الرابع

كارم اتفزع لما سمع اصوات عربيات بتحاوط المكان كله وفجاه لقي البوليس اقتحم المكان وقبضوا عليه والبنات والشباب رجعوا لاهلهم

في طريقهم كانوا راكبين عربيه واحده ف سريا قالت: كانو يومين حلوين والله مكنتش عيزاهم يخلصو..

وبصت لجاسر اللي قال بغيظ: يومين حلوين ايه هو انتي كنتي بتصيفي في چمصه؟! انا مش عارف والله ايه اللي كان لادد عليكي هناك..

_وه.. وانا كنت هحتاچ اي اكتر من لمتنا دي سواا.. هي اللمه تتعوض برضك؟! طب دانا كنت بدعيي من جوه جلبي واجول يااارب نفضل مخطوفينلنا سبوعين ولا شهرين اهوو نغير چو..

جاسر ضرب علي كف من جنانها اللي بدا انه يتعود عليه ومش هينكر انه من جواه بقا بيحب يسمع جنانها ده..
الشباب والبنات رجعوا بيتهم والكل كان طاير من الفرحه وتاني يوم حازم اتصل علي ساميه...

_الو.. ايوة يا حبة الجلب...

ساميه سألته بحب وكسوف: حبة الجلب؟

_ايوة حبة الجلب ونور العين كمان.. ولو اني عاتب علي جلبك.. جدر كيف يكون بالجساوة دي ويختار انه يبعد عني..

=مكانش في حل غير اكده.. كارم كان ناوي على الشر ولو مكنتش اتصرفت اكده الله اعلم كان عمل اي، واني مكنتش هجدر اعيش لو حوصلك حاجه عفشه لا سمح الله..

_للدرجة دي بتحبيني يا سامية؟ لدرجة انك تضحي بسعادتك لچل خاطرنا؟!

ساميه سكتت ومردتش وهو قال: انطوجي بجا وجوليهاا.. جوليها لچل ما جلبي يرتوي وبالي يهدا ويرتاح..

بردو سكتت ومردتش فهو قال: خلااص، علي راحتك يا حبة الجلب.. اني مش هلح عليكي اكتر من اكده لاني واثق انك هييجي اليوم وتجوليها انتي لوحدك..

سريا دخلت الاوضه بتاعة اختها وهي بتنادي عليها وبتقلد حاحا لما كان بيقول: ساامياااااااه...

ساميه قالت لحازم: طيب سريا بتنادي .. بعدين اكلمك..

_ساامياااااااااه...

=عايزة ايه يا حزينة؟.. شغاله تنادي عليا وانا معايا مكالمه..

_يعني معاكي مكالمه مع اسامه منير يا خي.. تعالي سلمي على خالتك ام بهاء چايه تجوللنا حمدالله بالسلامه..

=يا بااااي، الست دي اني اجبل العما ولا اجبلهاش، ولية زنانه وحشريه وكياده..

_خالتك ام بهاء؟! خاالتك ام بهااااء؟؟! بالعكس، دي ست طيبه وبمية راچل، دي بشوشه ووشها فيها القبول سبحان الله..

=طيب يختي، يلا مشي جدامي خلينا نخلص..

خرجت ساميه وسريا وسلموا علي جارتهم وقعدوا فقالت:
_حمدلله بالسلامة يا حبيبتي.. ربنا ما يعيدها ايام..

=تسلمي يا خاله وانتي اي اخبارك واخبار بسمه؟

_بسمه الحمدلله بتسلم عليكم.. كانت بدها تاچي معايا بس وراها حاچات هتخلصهاا..

وبصت لسريا وقالت: اصل عجبالك يا بتي خطوبتها الخميس الچاي..

سريا: بجد.. الف مبروك.. ومين سعيد الحظ ان شاءالله؟

_چاسر واد عمك حكيم.. يعني هتوبجا سلفة سامية ان شاءالله...

سريا اتصدمت ومبقتش تنطق وساميه قالت: ربنا يتمم بخير ان شاءالله يا خاله..

وسابتهم ودخلت اوضتها وبعد ما ام بهاء مشيت دخلتلها ساميه الاوضه..

_انتي بتبكي يا سريا؟! متوبجيش هبله اومال وتعالي بينا نخرچوا نشم هوا..

سريا قالت بعياط: بعدي يدك عني.. ملكيش صالح بيااا واصل.

ساميه: اهدي واسمغيني يا حبيبتي، كله نصيب في الاول و في الاخر... وبعدين المفروض تفرحي لبسمه مش انتي كنتي دايما تجولي انها طيبه وراسيه وتستاهل كل خير، و لساتك كنتي بتجولي ان خالتي ام بهاء جدعه وبمية راجل وبشوشه وفي وشها القبول..

_دي وليه صفراا و سهونه وخبيثه و بوشين..

