الفصل العشرون
انشغل الجميع بحادثة اختفاء جابر وليندا وكان الكل يريد أن يعرف أين هم حتى البيرت واستر الذين لا يعرفون ايضا شيئا عنهم فكانت أستر تحلس فى مكتبها بالمزرعة ودخل عليها البيرت
_ عرفتى اللى حصل
= قصدك اختفاء جابر
_ ايوه
= اه عرفت ، سرينا لسه مكلمانى دلوقتى وبلغتنى باللى حصل وقالت ان عمر الالفى اتصل بيها وكان غضبان على الاخر وهددها ان لو حد لمس ليندا او جابر هيهد الدنيا
_ مين ده اللى يقدر يدخل اللعبه ويخطف جابر بالشكل ده
= ومين قالك ان دياب اتخطف اساسا
_ امال تسمى اللى حصل ده ايه بالظبط
=لعبه
_ لعبه من مين وعلى مين
= لعبه على مين فهى علينا احنا طبعا مش محتاجه سؤال ، اما من مين بقى هو ده السؤال اللى لازم نعرف اجابته فى اسرع وقت وبأى تمن
_ مش فاهم قصدك
= قصدى ان طالما مش احنا اللى عملنا كده يبقى مفيش حد تانى يقدر يعمل كده ، وده معناه ان جابر قاصد يختفى يبقى بيعمل مصيبه سوده هتخلينا نلف وراء بعض شهور علشان بس نعرف ايه هى ، علشان كده لازم نعرف اذا كان عمر الالفى فعلا مش عارف حاجه ولا بيشتغلنا وعامل المسلسل ده مع جابر
_ هى وجهة نظر برضه بس هنعرف الحكايه دى ازاى خصوصا ان احنا مش عارفين نزرع اى عيون عند عمر الالفى او جابر
= احنا فى الاول لازم نعرف مكان جابر
_ وهنعرف مكان جابر ازاى
= خلى رجالتنا يقلبوا تايلاند كلها لحد ما يعرفوا راح فين بالظبط ميسبوش اى شارع غير لما يدخلوه يراجعوا تسجيلات الكاميرات بتاعة كل المطارات ، وارد كمان يكون جابر خرج من تايلاند بأسم تانى عاوزاكم تقلبوا كل المطارات فى كل دول العالم لازم اعرف جابر فين وبيعمل ايه فى اسرع وقت
_ بس الموضوع ده هياخد وقت
= مفيش وقت عاوزه فى خلال كام ساعه اعرف جابر فين
_ حاضر هحاول اتصرف
= يلا روح نفذ
من ناحية أخرى فى جزيرة بأحدى مدن اسبانيا مفصولة عن البلد تماما لا يتواجد على تلك الجزيرة سوى فندق واحد يجلس بتلك الفندق جابر وليندا ، كان جابر جالساً فى التراس الخاص بالفندق يتناول بعضا من القهوة ، فدخلت عليها ليندا
_ صباح الفل يا حبيبى
= صباح الورد يا قمر انت
_ صحيت امتى يا حبيبى
= من الصبح بدرى
_ ليه كده يا حبيبى
= صحيت دخلت الحمام وبعدها معرفتش انام تانى بس انتى ايه النوم ده كله احنا هنقضيها نوم ولا ايه
_ لا يا حبيبى انا خلاص شبعت نوم وننزل دلوقتى نفطر وبعد كده نعمل اللى انت عاوزه
= لا يا حبيبتى انا هنا ملكك يعنى نعمل كل اللى تحبيه
_ بحبك يا قلبى
= هى الساعه دلوقتى كام فى مصر
_ 12 الضهر يا حبيبى
= حلو يبقى ده معاد المكالمه
_ مكالمة ايه انت مش قولت ان مفيش شغل طول اليومين اللى هنقعدهم هنا
= لا مفيش شغل بس لازم اكلم ريهام علشان اعرف ايه اخبار الدنيا هناك بعد اختفاءنا
_ انا مش عارفه ايه الحركه الغريبه اللى انت عملتها دى
= اصبرى اكلم ريهام وبعد كده افهمك كل اللى فى دماغى
_ ماشى يا ادم
اخرج جابر هاتفه وكان به شريحة جديدة ثم قام بالأتصال بريهام ولكنها لم ترد عاود الاتصال به حتى ردت عليها
