الفصل التاسع والعشرون

كان جالسا سعد الحارونى بالمزرعة ودخل عليه مساعده عصام

_ خير يا عصام فى حاجه
= فى ضيف بره عاوز يقابل حضرتك
_ انت هتستهبل ضيف مين ده وعرف المكان ده ازاى
= ده مستر البيرت
_ هو وصل خليه يدخل طيب
= حاضر يا فندم

دخل البيرت عند سعد

_ ازيك يا سعد
= انا كنت متاكد انك هتيجى خصوصا بعد اللى حصل
_ احنا من بعد ما هربناك من السجن وسيبناك تتعامل براحتك ومحدش اتعرضلك نهائى على امل انك تكون اتعلمت من الدرس اللى فات وهتلعب كويس وترجع امجاد سعد بتاع زمان
= قصدك ايه بالكلام ده
_ قصدى على المحاوله الفاشله اللى عملتها امبارح اللى بعت فيها شوبة عيال ملهمش لازمه علشان يخطفوا سليم ، ده خلاص بقى مستواك يا سعد بتعبعت شوية عيال خلص عليهم سليم فى لمح البصر قبل ما يضربوا طلقه واحده
= انا كنت ببعت كارت ارهاب لجابر واحمد الحارونى
_ كارت ارهاب ايه ده حتى محصلش كارت معايده وسليم رد عليك فى وقتها ومن بعده جابر
= عمل ايه الزفت ده كمان
_ اتفرج على الفيديو ده وبعدين نتكلم
= فيديو ايه ده
_ اتفرج الاول علشان ابلغك الرساله اللى باعتهالك جابر
= ورينى كده

شاهد سعد الفيديو وكانت علامات الصدمة تملئ وجهه ولا يوجد عليه شيئا غيرها

_ شوفت ياسعد بعينك رد جابر

نظر له سعد ولا يعرف بماذا يقول

_ ساكت يعنى ، اسمع بقى الرساله اللى جابر باعتها جابر بيقولك نهايتك قربت ومصيرك هيبقى نفس مصير الراجل بتاعك والحرب اللى اجلتها 15 سنه معادها جيه وياريت تكون مستعدلها لانى هجوع الاسد من دلوقتى علشان الوليمه الكبيره

لم يرد عليه سعد ايضا وكان مكتفى بالصمت

_ هتفضل ساكت كده كتير
= انت بقى جاى شمتان فيا
_ يا سعد احنا كلنا فى مركب واحده واللى يضرك يضرنا معاك
= لازم اخلص من جابر علشان اعرف اعيش
_ بس فى حاجه انا مش فاهمها لحد دلوقتى
= حاجة ايه دى
_ ايه حكاية الحرب اللى اتأجلت 15 سنه دى ، جابر وقتها كان عيل صغير ايه بقى اللى يخليه يقلب عليك كده
= من ناحية الموضوع ده ففى حاجات كتير تخليه يقلب بالطريقه دى بس انا ماكنتش متوقع انه يعرف اى حاجه عنها
_ حاجات زى ابه
= دى مشاكل عائليه ماتخصكش ولاتخص الشغل بتاعكم حاجات كانت بينى وبين عبدالرحمن والد جابر
_ على العموم احنا لازم نرتب الشغل ما بينا علشان اللى حصل امبارح ما يتكررش وانت شوفت بنفسك لما بتلعب لوحدك بيحصل ايه
= واستر رائيها ايه فى الموضوع ده
_ استر باعتانى علشان اظبط معاك الشغل فى الفتره اللى جايه
= أنا عاوز اشوف استر
_ استر هتسافر جينيف النهارده علشان فى شغل مهم هناك وانا اللى هحل محلها هنا لحد ما ترجع
= هترجع امتى من السفر
_ لسه مش عارف بس اول ما توصل هرتبلك معاها معاد ، خلينا دلوقتى فى الشغل
= ماشى يا البيرت

