الثامن
مشي كريم واهله وجمال نادي علي سريا علشان يعرف رأيها في طلبهم..
_اكيد انتي عرفتي هما كانو اهنه ليه.. بصراحه اكده ومن غير لف ودوران.. انتي عاچبك البشمهندس كريم؟
اتنهدت سريا وقالت: بص يا چيمي..
_چيمي!!!
=مضايقاك چيمي؟! طب بص يا والدي..
_قولي يا أخرة صبري..
=بالصلاه عالنبي اكده ومن غير لف ودوان وخد وهات وبدل ما نروح وناچي ونجول كلام كتير ملوش عازه و ممنوش فايده ولا يودي ولا يچيب...
جمال حط ايديه الاتنين علي راسه بغلب وهو بيقول: برشامة الضغطططط يا كريمه..
سريا قامت قعدت على رجليه وهي بتقول: مالك يابايا، من ميتا وانت بتاخد علاج للضغط.. دنتا كنت ورده مفتحه ..
_دبلت يختي.. دبلت وعطبت من يوم ما چيتي انتي للدنيا يا حبة عين ابوكي...
=وه؟! بجا اكده ياابوي؟! وانا اللي بجول انك انت اللي طلعت بيه م الدنيااا !! مش كفايه المراه الحديديه اللي انت چايبهالنا دي!
_بت انتي.. كفاياكي رط وچاوبيني علي سؤالي دوغري خليني اشوف هعمل اي..
=والله يابايا ما عارفه اجوللك اي! اصل انا الفتره دي مذبذبه..
_مالك ياامايا؟! سلامتك يابوي ودي علاچها اي!
=مذبذبه يابوي يعني متشتته، معرفاشي انا رايده ايه؟ سواعي اجول مش هتچوز خاالص... و سواعي امل من العيشه العزابي ديه واحس ان الچواز هافف علياا..
جمال تنح. تحسي ان الچواز هافف عليكي؟!! وبتجوليها في وشي اكده صريحه وضيحه، تعالي شوفي تربيتك اللي تفرح يا زينب هانم يا جادالله...
_وه.. ماتخليها في سرك يابوي هو انا متفكش عليك بكلمتين واصل.... جُصره.. عشان نلخص ونجيب من الناهيه ومن الاخر ونجيب الزتونه والخلاصه والمفيد....
جمال ضربها بالقفا وقال: اختصرري والا هفضي الفرفر ده في راسي وارتاح منك..
_بص يابا.. اني ممستعداش للجواز دلوكوبعدين كريم ديه عامل ولا الصمغ العربي..
=كيف يعني عامل ولا الصمغ العربي.. جديده عليا دي!
_يعني ملزج يابوي.. واد ابيضاني اكده ودمه أكلح.. واني نفسي اللي اتچوزه ديه يكون اسمر ودمه خفيف كيف العندليب اكده وياچي تحت الشباك يغنيلي بتلوموني ليه لو شوفتم عنيه.. مش كريم اللي مسجط بنطلونه و حاطط چل.. ياشيخ ده انا فيا رچولة عنه.. انت مشوفتوش مربي شعره كيف البنته ازااي
_يا سريا يا بتي الراچل مش بمظهره.. أهم حاجه الاخلاق..
=لااه.. اكسكيوزمي يا أبو ساميه.. اسمحلي.. المظهر ده اللي بيدي الناس اول انطباع عن الشخص، لاني لسه معلشرتوش ولا اتعاملت معاه فابالتالي هعرف اخلاقه منين؟؟!! يعني المظهر مهم و مهم جداا جداا بالنسبالي . وانا لا اتزحزح ولن اتنحنح ولن أقبلللل بأقل من واحد في طول ووسامة رشدي اباظه..
_بالراحه علي نفسك يا بتي,, عبدالحليم ورشدي اباظه اي.. هي منها لله امك غلبت اجوللها متفرجيش سريا معاكي علي افلام ابيض واسود مسمعتشي الكلام.. واهو النتيجه أهو.. عالعموم اني وصلني ردك خلاص، يوم ولا اتنين وابعتلهم مفيش نصيب..
_لااه ومين جال؟! حضرتك رايد تمسح شخصيتي وتاخد قرارات مصيريه في حياتي بالنيابه عني؟! هي دي الديموقراطية اللي ربيتنا عليها؟!
=لا حول ولاقوة الا بالله.. يبتي اني راجل مريض سكر وضغط.. وبعد جعدني معاكي دي اشك لو مجاليش العصب السابع.. مش لساتك بتجولي انه مش مناسب ليكي؟! ريحيني وجولي اي اللي في راسك.. رافضه ولا موافجه؟!
بصتله سريا شويه وكانت بتفكر في حاجه معينه وبعدين اتنهدت وقالت: بسم الله الرحمن الرحيم.. الاجابه.. موافجه وأمري لله؟
_چواب نهائي؟!
=طيب ينفع استعين بالچمهور؟
_الچمهور نايم.. خلصي عااد في ليلتك اللي مش فايته دي.
=خلاص موافجه وانا نصيبي.. اهي كلها بطيخه يا طلعت حمرا يا مطلعتشي..
_علي خيرة الله.. بكره بإذن الله اسال عنيهم زين وبعدها ابلغهم بقراري واللي فيه الخير يجدمه ربنا..
داليا خرجت تجري علي بره واول ما خرجت الجنينه اتفاجأت بأربع كلاب كبار جداا بيجروا ناحيتها وفورا ومن غير تفكير رجعت علي الاوضه اللي كانت محبوسه فيهاا..