ضحكت ساميه وقالت: الله يجازيكي يا سريا، وبعدين يا خيتي انتي عارفه چاسر هوائي وطايش ومش خابر زين هو رايد ايه

سريا بصتلها وقالت بحزن: بعني انتي كنتي تعرفي؟ كنتي عارفه انه ناوي يخطب ويتجوز ومجولتليش؟! سايبني أتعشم وأحب فيه وانتي عارفه انه استحاله يبص لي اصلا؟

اتنهدت ساميه بحزن وقالت: سريا يا خيتي، اسمعيني يا حبيبتي، الحب مبيتشحتش ولا بيتطلب يا حبيبتي، مينفعش تفضلي تلفتي انتباهه ليكي وتبيني له انك معچبه بيه، لو فضلتي علي ده الحال مليون سنه جدام مش هيشوفك اصلاا، الراچل يا حبيبتي عاوز اللي تچننه، اللي يتعب علشان يوصلها، الرچاله بيحبو اللي تمرمطهم، انما طول منتي مموته حالك عليه اكده هيتخنج و يمل.

قالت سريا من بين دموعها: خللاص فضيناها عااد، لا في داعي يمل ولا يتخنج خلاص انا رميت طوبته وشيلته من جوة جوة جوة جلبي... انشالله يرب يشوفها قرد بسديري.. انشالله يرب يشوفها بعين واحده..

_متاكده يا خيتي انك شيلتيه من جوه جوه جوه جلبك؟

=واني عهزر ولا اي؟! خلاص مبجالوش في جلبي مكان، يروح للسنيورة اللي كانت تجلانه عليه يااك يرب تمسح بكرامته بلاط السوبر ماركت مليش صالح.. الهي يارب يشوفها حوله و يشوف راسها تحت ورجليها فوج

_خلااااص يا سريا حرام عليكي البنته خلتيها كلها عاهات يماما .. دنتي مسيبتيش فيها حاجه سليمه .. مش اكده يا خيتي احنا ولايا برضك..

=معاكي حج.. انا خلاص مش شاغله بالي بيهم .. انشالله يتحرجوا التنين..

ضحكت ساميه وقالت: ذاتس ماي جيرل.. ربنا يكملك بعجلك يا نور عين خيتك انتي.. يلا بينا نخرجوا نشم هوا اهو نعوض الليلتين اللي اتحبسناهم دول .

ساميه وسريا استعدوا عشان يخرجوا وفي اللحظه دي قررت سريا قرار وبدأت في تنفيذه،، وهو انها هتخلي جاسر بعد ما كان مش شايفها يتمني يتكلم معاها كلمة واحده..

سريا لبست لبس شيك جدا وحطت مكياج بسيط ظهر جمالها الطبيعي وخرجت مع ساميه.. وفي طريقهم قابلوا حازم وجاسر كانوا خارجين سوا من السوبر ماركت..

حازم اتعصب جداا وقال بغضب: علي فين العزم ان شاءالله؟! لساتني يعني كنت بكلمك من هبابه ومچيبتيش سيره انك طالعه..

ساميه بصت لجاسر ورجعت بصت لحازم ووقفت علي جمب هي وهو وقالت: مالك يا حازم بتتحدت معايا اكده ميف جدام اخوك وفي الشارع كمان!! وبعدين حوصل اي يعني؟! ايه فيها لنا اطلع من غير ما ابلغك؟! هو انت چوزي؟

_نعم؟؟! وهو اني عشان مش چوزك لسه تعمليني طيشه ولا اي؟! كنتي عبرتيني وبلغتيني انك خارجه حتي عشان لما اشوفك صدفه في الشارع متفاجئش زي ما حوصل دلوكتي..

فضلوا حازم وساميه في شد وجذب وخناق أما هناك عند جاسر وسريا.. كان جاسر مركز مع التغيير اللي ظهر علي سريا فجأه في ستايل لبسها الشيك الانيق رغم حشمته وجمالها اللي قدرت تظهره بأبسط زينه واللي زاد انتباهه ليها انها كانت متجاهلاه تماما وده اول مره يحصل .
چاسر: الظاهر ان الخطف أثر علي العصب السمبتاوي حداكي وخلاكي معتتكلميش.. مع انك كنتي امبارح كيف البربنط..

بصتله سريا بهدوء وغرور علي عكس عادتها وبصت ناحية اختها وقالت برقه: يلا يا ساميه بلاش وجفة الشارع دي عاد..

جاسر تنح وقال : ومالها وجفة الشارع يا ست سندريلا، منتي لحد اول امبارح كنتي عامله كيف نطاط الحيط وجيباها كعب داير من اهنه لاهنه...

سريا قلبت عينيها بملل واتجاهلته خاالص و ده خلاه يتجنن وكان هيموت وينكشها زي تملي بس هي مدتلوش الفرصه..

سريا سابته واقف لوحده وراحت سحبت ساميه من ايديها ومشيواا و حازم وجاسر بيبصوا عليهم وهيفرقعوا من الغيظ..

