العاشر
رامي انصدم لما لقاها بتقول : اصلك متعرفيش رامي لو عرف اني بحب تامر الرفاعي هيعمل فيا ايه!! ده بيكرهه موت..
داليا: وانتي يعني ملقيتيش غير تامر الرفاعي تحبيه؟!
_هو انتي تعرفيه؟
=وهو في حد ميعرفوش او عالاقل يسمع عنه! تامر الرفاعي ده يبنتي بيلقبوه بالحوت، بياكل اي حد يقف قصاده في مجال البيزنس.. ومستر رامي مبيقبلش يسمع سيرته لمجرد السمع بس.. ما بالك بقا لو عرف ان اخته الوحيده بتتنيل تحبه.
_وهو هيعرف منين؟! اكيد نش هتروحي تقوليله يعني ..ولا اي؟
=من النحيه دي اطمني يا حبيبتي، انا ذاكرتي ذاكرة سمك سلمون.. يعني اديني ثانيتين كمان وهتلاقيني بقوللك اسمك ايه.
في اللحظه دي الباب اتفتح ودخل رامي بهدوء وقعد وحط رجل علي رجل وبص لداليا وهي بتاكل وقال: اهلا داليا هانم يرب الخدمه عندنا تكون عجبت حضرتك…
بصتله داليا وقالت: يعني.. مش ولا بد.
جز علي اسنانه بغيظ شديد وبص لاخته ليندا وقال: هاا يا مادموزيل ليندا كنا عايزين نسمع بقية الحكايه.. و تامر باشا الرفاعي ناوي ييجي يتفدملي امتا عشان يخطبك مني…
ليندا وداليا بصو لبعض وليندا خافت وارتبكت وقالت: ااا..ااانت سمعتنا واحنا بنتكلم؟
_اممممم.. حظك حلو شوفتي..
وفجاه وبدون مقدمات قام بغضب وهجم عليها عشان يضؤبها وهو بيقول: ملقيتيش غير أحقر واحد في الدنيا وتحبيه.. عرفتيه منين انطقي..
داليا وقفت بينهم تدافع عنها وهي بتقول: استهدا بالله بس وقول هديت.. ماهو انتي يا ليندا انتي كمان غلطانه.. ملقيتيش يعني غير تامر الرفاعي اكبر منافس لبشمهندس رامي…
رامي اتغاظ اكتر وكان بيحاول يوصلها يضربها وبيقول: انطقي بدل ما اموتك النهارده ، عرفتيه منين الحيوان ده وبينكو اي؟
داليا: خلاص بقا يا بشمهندس رامي سامحها دي عيله وغلطت، مع ان ملكيش حق يا ليندا ده تامر ده بالذات معروف انه مش ستريت و ليه ذلات كتير مع البنات يعني…
رامي بصلها وزعق فيها بغضب وقال: انتي بتعملي ايه انتي كمان.. انتي معاهم معاهم عليهم عليهم..
_الله!! الحق عليا اني واقفه في أرض محايده ومش عايزة أنحاز لحد فيكو علي حساب التاني…
رامي كان بياخد شهيق وزفير بسرعه من شدة الغضب وقال: لا تنحازي ولا تتهببي.. واتفضلي اقعدي في جمب ملكيش دعوه انتي..
خرجت من بينهم وهي بتقول:صحيح أخرة الغز علقه.. وانا مالي انشالله تبلعها..
رامي مسك ليندا من شعرها وهو بيقول: انطقي متخلنيش افقد اعصابي عليكي و ارتكب جنايه النهارده.. بينك وبين الصعلوك اللي اسمه تامر الرفاعي ده ايه بالظبط!!
داليا كانت واقفه في جمب في الاوضه وماسكه طبق لب بتأزأز فيه وبتتفرج عليهم وهما بيتخانقواا..