رامي كان بيفوق من الدوخه اللي هاجمته وحاطط ايده علي دماغه وبيشيلها لقا ايديه متغرقه دم وبيبص لقا داليا واقفه قدامه وبتعيط..
جز علي اسنانه بغيظ شديد وقرب منها وهو بيقول بغضب: انتي ايه اللي هببتيه ده؟
داليا رجعت لورا وهو ما زال بيقرب منها فقالت: اقسم بالله انا ما اتربيت.. حقك عليا والنبي..
_حقي؟! حقي انا عارف هجيبه ازااي كويس أوي..
وسحبها نحية الشباك البي في الاوضه وهو بيشاور علي الجنينه وبيقول: شايفه الاربع كلاب اللي هناك دول .
_ الا شايفاهم.. ده الاعمي يشوفهم..
=اهم دول بقاا جعانين من امبارح.. يعني لو شمو ريحتك بس هيعملوكي بطاااطس……
قاطعته وقالت: محمره؟؟
=لا وانتي الصادقه… مهرررروووووسه..
_اساعدك ازاي يا بشمهندس رامي؟
ضحك رامي بغرور وقال: ايوة كده انا بحب الناس اللي عارفه مصلحتها.. تطلعي تليفونك حاللا وتكلمي فاروق ده وتعرفيه انك مخطوفه رهينه قصاد الورق بتاعي.
_صدقني مش هيتهز.. ده هو وامه بيكرهوني و يتمنوا لي الموت مش بس الخطف .
=جربي ولو منفعش هنجرب طريقه تانيه..
…
فاروق كان قاعد مع مامته صباح وبيتغدوا فقالها: هاا ياما مردتيش عليا.. هتكلميها؟
صباح ااتلوت وقالت: والله يا فاروق يبني انا ما عارفه اشمعنا دي يعني، ملقتش الا دي!! ما البنات علي قفا من يشيل واجدعها واحده فيهم تتمني تعيش خدامه تحت رجليك…
_القلب وما يريد ياماااا…. كلمه أبرك من جورنان هتكلميها ولا اكلمها اناا..
=لاا اوعاا تكلمها الا تفكرك مدلوق عليها وتشوف نفسها وتسوق دلالها علينا… اتك عالصبر بس وانا هكلمهالك واجيبلك الموافقه منها..
فاروق قال بابتسامه: تفتكري يااماا… ده انا كنت احليلك بؤك بخاتم دهب عيار ٢٤ تحطيه في الشكمجيه جمب اخوواته..
ضحكت صباح وقالت: وهو انا عايزة منك حاجه يا واد.. ده انت ابني ويهمني سعادتك…
وقاطع كلامهم تليفونه اللي رن بإسم داليا فـ بص لامه بسعاده وقال: دي بترن يااماا.. بنت حلال مصفي..
_اووعاك ترد .
=ليه ياما ما يمكن محتاجه حاجه.. هي من امتا بترن علينا بس.. اكيد محتاجه حاجه..
_هتحتاج اي يعني.. بلاش العبط بتاعك دي بت حربايه ماشيه بمبدأ شوق ولا تدوق.. بتجيبك يوم و توديك سنه.. بتلاعبك ياا حماار عارفه انك هتموت عليهاا..
=بتتكلمي جد؟! هي عارفه اني بحبها بجد؟؟
_مش بقوللك حمار.. دي عارفه الكفت يا واد بس هي اللي تحب تعمل نفسها عبيطه…
التليفون فصل رن فقال : اهي بطلت ترن.. اكيد خيبت املها .
صباح: ولسه بقا هتخليها تتجنن عليك اكتر لو قفلت التليفون وخليتها تدوخ كده عشان توصللك.. وحياتك انت لو سمعت كلامي يوم والتاني وهنلاقيها بترن جرس الباب ده جايه تطمن عليك ..
فاروق اتبسط و اتغر و عدل ياقة قميصه بحماس وقفل التليفون زي ما امه قالتله…
….
عند داليا ورامي…
داليا : مبيردش.. مش قولتلك..
رامي: حاولي تاني…
جربت داليا ترن عليه تاني لكن التليفون كان اتقفل فقالت : ده قفل التليفون.. انا كنت متاكده انه مش هيرد عليا.. ده غلاوي شبه امه…
رامي سحب كرسي وقعد وهو بيقول: امممم.. كل أعوانك خانوك يا ريتشارد..
_يعم كل اعواني ايه انت كمان ..بقوللك انا مليش حد .. مقطوعه من شجرة يعني بالبلدي كده…
رامي اتحول وقاف وقف وقال بغضب: بقوللك اي انا مش هقعد معاكي هنا ونتساير و اسيب ورق زي ده يضيع مني.. ده انا كنت ادبحك واشرب من دمك…
_ما تهدي علي حالك يا عم دراكولا انت كمان.. وانا يعني اللي كنت سرقته؟! حرنان ليه ما تهدي كده وتقول هديت..
رامي بصلها بصدمه وقال: أفندم؟؟!! حرنان؟!!!
_يعني حرنان هي اللي لفتت انتباهك في الجمله كلها؟! عالعموم احب اقوللك انك بتضيع وقتك معايا.. لاني وبكل بساطه مش هفيدك في أيوووتها حاجه..
رامي قعد وحط رجل علي رجل وقال بتناكه: مليش فيه..انتي اقرب حد للحرامي اللي سرق مني الورق وانتي المسؤوله قدامي.. وشكلك كده انتي اللي هتحاسبي عالمشاريب..
_بقوللك اي يا سي بشمهندس رامي عياش انت.. انا مبحاسبش علي مشاريب.. اقوللك؟.. انا بطلت قعدة القهاوي من زمان اصل الدخان غلط علي صحتي..
