الفصل السادس والعشرون

كانت تجلس أمل الحارونى فى الفيلا مع اختها حنان الحارونى يتحدثون مع بعضهم وحول أمر أمل الفريب وتصرفاتها التى تسبب المشكلات

_ مالك يا امل قاعده منكدة الدنيا ليه
= خلاص يا حنان الدنيا بتدينا ضهرها
_ ليه بتقولى كده يا امل احنا كويسين والدنيا كلها فاتحلنا دراعتها بالحضن
= ده كان زمان
_ كل ده علشان ريهام اتجوزت جابر
= اسكتى يا حنان انتى مش فاهمه حاجه
_ فهمينى يا ستى
= جواز ريهام وجابر ده بداية اللعنه ، جابر عاوز يدخل العيله علشان ينتقم
_ جابر غلبان واتظلم بس برضه مش من النوع اللى ينتقم
= انا عارفه ان جابر اتظلم
_ يبقى خلاص حاولى تصلحى بينك وبينه
= اللى بينى وبين جابر عمره ما هيتصلح الا بموت حد فينا احنا الاتنين لان الدنيا ماتسعناش احنا الاتنين
_ بلاش سيرة الموت دى احنا مش ناقصين
= الفتره اللى جايه مش هتسمعى غير سيرة الموت وبكره تشوفى ، اخوكى مش هيرتاح غير لما ينتقم من ابنك اللى قبض عليه وينتقم من جابر واحمد ابنى ، وجابر عاوز ينتقم من العيله كلها علشان ياخد بتار امه
_ ربنا يعدى الايام اللى جايه على خير ، بس سعد اخويا وحشنى ونفسى اشوفه
= سعد خلاص ضيع نفسه
_ عمرى ما كنت اتصور ان سعد يبقى كده
= ليه يا اختى ما ابوكى كان كده وعمك كان تاجر مخدرات وابنى الكبير اللى مش عارفه بيهبب ايه بالظبط ، احنا كلنا مليانين بلاوى
_ بس سعد مختلف عنهم كلهم ، سعد كان بيحب الحياه وعمره ما كان بتاع مشاكل هو كان عيبه الوحيد موضوع الستات
= ستات بس ولا انتى ناسيه اللى عمله اخوكى مع عبدالرحمن ابو جابر
_ متفكرنيش انا بحاول انسى بقالى سنين ومش قادره
= انا بقى عمرى ما نسيت وكل يوم بفتكر اللى حصل ، بفتكر لما كان سعد يرجع يقابل عمك ويفرحه انه قدر يخلى اصحاب المكاتب يرفدوا عبدالرحمن من شغله لحد ما تقريبا قطع عيشه من كل مكاتب البلد واضطر يسافر القاهره علشان يقدر يعيش
_ يعنى هو سابه بعد ما سافر ولا انتى ناسيه اللى حصل بعد ما عبدالرحمن سافر امريكا وهو فاكر ان سعد صاحبه وحبيبه ومش هو اللى عمل فيه كده
= اخوكى كان زباله من زمان بس احنا مكناش حاسين ويمكن فرحتنا باللى عمله مع عبدالرحمن خلتنا مش شايفين الوحش اللى هو عمله
_ انا دلوقتى خايفه على ابنى سعد مش هيسيب ابراهيم وهينتقم منه خصوصا بعد ما قبض عليه
= متخافيش على ابراهيم ، ابراهيم هيعرف يحمى نفسه كويس جدا ده غير ان جابر مش هيرتاح غير لما يخلص على سعد فى اسرع وقت ممكن وبكره تشوفى
_ ربنا يستر من الايام اللى جايه
= ربنا يستر
_ بس انا عاوزاكى تصلحى العلاقه اللى بينك وبين جابر علشان خاطر بنتك
= ياريت تسكتى يا حنان ومتفتحيش الموضوع ده تانى انا وجابر وصلنا لنهاية الطريق
_ طب جابر وانا فاهمه هو ليه بيكرهك لكن انتى ايه سبب كرهك المبالغ فيه ده
امل : مقدر ومكتوب

