الفصل الاول

القط ما يحبش الا خناقه”
‏جملة قالتها سيليا ، وأدهم نايم على رجليها وهي بتلعبله في شعره وبتقول له أنا كنت مستحيل اتخيل في يوم من الأيام إني أحب او تجوز حد كنت بكرهه اوي كده بس دلوقتي أنا ما بحبش في حياتي كلها قدك أنت والصغنن اللي جوه دا
البطلة : سيليا بنت ملامحها جميلة وعينيها عسلي وبشرتها قمحاوية ودمها خفيف أوي
البطل آدم : شاب وسيم وعيونه لونها رمادي وطويل وشعره ناعم
مرام : صحبة سيليا الأنتيم بشرتها بيضة وملامحها جميلة
ماجد: صاحب آدم الانتيم شاب وسيم وطويل وشعره كيرلي
وباقي الأبطال هنعرفهم خلال الفصول الفصل الأول
سيليا بتضحك مع أدهم وبتقوله : يااه يا أدهم انا كل لما بتفكر كل اللي حصل زمان بتبسط أوي إننا عدينا بكل دا وف الآخر اتجوزنا أنا بحبك أوي يا أدهم بجد
أدهم : وأنا مش عارف انا عملت إيه حلو ف حياتي عشان ربنا يرزقني بيكي أنا كمان بحبك أوي
بتضحك سيليا وبترجع بالزمن لورا وتفتكر أول الحكاية
سيليا وهي عندها ٣ سنين وبتجري وبتلعب ف جنينة الڤيلا بتاعتهم وبتجري ورا الفراشات
إيمان (مامة سيليا): براحة يا سيليا كده هتوقعي وتتعوري يا حبيبتي خدي بالك
وائل (بابا سيليا) بيجي من وراها وهو بيضحك وبيقول : سيبيها تلعب وتتبسط أنا بحب أشوفها بتضحك طول الوقت ربنا يخليكي ليا انتي وهي طول العمر يا حبيبتي
إيمان : ويخليك لينا يا حبيبي الحمد لله ربنا رزقنا بسيليا بعد وقت كبير تفتكر هيجي الوقت اللي نشوفها فيه عروسة
وائل : ان شاء الله يا حبيبتي هنشوفها أحلي عروسة وهتتجوز أحسن شاب ف الدنيا
إيمان : مقولتليش يا وائل هنروح نعمل عمرة إمتي ؟
وائل : خلاص هنروح أول الشهر وسيليا هنسيبها مع عمها هو جاي آخر الشهر دا خلاص وحتي أدهم إبنه ف أكبر من سيليا بسنتين وميرا بنته قد سيليا ف هيلعبوا معاها وسلوى مراته بتحبنا جدا ف متقلقيش عليها
ايمان : والله انا صعب عليا اسيبها أوي بس ان شاء الله ياخذوا بالهم منها
وائل : ان شاء الله يا حبيبتي ناديها بقي عشان نتغدي يلا يا سولي تعاليييي
سيليا : جاية أهو يا بابتي
بتيجي سيليا تقعد علي حجر مامتها وبياكلوا وهما مبسوطين أوي
بيدخلوا جوة الڤيلا وائل يلاقي موبايله بيرن برقم مدحت أخوه
وائل : حبيب قلب اخوه وحشتيني يا عم مدحت
مدحت وهو بيضحك : وانت كمان وحشتني اوي يا وائل خلاص هانت جاي اخر الشهر كلها كام يوم أخبار إيمان وسيليا إيه
وائل : كويسين يا حبيبي بيسلموا عليك سلملي علي سلوي والولاد
مدحت : يوصل يا حبيبي ان شاء الله مع السلامة
وائل : مع السلامة يا حبيبي
وتمر الأيام ويجي يوم سفر وائل وإيمان سيليا وهي بتعيط : ماما هو انتي رايحة فين انتي هتتأخري؟
إيمان وهي بتعيط عشان سيباها: لا يا حبيبتي انا هسافر أجيبلك حاجة حلوة وهرجع أنا وبابا متخافيش وإسمعي كلام عمو وطنط وأوعي تزعليهم
وائل : خلي بالك منها يا مدحت انت وسلوي هي أمانة ف رقبتك دلوقتي
مدحت : متقلقش يا وائل في عينيا والله
ويمشي وائل وإيمان وهما ف الطريق بيتكلموا
إيمان : انا حاسة ان قلبي مقبوض أوي معرفش ليه
وائل : وانا كمان بس متقلقيش عشان سيليا بس اول مرة نسيبها لوحدها
وهما بيتكلموا فجأة بيلاقوا عربية نقل كبيرة قدامهم وايمان بتقولههه وائل حاااسبببب ….
