الفصل الثالث
لحد ما انتبهت نوران ان الدنيا بدات تضلم ومسكت ايديها وبصت في الساعه
نوران: يا لهوي انا اتأخرت ..هتطرد بسببك
ادم: لا ما تخافيش محدش هيقدر يطردك طول ما انا موجود لو حد ضايقك قوليلي وانا هتصرف
نوران: اصلا لو اطردت هاجي اقفلك هنا لحد ما تشغلني
ادم: لو هتيجي هنا يبقي هخليهم يطردوكي من دلوقتي
نوران: لا يا ادم ارجوك انا محتاجه شغلي ده
ادم: وانا قلتلك متخافيش انا هكلمهم ادم ...ممكن اطلب منك طلب؟
نوران : طبعا انت بستأذن علشان تطلب!
ادم: مش شرط نطلب اكل علشان تيجي ..تعالي في الوقت اللي يناسبك .مش محتاجه سبب
نوران قلبها دق بسرعه وفرحت بطريقه غريبه مش عارفه ليه
ادم : لو ده هيضايقك خلاص اعتبري نفسك ماسمعتيش حاجه
نوران: لا يضايقني ايه ..هاجي بس اخر النهار بعد ما اخلص شغلي
ادم: وانا هكون في انتظارك
مشيت نوران ببقشيش كبير للمحل وفعلا والدته اتصلت وقالت انها السبب في التأخير وفعلا محدش ضايق نوران ابدا في المحل
نوران كانت فرحانه جدا بس في نفس الوقت كانت خايفه او مرعوبه مرعوبه انها تكون عايشه في وهم كبير ولازم هتفوق منه في يوم..هو ينفع واحد زيه في مستواه يحب واحده بتبيع خضار في محل ؟؟لا اكيد بيسلي وقته مش اكتر ...طيب ابعد عنه؟ لألألأ
مش ممكن ابدا ابعد ده بيستني اللحظه اللي هيشوفني فيها .
فضلت في الشغل بعد اللحظات علشان اخلص مع اني قبل كده كنت مش بحب ابدا اروح وكنت بفضل علي قد ما أقدر في الشغل لكن النهارده هشوفه .. واخيرا هروحله
ادم كمان طول اليوم ماسك ساعته وبيحسس عليها وحاسس انها واقفه او فيها حاجه فبينادي علي حد من الخدم ويسألهم الساعه كام
فضل يفكر مع نفسه: انا ليه ملهوف عليها كده؟ وليه عايزها تفضل جنبي باي تمن واي شكل ؟ليه باتمني احبسها معايا وماسبهاش تمشي ابدا بعيد عني ..ده لسه عارفها من كام يوم...
هو ممكن اكون ب....؟لا لا مش ممكن يكون ده حب ..هو بس انا برتاح ليها ومحتاجلها في وحدتي ...لألأ اشمعني يعني هيا؟ ماهو سبق ورفضت كل محاولات اصحابه انهم يفضلو جنبه ورفض بنات كتير قبلها ..لا بس نوران مختلفه فيها حاجه مختلفه ..صريحه طبيعيه قريبه قوي من قلبي ..لا فوق يا ادم ..نوران شكلها بنت جميله ورقيقه ومرحه ممكن تبص لواحد اعمي ؟؟لا مش ممكن ..لازم افوق من الوهم ده ..هيا بتشفق عليك مش اكتر وبتتعامل معاك عادي مش لازم تتهور كده في مشاعرك ..
كفايه تفكير خلي الايام تبين ايه اللي هيحصل اهم حاجه حافظ علي قلبك بعيد.... عن أي مشاكل انتا مش ناقص
خلص اليوم واخيرا هتيجي...قلبه بيدق بطريقه غريبه اخيرا جرس الباب
نوران: مساء الخير ..اتأخرت عليك
ادم: لا ما اتأخرتيش
قال جواه( انتي بس موتنيني من الانتظار)
ادم: هو انتي بتشتغلي طول النهار كده؟
نوران: اه واول ما خلصت جيت علي طول ...ياه يا ادم الغروب تحفه اه لو تشوفه!!
