السابع
داليا المرشدي اللي شغاله موظفة استقبال في شركة ليو تريدينج للاستيراد والتصدير وصاحبها رجل الاعمال المعروف رامي كراويه..
داليا كانت بتتابع شغلها وجالها مكالمه: ألو.. أهلا بحضرتك يا فندم.. معاك داليا المرشدي من شركة ليو تريدينج.. تحت امرك يا فندم؟
_ مساء الخير.. بيقوللك مرة مدرس كسول وقع منه القلم وهو بيشرح قال نكمل الدرس الحصه الجايه..ههههه
الخط اتقطع وداليا فضلت متنحه شويه فقالتلها رانيا زميلتها: مالك يا بنتي مسهمه كده ليه.. العميل عايز اي؟
داليا: العميل متصل يقولي نكت!!
_ههههه بتهزري.. تلاقيه عيل فاضي وبيتسلي، فكك منه وخدي الورق ده طلعيه لرقيه فوق..
داليا خدت الورق وطلعت لرقيه السكرتيره الخاصه بالبشمهندس رامي صاحب الشركه.. وقفت قدام المكتب تدور علي رقيه وشافتها خارجه من مكتب رامي بتعيط وقبل ما تسالها عن السبب سمعت رامي بيزعق بصوت عالي جداا..
رامي: انا مشغل شوية تيرااان.. واللي واقفين حراسة علي باب الشركه دول ايه؟! عميوا؟! مبيشوفوش؟! ازاي واحد زي ده يدخل الشركه من غير ما يسألوه جاي ليه ولمين؟!
داليا قالت لرقيه: مالك يا روكا بتعيطي ليه؟ وبشمهندس سبعاوي ده بيزعق ليه؟!
رقيه: والنبي يا داليا مش وقت هزارك ده نهائي.. في ورق صفقه مهمه جدا ضايع مني ومش عارفه راح مني فين وبشمهندس رامي قالب الدنيا بسبب الورق ده..
_معقوله؟! طب وانتي مين بيدخل مكتبك اساسا من الموظفين او غيرهم؟
=مش عارفه انا عقلي هيشت مني، المهم، انتي كنتي جايه في اي..
_جايه اخد امضتك علي الورق ده!!
مضت رقيه علي الورق وخدته داليا ونزلت رجعت علي مكتبها وجالها مكالمه..
_ أهلا بحضرتك يا فندم.. معاك داليا المرشدي من شركة ليو تريدينج.. تحت امرك يا فندم؟
=مساء الخير..بيقوللك مرة واحد محشش مسكته دورية شرطة قالو له اركب قاللهم لا والله البيت قريب… ههههههه.
_انت مين يا حيو…….
وقطعت داليا كلامها لما المتصل خفيف الظل قطع الاتصال فبصتلها رانيا زميلتها وقالت: متقوليش انه هو بتاع النكت تاني!!
_ايوة يختي هو.. ناقصه ظرافة اهله عالمسااا
=ههههه.. طب والله يبنتي عميل كيوت ودمه خفيف، اهو بيفرفشك اهو حد طايل!!.. مش زي العملا الجلنفات اللي انا بتعامل معاهم..
_هما العملا الملتزمين بقوا جلنفات علي اخر الزمن! شوفي شغلك يا رانيا بلا مرقعه..
=ايوة صح يا دودو، اشمعنا فاروق الملزق ده مجالكيش هنا النهارده؟!!
_يستي افتكريلنا حاجه عدله.. اديني هروح دلوقتي الاقيه قاعد مستنيني شبه الارمله السوداء..
التليفون رن وداليا جاوبت باندفاع وعصبيه: انت عارف يا حيواان يا خرتيت انت لو اتصلت تاني همرمط بكرامة اهلك الارض.. انت ساامع!!!
_….. حيوان وخرتيت!! انتي بتكلمي مين كده يا انسه يا محترمه.. اتفضلي على مكتبي فوراااا..
داليا من الصدمه قفلت الخط بسرعه وقالت وهي مصدومه ومرعوبه: ده طلع بشمهندس رامي!!! يا مصيبتيييييي..
رانيا قالت وهي ميته من الضحك: يخرب عقلك دنتي هتتنفخي النهارده.. اتفضلي روحي اتأسفي له واشرحي له سوء التفاهم اللي حصل بسرعه .. ده غبي ومبيتفاهمش وممكن يرفدك..