ليندا بصت لاخوها وهي بتعيط وقالت: قبل ما تسالني او تشك فيا وتتهمني اني بيني وبينه حاجه،، راجع نفسك الاول وشوف هل انت بتصون الامانه اللي بابا الله يرحمه سابهالك ولا لا.. تقدر يا رامي تقوللي امتا اخر مره خرجنا سوا او اتغدينا مع بعض زي الاخوات؟! دنا حتي لما بقوللك متتاخرش عشان عايزة اتكلم معاك في حاجه بتبقا جاي زهقان وقرفان من الشغل وتقوللي بكره نتكلم عشان تعبان…
رامي بصلها ومش عارف يقول اي وبص لداليا وكانه بيستغيث بيها عشان تساعده بس هي رفعت كتفها بعدم اهتمام وكانها بتقوله: وانا اعمللك اي يعني؟؟!
ليندا مازالت بتبكي و بصتله بعياط وقالت: عمرك سالتني محتاجه اي؟ مضايقه من اي؟ في حد مزعلك؟! بذمتك انت بتفتكر ان ليك اخت من اساسه؟؟
رامي انفجر فيها بغضب مماثل وقال: وهو عشان انا اخ جاحد و زي الزفت ده مبرر يخليكي تروحي تحبي واحد زي تامر الرفاعي؟؟!! ملقيتيش غير ده!!!
_وهو من امتا احنا اللي بنتحكم في قلبنا ويحب مين ويكره مين؟؟؟ القلوب مفيش عليها سلطان ياااا.. يا بشمهندس رامي.
…..
في نفس التوقيت عند فاروق في المستشفي كان بادئ يفوق وبينادي علي اسم دالياا وامه كانت قاعده جمبه…
_دالياااا.. انتي فين يا داااليااااا
=داليا بردو يا منيل، الا ما عبرتك ولا جت شافتك…
_داليا في خطر ياما بسببي، لو جرالها حاجه وحشه هيبقا ذنبها في رقبتي..
=خطر؟! خطر ازاي مش فاهمه..
فاروق نزل من عالسرير وهو بيقول: مفيش وقت انا لازم الحقها..
وقعد تاتي وهو بيفتكر لما راح الشركه يجيب الورق واتضرب بالنار فقال: بس الورق!!
صباح: ورق ايه وخجر ايه انا مش فاهمه منك حاجه…
_بعدين ياما.. بعدين هفهمك كل حاجه بس دلوقتي انا لازم اتصرف واخرج داليا من الورطه اللي هيا فيها…
=بس انت لسه جرحك طري، مينفعش اول ما تفوق كده نمشي..
صباح نادت الدكتور واللي حاول كتير يقنع فاروق انه يخليه ولكن بعد الحاح فاروق علي الحروج كتبله اذن بالخروج..
فاروق اول ما رجع البيت خد الفلوس الي تامر الرفاعي ادهالو مقابل الورق وراح علي الشركه عنده وطلب يقابله وبالفعل دخل له المكتب…
تامر: انت محرمتش بعد العمله الهباب اللي عملتها،بردو جاي برجليك؟
_انا جاي افض الاتفاق اللي كان بينا ولا كأن حاجه حصلت.. فلوسك اهي ولو عاوز فوقيهم زياده اجيبلك وترجعلي الورق اللي عطيتهولك..
تامر ضحك ضحكه شريره وقال: انت عبيط يبني ولا انت اللي شكلك كده؟!! فلوس ايه دي؟! انت فاكر ان العشر تلاف دول ولا الخمستاشر الف بالنسبالي فلوس؟! دول ميجوش تمن عشا ولا غدا في ليله…
_يعني اي؟!عايزكام وترجعلي الورق!
=ومين اللي قاللك اني عايز فلوس؟! ميبقاش ابني في أيدي وامشي ادور عليه…
_يعني ايه؟!
=يعني ملكش ورق عندي، ولا جيت هنا تاني هسلم الفيديو للنيابه وهي تتصرف معاك..
مشي فاروق وهو محتار وعمال يفكر ازاي يقدر يساعد داليا وحاسس انه هيموت من الندم وعنده احساس بالذنب شديد نحيتها..
…..
معتز كان مقضيها مع الخواجات سباحه ولعب وهزار وناسي الشغل اللي هو مسافر عشانه تماما…
كان واقف مع بنت خواجايه وبيقول: خلاص بقا يا صوفيا، مهو مش معقول كل ما اروح مكان واجي امشي منه البنات يتتجننوا كده واللي تعيط واللي تصرخ..دي متبقاش عيشه دي.
