الفصل الثامن والعشرون

بعدما تحرك جابر من المكان المتواجدة به أستر ذهب إلى الفيلا الخاصة به وكانت بجوار فيلا أحمد الحارونى كان جابر يود أن يطمئن على سليم قبل أن يذهب إلى منزله ، فذهب أولا لكى يتحدث مع سليم وبعدما حدثه فى الهاتف وجلس معه فى الجنينة فكان سليم ينتظره من الأساس

_ كنت فين يا جابر
= كنت بجيبلك حقك
_ هو ده اللى انا كنت خايف منه
= اياك اسمع منك كلمة خايف دى تانى فاهم
_ انا مش هستحمل تبعد عنى تانى
= وانا بعدت عنك فى الاول علشان ابعد عنك تانى ، احنا مش طول الفتره اللى عملت فيها قصة موتى كنت بكلمك باستمرار واتطمن عليك وتطمن عليا
_ عارف يا جابر انك مابعدتش عنى بس فكرة انك مش عايش معايا دى صعبه عليا اوى ومش هستحمل علشان اعرف اكلمك اعمل حوارات
= هو ده قدر الرجاله
_ طب سيبك من الكلام ده وقولى انت كنت فين وعملت ايه
= بعت كارت تهديد للى عمل فيك كده النهارده
_ كارت ايه ده
= اتفرج على الفيديو ده وانت هتعرف
أعطى جابر لسليم الهاتف وقام بتشغيل فيديو رجل سعد وهو يعذب
_ ورينى كدة
= ايه رائيك
_ انا بحبك اووووى يا دياب
= ده اقل عقاب لأى حد يفكر مجرد تفكير انه يتعرضلك
_ بس كده انت عجلت بالحرب بينك وبين سعد
= الحرب كده ولا كده كانت جايه بس هو اللى عجل بيها لما فكر يتعرضلك
_ طب تفتكر هو هيعمل ايه تانى
= لسه مش عارف حاليا هو بيفكر فى ايه بس زى ما قولتلك متخافش طول ما انا معاك وفى ضهرك
_ عمر الخوف ما هيعرف طريق لقلبى طول ما انت فى ضهرى
= عاوزك دلوقتى تتعامل عادى جدا ولا كأن فى حاجه حصلت
_ حاضر
= فى موقع مهم سجلتلك فى عضويه عليه مجموعه ضخمه من الكتب والابحاث النادره اللى مستحيل تلاقيها فى اى مكان تانى عاوزك تفضى نفسك كل يوم كام ساعه وتقرأ فيه
_ انت كل شويه هتسجلى عضويه فى موقع جديد
= لازم تتعلم صح وتفهم العالم من حواليك بيدور ازاى ، الحرب اللى جايه مش حرب اسلحه لا دى حرب معرفه كل ما تكون عارف اكتر كل ما زادت فرصتك فى الفوز
_ انا فاهم كلامك ده كويس وبنفذه بس انت بتخلينى اقرأ فى كل المجالات وده متعب لكن لما اختار تخصص معين ساعتها هقدر ابدع فيه
= ده اكبر غلط ، ابويا زمان قالى حاجه مهمه جدا هى اللى ماشى عليها وعاوزك تعملها
_ حاجة ايه دى
= قالى الصح مش انك تعرف كل حاجه عن حاجه معينه لكن الصح انك تعرف حاجه عن كل حاجه وقتها هتقدر تسابق الزمن
_ حاضر يا جابر
= وعلشان كمان لما تقعد مكانى تقدر تحافظ على المسئوليه اللى هسيبهالك وتقدر تحافظ على اولادى من بعدى
_ ماتقولش كده يا جابر ابوس ايدك
= لازم تتعود على كده انا مش هعيشلك طول العمر وارد جدا انى اموت فى لحظه
_ عارف بس ماتقولش الكلام ده تانى
= حاضر بس يلا دلوقتى هرجع الفيلا علشان انا عاوز اطلع انام
_ ماشى يا جابر تصبح على خير
= وانت من اهل الخير

