الثاني

سريا خرجت تفتح الباب واتفاجات لما شافت كارم العريس اللي مصمم انه يخطب ساميه اختها جاي هو واهله ومعاهم هدايا وشنط كتير...

_اهلا.. اتفضلي يا خالتي.. اتفضل يا ريس كارم..

دخل كارم هو ووالدته وسريا نادت باباها وخرج استقبلهم وقعد معاهم..

_اهلا يا كارم يا ولدي.. اتفضلوا اجعدوا..اعملي غداا يا ام سااميه..

كارم اتكلم بحرج وقال: لاا ملوهش لزوم يا عمي، ندخل في الموضوع دوغري لجل ما نوفر علي بعض الكلام والحديت اللي ممنوش عازه.. انا سبج واتجدمت لاستاذه ساميه بنتك مرة واتنين وتلاته وفي كل مره كان بياچي الرد بالرفض لچل ماتخلص دراستها لاول.. واديني اهو چاي بكرر طلبي وانا كلي أمل انكو توافجو ان شاءالله...

_لا حول ولاقوة الا بالله يرب.. والله يا كارم يا ولدي مخابرش اجولك اي، بس الحجيجه انه ساميه بتي هي اللي رافضه الجواز دلوكتي، نفسها تكمل في الفنون المسرحيه وتشتغل الحاچه اللي بتحبها...

كارم وشه قلب الوان وقال بعصبيه: لامؤاخذه يا حچ جمال بس فنون مسرحيه ايه وكلام فاضي ايه، انا مخابرش ليه حضرتك توافج ان البنته يخرجوا ويشتغلوا؟! وكمان في كلية ممنهاش فايده زي الكليه اللي استاذه ساميه بتدرس فيهاا دي؟!

سريا نادت علي باباها: يابايا.. يابايا .

جمال: عايزة ايه يا سريا.. مش صابره لنا الراحل يمشي عااد؟

_الحجنا يابايا، المخبله خيتي بدها تخرج تجابل العريس..

=ايه؟! كيف ده..

_بتجول انه لازم تخرج وتجعد معاه..

=طيب طيب هي وراحتها.. خليها تاچي..

الكل كان مستني ساميه تخرج وفجاه اتصدموا لما لقوها خارجه لابسه أڤرول من بتوع الجيش و كاب وخرجت سلمت علي كارم بخشونه لدرجة انه حس ان دراعه هيتخلع..

_يا مرحب بيكو ..كيف الحال يا ريس كارم؟

كارم بصلها باستغراب وهز رأسه وقال: ال.. الحمدلله

والدته بصتلهاومن فوق لتحت وقالت: مالك يا بتي عامله في روحك اكده ليه؟

_مالي يا خالتي ؟!عفشه ولا اي؟!

=له له يا ضنايا اسمالله عليكي من العفاشه.. زينه ياما..

_ههخهخههههه.. شكرا يا خاله اخجلتم تواضعنا والله..

جمال كان مصدوم من منظر بنته ومش بينطق وبيبص لكارم اللي مستني الباب يتفتح في اي لحظه عشان يقول يا فكيك..

ساميه بصت لاختها وقالت: اومال فين واچب الضيوف يا سريا... منورين يا چماعه..

ام كارم: الا جوليلي يا خيتي، عدم اللامؤاخذه في السؤال يعني هو انتي سيبتي كلية الهشك بشك واشتغلتي في العسكريه ولا اي...

ساميه كانت هتفرقع من الغيظ وقالتلها: هشك بشك؟! لا يا خاله مسيبتش كلية الهشك بشك.. طب ده احنا ختي حدانا تدريب عملي اليومين الجايين دول .

_وهتدربوا فين ان شاءالله ؟

=في شارع الهرم هيكون فين يعني يا خاله..

سريا كانت ميته من الضحك علي اختها وعمايلها وحبت تنقذ الموقف فقالت: ساميه تليفونك عيرن يا خيتي..

=وه يا سريا انتي مفهماشي في الاصول واصل با خيتي، بجا اسيب الضيوف واشوف التليفون؟ هو يعني اللي عيتصل اهم من خالتي ام كارم والريس كارم.؟؟

ضحكت ام كارم وقالت: اصيله يا بتي، طيب ما تنزلي الكاب ده عن عنيكي خلونا نتملي في چمالك الرباني..

ضحكت ساميه بسماجه وقالت: ماا بلاش..