صوفيا: بلييييز موأتذ ستاي وز مي.. بلييييز
_يبنتي انا ورايا مصالح وشغل ونيله زرقا، مش هتفهمي انتي الهبد اللي انا بقوله ده.. ايام ڤيري بيزي .. انا مشغول جداا يا صفاصيفو..
= بليز بيبي ماري مي.. انا موافق ابقا ساكند وايف…
_ساكند وايف ايه انتي كمان هو انا عارف اجيب الفيرست وايف لما هدور علي ساكند وايف.. بقوللك ايه انتي شكلك رغايه وهتاكلي دماغ امي.. بيبي.. ايام سوري.. انا مريض ، ايام إل, اند دوكتورز تل مي اي ويل داي سون…
=وهيات امك…
_وهيات امي؟! انتي طلعتي من حلمية الزتون ولا اي؟! غوري يبت غوووري…
معتز تليفونه رن وكان. رامي اللي بيكلمه من الشغل…
رامي: ايوة يا دنچوان عصرك و زمانك .وصلت لحاجه؟
_ولاااااا ي حاجه بصراحه، عمال بس اتفسح ومقضيهاا مع الستات اللوز.. متيجي ياض يا بشمهندس رامي تقضيلك هنا يومين تنضف بصرك وسمعك من الاشكال اللي تقرف اللي بنشوفهاا دي..
=انضف سمعي وبصري!! والله انك فايق..
_يعم اشتري مني، دنتا هتيجي هنا هترجع عيل صغير لسه.. لا عيل صغير ايه؟! دنتا هترجع بيبي في اللفه كمان..
=يعم متبقاش اوفر، دنتا ولا كإنك اول مره تشوف حريم…
_يبني حريم ايه وبتاع ايه؟! اللي هنا دول لا ينطبق عليهم كلمة حريم.. دول حلويات، مكسرات، مهلبيات، يعني أشياء من هذا القبيل…
=اممممم.. وانت سيادتك بقا منغمس مع المهلبيات وسايبني انا محتاس هناا.. يا تتفضل تخلص شغلك وتسيبك من الهلس ده يا ترجع فورا ومش عايز منك شغل.. انا هبقا اسافر اتابع المهلبي…قصديييييي اتابع الشغل بنفسي…
_الشغل بردو يا خبيث.. علي بابا.. ده انا مربيك من وانت قاااااد كده..
=طيب خف لطافه بقاا عشان كده هموت من كتر الضحك.. عايزك تنحز وترجع بسرعه عشان في حوار مهم عايزك معايا فيه..
_علم وينفذ يا رامي باشا.. وبعدين اهو منه شغل ومنه بودع العزوبيه، اصل عقبال عندك نويت ارتبط واستقر..
=ومين دي اللي امها داعيه عليها في ليلة القدر..
_ليه ياعم كده هو انا للدرجادي وحش
=فوق ما تتخيل
_ماشي يعم الله يكرمك.. عالعموم بكره كله هيبان.. يلا طير انت..
….
داليا كانت قاعده في اوضتها سرحانه وبتفكر في الوضع اللي هيا قيه. مش هاتنكر انها حاسه بالألفه وسطهم وفي نفس الوقت خايفه من اخرة اللي هي فيه وقطع تفكيرها لما تليفونها رن وصاحبتها اتصلت بيهاا…
داليا: ايوة يا بسنت.. اخبارك ايه؟
_انا تمام يا مزه انتي عامله ايه، فينك مبقيتيش تيجي السنتغ ليه؟!
=والله يا بوسي حاليا مش رايقه لاي حاجه، ممكن الفتره الجايه ان شاءالله اجي ابص عليكي واروشن نفسي كدا
_ليه بس يا غوحي .. ده اي ميس يو كتيغ اوووي…
=كتيغ بردو؟! مصممه تبقي لدغه مش عارفه ليه؟! مفكره انك كده بقيتي مميزه خلاص؟! دنتي ربنا يعينك عالمهلبيه اللي في دماغك..
_منتي عارفه ان سوسي بيحب الإغ بتاعتي مووت..
=ايوة يختي عارفه، و سوسك عامل اي اليومين دول؟ لسه منسون زي مهو..
