البارت الثاني
البارت الثاني
آدم بص للراجل و قاله : هو حضرتك بتكلمنا احنا ولا بتكلم حد تاني ..
جارهم : ايوة بكلمك انت بقولك اوعي تاخد الشقه دي اوعي تفكر انك تقعد فيها انت و اهلك ..
سارة شدت ادم من ايده و قالتله يلا نمشي من هنا ..
نزلوا علي تحت والراجل دخل شقته و قفل الباب ..
ادم : هو ايه الي بيحصل بالظبط والراجل ده بيتكلم معانا كده ليه انا كده مش متطمن ..
ساره : مش عارفه والله يا ادم جايز يكون مجنون او في حاجه في الشقه دي بس هيكون في ايه يعني لا الراجل ده طريقه كلامه مش طبيعيه خالص انا مش مرتحاله الشقه جميلة جدا وعجبتني اوي انا بصراحه عاوزه افتح عيني و اغمض الاقي نفسي في الشقه دي ..
ادم : طيب و كلام الراجل ده هنعمل فيه ايه انا حاسس ان فيه حاجه احنا منعرفهاش .. مش لما نسأل عالشقه الاول ساعتها نقرر ناخدها ولا لا ..
سارة : نسأل علي ايه يا ادم هي عروسه هتروح تسأل عليها في المكان دي شقه والراجل ده كلامه لا يعقل خالص .. سيبك منه دلوقتي احنا عاوزين نجمع فلوس النقل وبعدين الشقه كبيرة هنحتاج نجيب فيها عفش تاني ولا انت ايه رأيك ..
ادم : ايوة طبعا كلامك صح احنا ندفع تمن الشقه بس وبعد كده نبقي نجيب الحاجات دي علي مهلنا المهم اننا لاقينا شقه مناسبه واهم حاجه عندي انها عاجباكي ..
سارة : ايوة والله يا ادم عجباني جدا متتصورش انا كنت بحلم بالشقه دي ازاي اوعي تكون زعلان مني من الايام الي فاتت دي انا فعلا كنت تعبانه جدا ومش عارفه اعيش حياتي طبيعيه ..
ادم : انا عمري ما ازعل منك يا ساره انتي مش عارفه انا بحبك اد ايه فاكرة ايام زمان لما كنا في الجامعه وكنت كل يوم في المحاضرة بقعد باصصلك وانتي مكنتيش واخده بالك مني خالص ..
سارة : كنت ببقي واخده بالي بس ببقي عاملة نفسي مش شايفه وبعدين بقي يا ادم ماحنا اتجوزنا خلاص وبقي معانا احلي مي و مروان عاوز ايه تاني ..
ادم : انا مش عاوز حاجه من الدنيا غير انك تكوني مبسوطه في حياتك و سعيده عشان طول مانتي مبسوطه انا فرحان و مبسوط ..
سارة : انا النهارده اسعد انسانه في الدنيا .. هروح انا اجيب الولاد من عند ماما و بعد كده اروح عالبيت انت روح ارتاح لأن شكلك تعبان جدا الاحسن انك تروح تنام عشان ترتاح شويه قبل ما الولاد يجو البيت ويعملولك إزعاج ..
ادم : يعني متأكده انك مش عوزاني اجي معاكي انا مقدرش اسيبك ماشيه كده لوحدك احسن حد يضايقك ..
سارة : متقلقش عليا خالص هروح اجيب الولاد و اجي علي طول ..
ادم ساب سارة و راح ركب اتوبيس عشان يروح عالبيت و هو راكب الاتوبيس و باصص من الشباك والهوا بيضرب في وشه قعد يفكر يا ترا الراجل الي كان في العمارة ده كان بيقول كده ليه و يا ترا هو يقصد حاجه بالكلام ده ولا هو فعلا مجنون زي ما سارة قالتله فجأه بيبص جمبه لقي نفس الراجل قاعد جنبه فالكرسي ..
ادم : انت تاني .. انت جيت منين دلوقتي ..
_ ايوة انا تاني وتالت و عاشر بقولك ابعد .. متجيش الشقه دي انت هتخسر كتير بمجرد ما تدخل الشقه دي كل حاجه هتدمر ..
ادم : انا بجد مش فاهم هو انت عاوز ايه مني بالظبط مش عارف .. من ساعه ما عرفت اني هاخد الشقه دي وانت عاوز تمشيني منها لو كان عينك عليعا قولي وانا اسيبهالك بس متمشنيش بالطريقه دي ..
