يا حلو صبح يا حلو طل
يا حلو صبح نهارنا فل

كان حازم قاعد علي القهوة اللي متعود انه بيقعد عليها داايما وباصص نحية شباك ساميه حبيبته وبيغني لها وشايفها وهي بتراقبه من ورا ستارة شباك اوضتها..

اتنهد حازم بصوت عالي وهو بيقول: اااه يا جلبي يا ولد المركوب انت، تملي جالل جيمتي ووسط الخلايج..

ورفع صوته اكتر وقال: كوباية عناب يا واد يا تلجيمه لاجل ما تروج دمي الفاير ديه..

جري ناحيته تلقيمه الصبي اللي شغال في القهوة وقاله: بجوللك ايه يا شاكوش، حساابك بجي تجيل جووي يا واد عمي وبصراحة ربنا المعلم "هندي" شطب علي اسمك و بلغ انه مينزلكش مشاريب عالحساب تاني الا لما تدفع اللي عليك الاول..

ضربه حازم علي قفاه وقالله: ياض بلا هندي بلا كوري، اسمع مني وانا هلاغيك ، متوبجاش غشيم عاد..

تلقيمه بص له وقال: لاا ياا واكل ناسك ،شغل العشمات ده بناجص منيه خاالص، في كل مره بتجول هتحاسب ولا بنشوف منك ابيض ولا اسود وفي اخر مره انا اللي دفعت الحساب بتاعك ادباً ليا..

يأس حازم من ان تلقيمه ينزلة مشاريب عالحساب وقام خرج من القهوة ومشي ناحية بلكونة ساميه وفضل يغني لها..

يا حلو صبح يا حلو طل
يا حلو صبح نهارنا فل

ساميه كانت شيفاه وهتموت وتكلمه بس كانت خايفه من اختها سريا تفتن عليها لامها لان دي كانت عادة سريا انها توقع الكل في مشاكل لدرجة انهم كانو في البيت والجامعه والحته كلها مسميينها سريا سوابق..

ساميه اتجاهلت حازم ودخلت وهي بتضحك وفرحانه وفجاه تليفونها رن وكانت أروي صاحبة عمرها وزميلتها كمان في معهد الفنون المسرحيه..

_الو، ايوة يا اروي؟
=ايوة يا ساميه، مالك يا حزينه ومال حسك ؟! عمي جمال فاتحك في موضوع العريس تاني عاد ؟

اتنهدت ساميه ومردتش ف أروي فهمت انها مش عارفه تتكلم عشان اختها سريا جمبها فقالت: اااه، هي خيتك المبومه جاعده جارك؟!

_امممم..

=طيب يا خيتي، فضينا من الحوار بتاع العريس دلوجتي عاد، جوليلي.. نازله المعهد بكره ؟

_والله يا اروي مخابراش,انتي خابره الموضوع بتاع الواد الجلف اللي اسمه بكر لازج لي في الروحه و الرجعه لدرجة خلاني اكره اطلع من البيت..

اروي اتضايقت لما جت سيرة بكر لانها معجبه ببكر وعارفه انه بيحب ساميه ومش معبرها فقررت انها تتجاهل الحوار وتكفي علي الخبر ماجور زي ما ييقولو ومتعرفش ساميه باللي في قلبها..

اروي: ماشي يا خيتي اللي تشوفيه، انا طالعه ان شاءالله ولما اعاود هكلمك ابلغك باللي حوصل .

......

عند جاسر واللي هو توأم حازم كان واقف في السوبر ماركت بتاعه فدخلت بنت جميله جداا خلت عنيه كانت بتطلع قلوب لوحدها وكان هيتجنن عليها..

البنت: لو سمحت عايزة نص حلاوة طحينيه..

جاسر فضل يرقص لها حواجبه باعجاب وقال لها: وهو برضك في حلاوة عتاكل حلاوة يا حلاوة بالمكسرات انتااا

البنت ضحكت بميوعه ولسه هترد عليه قاطعهم صوت سريا اللي دخلت السوبر ماركت فجاه وقالت بصوت كله غضب: ايه الچلع والمسخره دي عااد، ما تمشي الزباين من سكات عااد يا جاسر افندي..