_ الووووو ، مين معايا
= انا جابر ياحبيبتى ازيك يا ريهام
_ جابر حبيبى انت فين وليه ماكلمتنيش بقالك يومين
= انا فى ايطاليا بخلص شغل ، معلش معرفتش اكلمك لان كان معايا مشاكل فى الشغل هنا
_ مشاكل ايه يا حبيبى
= متشغليش بالك بالمشاكل المهم طمنينى عليكى
_ انا كويسه يا حبيبى
= وايه اخبار الجماعه عندك
_ كلنا كويسين ، اه صحيح احمد اخويا سألنى عليك واذا كنت بتكلمنى ولا لا
= امتى الكلام ده
_ من شويه ، وانا قلقت عليك وخصوصا انك قافل تليفونك حتى اتصلت على تليفون ليندا لقيته مقفول
= انا اللى قولتلها تقفل تليفونها ، وعاوزك انتى كمان تقفلى رقمك ده وتشغلى الرقم التانى اللى سبتهولك قبل ما اسافر واى حد يسألك عنى قوليلهم معرفش عنه حاجه من اول ما سافر .، حتى احمد اخوكى لو سألك تانى تقوليله مش بيتصل بيا
_ ليه ده كله يا حبيبى
= ده موضوع كبير مش هينفع فى التليفون لما ارجع من السفر هبقى احكيلك على رواقه كل حاجه
_ انا كل اللى يهمنى انك تكون كويس وبخير
= انا كويس وكله تمام متقلقيش
_ هترجع امتى يا حبيبى
= اسبوع بالكتير وراجع
_ ترجع بألف سلامه يا حبيبى
= الله يسلمك يا حبيبتى ، معلش يا ريهام هقفل دلوقتى وبعد ما اخلص شغلى هكلمك
_ هستناك يا حبيبى
= متنسيش تقفلى الرقم ده وتشغلى الرقم التانى
_ حاضر يا حبيبى
= مع السلامه
بعدما اغلق جابر المكالمة نظر إلي ليندا والتى قالت
= ايه الاخبار
_ زى ما توقعت الدنيا مقلوبه عليا
= ممكن تفهمنى ايه اللى انت بتعمله ، تخلينا نسافر تايلاند وتعمل مسلسل غريب فى المطار وقال ايه الامن يقبض علينا وندخل اوضه غريبه فيها باب سرى بيخرج على اوضه اغرب وتخلينا نغير هدومنا ونتنكر ونركب طياره تانى بأسماء مختلفه وجنسيات مختلفه ونسافر على اسبانيا ممكن تفهمنى ليه ده كله
_ لأكتر من سبب بس اهمهم نتفسح انا وانتى بعيد عن العيون اللى راصدانا وبعيد عن الحراسه ، عاوز احس انى زى اى انسان طبيعى واخد مراته وبيتفسح من غير اى قيود
= وايه تانى
_ علشان اربك الجماعه واخليهم يقلبوا الدنيا ويتعبوا علشان لما نتقابل فى اجتماع اخر الاسبوع مايبقوش مركزين ويبقى كل تفكيرهم فى سبب اختفائى بالطريقه الغريبه دى ويعرفوا ايه المصيبه اللى انا دبرتها فى اليومين دول
= هى فكره حلوه ، بس انا قلقانه على بابا اكيد دلوقتى قالب الدنيا
_ متخافيش انا بعتله اللى يطمنه
= طب كويس ، طب تفتكر ريهام ممكن تقول لأحمد اخوها أن انت فى ايطاليا
_ اكيد هتقوله
= وايه اللى مخليك متأكد كده
_ ريهام هتعوز تتطمن خصوصا بعد المكالمه دى لانها حست انى فى خطر
= بس فى احتمال انها تسمع كلامك علشان ماتعرضكش لخطر
_ مش مشكله برضو الجماعه هيقلبوا عليا تايلاند وده فى حد ذاته مكسب
= دماغك دى مصيبه يا حبيبى
_ هما اللى عملوا كده فيا ، انا كنت عايش فى حالى ومليش علاقه بأى حاجه وكنت راضى بالفلوس اللى ورثتها من ابويا وكله تمام لكن تقولى ايه بقى الله يسامح اللى كان السبب
= انا عارفه انك بتقول كده من وراء قلبك لان بابا اللى ضمك لشغله