_اخس عليكي يا داليااا لا كده ازعل منك مووت.. ده سوسي غاجل ولا كل الغجاله…
=غاجل بأماغة إيه… قصديييي بإمارة ايه.. يخربيتك دنتي عدوي متنقله.. اقفلي يبت بدل ما تبوظيلي مخارج الحروف بتاعتي وانا مش ناقصه لخبطه في الكلام، احنا بنتشعبط في رضا ربنا ياما اقفلي..
_طيب انا كنت بكلمك عشان اعزمك علي خطوبة مدحت اخويا، اوعي متجيش ازعل منك خاالص..
=للاسف يا بوسي…..
قاطعتها بسنت وهي بتقول: اوووعي تكملي.. ورحمة ماما يا داليا لو ماجيتي مش هعرفك تاني خااالص..
اتنهدت داليا بحيره وقالت: باذن الله هاجي، ربنا يسهل ان شاءالله.
_هستناكي اكيد.. هقفل معاكي دلوقتي وابعتلك العنوان في مسدچ .. يلاا تشاو..
=تشاو ورحمة الله وبركاته .. في أمان الله
خلصت داليا المكالمه واتخضت لما الباب اتفتح فجأه ودخل رامي، وقفت من عالسرير وقالتله بغضب
_انت قليل الذوق علي فكرة، في حد يدخل علي حد اوضته كده من غير استئذان؟؟
=اوضتك؟! انتي صدقتي نفسك ولا اي؟! يكونشي الجناح مكتوب باسمك وانا مش عارف…
_من غير سخريه ملهاش لزمه، لو مش هتحترمني طول منا قاعده في البيت ده وتتعامل معابا بذوق يبقا تحل عني وتسيبني امشي وارجع بيتي، انا والله مش مموته روحي عليك ولا علي القعده عندك يعني…
قرب منها رامي بهدوء وهو بيقول: اسيبك؟! اسيبك ايه ده انا ما صدقت الاقيكي، ما صدقت تبقي جمبي ومعايا، وعيزاني بعد ما بقيت معاكي اسيبك تضيعي من بين ايديا ،ده اتا ابقا مجنون..
داليا حست غن قلبها هيقف من كلام رامي، اول مره حد يقولها كلام حلو زي ده، بصتله وهي متنحه ومش قادرة تنطق وكانت مستسلمه لابعد حد وفجأه نزلت من سابع سما لسااااابع ارض لما لقيته ضحك بصوت عالي وقال بإستهزاء
_ماالك تنحتي ليه كده.. انتي صدقتي ولا اي.. هههههه.. لا مش معقول بجد صدقتي الكلمتين اللي انا قولتهم دول؟! دنا كنت بزيط بس..
قالت والدموع ماليين عينيها: تزيط؟! انت اكتر انسان حقير و مريض اتا شوفت في حياتي…
رامي بصلها بغضب وقال: حقير ومريض؟؟!!!
_و سايكوو كماان.. انت مش طبيعي ابدااا انت لازم تتعالج اقسم بالله
رامي مسكها من دراعها بقوة وهو الغضب اتملك منه وقال: بقوللك ايه يا بتاعه انتي، الزمي حدك في الكلام معايا، انتي ناسيه انتي بتكلمي مين و انا اقدر اعمل ايه ولا ايه؟! انا كل ده صابر عليكي انتي و قريبك الحرامي ده ومش راضي ابلغ عنكو،بس شكلك كده هتخليني أقل معاكو ..
داليا بعدت ايديه عنها وقالت بغضب: لا بلغ عننا، ارحمنا و بلغ عننا يكون احسن و ارحم من القرف اللي انا فيه ده.. و لاخر مره هقولهالك الحرامي ده ميبقاش قريبي من قريب ولا من بعيد.. ده خيالله ابن مرات ابويا..ومع ذلك لو عايز تبلغ عني بلغ، اهو هنا سجن وهناك سجن.. عالاقل في السجن اللي هناك مش هيتحكم فيا واحد كلب زيك…
رامي ضربها بالقلم بقوة خلاها وقعت علي الارض وراسها اصطدمت بالكومودينو فوقعت فوقها الفازة وفجأه الارض بقت كلها عباره عن بركة دم!!!!!!!!!!