ودع جابر سليم ثم ذهب بعدها إلى فيلته فدخل ووجد ريهام وليندا بانتظاره


_ ايه ده انتوا سهرانين لحد دلوقتى كده ليه الساعه دلوقتى 3 الفجر

فردت عليه ريهام

= يعنى معقول ننام وانت لسه مارجعتش
_ ماشى يا ستى ويا ترى اتعشيتوا ولا لسه
= انا لسه ماتعشيتش
_ وانتى يا ليندا
= انا اتعشيت 3 مرات ولسه حاسه نفسى جعانه
_ طب ده حلو اهم حاجه تتغذى كويس علشان الحمل
= بس انا كده جسمى هيبوظ لحد معاد الولاده
_ مش مهم شوية دايت ورياضه بعد الولاده هترجعى تانى
= هو اللى بيروح بيرجع تانى
_ هههههههههه طب خليهم يجهزوا العشاء على ما اخد شاور واغير هدومى
= اطلع انت وربع ساعه هيكون العشاء جاهز


صعد جابر إلى غرفة ليندا فاليوم هو هومها وبعدها تناول وجبة العشاء وجلس يتحدث معها

_ طمنى عملت ايه النهارده
= هى لحقت الاخبار توصلك
= هو اللى حصل ده حاجه عاديه علشان تستخبى وانت اختفيت من بعد اللى حصل فى النادى ومحدش عرف يوصلك ده غير انك اخدت طقم الحراسه التانى معنى كده انك بتعمل مصيبه
= كان لازم الرد يوصل فى نفس الليله
_ انا قلبى كان حاسس انك بتعمل مصيبه قولى عملت ايه بالظبط
= سيبك من الكلام الفاضى ده خلاص اللى حصل حصل وخلصنا لانى مش هسمح لأى مخلوق يقرب من سليم
_ حاسب يا ادم انت بقيت تحب سليم حب جنونى وبطريقه مكشوفه وبكده انت بتعرفهم نقطة ضعفك
= كلهم عارفين ان سليم نقطة ضعفى اللى مش هقدر اسامح فيها
_ عارفه يا حبيبى وعلشان كده بقيت خايفه عليك من الحب ده ماتنساش كمان انك مش ابوه
= لا انا ابوه اللى رباه واللى علمه وعاش معاه اصعب ايام حياته ، انا ابوه اللى ضحيت علشانه لحاجات كتبر ومستعد اضحى اكتر ، انا ابوه اللى عايش معاه كل تفاصيل حباته
_ اهدى يا ادم انت كده هتنهار
= معلش با حبيبتى بس انتى عارفه انى مش بستحمل اى كلمه فى موضوع سليم
_ خلاص يا حبيبى ، بس على فكره انا بغير والظاهر كده انك بتحب سليم اكتر منى
= ههههههههه انا عارف انك بتقولى كده من وراء قلبك
_ طبعا يا حبيبى انا بس بنكشك وانت عارف انى بحب سليم
= عارف يا حبيبتى
_ المهم دلوقتى هتعمل ايه مع استر
= استر دى هم كبير ومحتاج اركز معاها كويس جدا
_ انا عرفت موضوع الاسهم والبورصه
= دى لعبه هبله من الاعيب استر هدفها تهز سمعتنا فى السوق علشان لما تقعد معايا تبقى فى مركز قوه وانا كنت عامل حساب حاجه زى كده
_ لا دى مش لعبه هبله احنا خسرنا فلوس كتير فى اللعبه دى
= بالعكس احنا استفدنا كتير جدا وانتى مش واخده بالك
_ ازاى بقى يا آدم
= لما الاسهم وقعت فى ناس كتير خافت وعرضت الاسهم بتاعتها للبيع
_ بس انت طلبت من بابا انه مايشتريش ولا سهم من الاسهم دى
= انا فعلا طلبت منه كده علشان شركة الفهد الاسود هى اللى اشترت الاسهم دى وبكده قدرنا نسيطر على 80% من اسهم الشركات 51% اسهمنا المعلنه و 29% نسبة الفهد الأسود يعنى اللعبه اللى عملتها استر كانت فى مصلحتنا يعنى المفروض نبعتلها بوكيه ورد ونشكرها
_ انت بتتكلم بجد
= طبعا بتكلم بجد ودلوقتى نتفرغ للعبه بتركيز
_ عندك حق
= طب كفايه كده ويلا تصبحى على خير انا عاوز انام معايا شغل الصبح بدرى
_ وانت من اهله يا حبيبى