=انتي بتهزري؟! ليكي نفس تهزري؟! والله انك بارده.
وخرج تليفونه من جيبه وهو بيديهولها وقال: اتفضلي..
_ايه ده؟! لا سوري مبقبلش هدايا من حد..
=هدية ايه انتي كمان انتي هتزيطي.. خدي كلمي اخوكي ده ولا ابن جوز امك..
_جوز امي مين ده يا جدع ما تتلم..
رامي بصلها وتنح.. أتلم؟؟انتي ناسيه انك بتتكلمي مع مديرك؟؟
_مديري ده هناك… في الشرركه.. انما هنا انت مجرد مجرم مختطف مغتصب منـ….
رامي صرخ فيها بغضب: بسسسس.. اخرصي خاالص.. انتي هتلبسينا بلاوي واحنا قاعدين.. اتفضلي اخلصي كلميه ممكن يرد لما يشوف الرقم غريب ..
_طب ممكن اطلب منك طلب؟
=لاا بروح امك انا مشش طالعلك م المصباح.. عايزة اي؟
داليا بصتله بقهر وحطت وشها ف الارض وقالت: خلاص مش عايزة حاجة شكراا..
رامي لتاني مره تصعب عليه وحس انه كان قليل الذوق اووي معاها فقال: لا قولي عايزة اي؟
داليا مردتش ودموعها نزلت منها غصب عنها بانكسار وحسره وهو كان هيتجنن لانه نقطة ضعفه ان حد يبكي قدامه..
قام وقف وقرب منها وقال بنبرة صوت أهدا و ألطف: انا اسف اني كلمتك كده.. كنتي محتاجه اي؟
_لا شكراا مش مهم..
=لا هتقولي ورحمة مامتك وباباكي..
_,كنت عايزة اكل.. انا كنت صايمه ومكلتش من امبارح..وخلاص حاسه اني هقع من طولي..
رامي هنا استحقر نفسه جددا وحس انها فعلا ملهاش ذنب تتبهدل كده معاه فقال بابتسامه: حااضر من عنياا هجيبلك اللي انتي عوزاه.. انا هسيبك واروح اجيبلك اكل من السوبر ماركت اللي جمبنا.. انا مش هربطك بس عايز ارجع الاقيكي مطرحك.. متخونيش الثقه دي..
_لا حضرتك اطمن انا حتي لو خونت الثقه، الديناصورات اللي بره عالبوابه مش هيخونوها متقلقش..
رامي ضحك من قلبه لاول مره معاها وهي ضحكت علي ضحكته وبعدها خرج يجيبلها اكل..
……
في الشركه .. دخلت ليندا اخت رامي مكتب رقية السكرتيره وقالت: هااي روكاا
رقيه: هااي يختي.. تعالي ..
_ايه مالك شايله سلطانية ستك ليه؟!
= سلطانيه؟! اسمها طاجن ستك.. بس عالعموم متقلقيش كلنا هنشيل السلطانيه ونمشي نقول لله يا محسنين قريب..
_ليه يبنتي التشاؤم ده، حصل اي؟
رقية حطت ايديها علي راسها وقالت: ورق صفقه مهمه جدا اتسرق من مكتب رامي بيه وقالب الدنياا..
ليندا اوه ماي جاد.. ده رامي هيزعل جاامد..
رقيه: يزعل اي انتي كمان يا ليندا.. بقوللك قالب الدنيا.. يعني الموضوع مش سهل ده تطير فيه رقاب…
_طب وليه يطير فيه رقااب.. حرام كده العنف ده.. اتس سو باد.. وبعدين رامي مش شخص مجرم ابداا عشان يطير رقباتكو…
=رقباتنا ايه وجناحتنا ايه يا ليندا دلوقتي وبعدين مالك مسكتي في الكلمه كده.. ده كان تعبير مجازي يعني..
_مجازي مين؟؟!
=لا ده اخو حجازي الاوفيس بوي، جايه ليه يا ليندا..
_كنت جايه لرامي علشان اقولله اني هسهر مع صحابي الليله وممكن نتاخر.. منتي عارفه هو خانقني موت..
=اه انتي هتقوليلي.. ده خانقك موت الموت كمان.. عامةً باشمهندس رامي مشي من شويه.. مش موجود في مكتبه.
_خلاص اتس اوكي هكلمه بقا او ابعتله ماسدچ.. سي يو يا بيبي
=سي يو يختي.. مع السلامه.
خرجت ليندا من المكتب وبتخرج تليفونها من الشنطه اتخبطت في معتز صاحب رامي اخوها واللي قاللها بابتسامه: اهلاا يا انسه ليندا اخبارك ايه؟
_هااي يا اونكل معتز..
معتز جاله ذهول: اونكل اونكل ايه يا بت دنتي اطول مني..
_اومال اقوللك اي مش عارفه..
معتز غمزها وهو بيشاكسها وقال: قولي يا معاميعو..
ضحكت ليندا ضحكتها اللي بترد فيه الروح وقالت: ماشي يا اونكل معاميعو.. عن اذنك..
_اونكل تاني؟! بشوقك.. كنتي جايه لرامي صح؟!
هزت راسها فقال: خلع.. واحسنلك تخلعي من قدامه انتي كمان النهارده لان شياطينه حاضره ومش رايق..
=مهو انا اورريدي عملت كده.. يلا سي يو..
_سي يو اكس واي زد.. الف سلامه.
مشيت ليندا وهو دخل مكتب رامي حط الورق اللي راجعه وخرج تاني فاتخبط في رقيه فقال: ياادي اليوم اللي كله اصطدامات.. ما تفتحي يا رقيه مش ناقصاكي..