_وه.. له يبتي مفيهاش كسوف خلااص..

خلعت ساميه الكاب واول ما خلعته كلهم حطوا ايديهم علي مناخيرهم من الريحه...

ام كارم: يا مرررري،، ايه الريحه العقشه دي.. دي زي ميكون جته متحلله... اعوذ بالله..

سريا معدتها قلبت وجريت عالحمام وكارم كتم مناخيره بصوابعه..

ساميه: الملافظ سعد يا خاله.. جتة ايه اللي متحبله لا سمح الله.. ديه تركيبه طبيعيه بتطول الشعر وتغذيه.. استني اجوللك اذ ربما تحبي تجربيها. هتجيبي فصين كبار توم تهرسيهم وتخلطيهم بمية البصل وتعجديهم بشوية زيت كبد الحوت وبهارات جمبري..

كارم كان بيتكلم وهو بايد ماسك بطنه و بايده التانيه ماسك مناخيره وبيقول: بينا يا اما نمشي.... مش قاادر..

ساميه: طب بلاش خلطة التوم والبصل، اجوللك وصفة معجون الطماطم والفلفل الحار؟؟

ام كارم: وه وه وه.. يا وجعه مربربه.. هي لسه فيها طماطم وفلفل.. بينا يا كارم يا ولدي..

وقام وقال: انا اسف يا ريس كارم بس احنا من قبل اي كلام واضح اننا مش هنرتاحو سوا..

كارم ووالدته وقفوا عشان يمشي وهي ماشيه وراهم بتكلم ام كارم: طيب استني اجوللك وصفة البيض بالكاري.. ده بجا......

قاطعتها وهي بتصرخ وتقول: كفايه منكو لله ..كفاايه..

مشي كارم ووالدته وسامي فضلت تحضن في باباها وقالت: متتصورش فرحتي كد ايه يابايا، بالمناسبه دي انا عزماكم علي شربات ومن اهنه لباكر كل اللي عتطلبوه مجاب...

نطت سريا وقالت: اني هنزل اجيب الشربات واعاود طوالي..


كريمه ام ساميه اول ما الضيوف مشيوا خرجت تجري عليها وفي ايديها معلقه خشب عشان تضربها بيها..

وساميه استخبت في ابوها وهي بتقول: صبرك بس ياامايتي دنا بتك اللي طالعه من عند تلافيف جلبك هتوضربيني عااد..

امها: طفشتي العريس زي اللي جبليه واللي جبليه وارتاحتي يا ساميه؟

_ايووون.. ايون ارتحت والسرور دخل جلبي.. هو الجواز بالغصب ولا اي منتو خابرين زين اني مطايجهوش..

جمال:خلاص فضيناها عااد ،هي حره يا كريمه هو احنا من ميتا بنغصب بناتنا علي حاجه..

ساميه: اهه.. اتعلمي من الراجل الكباره الكمل ديه.. وبعدين انا اتقدملي نيكول كيدمان حتي مرايداهوش لو امه عجربه كيف ام كارم دي.. يلا يا سريا استعچلي...

نزلت سريا تجيب الشربات من السوبر ماركت بتاع جاسر واول ما شافها اتافف وقال: خير يا انسه سرياا.. ماشاءالله رجليكي خدت عالمكان اهنه كما لو كان دواركم التاني..

_ماالك يا واكلهم انت.. هو انا جايه اشحت منيك ولا اي، لا اسمع لما اجوللك المحلات علي جفا من يشيل وان مكنتش تكلمني بذوق و ادب ههملك واروح اشتري من اي دكانه تانيه؟؟

,=اتفضلي مع السلامه..

_طب لافيني جزازتين شربات؟

=ليه؟! خير ؟؟ في حد تكرم وناوي يعصر علي حاله جيراطين لمون وياچي يخطبك؟

_لااه.. الشربات مش لياا انا ..ده لخيتي..

كان حازم داخل السوبر ماركت وسمع كلامها وده خلاه اتجنن لما فكر ان ساميه هتتخطب .. خرج بسرعه من المكان وراح عند بيتها وقعد علي القهوة اللي جمب البيت..

_كوباية شاي بربري يا تلجيمه..

=وبعدين معاك يا حازم افندي.. انا عنادملك علي المعلم هندي وانتو اتصرفوا سواا..

_لاه وعلي ايه!! اتفضل يا عم حسابك اهوو وهاتلي الشاي خليني اشربه واتوكل

=من عيني..