جاسر اتأفف وقالها: خير يا انسه سريا، محتاجه حاجه يا خيتي؟ حداكي هناك رف التونه و الرنچه، اهنه مكان الحلاوة ووالجشطه بسسس...

وقال كلامه وهو بيبص ناحية البنت وبيلعب حواجبه بمشاكسه ف سريا اتقهرت وسابت السوبر ماركت ومشت من غير كلام..

في طريقها وهي خارجه من الماركت بتبكي اتخبطت في حازم واللي قالها باهتمام:

يا خبر، مالك يا انسه عتبكي ليه؟! حد اتعرضلك؟! خبريني انا كيف اخوكي ،لو حد اتعرضلك قسما عظما اكون مغفلج عيشته غفليج...

مسحت سريا دموعها وقالت: توشكر يا ريس حازم شايلينك لعوزه ان شاءالله ،استأذنك اني..

مشت سريا وحازم دخل السوبر ماركت واول ما دخل البنت اللي كانت موجوده مشت فهو بث لأخوه بضيق وقال: عملت ايه للانسه سريا خلتها تخرج من اهنه وهي عتبكي يا منتول انت..

بصله جاسر بعدم اهتمام وقال: يا عم سيبك بلا سريا بلا يحزنون، دي بت دماغها هربانه منيهاا واخوك ملوش صبر عالبنات الچلعه دي منتا خابرني..

حازم قاله بعصبيه: بجوللك ايه يا ولد ابوي، اذا ما كنتش تعدل حالك مع البنته اني هبلغ ابوك يشوف صرفه معاك، مش كل يوم والتاني تاچيلنا شكوي منك بسبب عنيك اللي تندب فيها رصاصه دي...

جاسر اتنرفز وقالله وهو قاصد يستفزه: مالك بيا يا عم حازم، ما كل واحد بيتعلج من عرجوبه عااد، هو انت اكمنك مولود جبلي باربع دجايج فاكر نفسك الكبير و وصي عليا ولا ايه؟! وبعدين مالك محموج جوي علي المخبله اللي اسمها سريا دي؟! كل ديه كمنها اخت حبيبة الجلب سامية شخلع؟!!

حازم مسكه من رقبته وزنقه في الحيطه وبيقولله بغضب: جولتلك مليون مره لو سمعت كلمة ساميه شخلع دي تاني مش هعديهاا يا جاسر، انت اخويا الزغير اه بس مش هعمل حساب لكده و هجل منيك سدجني...

خبطه جاسر في صدره فرجع لورا وقاللو : ماالك يا عم محمد علي كلاي انت ما تهدالي علي حالك هبابه.. الحبتين دول تعملهم علي تلجيمه الصبي اللي في الجهوة او الواد سوني اللي شغال حداك في المحل انما عليا انا لااا ، اصحي للكلام اكده و اوعي تعرضها بدل ما الفار يقرقضهااا...

دخل ابوهم وهما ماسكين في خناق بعض فقاالهم بصوت عالي غضبان: نزل يدك عن اخوك انت وهو عااد، عتتخانجوا سووا واتا لساتني عايش علي وش الدنيا ولا اي؟؟

بعدوا جاسر و حازم عن بعض و اتأسفوا لابوهم فقال: خليك في مصلحتك يا جاسر و كفاياك مرازيه في البنته عااد، يااك فاكر انك اهنه وانا في البيت مخابرش باللي بتهببه، لااا انا عارف انت بتعمل ايه حتي وانت في الحمام..

ضحك حازم باستفزاز: كخخكخخكخخ

ومسك مناخيره بايديه وقال وهو بيمثل انه قرفان: طب يلاا يابا نخرجوا من اهنه الا الريحه جلبت لي معدتي عااد..

بصله جاسر بغيظ وقال: ما تلم روحك يا شاكوش ، ومتخلنيش احمي لابوك عن بلاويك المجندله، هاااا، كشكشها بدل ما المسمار ينتشهاا عااد...

حازم خاف ان جاسر يحكي لابوه عن الخوازيق اللي بيديها للزباين فقرر انه ينهي الحوار علي كده و خد ابوه وخرجوا من السوبر ماركت واتجهوا للمحل الموبايلات الخاص بحازم...

......