على الجانب الأخر بفيلا احمد الحارونى كان يجلس سليمب الجنينة ودخلت على والدته فاتن

_ ازيك يا حبيبى
= الحمد لله كويس يا ماما
_ مبسوط هنا ياحبيبى
= اه انا مرتاح جدا هنا
_ نفسى اعرف ايه سبب كرهك للبلد بالطريقه دى
= مفيش سبب معين بس انا مش مرتاح هناك
_ اعمل يا حبيبى اللى يريحك انا ميهمنيش حاجه فى الدنيا غير سعادتك بس عاوزاك يا حبيبى تاخد بالك من نفسك
= متخافيش عليا يا ماما انا بعرف احمى نفسى كويس
_ انا عارفه انى مخلفه راجل بس علشان خاطرى اسمع كلامى
= حاضر يا ماما
_ انت هتعمل ايه النهارده
= خارج كمان شويه
_ رايح فين
= رايح النادى اقابل اصحابى
_ هتتاخر
= مش عارف ممكن اتاخر
_ طب ماتقفلش تليفونك وتقلقنى عليك
= حاضر يا ماما
_ وخلى الحراسه معاك
= انا زهقت من الحراسه وبعدين انا اعرف احمى نفسى كويس
_ علشان خاطرى يا سليم
= حاضر ياماما بس مش هخلى حد يسوقلى عربيتى
_ ليه بقى
= مش بحب حد يسوق عربيتى وطالما عاوزين اخرج بحراسه يبقى خليهم معايا بس من بعيد
_ حاضر يا حبيبى زى ما تحب
= طب عن اذنك يادوب اغير هدومى واخرج
_ روح يا حبيبى

صعدت سليم إلى غرفته ثم أبدل ملابسه ونزل ركب السيارة وتحرك مع الحراسة على النادى بعدها دخل ووجد اصدقائه بالداخل باسم ومليكة فجلس معهم


على الجانب الأخر بالمزرعة التى بها سعد الحارونى

_ ايه اخر الاخبار يا عصام
= كله تمام يا ريس ده كشف بتحركات ابراهيم الحارونى من اول ما بيخرج من بيته الصبح لحد ما بيرجع تانى بالليل
_ حلو جدا وبعدين
= وبالنسبه لجابر هو موجود دلوقتى فى شركة الصفوانى وسعيد الصفوانى مع بنت عمه فى دريم بارك واحمد الحارونى فى شركة المقاولات اما بقى سليم الحارونى قاعد فى النادى مع جماعه من اصحابه
_ وبالنسبه للحراسه
= قدرت اجند كام واحد من الحراسه اللى مع احمد الحارونى وفى منهم اللى بيحرس سليم نفسه
_ كده حلو اووووى ، انا عاوز سليم إبن أحمد الليله يبقى فى حضنى
= حاضر يافندم
_ جهز رجالتك واتحرك فورا انا مش عاوز سليم يرجع البيت لان هناك الحراسه بتاعة جابر واحنا لحد دلوقتى مش عارفين نتعامل معاهم
_ حاضر يا باشا انا هجهز الرجاله دلوقتى وابعتهم
= يلا اتحرك