_ انت برضوا مش فاهم كلامي بقولك امشي متجيش تاني اللعنه هتصيبك .. فجأه الراجل عينه اتحولت للون الاحمر و كانت بتنزف دم .. ادم اتخض من المنظر و بقي يكلم الناس الي راكبين معاه في الاتوبيس ويشاورلهم علي الراجل لكن محدش كان منتبهله ولا سامعه خالص .. و كأنه هواء معدي من جنبهم قعد يتكلم بصوت عالي جدا ومفيش اي حد سامعه ..
فجأه لقي حد بيقوله : يا استاذ يا استاذ هو حضرتك نازل فين احنا وصلنا ل اخر محطه .. قام مفزوع و قاله : هو احنا فين انا نايم بقالي كتير اوي لدرجه ان المحطه بتاعتي فاتت بقالها ساعه وانا مش واخد بالي .. انا اسف غلبني النوم و يارتني مانمت ..
_ معلش . انا متابعك من اول ما ركبت شكلك تعبان جدا فعلا الله يكون في عونك .. اكيد وراك مسؤليات زينا كلنا ..
ادم : شكرا ليك .. يا دوب الحق اركب و اروح تاني عالبيت .. نزل ادم من الاتوبيس وراح عالي المحطه الي راجعه و ركب اتوبيس تاني .. كان حاسس بصداع رهيب لأنه نام ومكنش حاسس بنفسه ولا عارف هو نام ازاي .. اول مرة يحصله كده .. والحلم الي حلمه قعد يفتكر فيه و يقول في نفسه : ايه حكايه الراجل .. اكيد وراه سر كبير عشان كده ظهرلي في احلامي انا لازم اروح اتكلم معاه واعرف فيه ايه بالظبط .. وصل علي البيت و كانت سارة هناك هي والولاد .. اول ما شافوه جريوا عليه ..
_ بابي .. وحشتنا اوي جبتلنا ايه معاك ..
ادم : يا حبايب قلبي جبتلكم الشيكولاته الي انتم بتحبوها يلا خدوها و ادخلوا الاوضه بتاعتكم ..
سارة خرجت من المطبخ علي صوت ادم ..
سارة : انت كنت فين كل ده يا ادم يعني انا رحت عشان اجيب الولاد قولت تروح تنام الشويه دول وتريح نفسك اجي ملاقيكش في البيت .. خرجت رحت فين بقي ..
ادم : دايما ظلماني كده انا مخرجتش ولا رحت في حته كل الحكاية اني نمت في الاتوبيس وانا مش حاسس بنفسي ولا دريان ووصلت ل اخر محطه و ركبت و رجعت تاني ..
سارة : ازاي يا ادم دانت مستحيل تنام في مواصلات ..
ادم : والله يا سارة هو كان يوم غريب النهارده انا مش عارف ايه الي بيحصلي ده .. الراجل الي شوفناه النهارده مبيروحش من بالي والكلام بتاعه عمال يودي و يجيب في دماغي و في نفس الوقت مش عاوز ازعلك واقولك بلاش الشقه دي عشان مش مرتحلها ..
سارة : يعني ايه مش مرتاحلها .. دي مجرد شقه يعني هتتعود عليها و خلاص .. شيل كلام الراجل ده من دماغك يا ادم و سيبني فرحانه بالشقه ابوس رجلك متقفلش الموضوع في وشنا احنا مصدقنا لقينا شقه مناسبه .. وصاحبتها ست زوق جدا و خفضتلنا تاني في سعرها يعني مش هنضطر نستلف من حد .. انا لما حكيت لي ماما فرحت جدا وقالتلي شقه بالمواصفات دي تبقي كويسه جدا ..
ادم : عندك حق فعلا يا سارة انا مش لازم احط كلام الراجل ده في دماغي خالص خلاص يا سارة انا هدخل دلوقتي اشوف الفلوس الي معايا و اجمعها عشان بعد بكرة نكتب العقد و نبدأ ننقل للشقه الجديده ..
دخل آدم جوة الاوضه و طلع كل الفلوس الي بقاله سنين بيحوش فيها و بدأ يعد الفلوس وحطهم في ظرف وحطهم جنب السرير وبدأ يفكر ويقول ياترا الخطوة الي هاخدها دي صح ولا غلط .. وهو قاعد يفكر جاتله رساله علي الواتس من صاحبة الشقه ..
هاله : يا ترا حضرتك هتاخد الشقه تمام ولا في كلام تاني لانك مأكدتش عليا ..
ادم بص علي الرساله وقعد يقول في نفسه يا ترا ارد اقولها ايه انا خايف ارفض سارة تضايق خصوصا ان الشقه عجباها .. و لو قبلت هفضل مش مرتاح بعد كلام الراجل ده .. قعد يفكر كتير و لسه بيفتح الرساله لقي ..