_نعم؟؟! عيزاني اروح لقضايا برجليا؟! دنا سمعته بيزعق وانا فوق كنت هعملها علي روحي، عيزاني اطلعله مكتبه! انا هخلص شغلي في أمان الله وأطير علي بيتي..
الباشمهندس رامي كان في مكتبه بيزعق بعصبيه شديده: وفين البهايم اللي مسؤولين عن الكاميرات هما كمان،، ما هو اكيد ما دخلش من تحت الارض يعني اكيد كاميرات لقطته وهو بيدخل من البوابه الرئيسيه او حتى البوابه الخلفيه…
قطع الكلام ولما دخل معتز صاحبه وهو بيقول له: خلاص يا رامي اتحلت انا راجعت الكاميرات كلها وقدرت اعرف مين هو اللي دخل مكتب رقيه
_مين ده اللي هتكون اخر ليلة في عمره ان شاءالله..
= ده عيل صايع اسمه فاروق والامن سمحوا له يدخل لما قاللهم انه جاي يسلم اخته ورق خاص بالشغل كانت نسياه في البيت..
_اااخته!! اخته مين دي كمان….
=موظفه في الاستقبال اسمها دالياا راغب المرشدي..
_وشكلها ايه الست داليا دي؟
معتز جاب صوره داليا من رقية السكرتيره وورهاله فقال: هي دي!!! ده كده ليلتهم فل هما الاتنين…
وطلع رامي تليفونه واتصل على واحد صاحبه وقال:, ايوة يا زياد.. معاك ربع ساعه وتجيبلي قرار واد اسمه فاروق راغب المرشدي.. عايزه النهارده ضروري.. ضروري يا زياد الواد ده سارق ورق صفقه مهمه جدا من الشركه والموقف لا يحتمل اي تاخير…
فات اكتر من ساعه وزياد متصلش فكلمه رامي تاني: ايوة يا زياد ..مفيش اخبار ولا اي؟
_والله يا باشمهندس من ساعه ما كلمتني وانا بدور على الشخص ده بس ما فيش احد بالاسم ده نهائي.. اكيد الموضوع فيه ان..
=تمام ماشي يا زياد انا عارف هتصرف ازاي.. مع السلامه.
خرج رامي من الشركه وهو غضبان ومش شايف قدامه وركب عربيته و ساق باقصى سرعه ووقف فجأه لما شاف عربيه كانت ماشيه قدامه وعطلت فكان مركز معاها لحد ما شاف داليا نزلت منها وواققه تتلفت شمال ويمين مستنيه حد يساعدها..
_ دنتي وقعتي ولا حد سمي عليكي..
رامي راح لعند داليا بالعربيه ووقف قصادها وكلمها من شباك العربيه: محتاجه مساعده؟؟
داليا ارتبكت ومكانتش مصدقه ان مدير الشركة بحاله هو اللي هيساعدها
_لا شكرا حضرتك.. انا هتصل باي حد ييجي ياخدني..
رامي قال بخبث: طيب انا معاكي لحد ما تكلمي اخوكي او حد ييجيلك.. عشان لو معرفتيش توصلي لحد أوصللك انا البيت..
_لا منا مليش اخوات، بس ممكن اتصرف هطلب اوبر وخلاص..
رامي اتكلم في سره وقال: ملكيش اخوات!! اه يولاد الكلب يا حراميه يبقا اكيد مطبخينها سواا..
_بتقول حاجه حضرتك ؟!
=طيب اتفضلي اركبي وانا اوصلك مكان ماتحبي..
_لا شكرا حضرتك انا هتصرف، اتفضل حضرتك مفيش داعي تتعطل عشاني..
رامي فتح باب العربيه وقال: لا مفيش عطله ابدا.. اركبي وانا هكلم حد من الشركه ييجي يشوف العربيه ويوديهالك البيت..
ركبت داليا وهي مكسوفه ومرتبكه في نفس الوقت فقاللها: قولتيلي انك معندكيش اخوات مش كده!!
_ايوة فعلا..