من ناحية أخرى تجلس أستر يعقوب ومعها البيرت

_ طمنى عملت ايه
= رجالتنا فى البورصه كلمونى دلوقتى وبلغونى ان كل طلبناه اتنفذ ودلوقتى فى اسهم كتير من شركات احمد الحارونى وقعت وعملت تقريبا خساره مليار دولار
_ حلو
= بس انا مش فاهم ليه انتى عملتى كده مع ان انتى عارفه كويس ان ده نزول صورى ومع الايام الاسهم هترجع تانى زى الاول
_ مفيش حاجه بترجع زى الاول يا البيرت ، الشركات اللى انا قصدت اوقع الاسهم بتاعتها كلها جابر العاصى شريك فيها مع احمد الحارونى والاسهم دى هتأثر على باقى الاسهم وهتاخد فتره كبيره على ما ترجع زى الاول وفى الفتره دى هعرف الاعب جابر كويس
= طب هتعملى ايه مع جابر ده رجع بقاله اسبوع ولحد دلوقتى مفيش جديد
_ جابر عاوز يحس بنفسه ويخلينا احنا الل نطلب نقابله
= على فكره ده شئ منطقى وخصوصا بعد ما هو قدم الغرض بتاعه المفروض احنا اللى نكلمه
_ انا عاوزاك تكلم جابر دلوقتى وتبلغه ان انا هقابله بكره الساعه 10 بالليل فى مكتبى فى مصر الجديده
= حاضر

أخرج البيرت هاتفه وقام بالأتصال بجابر

_ ازيك يا مستر جابر
= مين معايا
_ مع حضرتك البيرت من طرف مدام استر
= اه ، اهلا
_ مدام استر قررت تقابلك بكره الساعه 10 بالليل فى مكتبها
= هههههههههه حلوه دى
_ خير فى حاجه يا مستر جابر
= فى كتير
_ خير حضرتك
= استر لو عاوزه تقابلنى تكلمنى بنفسها وانا اللى احدد المعاد والمكان اللى يناسبنى غير كده ما اعطلكش
_ اشمعنى حضرتك
= ده اللى عندى ومفيش فيه اى نقاش وعاوزك تعرف حاجه مهمه جدا ، جابر مش بيروح لحد

بعدها أغلق جابر الهاتف فى وجه البيرت فنظر البيرت إلى أستر وقال

_ ايه اللى حصل ده
= انا كنت متوقعه ان ده هو اللى هيحصل
_ غريبه انتى مش زعلانه من اللى حصل
= بالعكس ده كده جابر بيتصرف زى ما انا متوقعه بالظبط كده انا فهمت شخصيته
_ مش فاهمك
= عمرك ما هتفهمنى ، انا هكلم جابر بس بعدين
_ زى ما تحبى

على الجانب الأخر انتهى سعيد ومريم من رحلتهم مع الأطفال بدريم بارك واعادوا الأطفال مرة أخرى إلى الدار ومن ثم ركبوا سيارتهم وتحركوا متجهيين إلى الفيلا
_ هتصدقينى لو قولتلك ان ده اجمل يوم فى حياتى
= واضح جدا ، احنا من اول ما دخلنا دريم بارك وانت بتلعب زى الاطفال
_ مش عارف ليه لما دخلنا حسيت بأحساس غريب يمكن اول مره احس بيه
= احساس ايه ده
_ مش عارف بالظبط بس مجرد ما شوفت الاطفال فى كل مكان والالعاب حواليا حسيت وقتها انى عاوز العب مش علشان اخد بالى من الاطفال لا ده علشان انا عاوز كده
= جايز علشان بقالك فتره كبيره مطحون فى شغلك وماصدقت تلاقى وقت تريح فيه دماغك

سكت سعيد ثم ادار وجهه ينظر إلى الطريق

= مالك ساكت كده ليه
_ فى حاجه مهمه عاوز اقولك عليها
= حاجة ايه
_ انا بحبك وعاوز اتجوزك

فجأه مريم وضعت قدمها على فرامل السيارة واقفتها بكل ما اوتت من قوة ثم التفت لتنظر إلى سعيد وقالت

= انت بتقول ايه
_ بقول انى بحبك وعاوز اتجوزك لكن لو مش موافقه اعتبرى انى ماقولتش اى حاجه
= ماقولتش ايه ده انا ما صدقت نطق