يتبع
آدم بص للراجل و قاله : هو حضرتك بتكلمنا احنا ولا بتكلم حد تاني ..
جارهم : ايوة بكلمك انت بقولك اوعي تاخد الشقه دي اوعي تفكر انك تقعد فيها انت و اهلك ..
سارة شدت ادم من ايده و قالتله يلا نمشي من هنا ..
نزلوا علي تحت والراجل دخل شقته و قفل الباب ..
ادم : هو ايه الي بيحصل بالظبط والراجل ده بيتكلم معانا كده ليه انا كده مش متطمن ..
ساره : مش عارفه والله يا ادم جايز يكون مجنون او في حاجه في الشقه دي بس هيكون في ايه يعني لا الراجل ده طريقه كلامه مش طبيعيه خالص انا مش مرتحاله الشقه جميلة جدا وعجبتني اوي انا بصراحه عاوزه افتح عيني و اغمض الاقي نفسي في الشقه دي ..
ادم : طيب و كلام الراجل ده هنعمل فيه ايه انا حاسس ان فيه حاجه احنا منعرفهاش .. مش لما نسأل عالشقه الاول ساعتها نقرر ناخدها ولا لا ..
سارة : نسأل علي ايه يا ادم هي عروسه هتروح تسأل عليها في المكان دي شقه والراجل ده كلامه لا يعقل خالص .. سيبك منه دلوقتي احنا عاوزين نجمع فلوس النقل وبعدين الشقه كبيرة هنحتاج نجيب فيها عفش تاني ولا انت ايه رأيك ..
ادم : ايوة طبعا كلامك صح احنا ندفع تمن الشقه بس وبعد كده نبقي نجيب الحاجات دي علي مهلنا المهم اننا لاقينا شقه مناسبه واهم حاجه عندي انها عاجباكي ..
سارة : ايوة والله يا ادم عجباني جدا متتصورش انا كنت بحلم بالشقه دي ازاي اوعي تكون زعلان مني من الايام الي فاتت دي انا فعلا كنت تعبانه جدا ومش عارفه اعيش حياتي طبيعيه ..
ادم : انا عمري ما ازعل منك يا ساره انتي مش عارفه انا بحبك اد ايه فاكرة ايام زمان لما كنا في الجامعه وكنت كل يوم في المحاضرة بقعد باصصلك وانتي مكنتيش واخده بالك مني خالص ..
سارة : كنت ببقي واخده بالي بس ببقي عاملة نفسي مش شايفه وبعدين بقي يا ادم ماحنا اتجوزنا خلاص وبقي معانا احلي مي و مروان عاوز ايه تاني ..
ادم : انا مش عاوز حاجه من الدنيا غير انك تكوني مبسوطه في حياتك و سعيده عشان طول مانتي مبسوطه انا فرحان و مبسوط ..
سارة : انا النهارده اسعد انسانه في الدنيا .. هروح انا اجيب الولاد من عند ماما و بعد كده اروح عالبيت انت روح ارتاح لأن شكلك تعبان جدا الاحسن انك تروح تنام عشان ترتاح شويه قبل ما الولاد يجو البيت ويعملولك إزعاج ..
ادم : يعني متأكده انك مش عوزاني اجي معاكي انا مقدرش اسيبك ماشيه كده لوحدك احسن حد يضايقك ..
سارة : متقلقش عليا خالص هروح اجيب الولاد و اجي علي طول ..
ادم ساب سارة و راح ركب اتوبيس عشان يروح عالبيت و هو راكب الاتوبيس و باصص من الشباك والهوا بيضرب في وشه قعد يفكر يا ترا الراجل الي كان في العمارة ده كان بيقول كده ليه و يا ترا هو يقصد حاجه بالكلام ده ولا هو فعلا مجنون زي ما سارة قالتله فجأه بيبص جمبه لقي نفس الراجل قاعد جنبه فالكرسي ..
ادم : انت تاني .. انت جيت منين دلوقتي ..
_ ايوة انا تاني وتالت و عاشر بقولك ابعد .. متجيش الشقه دي انت هتخسر كتير بمجرد ما تدخل الشقه دي كل حاجه هتدمر ..
ادم : انا بجد مش فاهم هو انت عاوز ايه مني بالظبط مش عارف .. من ساعه ما عرفت اني هاخد الشقه دي وانت عاوز تمشيني منها لو كان عينك عليعا قولي وانا اسيبهالك بس متمشنيش بالطريقه دي ..
