وسافرت معاهم وبقيت اراعي مراته وبيته وخصوصا لما حملت وتعبت اوي وحالتها اتدهورت كان البيت كله علي راسي...
كملت شهور حملها بالضالين وجينا فالولاده كل الدكاتره قالوا انها ممكن متقومش منها.. لكن ببركة دعواتنا وستر ربنا ولدت وجابت بنت زي القمر.. ود نور عيني.. وقامت منها،،
لكنها مقامتش بالسلامه،، من يوم ولادتها وهي صحتها فالنازل وقلبها كل يوم يتعب عن اليوم اللي قبله لدرجة انها مبقتش تقدر تقوم من مكانها ولا تقدر تعمل ادني مجهود...
وكنت بحس انها حتي بنتها مش فرحانه بيها وبتبصلها بحسره كأنها بتتحسر انها مش هتقدر تكمل معاها ولا تشوفها وهي بتكبر قدام عنيها..
اما ود فكنت انا اللي قايمه بكل مسئوليتها وانا اللي ربيتها علي ايدي من وهي لحمه حمره،، امها يادوبك كانت تشيلها دقايق وتديهاني تاني،، واتعلقت بيها زي ماتكون بنتي اللي مخلفاها من حشايا..
٣ سنين قضتهم ام ود عالحال دا..
فيهم ماتت امي ويادوب روحت اخدت عزاها ٣ ايام زيي زي الغريبه وود سبتها مع ابوها..
وكنت حاسه فيهم ان روحي غايبه عني ومفارقاني لحد ماخلصوا ٣ ايام العزا ورجعتلها تاني ولقيتها هي كمان حبيبتي هتموت من العياط عليا..
رجعت لقيت البيت يضرب يقلب والاستاذ قاسم غرقان فى شبر ميه وواخد اجازه من الشركه لا قادر ياخد باله من ام ود ولا من ود ولا من البيت ومحتاس حوسة السنين،،
رجعت تاني آخد بالي من البيت ومن كل اللي فيه وود بتكبر قدام عنيا وقدام عيونهم لغاية ماكملت خمس سنين وامها فالوقت دا كانت انتهت من العيا،،
وربنا افتكرها بعد عيد ميلاد ود الخامس ب ٣ ايام،،
وعلي اد مازعلنا عليها على اد ماحمدنا ربنا انه ريحها من عذابها اللي كانت متعذباه بمرضها ومعذبانا معاها وخصوصا الاستاذ قاسم اللي كان بيتالم معاها فكل لحظه ،
ومن يومها وبقيت انا المسئوله الرسميه عن البيت وعن كل كبيره وصغيره فيه مع اني كنت من الاول كده لكني برضوا كنت ارجع لام ود فأي حاجه قبل مااعملها..
لكن دلوقتي كل قرار يخص البيت او ود انا اللي بقيت آخده من نفسي..
ساعتها ابويا اعترض علي قعدتي مع راجل عاذب لوحدنا لان الناس هتتكلم،
لكن مع مرضه هو كمان واحتياجه للفلوس اللي ببعتهاله من شغلي فبيت الاستاذ قاسم ومع اول رفض ليا اني اسيب الشغل واسيب ود سكت ورمي كلام الناس ورا ضهره وقالي انه واثق فأستاذ قاسم وطظ فكلام الناس..
بس انا كنت عارفه ان كلامه ده احتياج وقلة حيله مش مسالة ثقه ابدا..
وفضلت معاهم زي ماانا ونفس التعامل مابينا بكل احترام.. وحتي يبني لو كل راجل وست اجتمعوا تحت سقف واحد َكان الشيطان تالتهم مش بيقدر غير على اصحاب النفوس الضعيفه والنوايا الخبيثه،، اما اصحاب القلوب النضيفه عمر الشيطان مايقدر يهوبلها..
انا واستاذ قاسم كنا اخوات بمعني الكلمه وكل اللي بينا منتهي الاحترام والتقدير..
