الفصل الرابع عشر
قامت استر من مكتبها واتجهت ناحية الباب وفتحته لسعد وبعدها اتبعت قائلة
_ الباب مفتوحلك ياسعد اتفضل امشى ومفيش اى بنى ادم هيتعرضلك ، لو حبيت تقابلنى تانى انت عارف الطريقة كويس
ذهب سعد وتركها فدخل عليها البيرت موما من فعلتها
_ ايه اللى انتى عملتيه ده ازاى تسيبى سعد يمشى احنا كده فى خطر
= قولتلك قبل كده انا عارفه كويس انا بعمل ايه
_ انا كل اللى عارفه انك كنتى عاوزه تستغلى سعد فى حربك ضد جابر وسعيد واحمد الحارونى بس دلوقتى مش عارف هتعملى كده ازاى بعد ما سبتيه يمشى
= كان لازم ده يحصل
_ طب فهمينى بتفكرى فى ايه
= طب اسمعنى كويس لان دى اخر مره هشرحلك فيها ، سعد ده كارت محروق ومش هقدر العب بيه زى زمان بس زى ما قولتلك قبل كده انى لازم احسس سعد بالامان من ناحيتنا علشان ميفكرش يغدر بينا لازم سعد يتأكد ان مصلحته معانا احنا ، احنا قدرنا نثبتله الكلام ده لما هربناه من السجن بس برضه كان لسه عنده شويه من عدم الثقه فينا لما اجى دلوقتى وافتحله الطريق علشان يتعامل بحريه كده هشيل من دماغه اى شك فينا وبكده احنا كسبنا سعد من غير اى تهديد
_ انا كده فهمتك
= طب كويس انك فهمت
_ طب حاجه اخيره
= هتقولى ليه ما قولتش لسعد انى عاوزاه علشان ننتقم من الجماعه
_ ايوه
= مش بقولك غبى وعمرك ما هتفهم ، انا لو قولت لسعد الكلام ده هيفهم ان انا هربته علشان مصلحه وبعد ما يخلصها هنخلص منه لكن لو اتاكد من انا هربته علشان مش عاوزه منه اى حاجه ساعتها هيبقى فى كلام تانى خالص وبعدين سعد مش محتاج انى اقوله انى عاوزاه ينتقم من احمد وجابر وسعيد النار اللى جواه هى اللى هتحركه وهتخليه يعمل اللى احنا عاوزينه من غير ما نطلب احنا كل اللى علينا اننا نحطه على اول الطريق وهو ده اللى حصل هربناه من السجن وسيبناه يتحرك براحته اتفرج دلوقتى على اللى هيحصل احنا فتحنا القفص للأسد وسيبه بقى يتعامل
_ انتى ازاى بتفكرى فى كل ده
= دى خبرة سنين كتير ملهاش عدد ، سيبنى يا البيرت دلوقتى
خرج البيرت وترك استر تفكر وحدها
من ناحية أخرى باحدى شواطئ الغردقة كان تتواجد ريهام الحارونى وجابر يقضون شهر العسل ، كانوا جالسين على احدى شواطى البحر ، وكانت ريهام شاردة فنظر اليها جابر وقال
_ مالك يا حبيبتى سرحانه فى ايه
= فرحانه وخايفه ومش مصدقه حاجات كتير انا مش عارفه اوصفها
_ ايه ده كله
= فرحانه انى اتجوزتك اخيرا ، بس خايفه الفرحه دى تخلص بسرعه وافوق من الحلم الجميل اللى عايشه فيه
_ خلاص يا حبيبتى احنا اتجوزنا ومع بعض ومفيش حد هيقدر يفرقنا عن بعض
= بس اللى حصل يوم فرحنا بيقول عكس كده
_ قصدك علشان خالك هرب
= خالى جواه غل منك انت واخويا ومش هيسيبكم
_ انا هعرف اوقفه فى الوقت المناسب
= ايه هتقتله
_ لا متخافيش مش هتوصل لكده
= امال هتعمل ايه
_ هرجعه السجن تانى
= دى حاجه مش بسيطه خصوصا بعد الطريقه اللى هرب بيها
_ متخافيش انا ليا طرقى وبعرف اتعامل مع المشاكل اللى زى دى كويس
= ياريت يا جابر تخاف على نفسك شويه وبلاش فتحة الصدر بتاعتك دى ، انا مش مستغنيه عنك وكفايه الفتره اللى اتحرمت منك فيها
_ خلاص يا حبيبتى مفيش حرمان تانى
= ممكن اطلب منك طلب بس وحياتى عندك ما تكسفنى
_ مقدرش يا قلبى اكسفك