_ ههههههههه يعنى كان فيها ايه لو سابنى اعيش حياتى حر وابقى انسان عادى
= ادم حبيبى عمره ما يكون انسان عادى ، عارف يا ادم حتى لو بابا مكانش شغلك معاه برضه كنت هتدور على طريقه تكون بيها انسان مختلف
_ ماشى يا ستى
= ممكن اطلب منك طلب يا حبيبى
_ انتى تؤمرى امر يا حبيبتى وانا اقولك شبيك لبيك عبدك وملك ايديك
= عاوزاك تسيب امل الحارونى فى حالها
_ ياريت يا ليندا نقفل الموضوع ده علشان مازعلش منك
= يا حبيبى امل الحارونى مش ساهله ولو انت زودتها معاها هتتعبك وهتلعب فى دماغ ريهام وتحول حياتنا لمشاكل واحنا مش فاضيين لمشاكل من النوع ده كفايه علينا مشاكل الشغل مش ناقصين نفتح جبهات تانيه وبعدين ريهام غلبانه وبتحبك وانت كمان بتحبها وكفايه انها ضحت بأخوها علشان تنقذك
_ متخافيش على ريهام انا اخاف عليها اكتر من اى حد لكن الحساب اللى بينى وبين امل كبير وآن الاوان انها تدفع الحساب
= اوعى تكون ناوى تقتلها
_ الموت هيبقى رحمه بالنسبه للى هتشوفه منى ، عارفه يا ليندا امى كانت بالنسبه ليا كل شئ فى حياتى وامل الحارونى خسرتنى امى يبقى لازم امل تخسر كل شئ فى حياتها ساعتها بس نبقى متعادلين واسيبها فى حالها
= طب فهمنى انت ناوى على ايه
_ خليها مفاجأه ، لازم كلهم يدفعوا التمن ويدفعوه غالى جدا
= مين كلهم
_ العيله كلها لازم تحاسب وكل واحد هيحاسب على قد اللى عمله ، اول واحد دفع الحساب كان سعد الحارونى بس شكله كده لسه عاوز يحاسب تانى
= هو ده اللى محيرنى ايه حكاية كرهك لسعد بالشكل ده وليه عملت المسلسل ده كله علشان يتقبض عليه مع انك كنت عارف من الاول طريق القصر وعارف ان سعد هو الباشا ، ايه اللى خلاك تعمل حكايه طويله عريضه علشان يتقبض عليه
_ علشان ببساطه لو كنت بلغت بنفسى كان هيبان انى بنتقم وساعتها مش هعرف اكمل الخطه زى ما انا مظبطها ، ولو كنت بعت حد يبلغ هتبقى خطوه مش مضمونه لأنها قضيه مش ساهله وداخل فيها اكتر من جهاز مخابرات وممكن اتكشف لكن لما اساعدهم وانا مش عارف ان سعد هو الباشا هتبان طبيعيه جدا خصوصا بعد خطف ريهام اللى خلاه منطقى ادخل فى الموضوع
= سعد عمل معاك الصح لما خطف ريهام وخلاك تظهر للناس
_ بالرغم من انها صدفه مش مقصوده بس وفرت عليا كتير جدا
= ايوه انا فاكره يومها لما بعت لمصطفى فى القسم بداية الخيط وجبت سعيد الفيلا علشان برضه تحطه على اول الطريق وكل ده من غير ما تظهر
_ يقوم فجأه سعد يخطف ريهام ومريم وساعتها يبقى ظهورى منطقى ومساعدتى ليهم منطقيه وبالطريقه دى سعد وفر عليا كام شهر وعجل بنهايته بس للأسف طلع زى التعبان اللى لازم اقطع راسه علشان ارتاح منه للأبد
= بس برضه ايه سبب كرهك لسعد بالشكل ده مع انه مش من اعمامك اللى كانوا عاوزين يقتلوك ولا كان ليه علاقه بيك اصلا
_ مين قالك انه ملهوش علاقه بيا بالعكس سعد الحارونى اكتر شخص فى العيله ليا علاقه بيه
= ازاى يعنى مش فاهمه
_ بعدين هقولك
= اشمعنا
_ وبعدين معاكى احنا هنضيع اليوم كله نتكلم فى الشغل والمشاكل احنا جايين نستمتع بيومين قبل المفرمه يلا انجزى علشان انا صاحى من بدرى وجعان