احس الطبيب حمزه بالحرج من تبرير السيده كريمه لموقفها ودفاعها عن اخلاقها واخلاق السيد قاسم فهى بالتأكيد فعلت ذلك لانها شعرت باتهام بين طيات كلامه او استنكار لمكوثها في بيت السيد قاسم بمفردهم بعد موت زوجته ،
في حين انه كل ما كان يود الاستفسار عنه هو ان كانت مقيمة في بيته فعلا طيلة الوقت، ام ان لها مكان آخر مستقرة فيه...
او لكي لا يخادع نفسه فنعم هو كان يشعر بالغرابه قليلا حينما كانت تتحدث عن مكوثها في المنزل مع السيد قاسم بمفردهم بعد وفاة زوجته، وخصوصا انها كانت صغيره في السن وعلي مايبدوا انها كانت جميلة ايضا
فلا العرف ولا التقاليد ولا المجتمع الذي هم فيه يسمح بشيئ كهذا ان يمر مرور الكرام!!
ابتسم لها على اي حال واردف قائلا :
انا فاهم ياام ود كل الكلام دا وسؤالي كان مجرد سؤال عابر ماقصدش منه اي حاجه ومش عارف انتي ليه حكيتيلي كل التفاصيل دي انا بس كنت عايز اجابه بكلمه وحده ياأه يا لأ وبس..
كريمه : لا كانت هتكفي ولا ترضي الفضول يادكتور.. وكمان عشان فيه كلام مينفعش نقوله من غير تبرير عشان منتركش المجال لتفكير غير سوي انه يفسر كلامنا علي كيفه..
الطبيب حمزه : ماشاء الله عليكي وعلي كلامك انتي متعلمه ياست كريمه؟
كريمه : ايوه انا معايا ثانويه ازهريه اخدتها فبلدنا وبطلت بعدها لما ابويا تعب ومبقاش فيه حيل يشتغل زي الاول ويادوب اللي يجيبه علي اد الاكل والشرب ومكنش معانا فلوس عشان اكمل.. وبعدين بقي الاستاذ قاسم كان عنده مكتبه كبيره اوي كنت بفضل اقرا منها وزي ماانت عارف القرايه بتكبر العقل وتثقفه ازاي..
نظر اليها حمزه بأعجاب وكاد ان يرد عليها ولكنها قاطعته قائلة :
سيبك مني انا دلوقتي يادكتور بس وخلينا فالمهم.. خليني احكيلك عن اللي حصل بعد ماالاستاذ قاسم طلق ام حسام من جوزها وازاي حياتنا كلنا بعدها اتقلبت لجحيم..
يتبع..
اسرع الطبيب حمزه خطواته الي حديقة المشفي بعد ان جابها بعينيه ذهابا وايابا ،
ولم يجد سوى امرأة في العقد الثالث تقريبا من عمرها تجلس بجوار رجل عجوز وهو نزيل بالمشفي يعرفه حق المعرفه،
فهو المشرف على حالته، وسيدة حوالي في الخمسين من عمرها، متشحه بالسواد يظهر عليها الوقار، تجلس على كرسي خشبي، رافعة رأسها للأعلي تتأمل في بنيان المشفي بشرود،، فذهب اليها على الفور وقلبه يحدثه بأنها هي الشخص المنشود..
وتأكد من صحة احساسه حين اقترب منها فأنتبهت له ووقفت وهي تطالعه وابتسامة حنونه شقت محياها واتسعت حين تحدث اليها سائلا :
حضرتك ام ود؟
فأجابته بصوت حنون : تقدر تقول كده يابني.
ضم حمزه حاجبيه متعجبا وقام بعدل نظارته ولم يخفي عليها استغرابه فاردفت مكمله :
متستغربش يابني انا اللي كلمتك فالتليفون وقولتلك اني ام ود، بس الحقيقه اني مش امها، ود معندهاش ام ولا اب ود يتيمه، لكن لو باعتبار ان الام هي اللي بتربي وبتحب وتصون وتكبر مش الام اللي بتولد فأنا امها..
انا الداده بتاعتها واللي ربيتها من وهي حتتة لحمه حمره واعتبرتها بنتي وحته من روحي،،
ويشاء السميع العليم اني اكون عاقر ومخلفش زي مايكون رصدني ليها هي وبس وعوضني بيها، وعوضها هي كمان بيا عن امها اللي اتحرمت منها قبل الاوان.