من ناحيه اخرى كان يجلس أحمد الحارونى مع المدير المالى استاذ هانى ومدير المشروعات المهندس عزت بالشركة لكى يتحدث معهم فى أمر المناقصة

_ عملتوا ايه فى المناقصه يا بشمهندس عزت
= ماتقلقش يا فندم دى مش اول مره ناخد مناقصه بالحجم ده
_ المره دى غير كل مره احنا دلوقتى قصادنا منافس قوى جدا
= بس احنا عندنا خبره كبيره فى المناقصات اللى زى دى غير اى شركه منافسه
_ هو ده الكلام اللى انا مش بحبه ، اكبر غلط انك تستهون بالمنافس اللى قصادك
= يا فندم احنا مش بنستهون بحد بس احنا عندنا خبره كبيره فى مجال المقاولات
_ طب عملتوا ايه فى التعديلات اللى طلبتها منكم
= انا خلصت التعديلات اللى حضرتك طلبتها
_ ورينى كده
= اتفضل يا فندم
_ كده تمام جدا ، وانت يا استاذ هانى

فرد عليه هانى

= وانا ظبطت الاسعار ومفيش حد قدم سعر اقل مننا لحد دلوقتى
_ وانت عرفت من فين
= كله بالفلوس
_ اوعى تقول انك قدرت توصل للمسئول عن المناقصه فى الوزاره
= انا كنت قاعد معاه امبارح لحد الساعه 12 بعد نص الليل واخدت منه كل العروض اللى اتقدمت لحد امبارح
_ والعرض بتاع شركة الصفوانى
= للأسف لسه ماقدموش العرض بتاعهم لحد دلوقتى بس انا متفق معاه مجرد ما عرض شركة الصفوانى يوصل هيكون عندى نسخه منه
_ لو قدرت تجيبلى العرض ده ليك عندى مكافئه انت ماتحلمش بيها
= مجرد ما يقدموا العرض بتاعهم هيكون عند حضرتك نسخه طبق الاصل منه

فجأه الباب خبط ودخلت السكرتيره

_ خير فى حاجه
= اشرف موجود بره وحضرتك طلبت منى اول ما يوصل ابلغك على طول
_ طب دخليه بسرعه
= حاضر يا فندم
_ وانتوا يا اساتذه اتفضلوا دلوقتى وهنكمل اجتماعنا بعدين

خرج عزت وهانى ودخل اشرف بعدها

_ طمنى يا اشرف ايه الاخبار فى البورصه
= للأسف يا فندم الاسهم اللى حضرتك بعتها رجعت تانى ترتفع وتعوض الخساره اللى عملتها فى اليومين اللى فاتوا
_ يعنى احنا بعنا بخساره
= للأسف هو ده اللى حصل
_ وباقى اسهم الشركات بتاعتنا اخبارها ايه
= فى جزء كبير منها بدأ يتحسن بعد ما حضرتك حطيت الخطه الجديده بتاعة حرق جزء من الاسهم
_ وبالنسبه للشركات اللى اسهمها بتخسر
= للأسف كل يوم حالتها بتسوء عن اليوم اللى قبله
_ طب اسمع الكلام اللى هقولهولك ده علشان نبدأ فى تنفيذه فورا
= اتفضل حضرتك انا سامع
_ احنا هنبيع كل الشركات اللى بتخسر مره واحده
= بس كده احنا هنخسر خساره جامده وممكن بيتنا يتخرب فيها
_ اسمعنى للأخر وماتبقاش غبى
= اتفضل حضرتك
_ احنا هنعمل شركه جديده خالص والشركه دى هتدخل سوق البورصه عادى جدا زى اى شركه وهنبيعلها كل الشركات اللى خسرانه
= يعنى احنا هنشترى الشركات بتاعتنا
_ بالظبط كده وده هيحرك الاسهم ولو بشكل بسيط
= وبكده الاسهم هتبدا ترتفع واحده واحده
_ بالظبط وبعد كده هنعمل اعادة هيكله للشركات دى ونطورها وتنزل تانى للسوق باسم جديد وشكل جديد
= بس حضرتك الموضوع ده هيبقى مكلف جدا ده غير ان نتيجته هتبان على المدى البعيد يعنى مش قبل 5 سنين
_ بس بعد خمس سنين شوف الشركات دى هتبقى ازاى واسمها عامل ايه
= احنا دلوقتى عاوزين نعمل دراسة جدوى للمشروع ده علشان نبدأ التنفيذ
_ الدراسه جاهزه ومش ناقص غير التنفيذ
= خلاص من بكره هبدأ فى تأسيس الشركه الجديده ، هتسمى الشركه الجديده ايه
_ هسميها الصقور
= تمام يا فندم
_ روح انت دلوقتى وابدأ فى اللى قولتلك عليه