= حاضر يا حبيبى هاخد شاور وننزل على طول
_ يلا بسرعه
_ عرفتى اللى حصل
= قصدك اختفاء جابر
_ ايوه
= اه عرفت ، سرينا لسه مكلمانى دلوقتى وبلغتنى باللى حصل وقالت ان عمر الالفى اتصل بيها وكان غضبان على الاخر وهددها ان لو حد لمس ليندا او جابر هيهد الدنيا
_ مين ده اللى يقدر يدخل اللعبه ويخطف جابر بالشكل ده
= ومين قالك ان دياب اتخطف اساسا
_ امال تسمى اللى حصل ده ايه بالظبط
=لعبه
_ لعبه من مين وعلى مين
= لعبه على مين فهى علينا احنا طبعا مش محتاجه سؤال ، اما من مين بقى هو ده السؤال اللى لازم نعرف اجابته فى اسرع وقت وبأى تمن
_ مش فاهم قصدك
= قصدى ان طالما مش احنا اللى عملنا كده يبقى مفيش حد تانى يقدر يعمل كده ، وده معناه ان جابر قاصد يختفى يبقى بيعمل مصيبه سوده هتخلينا نلف وراء بعض شهور علشان بس نعرف ايه هى ، علشان كده لازم نعرف اذا كان عمر الالفى فعلا مش عارف حاجه ولا بيشتغلنا وعامل المسلسل ده مع جابر
_ هى وجهة نظر برضه بس هنعرف الحكايه دى ازاى خصوصا ان احنا مش عارفين نزرع اى عيون عند عمر الالفى او جابر
= احنا فى الاول لازم نعرف مكان جابر
_ وهنعرف مكان جابر ازاى
= خلى رجالتنا يقلبوا تايلاند كلها لحد ما يعرفوا راح فين بالظبط ميسبوش اى شارع غير لما يدخلوه يراجعوا تسجيلات الكاميرات بتاعة كل المطارات ، وارد كمان يكون جابر خرج من تايلاند بأسم تانى عاوزاكم تقلبوا كل المطارات فى كل دول العالم لازم اعرف جابر فين وبيعمل ايه فى اسرع وقت
_ بس الموضوع ده هياخد وقت
= مفيش وقت عاوزه فى خلال كام ساعه اعرف جابر فين
_ حاضر هحاول اتصرف
= يلا روح نفذ
من ناحية أخرى فى جزيرة بأحدى مدن اسبانيا مفصولة عن البلد تماما لا يتواجد على تلك الجزيرة سوى فندق واحد يجلس بتلك الفندق جابر وليندا ، كان جابر جالساً فى التراس الخاص بالفندق يتناول بعضا من القهوة ، فدخلت عليها ليندا
_ صباح الفل يا حبيبى
= صباح الورد يا قمر انت
_ صحيت امتى يا حبيبى
= من الصبح بدرى
_ ليه كده يا حبيبى
= صحيت دخلت الحمام وبعدها معرفتش انام تانى بس انتى ايه النوم ده كله احنا هنقضيها نوم ولا ايه
_ لا يا حبيبى انا خلاص شبعت نوم وننزل دلوقتى نفطر وبعد كده نعمل اللى انت عاوزه
= لا يا حبيبتى انا هنا ملكك يعنى نعمل كل اللى تحبيه
_ بحبك يا قلبى
= هى الساعه دلوقتى كام فى مصر
_ 12 الضهر يا حبيبى
= حلو يبقى ده معاد المكالمه
_ مكالمة ايه انت مش قولت ان مفيش شغل طول اليومين اللى هنقعدهم هنا
= لا مفيش شغل بس لازم اكلم ريهام علشان اعرف ايه اخبار الدنيا هناك بعد اختفاءنا
_ انا مش عارفه ايه الحركه الغريبه اللى انت عملتها دى
= اصبرى اكلم ريهام وبعد كده افهمك كل اللى فى دماغى
_ ماشى يا ادم
اخرج جابر هاتفه وكان به شريحة جديدة ثم قام بالأتصال بريهام ولكنها لم ترد عاود الاتصال به حتى ردت عليها
_ الووووو ، مين معايا
= انا جابر ياحبيبتى ازيك يا ريهام
_ جابر حبيبى انت فين وليه ماكلمتنيش بقالك يومين