داليا: وانتي يعني ملقيتيش غير تامر الرفاعي تحبيه؟!
_هو انتي تعرفيه؟
=وهو في حد ميعرفوش او عالاقل يسمع عنه! تامر الرفاعي ده يبنتي بيلقبوه بالحوت، بياكل اي حد يقف قصاده في مجال البيزنس.. ومستر رامي مبيقبلش يسمع سيرته لمجرد السمع بس.. ما بالك بقا لو عرف ان اخته الوحيده بتتنيل تحبه.
_وهو هيعرف منين؟! اكيد نش هتروحي تقوليله يعني ..ولا اي؟
=من النحيه دي اطمني يا حبيبتي، انا ذاكرتي ذاكرة سمك سلمون.. يعني اديني ثانيتين كمان وهتلاقيني بقوللك اسمك ايه.
في اللحظه دي الباب اتفتح ودخل رامي بهدوء وقعد وحط رجل علي رجل وبص لداليا وهي بتاكل وقال: اهلا داليا هانم يرب الخدمه عندنا تكون عجبت حضرتك…
بصتله داليا وقالت: يعني.. مش ولا بد.
جز علي اسنانه بغيظ شديد وبص لاخته ليندا وقال: هاا يا مادموزيل ليندا كنا عايزين نسمع بقية الحكايه.. و تامر باشا الرفاعي ناوي ييجي يتفدملي امتا عشان يخطبك مني…
ليندا وداليا بصو لبعض وليندا خافت وارتبكت وقالت: ااا..ااانت سمعتنا واحنا بنتكلم؟
_اممممم.. حظك حلو شوفتي..
وفجاه وبدون مقدمات قام بغضب وهجم عليها عشان يضؤبها وهو بيقول: ملقيتيش غير أحقر واحد في الدنيا وتحبيه.. عرفتيه منين انطقي..
داليا وقفت بينهم تدافع عنها وهي بتقول: استهدا بالله بس وقول هديت.. ماهو انتي يا ليندا انتي كمان غلطانه.. ملقيتيش يعني غير تامر الرفاعي اكبر منافس لبشمهندس رامي…
رامي اتغاظ اكتر وكان بيحاول يوصلها يضربها وبيقول: انطقي بدل ما اموتك النهارده ، عرفتيه منين الحيوان ده وبينكو اي؟
داليا: خلاص بقا يا بشمهندس رامي سامحها دي عيله وغلطت، مع ان ملكيش حق يا ليندا ده تامر ده بالذات معروف انه مش ستريت و ليه ذلات كتير مع البنات يعني…
رامي بصلها وزعق فيها بغضب وقال: انتي بتعملي ايه انتي كمان.. انتي معاهم معاهم عليهم عليهم..
_الله!! الحق عليا اني واقفه في أرض محايده ومش عايزة أنحاز لحد فيكو علي حساب التاني…
رامي كان بياخد شهيق وزفير بسرعه من شدة الغضب وقال: لا تنحازي ولا تتهببي.. واتفضلي اقعدي في جمب ملكيش دعوه انتي..
خرجت من بينهم وهي بتقول:صحيح أخرة الغز علقه.. وانا مالي انشالله تبلعها..
رامي مسك ليندا من شعرها وهو بيقول: انطقي متخلنيش افقد اعصابي عليكي و ارتكب جنايه النهارده.. بينك وبين الصعلوك اللي اسمه تامر الرفاعي ده ايه بالظبط!!
داليا كانت واقفه في جمب في الاوضه وماسكه طبق لب بتأزأز فيه وبتتفرج عليهم وهما بيتخانقواا..
ليندا بصت لاخوها وهي بتعيط وقالت: قبل ما تسالني او تشك فيا وتتهمني اني بيني وبينه حاجه،، راجع نفسك الاول وشوف هل انت بتصون الامانه اللي بابا الله يرحمه سابهالك ولا لا.. تقدر يا رامي تقوللي امتا اخر مره خرجنا سوا او اتغدينا مع بعض زي الاخوات؟! دنا حتي لما بقوللك متتاخرش عشان عايزة اتكلم معاك في حاجه بتبقا جاي زهقان وقرفان من الشغل وتقوللي بكره نتكلم عشان تعبان…
رامي بصلها ومش عارف يقول اي وبص لداليا وكانه بيستغيث بيها عشان تساعده بس هي رفعت كتفها بعدم اهتمام وكانها بتقوله: وانا اعمللك اي يعني؟؟!
