الفصل الثالث عشر

بعدما خرج جابر واحمد من المستشفى اتفق كلا منهم على أن يذهب إلى منزله ويللتقوا غدا ، فأخذ جابر ليندا ، وذهب إلى بيته وقرر تأجيل فرحه لكى تستريح اعصاب ريهام ، وبعدها ذهب أحمد إلى القصر فكان بأنتظاره الجميع أمل والدته وعمر الحارونى ، ومحمد ابن عمه وفاتن زوجته وابنه سليم ومعهم ريهام الحارونى عروس الليلة التى تحولت إلى ليلة قتلة ..
سأله محمد الحارونى كى يطمئن منه غلى الاحوال

_ ايه الأخبار فى المستشفى يا احمد
= كله تمام معظم رجالتنا فى حاله مستقره ومفيش اى حد منهم مات
_ طب كويس وايه اخبار لمياء
= حالتها مستقره على الاخر وولدت وكله تمام
ردت بعدها والدته قائلة
_ مين اللى عمل كده وليه
= عاوزه تعرفى يا امى مين اللى عمل كدا ، الكلاب اللى مشغلين اخوكى ومن قبلها كانوا مشغلين ابوكى
_ انت بتقول ايه
= زى ما سمعتى كده اخوكى هرب من السجن فى وقت الفرح واكيد مش هيعرف يهرب لوحده اكيد اللى مشغلينه هما اللى هربوه
نظرت اليه ولم ترد بعدما عرفت بامر هروب اخيها
= ساكته ليه ،مش لاقيه كلام تقوليه طبعا ، من كام سنه ابوكى حاول يقتل ابنى ، وبعدها اخوكى كان عاوز يقتلنى والنهارده كان المفروض اتقتل انا وجابر وسعيد ليه كل ده ، كله بسبب ابوكى فى الاول والاخر كلنا بندفع تمن حاجات احنا ملناش اى ذنب فيها
رد عليه والده عمر الحارونى لكى يهدئ منه قليلا
_ خلاص يا احمد كفايه يابنى كدا
فسأله ابنه عن جابر
= فين جابر يا بابا
_ راح مشوار وهيرجع تانى يا حبيبى
فأعاد محمد نفس السؤال
= هو جابر فين يا احمد
_ اخد ليندا علشان يوصلها البيت وهيرجع بكره الصبح علشان ياخد ريهام

ضحكت الأم ثم أتلعت متمتمة
= من اولها كده
_ ايه هو اللى من اولها يا امى
= مش المفروض النهارده دخلته على ريهام
_ ده فى الظروف الطبيعيه لكن بعد اللى حصل والتعب اللى تعبناه انا اقترحت عليه يأجلها لبكره علشان كمان ريهام تكون مستعده
= انت اللى اقترحت برضه
_ امال ايه يعنى
= مش جايز يكون هو اللى مش قادر على بعد حبيبة القلب
_ طب خدى بالك من كلامظ يا أمى وشوفى انتى بتقولى ايه
= بقول ايه مش هى دى الحقيقه بقى فى حد يسيب عروسته ليلة دخلتها
_ وهو سابها ليه مش علشان اللى حصل النهارده وبعدين جابر لو مش بيحب ريهام مش هيتجوزها