= انا فى ايطاليا بخلص شغل ، معلش معرفتش اكلمك لان كان معايا مشاكل فى الشغل هنا
_ مشاكل ايه يا حبيبى
= متشغليش بالك بالمشاكل المهم طمنينى عليكى
_ انا كويسه يا حبيبى
= وايه اخبار الجماعه عندك
_ كلنا كويسين ، اه صحيح احمد اخويا سألنى عليك واذا كنت بتكلمنى ولا لا
= امتى الكلام ده
_ من شويه ، وانا قلقت عليك وخصوصا انك قافل تليفونك حتى اتصلت على تليفون ليندا لقيته مقفول
= انا اللى قولتلها تقفل تليفونها ، وعاوزك انتى كمان تقفلى رقمك ده وتشغلى الرقم التانى اللى سبتهولك قبل ما اسافر واى حد يسألك عنى قوليلهم معرفش عنه حاجه من اول ما سافر .، حتى احمد اخوكى لو سألك تانى تقوليله مش بيتصل بيا
_ ليه ده كله يا حبيبى
= ده موضوع كبير مش هينفع فى التليفون لما ارجع من السفر هبقى احكيلك على رواقه كل حاجه
_ انا كل اللى يهمنى انك تكون كويس وبخير
= انا كويس وكله تمام متقلقيش
_ هترجع امتى يا حبيبى
= اسبوع بالكتير وراجع
_ ترجع بألف سلامه يا حبيبى
= الله يسلمك يا حبيبتى ، معلش يا ريهام هقفل دلوقتى وبعد ما اخلص شغلى هكلمك
_ هستناك يا حبيبى
= متنسيش تقفلى الرقم ده وتشغلى الرقم التانى
_ حاضر يا حبيبى
= مع السلامه
بعدما اغلق جابر المكالمة نظر إلي ليندا والتى قالت
= ايه الاخبار
_ زى ما توقعت الدنيا مقلوبه عليا
= ممكن تفهمنى ايه اللى انت بتعمله ، تخلينا نسافر تايلاند وتعمل مسلسل غريب فى المطار وقال ايه الامن يقبض علينا وندخل اوضه غريبه فيها باب سرى بيخرج على اوضه اغرب وتخلينا نغير هدومنا ونتنكر ونركب طياره تانى بأسماء مختلفه وجنسيات مختلفه ونسافر على اسبانيا ممكن تفهمنى ليه ده كله
_ لأكتر من سبب بس اهمهم نتفسح انا وانتى بعيد عن العيون اللى راصدانا وبعيد عن الحراسه ، عاوز احس انى زى اى انسان طبيعى واخد مراته وبيتفسح من غير اى قيود
= وايه تانى
_ علشان اربك الجماعه واخليهم يقلبوا الدنيا ويتعبوا علشان لما نتقابل فى اجتماع اخر الاسبوع مايبقوش مركزين ويبقى كل تفكيرهم فى سبب اختفائى بالطريقه الغريبه دى ويعرفوا ايه المصيبه اللى انا دبرتها فى اليومين دول
= هى فكره حلوه ، بس انا قلقانه على بابا اكيد دلوقتى قالب الدنيا
_ متخافيش انا بعتله اللى يطمنه
= طب كويس ، طب تفتكر ريهام ممكن تقول لأحمد اخوها أن انت فى ايطاليا
_ اكيد هتقوله
= وايه اللى مخليك متأكد كده
_ ريهام هتعوز تتطمن خصوصا بعد المكالمه دى لانها حست انى فى خطر
= بس فى احتمال انها تسمع كلامك علشان ماتعرضكش لخطر
_ مش مشكله برضو الجماعه هيقلبوا عليا تايلاند وده فى حد ذاته مكسب
= دماغك دى مصيبه يا حبيبى
_ هما اللى عملوا كده فيا ، انا كنت عايش فى حالى ومليش علاقه بأى حاجه وكنت راضى بالفلوس اللى ورثتها من ابويا وكله تمام لكن تقولى ايه بقى الله يسامح اللى كان السبب
= انا عارفه انك بتقول كده من وراء قلبك لان بابا اللى ضمك لشغله
_ ههههههههه يعنى كان فيها ايه لو سابنى اعيش حياتى حر وابقى انسان عادى