خرج اشرف من عند احمد ، وجلس احمد يحدث ١نفسه

_ ماشى يا جابر عاوز تلعب بيا انا ، تعملى مشاكل فى البورصه وتخسر الاسهم علشان تدخل تشتريها انت وسعيد الصفوانى وتضحكوا عليا ، للأسف يا جابر انت اللى بدأت الحرب واذا كنت انت جابر انا برضه احمد الحارونى اللى شاف من الدنيا دى كتير

دخلت السكرتيرة على أحمد مرة اخرى

_ فى ايه تانى
= فى حد دلوقتى جه وساب لحضرتك الظرف دا
_ مقلش مين اللى باعته
= لأ يا فندم
_ طب هاتيه واخرجى أنتى

اخذ أحمد منها الظرف ولجس لكى يقرأه وبعدما فهم كل شئ كانت الصدمة تملئ وجهه ، جلس أحمد يعيد مرات فى قرأة الجواب وبعدها أخرج هاتقه واتصل بأستر يعقوب وقال

_ الو يا أستر
= الأمانة وصلتك
_ اه فى ايدى اهى
= يارب تكون عجبتك وفهمت
_ أنتى عرفتى الكلام دا أزاى
= أنا أستر يعقوب يا أحمد، أقدر أعرف كل حاجة
_ انا جاهز أعمل اللى انتى عيزاه
= حلو ، كدا نعرف نتكلم

جلس أحمد يتحدث مع أستر ويضعون خطط لكى يوقعوا بجابر وسعيد وشركاتهم

على الجانب الأخر ذهب سعيد إلى المنزل وأخذ مريز لكى يخرج معها وذهبوا إلى مولات وبعدها دخلوا السينما وكانت مريم فى قمة سعادتها فهى اليوم لا تخرج مع أبن عمها ولكنها خارجة مع حبيبها سعيد

من ناحية أخرى فى فيلا جابر كانت تجلس ليندا وريهام ومعهم سليم أبن أحمد الحارونى الذى أتى ليجلس مع عمته قليلا وفجأة وهو يتحدثون رن جرس الباب وبعدما ذهبت الشغالة لكى تفتح الباب تفاجئ الجميع بحضور عمر الألفى ومارى زوجته وما أن شاهدتهم ليندا حتى قامت وركضت إلى أن وصلت إلى احضانهم وبعدها ذهب الجميع لكى يجلسون

_ ليه ماقولتوش انكم نازلين مصر

فرد عليها عمر

= من يوم ما سافرتى ومامتك قلقانه وعاوزه تشوفك قولت اعملك مفاجأه واجيبها
_ اجمل مفاجأه بصراحه يا ماما انتى وحشتينى اووووى
= وانتى كمان يا حبيبتى طمنينى عليكى يا حبيبتى
_ انا كويسه جدا ياماما الحمد لله

رد عليهم ريهام

_ حمدالله على سلامتكم
= معلش يا ريهام سامحينى اتشغلت مع ليندا
_ لا مفيش اى مشكله حضرتك انا مقدره ده كله