=امممم… ليه حضرتك بتسال في حاجه؟
_لا ابداا انا بدردش بس ، بنتسلي علي ما نوصل يعني.. كان في هنا ازازة مية…
رامي مثل انه بيدور علي ازازة ميه وبحركه سريعه خرج من تابلوه العربيه اسبراي مخدر و رشه قدام داليا اللي غابت عن الوعي في لحظتها…..
…….
فاروق راح الشركه بتاعت تامر الرفاعي وطلب يقابله ودخلوه المكتب بتاعه فورا…
_اي الاخبار يا فاروق؟
فاروق طلع الورق من جيب الجاكت بتاعه وهو بيقول: كله لوكس يا تامر باشا، الورق اللي طلبته اهو وفوقيه بوسه كمان..
_لاا البوسه خليهالك انا اهم حاجه عندي الورق..
وخد تامر الورق وقعد يفر فيه بفرحه وهو مبتسم ابتسامة انتصار وقال: كده بقاا رامي كراويه بقت روحه في ايدي..
_احمممم.. لا مؤاخذه يباشا لو الدنيا تمام تشوفني اناا عشاان اخلع قبل ما يحصل لبش…
تامر خرج فلوس من الخزنه اللي جمبه وحطهم قدام فاروق وهو بيقول: خد يا فاروق دول العشر تلاف اللي اتققنا عليهم وفوقيهم خمسه كادو مني..
_من يد ما نعدمها يا ريس،، وانا في الخدمه تملي لو عايزني اجيبلك راس رامي كراويه ده ذات نفسيها تكون عندك في الحاال…
ضحك تامر بشر وقال: هييحصل بس مش دلوقتي.. كله بأوان.
_مااشي يباشاا انا تحت الطلب دايماا . بالإذن.
خرج فاروق وهو فرحان بالفلوس اللي خدها من تامر الرفاعي وفورا راح يبلغ زنكلوني صاحبه اللي مبيخبيش عنه اي حاجه..
…..
بعد حوالي ساعه بدأت داليا تفوق وكانت مش شايفه قدامها لحد ما شويه شويه بدأت الرؤيه توضح قدامها فلقت نفسها قاعده علي كرسي وايدبها ورجليها متربطين في الكرسي و بؤها متكمم ..
كانت بتحاول تفتكر ايه اللي حصل لحد ما باب الاوضه اتفتح ودخل رامي فهي اتصدمت وتنحت وفضلت تزوم وتتحرك بعصبيه لحد ما قرب منها وفك اللزق اللي علي بؤها فقالت…
_هو انت خاطفني!!!!
ضحك بشر وقال: والله المسمي اللي يعجبك سميه.. عايزة تعتبريني خاطفك اوكي ..عايزه تعتبريني مستضيفك عندي مفيش ماانع .
_ااه يا غلااوي يا حقير… بقا كل ده عشان شتمتك بالغلط؟! كرامتك نقحت عليك وقعدت تخطط لخطفي وبوظت فرامل العربيه عشان تعطل بيا وتيحي انت قال اس تساعدني وتقوم مبنحني وخاطفني!!
=خيالك وااسع اووي انتي، شكلك بتتابعي هندي كتير.. اللي حصل يا ست هانم يا محترمه ان عملك الاسود هو اللي وقعك في طريقي وبالصدفة البحته..يعني انا مكنتش ناوي اخطفك ابدا بس ليكي نصيب تشيلي الليله مطرح اخوكي الحرامي النصااب..
_ما قولتلك مليش اخوات ولا زفت.. اكيد انت فاهم غلط .
= و الحرامي اللي اسمه فااروق ده مش يبقا اخوكي؟!
_فاااروووووق.. قول كده بقاااا.. لا يا بشمهندس فااروق مش اخويا.. ده ابن مرات ابويا..
=أياً كان بس بيعرف نفسه علي انه اخوكي ودخل الشركه النهارده علي اساس اخوكي..
_ماقولتلك ده مش اخووويا.. ده ابن مرات ابووويا.. وبعدين عمل ايه فاروق الزفت..
=سرق ورق صفقه مهمه بملايين الدولارات من قلب الشركة من مكتب رقيه السكرتيره..
_احيه هو فاروق اللي سرق الوررق!!
=يعني انتي عندك علم بالموضوع اهو..
_ايوة عارفه ان في ورق مسروق بس معرفش انه فاروق الكلب هو اللي سرقه..