ليندا مازالت بتبكي و بصتله بعياط وقالت: عمرك سالتني محتاجه اي؟ مضايقه من اي؟ في حد مزعلك؟! بذمتك انت بتفتكر ان ليك اخت من اساسه؟؟
رامي انفجر فيها بغضب مماثل وقال: وهو عشان انا اخ جاحد و زي الزفت ده مبرر يخليكي تروحي تحبي واحد زي تامر الرفاعي؟؟!! ملقيتيش غير ده!!!
_وهو من امتا احنا اللي بنتحكم في قلبنا ويحب مين ويكره مين؟؟؟ القلوب مفيش عليها سلطان ياااا.. يا بشمهندس رامي.
…..
في نفس التوقيت عند فاروق في المستشفي كان بادئ يفوق وبينادي علي اسم دالياا وامه كانت قاعده جمبه…
_دالياااا.. انتي فين يا داااليااااا
=داليا بردو يا منيل، الا ما عبرتك ولا جت شافتك…
_داليا في خطر ياما بسببي، لو جرالها حاجه وحشه هيبقا ذنبها في رقبتي..
=خطر؟! خطر ازاي مش فاهمه..
فاروق نزل من عالسرير وهو بيقول: مفيش وقت انا لازم الحقها..
وقعد تاتي وهو بيفتكر لما راح الشركه يجيب الورق واتضرب بالنار فقال: بس الورق!!
صباح: ورق ايه وخجر ايه انا مش فاهمه منك حاجه…
_بعدين ياما.. بعدين هفهمك كل حاجه بس دلوقتي انا لازم اتصرف واخرج داليا من الورطه اللي هيا فيها…
=بس انت لسه جرحك طري، مينفعش اول ما تفوق كده نمشي..
صباح نادت الدكتور واللي حاول كتير يقنع فاروق انه يخليه ولكن بعد الحاح فاروق علي الحروج كتبله اذن بالخروج..
فاروق اول ما رجع البيت خد الفلوس الي تامر الرفاعي ادهالو مقابل الورق وراح علي الشركه عنده وطلب يقابله وبالفعل دخل له المكتب…
تامر: انت محرمتش بعد العمله الهباب اللي عملتها،بردو جاي برجليك؟
_انا جاي افض الاتفاق اللي كان بينا ولا كأن حاجه حصلت.. فلوسك اهي ولو عاوز فوقيهم زياده اجيبلك وترجعلي الورق اللي عطيتهولك..
تامر ضحك ضحكه شريره وقال: انت عبيط يبني ولا انت اللي شكلك كده؟!! فلوس ايه دي؟! انت فاكر ان العشر تلاف دول ولا الخمستاشر الف بالنسبالي فلوس؟! دول ميجوش تمن عشا ولا غدا في ليله…
_يعني اي؟!عايزكام وترجعلي الورق!
=ومين اللي قاللك اني عايز فلوس؟! ميبقاش ابني في أيدي وامشي ادور عليه…
_يعني ايه؟!
=يعني ملكش ورق عندي، ولا جيت هنا تاني هسلم الفيديو للنيابه وهي تتصرف معاك..
مشي فاروق وهو محتار وعمال يفكر ازاي يقدر يساعد داليا وحاسس انه هيموت من الندم وعنده احساس بالذنب شديد نحيتها..
…..
معتز كان مقضيها مع الخواجات سباحه ولعب وهزار وناسي الشغل اللي هو مسافر عشانه تماما…
كان واقف مع بنت خواجايه وبيقول: خلاص بقا يا صوفيا، مهو مش معقول كل ما اروح مكان واجي امشي منه البنات يتتجننوا كده واللي تعيط واللي تصرخ..دي متبقاش عيشه دي.