نظر عمر الألفى إلى سليم وقال

_ وانت يا سليم اخبارك ايه
= انت اصلا لو بتسأل عليا كنت عرفت ايه اخبارى ده انت بقالك 4 شهور ماكلمتنيش مفيش غير طنط مارى هى اللى بتكلمنى
_ مش معنى انى مش بكلمك كتير انى مش عارف اخبارك بس كبرت وبقيت راجل يعتمد عليه بجد يا سليم
= ليه هو انا مكنتش راجل ولا ايه
_ قطع لسان اللى يقول كده انت راجل وسيد الرجاله يا سليم باشا

فسألته ليندا

= صحيح يا بابا ادم عارف انكم هنا
_ ايوه عارف واستقبلنا فى المطار بس جاله تليفون شغل مهم واضطر يرجع الشركه تانى
= خير فى مشكله فى الشغل ولا ايه
_ لا مفيش مشاكل بس قال فى مناقصه مهمه لازم يمضى ورقها قبل ما تتسلم علشان كده رجع الشركه يمضى الورق وهيجى على طول

كانت ريهام تود أن تقوم وتترك والد ليندا وامها وحدهم

_ طب نسيبكم مع بعض علشان تاخدوا راحتكم
=ايه الكلام اللى انتى بتقوليه يا ريهام هو انتى غريبه ، انتى بنتنا زيك زى ليندا بالظبط
_ شكرا يا طنط

فرد عمر الألفى

_ مارى بتتكلم بجد يا ريهام احنا هنا كلنا بنحبك وغلاوتك من غلاوة ليندا بالظبط

فرد سليم

= اه واضح كده ان انا اللى بقيت عزول فى القعده دى استاذن انا بقى
_ اتلم ياولا احسن اقوملك
= هتعملى ايه يعنى
_ هقوم اعلقك فى السقف
=ايه رائيك تحاولى
_ لا يا عم الطيب احسن

فرد عليه عمر

= ههههههه ايوا كده يا سليم راجل
_ هههههه اصلها بتستفزنى

فاكملت مارى

_ ماشى يا سليم يبقى انسى الهدايا اللى جايبهالك معايا
= وانا اقدر برضه على زعلك تحبى اقوم اعلق نفسى فى السقف
_ ههههههههه لا خلاص سامحتك

جلسوا يتحدثون مع بعضهم ما يقارب السعاتين حتى قررو أن يذهبوا ويستؤيحوا بغرفهم إلى ان يأتى جابر لكى يسهرون اليوم

من ناحية أخرى كان يجلس أحمد الحارونى بمكتبه ودخل عليه هانى المدير المالى

_ خير يا هانى فى حاجه
= شركة الصفوانى قدمت العرض بتاعها
_ انت بتتكلم بجد يا هانى
= طبعا يا ريس هو الكلام ده فيه هزار ، العرض بتاعهم اتقدم النهارده الساعه 2 الضهر
_ هو بكره اخر معاد لتقديم المظاريف
= ايوا يا فندم بكره الساع 10 الصبح
_ هتلحق تظبط الاسعار فى المعاد
= متخافش يا فندم كل حاجه هتخلص فى المعاد المناسب وبكره الصبح هسلم المظروف بنفسى الساعه 9 الصبح وبكده نضمن ان العرض بتاعنا مايتسربش
_ ولو المناقصه رسيت علينا اوعدك بمكافئه انت ماتحلمش بيها ، أنت متعرفش المناقصة دى قيمتها ايه بالنسبالى
= رضا حضرتك عنى اغلى من اى فلوس
_ طب يلا روح شوف شغلك بسرعة وظبطها
= حاضر يا فندم

ترك هاني أحمد وخرج فقال احمد وهو يحدث نفسه

_ ورينى بقى يا جابر بتضربنى أزاى من تحت لتحت ادينى أخدت منك المناقصة أهو كلها ساعات بس

على الجانب الأخر بعدما عاد جابر إلى الفيلا وجلس معهم قليلا دخل إلى مكتبه كى يراجع بعض الأوراق فدخل عليه عمر الألفى وبعدما جلس معه سأله عما حدث بالأمس