=واديكي عرفتي اهو.. اتفضلي قوليلنا بقا هتساعدينا ازاي عشان الورق يرجع..
_واساعدك انا ليه هو انا اللي كنت سرقته!!
=بقاا كده.. طب خليكي هنا بقا لحد ما الورق يرجع ابقا امشيكي..
ولف وشه عشان يخرج من الاوضه فهي نادته: طب استني انت حمقي كده ليه.. وانا هساعدك عشان الورق يرجع ازاي ان شاءالله..
_هنبلغه انك مخطوفه رهينه قصاد الورق ده ولما يرجعه انتي تمشي من هناا..
داليا ضحكت بغلب وقالت: وانت يعني فكرك لو عرف اني مخطوفه رهينه قصاد الورق هيرجع الورق؟؟! بقوولك ابن مرات ابويا يعني ألد أعدائي..
_والله مش مشكلتي انا بقا ..انتي المسؤوله قدامي.. الورق يرجع هتمشي من هنا معززه مكرمه، الزرق مرجعش هتفضلي هنا لحد ما يبانلك صاحب..
داليا عنيها دمعت بقهر وقالت: بس انا مليش حد، لا ليا اهل ولا حتي صاحب زي منتا بتقول، يعني محدش هيكتشف غيابي اساساا..
رامي للحظه أتأثر بكلامها بس لما افتكر الورق والصفقه اللي ممكن تضيع عليه اتحول تاني وقال بعصبييه: بقوللك ايه يا بت انتي بلاش جو الصعبنيات ده.. الورق لاازم يرجع والا هتخرجي من هنا علي قبرك عدل.. مليش دعوة اتصرفي.. تكلمي اخوكي ده تستعطفيه.. تكلمي امه تترجيها.. مليش فيه.. المهم الورق يرجع..
_الطم ولا اشتي لطامه بالكهربا.. يا بشمهندس بقوللك ده اولا مش اخووويا.. ده ابن مرات ابووويا.. ثانيا بقا امه دي اللي هي مرات ابويا الله يرحمه ويسامحه علشان وقعنا في عالم معفنه زي دي ..لو عرفت ان حيااتي مقابل الورق ده اقسملك بالله هتاخد الورق تقلي عليه بطاطس وبتنجاان..
رامي قرب منها بغيظ وقال: وررق صفقه بملايين يتقلي عليه بطاطس؟؟؛
_او بتنجان ..علي حسب الموجود اي..وبعدين فكني بقاا ايديا نملت..
=انسي.. استحااااله.
_يعم فكني الله لا يسيئك عايزة ألبي نداء الطبيعه…
=نعم؟! مش فااهم!!
_الله ودي اشرحهالك ازاي ان شاءالله.. عايزة اعمل زي خلق ربناا ما بتعمل.. فكني بقا الا كمان ثانيتين وانا مش مسؤوله عن اللي هيحصل…
بصلها رامي بقرف وقرب منها وفك رجليها بس فقالت: والله؟! علي اساس اني هحفر في الارض برجليا زي القطط يعني.. ما تفك ايديا وتنجز…
_اخررصي بقاا جتك القررف.. هفك ايديكي وهستناكي بره الاوضه.. دقيقتين بالظبط لو مخرجتيش هدخللك انا..
=دقيقتين؟! وجاي علي نفسك ليه حضرتك.. هما اربع ثواني هدخل أتفرج علي الحمام سريعا واخرج…
_من غير كلام كتير… اتفضلي خلصينا…
دخلت داليا الحمام ووقفت تفكر في فكره تهرب بيها ، بصت حواليها لا في شباك ولا باب تهرب منه.. بتبص قدامها لقت حنفية الحوض خلعتها ومسكتها ووقفت ورا الباب..
بره كان راميي عمال ينادي عليها:انتي يا انسه..انتي يا استاذه .. خلصي مش كده..
داليا سمعاه ومش بترد وهو بيقول: بقالك ربع ساعة جوه.. اخلصي.. هفتح الباب..
داليا بردو سمعاه ومفيش اي رد
_هفتح الباب.. انا دااخل.. هفتح الباب انا بقوللك اهو..
رامي فتح الباب وملقاش حد قدامه، جه يتلفت شمال ويمين اتفاجأ بداليا اللي ضربته بالحنفيه علي دماغه ووقع في الارض وهي خرجت تجري علي بره….