= نفسى تصفى الامور بينك وبين ماما
نظر اليها جابر وبعدها وجهه نظره الى البحر ولم يرد
= ساكت ليه
_ علشان مش عاوز اقولك كلمه تزعلك قولت اسكت احسن
= يا حبيبى علاقتك انت وماما تاعبانى
_ من الاحسن مانتكلمش تانى فى الموضوع ده
= اسمعنى بس يا حبيبى
قاطعها جابر مسرعا وفى عصبية
_ الكلام فى الموضوع ده مرفوض نهائى وانتى تحمدى ربنا اصلا انها جات على قد الخصام بينى وبين والدتك كل اللى ليكى عندى انى ماحرمكيش انتى منها واوعدك انى عمرى ما هتدخل فى علاقتك انتى بيها ولو ربنا اكرمنا وخلفنا اطفال انا عمرى ما هحرمهم من جدتهم غير كده محدش ليه عندى اى حاجه واظن ان احنا اتكلمنا فى الموضوع ده قبل جوازنا
= انا عارفه ان احنا اتكلمنا فى الموضوع ده قبل كده بس دى مهما كانت امى
_ واللى ماتت زمان كانت امى ، زى ما امك غاليه عليكى انا كمان امى غاليه عندى
= بس انت خلاص انتقمت من جدك وسبته مات بالحسره عليك
_ ولولا وصية ابويا كنت قتلته بايدى ، بس انا مش ندمان على اللى عملته فيه ولو رجع بيا الزمن كنت هعمل نفس اللى عملته ويمكن اكتر
= يا جابر الموضوع ده مر عليه سنين كتير يعنى المفروض تكون نسيت او على الاقل النار اللى جواك تكون هديت ، لكن انت بتتكلم كان اللى حصل ده حصل امبارح
_ وللاسف عمرى ما هنساه ، زمان وانا صغير لما جدى مات امى كانت على طول زعلانه وبتعيط بس بعدها بفتره اتاقلمت على الوضع وبقيت تتعامل عادى ، وقتها انا سألتها انتى ليه مش زعلانه على جدى زى الاول عارفه قالتلى ايه
= قالتلك ايه
_ قالتلى من رحمة ربنا بينا ان كل حاجه بتتولد صغيره ومع الوقت بتكبر الا الحزن بيتولد كبير وبعد كده بيصغر ، وقتها انا مصدقتش كلامها ومكنتش مقتنع بيه ودارت الايام واكتشفت انها عندها حق فى كلامها بس فى حاجه واحده بس
= حاجة ايه دى
_ ان الحزن مع الوقت بيقل لكن مش بيختفى ، بس للاسف ده بيبقى فى الحالات الطبيعيه لكن فى ظروفى انا الحزن بيزيد كل يوم عن التانى ، حزنى بيزيد لما بفتكر ان امى عاشت معانا فى ايام الفقر بس ، حزنى بيزيد لما بفتكر الايام اللى عشنا فيها اغراب فى بلد غريبه ، حزنى بيزيد لما بفتكر اليوم اللى دخلت علينا فيه امك وهددت امى اننا لو مبعدناش عن العيله هيقتلونى ، وقتها امى اخدتنى فى حضنها وكانت بتترعش من الخوف وهى بتبص على امك ، والغريبه وقتها ان امك كانت نظراتها قويه وكلامها كان ناشف ولا كأنها بتهدد بقتل طفل صغير عنده 5 سنين ، نظرة امك دى فضلت ملزمانى طول عمرى ، كنت على طول بشوفها فى الكوابيس بس عمرى ما قدرت احكى لابويا اى حاجه
= خلاص يا جابر كفايه مش قادره اسمع اى حاجه تانى
_ انتى تعبتى من مجرد كلام لكن انا عيشت كل ده
= خلاص يا جابر انا مش هكلمك فى موضوع ماما تانى بس توعدنى وعد
_ متخافيش انا عمرى ما هعمل حاجه لمامتك ، انا لو كنت لسه بفكر فى الانتقام ماكنتش اتجوزتك من اصله
= كويس انك طمنتنى
_ طب يلا ادخلى اجهزى علشان ننزل البحر ، الجو النهارده حلو
= حاضر يا حبيبى
_ اعملى حسابك ان احنا راجعين البلد بكره
= ليه كده يا جابر احنا يادوب اخدنا اسبوع واحد
_ معلش يا حبيبتى بس عندى شغل مهم فى القاهره وبعدها معايا سفرية شغل
= يعنى كمان هتسافر وتسيبنى