وفجأه ارتمت مريم فى حضن سعبد

_ ايه ده معنى كده انك موافقه
= اعملك ايه وانت البعيد جبله مابتحسش ده انا بقالى شهور بلمحلك وانت ولا كأنك موجود
_ يعنى بجد بتحبينى
= بحبك دى كلمه قليله على احساسى بيك
_ طب يلا اتحركى علشان احنا وقفين فى الشارع والناس مككن تتلم علينا كده
= مايهمنيش اى حاجه

على الجانب الأخر كان جابر يجلس بمكتب الشركة ورن هاتفه فاجاب

_ ايوا خير
= الحق بسرعه سليم الحارونى فى خطر
_ انت بتقول ايه
= زى ما سمعتنى ، فى ناس دخلت النادى دلوقتى وقدامهم تقريبا عشر دقايق ويوصلوا لسليم
_ عشر دقايق دى مصيبه اقفل انت

أغلق جابر المكالمة ثم قام على الفور بالأتصال بسليم

_ ايه يابورا
= سليم أنت فى خطر دلوقتى حاول تخرج برا النادى بس خلى بالك وأمن نفسك
_ أنت عرفت منين كل دا فى ايه
= مش وقت أسئلة دلوقتى أعمل اللى قولتلك عليه
_ خلاص حاضر سلام

أغلق سليم المكالمة مع جابر ثم أخرج مسدسه نظر حوله فوجد ان الحرس الخاص به على مسافة بعيدة منه فألتف خلفه وجد ثلاثة أشخاص قادمين بقوة فامسك بمسدسه ثم صوب اربعة طلقات اصاب بهم الثلاثة الذين لم يكونو على إستعداد لأى اطلاق نار

أتى بعدها الحرس لكى يامنه واسمعهم سليم كلمات توبيخ كثيرة وبعدها أتى مدير الأمن الذى أبلغ على الفور والد سليم بالهاتف

مرت عشرة دقائق كان جابر قادماً وخلفه حرسه الخاص بكمية كبيرة ما أن رأه سليم حتى اخذه بالحضن فقال جابر
_ طمنى عليك يا حبيبى انت كويس
= عيب عليك لما تسأل سؤال زى ده وانا تربية جابر
_ اسد يا سليم
= مين دول يا جابر وانت عرفت من فين انهم جليين يقتلونى
_ جاتلى مكالمة تهديد علشان كده لحقتك
= ومين ده اللى بيهددك وليه بيهددك بيا
_ اللى بيهددونى كتير اما بقى ليه بيهددونى بيك علشان عارفين كويس انك نقطة ضعفى بس انت قدرت تثبت انك اسد وهيعملوا الف حساب قبل ما يفكروا يتعرضولك
= عيب عليك انا اقدر عل الف واحد زى دول
_ عارف يا اسد

ما أن لم يتمو حديثهم حتى دخل عليهم أحمد الحارونى ورجاله

_ طمنى عليك يا حبيبى فيك حاجة
= متخافش يابابا أنا كويس دى عيال هبلة بس مش أكتر يعنى

فجأة دخل عليهم مدير النادى لكى يتحدث مع احمد الحارونى

_ احمد باشا حمد الله على السلامه
= اهلا يا فندى ، تقدر تفهمنى ايه اللى حصل ده
_ حضرتك انا حولت مدير الامن وكل افراد الامن للتحقيق وانا هشرف على التحقيق بنفسى لحد ما نعرف مين اللى دخل البلطجيه دول
= لا عنك انت ، كل افراد الامن بما فيهم مدير الامن هيسلموا نفسهم لرجالتى وانا اللى هحقق معاهم بنفسى
_ حاضر يا فندم انا هسلمهم لحضرتك بنفسى
= وده اخر تحذير ليك ولو اتكررت حاجه زى دى تانى ساعتها اطلب لنفسك الرحمه
_ غلطه ومش هتتكرر
= تقدر تستاذن اتفضل يلا ومش عاوز اى حاجه من اللى حصلت توصل للشرطه
_ حاضر يا فندم