داليا كانت بتتابع شغلها وجالها مكالمه: ألو.. أهلا بحضرتك يا فندم.. معاك داليا المرشدي من شركة ليو تريدينج.. تحت امرك يا فندم؟
_ مساء الخير.. بيقوللك مرة مدرس كسول وقع منه القلم وهو بيشرح قال نكمل الدرس الحصه الجايه..ههههه
الخط اتقطع وداليا فضلت متنحه شويه فقالتلها رانيا زميلتها: مالك يا بنتي مسهمه كده ليه.. العميل عايز اي؟
داليا: العميل متصل يقولي نكت!!
_ههههه بتهزري.. تلاقيه عيل فاضي وبيتسلي، فكك منه وخدي الورق ده طلعيه لرقيه فوق..
داليا خدت الورق وطلعت لرقيه السكرتيره الخاصه بالبشمهندس رامي صاحب الشركه.. وقفت قدام المكتب تدور علي رقيه وشافتها خارجه من مكتب رامي بتعيط وقبل ما تسالها عن السبب سمعت رامي بيزعق بصوت عالي جداا..
رامي: انا مشغل شوية تيرااان.. واللي واقفين حراسة علي باب الشركه دول ايه؟! عميوا؟! مبيشوفوش؟! ازاي واحد زي ده يدخل الشركه من غير ما يسألوه جاي ليه ولمين؟!
داليا قالت لرقيه: مالك يا روكا بتعيطي ليه؟ وبشمهندس سبعاوي ده بيزعق ليه؟!
رقيه: والنبي يا داليا مش وقت هزارك ده نهائي.. في ورق صفقه مهمه جدا ضايع مني ومش عارفه راح مني فين وبشمهندس رامي قالب الدنيا بسبب الورق ده..
_معقوله؟! طب وانتي مين بيدخل مكتبك اساسا من الموظفين او غيرهم؟
=مش عارفه انا عقلي هيشت مني، المهم، انتي كنتي جايه في اي..
_جايه اخد امضتك علي الورق ده!!
مضت رقيه علي الورق وخدته داليا ونزلت رجعت علي مكتبها وجالها مكالمه..
_ أهلا بحضرتك يا فندم.. معاك داليا المرشدي من شركة ليو تريدينج.. تحت امرك يا فندم؟
=مساء الخير..بيقوللك مرة واحد محشش مسكته دورية شرطة قالو له اركب قاللهم لا والله البيت قريب… ههههههه.
_انت مين يا حيو…….
وقطعت داليا كلامها لما المتصل خفيف الظل قطع الاتصال فبصتلها رانيا زميلتها وقالت: متقوليش انه هو بتاع النكت تاني!!
_ايوة يختي هو.. ناقصه ظرافة اهله عالمسااا
=ههههه.. طب والله يبنتي عميل كيوت ودمه خفيف، اهو بيفرفشك اهو حد طايل!!.. مش زي العملا الجلنفات اللي انا بتعامل معاهم..
_هما العملا الملتزمين بقوا جلنفات علي اخر الزمن! شوفي شغلك يا رانيا بلا مرقعه..
=ايوة صح يا دودو، اشمعنا فاروق الملزق ده مجالكيش هنا النهارده؟!!
_يستي افتكريلنا حاجه عدله.. اديني هروح دلوقتي الاقيه قاعد مستنيني شبه الارمله السوداء..
التليفون رن وداليا جاوبت باندفاع وعصبيه: انت عارف يا حيواان يا خرتيت انت لو اتصلت تاني همرمط بكرامة اهلك الارض.. انت ساامع!!!
_….. حيوان وخرتيت!! انتي بتكلمي مين كده يا انسه يا محترمه.. اتفضلي على مكتبي فوراااا..
داليا من الصدمه قفلت الخط بسرعه وقالت وهي مصدومه ومرعوبه: ده طلع بشمهندس رامي!!! يا مصيبتيييييي..
رانيا قالت وهي ميته من الضحك: يخرب عقلك دنتي هتتنفخي النهارده.. اتفضلي روحي اتأسفي له واشرحي له سوء التفاهم اللي حصل بسرعه .. ده غبي ومبيتفاهمش وممكن يرفدك..