ادم كشر وزعل كده واتوتر ..هيا لاحظت ده بس خلاص الكلمه طلعت فحاولت تغير الموضوع
نوران: ما تيجي نتمشي شويه علي البحر
ادم: لا معلش مش بحب التمشيه خلينا قاعدين احسن
نوران : براحتك..ايلا قولي هو انت ازاي بقيت اعمي
ادم اتوتر ومردش
نوران : لو مش عايز تتكلم براحتك
ادم: لا عادي... في يوم كنت مروح بالليل وكان في واحده ماشيه ومعاها عيلين وفجأه واحد منهم ساب ايديها وجري قدام عربيتي فحاولت افاديه فالعربيه خرجت عن الطريق وبقيت في المعاكس وجت عربيه كبيره ومعرفتش تفاديني وعربيتي اتقلبت
الاحداث كلها فاكرها قدامي زي ما تكون حصلت امبارح لدرجه لسه سامع صوت العربيه لما خبطت فيا وسامع صوت الست وهيا بتصرخ علشان ابنها ..كانت لحظات.. كل حاجه حصلت بسرعه صريخ فرامل خبط وبعد كده هدوء كامل او صمت
بس يا سيتي فضلت فتره في غيبوبه ولما فقت كل حاجه كانت ظلمه وعملت عمليات كتير قوي ادخل عمليه واخرج وادخل تاني لحد ما اكتفيت وتعبت فسيبت الدنيا كلها وجيت هنا
نوران: قصدك حبست نفسك هنا
ادم: مش فارقه كتير انتي نفسك قولتيها مافتنيش كتير
نوران: لا ده ماكنش قصدي ..مافتكش كتير تشوفه بس بيفوتك كتير تعيشه
ادم: ايه اللي بيفوتني؟؟
نوران: دي مش نهايه الكون اخرج للدنيا
ادم: غيري الموضوع يا نوران لو سمحتي
نوران : طيب اخر سؤال ...هو مفيش امل انك تشوف تاني
ادم: الدكاتره ما بيحبوش يفقدوا الامل طول ما انت راقد بين ايديهم ..انا تعبت يا نوران من امل وينتهي.. وامل وينتهي.. كفايه بقي كل عمليه بيكون في امل واخرج منها وفتره النقاهه بتكون دمار وصداع مش بينتهي وادويه وتتصدم بفشلهم ويظهرلك دكتور جديد عايز يجرب حاجه جديده فضلت تلات سنين سايبهم يشرحوا في دماغي بس كفايه بقي........
كلمه تانيه في الموضوع ده هسيبك واقوم
قفلت نوران الموضوع وخرجته من حاله الكأبه اللي دخلته فيها
عدي كام يوم ونوران بتخلص شغلها وتجييله تقعد معاه ساعتين وتروح وبيقربوا اكتر من بعض لدرجه انها لو اتأخرت دقيقه بتفرق معاه... وكريمه طبعا فرحانه بابنها اللي رجع لطبيعته بيضحك ويهزر مع الخدم ومعاها وبيتكلم ويدردش معاها
نوران كل يوم بتحاول تخرج ادم بره البلكونه بس هو بيرفض
بس هيا اكتفت من رفضه وقررت انها لازم تخرجه
نوران: اخبار الجميل ايه النهارده
ادم: كويس بس سيادتك متأخره ليه
نوران: دول 5 دقايق بس
ادم: ما انا قلتلك سيبي الشغل وانا ..
نوران قاطعته: وانت ايه..هاه هتديني تمن قعدتي معاك
ادم: لا مش قصدي كده ..بس مش عايزك تتعبي كده
نوران: انا متعوده علي الشغل سيبك انت ..علي فكره الشمس خفيفه قوي
ادم: يعني ايه؟
نوران : اقلع النظاره
ادم: لا معلش خليها
نوران قربت عليه وفجأه شدت النظاره من وشه
ادم: ايه ده؟ نوران مش بحب الهزار ده ..لو سمحتي هاتي النظاره
آدم مش بيحب حد يشوف عنيه ابدا ..هو حاسس انهم شكلهم مشوه بس ده كان احساس جواه بس
نوران: لو عايزها تعال خدها انا اهوه قدامك
ادم: نوران بلاش هزار هاتيها
مد ايده ليها فلمست ايده وشدت ايدها بسرعه
نوران: تعال خدها بنفسك
ادم قام ومشي وري صوتها وهيا بتتكلم وبتبعد كل مايقرب منها بس مش كتير علشان تلحقه لو وقع...نزلت السلالم وهيا خايفه ليوقع في كل خطوه وقلبها بيدق بسرعه
ادم: نوران هاتي النظاره كفايه كده
نوران: لا مش هجيبها قرب ..اهوه خلاص قربت توصلي ..خلي بالك من السلم
ادم نزل السلالم براحه ومشي وري صوتها وهو خايف يقع في كل خطوه وبيفكر يقف بس مش عايز يكون عاجز للدرجه دي قدامها..فضلت نوران ترجع لورا شويه شويه لحد ما وصلت للبحر
اتفاجأ ادم لما حس بميه البحر في رجليه والموج بيروح ويجي
وقف زي التمثال ساكت مش بيتكلم ولا يتحرك
نوران قلبها بيدق مش عارفه رد فعله ايه..قربت منه ومسكت ايديه الاتنين بايديها
نوران: مش معني انك اعمي انك تحرم نفسك من كل اللي حواليك
اد ايه الميه جميله وناعمه والهوا يرد الروح دول ما بيحتاجوش لعنيين علشان تحس بيهم
ادم كان رده ضغطه علي ايديها بس فضل واقف ومش عارف يتكلم ولا ينطق
نوران : نظارتك اهيه (لبسته النظاره ) لو متضايق انا اسفه
ادم : لا يا نوران مش متضايق ..