تبسم الطبيب حمزه قائلا : ربنا عوضه كبير وله في شئونه حكم..
طيب اتفضلي اقعدي يام ود احنا هنفضل واقفين ولا ايه، احنا ورانا كلام كتير اووي وقعدتنا هتطول.. وسامحيني اسألتي هتبقي كتيره ومرهقه.
ردت عليه وهي تجلس : انا تحت امرك فاللي عايز تسأله ومعاك الوقت اللي تعوزه.. انا جايه النهارده عشان افيدك بكل حاجه تساعد في شفا بنتي، وتخليها ترجعلي من تاني..
حمزه : عظيم.. طيب مبدأيا كده احكيلي عن طفولة ود كانت عامله ازاي..
اخذت السيده نفسا عميقا وزفرته قبل ان تردف :
كانت طفولتها مميزه اوي وجميله، كانت طفله مرحه، بتحب الحياة، كانت زي الفراشه بتتنقل بخفه من مكان لمكان طول اليوم وتلعب، لكن محدش كان بيسمعلها صوت،
كانت هاديه جدا ، ذكيه، لماحه، دمها خفيف، لمضه لما تتجادل مع حد ميقدرش يغلبها بالكلام رغم صغر سنها، باباها كان مدلعها لاقصي درجه وخصوصا بعد ماماتت مامتها بقالها هو الام والاب والاخ والصاحب، يخلص شغله في الشركه اللي شغال فيها ويجي جري عليها، مكنش بيستحمل غيابها عنه ساعات،،
كانت اسعد بنت فالدنيا... لغاية ما.. وصمتت لتأخذ نفساً عميقا وتزفره بحسرة ولم يتحمل دكتور حمزه ان تقف عند هذه النقطه الفارقه فاردف يحثها ان تواصل حديثها :
هاه يام ود وبعدين كملي لغا ية ماأيه؟!
كريمه : لغاية ماعم ود مات فحادثة عربيه ... عمها دا كان طيب جدا ميتخيرش عن باباها، وكان هو وابو ود روحهم فبعض ومبيستحملوش علي بعض الهوا الطاير، فالوقت دا ود كان عندها ٧ سنين،
عمها دا ساب وراه مراته اللي كانت وقتها عندها ٣٠ سنه وابن عنده ١٠ سنين..
ابو ود بعد موت اخوه هو اللي اتكفل بيهم مصاريف ورعايه وكل يوم كان يخصص من وقته ساعه ياخد ود ويروح يقضيها معاهم يطمن عليهم ويشوف طلباتهم ويهون عن ابن اخوه موت باباه..
الكلام دا استمر سنه كامله.. لغاية بعد سانوية المرحوم عم ود.. السنه دي الولد اتعلق فيها بعمه جدا، وعمه كمان اتعلق بيه وكان يشوف فيه اخوه اللي مات..
بعد السانويه بقي ام الولد دا فجأت الاستاذ قاسم بأنها جايلها عريس وهتتجوز،
واترجته لو دا حصل مياخدش حسام من حضانتها ويسيبه معاها وهي وعدته بانها هتاخد بالها منه وعمرها ماتقصر معاه فأي حاجه،
وان الولد الافضل ليه يفضل مع امه مش هيبقي حرمان من الام والاب..
ابو ود صعب عليه الولد ووافق انها يسيبه معاها لكن بشرط انه يتطمن عليه باستمرار ويعرف اخباره وتبعتهوله يوم فالاسبوع يقضيه معاه، وهي وافقت.. وبعدها معداش شهر وتم الجواز..
وعلي الاتفاق الولد كانت تبعته لعمه كل يوم جمعه يقضي اليوم كله مع ود ومع عمه وكان يبقي مبسوط اوي باليوم دا،
وصمتت دقائق كاد الطبيب حمزه ان يحترق فيهم فضولا لكنه صمت اشفاقاً عليها لكي يعطيها قسطاً من الراحه، فقد تحدثت كثيراً لدرجة انها بدأت تأخذ انفاسها بصعوبه،، واستمر يراقبها عندما
قامت بفتح حقيبة يدها، واخرجت من انبوبا اسطوانيا وقامت بفتح فمها وبخ الرزاز داخله من الانبوب مما جعل الطبيب حمزه يشفق عليها اكتر،، وصمت نهائيا تاركاً لها الوقت الكافي لتستريح...