_نعم؟؟! عيزاني اروح لقضايا برجليا؟! دنا سمعته بيزعق وانا فوق كنت هعملها علي روحي، عيزاني اطلعله مكتبه! انا هخلص شغلي في أمان الله وأطير علي بيتي..
الباشمهندس رامي كان في مكتبه بيزعق بعصبيه شديده: وفين البهايم اللي مسؤولين عن الكاميرات هما كمان،، ما هو اكيد ما دخلش من تحت الارض يعني اكيد كاميرات لقطته وهو بيدخل من البوابه الرئيسيه او حتى البوابه الخلفيه…
قطع الكلام ولما دخل معتز صاحبه وهو بيقول له: خلاص يا رامي اتحلت انا راجعت الكاميرات كلها وقدرت اعرف مين هو اللي دخل مكتب رقيه
_مين ده اللي هتكون اخر ليلة في عمره ان شاءالله..
= ده عيل صايع اسمه فاروق والامن سمحوا له يدخل لما قاللهم انه جاي يسلم اخته ورق خاص بالشغل كانت نسياه في البيت..
_اااخته!! اخته مين دي كمان….
=موظفه في الاستقبال اسمها دالياا راغب المرشدي..
_وشكلها ايه الست داليا دي؟
معتز جاب صوره داليا من رقية السكرتيره وورهاله فقال: هي دي!!! ده كده ليلتهم فل هما الاتنين…
وطلع رامي تليفونه واتصل على واحد صاحبه وقال:, ايوة يا زياد.. معاك ربع ساعه وتجيبلي قرار واد اسمه فاروق راغب المرشدي.. عايزه النهارده ضروري.. ضروري يا زياد الواد ده سارق ورق صفقه مهمه جدا من الشركه والموقف لا يحتمل اي تاخير…
فات اكتر من ساعه وزياد متصلش فكلمه رامي تاني: ايوة يا زياد ..مفيش اخبار ولا اي؟
_والله يا باشمهندس من ساعه ما كلمتني وانا بدور على الشخص ده بس ما فيش احد بالاسم ده نهائي.. اكيد الموضوع فيه ان..
=تمام ماشي يا زياد انا عارف هتصرف ازاي.. مع السلامه.
خرج رامي من الشركه وهو غضبان ومش شايف قدامه وركب عربيته و ساق باقصى سرعه ووقف فجأه لما شاف عربيه كانت ماشيه قدامه وعطلت فكان مركز معاها لحد ما شاف داليا نزلت منها وواققه تتلفت شمال ويمين مستنيه حد يساعدها..
_ دنتي وقعتي ولا حد سمي عليكي..
رامي راح لعند داليا بالعربيه ووقف قصادها وكلمها من شباك العربيه: محتاجه مساعده؟؟
داليا ارتبكت ومكانتش مصدقه ان مدير الشركة بحاله هو اللي هيساعدها
_لا شكرا حضرتك.. انا هتصل باي حد ييجي ياخدني..
رامي قال بخبث: طيب انا معاكي لحد ما تكلمي اخوكي او حد ييجيلك.. عشان لو معرفتيش توصلي لحد أوصللك انا البيت..
_لا منا مليش اخوات، بس ممكن اتصرف هطلب اوبر وخلاص..
رامي اتكلم في سره وقال: ملكيش اخوات!! اه يولاد الكلب يا حراميه يبقا اكيد مطبخينها سواا..
_بتقول حاجه حضرتك ؟!
=طيب اتفضلي اركبي وانا اوصلك مكان ماتحبي..
_لا شكرا حضرتك انا هتصرف، اتفضل حضرتك مفيش داعي تتعطل عشاني..
رامي فتح باب العربيه وقال: لا مفيش عطله ابدا.. اركبي وانا هكلم حد من الشركه ييجي يشوف العربيه ويوديهالك البيت..
ركبت داليا وهي مكسوفه ومرتبكه في نفس الوقت فقاللها: قولتيلي انك معندكيش اخوات مش كده!!
_ايوة فعلا..
=امممم… ليه حضرتك بتسال في حاجه؟
_لا ابداا انا بدردش بس ، بنتسلي علي ما نوصل يعني.. كان في هنا ازازة مية…
رامي مثل انه بيدور علي ازازة ميه وبحركه سريعه خرج من تابلوه العربيه اسبراي مخدر و رشه قدام داليا اللي غابت عن الوعي في لحظتها…..