رقيه اتكسفت واتضايقت فقالت بارتباك: لا مؤاخذه يا مستر معتز مخدتش بالي..
_حصل خير.. انتي لسه مطوله ولا اي؟
=يعني.. قدامي شوية شغل هفنشهم واروح..
_ماشي يلا سلاام..
…
عند داليا ورامي.. كان رجع ومعاه اكل وعصير عطاهولها وقال: اتفضلي.. انا اسف مكنتش اعرف انك كنتي صايمه..
داليا كانت عامله زي اللي كان في صحرا وما صدق لقا اكل ومايه.. شربت العصير وكلت الاكل اللي جابه كله وكان بيتفرج عليها واستحقاره لنفسه يزيد..
خلصت وبتمسح بؤها بضهر ايديها زي الاطفال فهو ابتسم وقال: عايزة حاجة تانيه؟
_لاا شكراا.. أكلت كتير جداا..
=بالف هنا.. يلا خدي كلمي الزفت اللي اسمه فااروق ده..
مسكت داليا التليفون وفورا وصله رساله من اسم " ليندا" مكتوب فيها " حبيبي انا هتاخر مع صحابي الليله.. عندنا عيد ميلاد رزان والبارتي هتكمل للصبح.. متقلقش عليا"
داليا مدت ايديها لرامي بالتليفون وقالت: اتفضل.. المدام باعتالك رساله..
_المدام؟! مدام مين!! أنا مش متجوز..
=يبقا خطيبتك
_ولا خاطب
=يبقا صاحبتك.
_هاتي التليفون ده!
رامي قرأ الرساله وقال بضيق: انسانه مستهتره…
=هي مين؟!
_دي ليندا اختي.. كل يوم سهر ومصاريف لا حصر لها.. .
=»طب منتا غلطان.. حد يسيب اخته تسهر وتصرف من غير ما يحاسبها!!.. هي مسؤوله منك ببساطه وانت اللي شايل ايدك عن مسؤؤليتهاا ورعايتها اللي هي واجبه عليك
_انا مش شايل ايدي من مسؤوليتها ابداا.. بس انا مضغوط وربنا .. وهي مش منتبهه لنقطة زي دي..
=بس دي حكايتك انت ومسئوليتك انت.. هي مش مسؤوله عن كونك مش عارف توفرلها وقت من وقتك وتهتم بيها..
_معاكي حق.. هحاول ان شاءالله اعالح الموضوع ده في اقرب وقت.. يلا كلميه..
دتليا خدت التليفون ورجعت تتصل علي فاروق تاني مردش وتاني مره رد..
كتمت الصوت وقالت لرامي: رد .. اقولله اي..
_قوليله انا مخطوفه عشان ترجع الورق اللي انت سرقته .لو
مرجعتوش المدير هيموتني..
اتكلمت داليا وقالت: ايوة يا فااروق..
فاروق اتصدم لما سمع صوتها وقال بلهفه: دالياا؟؟ انتي بتتكلمي منين؟؟!
_مش مهم منين دلوقتي يا فاروق اسمعني كويس.. المدير صاحب الشركه اللي انت سرقت منه الورق بتاع الصفقه امبارح خاطفني وبيقوللي ان الورق لو مرجعش هيموتني!
=ايه؟! بعد الشر عليكي طبعاا..
داليا قالت بحزن: يعني انت مأنكرتش انك انت اللس سرقت الورق!
فاروق : انا اسف يا داليا والله لو اعرف انها هتيجي علي دماغك انتي في الاخر مكنتش عملت كده ابدااا.
_طب هتتصرف ازاي يا فاروق.. هتسيبه يموتني!
=لا متقوليش كده بعد الشر .. بكره بإذن الله الورق هيكون عنده… اهم حاجه انتي محدش يلمس منك شعره..
داليا استغربت لهجته اللي كلها اهتمام لكن مركزتش او بمعنى اصح قررت تتجاهل الهواجس دي وقفلت الخط وقالت لرامي: بيقول انه هيرجع الورق بكره..
قام وقف رامي وهز راسه وقال: ان شاءالله .. يلا اسيبك تنامي وبكره نتكلم ان شاءالله..
_انت هتمشي؟!
قالتها بلهفه فهو قال: ليه؟! بتسالي ليه؟
_اصل انا بخااف.. متمشيش..
=لا مش همشي.. انا في الاوضه اللي جمبك….
وخرج من الاوضه وهو بيكلم نفسه ويقول: اول مره اشوف واحده مخطوفه مش عايزه اللي خاطفها يمشي ويسيبها.. صبرني يرب….
داليا كانت ميته من الرعب بس في نفس الوقت هتموت وتنام.. خاولت تطمن نفسها ان رامي موجود في نفس المكان معاها ومكانتش عارفه تطمن ولا تقلق.. بس من كتر التعب النوم غلبها ونامت…
…..
فااروق قلبه اتخلع من مكانه لما سمع صوتها اللي باين عليه التعب والاحباط و قرر انه هيرجع الورق باي شكل و اي تمن المهم داليا..
راح علي شركة تامر الرفاعي وكان معاه كشاف والعده اللي بيطفش بيها الابواب ودخل علي مكتب باشمهندس تامر طوالي..
قتح درج المكتب يشوف الورق ملقاش حاجه ولمح الخزنه علي ايده اليمين فرجع يدور علي مفتاح الخزنه من تاني وبردو ملقاش حاجه.. قلب المكتب عليه وقعد يدور لحد ما لقا مفتاح الخزنه ففتحها وخرج ورق المناقصه ورجع كل حاجه مكانها تاني وخارج من المكتب اتفاجأ بحد ضرب عليه نار ووقع في الارض غرقان في دمه…….