وبالفعل مرت دقائق الي ان انتظمت انفاسها وعاودت الحديث من تلقاء نفسها...
عدوا حوالي ٥ شهور علي الجوازه وكلنا لاحظنا ان حالة الولد فتأخر صحيا ونفسيا وبدنيا ودا كان هيجنن عمه وكل مايسأل الولد عن ايه اللي تاعبه وموصله لكده الولد يقوله مفيش،، وكلمة مافيش تطلع منه بتنهيدة تعب زي مايكون راجل كبير شايل هم الدنيا والعيشه..
عمه مااستحملش وراح علي العنوان اللي ساكنين فيه علي غفله، واخدنا معاه انا وود زي مايكون رايح زياره لابن اخوه واخدنا معانا اللي فيه النصيب .
وصمتت لاخذ نفس عميق وزفرته ثم اكملت ،،
وصلنا وكانت منطقه شعبيه الي حد ما يعني مش فنفس مستوى المنطقه اللي احنا ساكنين فيها واللي كانت هي كمان ساكنه فيها لكنها مش الاسوء يعني.
ركن الاستاذ قاسم عربيته ونزلنا من العربيه، ودخلنا العماره ووصلنا للدور اللي ساكنين فيه ووصلنا قدام الشقه اللي هما فيها، واللي كان الاستاذ قاسم عارف رقمها من حسام ابن اخوه..
ولسه الاستاذ قاسم بيرفع ايده عشان يضرب الجرس سمعنا صوت صراخ جاي من جوه الشقه.. وكان واضح انه صوت ام حسام،، بصينا لبعض وبدال مالاستاذ قاسم كان هيرن الجرس بقي يخبط علي الباب بأديه الاتنين ويرزع عليه بخوف،، وخصوصا لما صوت حسام تداخل مع صوت الصراخ، وقتها ابو ود مفضلش فيه ذرة عقل وكان هيكسر الباب من كتر الخبط،
لكن من غير فايده ولا فيه حد بيفتح، واللي زاد استغرابنا راجل كان نازل من فوق وبصلنا وبص للشقه وقال بديق :
تاااااني!!
وكمل طريقه فالنزول كان اللي بيحصل دا شيئ عادي وبيحصل دايما..
وقتها ابو ود الدم غلى فعروقه وطلب مني اني ابعد انا وود وابتدا يكسر فالباب بقوة جسمه كلها،، ومره بعد مره نجح انه يكسر الباب ودخل الشقه مندفع مع فتحة الباب واللي شافه وشفناه لجمنا كلنا..
ام حسام كانت علي الارض حاضنه ابنها حسام بخوف، والراجل اللي كانت متجوزاه ماسك حزام ونازل فيها ضرب وعنيه بتطق شرار زي مايكون غول،،
وصمتت مجددا لتأخذ نفسا عميقا وتزفره مجدداً ليتحرك الطبيب حمزه في مكانه متململً بقلة صبر،
فكل هذا ولم تصل لود فى الحديث ولكن يبدوا ان ماتسرده له علاقة بحياة ود القادمه، ويجب ان يستمع اليه.. عدل نظارته وتنحنح جاليا حنجرته كما لو كان سيتحدث لكن هذا لم يحدث،
وكان مجرد تمويه لحثها علي اكمال حديثها.. فأكملت علي الفور:
جري ابو ود علي الراجل ومسكه من وسطه ورماه بعيد عنهم، والاتنين اول ماشافوه كأنهم شافو طوق نجاه وحسام صرخ بأسمه باستنجاد وامه كمان الفرحه بانت علي وشها الهزيل وهي شايفه ابو ود ماسك جوزها ومكتف حركته،
وسأله بغيظ الدنيا كلها : بتضربهم ليه، عملولك ايه عشان تضربهم.. الطفل الصغير دا عملك ايه عشان تعمل فيه كده رد عليا ؟
رد عليه الراجل بكل صلافه وبرود ونبرة بلطجيه : وانت مين انت وايه اللي دخلك شقتي بالطريقه دي؟ وليك ايه عندي بضرب ليه وماضربش ليه امشي اطلع بره بيتي بدال مااوديك فستين داهيه..
