الثالث

جاسر بص لسريا ولف وشه بقرف وبعدين قال: طيب الطريج الجاي رملي.. وغالبا المشي فيه عيوبجا وااعر جوي...

ولسه جاسر مخلصش كلامه وحصل اللي محدش منهم توقعه ابداااا

وقفت قدامهم عربيه متفيمه ونزل منها اربعه ملثمين وفي ايديهم سلاح وفتحوا العربيه بتاعة حازم وجاسر وكل واحد من الملثمين ثبت واحد منهم...

الشباب حاولوا يقاوموا لكنهم فقدوا السيطرة لما كتفوا ايديهم و غموا عنيهم ومبقوش شايفين غير السواد

البنات انهارت وفضلت تبكي وقالت سريا: ايه ده في اي؟ انتو هتخطفونا ولا اي

جاسر قال،: لا هيركبونا الملاهي، ماهم جدام عينك ربطوا ايدينا وغموا عنينا عايزاهم يعملوا اي تاني عشان تقتنعي اننا مخطوفين...

اتكلم واحد من الملثمين وقال: مش عايز اسمع حس راچل ولا حرمه فيكم.. هااتهم يا ابو سته عالعربيه..

ابو سته اخدهم علي مصنع مهجور وربط كل اتتين في ضهر بعض...

حازم وساميه مع بعض وجاسر سريا مع بعض...

حازم اتكلم بصوت واطي وقال لساميه: انتي شايفه حد فيهم؟

_لااه.. كلهم متلتمين ومجدراش اميز منهم حد..

واحد منهم اتكلم بصوت عالي وقال: مش عايز اسمع صوت نهائي، هتفضلوا هنا لحد ماتيجي اوامر من المعلم اننا نمشيكو ولحد ما تمشوا من هنا تقعدوا هاديين وعاقلين .. مش عايزين شغل الطفوله المتاخره بتاع اغلب المخطوفين ده ..

سريا: وه.. دنتوا عاملينها مهنتكو بجا..

ملثم1 : مش عايزين لوكلوك كتير يابت انتي..

ونادي بعلو صوته وقال: يااااا فرررررج

سريا صرخت بأعلى صوتها وهي عماله تعيط وتقول: لااااه فرچ لاااه.. أحب علي يدك يا اسمك ايه افندي بلاش فرررچ بلاش فرج

دخل واحد طول بعرض ووسيم جدااا بصتله سريا وقالت: وه.. هو انت فرج.. لا اذا كان اكده ماشي هههخخخخههه

جاسر اتكلم بعيظ: فكوني من جمب الكائن ده، حطوني في مكان لخالي ارحملي...

ملثم2: بقولكوا ايه انت وهي انتوا مش جايين تحجزوا اوضه في فندق بروح امك منك ليها، اتلقحوا لما يبان لكو صاحب ولا نشوف هنهبب اي.

خرجوا الملثمين من الاوضه وجاسر قال: احنا هنتننا متغميين اكده..

سريا: يعني عايز تفتح تشوف ايه ياخي.. مااحنا مفتحين اهو ومشايفينش  حاجه غير العنكبوت والفيران بتجري في كل ناحيه.

جاسر اتفزع وقال: ايه.. فيران.. منك لله يا بومه يا ام بوز ابرم.. يا نححححسسسسس..

حازم صرخ فيهم بغضب: ما تهدا منك ليها وتجول هديت عاااد.. وخلينا نفكرو في حل للمصيبه دي.. ساكته ليه يا ساميه؟

ساميه قالت بكل هدوء: لاني عارفه مين السبب في الرميه السودا اللي اترمينا فيها دي.. هو مفيش غيره. 

سريا:عارفه وساكته؟! ما تجوليلنا هو مين ياخيتي...

لسه ساميه هتتكلم الباب اتفتح ودخل واحد اول ماشافوه البنات تنحوا وقالوا: هو انتتتتتتت؟؟؟!!!

.......

جمال ومراته كانو قلقانين لان ساميه وسريا اتاخروا زياده غن اللازم وتليفوناتهم مقفوله فقرروا انهم هيتصلوا بأبة حازم وجاسر لعل وعسى يكون عنده فكره عن سبب تاخيرهم.

جمال: الو .. ايوة يا حج حكيم.  لا مؤاخذه أزعچناك...