شدته نوران علشان يتمشوا علي شط البحر والميه رايحه جايه بين رجليهم ..كانت هيا عكازه وعنيه في نفس الوقت وهو مستسلم ليها تماما .كانوا ماشين في صمت بس كان ابلغ من اي كلام
الوقت بقي ليل والشمس غابت تماما
نوران : الوقت بقي ليل وانا اتأخرت قوي ولازم اروح
ادم: هو الوقت بيعدي بسرعه ليه وانتي معايا
نوران : هجيلك بكره ان شاء الله..وهحاول اجي بدري
ادم ضغط علي ايديها قبل ما يسيبها
ادهم: ما تتأخريش عليا هستناكي من دلوقتي
نوران : مش هتأخر
رجعته نوران البيت وروحت وهيا حاسه بضيق جامد وحاسه انها عايزه تعيط ..هتعمل ايه لما خلاص يمل منها ؟؟؟ده كان اهم سؤال عندها !!طول عمرها عامله حدود وعارفه انها مش من نوعيه الناس اللي ينفع تحب..الحب ليه ناسه وهيا مش منهم ....بس انا مش بحبه حبيته امتي اصلا؟؟؟ لا فعلا انا مش بحبه انا بعشقه انا عديت الحب من زمان قوي ... انا هفضل احبه ويوم ما يزهق او يمل هيكون عندي احلي ذكريات اعيش عليها وكفايه عليا اني اسعدته في يوم من الايام
ادم كمان مش عارف ايه اللي بيحصله ده ..من امتي هو بيحب؟؟طول عمر البنات بتترمي تحت رجليه وعمره ما واحده شدت حتي انتباهه ويوم ما يبقي اعمي يحب...انا لازم اخليها تفضل جنبي ..بس هيا ازاي هتقبل بواحد اعمي ..ازاي تسجن نفسها مع واحد زيي..اهو هجرب ..هيعمل كل اللي يقدر عليه علشان يخليها جنبه هيحاول يعوضها عن عماه ..هيعمل اي حاجه علشان يسعدها ..هيستغل كل لحظه بيقضيها معاها علشان يخليها مبسوطه
بعد كام يوم نزل ادم من اوضته وسمع صوت مع امه واتفاجأ لما عرف مين اللي جاي يشوفه
ادهم: ايه ده؟؟ انا مش مصدق وداني.... اشرف ابن عمي عندنا يا مرحبا ..ايه اللي فكرك بينا دلوقتي
اشرف: انا الحمد لله كويس ...المفروض تسلم الاول يا ابن عمي وبعدين لو انا لسه فاكر انت اللي مانع الزياره عنك
ادم: ما علينا ازيك ايه اخبارك وعامل ايه والشغل اخباره ايه؟؟
اشرف: كله تمام كأنك موجود وزياده ما تقلقش علي حاجه
اشرف ابن عم ادم عايش معاهم في نفس البيت تقريبا طول عمره من ساعه ما ابوه وامه اتوفوا في حادثه وهو معاهم وبيعتبر كريمه امه وبيحبها جدا بس ديما بيغير من ادم علشان كده بيدخل نفس مجالاته وبيقلده علي طول وشايف نفسه ديما رقم 2 بعد ادهم
ابو آدم وابو اشرف كانوا اخوات بس ابو ادم الاكبر علشان كده هو الوريث لكل حاجه واخوه مساعد ونفس الحال كان مع آدم واشرف ادم كان الرئيس واشرف كان مساعده ..او دي كانت نظره حمدي للامور كلها
نوران: يا لهوي انا اتأخرت ..هتطرد بسببك
ادم: لا ما تخافيش محدش هيقدر يطردك طول ما انا موجود لو حد ضايقك قوليلي وانا هتصرف
نوران: اصلا لو اطردت هاجي اقفلك هنا لحد ما تشغلني
ادم: لو هتيجي هنا يبقي هخليهم يطردوكي من دلوقتي
نوران: لا يا ادم ارجوك انا محتاجه شغلي ده
ادم: وانا قلتلك متخافيش انا هكلمهم ادم ...ممكن اطلب منك طلب؟
نوران : طبعا انت بستأذن علشان تطلب!