_لا يا خفيف من السخان.. وعالسخان يلاا خلينا نشوفو اكل عيشناا..

حازم كان قاعد عنيه علي شباك اوضة سامية وبيبص بالصدفه شاف ابوها نازل من البيت راحله اوام و وقفه وقاللو: كيفك يا عمي؟

جمال بص له بضيق وقال: اهلا يا حازم افندي..

_هو صوح انسه ساميه اتخطبت؟

بصله جمال باستغراب وقال: مين جال؟! ساميه بتي مش هتتخطب غير لما تخلص كليتها لاول.. بعد اذنك..

_صحيح يا عمي؟!ربنا يريح جلبك.. ان شاءالله هجيب والدي و ناچي نشربو الشاي معاك الليله..

جمال ضرب كف علي كف وسابه ومشي ..وحازم بعدها راح يكلم ابوه عشان يقنعه انهم يروحوا تاني يتقدمو لساميه..

_يابا انا بجوللك ايه وانت بتجوللي ايه دلوكتي!! بهيمة ايه وكلام فاضي ايه؟!

=وه.. دي ارواح بردك يا ولدي ولازم نراعيهاا.. انا هخلص شوية حاجات وانت تنزل تكشف عليها ،اني خابر انك ناصح في الامور دي..

_ماشي يابا حااضر، بس هاا جولت اي؟ هتاچي معانا نخطب ساميه؟

=هاچي معاك ومالو. بس يرب ابوها ميعملشش فيها جمال عبد الناصر عااد ويجعد يتشرط ويتأمر.. حاكمن اني خاابره زين، طبعه واعر عالاخر...
..

حازم وصل بيت ساميه هو وابوه واخوه جاسر اللي كانت سريا هتموت عليه ونفسها تخرج تقعد معاهم..

حكيم ابو حازم وجاسر: متأخذناش يا حج جمال اننا جينا من غير ميعاد سابج...

جمال: البيت بيتكو في اي وجت يا ريس حكيم ،بس اظن اني بلغت ابنك برأينا في الموضوع اللي حضراتكو جايين تتكلمو فيه..

حكيم: اني مليش صالح بحديتك مع حازم ..اني جايلك بالاصاله عن نفسي اخطب بتك لوولدي..

جمال: لا حول ولاقوة الا بالله يرب.. حضرتك الموضوع منتهي يا ريس حكيم.. حتي اسألوا بتي لو مش مصدجيني.. ياا ساميه..

خرجت ساميه وهي لابسه فستان شيك ومتشيكه عالاخر وهنا ابوها استغرب .. وساميه سلمت عليهم ووقفت: نعم يابايا؟!

_تعالي اجعدي ..

قعدت ساميه بعد ما خطفت نظره من حازم اللي مكانش مصدق نفسه..

ابوها سألها: عمك حكيم چاي يخطبك لابنه حاازم.. ايه جولك؟

ابتسمت بكسوف وحطت وشها ف للارض: اللي تشوفه ياباياا..

ابوها تنح: يعني انتي موافقه؟!!!

حكيم اتدخل في الكلام: بتجوللك اللي تشوفه يابايا .. عايز اي اكتر من اكده عشلن تفهم يا حج جمال.. ماتخليك لماح اومال..

جمال اتضايق لانه كان بيحسب انها هترفض وقال: انتي صوح موافجه يا ساميه؟؟!

حطت ساميه وشها ف الارض وابتسمت فقال حكيم: اهه.. السكوت علامة الرضاا.. نقرا الفاتحه..

قراوا الفاتحه وحازم وساميه كانوا بيبصوا لبعض بهياام ، و سريا كانت بتبص لجاسر وبتضحكله قام كرمش وشه ولف وشه النحيه التانيه..

حكيم: نتوكلوا احنا عاد ونهملو العرسان يجعدوا لحالهم هبابه... متتاخرش يا حازم.. البهيمه علي اخرها واحتمال كبير تولد الليله...

بصله حازم بحرج وقعد يشاور له عشان يسكت وهو ولا هو هنا وقال: ماالك متنح اكده ليه؟! مش انت المسئول عن اللي هي فيه دلوك؟!

جاسر كان فطسان من الضحك لانه عارف قلش ابوه بيوصل لفين وشايف حازم وشه قلب الوان...