ردت ريهام لاول مرة والدموع تملئ عينيها

= ياريت يا امى كفايه كلام فى الموضوع ده وراعى ان برضه انسانه وليا مشاعر زى اى حد

وقامت ريهام بعدها وذهب إلى غرفتها وهى تبكى
نظر عمر إلى أمل وقال

_ انتى ايه بالظبط مش عارفه تفكرى خلاص مفيش دماغ ولا الكره اللى جواكى اثر على تفكيرك
= جايين تلومونى انا وسايبين المحروس اللى بيعاملنا كأننا خدامين عنده وبنلتمسله الف عذر اه يا زمن والله عشنا وشوفنا ابن الخدامه وهو حاطط راسه براس اسياده
رد عليها أحمد
_ صحيح اللى خلف مماتش
= لا مات وانت ومراتك اللى قتلتوه ولا نسيت
ردت عليها فاتن بعدما ضاق صدرها هى ايضا
_ وانا قتلته ليه مش علشان كان عاوز يقتل ابنى وعيشت سنين محرومه منه ياه يامرات عمى دلوقتى بقيت مرات ابنك ، فاكره زمان لما قولتيلى انك بنتى مش مرات ابنى ، فاكره يوم ما امى ماتت انتى قولتيلى ايه قولتيلى انك امى وطول السنين اللى فاتت بقولك يا ماما لكن للأسف النهارده انا امى ماتت ، عن اذنكم انا ماشيه ، تعالى يا سليم
= حاضر يا ماما

خرجت فاتم ومعها سليم وذهبت بهم

_ عاجبك كده يا امى خليتى الكل هيكرهك حولتى الليله الجميله لليله سوده
= يا احمد روح شوف مراتك وماتسيبهاش دلوقتى وبعدين نشوف اخرتها مع أمك
_ حاضر يا ابويا

على الجانب الأخر كان جابر قد وصل هو وليندا إلى الفيلا فقالت له ليندا
_ اخيرا الليله خلصت وعدت على خير
= كانت ليله طويله
_ على فكره يا ادم قبل ما انسى ، الرجاله بتوعنا استلموا شحنة السلاح خلاص ووصلوا بيها المخازن
= كويس كدا
_ هنعمل ايه دلوقتى
= ولا اى حاجه السلاح يتخزن فى المخازن وميتحركش من مكانه
_ ليه كده مش المفروض السلاح يسافر الاسبوع اللى جاى
= الكلام ده كان فى الظروف الطبيعيه لكن بعد اللى حصل الليله لازم اى شغل يتجمد لحد ما نشوف ايه هيحصل
_ بس اكيد الجماعه محتاجين السلاح
= ايه رائيك ان شحنه تتأخر عن معادها شويه وقت ولا تتلغى اصلا وميبقاش فى اصلا
_ عندك حق خلاص انا هبلغ الجماعه يوقفوا اى شغل
= فى اسرع وقت
_ طب يلا روح انت لريهام علشان الوقت اتأخر وكده ممكن الجماعه يتضايقوا
= لا انا اجلت كل حاجه لبكره اما بقى ليلة النهارده كلها معاكى انتى يا قمر
_ بجد يا ادم
= بجد يا قلب ادم يلا جهزى الليله على ما اخد شاور
_ حاضر يا حبيبى نص ساعه وهخليك تعيش احلى ليله قبل ما اسافر
= مسافره فين
_ هرجع امريكا
= ليه كدا
_ علشان انت تاخد راحتك مع ريهام وتقضى شهر العسل بتاعك مبسوط ده غير ان بابا وماما وحشونى وعاوزه استغل الوقت ده واقعد معاهم
= انتى زعلانه من موضوع جوازى ياليندا
_ لا بالعكس يا حبيبى بس علشان انت تاخد راحتك ومتشيلش همى
= براحتك يا حبيبتى بس مش عاوزك تتأخرى هناك
_ اول ما تخلص شهر العسل بتاعك كلمنى وهنزل مصر فى اول طياره
= حاضر يا حبيبتى