_ انا مسافر علشان اظبط شغلى ولا انتى ناسيه انك رافضه تعيشى فى امريكا وصممتى انى استقر فى مصر وعلشان كده لازم اظبط امور شغلى هناك قبل ما استقر فى مصر
= يعنى هتصفى شغلك فى امريكا
_ لا طبعا مش هصفى شغلى هناك ، بس والد ليندا هناك هو اللى ماسك الشغل كله وهنعين مساعدين معاه ولازم اكون معاه فى الخطوه دى ، ده غير من وقت للتانى هسافر امريكا علشان اتابع الشغل هناك
= طب اسافر معاك دلوقتى
_ لا خليها المره اللى جايه لانى هسافر اكتر من بلد مابين امريكا وايطاليا ومش هبقى فاضى هناك ، لكن وعد منى اول سفريه بعد كده هاخدك معايا
= طب هتتاخر هناك
_ لا مش هتاخر يادوب اسبوع او عشر ايام بالكتير
= تروح وتيجى بالسلامه يا حبيبى
_ طب يلا بسرعه انجزى علشان نلحق نقضى اليوم قبل ما يخلص
= حاضر ياحبيبى
_ انا هروح الريسبشن اشرب فنجان قهوة عقبال ما تخلصى ماشى
ذهب جابر وتركها لكى يتناول فنجان القهوة الخاص به
من ناحية اخرى فى امريكا كانت تجلس ليندا بغرفتها فى تمام الساعة الثالثة فجرا وفجاة طرقت الباب ودخلت عليها مارى والدتها
_ انا لما لاقيت نور الاوضه شغال قولت اكيد سهرانه
= انتى عارفه انى بخاف اقعد الضلمه
_ انا افتكرت ان الموضوع انتهى بعد جوازك من جابر لانك من بعدها بتنامى عادى والنور مطفى
= طول ما ادم جمبى ومعايا مش بخاف لكن لما بيبعد عنى الخوف بيرجع تانى
_ انتى زعلانه من موضوع جواز جابر
= شئ طبيعى انى ازعل والا ابقى مش بحس بس انا بحب ادم ومستعده اضحى بأى حاجه علشان احس انه سعيد
_ دى برضه حاجه مستغربينها انا وباباكى ، ازاى توافقى على انه يتجوز عليكى
= دى حياتى وانا حره فيها
_ انا عارفه ان دى حياتك وانتى حره فيها بس برضه كده انتى هتتعبى
= واتعب ليه طالما ادم بيراعى شعورى ومش بيقصر معايا
فى وسط حديثهم رن هاتف ليا فنظرت للشاشة كان جابر ابتسمت ابتسامة واسعة وردت عليه
_ ازيك يا حبيبى وحشتنى
= انا كويس يا روحى المهم انتى كويسه
_ انا كويسه طول ما بسمع صوتك يا ادم
= انا قولت الحق اكلمك قبل ما تنامى
_ وانا اقدر انام قبل ما اسمع صوتك ، انا بقالى وقت صاحيه ومستنياك تتكلم
= طب ليه ما اتصلتيش انتى
_ مش عاوزه اعملك مشكله مع ريهام وخصوصا ان انتوا فى شهر العسل
= مفيش الكلام ده ، انتى مراتى زيك زيها ومن حقك تكلمينى فى الوقت اللى يعجبك
_ ربنا يخليك ليا يا حبيبى ومايحرمنى من حنيتك عليا
= طمنينى عليكى انتى المهم
_ صدقنى يا حبيبى انا كويسه ، على فكره ماما بتسلم عليك
= سلميلى عليها
_ حاضر يا حبيبى
= انتى بتعملى ايه دلوقتى
_ قاعده مع ماما وشويه وهنام
= طب روحى يا حبيبتى واول ما تصحى كلمينى ، تصبحى على خير
_ وانت من اهله يا حبيبى
بعدما اغلقت ليندا المكالمة نظرت اليها والدتها وقالت
_ شكلك بيتغير خالص لما بتكلمى آدم
= بيتغير ازاى يعنى
_ الفرحه بتبقى ماليه وشك وعينك بتضحك
= طبعا مش بكلم حبيبى
_ ماشى يا حبيبتى ربنا يسعدكم
= يارب يا ماما
_ طب اسيبك تنامى وترتاحى
= تصبحى على خير يا ماما
_ وانتى من اهله يا حبيبتى