_اكيد انتي عرفتي هما كانو اهنه ليه.. بصراحه اكده ومن غير لف ودوران.. انتي عاچبك البشمهندس كريم؟
اتنهدت سريا وقالت: بص يا چيمي..
_چيمي!!!
=مضايقاك چيمي؟! طب بص يا والدي..
_قولي يا أخرة صبري..
=بالصلاه عالنبي اكده ومن غير لف ودوان وخد وهات وبدل ما نروح وناچي ونجول كلام كتير ملوش عازه و ممنوش فايده ولا يودي ولا يچيب...
جمال حط ايديه الاتنين علي راسه بغلب وهو بيقول: برشامة الضغطططط يا كريمه..
سريا قامت قعدت على رجليه وهي بتقول: مالك يابايا، من ميتا وانت بتاخد علاج للضغط.. دنتا كنت ورده مفتحه ..
_دبلت يختي.. دبلت وعطبت من يوم ما چيتي انتي للدنيا يا حبة عين ابوكي...
=وه؟! بجا اكده ياابوي؟! وانا اللي بجول انك انت اللي طلعت بيه م الدنيااا !! مش كفايه المراه الحديديه اللي انت چايبهالنا دي!
_بت انتي.. كفاياكي رط وچاوبيني علي سؤالي دوغري خليني اشوف هعمل اي..
=والله يابايا ما عارفه اجوللك اي! اصل انا الفتره دي مذبذبه..
_مالك ياامايا؟! سلامتك يابوي ودي علاچها اي!
=مذبذبه يابوي يعني متشتته، معرفاشي انا رايده ايه؟ سواعي اجول مش هتچوز خاالص... و سواعي امل من العيشه العزابي ديه واحس ان الچواز هافف علياا..
جمال تنح. تحسي ان الچواز هافف عليكي؟!! وبتجوليها في وشي اكده صريحه وضيحه، تعالي شوفي تربيتك اللي تفرح يا زينب هانم يا جادالله...
_وه.. ماتخليها في سرك يابوي هو انا متفكش عليك بكلمتين واصل.... جُصره.. عشان نلخص ونجيب من الناهيه ومن الاخر ونجيب الزتونه والخلاصه والمفيد....
جمال ضربها بالقفا وقال: اختصرري والا هفضي الفرفر ده في راسي وارتاح منك..
_بص يابا.. اني ممستعداش للجواز دلوكوبعدين كريم ديه عامل ولا الصمغ العربي..
=كيف يعني عامل ولا الصمغ العربي.. جديده عليا دي!
_يعني ملزج يابوي.. واد ابيضاني اكده ودمه أكلح.. واني نفسي اللي اتچوزه ديه يكون اسمر ودمه خفيف كيف العندليب اكده وياچي تحت الشباك يغنيلي بتلوموني ليه لو شوفتم عنيه.. مش كريم اللي مسجط بنطلونه و حاطط چل.. ياشيخ ده انا فيا رچولة عنه.. انت مشوفتوش مربي شعره كيف البنته ازااي
_يا سريا يا بتي الراچل مش بمظهره.. أهم حاجه الاخلاق..
=لااه.. اكسكيوزمي يا أبو ساميه.. اسمحلي.. المظهر ده اللي بيدي الناس اول انطباع عن الشخص، لاني لسه معلشرتوش ولا اتعاملت معاه فابالتالي هعرف اخلاقه منين؟؟!! يعني المظهر مهم و مهم جداا جداا بالنسبالي . وانا لا اتزحزح ولن اتنحنح ولن أقبلللل بأقل من واحد في طول ووسامة رشدي اباظه..
_بالراحه علي نفسك يا بتي,, عبدالحليم ورشدي اباظه اي.. هي منها لله امك غلبت اجوللها متفرجيش سريا معاكي علي افلام ابيض واسود مسمعتشي الكلام.. واهو النتيجه أهو.. عالعموم اني وصلني ردك خلاص، يوم ولا اتنين وابعتلهم مفيش نصيب..
_لااه ومين جال؟! حضرتك رايد تمسح شخصيتي وتاخد قرارات مصيريه في حياتي بالنيابه عني؟! هي دي الديموقراطية اللي ربيتنا عليها؟!
=لا حول ولاقوة الا بالله.. يبتي اني راجل مريض سكر وضغط.. وبعد جعدني معاكي دي اشك لو مجاليش العصب السابع.. مش لساتك بتجولي انه مش مناسب ليكي؟! ريحيني وجولي اي اللي في راسك.. رافضه ولا موافجه؟!
بصتله سريا شويه وكانت بتفكر في حاجه معينه وبعدين اتنهدت وقالت: بسم الله الرحمن الرحيم.. الاجابه.. موافجه وأمري لله؟
_چواب نهائي؟!
=طيب ينفع استعين بالچمهور؟
_الچمهور نايم.. خلصي عااد في ليلتك اللي مش فايته دي.
=خلاص موافجه وانا نصيبي.. اهي كلها بطيخه يا طلعت حمرا يا مطلعتشي..
_علي خيرة الله.. بكره بإذن الله اسال عنيهم زين وبعدها ابلغهم بقراري واللي فيه الخير يجدمه ربنا..
داليا خرجت تجري علي بره واول ما خرجت الجنينه اتفاجأت بأربع كلاب كبار جداا بيجروا ناحيتها وفورا ومن غير تفكير رجعت علي الاوضه اللي كانت محبوسه فيهاا..
رامي كان بيفوق من الدوخه اللي هاجمته وحاطط ايده علي دماغه وبيشيلها لقا ايديه متغرقه دم وبيبص لقا داليا واقفه قدامه وبتعيط..