على الجانب الأخر كانت لمياء فاقت بالمستشفى ويجلس معها الجميع بالغرفة بداية من مصطفى ومريم وشيرين لسعيد وريهام اخت مصطفى والحاجة كريمة والحاج على العصار
بارك سعيد للمياء
_ الف مبروك يا احلى بنت عم فى الدنيا كلها
= الله يباركلى فيك يا اجدع اخ فى الدنيا
ردت مريم
_ بس البيبى زى القمر
= طبعا طالع لمامته
فرد عليه مصطفى
_ ايه يا زفت انت قصدك ان انا وحش
= لا طبعا يا اخويا بس من وجهة نظرك مين احلى انت ولا القمر دى
_ انت محدش يعرف ياخد معاك حق ولا باطل
= اخيرا يا مصطفى بقيت اب
_ عقبالك يا سعيد
فردت ريهام قائلة
_ انا مش مصدقه انى بقيت عمه
نظر سعيد ال إلى الحاج علة فوجده مبتسم ولكن لا يتحدث
= مالك يا عمده ساكت كده ليه
_ فى احساس غريب جوايا
= احساس ايه ده
_ احساس فرحه على خوف على حاجات كتير مش عارف اوصفها
= لا قول ان انت مش مصدق انك كبرت خلاص وبقيت جد
_ كبرت ايه يا بغل انت حسن ملافظك
= الانكار مش هيفيد بحاجه يا عمده
فردت عليه الحاجة كريمة
_ اخرس يا زفت انت
= بقى كده يا عمتى ماشى
سألتهم مريم عن نيتهم فى تسمة البيبى
_ سيبكم من الكلام الفاضى ده وتعالوا نفكر فى اسم حلو للبيبى
فرد مصطفى
= انا خلاص قررت بعد اذنكم كلكم
_ هتسميه ايه
= انا فى الاول كنت مقرر اسميه على اسم اجدع اب فى الدنيا بس معلش يا حاج سامحنى انا غيرت رائيى
_ مسامحك يابنى بس فى حاله واحده
فساله سعيد
= ايه الحاله دى يا عمده
_ لو كان اختار الاسم اللى فى دماغى
= وايه الأسم اللى فى دماغك يا عمده
_ لما اعرف الاسم اللى اختاره الاول
فرد عليهم مصطفى
= انا قررت اسميه اسامه
_ جدع يا مصطفى يابنى انت كده ابنى اللى ربيته
= هو ده مصطفى صاحبى واخويا وعشرة عمرى
نظر مصطفى إلى لمياء وسألها فرد عليه
_ حلو اوى الإسم
= كويس انه عجبك
_ انا كنت متوقعه حاجه زى دى من الاول

جلسوا بعدها يتحدثون قليلا وبعدها اخذ الحاج على مصطفى وسعيد بالخارج لكى يتحدث مع سعيد حول أمر زواجه وانه لابد وأن يتزوج قبل ما يتعدى الثلاثينات فتلك الفترة هى الانسب وان لم يفعل ذلك فسافوته الكثير والكثير ، واخبره ايضا هو مصطفى ان مريم ابنه عمه تحبه كثيرا وهذا يظهر على كل تصرفاته حتى خرج سعيد يتمشى قليلا لكى يفكر فى كلامهم

على الجانب الأخر سافرت ليندا امريكا ، واخذ جابر ريهام وسافرو بكر يقضون شهر العسل بالخارج

بعد اسبوع من استقرار حالة لمياء سمح لهم الدنتور بالخروج وخرجو من المستشفى وعادوا مؤة اخرى إلى البيت