حكيم:لا ولا ازعاج ولا حاجه.. تصور انا كنت لسه هكلمك..

_خير في حاچه ولا اي

=اصل حازم وجاسر ممنهمش خبر من وكت ماطلعوا مع البنتة واتصلت بيهم معيردوش واصل وقي الاخر

جمال ومراته بصو لبعض وقلقهم زاد وقاله: كيف ديه، ده ساميه وسريا كمان تليفوناتهم اتجفلت..

حكيم:يوبجا اكده هما الاربعه في مكان مفيهشي تغطيه..

_ربنا يستر انا ممطمنش واصل..

=لاه يا حج چمال متجلجش.. هما اكيد خلصوا وراحو اي مكان يتعشوا ولا يشربولهم جزازتين كاكولا..

_ان شاءالله.. بس لو مچاش منيهم خبر كمان ساعه لازمن نتصرف..

...

عند الشباب والبنات...

البنات قالواا:هو انت...

كان كارم واقف وعنيه كلها شر وموجه نظراته كلها نحية ساميه اللي كانت بتبص له ببرود وقال: ايوة اني.. مفاجاه مش اكده!!

جاسر وحازم قالوا في نفس واحد: مين هو؟؟

ساميه: ده المعلم كارم الكُمل الكباره ابن الاصول ،،عرف اني اتخطبت لك جام حب يوچب معانا وجابنا اهنه...

كارم ضحك ضحكه شريره وقال: براڤو عليكي يا جطه.. تحليلك صحيح ميه في الميه.. مهو اصل اني مش مختوم علي جفايا عشان افضل استني السنين دي كلاتها وأخرت المتمه تتجوزي الشنف ده..

حازم قال بغيظ وهو بيترفس بيحاول يقطع الحبل اللي مكتف ايديه: اقسم بيمين الله ..اخرچ بس من اهنه وانا اعرفك الشنف ديه عيعمل فيك ايه! والله لادفنك حي وماحسب ربنا خلجك..

كارم: ههههههه.. ده انت متفائل جوي يا استاذ باسم...

سريا: اسمه حازم

جاسر قال بغيظ: هتفرج يعني دلوكتي حازم من باسم .

كارم كمل كلامه وقال: بصراحه انا مش من ضمن مخططي انكو تخرجوا وتشوفوا النور تاني.. ده لو فضلتوا عايشين يعني!! خليكوا اهنه اهو فرصه تجربوا من بعض اكتررر

وبص لجاسر وقال: ولا ايه رايك انت با معلم يااسر؟؟

سريا: اسمه چاسر..

جاسر نطحها براسه بقوة وغيظ وهو بيقول: يستي اجعدي بجا انتي كمان..

وبص لكارم وقالله: طب انت تارك مع اخوي وخطيبته واهلها.. انا ذنب امي ايه؟؟؟

حازم: أصيل ياخوي.. من لحمي ودمي فعلاا..

كارم: حلو جووي چو الحرب الأهلية ده.. اسيبكوا بجاا تاكلوا بعض...

ساميه بصتله وقالت: انت عايز اي بالظبط عشان تخرجنا من اهنه؟؟

كارم: ولا اي حاجه.. هعوز اي اكتر من اني اصطبح بوشك الچميل ديه كل يوم واشوفك جبل ماانام ووجت ما احب اطل عليكي اچي أطل..

حازم قال بغضب وغيره: حسابك بجي تجيل جوووي يا كارم الكلب.... فكني وانا اعرفك مجامك...

كارم: هههه.. لاااه انا مبسوط وانت متكتف جدامي شبه الخروف اكده.. يلاا فوتكو بعافيه..

وقال باستفزاز وهو بيقفل الباب: مش عايز دوشه وكلام كتير ممنوش عازه.. التزموا الصمت حدانا عيال بتذاكر...

خرج كارم وقفل الباب والاربعه جوه كانو هيموتو من القهر والغيظ..

حازم: الكلب الچبااان.. اخرج بس من اهنه وانا انسفه من علي وش الدنيا نسسسسسف

جاسر: اخر حد كنت اتوقع انه يكون هو اللي خاطفنا ..

خازم: ومتتوقعوش ليه؟؟! علي الاجل هو عمره ماكان حبيب.. الدور والباجي علي اخوك من لحمك ودمك لما يستندل معاك...