صوفيا: بلييييز موأتذ ستاي وز مي.. بلييييز
_يبنتي انا ورايا مصالح وشغل ونيله زرقا، مش هتفهمي انتي الهبد اللي انا بقوله ده.. ايام ڤيري بيزي .. انا مشغول جداا يا صفاصيفو..
= بليز بيبي ماري مي.. انا موافق ابقا ساكند وايف…
_ساكند وايف ايه انتي كمان هو انا عارف اجيب الفيرست وايف لما هدور علي ساكند وايف.. بقوللك ايه انتي شكلك رغايه وهتاكلي دماغ امي.. بيبي.. ايام سوري.. انا مريض ، ايام إل, اند دوكتورز تل مي اي ويل داي سون…
=وهيات امك…
_وهيات امي؟! انتي طلعتي من حلمية الزتون ولا اي؟! غوري يبت غوووري…
معتز تليفونه رن وكان. رامي اللي بيكلمه من الشغل…
رامي: ايوة يا دنچوان عصرك و زمانك .وصلت لحاجه؟
_ولاااااا ي حاجه بصراحه، عمال بس اتفسح ومقضيهاا مع الستات اللوز.. متيجي ياض يا بشمهندس رامي تقضيلك هنا يومين تنضف بصرك وسمعك من الاشكال اللي تقرف اللي بنشوفهاا دي..
=انضف سمعي وبصري!! والله انك فايق..
_يعم اشتري مني، دنتا هتيجي هنا هترجع عيل صغير لسه.. لا عيل صغير ايه؟! دنتا هترجع بيبي في اللفه كمان..
=يعم متبقاش اوفر، دنتا ولا كإنك اول مره تشوف حريم…
_يبني حريم ايه وبتاع ايه؟! اللي هنا دول لا ينطبق عليهم كلمة حريم.. دول حلويات، مكسرات، مهلبيات، يعني أشياء من هذا القبيل…
=اممممم.. وانت سيادتك بقا منغمس مع المهلبيات وسايبني انا محتاس هناا.. يا تتفضل تخلص شغلك وتسيبك من الهلس ده يا ترجع فورا ومش عايز منك شغل.. انا هبقا اسافر اتابع المهلبي…قصديييييي اتابع الشغل بنفسي…
_الشغل بردو يا خبيث.. علي بابا.. ده انا مربيك من وانت قاااااد كده..
=طيب خف لطافه بقاا عشان كده هموت من كتر الضحك.. عايزك تنحز وترجع بسرعه عشان في حوار مهم عايزك معايا فيه..
_علم وينفذ يا رامي باشا.. وبعدين اهو منه شغل ومنه بودع العزوبيه، اصل عقبال عندك نويت ارتبط واستقر..
=ومين دي اللي امها داعيه عليها في ليلة القدر..
_ليه ياعم كده هو انا للدرجادي وحش
=فوق ما تتخيل
_ماشي يعم الله يكرمك.. عالعموم بكره كله هيبان.. يلا طير انت..
….
داليا كانت قاعده في اوضتها سرحانه وبتفكر في الوضع اللي هيا قيه. مش هاتنكر انها حاسه بالألفه وسطهم وفي نفس الوقت خايفه من اخرة اللي هي فيه وقطع تفكيرها لما تليفونها رن وصاحبتها اتصلت بيهاا…
داليا: ايوة يا بسنت.. اخبارك ايه؟
_انا تمام يا مزه انتي عامله ايه، فينك مبقيتيش تيجي السنتغ ليه؟!
=والله يا بوسي حاليا مش رايقه لاي حاجه، ممكن الفتره الجايه ان شاءالله اجي ابص عليكي واروشن نفسي كدا
_ليه بس يا غوحي .. ده اي ميس يو كتيغ اوووي…
=كتيغ بردو؟! مصممه تبقي لدغه مش عارفه ليه؟! مفكره انك كده بقيتي مميزه خلاص؟! دنتي ربنا يعينك عالمهلبيه اللي في دماغك..
_منتي عارفه ان سوسي بيحب الإغ بتاعتي مووت..
=ايوة يختي عارفه، و سوسك عامل اي اليومين دول؟ لسه منسون زي مهو..