فى اليوم التالى كان يجلس سعيد بمكتبه ودخل عليه جابر بعدها ويبدو على وجهه علامات السعادة حتى اقترب منه وقال

_ الف مبروووووك يا عريس
= انت لحقت عرفت
_ عيب عليك ده انا برضه جابر
= مين اللى قالك
_ قابلت مصطفى وانا خارج من الفيلا واتكلمت معاه شويه وحكالى اللى حصل
= ماشى يا سيدى
_ من اول ما شوفتك مستسلم امبارح وانت خارج مع مريم قولت السناره غمزت
= انا بقالى فتره بفكر فى الموضوع ده لحد ما قدرت اخد القرار
_ الف مبروك يا اخويا
= الله يبارك فيك
_ انت ايه اللى جابك الشغل النهارده مش المفروض تاخد خطيبتك تفسحها
= وانا فاضى برضه للكلام ده
_ تصدق انك عاوز تضرب بالجزمه
= ليه ياعم انت
_ يابنى ما كلنا بنشتغل بس بنراعى حياتنا الشخصيه برضه
= بس النهارده فى اجتماع مهم ولازم احضره
_ اجتماع ايه بالظبط
= اجتماع المناقصه يوسف ومعتز هيوصلوا كمان ساعه علشان اخر معاد لتقديم المظاريف بعد اسبوع
_ تصدق كنت ناسى الموضوع ده
= لا والنبى ركز معايا الفتره دى احنا داخلين حروب فى كل ناحيه
_ ياعم كفايه اللى حصل امبارح
= ايه اللى حصل امبارح انا كلمتك كتير بالليل وتليفونك كان مقفول
_ انا هحكيلك كل حاجه حصلت بالظبط