ابو ود بغضب : انا عم حسام ياحيوان وبقولك بتضربه هو ومامته ليه.. قالها ولكمه علي وشه بقبضة ايده خلي الدم سال من شفته وود شافت المنظر دا وخبت وشها فيا بخوف..
الراجل بعد ماضربه ابو ود اتجنن ورفع ايده عايز يردله الضربه لكن ابو ود كان اسرع واقوي وابتدا يضرب فيه بكل عنف وفكل مكان لغاية ماخلاه وقع على الارض سايح فدمه،،
ووقتها بس قدرت ام حسام تتكلم بصوت يادوبك طالع : الحقنا ياقاسم، الحق ابن اخوك علي الاقل وخده عندك انا غلطانه اني قولت اخده عندي،، انا خليت ابني يتعذب معايا من غير ذنب.
قاسم وهو بينهج وبيمسح حبات العرق اللي علي جبينه سألها : هو بيعمل فيكم كدا ليه الحيوان ده؟
ام حسام : عايز ياخد الشقه اللي حيلتنا واللي وارثينها انا وحسام من المرحوم،
او نبيعها ونديه تمنها ياكده يأما يموتنا من الضرب كل يوم زي مانت شايف كده.. وانا شقة ابني لايمكن افرط فيها لو موتي كان علي اديه..
مش كفايه اخد كل دهبي وباعه وصرفه علي القهاوي والصيع بتوعه، وحتي القرشين اللي كنت عايناهم فالبنك للزمن جبرني اني اديهمله وضاعوا مع اللي ضاع... دلوقتي عايز ياخد آخر اللي حيلتنا انا والغلبان دا وياريته يستاهل ولا بتطمر فيه حاجه!!
اتقدم قاسم منهم ومسك ايد حسام وقومه من حضنها وميل عليه باسه ومسد علي شعره بأسف وسأله بعتب :
ليه ياحسام كل ماكنت اسألك مالك فيك ايه تقولي مفيش،، ليه يابني تخبي عليا وتتحمل كل دا وعمك عايش على وش الدنيا،، ايه ذنبك انت فكل دا؟
حسام بكسره : مكنتش برضي اقولك عشان متاخدنيش من ماما وتبعدني عنها وانا مش هقدر اسيبها لوحدها مع الراجل الشرير دا.. قالها وبص للارض ودمعه نزلت منه وجعت قلب عمه وقلبي عليه وحتي ود راحت عليه وحضنته لما صعب عليها..
قاسم بعدها بص لام حسام وقالها بحزم : قومي هاتيلي كل هدوم وحاجة حسام ابن اخويا مش هيقعد هنا ثانيه وحده بعد النهارده ولو عايزه تشوفيه تيجي تشوفيه عندي .
حسام باهتراض طفولي : لأ ياعموا انا هفضل مع ماما مش هسيبها.. وجري عليها وقعد جمبها وحضنها
ام حسام : هتاخد حسام وتبعده عن العذاب، طب وانا ياقاسم؟
قاسم : انتي ايه ياسعاد،، انتي دا جوزك يعني مضطره انك تتحمليه لكن ابن اخويا مش مضطر لدا ابدا
سعاد : انا فعرضك ياقاسم خلصني منه انا مليش حد وانت عارف، انا خلاص هعيش لابني وبس مش عايزه جواز ولا هفكر فجواز تاني ابدا.. انا اصلا ازاي فكرت اتجوز بعد المرحوم، دي غلطة عمري اللي دفعت تمنها غالي اوي..
قاسم بصلها واخد نفس وزفره ومسد علي وشه وقالها : دقايق تلمي فيها حاجتك الضروريه انتي وحسام يلا..
قالها وشاورلي عشان ادخل اساعدها وهو فضل واقف فوق جوزها اللي كان لسه عالارض واقع ومتكوم،،
صمتت قليلا لتلتقط انفاسها وهاهي تعيد الكرة مرة اخري وترفع البخاخ وتبخ منه داخل فمها وتغمض عيناها وهي تتنفس بقوة وماهي الا ثواني وبدأت انفاسها تهدأ قليلا وواصلت الحديث..