تاني يوم كانت ساميه خارجه هي وصاحبتها اروي وكالعادة بكر اول ما شافها ريل عليها وكان هيتجنن ويكلمها...

_يا مساء الرمان عاللي مسبب لقلبي ادمان...

بصتله ساميه بقرف و اروي كانت هتفرقع من الغيظ فبصتله وقالت: بلاش جلة حياا عاد يا اسمك اي انت، انت مخابرش احنا مين وولاد مين ولا اي..

اتجاهلها بكر ورجع يبص لساميه ويقول:طب يا مساء الزبادي يا معذب فؤادي.. ما تعبرنا يا مدمرناا...

هنا ساميه اعصابها نفذت وقررت انها تأدبه ومرة واحده وفي حركه لولبيه رشيقه كان شبشبها طار من رجليها لايديها وفي ثانيه الا ثانيه كانت طبقت علي زمارة رقبته و ادته درس عمره عمره عمرره ما ينساه...

ساميه كانت بتضرب فيه وتقول بانفعال: يا عديم الحياا والكرامه و الادب، يا ابو لسان اطول من زلومة الفيل، يا جِلف يا حِلف يا بأف يا شِنف....

قاطعها بكر وهو بيستنجد بأي حد معدي ويقول:يااابوي حد يغيتني من لسااانها اللي كيف المبرد ديه...

_عشان تفكر مليون مره جبل ما تفتح خشمك جصادي بالكلااام...

ولبست شبشها وهدت نفسها ومشيت ولا كان حاجه حصلت...

اروي: مش ملاحظه انك زودتيها جوي جوي معاه.. جري ايه يعني لما جال كلمتين زي عادته!! كنتي حذرتيه وخلاص بدال ما تجلي جيمته وسط الخلايج اكده...

بصتلها ساميه بانفعال وقالت' انتي واعيه للي بتجوليه ديه؟ عيزاني اسيبه يشنع عليا بالطلام في الروحه و الرجعه اكده؟؟ كان لازمن اادبه الحيوان ابو اربع عيون ديه...... وبعدين مالك متعاطفه معااه اكده ليه؟

_وانا هتعاطف معاه ليه ؟! يكش ينحرج.. اهو اتبسطتي؟

اتاففت ساميه وقالت: خلااص فضيناها السيره دي عااد.. كفايه اليوم المر اللي مستنيناا..

بصتلها اروي باستفهام: في ايه؟!

بيجولوا العميد جايلنا القاعه النهارده وانتي عارفه رباض ابو ستين وتعليقاته السخيفه...

اروي اتغمت وقالت: الا سخيفه.. ده راجل تافه يبنتي و ابعد ما يكون عن منصبه ده، تحسيه عيل صغير بيكلمك

ساميه: يلا ربنا يكفينا شره و شر عبطه ، احنا نحاول نتجاهله نهائي عشان اليوم يمر مر الكرام...

دخلوا ساميه و اروي القاعه و الدكتور بلغهم ان العميد عيكون موجود كمان ربع ساعة و بلغهم كمان يتعاملوا معاه بحكمه وصبر عشان ميحطش حد منهم في دماغه..

دفايق ودخل العميد وكلهم وقفوا احتراما ليه وبدأ يتعرف عليهم حد حد...

العميد وقف اول شاب وساله عن اسمه: اتفضل اقف، ايوة انت، اسمك ايه؟

_ادهم ابو كبير حضرتك...

ضحك العميد بسماجه وقال: ابو كبير ولا ابو صغير ، اقعد

ساميه اتاففت وقالت: ده باينله هيوبجا مرار طاافح..

العميد: اقفي اسمك ايه انتي؟!

البنت وقفت وقالت: دهب الشوري يا سيادة العميد...

_دهب؟! عيار كام؟!

هنا الكل انفجر في الضحك ودي حاجه اسعدت العميد جدااا فقرر انه يزود جرعة تفاهته وسماجته...

الدور جه علي ساميه وكانت متوقعه العميد هيتنمر عليها ازاي.. وقفت وهي خايفه فقالها: اسمك ايه؟

ارتبكت ساميه وقالت: اسمي ساميه ...... ساميه جمال...