حكالى جابر كل ما حدث بالأمس من اول النادى مرورا إلى ذهابه الاستراحه عند استر

= يخرب عقلك انت روحت عند استر بنفسك
_ كان لازم اعلم عليها وادمر اعصابها
= بس انت كده بتحرق ورقنا
_ متخافش هى متعرفش انا عرفت مكانها ازاى
= المهم انت هتعمل ايه دلوقتى
_ هكلمها علشان احدد معاها معاد الاجتماع
= هنعمل الاجتماع امتى وفين
_ الاجتماع هببقى بعد المناقصه هنا فى شركة الصفوانى
= طب تمام
_ شوفت اللى حصل فى اسهم البورصه النهارده
= عيب عليك انا دارس الموضوع ده كويس وعارف الاعيب البورصه اسمع بس انت كلامى
_ زى ما انت قولت اسهم الشركه ابتدت ترتفع تانى وقربت توصل لقيمتها من تانى
= والاهم من كده ان احنا اشترينا كل الاسهم المعروضه بسعر عمرنا ما كنا نحلم بيه يعنى احنا سيطرنا على الشركات وكسبنا فلوس ، لو استر عرفت بالحركه دى احتمال تولع فى نفسها
_ الصبر كل ده هيحصل وهخليها تولع فى نفسها بجد
= واكتر حاجه مريحانى ان احمد الحارونى يعتبر خرج من الشركات دى خصوصا بعد ما باع معظم الاسهم بتاعته ومش باقى ليه غير 5% بس من مجموع الاسهم
_ هو اللى استعجل وباع
= احمد الحارونى بقاله فتره كبيره بيواجه مشاكل كبيره خصوصا فى البورصه
_ ده عيب انك تشترى اسهم كتير بدون دراسه للسوق ، احمد خلص معظم السيوله اللى عنده ده غير ان فى شركات كتير بتخسر وهو لازم يصرف عليها علشان تجيب ارباح والكلام ده بيحصل على المدى البعيد
= رجالتنا فى البورصه المصريه قالولى ان احمد الحارونى بيمتلك اسهم فى اكتر من اربعين شركه مصريه
_ ده غير الاسهم اللى بيملكها فى بورصة لندن
= انا زعلان عليه وعلى الحال اللى وصله
_ انا حذرته كتير وهو ماسمعش كلامى ، احمد معتمد على المليارات اللى كسبها من موضوع الاثار واللى لسه شايلها فى البنوك بره مصر
= حتى لو كان معاه 100 مليار ، الخساره اليوميه اللى بيخسرها فى البورصه لازمها سنين شغل علشان تتعوض
_ انا عملت اللى عليا واديته خطه لو مشى عليها هيعوض خسارته وهيكسب كمان فى ظرف 3 سنين وياريت ينفذها
= دى الخطه اللى انا قولتلك عليها بتاعة حرق الاسهم
_ ايوه بالظبط وكمان بعد اذنك لو كسبنا المناقصه بتاعة شركه المقاولات هدخله شريك معانا بنسبة 10% علشان يعوض شويه
= ماشى يا سيدى وعلشان خاطرك خليها 15% بس تفتكر احمد هيوافق على حاجه زى دى
_ والله انا بعمل اللى عليا ومش علشان سواد عيون احمد الحارونى لا ده علشان سليم
= على العموم انا معاك فى اللى انت تختاره
_ قبل ما انسى صحيح احنا جمدنا قد ايه من السيوله اللى عندنا وحولناها دهب لحد دلوقتى
= احنا جمدنا 2 مليار دولار وكسبنا فيهم تقريبا 250 مليون دولار من اول ما بدأنا تحويل الفلوس لدهب
_ عظيم جدا ، فكرة تحويل الفلوس لدهب دى كانت فكرتك وبصراحه عززت موقفنا فى السوق وادتنا قوه كبيره
= خلتنا واقفين على ارض صلبه ومستعدين نواجه اى مشكله
_ السوق مابقاش مظبوط وقيمة العمله يوم فى الطالع ويوم فى النازل لكن الدهب حتى لو قيمته كل يوم بتتغير غير قيمة العمله
= ولسه كمان لما نشتغل فى الماس هنبقى واقفين على ارض مقاومه للزلازل مش بس ارض صلبه
_ ده يتوقف على العرض اللى هتجيبه استر
= مهما كان العرض اللى استر هتجيبه احنا برضه كسبانين ولا انت ناسى ان احنا مش هدفنا الرئيسى موضوع الماس وهدفنا حاجه تانى
_ على رائيك

دخلت عليهم السكرتيرة أثناء حديثهم وابلغتهم أن الأستاذ معتز والمهندس يوسف بالخارج فأبلغها سعيد ان تدخلهم وأن لا تدخل عليهم مرة أخرى تحت أي ظرف
دخل يوسف ومعتز إلى مكتب سعيد وجلسوا فحياهم سعيد

_ اهلا بيكم يا رجاله
= ازيك يا سعيد
_ الحمد لله بخير يا معتز طمنونى عملتوا ايه فى المناقصه
= متخافش يا سعيد احنا خلصنا كل حاجه وعملنا احسن سعر

فنظر جابر إلى المهندس يوسف وقال

_ وبالنسبه للشغل الهندسى يا يوسف
= انا عارف يا فندم انك اساسا مهندس وبتهتم بالشغل الهندسى اتفضل حضرتك واحكم بنفسك
_ ورينى كده
= اتفضل
_ شغل ممتاز جدا بس ناقص حاجه بسيطه
= خير يا فندم
_ انت مش شايف ان المستشفى صغيره شويه
= بالعكس انا شايف انها كويسه خصوصا ان احنا عاملين مركز طبى صغير
_ انا عارف بس لازم نكبر المستشفى شويه
= حاضر انا هشتغل عليها النهارده وبكره هكون خلصتها ، فى اى طلبات تانيه
_ بالنسبه لمنطقة الفلل عملت فيها كام كافيه ومطعم
= 3 مطاعم وكافيهات كويسين لان لسه المول هيبقى فيه مجموعة مطاعم وكافيهات ده غير الكافيهات اللى فى منطقة الشرقيه
_ حلو جدا كده
= فى اى حاجه تانى عاوز تضيفها حضرتك
_ لا تمام جدا تصميمك عبقرى جدا يا يوسف
= شكرا يا فندم
_ وانت يا معتز عاوزين نراجع الميزانيه مع بعض
= وانا جاهز