_ ايه اللى بيحصل بالظبط يا جابر
= دى كانت لعبه هبله من سعد الحارونى واستر بس قدرت اقلب اللعبه لصالحى
_ تفتكر استر هترد ازاى على اللى انت عملته
= اكيد دلوقتى قاعده بترتب لمصيبه جديده
_ مصيبه زى ايه
= مش عارف بالظبط بس وارد جدا تعمل حركه من حركاتها فى حفلة يوم الخميس اللى جاى
_ دى كارثه فى حد ذاتها الحفله دى مهمه جدا وهيكون فيها اهم شخصيات فى البلد واى غلطه ممكن كلنا نروح فى داهيه
= مش دا الأهم ، الأهم أننا كمان هنستغل الموقف ونعمل حفلة خطوبة سعيد ومريم بنت عمه فى نفس الوقت ودا كان قرار سعيد وهو اللى طلب فبالتالى هيكون الكل موجود
_ طب وبعدين ياجابر أى حركة غلط فى الموضوع دا هتبوظ الدنيا وتعمل مصايب كبيرة
= متخافش يا عمى انا هأمن الحفله دى كويس جدا ولا انت مش واثق فيا
_ ايه الكلام اللى بتقوله ده يا جابر انا ثقتى فيك ثقه عمياء وطالما انت موجود انا متطمن
= يبقى خلاص سيبلى الموضوع ده وانا هخلصه بنفسى
_ انا سايبلك كل حاجه تتصرف فيها بدماغك من زمان
= ومن يوم ما سيبتلى الشغل فى مره خذلتك فيها
_ بصراحه لا انت من يوم ما مسكت الشغل وانت ممشيه زى الساعه ، تربيتى فيك ماراحتش هدر ، عارف يا جابر ابوك كان هيبقى مبسوط اووووى لو شافك وانت كده
= الله يرحمه
_ انت واخد ذكاء ابوك فى الشغل ، ابوك كان شاطر جدا
= هو كان بيحب شغله علشان كده كان شاطر فيه
_ خلينا فى المهم انت عملت ايه فى المناقصه
= احنا قدمنا العرض بتاعنا النهارده وبكره هتتفتح المظاريف الساعه 2 الضهر
_ وبالنسبه للأسعار
= ما تخافش احنا مقدمين احسن سعر
_ طب تمام ، خلى بالك المناقصه دى مهمه جدا ومينفعش نخسرها
= انا معرفش معنى الخساره ابدا
_ تمام كده ، فى حاجه مهمه عاوز اديهالك
= حاجة ايه
_ امانه شايلها فى رقبتى من سنين
= امانة ايه مش فاهم
_ ابوك قبل ما يتوفى بكام شهر جانى الفيلا وقعد معايا قعده طويله ، وبعدها وصانى عليك وبعد كدا سابلى ظرف أجندة كاتب فيها كل مزكراته حاجات تعرفها وحاجات كتير متعرفهاش عايزك تقعد تقرأها ياجابر وتعرف اللى فيها كويس ، انا اديتهالك دلوقتى عشان عارف أنك دلوقتى. تقدر تفكر وتعرف تتعامل مع كل حاجة
= حاضر يا عمى هقراها ، الله يرحمه ويسامحه يارب

تركه عمر الالفى وخرج وجلس جابر لكى يرى مزكرات والده وكلما يقرأ ورقة يزداد الزعر بداخله والغضب حتى ان وصل إلى ما فعله سعد مع والده وبعدها عرف سر كراهية أمل الحارونى له ولأمه قرر جابر أن لا يدخل عليه أحد ومن ثم اغلق المكتب عليه وجلس حتى أكمل كل ما بداخل المزكرات وعلم كل ما بداخله وبعدها قال
_ ياولاد الكلاب كل دا عملتوه فى ابويا

ثم اعاد جابر القرأة مرة اخرى حتى انهكه النون وهو يقرأ