من ناحية أخرى بعدما اطمئن مصطفى وسعيد على لمياء وسمح لها الدكتور بالخروج اخذواها وذهبوا بها إلى المنزل كانت لمياء تمشى على قدميها ولا يوجد اى مشكلة فالمتابعة فى المستشفى جعلت منها امراة طبيعية لا يوجد اعراض بعد الولادة ، بعدها اخبرها سعيد بان عليهم ان يعودون إلى القاهرة غدا وبعد بعض الاعتراضات ، اتفقا عن ان يغادرا ولكن لابد قبل المغادرة أن يذهبون إلى الحاج عزت ، وزوجته لكى يرون اسامة ويفرحون به ، اخذ مصطفى لمياء وابنه اسامة وذهب معهم سعيد وذهبوا إلى منزل الحاج عزت
بعدما فتح الحاج عزت الباب ورأهم ارتسمت البهجة على وجهه فقال
_ ازيك يا سعيد، ازيك يا مصطفى
رد عليه سعيد
= احنا كويسين يا عمى
فأتبع مصطفى قائلا
= سامحنا يا عمى لو اتاخرنا عليك بس لما تعرف ظروفنا هتعزرنا
_ دى مراتك يا مصطفى
= ايوه يا عمى ، دى لمياء مراتى
_ اهلا وسهلا بيكى يابنتى منوره البلد
فردت عليه لمياء
= البلد منوره بناسها يا عمى
_ ابنك ده ولا بنتك يا مصطفى صح ولا انا غلطان
= ايوه يا عمى ده ابنى
_ ربنا يباركلك فيه ويفرحك بيه ، عمتك هتفرح اوووى لما تشوفه
= هى فين
_ فوق فى اوضة المرحوم
= فى حد معاها
_ لا هى وحدها ، امنيه لسه ماشيه ، تعالوا معايا نطلعلها
= يلا بينا
صعدوا جميعا إلى غرفته اسامة حيث تجلس بها الحاجة فاطمة وما أن دخلوا عليها وشاهدت لمياء وابنها معهم فقالت
_ الف مبروك يا مصطفى ، اخيرا عشت لليوم اللى شوفت فيه ابنك
= الله يديكى الصحه وطولة العمر يا عمتى
_ عقبال ما اشيل اولادك انت كمان يا فقرى
رد عليها سعيد
= يارب يا عمتى
_ مراتك حلوه اوى يا مصطفى لا بجد عرفت تختار
= ربنا يخليكى يا عمتى
_ الواد طالع زى القمر شبه مامته ، انت سميته ايه يا مصطفى
= سميته اسامه يا عمتى نطق مصطفى اسم اسامة وفى تلك اللحظة اصابت الخضة وجه الحاج عزت بينما الحاجة فاطمة اصابهتا الرجفة والارتعاش ولما تقوى على قول شئ سوى انها احتضنت الطفل اكثر بعحضنها وبكت كثيرا عليه
نظر اليها سعيد وقال
_ بتعيطى ليه يا عمتى دلوقتى
= فرحانه بيكم يابنى ، النهارده بس صدقت انكم مسامحين وقلوبكم مش شايله من اسامه برغم كل اللى عمله
_ ياعمتى احنا اتربينا على ايدك وفى بيت الحاج عزت واللى اتربى على ايد الحاج عزت والحاجه فاطمه عمره ما يتعلم يشيل من حد ولازم يسامح احنا فى الاول وفى الاخر اولادك
= ليه اسامه ماطلعش زيكم ، كان زمانه عايش وسطينا وكان زمانه شايل اسامه الصغير وفرحان بيه
رد عليها الحاج عزت قايلا
_ دى اقدار يا فاطمه ، كله مقدر ومكتوب ، ربنا اخد مننا ابننا وعوضنا بمصطفى وسعيد والنهارده عوضنا كمان بأسامه الصغير اشكرى ربنا على كده
= الحمد لله على كل شئ
شالت الحاجه فاطمه اسامه وقبلته فى رأسه من ثم نظرت إليه وقالت
_ ربنا يحميك يابنى ويحفظك ويجعل حظك فى الدنيا احسن من حظ صاحب الاسم وربنا يدينى العمر لحد ما افرح بيك
فرد عليها سعيد
= هتفرحى بيه وتجوزيه كمان
_ مش لما اجوزك انت الاول
= هو انتى يا عمتى كل ما هتشوفينى لازم تفتحى الموضوع ده
_ عاوزه افرح بيك يا سعيد
= حاضر يا عمتى هتفرحى بيا بس واحده واحده ، واوعدك قريب اوووى هفرحك
_ لو مش لاقى عروسه انا اشوفلك
= بعدين نتكلم فى الموضوع ده ، احنا جايين دلوقتى نقعد معاكى شويه ونسلم عليكى علشان مسافرين بكره
_ ليه كده انا لسه ماشبعتش منكم ولا من اسامه
= معلش يا عمتى بس معانا شغل ومصطفى اجازته خلصت ولازم نرجع بس اوعدك قريب جدا هننزل البلد ونزورك