ادم: مش شرط نطلب اكل علشان تيجي ..تعالي في الوقت اللي يناسبك .مش محتاجه سبب
نوران قلبها دق بسرعه وفرحت بطريقه غريبه مش عارفه ليه
ادم : لو ده هيضايقك خلاص اعتبري نفسك ماسمعتيش حاجه
نوران: لا يضايقني ايه ..هاجي بس اخر النهار بعد ما اخلص شغلي
ادم: وانا هكون في انتظارك
مشيت نوران ببقشيش كبير للمحل وفعلا والدته اتصلت وقالت انها السبب في التأخير وفعلا محدش ضايق نوران ابدا في المحل
نوران كانت فرحانه جدا بس في نفس الوقت كانت خايفه او مرعوبه مرعوبه انها تكون عايشه في وهم كبير ولازم هتفوق منه في يوم..هو ينفع واحد زيه في مستواه يحب واحده بتبيع خضار في محل ؟؟لا اكيد بيسلي وقته مش اكتر ...طيب ابعد عنه؟ لألألأ
مش ممكن ابدا ابعد ده بيستني اللحظه اللي هيشوفني فيها .
فضلت في الشغل بعد اللحظات علشان اخلص مع اني قبل كده كنت مش بحب ابدا اروح وكنت بفضل علي قد ما أقدر في الشغل لكن النهارده هشوفه .. واخيرا هروحله
ادم كمان طول اليوم ماسك ساعته وبيحسس عليها وحاسس انها واقفه او فيها حاجه فبينادي علي حد من الخدم ويسألهم الساعه كام
فضل يفكر مع نفسه: انا ليه ملهوف عليها كده؟ وليه عايزها تفضل جنبي باي تمن واي شكل ؟ليه باتمني احبسها معايا وماسبهاش تمشي ابدا بعيد عني ..ده لسه عارفها من كام يوم...
هو ممكن اكون ب....؟لا لا مش ممكن يكون ده حب ..هو بس انا برتاح ليها ومحتاجلها في وحدتي ...لألأ اشمعني يعني هيا؟ ماهو سبق ورفضت كل محاولات اصحابه انهم يفضلو جنبه ورفض بنات كتير قبلها ..لا بس نوران مختلفه فيها حاجه مختلفه ..صريحه طبيعيه قريبه قوي من قلبي ..لا فوق يا ادم ..نوران شكلها بنت جميله ورقيقه ومرحه ممكن تبص لواحد اعمي ؟؟لا مش ممكن ..لازم افوق من الوهم ده ..هيا بتشفق عليك مش اكتر وبتتعامل معاك عادي مش لازم تتهور كده في مشاعرك ..
كفايه تفكير خلي الايام تبين ايه اللي هيحصل اهم حاجه حافظ علي قلبك بعيد.... عن أي مشاكل انتا مش ناقص
خلص اليوم واخيرا هتيجي...قلبه بيدق بطريقه غريبه اخيرا جرس الباب
نوران: مساء الخير ..اتأخرت عليك
ادم: لا ما اتأخرتيش
قال جواه( انتي بس موتنيني من الانتظار)
ادم: هو انتي بتشتغلي طول النهار كده؟
نوران: اه واول ما خلصت جيت علي طول ...ياه يا ادم الغروب تحفه اه لو تشوفه!!