بعدها ذهب المدير

_ طمنى عليك يا حبيبى
= قولتلك يا بابا انا كويس متخافش
_ طب يلا بينا نرجع البيت
= حاضر يا بابا
_ وانت يا جابر مش هتمشى معانا
= لا اسبقونى انتوا وانا هحصلكم بس لازم اخلص حاجه فى الاول

نظر إليه سليم وسأله

_ هتعمل ايه يا جابر
= متخافش يا حبيبى هلم الموضوع ده واحصلك
_ ماشى يا جابر لما اشوف اخرتها معاك
= يلا امشوا انتوا

تحرك أحمد وابنه سليم بينما وقف جابر ينظر إلى الثلاث افراد من الواضح ان هناك جثتين وواحد منه لازالت تدب فيه الروح التف جابر ومظر إلى كريم وهذا هو أهم رجال جابر ويعمل معه منذ سنين طويلة
_ يا كريم
= اوامرك يا فندم
_ عاوزك تاخد بتوع الامن والواد اللى لسه عايش وتطلع بيهم على فيلا المقطم
= حاضر يا فندم
_ وعاوزك كمان تلم اجهزة المراقبه اللى فى النادى وتاخدها معاك علشان نراجعها كويس ومش عاوز اى نسخ تفضل فى النادى
= حاضر يا فندم
_ يلا اتحرك وعاوزك تجهز رجالتك علشان احتمال كبير يبقى معانا طلعه الليله
= الرجاله جاهزين دايما
_ طب يلا اتحرك بسرعه

تحرك كريم ونفذ كل طلبات جابر وبعدها تحرك الجميع على فيلا المقطمكان هناك دكتور بانتظار جابر الذى قد حدثه فى الهاتف وابلغه بالحضور ، وبعدما دخلوا وأخرج الدمتور الرصاصة من الشخص المصاب منهم كانت الرصاصة تسكن زراعه فقط ، فنظر بعدها لجابر وقال
_ كله تمام يا باشا انا خرجت الرصاصه وهو تمام دلوقتى
= شكرا يا دكتور ، يعنى هو كويس دلوقتى
_ كويس جدا ، الرصاصه يادوب جات فى دراعه وانا خرجتها ومفيش اى مشاكل وبكره بالكتير هيكون تمام جدا بس هو ينام دلوقتى ويرتاح
= انا عاوزك تفوقه دلوقتى
_ مينفعش يا فندم كده ممكن يبقى فى خطر دى مهما كانت رصاصه
= بقولك فوقه دلوقتى حالا انا لازم استجوبه
_ وانا بقول لحضرتك ان ده ممكن يكون خطر على حياته
= انت عارفنى كويس يا دكتور مش بحب اكرر كلامى نفذ اللى بقولك عليه قدامك ساعه من دلوقتى لحد ما اخلص تحقيق مع اللى جوه
= حاضر يا فندم

تركه جابر وخرج ثم ذهب الى كريم

_ ايه الاخبار يا كريم
= انا راجعت تسجيلات الكاميرات بنفسى
_ وبعدين
= كل افراد الامن اللى على البوابه مظلومين
_ مظلومين ازاى يعنى
= لان الرجاله اللى دخلوا النادى علشان يقتلوا سليم دخلوا بعربيه وكانوا حاطين السلاح فى جيوب سحريه فى العربيه وده اللى ظاهر فى كاميرات الجراج وحضرتك عارف ان العيال بتوع الامن دول عيال غلابه مايفهموش فى الكلام ده بمعنى اصح مش مدربين على الحاجات دى دول مجرد شباب عاوز ياكل عيش وانا حققت معاهم بنفسى واقدر اكدلك الكلام ده
_ تمام يا كريم هاتهم علشان اكلمهم بنفسى
= حاضر يا فندم