_ ماتغيبوش عليا
= ما نقدرش نغيب عنك
_ الباب مفتوحلك ياسعد اتفضل امشى ومفيش اى بنى ادم هيتعرضلك ، لو حبيت تقابلنى تانى انت عارف الطريقة كويس
ذهب سعد وتركها فدخل عليها البيرت موما من فعلتها
_ ايه اللى انتى عملتيه ده ازاى تسيبى سعد يمشى احنا كده فى خطر
= قولتلك قبل كده انا عارفه كويس انا بعمل ايه
_ انا كل اللى عارفه انك كنتى عاوزه تستغلى سعد فى حربك ضد جابر وسعيد واحمد الحارونى بس دلوقتى مش عارف هتعملى كده ازاى بعد ما سبتيه يمشى
= كان لازم ده يحصل
_ طب فهمينى بتفكرى فى ايه
= طب اسمعنى كويس لان دى اخر مره هشرحلك فيها ، سعد ده كارت محروق ومش هقدر العب بيه زى زمان بس زى ما قولتلك قبل كده انى لازم احسس سعد بالامان من ناحيتنا علشان ميفكرش يغدر بينا لازم سعد يتأكد ان مصلحته معانا احنا ، احنا قدرنا نثبتله الكلام ده لما هربناه من السجن بس برضه كان لسه عنده شويه من عدم الثقه فينا لما اجى دلوقتى وافتحله الطريق علشان يتعامل بحريه كده هشيل من دماغه اى شك فينا وبكده احنا كسبنا سعد من غير اى تهديد
_ انا كده فهمتك
= طب كويس انك فهمت
_ طب حاجه اخيره
= هتقولى ليه ما قولتش لسعد انى عاوزاه علشان ننتقم من الجماعه
_ ايوه
= مش بقولك غبى وعمرك ما هتفهم ، انا لو قولت لسعد الكلام ده هيفهم ان انا هربته علشان مصلحه وبعد ما يخلصها هنخلص منه لكن لو اتاكد من انا هربته علشان مش عاوزه منه اى حاجه ساعتها هيبقى فى كلام تانى خالص وبعدين سعد مش محتاج انى اقوله انى عاوزاه ينتقم من احمد وجابر وسعيد النار اللى جواه هى اللى هتحركه وهتخليه يعمل اللى احنا عاوزينه من غير ما نطلب احنا كل اللى علينا اننا نحطه على اول الطريق وهو ده اللى حصل هربناه من السجن وسيبناه يتحرك براحته اتفرج دلوقتى على اللى هيحصل احنا فتحنا القفص للأسد وسيبه بقى يتعامل
_ انتى ازاى بتفكرى فى كل ده
= دى خبرة سنين كتير ملهاش عدد ، سيبنى يا البيرت دلوقتى
خرج البيرت وترك استر تفكر وحدها
من ناحية أخرى باحدى شواطئ الغردقة كان تتواجد ريهام الحارونى وجابر يقضون شهر العسل ، كانوا جالسين على احدى شواطى البحر ، وكانت ريهام شاردة فنظر اليها جابر وقال
_ مالك يا حبيبتى سرحانه فى ايه
= فرحانه وخايفه ومش مصدقه حاجات كتير انا مش عارفه اوصفها
_ ايه ده كله
= فرحانه انى اتجوزتك اخيرا ، بس خايفه الفرحه دى تخلص بسرعه وافوق من الحلم الجميل اللى عايشه فيه
_ خلاص يا حبيبتى احنا اتجوزنا ومع بعض ومفيش حد هيقدر يفرقنا عن بعض
= بس اللى حصل يوم فرحنا بيقول عكس كده
_ قصدك علشان خالك هرب
= خالى جواه غل منك انت واخويا ومش هيسيبكم
_ انا هعرف اوقفه فى الوقت المناسب
= ايه هتقتله
_ لا متخافيش مش هتوصل لكده
= امال هتعمل ايه
_ هرجعه السجن تانى
= دى حاجه مش بسيطه خصوصا بعد الطريقه اللى هرب بيها
_ متخافيش انا ليا طرقى وبعرف اتعامل مع المشاكل اللى زى دى كويس
= ياريت يا جابر تخاف على نفسك شويه وبلاش فتحة الصدر بتاعتك دى ، انا مش مستغنيه عنك وكفايه الفتره اللى اتحرمت منك فيها
_ خلاص يا حبيبتى مفيش حرمان تانى
= ممكن اطلب منك طلب بس وحياتى عندك ما تكسفنى
_ مقدرش يا قلبى اكسفك
= نفسى تصفى الامور بينك وبين ماما