ادم كشر وزعل كده واتوتر ..هيا لاحظت ده بس خلاص الكلمه طلعت فحاولت تغير الموضوع
نوران: ما تيجي نتمشي شويه علي البحر
ادم: لا معلش مش بحب التمشيه خلينا قاعدين احسن
نوران : براحتك..ايلا قولي هو انت ازاي بقيت اعمي
ادم اتوتر ومردش
نوران : لو مش عايز تتكلم براحتك
ادم: لا عادي... في يوم كنت مروح بالليل وكان في واحده ماشيه ومعاها عيلين وفجأه واحد منهم ساب ايديها وجري قدام عربيتي فحاولت افاديه فالعربيه خرجت عن الطريق وبقيت في المعاكس وجت عربيه كبيره ومعرفتش تفاديني وعربيتي اتقلبت
الاحداث كلها فاكرها قدامي زي ما تكون حصلت امبارح لدرجه لسه سامع صوت العربيه لما خبطت فيا وسامع صوت الست وهيا بتصرخ علشان ابنها ..كانت لحظات.. كل حاجه حصلت بسرعه صريخ فرامل خبط وبعد كده هدوء كامل او صمت
بس يا سيتي فضلت فتره في غيبوبه ولما فقت كل حاجه كانت ظلمه وعملت عمليات كتير قوي ادخل عمليه واخرج وادخل تاني لحد ما اكتفيت وتعبت فسيبت الدنيا كلها وجيت هنا
نوران: قصدك حبست نفسك هنا
ادم: مش فارقه كتير انتي نفسك قولتيها مافتنيش كتير
نوران: لا ده ماكنش قصدي ..مافتكش كتير تشوفه بس بيفوتك كتير تعيشه
ادم: ايه اللي بيفوتني؟؟
نوران: دي مش نهايه الكون اخرج للدنيا
ادم: غيري الموضوع يا نوران لو سمحتي
نوران : طيب اخر سؤال ...هو مفيش امل انك تشوف تاني
ادم: الدكاتره ما بيحبوش يفقدوا الامل طول ما انت راقد بين ايديهم ..انا تعبت يا نوران من امل وينتهي.. وامل وينتهي.. كفايه بقي كل عمليه بيكون في امل واخرج منها وفتره النقاهه بتكون دمار وصداع مش بينتهي وادويه وتتصدم بفشلهم ويظهرلك دكتور جديد عايز يجرب حاجه جديده فضلت تلات سنين سايبهم يشرحوا في دماغي بس كفايه بقي........
كلمه تانيه في الموضوع ده هسيبك واقوم
قفلت نوران الموضوع وخرجته من حاله الكأبه اللي دخلته فيها
عدي كام يوم ونوران بتخلص شغلها وتجييله تقعد معاه ساعتين وتروح وبيقربوا اكتر من بعض لدرجه انها لو اتأخرت دقيقه بتفرق معاه... وكريمه طبعا فرحانه بابنها اللي رجع لطبيعته بيضحك ويهزر مع الخدم ومعاها وبيتكلم ويدردش معاها
نوران كل يوم بتحاول تخرج ادم بره البلكونه بس هو بيرفض
بس هيا اكتفت من رفضه وقررت انها لازم تخرجه
نوران: اخبار الجميل ايه النهارده
ادم: كويس بس سيادتك متأخره ليه
نوران: دول 5 دقايق بس
ادم: ما انا قلتلك سيبي الشغل وانا ..
نوران قاطعته: وانت ايه..هاه هتديني تمن قعدتي معاك
ادم: لا مش قصدي كده ..بس مش عايزك تتعبي كده
نوران: انا متعوده علي الشغل سيبك انت ..علي فكره الشمس خفيفه قوي
ادم: يعني ايه؟
نوران : اقلع النظاره
ادم: لا معلش خليها
نوران قربت عليه وفجأه شدت النظاره من وشه
ادم: ايه ده؟ نوران مش بحب الهزار ده ..لو سمحتي هاتي النظاره
آدم مش بيحب حد يشوف عنيه ابدا ..هو حاسس انهم شكلهم مشوه بس ده كان احساس جواه بس
نوران: لو عايزها تعال خدها انا اهوه قدامك
ادم: نوران بلاش هزار هاتيها
مد ايده ليها فلمست ايده وشدت ايدها بسرعه
نوران: تعال خدها بنفسك
ادم قام ومشي وري صوتها وهيا بتتكلم وبتبعد كل مايقرب منها بس مش كتير علشان تلحقه لو وقع...نزلت السلالم وهيا خايفه ليوقع في كل خطوه وقلبها بيدق بسرعه
ادم: نوران هاتي النظاره كفايه كده
نوران: لا مش هجيبها قرب ..اهوه خلاص قربت توصلي ..خلي بالك من السلم
ادم نزل السلالم براحه ومشي وري صوتها وهو خايف يقع في كل خطوه وبيفكر يقف بس مش عايز يكون عاجز للدرجه دي قدامها..فضلت نوران ترجع لورا شويه شويه لحد ما وصلت للبحر
اتفاجأ ادم لما حس بميه البحر في رجليه والموج بيروح ويجي
وقف زي التمثال ساكت مش بيتكلم ولا يتحرك
نوران قلبها بيدق مش عارفه رد فعله ايه..قربت منه ومسكت ايديه الاتنين بايديها
نوران: مش معني انك اعمي انك تحرم نفسك من كل اللي حواليك
اد ايه الميه جميله وناعمه والهوا يرد الروح دول ما بيحتاجوش لعنيين علشان تحس بيهم
ادم كان رده ضغطه علي ايديها بس فضل واقف ومش عارف يتكلم ولا ينطق
نوران : نظارتك اهيه (لبسته النظاره ) لو متضايق انا اسفه
ادم : لا يا نوران مش متضايق ..