جز علي اسنانه بغيظ شديد وقرب منها وهو بيقول بغضب: انتي ايه اللي هببتيه ده؟
داليا رجعت لورا وهو ما زال بيقرب منها فقالت: اقسم بالله انا ما اتربيت.. حقك عليا والنبي..
_حقي؟! حقي انا عارف هجيبه ازااي كويس أوي..
وسحبها نحية الشباك البي في الاوضه وهو بيشاور علي الجنينه وبيقول: شايفه الاربع كلاب اللي هناك دول .
_ الا شايفاهم.. ده الاعمي يشوفهم..
=اهم دول بقاا جعانين من امبارح.. يعني لو شمو ريحتك بس هيعملوكي بطاااطس……
قاطعته وقالت: محمره؟؟
=لا وانتي الصادقه… مهرررروووووسه..
_اساعدك ازاي يا بشمهندس رامي؟
ضحك رامي بغرور وقال: ايوة كده انا بحب الناس اللي عارفه مصلحتها.. تطلعي تليفونك حاللا وتكلمي فاروق ده وتعرفيه انك مخطوفه رهينه قصاد الورق بتاعي.
_صدقني مش هيتهز.. ده هو وامه بيكرهوني و يتمنوا لي الموت مش بس الخطف .
=جربي ولو منفعش هنجرب طريقه تانيه..
…
فاروق كان قاعد مع مامته صباح وبيتغدوا فقالها: هاا ياما مردتيش عليا.. هتكلميها؟
صباح ااتلوت وقالت: والله يا فاروق يبني انا ما عارفه اشمعنا دي يعني، ملقتش الا دي!! ما البنات علي قفا من يشيل واجدعها واحده فيهم تتمني تعيش خدامه تحت رجليك…
_القلب وما يريد ياماااا…. كلمه أبرك من جورنان هتكلميها ولا اكلمها اناا..
=لاا اوعاا تكلمها الا تفكرك مدلوق عليها وتشوف نفسها وتسوق دلالها علينا… اتك عالصبر بس وانا هكلمهالك واجيبلك الموافقه منها..
فاروق قال بابتسامه: تفتكري يااماا… ده انا كنت احليلك بؤك بخاتم دهب عيار ٢٤ تحطيه في الشكمجيه جمب اخوواته..
ضحكت صباح وقالت: وهو انا عايزة منك حاجه يا واد.. ده انت ابني ويهمني سعادتك…
وقاطع كلامهم تليفونه اللي رن بإسم داليا فـ بص لامه بسعاده وقال: دي بترن يااماا.. بنت حلال مصفي..
_اووعاك ترد .
=ليه ياما ما يمكن محتاجه حاجه.. هي من امتا بترن علينا بس.. اكيد محتاجه حاجه..
_هتحتاج اي يعني.. بلاش العبط بتاعك دي بت حربايه ماشيه بمبدأ شوق ولا تدوق.. بتجيبك يوم و توديك سنه.. بتلاعبك ياا حماار عارفه انك هتموت عليهاا..
=بتتكلمي جد؟! هي عارفه اني بحبها بجد؟؟
_مش بقوللك حمار.. دي عارفه الكفت يا واد بس هي اللي تحب تعمل نفسها عبيطه…
التليفون فصل رن فقال : اهي بطلت ترن.. اكيد خيبت املها .
صباح: ولسه بقا هتخليها تتجنن عليك اكتر لو قفلت التليفون وخليتها تدوخ كده عشان توصللك.. وحياتك انت لو سمعت كلامي يوم والتاني وهنلاقيها بترن جرس الباب ده جايه تطمن عليك ..
فاروق اتبسط و اتغر و عدل ياقة قميصه بحماس وقفل التليفون زي ما امه قالتله…
….
عند داليا ورامي…
داليا : مبيردش.. مش قولتلك..
رامي: حاولي تاني…
جربت داليا ترن عليه تاني لكن التليفون كان اتقفل فقالت : ده قفل التليفون.. انا كنت متاكده انه مش هيرد عليا.. ده غلاوي شبه امه…
رامي سحب كرسي وقعد وهو بيقول: امممم.. كل أعوانك خانوك يا ريتشارد..
_يعم كل اعواني ايه انت كمان ..بقوللك انا مليش حد .. مقطوعه من شجرة يعني بالبلدي كده…
رامي اتحول وقاف وقف وقال بغضب: بقوللك اي انا مش هقعد معاكي هنا ونتساير و اسيب ورق زي ده يضيع مني.. ده انا كنت ادبحك واشرب من دمك…
_ما تهدي علي حالك يا عم دراكولا انت كمان.. وانا يعني اللي كنت سرقته؟! حرنان ليه ما تهدي كده وتقول هديت..
رامي بصلها بصدمه وقال: أفندم؟؟!! حرنان؟!!!
_يعني حرنان هي اللي لفتت انتباهك في الجمله كلها؟! عالعموم احب اقوللك انك بتضيع وقتك معايا.. لاني وبكل بساطه مش هفيدك في أيوووتها حاجه..
رامي قعد وحط رجل علي رجل وقال بتناكه: مليش فيه..انتي اقرب حد للحرامي اللي سرق مني الورق وانتي المسؤوله قدامي.. وشكلك كده انتي اللي هتحاسبي عالمشاريب..
_بقوللك اي يا سي بشمهندس رامي عياش انت.. انا مبحاسبش علي مشاريب.. اقوللك؟.. انا بطلت قعدة القهاوي من زمان اصل الدخان غلط علي صحتي..
=انتي بتهزري؟! ليكي نفس تهزري؟! والله انك بارده.