دخلنا انا وام حسام لمينا كل اللي قدرنا عليه واللي طالته ايدنا من هدومها وهدوم حسام ومتعلقاتهم الشخصيه وكتبه وحاجة مدرسته وبقيت آخد منها وانزل للعربيه وكل دا وقاسم واقف لجوزها زي الاسد اللي واقف فوق فريسته، لغاية ماخلصنا واخدناها هي وحسام ونزلنا ورجعنا على شقتنا،،
قاطعها الطبيب حمزه قائلا : معلش آسف لو هقاطعك بس هو انتي كنتي ساكنه مع ابو ود فى شقته.. أااا قصدي كنتي مقيمه معاهم يعني؟!
تبسمت كريمه وقد فهمت مابدأ يجول في خاطر الطبيب من فضول واجابته ارضاء لفضوله :
انا يادكتور كنت مقيمه فبيت ابو ود من قبل ماود تتولد بسنه،، ودا بسبب ان ام ود الله يرحمها كانت مريضة قلب وكنت برعاها واخد بالي منها،،
انا فالاصل مش من هنا يبني انا من بلد الاستاذ قاسم الله يرحمه وقريبته من بعيد،، كنت وحدانيه وابويا وامي علي اد حالهم،
واتجوزت واتطلقت بعدها ب٣ سنين عشان طلع عندي عيب ومبخلفش.. ولما سمعت ان الاستاذ قاسم عايز وحده تراعي مراته فمرضها قولت انا اللي هروح معاه،، واهو القرشين اللي هيجوني من الشغل اساعد بيهم ابويا وامي اللي المرض اكل عضمهم ومبقاش فيهم حيل لشغل،،
وعشان الله يرحمه كان راجل تنضرب باخلاقه الامثال محدش اعترض.. وسافرت معاهم وبقيت اراعي مراته وبيته وخصوصا لما حملت وتعبت اوي وحالتها اتدهورت كان البيت كله علي راسي...
كملت شهور حملها بالضالين وجينا فالولاده كل الدكاتره قالوا انها ممكن متقومش منها.. لكن ببركة دعواتنا وستر ربنا ولدت وجابت بنت زي القمر.. ود نور عيني.. وقامت منها،،
لكنها مقامتش بالسلامه،، من يوم ولادتها وهي صحتها فالنازل وقلبها كل يوم يتعب عن اليوم اللي قبله لدرجة انها مبقتش تقدر تقوم من مكانها ولا تقدر تعمل ادني مجهود...
وكنت بحس انها حتي بنتها مش فرحانه بيها وبتبصلها بحسره كأنها بتتحسر انها مش هتقدر تكمل معاها ولا تشوفها وهي بتكبر قدام عنيها..
اما ود فكنت انا اللي قايمه بكل مسئوليتها وانا اللي ربيتها علي ايدي من وهي لحمه حمره،، امها يادوبك كانت تشيلها دقايق وتديهاني تاني،، واتعلقت بيها زي ماتكون بنتي اللي مخلفاها من حشايا..
٣ سنين قضتهم ام ود عالحال دا..
فيهم ماتت امي ويادوب روحت اخدت عزاها ٣ ايام زيي زي الغريبه وود سبتها مع ابوها..
وكنت حاسه فيهم ان روحي غايبه عني ومفارقاني لحد ماخلصوا ٣ ايام العزا ورجعتلها تاني ولقيتها هي كمان حبيبتي هتموت من العياط عليا..
رجعت لقيت البيت يضرب يقلب والاستاذ قاسم غرقان فى شبر ميه وواخد اجازه من الشركه لا قادر ياخد باله من ام ود ولا من ود ولا من البيت ومحتاس حوسة السنين،،
رجعت تاني آخد بالي من البيت ومن كل اللي فيه وود بتكبر قدام عنيا وقدام عيونهم لغاية ماكملت خمس سنين وامها فالوقت دا كانت انتهت من العيا،،
وربنا افتكرها بعد عيد ميلاد ود الخامس ب ٣ ايام،،
وعلي اد مازعلنا عليها على اد ماحمدنا ربنا انه ريحها من عذابها اللي كانت متعذباه بمرضها ومعذبانا معاها وخصوصا الاستاذ قاسم اللي كان بيتالم معاها فكل لحظه ،
ومن يومها وبقيت انا المسئوله الرسميه عن البيت وعن كل كبيره وصغيره فيه مع اني كنت من الاول كده لكني برضوا كنت ارجع لام ود فأي حاجه قبل مااعملها..