_اخس عليكي يا داليااا لا كده ازعل منك مووت.. ده سوسي غاجل ولا كل الغجاله…
=غاجل بأماغة إيه… قصديييي بإمارة ايه.. يخربيتك دنتي عدوي متنقله.. اقفلي يبت بدل ما تبوظيلي مخارج الحروف بتاعتي وانا مش ناقصه لخبطه في الكلام، احنا بنتشعبط في رضا ربنا ياما اقفلي..
_طيب انا كنت بكلمك عشان اعزمك علي خطوبة مدحت اخويا، اوعي متجيش ازعل منك خاالص..
=للاسف يا بوسي…..
قاطعتها بسنت وهي بتقول: اوووعي تكملي.. ورحمة ماما يا داليا لو ماجيتي مش هعرفك تاني خااالص..
اتنهدت داليا بحيره وقالت: باذن الله هاجي، ربنا يسهل ان شاءالله.
_هستناكي اكيد.. هقفل معاكي دلوقتي وابعتلك العنوان في مسدچ .. يلاا تشاو..
=تشاو ورحمة الله وبركاته .. في أمان الله
خلصت داليا المكالمه واتخضت لما الباب اتفتح فجأه ودخل رامي، وقفت من عالسرير وقالتله بغضب
_انت قليل الذوق علي فكرة، في حد يدخل علي حد اوضته كده من غير استئذان؟؟
=اوضتك؟! انتي صدقتي نفسك ولا اي؟! يكونشي الجناح مكتوب باسمك وانا مش عارف…
_من غير سخريه ملهاش لزمه، لو مش هتحترمني طول منا قاعده في البيت ده وتتعامل معابا بذوق يبقا تحل عني وتسيبني امشي وارجع بيتي، انا والله مش مموته روحي عليك ولا علي القعده عندك يعني…
قرب منها رامي بهدوء وهو بيقول: اسيبك؟! اسيبك ايه ده انا ما صدقت الاقيكي، ما صدقت تبقي جمبي ومعايا، وعيزاني بعد ما بقيت معاكي اسيبك تضيعي من بين ايديا ،ده اتا ابقا مجنون..
داليا حست غن قلبها هيقف من كلام رامي، اول مره حد يقولها كلام حلو زي ده، بصتله وهي متنحه ومش قادرة تنطق وكانت مستسلمه لابعد حد وفجأه نزلت من سابع سما لسااااابع ارض لما لقيته ضحك بصوت عالي وقال بإستهزاء
_ماالك تنحتي ليه كده.. انتي صدقتي ولا اي.. هههههه.. لا مش معقول بجد صدقتي الكلمتين اللي انا قولتهم دول؟! دنا كنت بزيط بس..
قالت والدموع ماليين عينيها: تزيط؟! انت اكتر انسان حقير و مريض اتا شوفت في حياتي…
رامي بصلها بغضب وقال: حقير ومريض؟؟!!!
_و سايكوو كماان.. انت مش طبيعي ابدااا انت لازم تتعالج اقسم بالله
رامي مسكها من دراعها بقوة وهو الغضب اتملك منه وقال: بقوللك ايه يا بتاعه انتي، الزمي حدك في الكلام معايا، انتي ناسيه انتي بتكلمي مين و انا اقدر اعمل ايه ولا ايه؟! انا كل ده صابر عليكي انتي و قريبك الحرامي ده ومش راضي ابلغ عنكو،بس شكلك كده هتخليني أقل معاكو ..
داليا بعدت ايديه عنها وقالت بغضب: لا بلغ عننا، ارحمنا و بلغ عننا يكون احسن و ارحم من القرف اللي انا فيه ده.. و لاخر مره هقولهالك الحرامي ده ميبقاش قريبي من قريب ولا من بعيد.. ده خيالله ابن مرات ابويا..ومع ذلك لو عايز تبلغ عني بلغ، اهو هنا سجن وهناك سجن.. عالاقل في السجن اللي هناك مش هيتحكم فيا واحد كلب زيك…
رامي ضربها بالقلم بقوة خلاها وقعت علي الارض وراسها اصطدمت بالكومودينو فوقعت فوقها الفازة وفجأه الارض بقت كلها عباره عن بركة دم!!!!!!!!!!