_وه هو انت سدجتني ياخوي.. ده انا كنت بحاول بس اشوف حل.. يعني لما افضل اهنه انا وانت مين اللي هيخرچنا.. لازمن واحد مننا يكون بره...

حازم فكر في كلامه واقتنع بيه وقال: صوح.. معاك حج.. طب وعنتصرفوا كيف دلوك..

_مش عارف بس اكيد ليها حل ان شاءالله..

..........

الساعه عدت منتصف الليل ومحدش منهم رجع.. حكيم وجمال كانوا سوا رايحين يعملوا محضر تغيب عن البنات والشباب والظابط بلغهم انه لازم يعدي 24 ساعه علي غيابعم الأول لانهم مش قُصّر..

كريمه مرات جمال كانت بتبكي : بناتي چرالهم ايه يا چمال، رچعبي بناتي اني مليش غيرهم..

- متخافيش يا ام ساميه هيعادوا ان شاءالله.. بيناا نرچع ببتنا يمكن نرچع نلاجي البنات عاودوا...

......

كانت سريا بتغني: علشان احنا مع بعضينا  ولاول مره لوحدينا ولا حدش بيبص علينا غيرر فرحة جلبنا وعنينا... حاچه غررريبه...

جاسر بغضب: هي حاچه غررريبه فعلاا.. بس تعرفي الاغرب ايه.. برود اعصابك وثباتك الانفعالي.. انا لو مش عارف انك هلس وتفكيرك علي كدك كنت شكيت انك متواطئه مع كارم البو ديه..

سريا: وه.. يعني انا غلطانه اني رايده افرفشكو لچل ماتنسوا الهم هبابه..

-ننسي الهم ايه هو مفيش دم خاالص ياااك؟؟ مخطوفين ومرميين في مكان الله وحده العالم احنا فين.. والريس كارم عاد لينتقم .. عايزة ايه اكتر من اكده عشان عجلك الباطن يقتنع اننا في مصيبه..

حازم:  بكفاياك انت وهي عااد ااحنا في ايه ولا في اي.. لازم نفكرو في طريجه نخرج بيها من اهنه.. وبدال منتوا عاملين كيف الجط والفار اكده فكروا في حل..

ساميه قالت بعدوء وحزن: انا عندي الحل...

كلهم قالو:اي هوو..

_كارم مش هيخرچنا من اهنه الا اذا عرف اننا فسخنا الخطوبه و...

قاطعها حازم وقال بغضب: ده علي چثتي انه يوحصل.. بجي انا بعد ما اخيرا ابوكي وافج.وخطبتك اجوم اسيبك؟؟ دنا ابجا حمار وطور...

سريا: ومعندوش شعور كماان..

جاسر: يرب صبرني.. اقسم بالله انا لو مش متكتف لكنت موتك بايدي في التو والحال.. دنتي حلال فيكي الوأد يشيخه...

سريا: وأد ومكتوب ههههخخخهه

جاسر غمض عنيه وهو بيستغفر وهي قالت: في اي يچماعه متبجوش رخمين اكده واعملوا زي ما سقراط جاال..

جاسر: و ده شكل واحده تعرف سقراط بردو؟

_مش هرد عليك يا منفسن، يا حقود، يا عدو النجاح وهادم الامال، يا....

=خلااااص خلاص يا مچمع اللغه العربيه خلاص، مجولتلناش يعني سي سقراط جال اي؟

_جال لو مجدرتش تهرب م العصابه اللي خاطفاك يوبجا علي الاجل استمتع بالخطف...

جاسر: بجا سقراط بچلالة جدره جال اكده؟! ده سقراط ابن خالتك ديه مش سقراط الفيلسوف..

سريا: بخاطره بجاا اهو الاشي زي الشفتشي..

وسكتت شوية وقالت: بس انا چعانه... وانا لما بچوع بفقد السيطرة علي اعصابي.. ولو فقدت السيطرة على اعصابي محدش يلومني انا بجول لكم اهو..

ولاول مرة يتفق معاها علي حاجه فقال: ومين سمعك انا كمان چنازير بطني بتزجزج ..علي لحم بطني من امبارح.. كان يوم مش فايت لما جولت هوصلكو..