_ساميه جمال ؟! هههههه ساميه جمال ولا تحيه كاريوكا...

القاعه كلها قلبت ضحك و تهريج وساميه مقدرتش تستحمل فقررت انها تنسحب من القاعه بسرعه...

خرجت بتجري بكل قوتها وسابت الكليه كلها وخرجت ، رجعت ساميه علي البيت وهي منهاره من البكا و كان اول من شافها هو ابوها اللي اتخض من منظرها و قلق جداا عليها...

_ماالك با بتي؟! حد اتعرضلك ؟

بصتله ساميه بعتاب وسكتت وهو قال: خبر ايه يا بت ما تنطوجي ايه اللي حوصل خلاكي راجعه عتبكي وحالتك حاله اكده...

خرجت سريااا علي صوت ابوها ولقت اختها بتبكي فقالت: ماالك يا خيتي هو الواد اللي اسمه بكر ده أتعرضلك تاني ولا اي...

بصتلها ساميه بتحذير وابوهم قال: مين بكر ديه؟ عمللك ايه يا ساميه جولي

ساميه قالت من بين دموعها: مفيش حاجه يا ابايا ،بكر ده عيل غتت وانا وجفته عن حده ومش هيستجري يفتح خشمه معايا تاني وااصل..

_اومال المشكله في مين ما تجولي...

=المشكله في عميد الكلية اللي شغال يتنمر عليا و يتمسهر علي اسمي و كسفني وسط القاعه كلتها...

_يتنمر عليكي وعلي اسمك كيف... مخابرش؟؟؛

انفجرت ساميه بغيظ: يعني كان بيجوللي اسمك ايه جولتله ساميه جمال راح جاللي ساميه جمال ولا تحيه كاريوكا...

ابوها بصلها لوهله وبعدها فضل يضحك جامد ،كان بيضحك بجد من قلبه وهي كانت بتبص له باستغراب وقالت: حضرتك عتضحك يابايا؟

_والله مخابرش ايه اللي يزعل في أكده.. الراجل خفيف الظل وكان بيضحك معاكو، ايه فيهاا عااد...

_يضحك معانا يجوم يخلي الكل يتمسخر علي اسمي؟! هو انا هلاجيها منين ولا منين بس يااربي، مكفاياش اسم ساميه شخلع اللي الناس اهنه ذلتني بيه في الخارجه و الداخله... الله يسامحك ياابوي انت اللي صممت تسميني الاسم ده وانت خابر زين اني هعاني اشد المعاناه بسببه .

_ مالك يا واكلاهم ده اسم ستك الله يرحمهاا.. كنتي هتلاجي اسم احلي منيه فين...

هزت ساميه راسها بيأس وقالت: الله يرحمها يابايا، ويرحمني انا كمان ..

دخلت ساميه اوضتها و سريا دخلت وراها...

سريا: اني مخابراش كييف تسكتي لولد المركوب ديه ، انا مكنتش هسمحله وااصل لو انا موطرحك انه يخلي زمايلي يتمسخروا عليا او يضحكو عليا،. راجل شايب و عايپ اصلااا.. جال ايه... ساميه جمال ولا تحيه كاريوكا... يخرب بيت تفاهتك يا اخي.. ده انت حلال فيك الرچم حتي الموت علي هيافتك وانت في السن ده والله

بصتلها ساميه بضيق وقالت: بجولك اي يا خيتي انا فيا كفايتي ،، همليني لحالي الله لا يسيئك دلوكتي..

بصتلها سريا بغيظ وقالت: ما خلاص يا خيتي بزياداكي جلع اومال.. ولا اجوللك اني هشوف مين عالباب احسن .. خليكي انتي ابكي و اتبكبكي علي اللبن المسكوب...

ورجعت بصت لاخوها باهتمام وقالت: الا جوليلي صحيح ..مفيش حبه؟

بصتلها ساميه باتفهام وقالت: حبة ايه؟

_حبة م اللبن المسكوب . هههخخخهههخه

ساميه حدفتها بالمخده بتاعتها وهي بتقول: يلااا بره يا راس البهيمه انتي انا هلاجيها منين ولا منين بس ياا ربي..

خرجت سرياا تفتح الباب واتفاجات لما شافت مين اللي جايلهم.....