لكن دلوقتي كل قرار يخص البيت او ود انا اللي بقيت آخده من نفسي..
ساعتها ابويا اعترض علي قعدتي مع راجل عاذب لوحدنا لان الناس هتتكلم،
لكن مع مرضه هو كمان واحتياجه للفلوس اللي ببعتهاله من شغلي فبيت الاستاذ قاسم ومع اول رفض ليا اني اسيب الشغل واسيب ود سكت ورمي كلام الناس ورا ضهره وقالي انه واثق فأستاذ قاسم وطظ فكلام الناس..
بس انا كنت عارفه ان كلامه ده احتياج وقلة حيله مش مسالة ثقه ابدا..
وفضلت معاهم زي ماانا ونفس التعامل مابينا بكل احترام.. وحتي يبني لو كل راجل وست اجتمعوا تحت سقف واحد َكان الشيطان تالتهم مش بيقدر غير على اصحاب النفوس الضعيفه والنوايا الخبيثه،، اما اصحاب القلوب النضيفه عمر الشيطان مايقدر يهوبلها..
انا واستاذ قاسم كنا اخوات بمعني الكلمه وكل اللي بينا منتهي الاحترام والتقدير..
احس الطبيب حمزه بالحرج من تبرير السيده كريمه لموقفها ودفاعها عن اخلاقها واخلاق السيد قاسم فهى بالتأكيد فعلت ذلك لانها شعرت باتهام بين طيات كلامه او استنكار لمكوثها في بيت السيد قاسم بمفردهم بعد موت زوجته ،
في حين انه كل ما كان يود الاستفسار عنه هو ان كانت مقيمة في بيته فعلا طيلة الوقت، ام ان لها مكان آخر مستقرة فيه...
او لكي لا يخادع نفسه فنعم هو كان يشعر بالغرابه قليلا حينما كانت تتحدث عن مكوثها في المنزل مع السيد قاسم بمفردهم بعد وفاة زوجته، وخصوصا انها كانت صغيره في السن وعلي مايبدوا انها كانت جميلة ايضا
فلا العرف ولا التقاليد ولا المجتمع الذي هم فيه يسمح بشيئ كهذا ان يمر مرور الكرام!!
ابتسم لها على اي حال واردف قائلا :
انا فاهم ياام ود كل الكلام دا وسؤالي كان مجرد سؤال عابر ماقصدش منه اي حاجه ومش عارف انتي ليه حكيتيلي كل التفاصيل دي انا بس كنت عايز اجابه بكلمه وحده ياأه يا لأ وبس..
كريمه : لا كانت هتكفي ولا ترضي الفضول يادكتور.. وكمان عشان فيه كلام مينفعش نقوله من غير تبرير عشان منتركش المجال لتفكير غير سوي انه يفسر كلامنا علي كيفه..
الطبيب حمزه : ماشاء الله عليكي وعلي كلامك انتي متعلمه ياست كريمه؟
كريمه : ايوه انا معايا ثانويه ازهريه اخدتها فبلدنا وبطلت بعدها لما ابويا تعب ومبقاش فيه حيل يشتغل زي الاول ويادوب اللي يجيبه علي اد الاكل والشرب ومكنش معانا فلوس عشان اكمل.. وبعدين بقي الاستاذ قاسم كان عنده مكتبه كبيره اوي كنت بفضل اقرا منها وزي ماانت عارف القرايه بتكبر العقل وتثقفه ازاي..
نظر اليها حمزه بأعجاب وكاد ان يرد عليها ولكنها قاطعته قائلة :
سيبك مني انا دلوقتي يادكتور بس وخلينا فالمهم.. خليني احكيلك عن اللي حصل بعد ماالاستاذ قاسم طلق ام حسام من جوزها وازاي حياتنا كلنا بعدها اتقلبت لجحيم..
يتبع..