= ادم حبيبى عمره ما يكون انسان عادى ، عارف يا ادم حتى لو بابا مكانش شغلك معاه برضه كنت هتدور على طريقه تكون بيها انسان مختلف
_ ماشى يا ستى
= ممكن اطلب منك طلب يا حبيبى
_ انتى تؤمرى امر يا حبيبتى وانا اقولك شبيك لبيك عبدك وملك ايديك
= عاوزاك تسيب امل الحارونى فى حالها
_ ياريت يا ليندا نقفل الموضوع ده علشان مازعلش منك
= يا حبيبى امل الحارونى مش ساهله ولو انت زودتها معاها هتتعبك وهتلعب فى دماغ ريهام وتحول حياتنا لمشاكل واحنا مش فاضيين لمشاكل من النوع ده كفايه علينا مشاكل الشغل مش ناقصين نفتح جبهات تانيه وبعدين ريهام غلبانه وبتحبك وانت كمان بتحبها وكفايه انها ضحت بأخوها علشان تنقذك
_ متخافيش على ريهام انا اخاف عليها اكتر من اى حد لكن الحساب اللى بينى وبين امل كبير وآن الاوان انها تدفع الحساب
= اوعى تكون ناوى تقتلها
_ الموت هيبقى رحمه بالنسبه للى هتشوفه منى ، عارفه يا ليندا امى كانت بالنسبه ليا كل شئ فى حياتى وامل الحارونى خسرتنى امى يبقى لازم امل تخسر كل شئ فى حياتها ساعتها بس نبقى متعادلين واسيبها فى حالها
= طب فهمنى انت ناوى على ايه
_ خليها مفاجأه ، لازم كلهم يدفعوا التمن ويدفعوه غالى جدا
= مين كلهم
_ العيله كلها لازم تحاسب وكل واحد هيحاسب على قد اللى عمله ، اول واحد دفع الحساب كان سعد الحارونى بس شكله كده لسه عاوز يحاسب تانى
= هو ده اللى محيرنى ايه حكاية كرهك لسعد بالشكل ده وليه عملت المسلسل ده كله علشان يتقبض عليه مع انك كنت عارف من الاول طريق القصر وعارف ان سعد هو الباشا ، ايه اللى خلاك تعمل حكايه طويله عريضه علشان يتقبض عليه
_ علشان ببساطه لو كنت بلغت بنفسى كان هيبان انى بنتقم وساعتها مش هعرف اكمل الخطه زى ما انا مظبطها ، ولو كنت بعت حد يبلغ هتبقى خطوه مش مضمونه لأنها قضيه مش ساهله وداخل فيها اكتر من جهاز مخابرات وممكن اتكشف لكن لما اساعدهم وانا مش عارف ان سعد هو الباشا هتبان طبيعيه جدا خصوصا بعد خطف ريهام اللى خلاه منطقى ادخل فى الموضوع
= سعد عمل معاك الصح لما خطف ريهام وخلاك تظهر للناس
_ بالرغم من انها صدفه مش مقصوده بس وفرت عليا كتير جدا
= ايوه انا فاكره يومها لما بعت لمصطفى فى القسم بداية الخيط وجبت سعيد الفيلا علشان برضه تحطه على اول الطريق وكل ده من غير ما تظهر
_ يقوم فجأه سعد يخطف ريهام ومريم وساعتها يبقى ظهورى منطقى ومساعدتى ليهم منطقيه وبالطريقه دى سعد وفر عليا كام شهر وعجل بنهايته بس للأسف طلع زى التعبان اللى لازم اقطع راسه علشان ارتاح منه للأبد
= بس برضه ايه سبب كرهك لسعد بالشكل ده مع انه مش من اعمامك اللى كانوا عاوزين يقتلوك ولا كان ليه علاقه بيك اصلا
_ مين قالك انه ملهوش علاقه بيا بالعكس سعد الحارونى اكتر شخص فى العيله ليا علاقه بيه
= ازاى يعنى مش فاهمه
_ بعدين هقولك
= اشمعنا
_ وبعدين معاكى احنا هنضيع اليوم كله نتكلم فى الشغل والمشاكل احنا جايين نستمتع بيومين قبل المفرمه يلا انجزى علشان انا صاحى من بدرى وجعان
= حاضر يا حبيبى هاخد شاور وننزل على طول
_ يلا بسرعه