وخرج تليفونه من جيبه وهو بيديهولها وقال: اتفضلي..
_ايه ده؟! لا سوري مبقبلش هدايا من حد..
=هدية ايه انتي كمان انتي هتزيطي.. خدي كلمي اخوكي ده ولا ابن جوز امك..
_جوز امي مين ده يا جدع ما تتلم..
رامي بصلها وتنح.. أتلم؟؟انتي ناسيه انك بتتكلمي مع مديرك؟؟
_مديري ده هناك… في الشرركه.. انما هنا انت مجرد مجرم مختطف مغتصب منـ….
رامي صرخ فيها بغضب: بسسسس.. اخرصي خاالص.. انتي هتلبسينا بلاوي واحنا قاعدين.. اتفضلي اخلصي كلميه ممكن يرد لما يشوف الرقم غريب ..
_طب ممكن اطلب منك طلب؟
=لاا بروح امك انا مشش طالعلك م المصباح.. عايزة اي؟
داليا بصتله بقهر وحطت وشها ف الارض وقالت: خلاص مش عايزة حاجة شكراا..
رامي لتاني مره تصعب عليه وحس انه كان قليل الذوق اووي معاها فقال: لا قولي عايزة اي؟
داليا مردتش ودموعها نزلت منها غصب عنها بانكسار وحسره وهو كان هيتجنن لانه نقطة ضعفه ان حد يبكي قدامه..
قام وقف وقرب منها وقال بنبرة صوت أهدا و ألطف: انا اسف اني كلمتك كده.. كنتي محتاجه اي؟
_لا شكراا مش مهم..
=لا هتقولي ورحمة مامتك وباباكي..
_,كنت عايزة اكل.. انا كنت صايمه ومكلتش من امبارح..وخلاص حاسه اني هقع من طولي..
رامي هنا استحقر نفسه جددا وحس انها فعلا ملهاش ذنب تتبهدل كده معاه فقال بابتسامه: حااضر من عنياا هجيبلك اللي انتي عوزاه.. انا هسيبك واروح اجيبلك اكل من السوبر ماركت اللي جمبنا.. انا مش هربطك بس عايز ارجع الاقيكي مطرحك.. متخونيش الثقه دي..
_لا حضرتك اطمن انا حتي لو خونت الثقه، الديناصورات اللي بره عالبوابه مش هيخونوها متقلقش..
رامي ضحك من قلبه لاول مره معاها وهي ضحكت علي ضحكته وبعدها خرج يجيبلها اكل..
……
في الشركه .. دخلت ليندا اخت رامي مكتب رقية السكرتيره وقالت: هااي روكاا
رقيه: هااي يختي.. تعالي ..
_ايه مالك شايله سلطانية ستك ليه؟!
= سلطانيه؟! اسمها طاجن ستك.. بس عالعموم متقلقيش كلنا هنشيل السلطانيه ونمشي نقول لله يا محسنين قريب..
_ليه يبنتي التشاؤم ده، حصل اي؟
رقية حطت ايديها علي راسها وقالت: ورق صفقه مهمه جدا اتسرق من مكتب رامي بيه وقالب الدنياا..
ليندا اوه ماي جاد.. ده رامي هيزعل جاامد..
رقيه: يزعل اي انتي كمان يا ليندا.. بقوللك قالب الدنيا.. يعني الموضوع مش سهل ده تطير فيه رقاب…
_طب وليه يطير فيه رقااب.. حرام كده العنف ده.. اتس سو باد.. وبعدين رامي مش شخص مجرم ابداا عشان يطير رقباتكو…
=رقباتنا ايه وجناحتنا ايه يا ليندا دلوقتي وبعدين مالك مسكتي في الكلمه كده.. ده كان تعبير مجازي يعني..
_مجازي مين؟؟!
=لا ده اخو حجازي الاوفيس بوي، جايه ليه يا ليندا..
_كنت جايه لرامي علشان اقولله اني هسهر مع صحابي الليله وممكن نتاخر.. منتي عارفه هو خانقني موت..
=اه انتي هتقوليلي.. ده خانقك موت الموت كمان.. عامةً باشمهندس رامي مشي من شويه.. مش موجود في مكتبه.
_خلاص اتس اوكي هكلمه بقا او ابعتله ماسدچ.. سي يو يا بيبي
=سي يو يختي.. مع السلامه.
خرجت ليندا من المكتب وبتخرج تليفونها من الشنطه اتخبطت في معتز صاحب رامي اخوها واللي قاللها بابتسامه: اهلاا يا انسه ليندا اخبارك ايه؟
_هااي يا اونكل معتز..
معتز جاله ذهول: اونكل اونكل ايه يا بت دنتي اطول مني..
_اومال اقوللك اي مش عارفه..
معتز غمزها وهو بيشاكسها وقال: قولي يا معاميعو..
ضحكت ليندا ضحكتها اللي بترد فيه الروح وقالت: ماشي يا اونكل معاميعو.. عن اذنك..
_اونكل تاني؟! بشوقك.. كنتي جايه لرامي صح؟!
هزت راسها فقال: خلع.. واحسنلك تخلعي من قدامه انتي كمان النهارده لان شياطينه حاضره ومش رايق..
=مهو انا اورريدي عملت كده.. يلا سي يو..
_سي يو اكس واي زد.. الف سلامه.
مشيت ليندا وهو دخل مكتب رامي حط الورق اللي راجعه وخرج تاني فاتخبط في رقيه فقال: ياادي اليوم اللي كله اصطدامات.. ما تفتحي يا رقيه مش ناقصاكي..