من ناحية اخرى فى المزرعة كانت تجلس استر ومعها البيرت

_ وبعدين فى اللى بيحصل ده
= مالك يا البيرت
_ اموت واعرف دماغك فيها ايه
= قصدك ايه
_ من ساعة وصول سعد هنا وانتى رافضه تقابليه ومحرجه عليا انى اقابله وهو هيتجنن مش فاهم ايه اللى بيحصل
= قولتلك الف مره قبل كده ان اهم قاعده فى الشغل معايا هى الصبر عيبك يا البيرت انك مستعجل دايما فى فرق كبير بينك وبينى انت عايز كل حاجه فى حالا وبسرعه لكن انا بحب سياسة النفس الطويل
_ الكلام ده لو كنا بنتعامل مع حد لأول مره لكن سعد ده واحد من رجالتنا واكيد ولاءه لينا
= تبقى غبى وعمرك ما هتتعلم سعد ده واحد خاين ، خان مراته واهله وبلده وكل حاجه واللى يخون مره يخون التانيه
_ يعنى قصدك ان سعد ممكن يخونا
= شئ طبيعى ومتوقع
_ طالما شاكه فيه كده عاوزه تتعاملى معاه تانى ليه كفايه ان احنا هربناه من السجن ، احنا ممكن نخرجه بره البلد وهو عمل من ورانا فلوس كتير وممكن نديله فلوس تانى ونتقى شره
= مش بقولك دايما مستعجل ، بتحب تريح نفسك وتختار الحل البسيط ، عارف يا البيرت زمان كان فى راجل عظيم اسمه تيودور هيرتزل ، الراجل ده كان عنده ايمان عظيم بفكرة الرجوع للوطن ، كان مؤمن ان من حقنا نرجع لأرضنا علشان كده فكر وخطط واتبع سياسة النفس الطويل بالرغم من انه مات قبل ما يشوف الحلم اللى حلم بيه هو وبيتحقق ، عارف يا البيرت لو كان هرتزل متهور زيك كده واخد كل حاجه بالاستعجال وعدم الصبر كان زمان الحلم ده راح واتبخر من زمان ، كان الحلم انتهى من قبل ما يبدا
_ انا عارف كل اللى بتقوليه ده
= ولا عارف ولا مهبب ، روح ابعتلى سعد علشان اتكلم معاه
_ حاضر

خرج البيرت وبعد دقائق فتح الباب وادخل سعد واغلق الباب خلقه ، بمجرد ما اغلق الباب ذهب استر تجرى لكى تحتضن سعد

_ وحشتنى يا حبيبى
= واضح اوى انى وحشتك بدليل انك سايبانى طول الفتره اللى فاتت
_ يا حبيبى انت مش عارف انا عملت ايه علشان اعرف اهربك من السجن ولا عارف انا وقفت قصاد مين علشان امنع قرار موتك
= لا كتر خيرك
_ يعنى انت مش مصدقنى يا سعد
= انا خلاص بطلت اصدق حد
_ يا سعد انا مش مضطره اكذب عليك وانت اكتر واحد عارف انا مين واقدر اعمل ايه وكمان عارف انا بحبك قد ايه ولولا وجودى كان زمانك ميت من اول يوم اتقبض عليك فيه
= سيبك من الكلام ده كله وقوليلى انتى عاوزه منى ايه خلينا نخلص
_ انا مش عاوزه منك اى حاجه
= يعنى عاوزه تقنعينى انك عملتى كل ده وهربتينى علشان سواد عيونى اكيد فى سبب يخليكى تعملى علشانه كل ده
_ فعلا فى سبب
= انا قولت كده من الاول خير عاوزين منى ايه تانى ، انا خلاص كارت واتحرق
_ برضه فهمتنى غلط زى ما طول عمرك فاهمنى غلط السبب اللى خلانى اعمل كل ده علشانه هو انى بحبك
= وبعدين
_ اذا كنت مش مصدقنى براحتك بس مسير الايام هتثبتلك ان مفيش حد حبك قدى انا مش طالبه منك اى رد ، بس زى ما انت قولت من شويه انك بقيت كارت محروق ومن الغباء انك تلعب بكارت محروق بس انا فعلا هربتك علشان بحبك وعلشان اثبتلك كلامى الباب مفتوح قصادك ومفيش اى حد يقدر يتعرضلك تقدر تمشى
= اه علشان مجرد ما اخرج اتقتل على طول او تبلغوا عنى واتحبس تانى
_ يا سعد انا لو كنت عاوزه اقتلك كنت قتلتك وانت فى السجن من غير اى مجهود يا سعد انت اشتغلت معانا سنين وعارف ان احنا لينا ناس فى كل حته فى البلد ولو كنت عاوزه اخلص منك كنت عملتها وبعدين انت هنا فى مكانى ولو عاوزه اخلص منك مفيش حد هيمنعنى ، انا عارفه انك ذكى وهتحسبها كويس ، وعلشان تحسبها براحتك انا هسيبك تخرج من هنا وصدقنى مفيش اى مخلوق هيتعرضلك ولو حبيت ترجعلى انت عارف الطريقه اتفضل يا سعد