جاسر: هي دي سرياا اللي كان حنكها مبيتقفلش من كتر الرط؟! مين اللي لعب في اعدادتها دي؟

حازم:الظاهر انها من بعد ما رجعت من الخطف وهي قررت توبجا هاديه وراسيه.. العچب علي ساميه اللي شكلها ناويه تتعبني وياها براسها اليابس ده!!

_الله يكون في عونك ياخوي، شخلع من وهي زغيره معروف انها عنيده ومتحبش حد يمشي كلمته عليها واصل
حازم فاجئه ببوكس في عينه وقال: شخلع في عينك عديم المروه.. يمين بالله لو سمعتك بتجول شخلع دي تاني لاكون رابطك في النخله وداهن جتتك كلها عسل واسيب الدبان يعمل معاك احلي شغل..

_اي يا عم طرج التعذيب البدائيه دي؟! عالعموم متزعلش انا عهزر معاك.. بينا يلاا جبل ما ابوك يغفلج عيشتنا..

......

مرت الايام و جه يوم خطوبة جاسر وبسمه وعيلة ساميه حضروا الخطوبه..

سريا كانت لابسه فستان شيك جدا ومازالت مطنشه جاسر اللي كان عنده فضول شديد يعرف سر التغيير المفاجئ ده اي..

البنات كانو بيرقصوا وسريا شاركتهم وكل شويه جاسر يبصلها مستغرب فرحتها وضحكها وهزارها بس هي كانت بتتعمد متبصش نحيته..

بسمه لاحظت انه كل شويه يبص نحية البنات فقالت: بتدور علي حد يا چاسر؟

_هاه؟؟؟ لا لا دنا ببص علي واحد صحبي ،شكله مجاش..

=وهو صاحبك موچود عند البنته ؟ انت شايفني عبيطه ولا لساتني عيلة زغيره..

_ماالك يا بسمه ، ايه في، هي طالبه معاكي نكد يوم خطوبتنا يااك..

واتسمر جاسر مكانه لما شاف سريا بتقرب عليهم وسلمت علي العروسه وحضنتها وهي مبتسمه وقالت: الف مبروك يا بسمة فرحتلك من كل جلبي..

وبصت لجاسر وقالت: مبروك يا أبيه چاسر..

_أبيه؟؟

=ايوة أبيه.. منتا زي اخويا الكبير واحترامك واچب.. يلا ربنا يتمم عليكو بخير وعجبال الليله الكبيره باذن الله..

سريا جت تمشي اتخبطت في صاحب جاسر فبصلها باعجاب شديد وقال بابتسامه: ازيك يا استاذه سريا..

سريا حطت وشها ف الارض وقالت: نحمده يا باشمهندس كريم.. بالاذن.

مشت سريا وجاسر كانت عينيه هتطلع عليها ولاول مره يحس بغيره ان حد بيكلمها، صاحبه كريم سلم عليه وباركله ورجع يبص علي سريا

جاسر قال بغيظ: كفاياك بحلجه في البنته عااد، لو خطيبتك شافتك هتطهبج عيشتك طهبيج..

_لااه خطيبتي ايه، الحمد لله الذي عافانا.

=يعني اي؟

_يعني سيبتها من زمان..

وبص مكان ما واقفه سريا وقال: والظاهر اكده انه ان الاوان ادور ادور على بنت الحلال..

.....

فات يومين بعد خطوبة حاسر وبسمه وكان بيستني سريا تروح السوبر ماركت زي عادتها بس هي خالفت كل توقعاته واختفت تماما..

وفي يوم عند سريا جالهم ضيوف واللي كانوا كريم صاحب جاسر و والده ووالدته.. و سريا فهمت فورا انهم جليين يخطبوها..

عزمي والد كريم اتكلم وقال: طبعا يا استاذ جمال احنا جينا من غير ميعاد سابج، بس اعذرنا احنا من اسيوط والفرصه مسمحتش اننا نبلغ حضرتك اننا جايين..

جمال : البيت بيتكو تنورونا في اي وجت.. ازيك يا بشمهندس.

كريم ابتسم بوقار وقال:نحمد الله يا عمي .. كنت ناوي افاتحك في الموضوع اللي جلي عشانه يوم خطوبة جاسر بس الفرصه مسمحتش..

عزمي: دلوكتي خير الكلام ما قل ودل.. احنا جايين نطلبو يد بتك الاستاذه لوولدي البشمهندس كريم.. و اظن انه مش محتاج تسال عنه لانه زميل الانسه سريا اديلهم تلت سنين مع بعض في الكليه وعارفين بعض تمام المعرفه...

جمال: كلامك علي راسي يا حج عزمي بس الاصول محدش يتعداها و لازم نسال علي البشمهندس الاول وبعدين يجيلكو الرد مننا.

عزمي: عداك العيب يا حچ چمال وان شاء الله يكون الرد بالقبول باذن الله..

_سيبها لله يا حچ عزمي واللي فيه الخير يجدمه ربنا ان شاءالله..

مشي كريم واهله وجمال دخل لسريا علشان يعرف رأيها في طلبهم..