رقيه اتكسفت واتضايقت فقالت بارتباك: لا مؤاخذه يا مستر معتز مخدتش بالي..
_حصل خير.. انتي لسه مطوله ولا اي؟
=يعني.. قدامي شوية شغل هفنشهم واروح..
_ماشي يلا سلاام..
…
عند داليا ورامي.. كان رجع ومعاه اكل وعصير عطاهولها وقال: اتفضلي.. انا اسف مكنتش اعرف انك كنتي صايمه..
داليا كانت عامله زي اللي كان في صحرا وما صدق لقا اكل ومايه.. شربت العصير وكلت الاكل اللي جابه كله وكان بيتفرج عليها واستحقاره لنفسه يزيد..
خلصت وبتمسح بؤها بضهر ايديها زي الاطفال فهو ابتسم وقال: عايزة حاجة تانيه؟
_لاا شكراا.. أكلت كتير جداا..
=بالف هنا.. يلا خدي كلمي الزفت اللي اسمه فااروق ده..
مسكت داليا التليفون وفورا وصله رساله من اسم " ليندا" مكتوب فيها " حبيبي انا هتاخر مع صحابي الليله.. عندنا عيد ميلاد رزان والبارتي هتكمل للصبح.. متقلقش عليا"
داليا مدت ايديها لرامي بالتليفون وقالت: اتفضل.. المدام باعتالك رساله..
_المدام؟! مدام مين!! أنا مش متجوز..
=يبقا خطيبتك
_ولا خاطب
=يبقا صاحبتك.
_هاتي التليفون ده!
رامي قرأ الرساله وقال بضيق: انسانه مستهتره…
=هي مين؟!
_دي ليندا اختي.. كل يوم سهر ومصاريف لا حصر لها.. .
=»طب منتا غلطان.. حد يسيب اخته تسهر وتصرف من غير ما يحاسبها!!.. هي مسؤوله منك ببساطه وانت اللي شايل ايدك عن مسؤؤليتهاا ورعايتها اللي هي واجبه عليك
_انا مش شايل ايدي من مسؤوليتها ابداا.. بس انا مضغوط وربنا .. وهي مش منتبهه لنقطة زي دي..
=بس دي حكايتك انت ومسئوليتك انت.. هي مش مسؤوله عن كونك مش عارف توفرلها وقت من وقتك وتهتم بيها..
_معاكي حق.. هحاول ان شاءالله اعالح الموضوع ده في اقرب وقت.. يلا كلميه..
دتليا خدت التليفون ورجعت تتصل علي فاروق تاني مردش وتاني مره رد..
كتمت الصوت وقالت لرامي: رد .. اقولله اي..
_قوليله انا مخطوفه عشان ترجع الورق اللي انت سرقته .لو
مرجعتوش المدير هيموتني..
اتكلمت داليا وقالت: ايوة يا فااروق..
فاروق اتصدم لما سمع صوتها وقال بلهفه: دالياا؟؟ انتي بتتكلمي منين؟؟!
_مش مهم منين دلوقتي يا فاروق اسمعني كويس.. المدير صاحب الشركه اللي انت سرقت منه الورق بتاع الصفقه امبارح خاطفني وبيقوللي ان الورق لو مرجعش هيموتني!
=ايه؟! بعد الشر عليكي طبعاا..
داليا قالت بحزن: يعني انت مأنكرتش انك انت اللس سرقت الورق!
فاروق : انا اسف يا داليا والله لو اعرف انها هتيجي علي دماغك انتي في الاخر مكنتش عملت كده ابدااا.
_طب هتتصرف ازاي يا فاروق.. هتسيبه يموتني!
=لا متقوليش كده بعد الشر .. بكره بإذن الله الورق هيكون عنده… اهم حاجه انتي محدش يلمس منك شعره..
داليا استغربت لهجته اللي كلها اهتمام لكن مركزتش او بمعنى اصح قررت تتجاهل الهواجس دي وقفلت الخط وقالت لرامي: بيقول انه هيرجع الورق بكره..
قام وقف رامي وهز راسه وقال: ان شاءالله .. يلا اسيبك تنامي وبكره نتكلم ان شاءالله..
_انت هتمشي؟!
قالتها بلهفه فهو قال: ليه؟! بتسالي ليه؟
_اصل انا بخااف.. متمشيش..
=لا مش همشي.. انا في الاوضه اللي جمبك….
وخرج من الاوضه وهو بيكلم نفسه ويقول: اول مره اشوف واحده مخطوفه مش عايزه اللي خاطفها يمشي ويسيبها.. صبرني يرب….
داليا كانت ميته من الرعب بس في نفس الوقت هتموت وتنام.. خاولت تطمن نفسها ان رامي موجود في نفس المكان معاها ومكانتش عارفه تطمن ولا تقلق.. بس من كتر التعب النوم غلبها ونامت…
…..
فااروق قلبه اتخلع من مكانه لما سمع صوتها اللي باين عليه التعب والاحباط و قرر انه هيرجع الورق باي شكل و اي تمن المهم داليا..
راح علي شركة تامر الرفاعي وكان معاه كشاف والعده اللي بيطفش بيها الابواب ودخل علي مكتب باشمهندس تامر طوالي..
قتح درج المكتب يشوف الورق ملقاش حاجه ولمح الخزنه علي ايده اليمين فرجع يدور علي مفتاح الخزنه من تاني وبردو ملقاش حاجه.. قلب المكتب عليه وقعد يدور لحد ما لقا مفتاح الخزنه ففتحها وخرج ورق المناقصه ورجع كل حاجه مكانها تاني وخارج من المكتب اتفاجأ بحد ضرب عليه نار ووقع في الارض غرقان في دمه…….