نظر اليها جابر وبعدها وجهه نظره الى البحر ولم يرد
= ساكت ليه
_ علشان مش عاوز اقولك كلمه تزعلك قولت اسكت احسن
= يا حبيبى علاقتك انت وماما تاعبانى
_ من الاحسن مانتكلمش تانى فى الموضوع ده
= اسمعنى بس يا حبيبى
قاطعها جابر مسرعا وفى عصبية
_ الكلام فى الموضوع ده مرفوض نهائى وانتى تحمدى ربنا اصلا انها جات على قد الخصام بينى وبين والدتك كل اللى ليكى عندى انى ماحرمكيش انتى منها واوعدك انى عمرى ما هتدخل فى علاقتك انتى بيها ولو ربنا اكرمنا وخلفنا اطفال انا عمرى ما هحرمهم من جدتهم غير كده محدش ليه عندى اى حاجه واظن ان احنا اتكلمنا فى الموضوع ده قبل جوازنا
= انا عارفه ان احنا اتكلمنا فى الموضوع ده قبل كده بس دى مهما كانت امى
_ واللى ماتت زمان كانت امى ، زى ما امك غاليه عليكى انا كمان امى غاليه عندى
= بس انت خلاص انتقمت من جدك وسبته مات بالحسره عليك
_ ولولا وصية ابويا كنت قتلته بايدى ، بس انا مش ندمان على اللى عملته فيه ولو رجع بيا الزمن كنت هعمل نفس اللى عملته ويمكن اكتر
= يا جابر الموضوع ده مر عليه سنين كتير يعنى المفروض تكون نسيت او على الاقل النار اللى جواك تكون هديت ، لكن انت بتتكلم كان اللى حصل ده حصل امبارح
_ وللاسف عمرى ما هنساه ، زمان وانا صغير لما جدى مات امى كانت على طول زعلانه وبتعيط بس بعدها بفتره اتاقلمت على الوضع وبقيت تتعامل عادى ، وقتها انا سألتها انتى ليه مش زعلانه على جدى زى الاول عارفه قالتلى ايه
= قالتلك ايه
_ قالتلى من رحمة ربنا بينا ان كل حاجه بتتولد صغيره ومع الوقت بتكبر الا الحزن بيتولد كبير وبعد كده بيصغر ، وقتها انا مصدقتش كلامها ومكنتش مقتنع بيه ودارت الايام واكتشفت انها عندها حق فى كلامها بس فى حاجه واحده بس
= حاجة ايه دى
_ ان الحزن مع الوقت بيقل لكن مش بيختفى ، بس للاسف ده بيبقى فى الحالات الطبيعيه لكن فى ظروفى انا الحزن بيزيد كل يوم عن التانى ، حزنى بيزيد لما بفتكر ان امى عاشت معانا فى ايام الفقر بس ، حزنى بيزيد لما بفتكر الايام اللى عشنا فيها اغراب فى بلد غريبه ، حزنى بيزيد لما بفتكر اليوم اللى دخلت علينا فيه امك وهددت امى اننا لو مبعدناش عن العيله هيقتلونى ، وقتها امى اخدتنى فى حضنها وكانت بتترعش من الخوف وهى بتبص على امك ، والغريبه وقتها ان امك كانت نظراتها قويه وكلامها كان ناشف ولا كأنها بتهدد بقتل طفل صغير عنده 5 سنين ، نظرة امك دى فضلت ملزمانى طول عمرى ، كنت على طول بشوفها فى الكوابيس بس عمرى ما قدرت احكى لابويا اى حاجه
= خلاص يا جابر كفايه مش قادره اسمع اى حاجه تانى
_ انتى تعبتى من مجرد كلام لكن انا عيشت كل ده
= خلاص يا جابر انا مش هكلمك فى موضوع ماما تانى بس توعدنى وعد
_ متخافيش انا عمرى ما هعمل حاجه لمامتك ، انا لو كنت لسه بفكر فى الانتقام ماكنتش اتجوزتك من اصله
= كويس انك طمنتنى
_ طب يلا ادخلى اجهزى علشان ننزل البحر ، الجو النهارده حلو
= حاضر يا حبيبى
_ اعملى حسابك ان احنا راجعين البلد بكره
= ليه كده يا جابر احنا يادوب اخدنا اسبوع واحد
_ معلش يا حبيبتى بس عندى شغل مهم فى القاهره وبعدها معايا سفرية شغل
= يعنى كمان هتسافر وتسيبنى
