الفصل السابع والعشرون

كان جالساً سعد الحارونى فى انتظار ماذا سيحدث مع سليم حتى دخل عليه عصام قائلا

_ للاسف يا فندم المهمه فشلت
= مش مهم
_ يعنى حضرتك مش زعلان
= اكيد طبعا زعلان علشان فشل المهمه بس برضه قدرنا نعمل كارت ارهاب
_ بس حضرتك كده هيشددوا الحراسه اكتر
= مش مهم كل حاجه وليها حل ، المهم دلوقتى قطعت اى خيط يربطنا بالرجاله دى
_ اكيد يا فندم
= يبقى دلوقتى نقعد ونتفرج على اللى هيحصل
_ ايه اللى هيحصل بالظبط
= عاوزين نرتب للحفله اللى هيعملها دياب وسليم الجراح
_ بس اكيد الحفله دى هيكون تأمينها كبير جدا ومش بسهوله نقدر نقتحمها
= قولتلك يا عصام كل مشكله وليها بدل الحل الف حل
_ على العموم لسه قدامنا اسبوعين على الحفله واكيد هنعرف نلاقى حل
= طب روح دلوقتى وسيبنى
_ حاضر يا فندم
من ناحيه اخرى تجلس استر والبيرت فى المكتب

_ تفتكرى جابر هيشك فينا
= اكيد طبعا بس تصدق ان الحركه اللى عملها سعد جات فى وقتها
_ انا كنت خايف تقلبى الدنيا بسبب اللى حصل
= بالعكس بقى سعد عمل المطلوب منه على اكمل وجه كده احنا رمينا كارت ارهاب لجابر علشان لما اقعد معاه يعرف هو بيتعامل مع مين
_ طب ايه خطتك دلوقتى مع جابر
= بكره هكلمه علشان احدد معاه معاد الاجتماع
_ تفتكرى جابر هيعمل ايه دلوقتى
= من ناحية هيعمل فهو هيعمل كتير بس مش هيتهور ويبوظ اللعبه
_ خلينا نتفرج ونشوف هيعمل ايه


من ناحية أخرى كان عائدا إلى المنزل أحمد الحارونى وسليم فراتهم فاتن وهم يدخلون مع بعضهم ويبدو أنهم اتيين مع بعض

_ ايه ده انتوا راجعين مع بعض غريبه

فرد عليها سليم

= بابا عدى عليا فى النادى وقعد معايا شويه وبعد كده رجعنا
_ طب كويس ، المهم انت مبسوط يا حبيبى
= اه انا تمام يا ماما ، عن اذنك هطلع اغير هدومى وانزل تانى علشان جعان وعاوز اتعشى
_ روح يا حبيبى وانا هقولهم يجهزوا العشاء

بعدما صعد سليم نظرت فاتن لزوجها أحمد وقالت

_ كويس يا احمد انك روحت لسليم النادى ده هيفرق معاه جامد
= الفتره اللى جايه هفضى وقت واحاول اقضيه مع سليم
_ ياريت يا احمد
= طب انا هطلع اقعد شويه مع سليم لحد ما تجهزوا العشاء
_ روح يا احمد وربع ساعه والاكل يكون جاهز

صعد احمد وجلس مع سليم

_ خير يا بابا فى حاجه
= مستغربك يا سليم
_ مستغرب من ايه
= مستغرب من طريقتك ومن اسلوبك انت النهارده قتلت اتنين بمنتهى البساطه وراجع ولا كأن فى حاجه حصلت
_ المشاكل اللى عدت علينا خلتنى ممكن اقتل بدل الواحد الف وبمنتهى الهدوء وبرود الاعصاب
= بس انا مش عاوزك تتعود على الدم