…….
فاروق راح الشركه بتاعت تامر الرفاعي وطلب يقابله ودخلوه المكتب بتاعه فورا…
_اي الاخبار يا فاروق؟
فاروق طلع الورق من جيب الجاكت بتاعه وهو بيقول: كله لوكس يا تامر باشا، الورق اللي طلبته اهو وفوقيه بوسه كمان..
_لاا البوسه خليهالك انا اهم حاجه عندي الورق..
وخد تامر الورق وقعد يفر فيه بفرحه وهو مبتسم ابتسامة انتصار وقال: كده بقاا رامي كراويه بقت روحه في ايدي..
_احمممم.. لا مؤاخذه يباشا لو الدنيا تمام تشوفني اناا عشاان اخلع قبل ما يحصل لبش…
تامر خرج فلوس من الخزنه اللي جمبه وحطهم قدام فاروق وهو بيقول: خد يا فاروق دول العشر تلاف اللي اتققنا عليهم وفوقيهم خمسه كادو مني..
_من يد ما نعدمها يا ريس،، وانا في الخدمه تملي لو عايزني اجيبلك راس رامي كراويه ده ذات نفسيها تكون عندك في الحاال…
ضحك تامر بشر وقال: هييحصل بس مش دلوقتي.. كله بأوان.
_مااشي يباشاا انا تحت الطلب دايماا . بالإذن.
خرج فاروق وهو فرحان بالفلوس اللي خدها من تامر الرفاعي وفورا راح يبلغ زنكلوني صاحبه اللي مبيخبيش عنه اي حاجه..
…..
بعد حوالي ساعه بدأت داليا تفوق وكانت مش شايفه قدامها لحد ما شويه شويه بدأت الرؤيه توضح قدامها فلقت نفسها قاعده علي كرسي وايدبها ورجليها متربطين في الكرسي و بؤها متكمم ..
كانت بتحاول تفتكر ايه اللي حصل لحد ما باب الاوضه اتفتح ودخل رامي فهي اتصدمت وتنحت وفضلت تزوم وتتحرك بعصبيه لحد ما قرب منها وفك اللزق اللي علي بؤها فقالت…
_هو انت خاطفني!!!!
ضحك بشر وقال: والله المسمي اللي يعجبك سميه.. عايزة تعتبريني خاطفك اوكي ..عايزه تعتبريني مستضيفك عندي مفيش ماانع .
_ااه يا غلااوي يا حقير… بقا كل ده عشان شتمتك بالغلط؟! كرامتك نقحت عليك وقعدت تخطط لخطفي وبوظت فرامل العربيه عشان تعطل بيا وتيحي انت قال اس تساعدني وتقوم مبنحني وخاطفني!!
=خيالك وااسع اووي انتي، شكلك بتتابعي هندي كتير.. اللي حصل يا ست هانم يا محترمه ان عملك الاسود هو اللي وقعك في طريقي وبالصدفة البحته..يعني انا مكنتش ناوي اخطفك ابدا بس ليكي نصيب تشيلي الليله مطرح اخوكي الحرامي النصااب..
_ما قولتلك مليش اخوات ولا زفت.. اكيد انت فاهم غلط .
= و الحرامي اللي اسمه فااروق ده مش يبقا اخوكي؟!
_فاااروووووق.. قول كده بقاااا.. لا يا بشمهندس فااروق مش اخويا.. ده ابن مرات ابويا..
=أياً كان بس بيعرف نفسه علي انه اخوكي ودخل الشركه النهارده علي اساس اخوكي..
_ماقولتلك ده مش اخووويا.. ده ابن مرات ابووويا.. وبعدين عمل ايه فاروق الزفت..
=سرق ورق صفقه مهمه بملايين الدولارات من قلب الشركة من مكتب رقيه السكرتيره..
_احيه هو فاروق اللي سرق الوررق!!
=يعني انتي عندك علم بالموضوع اهو..
_ايوة عارفه ان في ورق مسروق بس معرفش انه فاروق الكلب هو اللي سرقه..
=واديكي عرفتي اهو.. اتفضلي قوليلنا بقا هتساعدينا ازاي عشان الورق يرجع..