شدته نوران علشان يتمشوا علي شط البحر والميه رايحه جايه بين رجليهم ..كانت هيا عكازه وعنيه في نفس الوقت وهو مستسلم ليها تماما .كانوا ماشين في صمت بس كان ابلغ من اي كلام
الوقت بقي ليل والشمس غابت تماما
نوران : الوقت بقي ليل وانا اتأخرت قوي ولازم اروح
ادم: هو الوقت بيعدي بسرعه ليه وانتي معايا
نوران : هجيلك بكره ان شاء الله..وهحاول اجي بدري
ادم ضغط علي ايديها قبل ما يسيبها
ادهم: ما تتأخريش عليا هستناكي من دلوقتي
نوران : مش هتأخر
رجعته نوران البيت وروحت وهيا حاسه بضيق جامد وحاسه انها عايزه تعيط ..هتعمل ايه لما خلاص يمل منها ؟؟؟ده كان اهم سؤال عندها !!طول عمرها عامله حدود وعارفه انها مش من نوعيه الناس اللي ينفع تحب..الحب ليه ناسه وهيا مش منهم ....بس انا مش بحبه حبيته امتي اصلا؟؟؟ لا فعلا انا مش بحبه انا بعشقه انا عديت الحب من زمان قوي ... انا هفضل احبه ويوم ما يزهق او يمل هيكون عندي احلي ذكريات اعيش عليها وكفايه عليا اني اسعدته في يوم من الايام
ادم كمان مش عارف ايه اللي بيحصله ده ..من امتي هو بيحب؟؟طول عمر البنات بتترمي تحت رجليه وعمره ما واحده شدت حتي انتباهه ويوم ما يبقي اعمي يحب...انا لازم اخليها تفضل جنبي ..بس هيا ازاي هتقبل بواحد اعمي ..ازاي تسجن نفسها مع واحد زيي..اهو هجرب ..هيعمل كل اللي يقدر عليه علشان يخليها جنبه هيحاول يعوضها عن عماه ..هيعمل اي حاجه علشان يسعدها ..هيستغل كل لحظه بيقضيها معاها علشان يخليها مبسوطه
بعد كام يوم نزل ادم من اوضته وسمع صوت مع امه واتفاجأ لما عرف مين اللي جاي يشوفه
ادهم: ايه ده؟؟ انا مش مصدق وداني.... اشرف ابن عمي عندنا يا مرحبا ..ايه اللي فكرك بينا دلوقتي
اشرف: انا الحمد لله كويس ...المفروض تسلم الاول يا ابن عمي وبعدين لو انا لسه فاكر انت اللي مانع الزياره عنك
ادم: ما علينا ازيك ايه اخبارك وعامل ايه والشغل اخباره ايه؟؟
اشرف: كله تمام كأنك موجود وزياده ما تقلقش علي حاجه
اشرف ابن عم ادم عايش معاهم في نفس البيت تقريبا طول عمره من ساعه ما ابوه وامه اتوفوا في حادثه وهو معاهم وبيعتبر كريمه امه وبيحبها جدا بس ديما بيغير من ادم علشان كده بيدخل نفس مجالاته وبيقلده علي طول وشايف نفسه ديما رقم 2 بعد ادهم
ابو آدم وابو اشرف كانوا اخوات بس ابو ادم الاكبر علشان كده هو الوريث لكل حاجه واخوه مساعد ونفس الحال كان مع آدم واشرف ادم كان الرئيس واشرف كان مساعده ..او دي كانت نظره حمدي للامور كلها