ضحك سليم بصوت عال

= بتضحك على ايه
_ فات الاوان يا بابا على الكلام ده ، انا اتعودت على الدم من زمان ، اتعودت على الدم يوم ما شوفت امى قتلت جدك ، اتعودت على الدم يوم ما شوفت جابر اتضرب بالنار قصاد عينى وافتكرت انه مات ، اتعودت على الدم يوم ما شوفت المجزره اللى كانت فى فرح جابر ، مكانش ناقصنى غير حاجه واحده بس وهى انى اجرب اقتل بنفسى وده اللى حصل النهارده
= انت كده بتخوفنى عليك اكتر
_ متخافش يا بابا انا عارف كويس بعمل ايه وبعدين ما انت قتلت وانت فى سنى ولا انت ناسى ده انا سمعت كتير عنك وعن حكاياتك
= وانا مش عاوزك تبقى زيى عاوزك تعيش حياتك بعيد عن المشاكل والقرف اللى احنا فيه
_ انا اسف يا بابا فى هقوله ده بس القرف اللى احنا فيه ده بسببك انت مش بسبب حد تانى وياريت ماترميش باللوم على حد تانى زى ما دايما بتعمل ، مره تتهم جدك ومره تتهم خالك لكن مفيش مره واحده طلعت نفسك غلطان
= للدرجه دى يابنى شايفنى شيطان
_ بالعكس يا بابا انا شايفك احسن اب فى الدنيا كلها بس عمرك ما اعترفت بغلطك ، طول عمرك بتهرب من اخطائك بدل ما تصلحها
= اوعدك يا حبيبى ان كل ده هيتغير
_ ياريت يا بابا وياريت كمان تبعد جدتى عن جابر لأنها لو فكرت تأذيه وتعمله مشاكل انا اللى هوقفلها بنفسى ومش هيهمنى انها جدتى
= حاضر يا حبيبى انا هحاول احل المشكله اللى بينهم
_ ياريت
= طب يلا بينا ننزل علشان نتعشى
_ اسبقنى يا بابا وانا هحصلك


من ناحية أخرى كانت أستر بغرفة نومها مستلقية على سريرها ونائمة وفجاة اشتمت رائحة دخان اخنقتها فاطلق صدرها قهقهات من الكتمة وافتحت عينيها فوجدت رجلاً جالس امامها ولا تعرفه فدققت كثيرا فى ملامحه حتى تعرفه ، فمدت يدها تحت مخدتها وأمسك بمسدسها ووقفت امامه

_ انت مين ؟ جابر !
= عندك سرعة بديهه احييكى عليها
_ انت عاوز ايه وعرفت المكان ده ازاى
= انتى غلطتى غلطه كبيره ومكانش ينفع الليله تعدى من غير ما احاسبك عليها
_ لو فكرت تعمل اى حركه انا هقتلك
= حاولى كده
_ انت هنا فى مكانى واقدر اخلص عليك
= هههههههههه وانا بقولك حاولى اضربى

امسك جابر بيدها وجهها ناحية رأسه ، ثم قام بأستفزازها عدة مرات حتى أطلقت عليه طلقة ولكنها اكتشفت أن المسدس خايلا من الرصاص


_ طلعتى قويه وحاولتى
= انا ممكن اصرخ وساعتها الحرس هيقتحموا الاوضه ويخلصوا عليك
_ طب تعالى كده بصى من الشباك هتشوفى منظر هيعجبك
= هشوف ايه
_ تعالى بس شوفى بنفسك

قامت استر من سريرها وتحركت ناحية الشباك و نظرت منه وفرات كل رجالها مربوطين ويقف خلفهم رجال جابر

_ ايه رائيك فى رجالتك
= عاوز ايه يا جابر
_ جاى احاسبك على غلطتك الجديده
=صدقنى مش انا اللى عملت اللى حصل فى النادى النهارده ،انا مش غبيه علشان اعمل كده
_ انا عارف انه مش انتى اللى عملتى كده
= طالما انت عارف انى مش انا اللى عملت كده جاى دلوقتى عاوز منى ايه
_ انا عارف كويس ان اللى عمل كده الكلب بتاعك اللى هربتيه من السجن علشان يبقى عفريت العلبه اللى هيروشنى علشان معرفش اركز معاكى ، انا مش هطلب منك تسلمينى سعد ولا هطلب منك تبعديه عنى بالعكس ده مش اسلوبى ولا طريقتى فى اللعب
= امال انت عاوز ايه
_ سليم الحارونى خط احمر واللى هيفكر فيكم يقربله انا ههد المعبد على دماغكم واحد واحد فاهمانى
= طلعت حارونى بجد يا جابر
_ عمرى ماحبيت اسم الحارونى وعمرى ما هخليه لقب ليا
= بس ده مايمنعش انك حارونى ومش ساهل كمان ياسلام لو تبقى معايا فى صفى ساعتها مفيش انسان على وش الأرض هيقدر يوقف قصادنا
_ سيبك من الكلام ده لانك عارفه كويس انا وانتى مستحيل نبقى فى فريق واحد
= يا جابر الحياه علمتنى ان مفيش حاجه اسمها مستحيل ، تعالى فى صفى وانا افتحلك كنوز الارض كلها وافتحلك ابواب عمرك ما كنت تتخيل انها موجوده
_ انسى يا استر احنا الظروف بس اللى حكمت ان احنا نتعامل مع بعض لكن عمرنا ما هنبقى فى نفس الفريق اظن انتى فاهمانى كويس
= وانا برضه مش هيأس
_ انا همشى دلوقتى وبكره هكلمك ابلغك بمعاد ومكان الاجتماع علشان نخلص الشغل اللى بينا ، وياريت ماتغيريش مكانك تانى لانى هعرفه برضه خلينا كده نلعب على المكشوف
= ماشى يا جابر نلعب على المكشوف
_ وزى ما قولتلك ابعدى الكلب بتاعك عن سليم احسن ما تروحى انتى فى الرجلين وافتكريها كويس سليم خط احمر واتعلموا اللعب النضيف ، اه قبل ما انسى ياريت تبعتى الفلاشه دى لسعد
= فلاشة ايه دى
_ الفلاشه دى عليها فيديو لواحد من الرجاله اللى اتعرضوا لسليم بلغى سعد على لسانى وقوليله نهايتك قربت ومصيرك هيبقى نفس مصير الراجل بتاعك والحرب اللى اجلتها 15 سنه معادها جيه وياريت يكون مستعدلها لانى هجوع الاسد من دلوقتى علشان الوليمه الكبيره
= الظاهر كده انك شايل من سعد كتير
_ الحرب اللى بينى وبين سعد ماتخصكيش وياريت توصلى الرساله
= حاضر يا جابر