حازم: خلااص يابااا ممنوش عازه الحديت ديه فهمنا خلاص هرچع بدري...

حكيم: متخليك كد المسئوليه عااد.. بجا بعد ما عملت عملتك عايز تهرب وتسيبها لحالها في اصعب لحظات حياتها ؟

كلهم كانوا بيضحكوا وحازم حط ايده علي خده بغلب وابوه قال: علي العموم الانكار مش هيفيدك، الDNA هيبين كل حاجه... يلا اجعدوا بالعافيه..

مشي حكيم وجاسر فقال حازم: ههه.. دمه خفيف جوي ابوي ..بيحب ينكت طول عمره..

جمال: اه ماحنا خدنا بالنا..الظاهر المواهب في عيلتكو كتير..

....

حازم وساميه كانوا قاعدين مع بعض في الصالون فقالها: ازيك يا ساميه.. زينه؟؟

_زينه.

=الحمدلله.. اااا.. متاخديش في بالك من الكلام اللي جالو ابوي.. هو اكده بيحب يحرجني..

_لاه ابداا انا فاهمه انه هزار طبعا.. حتي عمي حكيم دمه خفيف وبيحب المرح كيف حالي تمام..

ساميه كانت بتتكلم وحازم بيبصلها بتركيز شديد وده خلاها اتكسفت ووشها احمر...

حازم: مالك اتكسفتي وحجيتي وشك اللي كيف البدر في تمامه كه في الارض ليه.. بصيلي يا ساميه سيبيني اتملي في جمالك اللي كنت محروم منيه...

بصتله ساميه بابتسامه سحرته فقال: بسم الله ماشاء الله.. ايه في الجمال.. والله العظيم انا امي راضيه عني اني حبيت واحده زيك.. تعرفي يا ساميه؟! انا عيني منك من وانتي عيله صغيره بضفاير.. كنت دايما اجعد علي جهوة هندي اللي علي اول الشارع واستناكي وانتي رايحه وراجعه عشان بس ألمحك واليوم اللي كنتي تغيبي فيه ابجا متنكد ومش طايج روحي...

ساميه كانت مذهوله من اعترافه ليها بالحب لاول مرة بالطريقه دي..

_انا مش مصدجه حاالي.. معجوله انت رايدني و عاشجني من زماان جوي اكده!!

=اني مش بس عاشجك.. اني هيمان فيكي يا ست البنات..

جمال حمحم ودخل: احممم..

حازم: اتفضل يا عمي..

قعد جمال وقال: اني جاي اجوللك كلمتين بس يا حازم.. انت خابر زين اني مكنتش موافج علي موضوع الخطوبه ديه نهائي.. بس اللي حصل ان ساميه وافجت وانا متعود من يوم ما بناتي كبروا اني احترم رغباتهم و قراراتهم.. عشان اكده انا سيبتلها حرية الاختيار و مراجعتهاش . بس اللي عايزك تفهمه اني مستحيل اتهاون في اي حج من حجوجهم او اسمح انهم يتظلموا او حد ييجي عليهم.. ركز في حديتي زين و افهمه لجل ماتحفظه وتعمل بيه العمر كله..

حازم بابتسامه: حااضر يا عمي، كلامك علي عيني وراسي من فوج وان شاء الله ساميه انا هحطها جوه نن عيني من جوه..

جمال' علي خيرة الله.. يوبجا بكرة ان شاءالله تتخدها واختها تاچي معاكو وتنزلوا تختاروا الشبكه.. والخطوبه عالعيد ان شاءالله...

......

تاني يوم خرجت ساميه و سريا مع حازم عشان يشتروا الشبكه وجاسر وصلهم بالعربيه....

جاسر وحازم قدام وساميه وسريا ورا.. وسريا كل شويه تبص لجاسر في المرايه وتقول في سرها: اااخ . كيف المارون جلاسيه يابن الچزمه.. براحتك اتجل جووي علي كيفك..

حازم:, منورينا يا جماعه.. ان شاءالله يكون مشوار خفيف..ونعاود بسرعه عشان عمي جمال...

جاسر: ان شاءالله مشوار خفيف طالما عروسة اخوي منورانا...

وبص لسريا ولف وشه بقرف وبعدين قال: طيب الطريج الجاي رملي.. وغالبا المشي فيه عيوبجا وااعر جوي...

ولسه جاسر مخلصش كلامه وحصل اللي محدش منهم توقعه ابدا