حازم سمعه وقال: كفاياك ندب كيف الحريم عااد، منتا لو كنت دخلت الچيش كنت اتعلمت المرچله وتحمل المسؤولية عن اكده...

سريا: وه.. هو انت متخلف يااك؟؟

جاسر: اي متخلف دي يا هباب البرك انتي ماتلزمي حدودك..

_لااه مجصدش متخلف اللي فهمتها.. اجصد متخلف عن الخدمه العسكريه يعني...

وقاطع كلامهم اصوات عاليه جدا بره.. زعيق وخناق واخرهم كان ضرب ناااار. !!!!

ساميه وسريا كانو منهارين وجاسر وحازم بيحاولوا يهدوهم مع انهم من جواهم كانو مرعوبين هما كمان..

سريا: يا مرك يا سريا يا مرك... يا حسرتك علي شبابك اللي هيروح بعيار طايش..

ساميه صرخت فيها: اهدي بجا يا سريا احنا مش ناجصين توتر و حرجة اعصاب ..

الباب اتفتح ودخل كارم ومعاه اربعه ملثمين من اللي خطفوهم وقالهم: غمو عينين البنات وهاتوهم الاربعه علي العربيه المصفحه.. المكان اهنه مبجاش امان..

سريا: محدش يجرب مني.. اللي هيجرب مني هتف في وشه..

جاسر:تتفي في وشه؟! بجا ده اخرك في المقاومه..

كارم: من غير رط كتير انت وهي.. اتحركو يلا والا هطربجها فوج نافوخكم انتوا الاربعه...

اتكلمت ساميه وقالت بصوت عاالي: اسمع يا كارم.. تهملنا نمشو و انفذلك كل شروطك..

كارم: كلها كلها؟ طب مش تعرفي اي هي شروطي لاول؟! متهيألي شروطي واعره ومتجدريش عليها..

حازم: حديتك معايا اني يا كارم مش مع الحريم.. اتكلم واني سامعك..

كارم:بس هي الوحيده اللي في ايديها تنفيذ شروطي، يوبجا حديتي معاها هي يا حازم افندي..

وبص لساميه وقال: لچل ما افوتكو تعاودو.. او بالمعني الاصح افوتهم هما يعاودو، تاچي معايا حالا اكتب كتابي عليكي عند الماذون..

ساميه اتصدمت وسريا زغرطت وحازم قال: ايه؟! ايه الخبل اللي عتجولو ده يا ولد المركوب انت.. تكتب كتابك علي مين؟ انت مفكر نفسك هتجدر تسيطر عليها اكده يعني؟!

ساميه: انا موافقه.. سيبهم يروحو ولما اطمن انهم رجعو بسلام نوبجا نكتب الكتاب..

ضحك كارم بشر وقال: ههه.. مساهلاشي انتي يا سماسم.. بجي عايزاني اسيبهم يعاودوا عشان يروحوا يبلغوا اهلك والبوليس وييجو ينقذوكي.. لااه الحديت ديه ميمشيش معايه.. احنا نكتبو كتابنا الاول وبعدين اسيبهم يعاودوا و فوجيهم بوسه كمان.

حازم وقف قدام ساميه وقالها : اكيد انتي مموفجاشي علي الحديت ديه مش اكده؟!

ساميه بصت في الارض وهو اتجن: ردي .. ساكته ليه؟! انتي هتمشي معاه صوح؟؟.. انتي مش مجبوره تعملي اكده.. لو جعدنا اهنه مهما جعدنا هنرچع....

ساميه بصتله وعينيها كلها دموع وكانها بتودعه وقالت: كارم شراني يا حازم و معيرجعشي عن اللي في دماغه وااصل.. لو معملتش كيف مهو رايد هيسيبنا اهنه لما نموت ونتحلل وريحتنا تطلع كمان.. مفيش جدامنا حل غير اكده .

حازم: كل ده مش مهم.. انا راضي اموت عشانك بس متسيبينيش.. متبعديش عني وتهمليني.يا حبة الجلب...

كارم: هاا هتجضوها غراميات ولا ننجز ونختصر الوجت..

ساميه قالت: انا موافجه وهاجي معاك...

ومشت ساميه مع كارم وهي بتبكي وحازم واختها كمان كانو بيبكو عليها وفجاه سمعو اصوات عربيات بتحاوط المكان كله....