وفجأة مدحت يسمع صوت الموبايل
شخص : الو استاذ مدحت
مدحت : أيوة مين معايا
شخص: حضرتك احنا لقينا الموبايل دا جمب الراجل والست اللي عاملين حادثة وحضرتك اخر رقم رانن عليه
مدحت : حادثة ايههه!! حادثة ايه وائل وايمان عاملين ايه
شخص : البقية ف حياتك يا أستاذ مدحت شد حيلك تعالي علي مستشفي الوفاء عشان تاخد الجثث تندفن
مدحت : لاااا اخوياااا لاااا
تدخل سلوي عليه : ايه يا مدحت فيه ايه ؟؟؟
مدحت : الحقيني يا سلوي وائل وايمان ماتوااا يا سلوي عملوا حادثة وماتواااا
سلوي :لا اله الا الله انا لله وانا اليه راجعون يعيني دول حتي ملحقوش يروحوا كأن قلبهم حاسس يعني يا سيليا
مدحت : انا هلبس دلوقتي واروح المستشفي متحسسيش الولاد ولا سيليا ب اي حاجة يا سلوي خالص
سلوي : متقلقش يا حبيبي
ويروح مدحت المستشفي وبعدين يودع اخوه للمرة الاخيرة وتتم الدفنة وأيام العزا تعدي بعدها ب اسبوع
سيليا : طنط سلوي هي ماما وبابا هيجوا امتي ؟ وليه انتوا كلكوا بتعيطوا بقالكوا كام يوم هو انتوا بطنكوا بتوجعكوا؟
سلوي : اه يا سيليا كلنا حاجة وحشة بصي يا سيليا ماما كلمتني وقالتلي ان العروسة بتاعتك هتتأخر عشان يعرفوا يجيبوها ف هما بقي هييجوا لما العروسة تجهز
سيليا : ماشي يا طنط سلوي
سلوي : قوليلي ماما سلوي
سيليا : ماشي يا ماما سلوي خدي بوسة
سلوي وهي بتحضنها : ربنا يقدرنا ونقدر نطلعك حاجة كويسة يا سيليا زي ما وائل وايمان كانوا عاوزين كده
مدحت وسلوي ف اوضتهم بيتكلموا : يا سلوي عاوزين نربي سيليا كأنها بنتنا بالظبط ومنقصرش معاها ابدا لحد ما تتكبر وتتجوز
Rana Afify, [4/22/2022 11:29 PM]
سلوي : عيب يا مدحت صدقني كل حاجة هتتم كأنها زي أدهم وميرا بالظبطوتروح سلوي لأوضة ميرا وأدهم واللي دلوقتي بقت أوضة ميرا وأدهم وسيليا وتلاقي سيليا قاعدة بتلعب هي وميرا بالعروسة وأدهم قاعد بيلعب بالتابلت لوحده وميرا بتشد من سيليا العروسة
ميرا : وسعي دي عروستي اناا مش عروستك سيبيها
سيليا وهي بتعيط : انا مبحبكيش ومش عاوزة العب معاكي تاني
أدهم بيتدخل ويزعق : ميراااا ادي العروسة لسيليا تلعب بيها
ميرا : ملكش دعوة دي عروستي انا
أدهم بيروح ياخد من ميرا العروسة بالعافية
وميرا بتعيط وسيليا بتعيط
تتدخل سلوي : أدهم أبعد عن أختك
سلوي لميرا: ميرا انتي وسيليا دلوقتي اخوات لازم تلعبوا مع بعض بكل الالعاب ومتزعليهاش خالص
ميرا : حاضر يا ماما
سلوي : قوموا يلا بوسوا بعض
سيليا وميرا وهما بيحضنوا بعض
ميرا : اسفة يا سيليا خدي العروسة اهي
سيليا : تعالي نلعب بيها مع بعض انتي شوية وانا شوية
سلوي وهي بتبصلهم ومبسوطة وبعدين بتبص لادهم وتقوله تعالي ورايا علي أوضة المكتب حالا
تدخل سلوي ووراها أدهم
سلوي : اولا اياك ف يوم من الايام تزعق لاختك كده او تزعلها انت دلوقتي الكبير بتاعهم ولازم تخاف عليهم الاتنين وسيليا زي ميرا اه بس متزعلش ميرا واتعلم متزعلش الاتنين
أدهم : حاضر يا ماما انا اسف انا بس عارف ان ماما وبابا سيليا ماتوا ف حادثة وهي دلوقتي بقت من غير ماما وبابا
سلوي وهي بتحضنه: يا حبيبي انا وبابا بقينا زي باباها وماماتها خلاص ومتقلقش انتوا التلاتة دلوقتي بقيتوا اخوات اهم حاجة يا ادهم تاخد بالك منهم الاتنين وتبقي دايما ف ضهرهم واوعي تزعلهم ابدا