تركها جابر وخرج ثم بعدها أخذ كل رجاله وذهبوا ، هم البيرت ؤاكضا بعدها ودخل ومعه الحرس وقائده

_ ممكن افهم ده حصل ازاى
= الحكايه كلها حصلت فى اقل من نص دقيقه
_ ازاى مش فاهمه
= احنا كنا قاعدين عادى وفجأه قنابل غاز اتضربت علينا من كل ناحيه واغمى علينا وفوقنا بعدها لقينا نفسنا متكتفين فى الجنينه

فرد البيرت

= انا روحت لوحدة التحكم والمراقبه واكتشفت انها مخترقه ومتعطله كمان
_ استاذ
=انتى بتقولى ايه
_ كل الحرس يرجعوا مكانهم لحد ما اتصرف
= حاضر

انصرف الحرس بالقائد وجلست أستر مع البيرت التى كانت شاردة جدا

_ بتفكرى فى ايه
= دهب
_ ايه اللى دهب ده
= انا بشتغل الشغلانه دى بقالى 40 سنه واقدر اعرف الدهب الحقيقى من الدهب المغشوش وجابر ده دهب حقيقى مهما عدى عليه الزمن يفضل محتفظ بقيمته وكل يوم قيمته بتزيد
_ حاسبى يا استر انتى كده هتوقعى فى المحظور
= متخافش يا البيرت انا اعرف اعمل حدود لنفسى كويس اوووى
_ احنا لازم نخلص من جابر فى اسرع وقت
= اللى هيفكر يتعرض لجابر انا هقتله بنفسى
_ انا خلاص مابقتش فاهمك
= انا بقالى كتير مشتاقه للعب ، بقالى كتير بلعب لعب ممل مفيش فيه اى متعه لكن دلوقتى هلعب اللعب الصح
_ طب احنا المفروض نغير المكان فى اسرع وقت بعد جابر ما كشف المكان ده
= لا انا مش هغير المكان ده وخلينا نلعب على المكشوف يا جابر
_ انا بقيت مستغربك على الاخر
= سيبك من اسلوبى اللى انت مستغربه وروح هاتلى لابتوب بسرعه
_ ليه
= تعالى معايا المكتب وهتعرف كل حاجه
_ حاضر

نزلت واستر والبيرت وذهبوا الى اوضة المكتب وقاموا بتشغيل الفلاشة ، كان عليها فيديو لأسد يبتلع رجلا يبدو أنه الرجل الخاص بسعد وكان جابر يجلس على كرسيه ليشاهد الأمر ، استغرب البيرت مما يؤى فهو جمع معلومات كثيرة عن جابر ولم يعرف حتى الآن من أين اوتى بتلك القوة

_ جابر قدر يتحول بالطريقه دى ازاى ، انا المعلومات اللى عندى ان جابر كان شاب عادى جدا لحد من 5 سنين تقريبا معقول فى 5 سنين بس يتحول بالطريقه دى
= جابر كده من زمان بقاله سنين شايل بركان غضب جواه ومش لاقى طريق يخرج بيه النار اللى جواه واخيرا قدر يخرج كل ده
_ واضح
= عاوزاك تبعت الفلاشه دى لسعد وتبلغه رساله على لسان جابر هقولك عليها
_ حاضر