جلسوا أكثر من ساعتين لمراجعة كل شئ فى الميزانية لكى يكون المشروع جاهز على التقديم

قال لهم جابر فى محاولة لمكأفتهم وحتى بكلمات المدح

_ بصراحه شغل جبار جدا وفى وقت قياسى تسلم ايديكم
= ياريت بس ناخد المشروع بعد كل التعب ده
_ حتى لو ما اخدناش المناقصه يا معتز كفايه عندى تعبكم يا رجاله وعلشان كده فى مكافئه 100 الف لكل واحد فيكم هتقبضوها النهارده
= ده كتير يا فندم
_ مفيش حاجه كتيره على تعبكم يا رجاله ولو المناقصه رسيت علينا فى مكافئه تانيه

فرد سعيد قائلا

_ يلا يا عم ابسطوا الغزاله رايقه مع جابر النهارده وراضى عليكم
= يارب دايما

وجه بعدها جابر حديثه ليوسف وقال
_ طول ما انتوا شايفين شغلكم صح هتشوفوا احلى فلوس ومش بعيد بعد كام سنه كل واحد فيكم يفتح شركة مقاولات لوحده
= لا يا فندم احنا بدأنا فى الشركه دى من ايام المرحوم ولا يمكن نسيبها
_ غلط يا يوسف لازم كل واحد يسعى ويشتغل علشان يكبر بس بشرط انه يراعى ضميره ومايخونش ابدا ، والدكتور سعيد لو كان عايش وسطينا كان هيبقى مبسوط لما تنجحوا
= حضرتك بتتكلم زى الدكتور سعيد بالظبط
_ الدكتور سعيد ده ابويا التانى اللى اتعلمت منه كتير
= حضرتك تعرف الدكتور سعيد من زمان
_ ياه ده عمر طويل ، انا اعرف الدكتور سعيد من اول ما كان عندى 10 سنين وقتها كان فاتح شركه ادويه فى ايطاليا وفى نفس الوقت كان شريك المهندس عمر الالفى فى شركة المقاولات فى امريكا وكان دايما بيزور امريكا وكان بيحب ابويا جدا لانهم من نفس البلد وياما ابويا عزمه عندنا فى البيت وكانت العلاقه بينهم مش علاقة موظف وصاحب الشغل بالعكس دى كانت علاقه صداقه واخوه ، وبعد وفاة ابويا الدكتور سعيد ماسابنيش خالص وكان دايما معايا هو وعمر الالفى
= الله يرحمهم
_ امين يارب ، كفايه بقى كلام فى الماضى وخلينا فى المستقبل
= احنا خلاص فهمنا كل طلبات حضرتك وفى خلال يومين بالكتير هيكون على مكتبك كل التعديلات
_ تمام يا رجاله وزى ما وعدتكم بعد المناقصه فى مكافئات تانيه هتبسطكم
= طب نستأذن احنا علشان نخلص شغلنا
_ اتفضلوا وبعد ما تخلصوا شغلكم هنعمل اجتماع تانى علشان نشوف التعديلات مع بعض

ذهب بعدها معتز ومصطفى فنظر جابر لسعيد وقال

_ يلا انت كمان يا استاذ اتفضل من غير مطرود علشان معايا شغل
= على فكره انت قاعد فى مكتبى
_ لا يا حبيبى انت اجازه النهارده وبكره يلا اتفضل ماتعطلناش خلينى اشوف الشغل
= اجازه ايه ياعم انت
_ ياعم روح خد خطيبتك فسحها وفضى دماغك قبل المفرمه ومتخافش يا عم انا مكانك هنا
= حاضر يا سيدى