ادهم : حاضر يا ماما
وتمر الايام عادي وسيليا ابتدت تتأقلم علي غياب باباها ومامتها وكل لما تسأل يقولولها اي حجة
وتفوت سنتين ونلاقي سيليا ف المدرسة هي وميرا قاعدين ف الجنينة بتاعك المدرسة بيلعبوا مع بعض
ويجي ولد اسمه حمزة : بيجري ويقوم موقع سيليا ع الارض وتفضل سيليا تعيط جامد
ف تجري ميرا تنادي ادهم
ميرا : ادهم الحق سيليا فيه واحد وقع سيليا ع الارض وعمالة تعيط
بيجري ادهم علي سيليا : ويقومها ويحاول ينضف ليها التعويرة
ادهم : انتي كويسة يا سيليا
سيليا : رجلي بتوجعني اوي
وبعدين يبص ادهم لحمزة ويقوم يضربه جامد وتفضل سيليا وميرا يعيطوا لحد ما المدرس يجي ويسلك بينهم وياخدهم عند مكتب المدير ويعملهم استدعاء ولي امر ويجي مدحت وسلوي المدرسة
المدير : يا استاذ مدحت ابن حضرتك ضرب الولد جامد
مدحت : عشان الولد زق اخته جامد يا حضرة المدير بس عموما احنا زعقنا لادهم عشان ميبقاش عنيف اوي كده بس اعذره يا فندم هو مش بيحب اي حد يزعل ولا يأذي اخواته ابدا
المدير : تمام يا استاذ مدحت هنعتبره تحذير لادهم ونتمني دا ميتكررش تاني
مدحت : ان شاء الله يا فندم
وياخد مدحت وسلوي الاولاد ويروحوا
سلوي ف العربية : ينفع كده يا ادهم اللي انت عملته
ادهم : يا ماما هو زق سيليا ووقعها وعورها وكانت بتعيط
سلوي : بس هو مكنش يقصد المفروض تفهم الامور الاول
سلوي لسيليا : ها يا سولي بقيتي كويسة يا حبيبتي
سيليا : اه يا ماما بقيت كويسة اوي عارفة يا ماما انا بحب ادهم وميرا اوي وبحبك وبحب بابا مدحت اوي اويسلوي ومدحت : واحنا كمان بنحبك اوي يا حبيبتي
سيليا : لما بابا وماما يجوا هقولهم اني عاوزة افضل معاكوا علي طول
تبص سلوي لمدحت بحزن
ف يرد ادهم ويقول : سيليا انتي بتحبيني انا اكتر ولا ميرا
سيليا : بحبك انت وميرا زي بعض
ادهم : بس انا عاوزة تحبيني انا اكتر واحد ف الدنيا
سيليا : حاضر يا ادهم بس انا بردو بحب ميرا هاتي بوسة يا ميرا
ف تيجي ميرا وتقولها : وانا كمان بحبك اوي يا سيليا اكتر من ادهم كمان وتقوم مطلعه ليه لسانها
ف يرد ادهم : ماشيييي ماشييي ويقعدوا يضحكوا ورا
ونلاقي مدحت وسلوي بيبصوا لبعض وبيضحكوا جامد ربنا يخليكوا لينا يا حبايب قلبي
ونلاقي تاني يوم مدحت بيقول لسلوي
سلوي جهزي نفسك عشان رؤوف صحبي ومراته وولاده جايين زيارة لينا انهاردة
سلوي : ماشي يا حبيبي حاضر
ويجي رؤوف وعيلته باليل ونلاقي ابنهم طارق ف نفس سن ادهم
واول ما بيدخلوا بيرحب بيهم سلوي ومدحت وبيدخلوهم الصالة وبيروح طارق يلعب مع الاولاد
ونلاقي طارق حابب يلعب مع سيليا بس ومش راضي يلعب مع ادهم او ميرا
طارق : سيليا تعالي نلعب انا وانتي برة
وقبل ما ترد سيليا نلاقي ادهم بيقولها سيليا تعالي هنا وبيزعق
ف سيليا تضايق وتقوله انت بتزعق ليه يا ادهم مش هاجي انا هروح العب مع طارق بره
ف نلاقي ادهم قام وراح شاددها جامد ومزعق ليها
ادهم بزعيق : لااا انتي هتلعبي معايا انا وميرا هنا ومش هتخرجي خالص وبيبان انو متضايق اوي ان طارق حب سيليا وسيليا كمان حبت اللعب معاه
ف تعيط سيليا وتقوله وسع ايدي : انا مش بحبك يا ادهمف يجي الابهات والامهات علي الصوت بتاعهم
ف يجري مدحت علي ادهم : ادهم انت ازاي تمسك وتزعق لاختك كده يا ولد