_واساعدك انا ليه هو انا اللي كنت سرقته!!
=بقاا كده.. طب خليكي هنا بقا لحد ما الورق يرجع ابقا امشيكي..
ولف وشه عشان يخرج من الاوضه فهي نادته: طب استني انت حمقي كده ليه.. وانا هساعدك عشان الورق يرجع ازاي ان شاءالله..
_هنبلغه انك مخطوفه رهينه قصاد الورق ده ولما يرجعه انتي تمشي من هناا..
داليا ضحكت بغلب وقالت: وانت يعني فكرك لو عرف اني مخطوفه رهينه قصاد الورق هيرجع الورق؟؟! بقوولك ابن مرات ابويا يعني ألد أعدائي..
_والله مش مشكلتي انا بقا ..انتي المسؤوله قدامي.. الورق يرجع هتمشي من هنا معززه مكرمه، الزرق مرجعش هتفضلي هنا لحد ما يبانلك صاحب..
داليا عنيها دمعت بقهر وقالت: بس انا مليش حد، لا ليا اهل ولا حتي صاحب زي منتا بتقول، يعني محدش هيكتشف غيابي اساساا..
رامي للحظه أتأثر بكلامها بس لما افتكر الورق والصفقه اللي ممكن تضيع عليه اتحول تاني وقال بعصبييه: بقوللك ايه يا بت انتي بلاش جو الصعبنيات ده.. الورق لاازم يرجع والا هتخرجي من هنا علي قبرك عدل.. مليش دعوة اتصرفي.. تكلمي اخوكي ده تستعطفيه.. تكلمي امه تترجيها.. مليش فيه.. المهم الورق يرجع..
_الطم ولا اشتي لطامه بالكهربا.. يا بشمهندس بقوللك ده اولا مش اخووويا.. ده ابن مرات ابووويا.. ثانيا بقا امه دي اللي هي مرات ابويا الله يرحمه ويسامحه علشان وقعنا في عالم معفنه زي دي ..لو عرفت ان حيااتي مقابل الورق ده اقسملك بالله هتاخد الورق تقلي عليه بطاطس وبتنجاان..
رامي قرب منها بغيظ وقال: وررق صفقه بملايين يتقلي عليه بطاطس؟؟؛
_او بتنجان ..علي حسب الموجود اي..وبعدين فكني بقاا ايديا نملت..
=انسي.. استحااااله.
_يعم فكني الله لا يسيئك عايزة ألبي نداء الطبيعه…
=نعم؟! مش فااهم!!
_الله ودي اشرحهالك ازاي ان شاءالله.. عايزة اعمل زي خلق ربناا ما بتعمل.. فكني بقا الا كمان ثانيتين وانا مش مسؤوله عن اللي هيحصل…
بصلها رامي بقرف وقرب منها وفك رجليها بس فقالت: والله؟! علي اساس اني هحفر في الارض برجليا زي القطط يعني.. ما تفك ايديا وتنجز…
_اخررصي بقاا جتك القررف.. هفك ايديكي وهستناكي بره الاوضه.. دقيقتين بالظبط لو مخرجتيش هدخللك انا..
=دقيقتين؟! وجاي علي نفسك ليه حضرتك.. هما اربع ثواني هدخل أتفرج علي الحمام سريعا واخرج…
_من غير كلام كتير… اتفضلي خلصينا…
دخلت داليا الحمام ووقفت تفكر في فكره تهرب بيها ، بصت حواليها لا في شباك ولا باب تهرب منه.. بتبص قدامها لقت حنفية الحوض خلعتها ومسكتها ووقفت ورا الباب..
بره كان راميي عمال ينادي عليها:انتي يا انسه..انتي يا استاذه .. خلصي مش كده..
داليا سمعاه ومش بترد وهو بيقول: بقالك ربع ساعة جوه.. اخلصي.. هفتح الباب..
داليا بردو سمعاه ومفيش اي رد
_هفتح الباب.. انا دااخل.. هفتح الباب انا بقوللك اهو..
رامي فتح الباب وملقاش حد قدامه، جه يتلفت شمال ويمين اتفاجأ بداليا اللي ضربته بالحنفيه علي دماغه ووقع في الارض وهي خرجت تجري علي بره….