_ انا مسافر علشان اظبط شغلى ولا انتى ناسيه انك رافضه تعيشى فى امريكا وصممتى انى استقر فى مصر وعلشان كده لازم اظبط امور شغلى هناك قبل ما استقر فى مصر
= يعنى هتصفى شغلك فى امريكا
_ لا طبعا مش هصفى شغلى هناك ، بس والد ليندا هناك هو اللى ماسك الشغل كله وهنعين مساعدين معاه ولازم اكون معاه فى الخطوه دى ، ده غير من وقت للتانى هسافر امريكا علشان اتابع الشغل هناك
= طب اسافر معاك دلوقتى
_ لا خليها المره اللى جايه لانى هسافر اكتر من بلد مابين امريكا وايطاليا ومش هبقى فاضى هناك ، لكن وعد منى اول سفريه بعد كده هاخدك معايا
= طب هتتاخر هناك
_ لا مش هتاخر يادوب اسبوع او عشر ايام بالكتير
= تروح وتيجى بالسلامه يا حبيبى
_ طب يلا بسرعه انجزى علشان نلحق نقضى اليوم قبل ما يخلص
= حاضر ياحبيبى
_ انا هروح الريسبشن اشرب فنجان قهوة عقبال ما تخلصى ماشى
ذهب جابر وتركها لكى يتناول فنجان القهوة الخاص به
من ناحية اخرى فى امريكا كانت تجلس ليندا بغرفتها فى تمام الساعة الثالثة فجرا وفجاة طرقت الباب ودخلت عليها مارى والدتها
_ انا لما لاقيت نور الاوضه شغال قولت اكيد سهرانه
= انتى عارفه انى بخاف اقعد الضلمه
_ انا افتكرت ان الموضوع انتهى بعد جوازك من جابر لانك من بعدها بتنامى عادى والنور مطفى
= طول ما ادم جمبى ومعايا مش بخاف لكن لما بيبعد عنى الخوف بيرجع تانى
_ انتى زعلانه من موضوع جواز جابر
= شئ طبيعى انى ازعل والا ابقى مش بحس بس انا بحب ادم ومستعده اضحى بأى حاجه علشان احس انه سعيد
_ دى برضه حاجه مستغربينها انا وباباكى ، ازاى توافقى على انه يتجوز عليكى
= دى حياتى وانا حره فيها
_ انا عارفه ان دى حياتك وانتى حره فيها بس برضه كده انتى هتتعبى
= واتعب ليه طالما ادم بيراعى شعورى ومش بيقصر معايا
فى وسط حديثهم رن هاتف ليا فنظرت للشاشة كان جابر ابتسمت ابتسامة واسعة وردت عليه
_ ازيك يا حبيبى وحشتنى
= انا كويس يا روحى المهم انتى كويسه
_ انا كويسه طول ما بسمع صوتك يا ادم
= انا قولت الحق اكلمك قبل ما تنامى
_ وانا اقدر انام قبل ما اسمع صوتك ، انا بقالى وقت صاحيه ومستنياك تتكلم
= طب ليه ما اتصلتيش انتى
_ مش عاوزه اعملك مشكله مع ريهام وخصوصا ان انتوا فى شهر العسل
= مفيش الكلام ده ، انتى مراتى زيك زيها ومن حقك تكلمينى فى الوقت اللى يعجبك
_ ربنا يخليك ليا يا حبيبى ومايحرمنى من حنيتك عليا
= طمنينى عليكى انتى المهم
_ صدقنى يا حبيبى انا كويسه ، على فكره ماما بتسلم عليك
= سلميلى عليها
_ حاضر يا حبيبى
= انتى بتعملى ايه دلوقتى
_ قاعده مع ماما وشويه وهنام
= طب روحى يا حبيبتى واول ما تصحى كلمينى ، تصبحى على خير
_ وانت من اهله يا حبيبى
بعدما اغلقت ليندا المكالمة نظرت اليها والدتها وقالت
_ شكلك بيتغير خالص لما بتكلمى آدم
= بيتغير ازاى يعنى
_ الفرحه بتبقى ماليه وشك وعينك بتضحك
= طبعا مش بكلم حبيبى
_ ماشى يا حبيبتى ربنا يسعدكم
= يارب يا ماما
_ طب اسيبك تنامى وترتاحى
= تصبحى على خير يا ماما
_ وانتى من اهله يا حبيبتى