_ انت برضوا مش فاهم كلامي بقولك امشي متجيش تاني اللعنه هتصيبك .. فجأه الراجل عينه اتحولت للون الاحمر و كانت بتنزف دم .. ادم اتخض من المنظر و بقي يكلم الناس الي راكبين معاه في الاتوبيس ويشاورلهم علي الراجل لكن محدش كان منتبهله ولا سامعه خالص .. و كأنه هواء معدي من جنبهم قعد يتكلم بصوت عالي جدا ومفيش اي حد سامعه ..
فجأه لقي حد بيقوله : يا استاذ يا استاذ هو حضرتك نازل فين احنا وصلنا ل اخر محطه .. قام مفزوع و قاله : هو احنا فين انا نايم بقالي كتير اوي لدرجه ان المحطه بتاعتي فاتت بقالها ساعه وانا مش واخد بالي .. انا اسف غلبني النوم و يارتني مانمت ..
_ معلش . انا متابعك من اول ما ركبت شكلك تعبان جدا فعلا الله يكون في عونك .. اكيد وراك مسؤليات زينا كلنا ..
ادم : شكرا ليك .. يا دوب الحق اركب و اروح تاني عالبيت .. نزل ادم من الاتوبيس وراح عالي المحطه الي راجعه و ركب اتوبيس تاني .. كان حاسس بصداع رهيب لأنه نام ومكنش حاسس بنفسه ولا عارف هو نام ازاي .. اول مرة يحصله كده .. والحلم الي حلمه قعد يفتكر فيه و يقول في نفسه : ايه حكايه الراجل .. اكيد وراه سر كبير عشان كده ظهرلي في احلامي انا لازم اروح اتكلم معاه واعرف فيه ايه بالظبط .. وصل علي البيت و كانت سارة هناك هي والولاد .. اول ما شافوه جريوا عليه ..
_ بابي .. وحشتنا اوي جبتلنا ايه معاك ..
ادم : يا حبايب قلبي جبتلكم الشيكولاته الي انتم بتحبوها يلا خدوها و ادخلوا الاوضه بتاعتكم ..
سارة خرجت من المطبخ علي صوت ادم ..
سارة : انت كنت فين كل ده يا ادم يعني انا رحت عشان اجيب الولاد قولت تروح تنام الشويه دول وتريح نفسك اجي ملاقيكش في البيت .. خرجت رحت فين بقي ..
ادم : دايما ظلماني كده انا مخرجتش ولا رحت في حته كل الحكاية اني نمت في الاتوبيس وانا مش حاسس بنفسي ولا دريان ووصلت ل اخر محطه و ركبت و رجعت تاني ..
سارة : ازاي يا ادم دانت مستحيل تنام في مواصلات ..
ادم : والله يا سارة هو كان يوم غريب النهارده انا مش عارف ايه الي بيحصلي ده .. الراجل الي شوفناه النهارده مبيروحش من بالي والكلام بتاعه عمال يودي و يجيب في دماغي و في نفس الوقت مش عاوز ازعلك واقولك بلاش الشقه دي عشان مش مرتحلها ..
سارة : يعني ايه مش مرتاحلها .. دي مجرد شقه يعني هتتعود عليها و خلاص .. شيل كلام الراجل ده من دماغك يا ادم و سيبني فرحانه بالشقه ابوس رجلك متقفلش الموضوع في وشنا احنا مصدقنا لقينا شقه مناسبه .. وصاحبتها ست زوق جدا و خفضتلنا تاني في سعرها يعني مش هنضطر نستلف من حد .. انا لما حكيت لي ماما فرحت جدا وقالتلي شقه بالمواصفات دي تبقي كويسه جدا ..
ادم : عندك حق فعلا يا سارة انا مش لازم احط كلام الراجل ده في دماغي خالص خلاص يا سارة انا هدخل دلوقتي اشوف الفلوس الي معايا و اجمعها عشان بعد بكرة نكتب العقد و نبدأ ننقل للشقه الجديده ..
دخل آدم جوة الاوضه و طلع كل الفلوس الي بقاله سنين بيحوش فيها و بدأ يعد الفلوس وحطهم في ظرف وحطهم جنب السرير وبدأ يفكر ويقول ياترا الخطوة الي هاخدها دي صح ولا غلط .. وهو قاعد يفكر جاتله رساله علي الواتس من صاحبة الشقه ..
هاله : يا ترا حضرتك هتاخد الشقه تمام ولا في كلام تاني لانك مأكدتش عليا ..
ادم بص علي الرساله وقعد يقول في نفسه يا ترا ارد اقولها ايه انا خايف ارفض سارة تضايق خصوصا ان الشقه عجباها .. و لو قبلت هفضل مش مرتاح بعد كلام الراجل ده .. قعد يفكر كتير و لسه بيفتح الرساله لقي ..
يتبع