من ناحية أخرى بعدما اطمئن مصطفى وسعيد على لمياء وسمح لها الدكتور بالخروج اخذواها وذهبوا بها إلى المنزل كانت لمياء تمشى على قدميها ولا يوجد اى مشكلة فالمتابعة فى المستشفى جعلت منها امراة طبيعية لا يوجد اعراض بعد الولادة ، بعدها اخبرها سعيد بان عليهم ان يعودون إلى القاهرة غدا وبعد بعض الاعتراضات ، اتفقا عن ان يغادرا ولكن لابد قبل المغادرة أن يذهبون إلى الحاج عزت ، وزوجته لكى يرون اسامة ويفرحون به ، اخذ مصطفى لمياء وابنه اسامة وذهب معهم سعيد وذهبوا إلى منزل الحاج عزت
بعدما فتح الحاج عزت الباب ورأهم ارتسمت البهجة على وجهه فقال
_ ازيك يا سعيد، ازيك يا مصطفى
رد عليه سعيد
= احنا كويسين يا عمى
فأتبع مصطفى قائلا
= سامحنا يا عمى لو اتاخرنا عليك بس لما تعرف ظروفنا هتعزرنا
_ دى مراتك يا مصطفى
= ايوه يا عمى ، دى لمياء مراتى
_ اهلا وسهلا بيكى يابنتى منوره البلد
فردت عليه لمياء
= البلد منوره بناسها يا عمى
_ ابنك ده ولا بنتك يا مصطفى صح ولا انا غلطان
= ايوه يا عمى ده ابنى
_ ربنا يباركلك فيه ويفرحك بيه ، عمتك هتفرح اوووى لما تشوفه
= هى فين
_ فوق فى اوضة المرحوم
= فى حد معاها
_ لا هى وحدها ، امنيه لسه ماشيه ، تعالوا معايا نطلعلها
= يلا بينا
صعدوا جميعا إلى غرفته اسامة حيث تجلس بها الحاجة فاطمة وما أن دخلوا عليها وشاهدت لمياء وابنها معهم فقالت
_ الف مبروك يا مصطفى ، اخيرا عشت لليوم اللى شوفت فيه ابنك
= الله يديكى الصحه وطولة العمر يا عمتى
_ عقبال ما اشيل اولادك انت كمان يا فقرى
رد عليها سعيد
= يارب يا عمتى
_ مراتك حلوه اوى يا مصطفى لا بجد عرفت تختار
= ربنا يخليكى يا عمتى
_ الواد طالع زى القمر شبه مامته ، انت سميته ايه يا مصطفى
= سميته اسامه يا عمتى نطق مصطفى اسم اسامة وفى تلك اللحظة اصابت الخضة وجه الحاج عزت بينما الحاجة فاطمة اصابهتا الرجفة والارتعاش ولما تقوى على قول شئ سوى انها احتضنت الطفل اكثر بعحضنها وبكت كثيرا عليه
نظر اليها سعيد وقال
_ بتعيطى ليه يا عمتى دلوقتى
= فرحانه بيكم يابنى ، النهارده بس صدقت انكم مسامحين وقلوبكم مش شايله من اسامه برغم كل اللى عمله
_ ياعمتى احنا اتربينا على ايدك وفى بيت الحاج عزت واللى اتربى على ايد الحاج عزت والحاجه فاطمه عمره ما يتعلم يشيل من حد ولازم يسامح احنا فى الاول وفى الاخر اولادك
= ليه اسامه ماطلعش زيكم ، كان زمانه عايش وسطينا وكان زمانه شايل اسامه الصغير وفرحان بيه
رد عليها الحاج عزت قايلا
_ دى اقدار يا فاطمه ، كله مقدر ومكتوب ، ربنا اخد مننا ابننا وعوضنا بمصطفى وسعيد والنهارده عوضنا كمان بأسامه الصغير اشكرى ربنا على كده
= الحمد لله على كل شئ
شالت الحاجه فاطمه اسامه وقبلته فى رأسه من ثم نظرت إليه وقالت
_ ربنا يحميك يابنى ويحفظك ويجعل حظك فى الدنيا احسن من حظ صاحب الاسم وربنا يدينى العمر لحد ما افرح بيك
فرد عليها سعيد
= هتفرحى بيه وتجوزيه كمان
_ مش لما اجوزك انت الاول
= هو انتى يا عمتى كل ما هتشوفينى لازم تفتحى الموضوع ده
_ عاوزه افرح بيك يا سعيد
= حاضر يا عمتى هتفرحى بيا بس واحده واحده ، واوعدك قريب اوووى هفرحك
_ لو مش لاقى عروسه انا اشوفلك
= بعدين نتكلم فى الموضوع ده ، احنا جايين دلوقتى نقعد معاكى شويه ونسلم عليكى علشان مسافرين بكره
_ ليه كده انا لسه ماشبعتش منكم ولا من اسامه
= معلش يا عمتى بس معانا شغل ومصطفى اجازته خلصت ولازم نرجع بس اوعدك قريب جدا هننزل البلد ونزورك
_ ماتغيبوش عليا
= ما نقدرش نغيب عنك